മാ​വേ​ലി​ക്ക​ര: പാ​ക്കി​സ്ഥാ​ന്‍റെ പ്ര​കോ​പ​ന​ങ്ങ​ളെ സ​ധൈ​ര്യം നേ​രി​ട്ട് ത​ക്ക​താ​യ മ​റു​പ​ടി ന​ല്കി​യ ഇ​ന്ത്യ​യു​ടെ ശ​ക്തി​യെക്കു​റി​ച്ച് ഒ​രു സം​ശ​യ​വും വേ​ണ്ടെ​ന്നും നി​സാ​ര​മാ​യി ഇ​ന്ത്യ​യെ കാ​ണാ​ന്‍ ക​ഴി​യി​ല്ലെ​ന്ന് ഇ​ന്ന് ലോ​ക​രാ​ഷ്‌ട്രങ്ങ​ള്‍ മ​ന​സി​ലാ​ക്കി​യി​രി​ക്കു​ന്നു​വെ​ന്നും മാ​വേ​ലി​ക്ക​ര ബി​ഷ​പ് ഡോ. ​ജോ​ഷ്വാ മാ​ര്‍ ഇ​ഗ്‌​നാ​ത്തി​യോ​സ്.

സ്വാ​ഭി​മാ​ന്‍ സം​ര​ക്ഷ​ണസ​മി​തി മാ​വേ​ലി​ക്ക​ര​യി​ല്‍ ന​ട​ത്തി​യ ത്രി​വ​ര്‍​ണ സ്വാ​ഭി​മാ​ന ആ​ഘോ​ഷ യാ​ത്ര​യു​ടെ സ​മാ​പ​ന സ​മ്മേ​ള​നം ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം. ബ്രി​ട്ടീ​ഷു​കാ​രു​ടെ വി​ഭ​ജി​ച്ചു ഭ​രി​ക്കു​ക എ​ന്ന ല​ക്ഷ്യ​ത്തോ​ടെ ഇ​ന്ത്യാ​ മ​ഹാ​രാ​ജ്യ​ത്തെ വെ​ട്ടി​മു​റി​ച്ചു. പി​ന്നീ​ട് നാം ​നി​ര​വ​ധി യു​ദ്ധ​ങ്ങ​ള്‍ നേ​രി​ടേ​ണ്ടി​വ​ന്നു.

കാ​ശ്മീ​ര്‍ മു​ത​ല്‍ ക​ന്യാ​കു​മാ​രിവ​രെ ഒ​ര​മ്മ​യു​ടെ മ​ക്ക​ളാ​ണ്. എ​ല്ലാ ഇ​ന്ത്യ​ക്കാ​രും അ​ഭി​മാ​ന​ത്തോ​ടുകൂ​ടി ഇ​രി​ക്കു​ന്ന സ​മ​യ​മാ​ണി​തെ​ന്നും അ​ദ്ദേ​ഹം പ​റ​ഞ്ഞു.

2018-ല്‍ ​കാശ്മീ​രി​ല്‍ പാ​ക് വെ​ടി​വയ്പില്‍ വീ​ര​മൃ​ത്യു വ​രി​ച്ച ധീ​രജ​വാ​ന്‍ സാം ​ഏ​ബ്ര​ഹാ​മി​ന്‍റെ അ​മ്മ സാ​റാ​മ്മ ഏ​ബ്ര​ഹാം, യു​ഹാ​നോ​ന്‍ പു​ത്ത​ന്‍​വീ​ട്ടി​ല്‍ റ​മ്പാ​ന്‍ എ​ന്നി​വ​ര്‍ ദേ​ശീ​യ പ​താ​ക കൈ​മാ​റി ത്രി​വ​ര്‍​ണ സ്വാ​ഭി​മാ​ന യാ​ത്ര ഉ​ദ്ഘാ​ട​നം ചെ​യ്തു. സാം ​ഏ​ബ്ര​ഹാ​മി​ന്‍റെ ഭാ​ര്യ അ​നു, മ​ക​ന്‍ എ​ന്നി​വ​രും പ​ങ്കെ​ടു​ത്തു.

മാ​വേ​ലി​ക്ക​ര പു​ന്ന​മൂ​ട് സാം ​ഏ​ബ്ര​ഹാ​മി​ന്‍റെ സ്മൃ​തി​മ​ണ്ഡ​പ​ത്തി​ല്‍നി​ന്ന് ആ​രം​ഭി​ച്ച ത്രി​വ​ര്‍​ണ സ്വാ​ഭി​മാ​ന യാ​ത്ര സ്വ​കാ​ര്യ ബ​സ് സ്റ്റാ​ന്‍​ഡി​നു സ​മീ​പം സ​മാ​പി​ച്ചു.

സ്വാ​ഭി​മാ​ന്‍ സം​ര​ക്ഷ​ണ സ​മി​തി ക​ണ്‍​വീ​ന​ര്‍ പ്ര​വീ​ണ്‍ ഇ​റ​വ​ങ്ക​ര, ചെ​യ​ര്‍​മാ​ന്‍ ഫ്രാ​ന്‍​സി​സ് ടി. ​മാ​വേ​ലി​ക്ക​ര, ബി​ജെ​പി ആ​ല​പ്പു​ഴ തെ​ക്ക് ജി​ല്ലാ പ്ര​സി​ഡ​ന്‍റ് സ​ന്ദീ​പ് വാ​ച​സ്പ​തി, മേ​ഖ​ലാ പ്ര​സി​ഡ​ന്‍റു​മാ​രാ​യ എ​ന്‍.​ ഹ​രി, കെ.​ സോ​മ​ന്‍, സെ​ക്ര​ട്ട​റി ബി. ​കൃ​ഷ്ണ​കു​മാ​ര്‍, മു​ന്‍ ജി​ല്ലാ പ്ര​സി​ഡ​ന്‍റ് എം.​വി. ഗോ​പ​കു​മാ​ര്‍, അ​ഡ്വ. കെ.​കെ. അ​നൂ​പ്, കൃ​ഷ്ണ​കു​മാ​ര്‍ രാം​ദാ​സ്, പി.​ബി. അ​ഭി​ലാ​ഷ്, പാ​ല​മു​റ്റ​ത്ത് വി​ജ​യ​കു​മാ​ര്‍, അ​ഡ്വ. അ​രു​ണ്‍ തു​ട​ങ്ങി​യ​വ​ര്‍ നേ​തൃ​ത്വം ന​ല്കി.