ന​ഷ്ട​പ​രി​ഹാ​രത്തു​ക ഈ​ടാ​ക്ക​ണ​മെ​ന്ന ആ​വ​ശ്യം ന​ട​പ്പാ​യി​ല്ല
Saturday, June 3, 2023 12:20 AM IST
ഒ​റ്റ​പ്പാ​ലം: വ​ർ​ഷ​ങ്ങ​ളോ​ളം താ​ലൂ​ക്കാ​ശു​പ​ത്രി​യു​ടെ ഭൂ​മി വാ​ട​ക​ക്ക് ന​ൽ​കി പ​ണം ത​ട്ടി​യ സി​പി​എം നേ​താ​വി​ൽ നി​ന്നും ന​ഷ്ട​പ​രി​ഹാ​ര തു​ക ഈ​ടാ​ക്ക​ണ​മെ​ന്ന ആ​വ​ശ്യം ന​ട​പ്പാ​യി​ല്ല. വ​ർ​ഷ​ങ്ങ​ളോ​ളം വാ​ട​ക തു​ക ഇ​ന​ത്തി​ൽ ല​ക്ഷ​ക്ക​ണ​ക്കി​ന് രൂ​പ കൈ​പ്പ​റ്റി​യ നേ​താ​വി​ൽ നി​ന്നും പ​ണം തി​രി​കെ വാ​ങ്ങ​ണം എ​ന്നാ​ണ് ഉ​യ​ർ​ന്നു​വ​ന്നി​രു​ന്ന ആ​വ​ശ്യം. എ​ന്നാ​ൽ പ​ണം തി​രി​കെ പി​ടി​ക്കാ​ൻ റ​വ​ന്യൂ വി​ഭാ​ഗ​ത്തി​ന്‍റെ ഭാ​ഗ​ത്തു​നി​ന്നും ന​ട​പ​ടി​ക​ളൊ​ന്നും ഇ​തു​വ​രെ തു​ട​ങ്ങി​യി​ട്ടി​ല്ല. സ​ഹ​ക​ര​ണ സൊ​സൈ​റ്റി​യു​ടെ പേ​രി​ൽ കൈ​വ​ശം​വെ​ച്ചി​രു​ന്ന 14 സെ​ന്‍റ് ഭൂ​മി താ​ലൂ​ക്കാ​ശു​പ​ത്രി​ക്ക് ര​ണ്ടു​മാ​സം മു​ന്പ് വി​ട്ടു​ന​ൽ​കി​യി​രു​ന്നു. എ​ന്നാ​ൽ ഇ​ല്ലാ​ത്ത സം​ഘ​ട​ന​യു​ടെ പേ​രി​ലാ​ണ് ഭൂ​മി കൈ​വ​ശം വ​യ്ക്കു​ക​യും ഈ ​ഇ​ന​ത്തി​ൽ ഭീ​മ​മാ​യ തു​ക വാ​ട​ക​യാ​യി സി​പി​എ​മ്മി​ന്‍റെ ഉ​ന്ന​ത നേ​താ​വ് കൈ​പ്പ​റ്റു​ക​യും ചെ​യ്തി​രു​ന്ന​ത്.
സം​ഭ​വം വി​വാ​ദ​മാ​യ സാ​ഹ​ച​ര്യ​ത്തി​ലാ​ണ് താ​ലൂ​ക്കാ​ശു​പ​ത്രി​യി​ൽ​ന​ട​ന്ന ആ​ശു​പ​ത്രി മാ​നേ​ജ്മെ​ന്‍റ് ക​മ്മി​റ്റി യോ​ഗ​ത്തി​ൽ സി​പി​എം നേ​താ​വും സൊ​സൈ​റ്റി​യു​ടെ പ്ര​സി​ഡ​ന്‍റു​മാ​യ സി. ​വി​ജ​യ​ൻ ആ​ശു​പ​ത്രി​ക്ക് ഭൂ​മി തി​രി​കെ ന​ൽ​കി​യ​ത്. കി​ഫ്ബി​യു​ടെ പു​തി​യ കെ​ട്ടി​ടം നി​ർ​മി​ക്കു​ന്ന​തി​നോ​ടു​ചേ​ർ​ന്ന് പാ​ർ​ക്കിം​ഗ് സൗ​ക​ര്യ​ത്തി​നും മ​റ്റു​മാ​യു​ള്ള അ​നു​ബ​ന്ധ​സൗ​ക​ര്യ​ങ്ങ​ൾ ന​ട​പ്പാ​ക്കു​ന്ന​തി​ന് സ്ഥ​ലം ഉ​പ​യോ​ഗി​ക്കു​ന്ന​തി​ന് ന​ട​പ​ടി​ക​ൾ ആ​യി​ട്ടു​ണ്ട്.
