ADVERTISEMENT

ADVERTISEMENT

മെമ്മോറാണ്ടം നൽകി

നെടുമങ്ങാട്: വേങ്കവിള മൂഴി ബസ് സർവീസ് പഴയ സമയക്രമം പാലിച്ച് സർവീസ് പുനഃസ്ഥാപിക്കണമെന്ന് ആവശ്യപ്പെട്ട് പഞ്ചായത്ത് വൈസ് പ്രസിഡന്‍റ് കൊല്ലംകാവ് അനിലിന്‍റെ നേതൃത്വത്തിൽ കെഎസ്ആർടിസി അധികൃതർക്ക് മെമ്മോറാണ്ടം സമർപ്പിച്ചു. പഞ്ചായത്ത് മെമ്പർ ശ്രീകല, ജയഗോപാൽ, സുധീഷ് ചന്ദ്രൻ, കെ.എസ് ആർടിഇഎ നേതാവ് അനൂപ് എന്നിവർ പങ്കെടുത്തു.

ADVERTISEMENT

സൈക്കിൾ യാത്രികൻ ബുള്ളറ്റിടിച്ചു മരിച്ചു

കാട്ടാക്കട : ഇരുചക്രവാഹനം ഇടിച്ച് സൈക്കിൾ യാത്രികൻ മരിച്ചു. ആമച്ചൽ കോടന്നൂർ കോയിപ്ര രവീന്ദ്രൻ (75) ആണ് മരിച്ചത്. ഇന്നലെ രാവിലെ രാവിലെ 915 ന് മംഗലയ്ക്കൽ കല്യാണമണ്ഡപത്തിന് മുന്നിൽ വച്ചായിരുന്നു സംഭവം. എതിർ ഭാഗത്തുനിന്ന് വന്ന ബുള്ളറ്റാണ് റോഡ് മുറിച്ച് പോകുകയായിരുന്ന സൈക്കിൾ ഇടിച്ചു തെറിപ്പിച്ചത്. അപകടത്തിൽ പരിക്കേറ്റ രവീന്ദ്രനെ നെയ്യാറ്റിൻകര ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. കാട്ടാക്കട പോലീസ് കേസെടുത്തു.

ചികിത്സയിലിരിക്കെ മരിച്ചയാളെ തിരിച്ചറിഞ്ഞില്ല

മെഡിക്കല്‍കോളജ്: തിരുവനന്തപുരം മെഡിക്കല്‍കോളജ് ആശുപത്രിയില്‍ ചികിത്സയിലിരിക്കെ മരിച്ചയാളെ തിരിച്ചറിഞ്ഞില്ല. മൃതദേഹം മോര്‍ച്ചറിയില്‍. 35 വയസ് പ്രായം തോന്നിക്കുന്ന പുരുഷന്‍റെ മൃതദേഹമാണ് മോര്‍ച്ചറിയില്‍ സൂക്ഷിച്ചിട്ടുള്ളത്. ശാരീരിക അസ്വാസ്ഥ്യം അനുഭവപ്പെട്ട നിലയില്‍ ജൂണ്‍ 30ന് തമ്പാനൂര്‍ ഭാഗത്തു കണ്ടെത്തിയ ഇയാളെ പോലീസ് ഇടപെട്ടാണ് ആശുപത്രിയില്‍ പ്രവേശിപ്പിക്കുന്നത്. ഇയാളെക്കുറിച്ച് എന്തെങ്കിലും വിവരം ലഭിക്കുന്നവര്‍ തമ്പാനൂര്‍ പോലീസില്‍ അറിയിക്കണം. ഫോണ്‍: 0471 2326543, 94979 87013.

അൻപതുകാരന്‍റെ മൃതദേഹം കത്തികരിഞ്ഞ നിലയിൽ

പൂവാർ: അൻപതുകാരൻ വീടിനു സമീപത്തെ പുരയിടത്തിൽ കത്തികരിഞ്ഞ നിലയിൽ. കോട്ടുകാൽ ചപ്പാത്ത് ഗാന്ധിപുരം മൂലയിൽ പുത്തൻ വീട്ടിൽ അപ്പുക്കുട്ടൻ നായർ- കൃഷ്ണമ്മ ദമ്പതികളുടെ മകൻ അനിൽകുമാറിന്‍റെ (50) മൃതദേഹമാണ് വീടിന് സമീപത്തെ പറമ്പിൽ നിന്നും കണ്ടെത്തിയത്.അവിവാഹിതനാണ്. ഇന്നലെ പുലർച്ചെ സംഭവം നടന്നതെന്നാണ് നിഗമനം. കോഴിക്കോട് ജില്ലയിലെ ഒരു ഹോട്ടലിൽ സഹായിയായി ജോലി ചെയ്‌ത് വരുന്ന അനിൽകുമാർ, ചപ്പാത്തിൽ സ്‌ഥിര താമസക്കാരനല്ല.നാട്ടുകാരോട് ബന്ധമില്ലാത്ത ഇയ്യാൾ വല്ലപ്പോഴും ഇവിടെ വരുമെന്നും ഏതാനും ദിവസം താമസിച്ച ശേഷം തിരികെ ജോലി സ്‌ഥലത്തേക്ക് മടങ്ങുകയാണ് പതിവ്. ബുധനാഴ്ച്ച ഉച്ചയ്ക്ക് നാട്ടിൽ എത്തിയതായിരുന്നു. കാലിലെ നീരും വയറ്റിലെ അസുഖവും തന്നെ അലട്ടുന്നതായും അനിൽകുമാർ ബന്ധുക്കളോട് പറഞ്ഞിരുന്നു. ആത്മഹത്യയെന്ന് പോലീസിന്‍റെ പ്രാഥമിക നിഗമനം. കാഞ്ഞിരംകുളം പോലീസ് കേസെടുത്തു.

കര്‍ഷക മൈത്രി ക്ഷീരകര്‍ഷക സമ്പര്‍ക്ക പരിപാടി സംഘടിപ്പിച്ചു

വെള്ളറട: ക്ഷീരവികസനവകുപ്പ്, പെരുങ്കടവിള ബ്ലോക്ക് പഞ്ചായത്ത് എന്നിവയുടെ സഹകരണത്തോടെ പാല്‍ക്കുളങ്ങര ക്ഷീരോല്പാദക സഹകരണ സംഘത്തിന്‍റെ ആഭിമുഖ്യത്തില്‍ ക്ഷീരകര്‍ഷക സമ്പര്‍ക്ക പരിപാടി സംഘടിപ്പിച്ചു. ആലത്തൂര്‍ പുരോഗമന ഗ്രന്ഥശാല ഹാളില്‍ സംഘടിപ്പിച്ച പരിപാടി കുന്നത്തുകാല്‍ പഞ്ചായത്ത് മുന്‍ പ്രസിഡന്‍റ് ഡി. ലൈല ഉദ്ഘാടനം ചെയ്തു. പെരുങ്കടവിള പഞ്ചായത് വികസനസ്റ്റാൻഡിംഗ് കമ്മിറ്റി ചെയര്‍മാന്‍ കാനക്കോട് ബാലരാജ് അധ്യക്ഷതവഹിച്ചു. പഞ്ചായത്ത് അഗം ധന്യ പി.നായര്‍,സംഘം വൈസ് പ്രസിഡന്‍റ്, ജെ.കമലാഭായി സെക്രട്ടറി ചിഞ്ചു എസ്.കെ. എന്നിവര്‍ പ്രസംഗിച്ചു. കന്നുകാലി പരിപാലനം പാലിന്‍റെ ഗുണനിലവാരം എന്നീ വിഷയങ്ങളെ കുറിച്ച് പെരുങ്കടവിള വെറ്റിനറി സര്‍ജന്‍ ഡോ. ഗ്രേസ്, ക്ഷീരവികസനവകുപ്പ് പെരുങ്കടവിള ഡയറി എക്സ്റ്റന്‍ഷന്‍ ഓഫീസര്‍ മേരി സുധ എന്നിവര്‍ ക്ലാസുകള്‍ക്ക്‌നേതൃത്വം നല്‍കി.

വീട് കുത്തിത്തുറന്ന് മോഷണം

വിഴിഞ്ഞം : മിലിറ്ററി ഉദ്യോഗസ്ഥന്‍റെ അടച്ചിട്ടിരുന്ന വീട് കുത്തിത്തുറന്ന് മോഷണം. രണ്ട് പവന്‍റെ ആഭരണങ്ങളും മദ്യക്കുപ്പികളും കവർന്നു. കോട്ടുകാൽ പയറ്റുവിള അയണി കുറ്റിവിള പടിപ്പുര വീട്ടിൽ വിജിത്തിന്‍റെ വീട്ടിലാണ് മോഷണം നടന്നത്. വിജിത്ത് പട്ടാളത്തിലായതിനാൽ ഭാര്യ സ്വന്തം വീട്ടിലായിരുന്നു. കഴിഞ്ഞ ദിവസം വിജിത്തിന്‍റെ സഹോദരൻ വീട് വൃത്തിയാക്കാൻ എത്തിയപ്പോഴാണ് വീടിന്‍റെ മുൻവാതിൽ തുറന്ന് കിടക്കുന്നത് ശ്രദ്ധധയിൽപ്പെട്ടത്. തുടർന്ന് വിജിത്തിന്‍റെ ഭാര്യയെത്തി നടത്തിയ പരിശോധനയിലാണ് മുകളിലത്തെ നിലയിലെ മുറിയിൽ സൂക്ഷിച്ചിരുന്ന രണ്ട് പവന്‍റെ സ്വർണ്ണ വളകളും ബാഗിൽ സൂക്ഷിച്ചിരുന്ന മൂന്ന് കുപ്പി മദ്യവും മോഷണം പോയതായി അറിയുന്നത്. അലമാരകുത്തിത്തുറന്ന് തുണികൾ വാരിവലിച്ചിട്ട നിലയിലായിരുന്നു. കാറ് തട്ടിക്കൊണ്ട് പോകാനുള്ള ശ്രമം നടന്നതായും കണ്ടെത്തി. വിഴിഞ്ഞം പോലീസ് കേസെടുത്ത് അന്വേഷണമാരംഭിച്ചു.

