ഉദയനാപുരം: അക്കരപ്പാടം ഗവ. യുപി സ്കൂളിലെ യുപി വിഭാഗത്തിലെ കുട്ടികൾ അവധിക്കാല നീന്തൽ പരിശീലനം നടത്തി. നീന്തൽ പരിശീലനം പൂർത്തിയാക്കിയ വിദ്യാർഥികൾക്ക് ഉദയനാപുരം പഞ്ചായത്ത് പ്രസിഡന്‍റ് പി.കെ. ആനന്തവല്ലി സർട്ടിഫിക്കറ്റുകളും ട്രോഫിയും നൽകി.
ഉദയനാപുരം പഞ്ചായത്തിന്‍റെ നേതൃത്വത്തിൽ നടത്തിയ നീന്തൽ പരിശീലനത്തിൽ 50 കുട്ടികളാണ് പങ്കെടുത്തത്. പഞ്ചായത്ത് ഹാളിൽ നടന്ന സർട്ടിഫിക്കറ്റ് വിതരണത്തിൽ പഞ്ചായത്ത് വൈസ് പ്രസിഡന്‍റ് അനൂപ്, മുൻ വൈസ് പ്രസിഡന്‍റ് ടി.പ്രസാദ്, പരിശീലകൻ ബൈജു, മിനി വർഗീസ്, ഇ.ആർ. നടേശൻ, സുനിത എന്നിവർ പങ്കെടുത്തു.
സ്‌കൂള്‍ വാൻ ഫ്ലാഗ് ഓഫ് ചെയ്ത ു
കടുത്തുരുത്തി: മുട്ടുചിറ ഗവ. യുപി സ്‌കൂളിന് പുതുതായി അനുവദിച്ച സ്‌കൂള്‍ വാനിന്‍റെ ഫ്ലാഗ് ഓഫ് തോമസ് ചാഴികാടന്‍ എംപി നിര്‍വഹിച്ചു.
എംപിയുടെ പ്രാദേശിക വികസന ഫണ്ടില്‍നിന്നുള്ള 12 ലക്ഷം രൂപ ഉപയോഗിച്ചാണ് ബസ് വാങ്ങിയത്. വാടകയ്ക്ക് എടുത്തിരുന്ന വാഹനത്തിലായിരുന്നു കുട്ടികളെ സ്‌കൂളില്‍ കൊണ്ടുവന്നിരുന്നത്.
പഞ്ചായത്ത് പ്രസിഡന്‍റ് സൈനമ്മ ഷാജു അധ്യക്ഷത വഹിച്ചു. ജില്ലാ പഞ്ചായത്തംഗം ജോസ് പുത്തന്‍കാല, പഞ്ചായത്തംഗങ്ങളായ ജിന്‍സി എലിസബത്ത്, ജാന്‍സി സണ്ണി, ടോമി നിരപ്പേല്‍, രശ്മി വിനോദ്, പൗളി ജോര്‍ജ്, പ്രധാനധ്യാപകന്‍ കെ. പ്രകാശന്‍, അധ്യാപകര്‍, പിടിഎ അംഗങ്ങള്‍, രക്ഷാകര്‍ത്താക്കള്‍, വിദ്യാര്‍ഥികള്‍ എന്നിവര്‍ പങ്കെടുത്തു.