ജമാ അത്തെ ഇസ്‌ലാമിയും പോപ്പുലർ ഫ്രണ്ടും മതരാഷ്‌ട്രീയ വാദികളാണെന്നും അഭിമുഖത്തിൽ അദ്ദേഹം പറഞ്ഞു. കാഷ്മീരിൽ കൊല്ലപ്പെട്ട കണ്ണൂരുകാരായ നാലു ചെറുപ്പക്കാരെക്കുറിച്ചും ജയരാജൻ സംസാരിക്കുന്നുണ്ട്. മുൻ ജില്ലാ സെക്രട്ടറികൂടിയായ ജയരാജന്‍റെ പുസ്തകത്തിൽ, കണ്ണൂരിലെ യുവാക്കളിൽ ഇസ്‌ലാമിക ഭീകരസംഘടനകൾ ചെലുത്തുന്ന സ്വാധീനത്തെക്കുറിച്ച് കൂടുതൽ വിശദാംശങ്ങൾ ഉണ്ടെന്നാണ് വിവരം. ഒക്ടോബറിൽ പുസ്തകം പുറത്തിറങ്ങും.
പുസ്തകത്തിനെതിരേ വലിയ വിമർശനമുണ്ടാകുമെന്നും അതിനെയൊന്നും താൻ ഭയപ്പെടുന്നില്ലെന്നും അദ്ദേഹം പറയുന്നു. ജനാധിപത്യരീതിയിൽ വിമർശനമുണ്ടാകണം. പക്ഷേ, നിലവിലെ സ്ഥിതിക്കു മാറ്റം വേണമെന്നും ജയരാജൻ വ്യക്തമാക്കുന്നുണ്ട്.
ഇസ്‌ലാമിക തീവ്രവാദത്തിനു സിപിഎം കുടപിടിക്കുകയാണെന്ന വിമർശനത്തിനിടെയാണ് പി. ജയരാജന്‍റെ പുസ്തകമെഴുത്ത്.