സ്വാമി വിവേകാനന്ദന് മുന്നില്‍ പുഷ്പാര്‍ച്ചന നടത്തി സായ് കൃഷ്ണ

പാറശാല: ഭാരതത്തിന്‍റെ ആധ്യാത്മിക ഗുരുവും ഋഷിവര്യനുമായ സ്വാമി വിവേകാനന്ദന്‍റെ ചരമവാര്‍ഷിക ദിനമായ ജൂലൈ നാലിന്ന് സായ് കൃഷ്ണ പബ്ലിക് സ്‌കൂള്‍ അനുസ്മരണ ചടങ്ങ് സംഘടിപ്പിച്ചു. സ്വാമി വിവേകാനന്ദന്‍റെ 10 അടി പൊക്കമുള്ള പ്രതിമയ്ക്ക് മുന്നില്‍ അക്കാദമിക് ഡയറക്ടര്‍ ആര്‍. രാധാകൃഷ്ണനും പ്രിന്‍സിപ്പല്‍ ടി. രേണുകയും ഹാരാര്‍പ്പണം നടത്തി. വിദ്യാർഥി പ്രതിനിധികളായ അലോണ ബി. ആന്‍റണിയും ആന്ധ്ര സ്റ്റാലിനും പുഷ്പാര്‍ച്ചന നടത്തി. തുടര്‍ന്ന് സ്വാമി വിവേകാനന്ദന്‍റെ ജീവിതവും പ്രവര്‍ത്തനങ്ങളും അധ്യാപകര്‍ കുട്ടികള്‍ക്ക് വിശദീകരിച്ചു കൊടുത്തു.

കിഴങ്ങ്‌വിള വിത്ത് പദ്ധതിയുടെ സംസ്ഥാനതല ഉദ്ഘാടനം നടന്നു

പാറശാല: കേന്ദ്ര കിഴങ്ങുവിള ഗവേഷണ സ്ഥാപനവും സംസ്ഥന കാര്‍ഷിക വികസന വകുപ്പും തദ്ദേശ സ്വയംഭരണവകുപ്പും ചേര്‍ന്ന് നടപ്പിലാക്കുന്ന കിഴങ്ങ് വിള വിത്ത് ഗ്രാമങ്ങളും വികേന്ദ്രീകൃത വിത്തുത്പാദകരും എന്ന പദ്ധതിയുടെ സംസ്ഥാനതല ഉദ്ഘാടനവും കാര്‍ഷിക സെമിനാറും നടീല്‍ വസ്തുക്കളുടെ വിതരണവും നടന്നു. പാറശാല ഇഎംഎസ് ഹാളില്‍ നടന്ന പരിപാടിയുടെ ഉദ്ഘാടനം സി.കെ .ഹരീന്ദ്രന്‍ എംഎല്‍എ നിര്‍വഹിച്ചു. ബ്ലോക്ക് പഞ്ചായത്ത് പ്രസിഡന്‍റ് അഡ്വ.എസ്. കെ. ബെന്‍ഡാര്‍വിന്‍ അധ്യക്ഷത വഹിച്ചു. നടീല്‍ വസ്തുക്കളുടെ വിതരണം കെ.ആന്‍സലന്‍ എംഎല്‍എ നിര്‍വഹിച്ചു. സിടിസിആര്‍ഐ ഡയറക്ടര്‍ ഡോ.ജി.ബൈജു മുഖ്യപ്രഭാക്ഷണം നടത്തി. പഞ്ചായത്ത് പ്രസിഡന്‍റുമാരായ എല്‍.മഞ്ജുസ്മിത, സി.എ.ജോസ്, ബ്ലോക്ക് പഞ്ചായത്ത് വികസനകാര്യ സ്ഥിരം സമിതി അധ്യക്ഷന്‍ ജെ. ജോജി, വൈ.സതീഷ്, അനിതാ റാണി,എഡിഎ സുരേഷ് എം.എസ് , ഹെഡ് ക്രോപ് പ്രൊഡക്ഷന്‍ വിഭാഗം സിടിസിആര്‍ഐ ഡോ. ജി.സുജ, പ്രിന്‍സിപ്പല്‍ സയന്‍റിസ്റ്റ് ഡോ.കെ. സുനില്‍കുമാര് തുടങ്ങിയവര്‍ പ്രസംഗിച്ചു.

കര്‍ഷക മൈത്രി ക്ഷീരകര്‍ഷക സമ്പര്‍ക്ക പരിപാടി സംഘടിപ്പിച്ചു

വെള്ളറട: ക്ഷീരവികസനവകുപ്പ്, പെരുങ്കടവിള ബ്ലോക്ക് പഞ്ചായത്ത് എന്നിവയുടെ സഹകരണത്തോടെ പാല്‍ക്കുളങ്ങര ക്ഷീരോല്പാദക സഹകരണ സംഘത്തിന്‍റെ ആഭിമുഖ്യത്തില്‍ ക്ഷീരകര്‍ഷക സമ്പര്‍ക്ക പരിപാടി സംഘടിപ്പിച്ചു. ആലത്തൂര്‍ പുരോഗമന ഗ്രന്ഥശാല ഹാളില്‍ സംഘടിപ്പിച്ച പരിപാടി കുന്നത്തുകാല്‍ പഞ്ചായത്ത് മുന്‍ പ്രസിഡന്‍റ് ഡി. ലൈല ഉദ്ഘാടനം ചെയ്തു. പെരുങ്കടവിള പഞ്ചായത് വികസനസ്റ്റാൻഡിംഗ് കമ്മിറ്റി ചെയര്‍മാന്‍ കാനക്കോട് ബാലരാജ് അധ്യക്ഷതവഹിച്ചു. പഞ്ചായത്ത് അഗം ധന്യ പി.നായര്‍,സംഘം വൈസ് പ്രസിഡന്‍റ്, ജെ.കമലാഭായി സെക്രട്ടറി ചിഞ്ചു എസ്.കെ. എന്നിവര്‍ പ്രസംഗിച്ചു. കന്നുകാലി പരിപാലനം പാലിന്‍റെ ഗുണനിലവാരം എന്നീ വിഷയങ്ങളെ കുറിച്ച് പെരുങ്കടവിള വെറ്റിനറി സര്‍ജന്‍ ഡോ. ഗ്രേസ്, ക്ഷീരവികസനവകുപ്പ് പെരുങ്കടവിള ഡയറി എക്സ്റ്റന്‍ഷന്‍ ഓഫീസര്‍ മേരി സുധ എന്നിവര്‍ ക്ലാസുകള്‍ക്ക്‌നേതൃത്വം നല്‍കി.

വീട് കുത്തിത്തുറന്ന് മോഷണം

വിഴിഞ്ഞം : മിലിറ്ററി ഉദ്യോഗസ്ഥന്‍റെ അടച്ചിട്ടിരുന്ന വീട് കുത്തിത്തുറന്ന് മോഷണം. രണ്ട് പവന്‍റെ ആഭരണങ്ങളും മദ്യക്കുപ്പികളും കവർന്നു. കോട്ടുകാൽ പയറ്റുവിള അയണി കുറ്റിവിള പടിപ്പുര വീട്ടിൽ വിജിത്തിന്‍റെ വീട്ടിലാണ് മോഷണം നടന്നത്. വിജിത്ത് പട്ടാളത്തിലായതിനാൽ ഭാര്യ സ്വന്തം വീട്ടിലായിരുന്നു. കഴിഞ്ഞ ദിവസം വിജിത്തിന്‍റെ സഹോദരൻ വീട് വൃത്തിയാക്കാൻ എത്തിയപ്പോഴാണ് വീടിന്‍റെ മുൻവാതിൽ തുറന്ന് കിടക്കുന്നത് ശ്രദ്ധധയിൽപ്പെട്ടത്. തുടർന്ന് വിജിത്തിന്‍റെ ഭാര്യയെത്തി നടത്തിയ പരിശോധനയിലാണ് മുകളിലത്തെ നിലയിലെ മുറിയിൽ സൂക്ഷിച്ചിരുന്ന രണ്ട് പവന്‍റെ സ്വർണ്ണ വളകളും ബാഗിൽ സൂക്ഷിച്ചിരുന്ന മൂന്ന് കുപ്പി മദ്യവും മോഷണം പോയതായി അറിയുന്നത്. അലമാരകുത്തിത്തുറന്ന് തുണികൾ വാരിവലിച്ചിട്ട നിലയിലായിരുന്നു. കാറ് തട്ടിക്കൊണ്ട് പോകാനുള്ള ശ്രമം നടന്നതായും കണ്ടെത്തി. വിഴിഞ്ഞം പോലീസ് കേസെടുത്ത് അന്വേഷണമാരംഭിച്ചു.

സ്വാമി വിവേകാനന്ദന് മുന്നില്‍ പുഷ്പാര്‍ച്ചന നടത്തി സായ് കൃഷ്ണ

പാറശാല: ഭാരതത്തിന്‍റെ ആധ്യാത്മിക ഗുരുവും ഋഷിവര്യനുമായ സ്വാമി വിവേകാനന്ദന്‍റെ ചരമവാര്‍ഷിക ദിനമായ ജൂലൈ നാലിന്ന് സായ് കൃഷ്ണ പബ്ലിക് സ്‌കൂള്‍ അനുസ്മരണ ചടങ്ങ് സംഘടിപ്പിച്ചു. സ്വാമി വിവേകാനന്ദന്‍റെ 10 അടി പൊക്കമുള്ള പ്രതിമയ്ക്ക് മുന്നില്‍ അക്കാദമിക് ഡയറക്ടര്‍ ആര്‍. രാധാകൃഷ്ണനും പ്രിന്‍സിപ്പല്‍ ടി. രേണുകയും ഹാരാര്‍പ്പണം നടത്തി. വിദ്യാർഥി പ്രതിനിധികളായ അലോണ ബി. ആന്‍റണിയും ആന്ധ്ര സ്റ്റാലിനും പുഷ്പാര്‍ച്ചന നടത്തി. തുടര്‍ന്ന് സ്വാമി വിവേകാനന്ദന്‍റെ ജീവിതവും പ്രവര്‍ത്തനങ്ങളും അധ്യാപകര്‍ കുട്ടികള്‍ക്ക് വിശദീകരിച്ചു കൊടുത്തു.

