പൂ​ഞ്ഞാ​ര്‍: പൂ​ഞ്ഞാ​ര്‍ സെ​ന്‍റ് മേ​രീ​സ് പ​ള്ളി​യി​ലെ അ​സി​സ്റ്റ​ന്‍റ് വി​കാ​രി ഫാ. ​ജോ​സ​ഫ് ആ​റ്റു​ചാ​ലി​ലിനെ വാ​ഹ​ന​മി​ടി​പ്പി​ച്ചു കൊ​ല​പ്പെ​ടു​ത്താ​ന്‍ ശ്ര​മി​ച്ച​തു​മാ​യി ബ​ന്ധ​പ്പെ​ട്ട് പ്രാ​യ​പൂ​ര്‍ത്തി​യാ​കാ​ത്ത​വ​ര്‍ ഉ​ള്‍പ്പെ​ടെ 27 പേ​രെ പോ​ലീ​സ് അ​റ​സ്റ്റു ചെ​യ്തു. ഇ​വ​ര്‍ക്കെ​തി​രേ കൊ​ല​പാ​ത​കശ്ര​മ​ത്തി​നു പോ​ലീ​സ് കേ​സ് ര​ജി​സ്റ്റ​ര്‍ ചെ​യ്തു. അ​റ​സ്റ്റ് ചെ​യ്യപ്പെട്ടവ​രു​ടെ പേ​രു​വി​വ​രം പോ​ലീ​സ് വെ​ളി​പ്പെ​ടു​ത്തി​യി​​ല്ല.

പ്രാ​യ​പൂ​ര്‍ത്തി​യാ​കാ​ത്ത​വ​രു​ടെ പേ​രു​ക​ള്‍ വെ​ളി​പ്പെ​ടു​ത്തു​ന്ന​തി​നു നി​യ​മത​ട​സ​മു​ണ്ടെ​ങ്കി​ലും ബാ​ക്കി​യു​ള്ള​വ​രു​ടെ പേ​രു​ക​ള്‍ വെ​ളി​പ്പെ​ടു​ത്താ​ന്‍ പോ​ലീ​സ് ത​യാ​റാ​കാ​ത്ത​തി​ൽ ശ​ക്ത​മാ​യ പ്ര​തി​ഷേ​ധ​മാ​ണ് ഉ​യ​ര്‍ന്നി​രി​ക്കു​ന്ന​ത്.

ആ​ക്ര​മ​ണ​മു​ണ്ടാ​യ​ ഉടൻ സ​ഭാ​ധി​കാ​രി​ക​ളും ജ​ന​പ്ര​തി​നി​ധി​ക​ളും കു​റ്റ​ക്കാ​ര്‍ക്കെ​തി​രേ ക​ര്‍ശ​ന ന​ട​പ​ടി സ്വീ​ക​രി​ക്ക​ണ​മ​ന്നാ​വ​ശ്യ​പ്പെ​ട്ടി​രു​ന്നു. കേ​സെ​ടു​ത്തെ​ങ്കി​ലും പേ​രു​വി​വ​ര​ങ്ങ​ള്‍ വെ​ളി​പ്പെ​ടു​ത്താ​ത്ത പോ​ലീ​സ് ന​ട​പ​ടി​യി​ല്‍ ദു​രൂ​ഹ​ത​യു​ണ്ടെ​ന്നാ​ണ് നാ​ട്ടു​കാ​ര്‍ ആ​രോ​പി​ക്കു​ന്ന​ത്. പ്ര​തി​ക​ളു​ടെ പേ​രുവി​വ​രം ചോ​ദി​ച്ച​പ്പോ​ള്‍, പ്രാ​യ​പൂ​ര്‍ത്തി​യാ​കാ​ത്ത​വ​ര്‍ ഉ​ണ്ടെ​ന്ന സാ​ങ്കേ​തി​ക​ത്വം പ​റ​ഞ്ഞു വ്യ​ക്ത​മാ​യ മ​റു​പ​ടി ന​ല്‍കാ​തെ ഒ​ഴി​ഞ്ഞുമാ​റു​ക​യു​മാ​യി​രു​ന്നു.

