പുഞ്ചിരിമട്ടം ഉരുൾപൊട്ടലിനെക്കുറിച്ച് ജനങ്ങൾക്കു മുന്നറിയിപ്പ് നൽകാൻ കഴിയാത്ത സാഹചര്യത്തിൽ ജനരക്ഷയ്ക്ക് ശാസ്ത്ര-പഠന-ഗവേഷണ മേഖലകളിൽ ഒഴുക്കുന്ന നികുതിപ്പണം സംബന്ധിച്ചു സംസ്ഥാന സർക്കാർ അടിയന്തര അന്വേഷണം നടത്തണം.
കേരളത്തിലെ ഏറ്റവും വലിയ പ്രകൃതിദുരന്തം അവസരമാക്കി മാനുഷിക പരിഗണന നൽകാതെ വയനാട് അടക്കം പശ്ചിമഘട്ട ജില്ലകളിൽനിന്നു ജനങ്ങളെ കുടിയൊഴിപ്പിക്കാനുള്ള പരിസ്ഥിതി സംഘടനകളുടെ നീക്കം കേന്ദ്ര, സംസ്ഥാന സർക്കാരുകൾ തടയണം.
പശ്ചിമഘട്ടത്തിലെ പ്രകൃതിദുരന്ത സാധ്യതകൾ പഠനവിധേയമാക്കണം. പ്രകൃതിദുരന്തങ്ങൾ ഇടനാടിനെയും കടൽത്തീരങ്ങളെയും എങ്ങനെ ബാധിക്കുമെന്ന് പരിശോധിക്കണമെന്നും സെമിനാറിൽ ആവശ‍്യമുയർന്നു.
പശ്ചിമഘട്ട പഠനകേന്ദ്രം ഡയറക്ടർ ജയിംസ് വടക്കൻ ഉദ്ഘാടനം ചെയ്തു. രാഷ്‌ട്രീയ കിസാൻ മഹാസംഘ് ദേശീയ ട്രഷറർ കെ.വി. ബിജു അധ്യക്ഷത വഹിച്ചു. ജോയി കണ്ണൻചിറ, ഡിജോ കാപ്പൻ, ബിനോയ് തോമസ്, ടി.യു. ബാബു, റസാഖ് ചൂരവേലി, ഇ.പി. ഫിലിപ്പുകുട്ടി, കമൽ വയനാട്, സുജി മാസ്റ്റർ, യാഹിയഖാൻ തലയ്ക്കൽ, മാർട്ടിൻ തോമസ്, ഗഫൂർ വെണ്ണിയോട്, സുനിൽ ജോസ്, പ്രഫ. ജോസുകുട്ടി ഒഴുകയിൽ, ജോണ് മാസ്റ്റർ, എ.എൻ. മുകുന്ദൻ, ഇബ്രാഹിം തെള്ളിയിൽ, ജോണ്സണ് തൊഴുത്തുങ്കൽ, ജിന്നറ്റ് മാത്യു, ബോണി, ഒ.ജെ. ജോണ്സണ്, സുമിൻ എസ്. നെടുങ്ങാടൻ, ഷാജി എൻ. ജോർജ് എന്നിവർ പ്രസംഗിച്ചു.