കിഴങ്ങ്‌വിള വിത്ത് പദ്ധതിയുടെ സംസ്ഥാനതല ഉദ്ഘാടനം നടന്നു

പാറശാല: കേന്ദ്ര കിഴങ്ങുവിള ഗവേഷണ സ്ഥാപനവും സംസ്ഥന കാര്‍ഷിക വികസന വകുപ്പും തദ്ദേശ സ്വയംഭരണവകുപ്പും ചേര്‍ന്ന് നടപ്പിലാക്കുന്ന കിഴങ്ങ് വിള വിത്ത് ഗ്രാമങ്ങളും വികേന്ദ്രീകൃത വിത്തുത്പാദകരും എന്ന പദ്ധതിയുടെ സംസ്ഥാനതല ഉദ്ഘാടനവും കാര്‍ഷിക സെമിനാറും നടീല്‍ വസ്തുക്കളുടെ വിതരണവും നടന്നു. പാറശാല ഇഎംഎസ് ഹാളില്‍ നടന്ന പരിപാടിയുടെ ഉദ്ഘാടനം സി.കെ .ഹരീന്ദ്രന്‍ എംഎല്‍എ നിര്‍വഹിച്ചു. ബ്ലോക്ക് പഞ്ചായത്ത് പ്രസിഡന്‍റ് അഡ്വ.എസ്. കെ. ബെന്‍ഡാര്‍വിന്‍ അധ്യക്ഷത വഹിച്ചു. നടീല്‍ വസ്തുക്കളുടെ വിതരണം കെ.ആന്‍സലന്‍ എംഎല്‍എ നിര്‍വഹിച്ചു. സിടിസിആര്‍ഐ ഡയറക്ടര്‍ ഡോ.ജി.ബൈജു മുഖ്യപ്രഭാക്ഷണം നടത്തി. പഞ്ചായത്ത് പ്രസിഡന്‍റുമാരായ എല്‍.മഞ്ജുസ്മിത, സി.എ.ജോസ്, ബ്ലോക്ക് പഞ്ചായത്ത് വികസനകാര്യ സ്ഥിരം സമിതി അധ്യക്ഷന്‍ ജെ. ജോജി, വൈ.സതീഷ്, അനിതാ റാണി,എഡിഎ സുരേഷ് എം.എസ് , ഹെഡ് ക്രോപ് പ്രൊഡക്ഷന്‍ വിഭാഗം സിടിസിആര്‍ഐ ഡോ. ജി.സുജ, പ്രിന്‍സിപ്പല്‍ സയന്‍റിസ്റ്റ് ഡോ.കെ. സുനില്‍കുമാര് തുടങ്ങിയവര്‍ പ്രസംഗിച്ചു.

വിവാഹ സൽക്കാരത്തിനിടെ മോഷണം; സ്ത്രീ പിടിയിൽ

നേമം: കാരയ്ക്ക മണ്ഡപത്തെ സ്വകാര്യ കല്യാണം മണ്ഡപത്തിൽ വിവാഹ സൽക്കാരത്തിനിടെ കുഞ്ഞുങ്ങളുടെ പാദസരം മോഷ്ടിച്ച സ്ത്രീയെ നേമം പോലിസ് പിടികൂടി. കരമന കീഴാറന്നൂർ സ്വദേശി ഗിരിജ (59 )യാണ് പിടിയിലായത്. നിരവധി മോഷണ കേസിലെ പ്രതിയാണ് ഇവർ എന്ന് പോലിസ് പറഞ്ഞു. ഇക്കഴിഞ്ഞ 29നായിരുന്നു ഇവർ മണ്ഡപത്തിൽ എത്തി പാദസരങ്ങൾ കവർന്നത്. തിരുവനന്തപുരത്തു ജ്വല്ലറിയിൽ വില്പന നടത്തിയ മോഷണ ഉരുപ്പടികൾ പ്രതിയുമായി ചെന്ന് പോലീസ് കണ്ടെടുത്തു. മുക്കാൽ പവന്‍റെയും അര പവന്‍റെയും പാദസരങ്ങളാണ് ഇവർ കവർന്നത്. ഇവരുടെ പേരിൽ രണ്ടു കേസുകളാണ് രജിസ്റ്റർ ചെയ്തത്. സിസിടിവി ദൃശ്യങ്ങളും മറ്റും പരിശോധിച്ചാണ് സംഘം പ്രതിയെ വലയിലാക്കിയത്. പ്രതിയെ റിമാൻഡ് ചെയ്തു.

കരിങ്ങട,പുനവക്കുന്ന് ജംഗ്ഷനുകളിലെ മിനി മാസ്റ്റ് ലൈറ്റുകൾ നാടിന് സമർപ്പിച്ചു

നെടുമങ്ങാട്: ആനാട് പഞ്ചായത്തിലെ കരിങ്ങട, പുനവക്കുന്ന് എന്നിവിടങ്ങ ളിൽ സ്ഥാപിച്ച മിനി മാസ്റ്റു ലൈറ്റുകൾ ഡി.കെ. മുരളി എംഎൽഎ നാടിന് സമർപ്പിച്ചു. ആനാട് പഞ്ചാത്ത് പ്രസിഡന്‍റ് എൻ.ശ്രീകല അധ്യക്ഷത വഹിച്ചു. എംഎൽഎയുടെ ആസ്തി വികസന ഫണ്ടു പയോഗിച്ചാണ് ലൈറ്റുകൾ സ്ഥാപിച്ചത്. പഞ്ചായത്ത് വൈസ് പ്രസിഡന്‍റ് പാണയം നിസാർ, ബ്ലോക്ക് പഞ്ചായത്ത് മെമ്പർ ശ്രീകുമാർ, വാർഡ് മെമ്പർമാരായ എ.ബി. കെ. നാസർ, ഷീബാ ബീവി,പദ്മകുമാർ, നവാസുദീൻ,, ആനാട് ഷജീർ, അശോകൻ തുടങ്ങിയവർ പ്രസംഗിച്ചു. വെഞ്ഞാറമൂട് : എംഎൽഎയുടെ ആസ്തി വികസന ഫണ്ട് ഉപയോഗിച്ച് നെല്ലനാട് പഞ്ചായത്തിലെ പാറയിൽ പള്ളി, വെട്ടു വിള സർവീസ് സ്റ്റേഷൻ എന്നിവിടങ്ങളിൽ സ്ഥാപിച്ച മിനി മാസ്റ്റു ലൈറ്റുകൾ ഡി.കെ. മുരളി എംഎൽഎ നാടിന് സമർപ്പിച്ചു. ബ്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ മാരായ വൈ.വി. ശോഭ കുമാർ, ബി. അസീനാ ബീവി, പഞ്ചായത്ത് മെമ്പർമാരായ എൽ.എസ്. മഞ്ചു, ഉഷാകുമാരി കെ.ബാബു രാജൻ, ഷിഹാസുദീൻ, ഷൈജു തുടങ്ങിയവർ പങ്കെടുത്തു.

60ന്‍റെ നിറവിൽ മതിലുകൾ : സ്‌നേഹമതില്‍ തീര്‍ത്ത് കരമന സ്‌കൂളിലെ വിദ്യാര്‍ഥികള്‍

പ്രശാന്ത് പേരൂര്‍ക്കട: സാഹിത്യകാരന്‍ വൈക്കം മുഹമ്മദ് ബഷീറിന്‍റെ മതിലുകള്‍ എന്ന നോവലിന് ഇന്ന് 60 വയസ് തികയുന്നു. ഇതിന്‍റെ ഓര്‍മയ്ക്കായി കരമന ഗവ. ബോയ്‌സ് ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥികള്‍ ഇന്നലെ സ്‌നേഹമതില്‍ തീര്‍ത്തു. നോവല്‍ 60-ല്‍ എത്തിയതിന്‍റെ ആഘോഷം ഒരു സര്‍ക്കാര്‍ വിദ്യാലയം സംഘടിപ്പിക്കുന്നുവെന്ന പ്രത്യേകത സ്‌നേഹമതിലിന് ഉണ്ടായിരുന്നു. സ്‌കൂള്‍ മൈതാനത്ത് 60-ന്‍റെ ആകൃതിയിലാണ് മതില്‍ തീര്‍ത്തത്. ഈ സംഖ്യാകൃതിയും കടന്ന് സ്‌നേഹമതില്‍ സ്‌കൂള്‍ കവാടത്തിലേക്ക് നീണ്ടിരുന്നു. വിദ്യാര്‍ത്ഥികള്‍‌, ജനപ്രതിനിധികള്‍, അധ്യാപകര്‍, ബിആര്‍സി പ്രതിനിധികള്‍, അനധ്യാപകര്‍, പൂര്‍വ വിദ്യാര്‍ഥികള്‍, ഓട്ടോറിക്ഷാ തൊഴിലാളികള്‍ നാട്ടുകാര്‍, രക്ഷിതാക്കള്‍ തുടങ്ങിയവര്‍ മതിലിന്‍റെ ഭാഗമായി. 1965-ലാണ് നോവല്‍ പുസ്തകരൂപത്തില്‍ പുറത്തിറങ്ങിയത്. ബഷീര്‍ തിരുവനന്തപുരത്തിരുന്ന് എഴുതിയ ഏകനോവല്‍ എന്ന പ്രത്യേകതയും ഇതിനുണ്ട്. 1964-ല്‍ എഴുതിയ നോവലിന്‍റെ കൈയെഴുത്തു പ്രതി നഷ്ടപ്പെട്ടിരുന്നു. തുടര്‍ന്ന് ബഷീര്‍ തിരുവനന്തപുരത്തു തങ്ങി 10 ദിവസം കൊണ്ട് എഴുതി തീര്‍ത്ത നോവലാണ് ഇപ്പോള്‍ വായിക്കപ്പെടുന്നതെന്ന് ചരിത്രകാരന്‍ എം.ജി ശശിഭൂഷണ്‍ അഭിപ്രായപ്പെട്ടു. സ്‌കൂള്‍ അങ്കണത്തിലെ മരച്ചുവട്ടിലായിരുന്നു ചടങ്ങ്. കരമന വാര്‍ഡ് കൗണ്‍സിലര്‍ ജി.എസ് മഞ്ജു ആഘോഷ പരിപാടികള്‍ ഉദ്ഘാടനം ചെയ്തു. പി.ടി.എ പ്രസിഡന്‍റ് എസ്. രഞ്ജിത്ത് അധ്യക്ഷത വഹിച്ചു. കരമന സിഐ എസ്. അനൂപ്, പ്രിന്‍സിപ്പല്‍ വി.ബി. ബിലു, വൈസ് പ്രിന്‍സിപ്പല്‍ വൈ. മിനി എന്നിവര്‍ പ്രസംഗിച്ചു. ഒരു വര്‍ഷം മുഴുവന്‍ നീണ്ടു നില്‍ക്കുന്ന ആഘോഷ പരിപാടിളുടെ ഭാഗമായി നോവല്‍ പാരായണം, സാഹിത്യ സദസുകള്‍, സാഹിത്യ യാത്ര, വിവിധ സ്‌കൂളുകളെ ഏകോപിപ്പിച്ചു കൊണ്ടുള്ള ബഷീര്‍ ക്വിസ് മത്സരം എന്നിവ സംഘടിപ്പിക്കും.