പൂ​ഞ്ഞാ​റി​ലെ സം​ഭ​വ​ത്തോ​ട​നു​ബ​ന്ധി​ച്ച് സാ​മൂ​ഹ്യ​മാ​ധ്യ​മ​ങ്ങ​ളി​ലൂ​ടെ വി​ദ്വേ​ഷം പ്ര​ച​രി​പ്പി​ച്ച ര​ണ്ടു പേ​ര്‍ക്കെ​തി​രേയും പോ​ലീ​സ് കേ​സ് ര​ജി​സ്റ്റ​ര്‍ ചെ​യ്തു. സാ​മൂ​ഹ്യ മാ​ധ്യ​മ​ങ്ങ​ളി​ല്‍ മ​ത​വി​ദ്വേ​ഷം പ്ര​ച​രി​പ്പി​ച്ച​വ​ര്‍ക്കെ​തി​രേയാണ് കോ​ട്ട​യം സൈ​ബ​ര്‍ പോ​ലീ​സ് ജാ​മ്യ​മി​ല്ലാ വ​കു​പ്പു പ്ര​കാ​രം കേ​സ് ര​ജി​സ്റ്റ​ര്‍ ചെ​യ്ത് അ​ന്വേ​ഷ​ണം ആ​രം​ഭി​ച്ച​ത്. സാ​മൂ​ഹ്യമാ​ധ്യ​മ​ങ്ങ​ള്‍ വ​ഴി വി​ദ്വേ​ഷ​പ​ര​മാ​യ രീ​തി​യി​ൽ പോ​സ്റ്റു​ക​ളും ക​മ​ന്‍റുക​ളും മ​റ്റും പ്ര​ച​രി​പ്പി​ക്കു​ന്ന​വ​ര്‍ക്കെ​തി​രേ ശ​ക്ത​മാ​യ നി​യ​മ​ന​ട​പ​ടി സ്വീ​ക​രി​ക്കു​മെ​ന്നും പോ​ലീ​സ് അ​റി​യി​ച്ചി​ട്ടു​ണ്ട്.


വൈദികനെ പള്ളിമുറ്റത്തുവച്ച് ആക്രമിച്ച തിൽ പ്രതിഷേധിച്ച് വി​വി​ധ രൂ​പ​ത​ക​ളു​ടെ​യും സം​ഘ​ട​ന​ക​ളു​ടെ​യും ആ​ഭി​മു​ഖ്യ​ത്തി​ൽ ഇ​ന്ന​ലെ വിവിധയിടങ്ങളിൽ നിരവധി പ്രതിഷേധ പ​രി​പാ​ടി​ക​ൾ ന​ട​ന്നു.

പ്ര​തി​ഷേ​ധി​ച്ച അ​ഞ്ച് പേ​ർ​ക്കെ​തി​രേ കേ​സ്

വൈ​ദി​ക​നെ ആ​ക്ര​മി​ച്ച സം​ഭ​വ​ത്തി​ല്‍ പ്ര​തി​ഷേ​ധി​ച്ച് പ​ള്ളി​മു​റ്റ​ത്ത് പ്ര​തി​ഷേ​ധയോ​ഗം ചേ​ർ​ന്ന​വ​രി​ൽ ക​ണ്ടാ​ല്‍ അ​റി​യാ​വു​ന്ന അ​ഞ്ചു പേ​ര്‍ക്കെ​തിരേ​യും ഈ​രാ​റ്റു​പേ​ട്ട പോ​ലീ​സ് കേ​സെ​ടു​ത്തി​ട്ടു​ണ്ട്.

ഈ​രാ​റ്റു​പേ​ട്ട സ്റ്റേ​ഷ​നി​ലെ സ്‌​പെ​ഷ​ല്‍ ബ്രാ​ഞ്ച് ഉ​ദ്യോ​ഗ​സ്ഥ​നെ മ​ര്‍ദി​ച്ചു​വെ​ന്ന ആ​രോ​പ​ണ​ത്തി​ന്‍റെ അ​ടി​സ്ഥാ​ന​ത്തി​ലാ​ണു കേ​സെ​ടു​ത്തി​ട്ടു​ള്ള​ത്. സ്‌​പെ​ഷ​ല്‍ ബ്രാ​ഞ്ച് ഓ​ഫീ​സ​ര്‍ ന​ല്‍കി​യ പ​രാ​തി​യി​ലാ​ണ് വി​ശ്വാ​സി​ക​ള്‍ക്കെ​തി​രേ ജാ​മ്യ​മി​ല്ലാ വ​കു​പ്പ് പ്ര​കാ​രം കേ​സെ​ടു​ത്തി​രി​ക്കു​ന്ന​ത്.