ഏ​റ്റു​മാ​നൂ​ർ: വ​ർ​ഷ​ങ്ങ​ളാ​യി ത​ക​ർ​ന്ന​ടി​ഞ്ഞ റോ​ഡ് ന​ന്നാ​ക്കാ​ൻ ന​ഗ​ര​സ​ഭാ​ധി​കൃ​ത​ർ ത​യാ​റാ​യി​ല്ല. മ​ഴ​യി​ൽ ചെ​ളി​ക്കു​ള​മാ​യി മാ​റി​യ റോ​ഡി​ലൂ​ടെ സ​ഞ്ചാ​രം അ​സാ​ധ്യ​മാ​യി. ഒ​ടു​വി​ൽ റോ​ഡ് സ​ഞ്ചാ​ര യോ​ഗ്യ​മാ​ക്കാ​നും ന​ഗ​ര​സ​ഭാ​ധി​കൃ​ത​രു​ടെ മ​ന​സു മാ​റാ​നു​ം ക​ന്യാ​സ്ത്രീ​ക​ൾ രം​ഗ​ത്തി​റ​ങ്ങി.

ക​ട്ട​ച്ചി​റ പ​ള്ളി റോ​ഡാ​ണ് ത​ക​ർ​ന്ന് ചെ​ളി​ക്കു​ള​മാ​യത്. പ​ള്ളി​യും കോ​ൺ​വ​ന്‍റും എ​ൽ​പി സ്കൂ​ളും ക്ഷേ​ത്ര​വു​മൊ​ക്കെ​യു​ള്ള റോ​ഡാ​ണി​ത്. സ്കൂ​ൾ തു​റ​ക്കാ​ൻ ദി​വ​സ​ങ്ങ​ൾ മാ​ത്ര​ം. റോ​ഡി​ലൂ​ടെ ന​ട​ന്നാ​ൽ ചെ​ളി​യി​ൽ തെ​ന്നി വീ​ഴും.

റോ​ഡ് ന​ന്നാ​ക്ക​ണ​മെ​ന്ന് വ​ർ​ഷ​ങ്ങ​ളാ​യി നാ​ട്ടു​കാ​ർ ആ​വ​ശ്യ​പ്പെ​ടു​ന്ന​താ​ണെ​ങ്കി​ലും ന​ഗ​ര​സ​ഭാ​ധി​കൃ​ത​ർ തി​രി​ഞ്ഞു നോ​ക്കിയില്ലെന്ന് നാ​ട്ടു​കാ​ർ പ​റ​യു​ന്നു. റോ​ഡി​ലൂ​ടെ ന​ട​ക്കാ​ൻ തീ​ർ​ത്തും ബു​ദ്ധി​മു​ട്ടാ​യ​തോ​ടെ നി​വൃ​ത്തി​യി​ല്ലാ​തെ ഇ​ന്ന​ലെ വി​സി​റ്റേ​ഷ​ൻ കോ​ൺ​വന്‍റി​ലെ ക​ന്യാ​സ്ത്രീ​ക​ളും നാ​ട്ടു​കാ​രി​ൽ ചി​ല​രും രം​ഗ​ത്തി​റ​ങ്ങി. റോ​ഡ്സൈഡിൽ ക​രി​ങ്ക​ൽ ചീ​ളു​ക​ൾ വി​രി​ച്ച് തെ​ന്നിവീ​ഴാ​തെ ന​ട​ന്നു പോ​കാ​നു​ള്ള സാ​ഹ​ച​ര്യ​മൊ​രു​ക്കി.

എ​ൽ​പി സ്കൂ​ളി​ൽ പ​ഠി​ക്കു​ന്ന കൊ​ച്ചു കു​ട്ടി​ക​ളെ ഓ​ർ​ത്തെ​ങ്കി​ലും റോ​ഡ് ന​ന്നാ​ക്കാ​ൻ ന​ഗ​ര​സ​ഭാ​ധി​കൃ​ത​ർ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രുടെ ആവശ്യം.