ആൾമറാട്ടം നടത്തി വ്യാജ ഒപ്പിട്ട് ചിട്ടി തുക തട്ടിയ സംഭവത്തിൽ ഒന്നാംപ്രതി അറസ്റ്റിൽ

കാട്ടാക്കട: കാട്ടാക്കട കെഎസ്എഫ്ഇയുടെ ഈവനിംഗ് ശാഖയിൽ നിന്നും ആൾമാറാട്ടം നടത്തി വ്യാജ ഒപ്പിട്ട് ചിട്ടി തുക കൈകലാക്കിയ സംഭവത്തിൽ ഒന്നാം പ്രതി കാട്ടാക്കട പിടിയിലായി. കള്ളിക്കാട് മഞ്ചാടി മൂട്, നാൽപ്പറ കുഴി എസ് എൽ ഭവനിൽ ശ്യാം രാജ് (26) ആണ് പിടിയിലായത്. രണ്ടാം പ്രതി കള്ളിക്കാട് മൈലക്കര സ്വദേശിയൂം കെഎസ്എഫ്ഇ കളക്ഷൻ ഏജന്‍റുമായ അഭിജിത് (30)നെ കഴിഞ്ഞ ദിവസം അറസ്റ്റ് ചെയ്തിരുന്നു. 2024 ജൂലൈ 15 നാണ് അഭിജിത്ത്, സാം രാജ്, ചിട്ടി അംഗമായ ശരണ്യ ജയൻ എന്നിവർ ചേർന്ന് തട്ടിപ്പ് നടത്തിയത്. കള്ളിക്കാട് ബ്രാഞ്ചിൽ ചിട്ടാളനായ വിഷ്ണു എന്നയാളുടെ ചിട്ടി തുകയും പാസ്ബുക്കും കള്ളിക്കാട് മൈലക്കര സ്വദേശിയായ അഭിജിത്ത് കൈക്കലാക്കി ജാമ്യം നിൽക്കുന്നത് വിഷ്ണുവാണ് എന്ന വ്യാജേന സാം രാജിനെ വച്ച് ആൾമാറാട്ടം നടത്തി ശരണ്യ ജയ്ന് നറുക്കെടുപ്പിലൂടെ ലഭിച്ച ചിട്ടിക്ക് ജാമ്യത്തിന് ഒപ്പിട്ട് പണം കൈകലാക്കുകയായിരുന്നു. 2,65112 രൂപയായിരുന്നു ചിട്ടി തുക.

ഓണക്കാല ബന്ദി ചെടികളുടെ നടീൽ ഉദ്ഘാടനം

നെടുമങ്ങാട്: അരുവിക്കര പഞ്ചായത്ത് ജനകീയാസൂത്രണം 2025-26 പൂവനി പദ്ധതി പ്രകാരം ഓണക്കാല ബന്ദി ചെടികളുടെ മൈലമൂട് വാർഡ് തല നടീൽ ഉദ്ഘാടനം ചെറുമാങ്ങോട്ട്‌ വാർഡ് മെമ്പർ രമേശ് ചന്ദ്രൻ നിർവഹിച്ചു. അരുവിക്കര കൃഷി ഓഫീസർ ബി. പ്രശാന്ത്, മുൻ പഞ്ചായത്ത്‌ പ്രസിഡന്‍റ് കളത്തറ മധു, വട്ടകുളം വാർഡ് മെമ്പർ ഇല്ലിയാസ്, മണപൂര് വാർഡ് മെമ്പർ അർച്ചന, കാർഷിക വികസന സമിതി അംഗം ഗണപതി പോറ്റി, അരുവിക്കര ഫാർമേഴ്‌സ് സർവീസ് സഹകരണ ബാങ്ക് മുൻ പ്രസിഡന്‍റ് അഡ്വ. ആർ രാജ്‌മോഹൻ, കാർഷിക വികസന സമിതി അംഗങ്ങൾ, കർഷകർ,കുടുംബശ്രീ അംഗങ്ങൾ, തൊഴിലുറപ്പ് അംഗങ്ങൾ,കൃഷിഭവൻ ഉദ്യോഗസ്ഥർ തുടങ്ങിയവർ പങ്കെടുത്തു.

ആനാട്ടെ കല്ലിയോട് പുതിയ സ്റ്റേഡിയം ഒരുങ്ങുന്നു

നെടുമങ്ങാട്: ആനാട്ടെ കല്ലിയോട് പുതിയ സ്റ്റേഡിയം ഒരുങ്ങുന്നു. കല്ലിയോട് വാര്‍ഡില്‍ സ്വകാര്യ വ്യക്തി കൈവശം വച്ചിരുന്ന ഒരു ഏക്കര്‍ 80 സെന്‍റ് സ്ഥലം നീണ്ടനാളത്തെ ശ്രമഫലമായി നേരത്തെ പഞ്ചായത്ത് തിരികെ പിടിച്ചിരുന്നു. വസ്തു അളന്ന് തിട്ടപ്പെടുത്തി റവന്യ വകുപ്പിന് കൈമാറി. ഇവിടെ കളിക്കളം നിര്‍മിക്കുന്നതിനുള്ള പ്രവര്‍ത്തനങ്ങളാണ് പുരോഗമിക്കുന്നത്. ആധുനിക സജ്ജീകരണങ്ങളോടെ നിര്‍മിക്കുന്ന സ്റ്റേഡിയത്തിന് ആദ്യഗഡു ആയി 50- ലക്ഷം ഡി.കൈ. മുരളി എംഎല്‍എ അനുവദിച്ചു കഴിഞ്ഞു. ഭൂമി 99-വര്‍ഷത്തേക്ക് പാട്ടത്തിന് വിട്ടു നല്‍കണമെന്നാവശ്യപ്പെട്ട് റവന്യൂ മന്ത്രി കെ.രാജന് പഞ്ചായത്ത് പ്രതിനിധികള്‍ അപേക്ഷയും കൈമാറി. ആനാട് പഞ്ചായത്ത് പ്രസിഡന്‍റ് എന്‍. ശ്രീകല, ക്ഷേമകാര്യസ്റ്റാന്‍റിംഗ് കമ്മിറ്റി ചെയര്‍മാന്‍ വേങ്കവിള സജി, പഞ്ചായത്ത് അംഗങ്ങളായ സജിം കൊല്ല, എസ്.ഷീജ എന്നിവരടങ്ങുന്ന സംഘമാണ് മന്ത്രിയെ കണ്ട് ഫയലുകള്‍ കൈമാറിയത്.

മരുതത്തൂർ മഹാലക്ഷ്മി ക്ഷേത്രത്തിൽ ആറാട്ട് മഹോത്സവത്തിന് നാളെ തുടക്കം

നെയ്യാറ്റിൻകര: മരുതത്തൂർ മഹാലക്ഷ്മി ക്ഷേത്രത്തിലെ തൃക്കൊടിയേറ്റ് ആറാട്ട് മഹോത്സവത്തിന് നാളെ തുടക്കം കുറിക്കും. രാവിലെ ആറിന് മഹാഗണപതി ഹോമം, ഉച്ചയ്ക്ക് 12.30 ന് അന്നദാനം, വൈകുന്നേരം 4.30 ന് കൊടിമര ഘോഷയാത്ര, 6.30 ന് തൃക്കൊടിയേറ്റ് രാത്രി 7.25 ന് മുളയിടൽ, 7.30 ന് കലാസന്ധ്യ. ആറിന് രാവിലെ 7.30 ന് കലശപൂജ, വൈകുന്നേരം അഞ്ചിന് സാംസ്കാരിക സമ്മേളനവും മഹാലക്ഷ്മി പുരസ്കാര സമർപ്പണവും. ഏഴിന് രാവിലെ എട്ടിന് കളഭാഭിഷേകം, ഉച്ചയ്ക്ക് 12.30 ന് തിരുനാൾ സദ്യ, രാത്രി ഏഴിന് സംഗീത കച്ചേരി. എട്ടിന് രാവിലെ ഒന്പതിന് ശ്രീഭൂതബലി, 9.15 ന് ഉത്സവ ബലി, വൈകുന്നേരം 6.30 ന് നൃത്ത നൃത്യങ്ങൾ. രാത്രി എട്ടിന് ശ്രീഭുതബലി. ഒന്പതിന് ഉച്ചയ്ക്ക് 12.30 ന് അന്നദാനം, വൈകുന്നേരം 5.30 ന് അധ്യാത്മിക പ്രഭാഷണം, 6.40 ന് കൈകൊട്ടിക്കളി,രാത്രി ഏഴിന് ഭജന, എട്ടിന് ശ്രീഭൂതബലി. 10 ന് ഉച്ചയ്ക്ക് അന്നദാനം, വൈകുന്നേരം 5.30 ന് മഹാലക്ഷ്മിപൂജ, 6.40 ന് തിരുവാതിരക്കളി, രാത്രി എട്ടിന് ശ്രീഭൂതബലി. 11 ന് ഉച്ചയ്ക്ക് 12.30 ന് അന്നദാനം, വൈകുന്നേരം 6.30 ന് സംഗീത കച്ചേരി, രാത്രി എട്ടിന് വലിയ കാണിക്ക, 8.15 ന് പള്ളിവേട്ടയ്ക്കൊഴുന്നെള്ളിപ്പ്. 12 ന് ഉച്ചയ്ക്ക് 12.30 ന് ആറാട്ട് സദ്യ, വൈകുന്നേരം 4.30 ന് തൃക്കൊടിയിറക്കൽ, ആറിന് ആറാട്ട്, 6.45 ന് ആറാട്ട് കടവിൽ നിന്ന് തിരിച്ചെഴുന്നള്ളിപ്പ്.