ഒ​റ്റ​പ്പാ​ലം സ​ഹ​ക​ര​ണ​ഗ്രൂ​പ്പ് ഹോ​സ്പി​റ്റ​ൽ സൊ​സൈ​റ്റി കൈ​വ​ശം​വെ​ച്ചി​രു​ന്ന താ​ലൂ​ക്ക് ആ​ശു​പ​ത്രി​യു​ടെ 14 സെ​ന്‍റ് സ്ഥ​ലം ആ​ശു​പ​ത്രി​ക്ക് തി​രി​ച്ചു​ന​ൽ​കാ​ൻ 2017ൽ ​കേ​ര​ള സ​ർ​ക്കാ​ർ ഉ​ത്ത​ര​വി​ട്ടി​രു​ന്നു. ഇ​തി​നെ​തി​രേ സ​ഹ​ക​ര​ണ സൊ​സൈ​റ്റി ഹൈ​ക്കോ​ട​തി​യെ സ​മീ​പി​ക്കു​ക​യും സ​ർ​ക്കാ​ർ ന​ട​പ​ടി കോ​ട​തി സ്റ്റേ ​ചെ​യ്യു​ക​യും ചെ​യ്തി​രു​ന്നു. ക​ള​ക്ട​റും റ​വ​ന്യൂ ഡി​വി​ഷ​ണ​ൽ ഓ​ഫീ​സ​റും അം​ഗ​ങ്ങ​ളാ​യി​രു​ന്ന സ്കി​പ്പോ എ​ന്ന സ​ന്ന​ദ്ധ​സം​ഘ​ട​ന​യ്ക്ക് ആ​രോ​ഗ്യ​പ്ര​വ​ർ​ത്ത​ന​ങ്ങ​ൾ ന​ട​ത്താ​നാ​യി ന​ൽ​കി​യ​താ​യി​രു​ന്നു സ്ഥ​ലം. സം​ഘ​ട​ന നി​ർ​ത്ത​ലാ​ക്കി​യ​തോ​ടെ 1975ൽ ​ഒ​റ്റ​പ്പാ​ലം സ​ഹ​ക​ര​ണ​ഗ്രൂ​പ്പ് ഹോ​സ്പി​റ്റ​ൽ സൊ​സൈ​റ്റി​ക്ക് സ്ഥ​ലം കൈ​മാ​റി.
പി​ന്നീ​ട് നാ​ല് പ​തി​റ്റാ​ണ്ടോ​ളം സ​ഹ​ക​ര​ണ സൊ​സൈ​റ്റി സ്ഥ​ലം കൈ​വ​ശം വ​യ്ക്കു​ക​യും ഇ​വി​ടെ മാ​ർ​ബി​ൾ ക​ച്ച​വ​ട​ത്തി​ന് വാ​ട​ക​യ്ക്ക് ന​ൽ​കു​ക​യും ചെ​യ്തി​രു​ന്നു. ഇ​ത്ര​യും കാ​ലം അ​ന​ധി​കൃ​ത​മാ​യി കൈ​വ​ശം വെ​ച്ച് വാ​ട​ക പി​രി​ച്ച തു​ക​യാ​ണ് സി​പി​എം നേ​താ​വ് തി​രി​ച്ചു ന​ൽ​ക​ണ​മെ​ന്ന ആ​വ​ശ്യം നി​ല​നി​ൽ​ക്കു​ന്ന​ത.്
Copyright @ 2022 , Rashtra Deepika Ltd.