പരശുവയ്ക്കല്‍ ഗവ. എല്‍പിഎസില്‍ ശുദ്ധജലം എത്തിക്കാൻ ഉത്തരവ്

പാറശാല: പരശുവയ്ക്കല്‍ ഗവ. എല്‍പി സ്‌കൂളിലെ കിണര്‍ അടിയന്തരമായി ശുദ്ധീകരിച്ച് കുട്ടികള്‍ക്ക് ശുദ്ധജലം ലഭ്യമാക്കണമെന്ന് ബാലാവകാശ കമ്മീഷന്‍ ഉത്തരവ്. കിണറില്‍ മോട്ടര്‍ ഘടിപ്പിച്ച് കുട്ടികള്‍ക്ക് എല്ലാ ദിവസവും ഗുണമേന്മയുള്ള ജലം ലഭ്യമാക്കാന്‍ പാറശാല പഞ്ചായത്ത് സെക്രട്ടറിക്ക് ബാലാവകാശ കമ്മീഷന്‍ അംഗം ഡോ. എഫ്. വില്‍സണ്‍ നിര്‍ദേശം നല്‍കി. ഇതില്‍ വീഴ്ച വരുത്തുന്ന പക്ഷം തദ്ദേശ സ്വയംഭരണ വകുപ്പ് പ്രിന്‍സിപ്പല്‍ സെക്രട്ടറി പഞ്ചായത്ത് സെക്രട്ടറിക്കെതിരേ നടപടി സ്വീകരിക്കണം. ഗുണമേന്മ ഉറപ്പുവരുത്താതെ അയല്‍വീടുകളില്‍ നിന്നും ജലം ശേഖരിച്ച് പാചകത്തിനുള്‍പ്പെടയുള്ള ആവശ്യങ്ങള്‍ക്ക് ഉപയോഗിക്കുന്നത് കുട്ടികളില്‍ ഗുരുതര ആരോഗ്യ പ്രശ്‌നങ്ങള്‍ക്കിടയാക്കും. പരശുവയ്ക്കല്‍ ഗവ. എല്‍പി സ്‌കൂളില്‍ പ്രീകെജി മുതല്‍ നാലാം ക്ലാസ് വരെ 127 കുട്ടികളാണ് പഠിക്കുന്നത്. സ്കൂളിൽ ആഴ്ചയില്‍ രണ്ട് ദിവസമേ കുടിവെള്ളം ലഭിക്കുന്നുള്ളു. പിടിഎ പ്രസിഡന്‍റ് ഷീജ കമ്മിഷന് സമര്‍പ്പിച്ച പരാതിയിന്മേലാണ് ഉത്തരവ്.

തമ്പാനൂരിലെ അപകടമരണം : ബസ്‌ ടെര്‍മിനല്‍ സംവിധാനം അശാസ്ത്രീയമെന്ന്് ആക്ഷേപം

പേരൂര്‍ക്കട: തമ്പാനൂരില്‍ നിരന്തരമുണ്ടാകുന്ന അപകടമരണം സംബന്ധിച്ച് ആക്ഷേപങ്ങള്‍ ഉയരുമ്പോള്‍ ബസ് ടെര്‍മിനലിന്‍റെ പ്രവര്‍ത്തനം തന്നെ അശാസ്ത്രീയമെന്ന് ആക്ഷേപം ഉയരുന്നു. തമ്പാനൂര്‍ ബസ് സ്റ്റാൻഡിനുള്ളില്‍ ഒരു പെട്രോള്‍ പമ്പ് പ്രവര്‍ത്തിക്കുന്നുണ്ട്. കിഴക്കേക്കോട്ട, തമ്പാനൂര്‍ എന്നിവിടങ്ങളില്‍ നിന്നു സര്‍വീസ് നടത്തുന്ന ദിനംപ്രതിയുള്ള 1000-ഓളം സര്‍വീസുകള്‍ക്കുള്ള ഇന്ധനം ഇവിടങ്ങളില്‍ നിന്നാണ് നിറയ്ക്കുന്നത്. ടെര്‍മിനലിനുള്ളിലെ പമ്പില്‍ വന്നുതിരിയുന്ന വാഹനങ്ങളുടെ ബാഹുല്യം വാഹനാപകടങ്ങള്‍ക്ക് കാരണമായേക്കാം. ടെര്‍മിനലിനുള്ളില്‍ ബസുകള്‍ നിറയുമ്പോള്‍ പുറത്ത് വാഹനങ്ങളുടെ നീണ്ടനിരയുണ്ടാകും. ഇതിനിടയില്‍ക്കൂടിയാകും ഓട്ടോറിക്ഷളും ഇരുചക്ര വാഹനങ്ങളും തലങ്ങും വിലങ്ങും ഓടുന്നത്. തമ്പാനൂര്‍ സ്റ്റാൻഡിനടുത്തുള്ള തട്ടുകടകള്‍ പ്രധാന പ്രശ്‌നം സൃഷ്ടിക്കുന്നുണ്ട്. ഇപ്പോഴും ടെര്‍മിനലിനുള്ളില്‍ ഒരു പ്രത്യേക സ്ഥലത്തേക്ക് പോകുന്നതിനുള്ള ബസ് എവിടെയാണ് നിര്‍ത്തുന്നതെന്ന് തിരക്കി നടക്കുന്നവര്‍ ഏറെയാണ്. നെയ്യാറ്റിന്‍കര, നെടുമങ്ങാട് തുടങ്ങിയ സ്ഥലങ്ങളിലേക്കുള്ള യാത്രികരാണ് കൂടുതലായി ഇവിടെയെത്തുന്നത്. ബസുകള്‍ വന്നുപോകുന്നതും നിന്നുതിരിയുന്നതുമായ സ്ഥലത്തുള്ള വീതിക്കുറവും പ്രശ്‌നം സൃഷ്ടിക്കുന്നുണ്ട്. രണ്ടുമാസത്തിനു മുമ്പ് കുലശേഖരം സ്വദേശിനി നബീസത്തും കഴിഞ്ഞ ബുധനാഴ്ച കളിയിക്കാവിള സ്വദേശിനി സുലൈഖ അസ്‌കിനും ഇവിടെ മരണപ്പെടുകയുണ്ടായി. നബീസത്ത് ബസിനും സമീപത്തെ മതിലിനുമിടയില്‍ ഞെരുങ്ങിയാണ് മരിച്ചത്. സുലൈഖയുടെ മരണം ബസിന്‍റെ ചക്രങ്ങള്‍ കയറിയിറങ്ങിയായിരുന്നു. തലങ്ങും വിലങ്ങും വാഹനങ്ങള്‍ പാറയുന്നതു നിമിത്തം യാത്രക്കാര്‍തന്നെ ആശയക്കുഴപ്പത്തിലാകുന്നു. തങ്ങള്‍ക്കു കയറുന്നതിനുള്ള ബസ് ഉടന്‍ കടന്നുപോകുമെന്ന ആശങ്കയില്‍ ഇവര്‍ ഓടിയെത്തുമ്പോഴായിരിക്കും ബസ് മുന്നോട്ടെടുക്കുന്നത്. നിരന്തരം സഞ്ചരിച്ചുകൊണ്ടിരിക്കുന്ന മറ്റു വാഹനങ്ങള്‍ ഇവരുടെ ശ്രദ്ധ തിരിക്കുകയും ചെയ്യും. ടെര്‍മിനല്‍ ഭാഗത്തെ അനധികൃത വ്യാപാരം ഇല്ലാതാക്കി നിലവിലുള്ള വ്യാപാരസ്ഥാപനങ്ങള്‍ക്ക് നിയന്ത്രണങ്ങള്‍ കൊണ്ടുവരണമെന്നും അവശ്യമുയരുന്നുണ്ട്. ഓട്ടോറിക്ഷകള്‍ക്കും കൃത്യമായ നിയമങ്ങള്‍ കൊണ്ടുവരേണ്ടതുണ്ട്. യാത്രക്കാര്‍ക്ക് ഭീതികൂടാതെ ടെര്‍മിനലില്‍ തങ്ങള്‍ക്കുള്ള ബസ് കണ്ടെത്തുന്നതിനും അവിടെ ബസ് കാത്തുനില്‍ക്കുന്നതിനുമുള്ള ശാസ്ത്രീയസംവിധാനം കൊണ്ടുവരണം. സുലൈഖ ബസിന്‍റെ ഡ്രൈവര്‍ക്യാബിന്‍റെ ഭാഗത്തുള്ള റോഡിലൂടെ കടന്ന് ബസിന്‍റെ മുന്നിലൂടെ ഓടുമ്പോഴാണ് ഡ്രൈവര്‍ പെട്ടെന്ന് വാഹനം മുന്നോട്ടെടുക്കുന്നത്. ഡ്രൈവര്‍ ബസെടുക്കുമ്പോള്‍ അയാളുടെ ശ്രദ്ധ തന്‍റെ ഇടതുവശത്തെ ഡോറുകള്‍ക്കു സമീപമായിരിക്കുമെന്നതാണ് യാഥാര്‍ത്ഥ്യം. വൈകുന്നേരങ്ങളില്‍ ടെര്‍മിനലിനു മുന്നില്‍ അഭൂതപൂര്‍വമായ തിരക്കാണ് അനുഭവപ്പെടുന്നത്. ട്രാഫിക് പോലീസിന് ചെയ്യാന്‍ കഴിയുന്നതില്‍ പരിമിതിയുണ്ട്. കെഎസ്ആര്‍ടിസി ഉന്നത അധികാരികള്‍ തന്നെ പ്രശ്‌നത്തില്‍ ഇടപെട്ട് ടെര്‍മിനലില്‍ ഏകീകൃത സംവിധാനം കൊണ്ടുവന്നാല്‍ മാത്രമേ അപകടങ്ങള്‍ ഇല്ലാതാക്കാന്‍ സാധിക്കൂ.

ജീപ്പ് ബൈക്കിലിടിച്ച് രണ്ടുപേർക്ക് പരിക്ക്

കാട്ടായിക്കോണം: നരിക്കലിൽ ജീപ്പ് ബൈക്കിലിടിച്ച് അപകടം. ഇന്നലെ വൈകുന്നേരം അഞ്ചോടെയായിരുന്നു അപകടം. നരിക്കലിൽ നിന്ന് മങ്ങാട്ടുകോണം ഭാഗത്തേക്ക് പോയ ജീപ്പ് മങ്ങാട്ടുകോണം ഭാഗത്തുനിന്ന് നരിക്കൽ ഭാഗത്തേക്ക് വന്ന ബൈക്കിലാണ് ഇടിച്ചത്. നരിക്കൽ ഭാഗത്ത് വച്ച് ജീപ്പിൽ മറ്റൊരു വാഹനം ഇടിച്ചിരുന്നു. ഇടിച്ച വാഹനത്തെ പിന്തുടർന്ന് ദൃശ്യങ്ങൾ പകർത്തി വരുന്നതിനിടയിലാണ് ബൈക്കിലിടിച്ചത്. ജീപ്പിൻറെ നിയന്ത്രണം നഷ്ടമായതാണ് അപകടകാരണം .ഇടിയുടെ ആഘാതത്തിൽ ബൈക്ക് 30 മീറ്ററോളം റോഡിലൂടെനിരങ്ങി നീങ്ങിയാണ് നിന്നത്.നിയന്ത്രണം നഷ്ടമായ ജീപ്പ് സമീപത്തെ മതിലിടിച്ച് തകർത്താണ് നിന്നത്. അപകടത്തിൽ ബൈക്ക് യാത്രികരായ യുവാക്കൾക്ക് പരിക്കേറ്റു. വാവറക്കോണം സ്വദേശി ആഷിക്കിനും സുഹൃത്തിനുമാണ് പരിക്കേറ്റത് .ഇരുവരെയും തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.സംഭവത്തിൽ പോത്തൻകോട് പോലീസ് കേസെടുത്തു.

കൊലപാതകക്കേസിൽ ജാമ്യത്തിലിറങ്ങി മുങ്ങിയ പ്രതി 14 വർഷത്തിനുശേഷം പിടിയിൽ

നെയ്യാർഡാം: കൊലപാതകക്കേസിൽ ജാമ്യത്തിലിറങ്ങി മുങ്ങിയ പ്രതിയെ 14 വർഷത്തിനുശേഷം നെയ്യാർഡാം പോലീസ് അറസ്റ്റ് ചെയ്തു. കൈപ്പപ്ലാവിള തടത്തരികത്ത് വീട്ടിൽ രതീഷ് (ശങ്കർ-43) ആണ് പിടിയിലായത്. അമ്പൂരി ചാക്കപ്പാറ വിനോദ് ഭവനിൽ അനിൽകുമാറിനെ (ബിനു-31) സംഘം ചേർന്ന് കൊലപ്പെടുത്തിയ കേസിലെ രണ്ടാം പ്രതിയാണിയാൾ. 2011 ഒക്ടോബർ അഞ്ചിനാണ് കൊലപാതകം നടന്നത്. റിമാൻഡ് കാലാവധിയിൽ ജാമ്യംനേടി ജയിലിൽ നിന്നിറങ്ങിയ ഇയാൾ മുങ്ങുകയും തമിഴ്നാട്ടിലും ബെംഗളൂരുവിലും ഒക്കെയായി കൂലിപ്പണിക്കാരനായി കഴിഞ്ഞു വരികയായിരുന്നു. പഴയ കേസുകൾ പുനരന്വേഷിക്കുന്നതിനിടെയാണ് ഈ കേസിൽ പ്രതിക്കായി പോലീസ് തിരച്ചിൽ ഊർജിതമാക്കിയത്. അനിൽകുമാർ വധക്കേസിലെ ഒന്നാംപ്രതി ശ്രീകുമാർ ജീവപര്യന്തം ശിക്ഷ അനുഭവിച്ചു വരികയാണ്. കേസിലെ നാലും അഞ്ചും പ്രതികളെ കോടതി വെറുതെ വിട്ടിരുന്നു.വനം വകുപ്പിലെ ഒരു കേസിൽ പ്രതിയായ ശ്രീകുമാറിനെ അറസ്റ്റ് ചെയ്യാൻ രഹസ്യവിവരം നൽകിയതിലുള്ള വിരോധത്തിൽ ശ്രീകുമാറിന്‍റെ നേതൃത്വത്തിൽ അനിൽകുമാറിനെ വീട്ടിൽക്കയറി വെട്ടി കൊലപ്പെടുത്തിയെന്നാണ് കേസ്. രതീഷിനെ കാട്ടാക്കട കോടതി റിമാൻഡ് ചെയ്തു.

മരിയൻ എൻജിനിയറിംഗ് കോളജിൽ കോസ്റ്റൽ എൻജിനിയറിംഗ് സെന്‍റർ ആരംഭിച്ചു

കഴക്കൂട്ടം: തീരദേശ വികസനത്തിൽ പങ്കാളിത്തം ഉറപ്പാക്കുക എന്ന ലക്ഷ്യത്തോടെ മരിയൻ എൻജിനീയറിംഗ് കോളജിൽ ആരംഭിച്ച സെന്‍റർ ഫോർ കോസ്റ്റൽ എൻജിനീയറിംഗ് ആൻഡ് മാനേജ്മെന്‍റിന്‍റെ ഉദ്ഘാടനം ഫിഷറീസ് മന്ത്രി സജി ചെറിയാൻ നിർവഹിച്ചു. തിരുവനന്തപുരം ലത്തീൻ അതിരൂപത ആർച്ച് ബിഷപ് ഡോ.തോമസ് ജെ. നെറ്റോ അധ്യക്ഷനായിരുന്നു. കോളജ് മാനേജർ റവ.ഡോ.എ.ആർ.ജോൺ, ഫാ.ജിം കാർവിൻ റോച്ച്, ഡോ.എ.സാംസൺ, ഡോ.എം.അബ്ദുൽ നിസാർ, ഡോ.കെ.ബേബി പോൾ , ആർ. പി.അഭിജിത്ത് എന്നിവർ സന്നിഹിതരായിരുന്നു.

വായന പക്ഷാചരണം: കളക്ടറേറ്റില്‍ ക്വിസ് മത്സരം സംഘടിപ്പിച്ചു

പേരൂര്‍ക്കട: വായന പക്ഷാചരണത്തോടനുബന്ധിച്ച് തിരുവനന്തപുരം ജില്ലാ ഇന്‍ഫര്‍മേഷന്‍ ഓഫീസിന്‍റെ നേതൃത്വത്തില്‍ ജില്ലയിലെ ഹൈസ്‌കൂള്‍‌, ഹയര്‍ സെക്കന്‍ഡറി വിഭാഗം വിദ്യാര്‍ഥികള്‍ക്കായി കുടപ്പനക്കുന്ന് കളക്ടറേറ്റ് കോണ്‍ഫറന്‍സ് ഹാളില്‍ ക്വിസ് മത്സരം സംഘടിപ്പിച്ചു. ഗ്രാൻഡ് മാസ്റ്റര്‍ ജി.എസ്. പ്രദീപ് മത്സരം നയിച്ചു. തോല്‍ക്കുന്നവര്‍ക്ക് ഏറ്റവും കൂടുതല്‍ അറിവ് സമ്മാനിക്കുന്ന വേദിയാണ് ക്വിസ് മത്സരങ്ങളെന്നും ഈ ലോകം ജയിച്ചവരുടേത് മാത്രമല്ലെന്നും അദ്ദേഹം പറഞ്ഞു. ജില്ലയിലെ വിവിധ സ്‌കൂളുകളില്‍ നിന്നായി 200-ഓളം വിദ്യാര്‍ത്ഥികള്‍ രജിസ്റ്റര്‍ ചെയ്തിരുന്നു. ഹയര്‍സെക്കൻഡറി വിഭാഗത്തില്‍ ആറ്റിങ്ങല്‍ ജിഎംബി എച്ച്എസ്എസിലെ വൈഷ്ണവ്‌ദേവ് എസ്. നായര്‍, നിള റിജു എന്നിവര്‍ ഒന്നാം സമ്മാനം കരസ്ഥമാക്കി. ഹൈസ്‌കൂള്‍ വിഭാഗത്തില്‍ വെള്ളനാട് ജികെഎസ് ജിവിഎച്ച്എസ്എസിലെ എസ്.എല്‍. ശ്രീലേഷ്, എസ്.എല്‍. ശ്രീലവ്യ എന്നിവര്‍ ഒന്നാമതെത്തി. വിജയികള്‍ക്ക് ജില്ലാ കളക്ടര്‍ അനുകുമാരി, സബ് കളക്ടര്‍ ഒ.വി ആല്‍ഫ്രഡ്, അസിസ്റ്റന്‍റ് കളക്ടര്‍ സി. ശിവശക്തിവേല്‍ എന്നിവര്‍ സമ്മാനങ്ങള്‍ വിതരണം ചെയ്തു.

ലയോള സ്കൂൾ ലാ ഫെസ്റ്റിന് ഇന്നു തിരി തെളിയും

ശ്രീകാര്യം: ലയോള സ്കൂളിലെ ഹയർ സെക്കൻഡറി വിദ്യാർഥികൾ സംഘടിപ്പിക്കുന്ന ഇന്‍റർ സ്കൂൾ ലൈഫ് ആൻഡ് ആർട്സ് ഫെസ്റ്റ് ലാ ഫെസ്റ്റിന് ഇന്നു തിരിതെളിയും. ലാ ഫെസ്റ്റിന്‍റെ രജതജൂബിലി വർഷത്തിൽ നഗരത്തിലെ 14 ൽ പരം വിദ്യാലയങ്ങളിൽ നിന്ന് 1500 ലധികം വിദ്യാർഥികൾ പങ്കെടുക്കും. പൂർണമായും ഹയർസെക്കൻഡറി വിദ്യാർഥികളുടെ നേതൃത്വത്തിൽ സംഘടിപ്പിക്കുന്ന ലാ ഫെസ്റ്റ് കേരളത്തിൽ മികച്ച നിലവാരം പുലർത്തുന്ന സ്കൂൾ ഫെസ്റ്റുകളിൽ ഒന്നാണ്. മത്സരങ്ങളിലെ വൈവിധ്യം കൊണ്ടും പങ്കാളിത്തം കൊണ്ടും ശ്രദ്ധേയമാണ് ലാ ഫെസ്റ്റ്. സിനിമ സീരിയൽ താരം പ്രേം ജേക്കബും സ്വാസികയും ചേർന്ന് ലാ ഫെസ്റ്റ് 2025 ഉദ്ഘാടനം ചെയ്യും. ലാ ഫെസ്റ്റ് 25 വർഷം പൂർത്തിയാകുന്ന വേളയിൽ ലാ ഫെസ്റ്റ് ശില്പികളിൽ ഒരാളായ ദീപാപിള്ളയെ ഉദ്ഘാടന ചടങ്ങിൽ ആദരിക്കും. സ്കൂൾ മാനേജറും റെക്ടറുമായ ഫാ. സണ്ണി കുന്നപ്പള്ളിൽ എസ്ജെ , സ്കൂൾ ഡയറക്ടറും പ്രിൻസിപ്പലുമായ റവ. ഡോ. സാൽവിൻ അഗസ്റ്റിൻ എസ്ജെ, സിബിഎസ്ഇ പ്രിൻസിപ്പൽ ഫാ. റംലറ്റ് തോമസ് എസ്ജെ, എച്ച്എസ്ഇ പ്രിൻസിപ്പൽ സിസ്റ്റർ ജിജി തോമസ്, ലാ ഫെസ്റ്റ് ജനറൽ കോ- ഓർഡിനേറ്റർ ഷോണ്‍ നിക്കോളാസ്, ട്രഷറർ എഡ്വേർഡ് ഷീൻ, സ്കൂൾ ലീഡർ സിദ്ധാർഥ് എസ്. റോയ് എന്നിവർ ചടങ്ങിൽ സംബന്ധിക്കും.

നെയ്യാറ്റിൻകര ജനറൽ ആശുപത്രി കെട്ടിടം അപകടാവസ്ഥയിലെന്ന് ബിജെപി

നെയ്യാറ്റിന്‍കര: നെയ്യാറ്റിൻകര ജനറൽ ആശുപത്രിയിൽ രോഗികൾക്കും കൂട്ടിരിപ്പുകാർക്കും ഭീഷണിയായി പൊളിഞ്ഞു വീഴാറായ കെട്ടിടങ്ങളുണ്ടെന്ന ആരോപണവുമായി ബിജെപി. ആയിരക്കണക്കിനു പേരുടെ ആശ്രയമായ സര്‍ക്കാര്‍ ആതുരാലയത്തിന്‍റെ ശോച്യാവസ്ഥയ്ക്കതിരേ ഏഴിന് ആശുപത്രിയിലേയ്ക്ക് പ്രതിഷേധ മാര്‍ച്ച് നടത്തുമെന്ന് ബിജെപി സൗത്ത് ജില്ലാ കമ്മിറ്റി ഭാരവാഹികള്‍ അറിയിച്ചു. നൂറ്റാണ്ടിലേറെ പ്രവര്‍ത്തന പാരന്പര്യമുള്ള നെയ്യാറ്റിന്‍കര ജനറല്‍ ആശുപത്രിയില്‍ അപകടാവസ്ഥയിലായ കെട്ടിടങ്ങളുണ്ടെന്ന് ബിജെപി സൗത്ത് ജില്ലാ പ്രസിഡന്‍റ് മുക്കംപാലമൂട് ബിജു ആരോപിച്ചു. രോഗികളും കൂട്ടിരിപ്പുകാരും ഉൾപ്പെടെ നിരവധി ആൾക്കാരാണ് ദിവസവും കെട്ടിടങ്ങളുടെ വരാന്തയിൽ വിശ്രമിക്കുന്നത്. ഫിറ്റ്നസ് സർട്ടിഫിക്കറ്റ് ഇല്ലാത്ത കാലപ്പഴക്കം ചെന്ന കെട്ടിടങ്ങൾ ഉടൻ പൊളിച്ചു മാറ്റുകയും പുതിയ കെട്ടിടങ്ങൾ നിര്‍മിച്ച് രോഗികളുടെയും കൂട്ടിരിപ്പുകാരുടെയും ജീവനക്കാരുടെയും സുരക്ഷ ഉറപ്പുവരുത്തുകയും ചെയ്യണമെന്ന് അദ്ദേഹം ആവശ്യപ്പെട്ടു. നെയ്യാറ്റിന്‍കര ജനറല്‍ ആശുപത്രി ഇന്നലെ ബിജെപി നേതാക്കൾ സന്ദര്‍ശിച്ചു.

കിണറ്റില്‍ വീണ നായ്ക്കളെ രക്ഷപ്പെടുത്തി

പൂന്തുറ: കിണറ്റില്‍ വീണ മൂന്ന് നായ്ക്കളെ ചാക്കയില്‍ നിന്നും ഫയര്‍ഫോഴ്‌സ് അധികൃതരെത്തി രക്ഷപ്പെടുത്തി. വ്യാഴാഴ്ച രാത്രി ഏഴ് മണിയോടുകൂടിയാണ് ബീമാപളളി ഈസ്റ്റില്‍ കൃപാവരത്തില്‍ താമസിക്കുന്ന ശിശുബാലന്‍റെ ഉടമസ്ഥതയിലുളള ചുറ്റുമതിലില്ലാത്ത കിണറ്റില്‍ നായ്ക്കള്‍ വീണത്. നായ്ക്കള്‍ കൂട്ടത്തോടെ എത്തി കടിപിടി കൂടി ഓടുന്നതിനിടെയാണ് മൂന്ന് നായ്ക്കള്‍ കിണറ്റില്‍ വീണത്. എസ്എഫ്ആര്‍ഒ ജി.വി.രാജേഷിന്‍റെ നേതൃത്വത്തില്‍ ശരത്, സുബിന്‍, ആകാശ്, അബ്ദുള്‍ കലാം എന്നിവരുള്‍പ്പെട്ട സേനാംഗങ്ങള്‍ എത്തി ഏറെ ശ്രമകരമായി നായ്ക്കളെ രക്ഷപ്പെടുത്തുകയായിരുന്നു.

കലാഭവൻ തീയറ്ററിൽ ഇരട്ടിവില: അന്വേഷിക്കണമെന്ന് മനുഷ്യാവകാശ കമ്മീഷൻ

തിരുവനന്തപുരം: കലാഭവൻ തീയറ്ററിൽ ഭക്ഷണ സാധനങ്ങൾക്ക് വിലവിവരപട്ടികയിൽ പ്രദർശിപ്പിച്ചിരിക്കുന്നതിന്‍റെ ഇരട്ടിവില ഈടാക്കുന്നത് അന്വേഷിക്കണമെന്ന് മനുഷ്യാവകാശ കമ്മീഷൻ ചെയർപേഴ്സണ്‍ ജസ്റ്റിസ് അലക്സാണ്ടർ തോമസ്. തദ്ദേശസ്വയംഭരണ വകുപ്പ് സെക്രട്ടറി, സിവിൽ സപ്ലൈസ് വകുപ്പ് സെക്രട്ടറി, നഗരസഭാ സെക്രട്ടറി എന്നിവർ പരാതി പരിശോധിച്ച് ഒരു മാസത്തിനകം റിപ്പോർട്ട് സമർപ്പിക്കണം. പോപ്പ്കോണിന് 60 രൂപയാണ് വില രേഖപ്പെടുത്തിയിട്ടുള്ളത്. എന്നാൽ 100 രൂപയാണ് ഈടാക്കുന്നത്. ചലച്ചിത്ര വികസന കോർപറേഷന്‍റെ ഉടമസ്ഥതയിലുള്ള കലാഭവൻ തീയറ്ററിനു സമാനമാണ് നഗരത്തിലെ മറ്റ് തീയേറ്ററുകളിലും വില ഈടാക്കുന്നതെന്ന് പരാതിക്കാരൻ പറയുന്നു. കല്ലറ കോട്ടൂർ സ്വദേശി വഹീദ് സമർപ്പിച്ച പരാതിയിലാണ് നടപടി.

ആമല സെറ്റിൽമെന്‍റ് റോഡ് നവീകരണത്തിന് ഒരു കോടി

കുറ്റിച്ചൽ: കുറ്റിച്ചൽ പഞ്ചായത്തിൽ ആദിവാസി മേഖലയായ ചോനാമ്പാറ വാർഡിലെ ആമല സെറ്റിൽമെന്‍റ് റോഡ് നവീകരണത്തിന് പട്ടികവർഗ വകുപ്പിൽ നിന്നും ഒരു കോടി രൂപയുടെ ഭരണാനുമതി ഉത്തരവായി. ആമല, മേലെആമല, ആയിരംകാൽ എന്നീ മൂന്ന് ഉന്നതികളിലെ അറുപതോളം കുടുംബങ്ങളുടെ പതിറ്റാണ്ടുകളായുള്ള ആവശ്യത്തിനാണ് പരിഹാരമാകുന്നത്. തകർന്ന് കിടക്കുന്ന ഈ റോഡിന്‍റെ ദുരവസ്ഥ മന്ത്രിയുടെ ശ്രദ്ധയിൽ പ്പെടുത്തുകയായിരുന്നു. നാടിന്‍റെ ദുരവസ്ഥ നേരിട്ട് അറിയിച്ചതിന്‍റെ അടിസ്ഥാനത്തിൽ പട്ടികജാതി പട്ടികവർഗ പിന്നാക്ക ക്ഷേമ മന്ത്രി ഒ.ആർ. കേളു ഇതിന് പ്രത്യേക പരിഗണ നൽകി തുക അനുവദിക്കുകയായിരുന്നു.

ആരോഗ്യമന്ത്രിക്കെതിരേ നരഹത്യയ്ക്കു കേസെടുക്കണം: സണ്ണി ജോസഫ്

തിരുവനന്തപുരം: ആരോഗ്യമന്ത്രി വീണാ ജോര്‍ജിനെതിരേ ക്രിമിനല്‍ നിയമപ്രകാരം മനപൂര്‍വമല്ലാത്ത നരഹത്യയ്ക്കു കേസെടുക്കണമെന്നു കെപിസിസി അധ്യക്ഷന്‍ സണ്ണി ജോസഫ് എംഎല്‍എ. മൗണ്ട് കാര്‍മല്‍ കണ്‍വന്‍ഷന്‍ സെന്‍ററില്‍ തിരുവനന്തപുരം ജില്ലാ കോണ്‍ഗ്രസ് കമ്മറ്റി സംഘടിപ്പിച്ച സമര സംഗമം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കോട്ടയം മെഡിക്കല്‍ കോളജിലെ കെട്ടിടം തകര്‍ന്നുവീണ് കൂലിവേല ചെയ്തു കുടുംബം പുലര്‍ത്തിയിരുന്ന ഒരു സ്ത്രീ മരണപ്പെടാനിടയായ സംഭവം അത്യന്തം വേദനിപ്പിക്കുന്നതാണ്. തകര്‍ന്നു വീണ കെട്ടിടത്തിന്‍റെ സ്ലാബുകള്‍ മാറ്റി എത്രയും വേഗം രക്ഷാപ്രവര്‍ത്തനം നടത്താമായിരുന്നു. എന്നാല്‍ രണ്ടേകാല്‍ മണിക്കൂറിനു ശേഷമാണ് അധികാരികള്‍ മനസില്ലാ മനസോടെ രക്ഷാപ്രവര്‍ത്തനം ആരംഭിച്ചത്. മുഖ്യമന്ത്രി ഉള്‍പ്പെടെയുള്ളവര്‍ കോട്ടയത്ത് ഉണ്ടായിരുന്ന ദിവസമായിരുന്നുവെന്നും അദ്ദേഹം ഓര്‍മിപ്പിച്ചു. തിരുവനന്തപുരം മെഡിക്കല്‍ കോളജിലെ ശോച്യാവസ്ഥയെക്കുറിച്ചു പ്രതികരിച്ച ഡോ.ഹാരിസിനെ ഒരു സാധാരണ സര്‍ക്കാര്‍ ഉദ്യോഗസ്ഥനെപ്പോലെ കണ്ണുരുട്ടി പേടിപ്പിക്കാന്‍ മുഖ്യമന്ത്രി ശ്രമിച്ചാല്‍ കേരളത്തിന് അത് ഉള്‍ക്കൊള്ളാനാകില്ല. കേരളത്തിന്‍റെ ആരോഗ്യം വെന്‍റിലേറ്ററിലല്ല, മോര്‍ച്ചറിയിലാണെന്നും അദ്ദേഹം പറഞ്ഞു. ഡിസിസി പ്രസിഡന്‍റ് പാലോട് രവി അധ്യക്ഷത വഹിച്ച ചടങ്ങില്‍ കോണ്‍ഗ്രസ് നേതാക്കളായ അടൂര്‍ പ്രകാശ് എംപി, ഷാഫി പറമ്പില്‍ എംപി, പി.സി. വിഷ്ണുനാഥ് എംഎല്‍എ, കെ.പി.അനില്‍കുമാര്‍ എംഎല്‍എ തുടങ്ങിയവര്‍ പ്രസംഗിച്ചു.

വ്യാജ പ്രമാണമുണ്ടാക്കി വസ്തു തട്ടിയ സംഭവം; വന്‍ സ്രാവുകള്‍ പിടിയിലാകുമെന്നു പോലീസ്

ആധാരമെഴുത്തുകാരനായ തിരുവനന്തപുരം സ്വദേശിയിലേക്കും അന്വേഷണം പേരൂര്‍ക്കട: വ്യാജ പ്രമാണവും വ്യാജ ആധാര്‍ കാര്‍ഡും ഉണ്ടാക്കി വസ്തു തട്ടിയെടുത്ത സംഭവത്തില്‍ പോലീസ് അന്വേഷണം പുരോഗമിക്കുന്നു. വര്‍ഷങ്ങളായി അമേരിക്കയില്‍ താമസിച്ചു വരുന്ന കവടിയാര്‍ ജവഹര്‍ നഗര്‍ സ്വദേശിനി ഡോറ അസറിയ ക്രിപ്‌സിന്‍റെ ഉടമസ്ഥതയിലുള്ള വീടും സ്ഥലവുമാണ് കൊല്ലം പുനലൂര്‍ സ്വദേശി മെറിന്‍ ജേക്കബ് തട്ടിയെടുത്തത്. ഇവര്‍ക്കൊപ്പം കൂട്ടുപ്രതിയായ കരകുളം മരുതൂര്‍ സ്വദേശിനി വസന്തയെയും മ്യൂസിയം പോലീസ് അറസ്റ്റുചെയ്തിരുന്നു. ഡോറ അമേരിക്കയില്‍ നിന്നു തിരുവനന്തപുരത്തേക്ക് വന്നുവെന്നും നോക്കിനടത്താനോ താമസിക്കാനോ സാധിക്കാത്തതിനാല്‍ ഇവരുടെ സമ്മതത്തോടെ തന്നെ വസ്തുവും വീടും എഴുതി നല്‍കിയെന്നുമായിരുന്നു ആദ്യം പ്രചരിച്ചിരുന്നത്. എന്നാല്‍ വിശദമായി രേഖകള്‍ പരിശോധിച്ചതില്‍ നിന്ന് ആധാരം രജിസ്റ്ററായി എന്നു പറയപ്പെടുന്ന ഈവര്‍ഷം ജനുവരി മാസമോ അതിനടുത്ത സമയങ്ങളിലോ ഡോ തിരുവനന്തപുരത്തേക്കോ മറ്റിടങ്ങളിലേക്കോ അമേരിക്കയില്‍ നിന്ന് യാത്രചെയ്തിട്ടില്ലെന്ന് തെളിയുകയായിരുന്നു. ഡോറയുമായി രൂപസാദൃശ്യമുള്ളയാളാണ് വസന്ത. മെറിന്‍ കൊല്ലം ജില്ലക്കാരിയാണെങ്കിലും പൈപ്പിന്‍മൂട്ടില്‍ സ്വകാര്യസ്ഥാപനത്തില്‍ ജോലിചെയ്യുമ്പോള്‍ പരിചയപ്പെട്ടയാളാണ് ഇത്തരമൊരു തട്ടിപ്പിന് കളമൊരുക്കിയതെന്ന് പോലീസ് പറഞ്ഞു. വലിയൊരു തട്ടിപ്പുകേസാണ് ഇതെന്നും ഇതില്‍ വമ്പന്‍ സ്രാവുകള്‍ ഉള്‍പ്പെട്ടിട്ടുണ്ടെന്നും കൂടുതല്‍ അറസ്റ്റുകള്‍ ഉണ്ടാകുമെന്നും മ്യൂസിയം എസ്.ഐ അറിയിച്ചു. ആധാരം രജിസ്റ്ററാക്കിയതില്‍ മുഖ്യപങ്കുവഹിച്ച തിരുവനന്തപുരം സ്വദേശിയായ ഒരാളുടെ പങ്കും പോലീസ് അന്വേഷിച്ചുവരികയാണ്. അതേസമയം ഇടനിലക്കാരിലേക്കു മാത്രമാണ് ഇപ്പോള്‍ കേസ് എത്തിയിരിക്കുന്നതെന്നും വമ്പന്മാരിലേക്ക് എത്തിപ്പെടാന്‍ സമയമെടുക്കുമെന്നും പോലീസ് സൂചിപ്പിച്ചു. ഡോറയുടെ വസ്തുവിന്‍റെ കരമടയ്ക്കാന്‍ ചെന്നപ്പോള്‍ അത് അടച്ചതായി അറിയാന്‍ സാധിച്ചുവെന്ന് പറയുന്ന ഡോറയുടെ ഭൂമിയുടെയും വസ്തുവിന്‍റെയും സൂക്ഷിപ്പുകാരനായ കെയര്‍ടേക്കറിലേക്കും അന്വേഷണം നീളും. ആവശ്യമെങ്കില്‍ ഡോറയെ വിളിച്ചുവരുത്തി മൊഴി രേഖപ്പെടുത്തേണ്ടതായും വരും.

കെഎസ്ആർടിസി ബസ് സ്കൂട്ടറിലിടിച്ച് ആശുപത്രി ജീവനക്കാരി മരിച്ചു

മെഡിക്കല്‍കോളജ്: തിരുവനന്തപുരം കിംസ് ആശുപത്രിയിലെ സ്റ്റാഫ് നഴ്സിന് കെഎസ്ആര്‍ടിസി ബസിനടിയില്‍പ്പെട്ട് ദാരുണാന്ത്യം. തിരുവല്ലം വണ്ടിത്തടം പാലപ്പൂര് പവിത്രത്തില്‍ രാജേന്ദ്രന്‍ നായരുടെയും രമാദേവിയുടെയും മകള്‍ ആര്‍. ആരതി മനോജ് (36) ആണ് മരിച്ചത്. ഇന്നലെ രാവിലെ 8.30ന് വെണ്‍പാലവട്ടം സര്‍വീസ് റോഡിലായിരുന്നു അപകടം. കഷ്ടിച്ച് രണ്ടുവാഹനങ്ങള്‍ക്ക് കടന്നുപോകാന്‍ സാധിക്കുന്ന ചെറിയ റോഡായിരുന്നു ഇത്. ഒരു ടോറസ് ലോറി ഇവിടെ പാര്‍ക്ക് ചെയ്തിരുന്നു. ആരതി മനോജ് ലോറിക്കു സമീപത്തെത്തിയപ്പോള്‍ എതിര്‍വശത്തുനിന്ന് വന്ന വെഞ്ഞാറമൂട് ഡിപ്പോയിലെ കെഎസ്ആര്‍ടിസി ബസ് യുവതി സഞ്ചരിച്ചിരുന്ന സ്കൂട്ടറില്‍ തട്ടുകയായിരുന്നു. നിയന്ത്രണംവിട്ട് തെറിച്ചുവീണ ആരതി ബസി നടിയിൽ അകപ്പെടുകയായിരുന്നു. ചാക്കയില്‍ നിന്ന് അഗ്നിരക്ഷാസേന എത്തിയാണ് മൃതദേഹം സ്ഥലത്തുനിന്നു നീക്കുകയും ആംബുലന്‍സില്‍ തിരുവനന്തപുരം മെഡിക്കല്‍കോളജ് ആശുപത്രിയിലെത്തിക്കുകയും ചെയ്തത്. അതേസമയം സ്കൂട്ടറിലെത്തിയ യുവതി ബസില്‍ തട്ടിയത് അറിഞ്ഞില്ലെന്നാണ് ഡ്രൈവറുടെ മൊഴി. മൃതദേഹം പോസ്റ്റുമോര്‍ട്ടത്തിനുശേഷം ബന്ധുക്കള്‍ക്കു വിട്ടുനല്‍കി. പി. വി. മനോജാണ് ഭര്‍ത്താവ്. മക്കള്‍: പവിത്ര മനോജ്, പ്രാര്‍ഥന മനോജ്. പേട്ട പോലീസ് കേസെടുത്തു.

സദ്ഭാവന കൾച്ചറൽ സെന്‍റർ ഓഫീസ് ഉദ്ഘാടനം

വെഞ്ഞാറമൂട്: പുല്ലമ്പാറ പഞ്ചായത്ത് പരിധിയിൽ രൂപീകരിച്ച സദ്ഭാവന കൾച്ചറൽ സെന്‍റർ തേമ്പാംമൂട്ടിൽ പ്രവർത്തനം ആരംഭിച്ച ഓഫീസിന്‍റെ ഉദ്ഘാടനം ഡിസിസി വൈസ് പ്രസിഡന്‍റ് ആനക്കുഴി ഷാനവാസ് നിർവഹിച്ചു. സംഘടനയുടെ അംഗത്വവിതരണം പുല്ലമ്പാറ സർവീസ് സഹകരണ ബാങ്ക് പ്രസിഡന്‍റ് ഇ.എ. അസീസ് ഉദ്ഘാടനം ചെയ്തു. ജി. പുരുഷോത്തമൻ നായർ, എ. മിനി, അഡ്വ. ഇ.എ. വഹാബ്, ബ്ലോക്ക് പഞ്ചായത്തംഗം സുഹറാ സലിം, പഞ്ചായത്ത് അംഗങ്ങളായ പേരുമല ഷാജി, നസീർ അബൂബക്കർ, റാണിസുനിൽ, എസ്.എം. ബഷീർ, പുലിമുട്ടുകോണം സലിം, അൻവർ ജോയ്, പിച്ചിമംഗലം നാസർ, രജിത് തേമ്പാമൂട്, ജയകുമാരി, എ. ജലീൽ, അബൂഷാൻ തുടങ്ങിയവർ പ്രസംഗിച്ചു. ഭാരവാഹികളായി എ. ഷാജഹാൻ - പ്രസിഡന്‍റ്, സുരേഷ് കുമാർ, ചന്ദ്രികാ ശ്രീധരൻ - വൈസ് പ്രസിഡന്‍റുമാർ, ബി.എസ്. ശിവകുമാർ - ജനറൽ സെക്രട്ടറി, ഷാജി എ, ഷൈനി സൈജു -സെക്രട്ടറിമാർ, എ. മുഹമ്മദ് റാഫി - ട്രഷറർ എന്നിവരെ തെരഞ്ഞെടുത്തു.

ഡിസിസി മുൻ പ്രസിഡന്‍റ് കരകുളം കൃഷ്ണപിള്ളയെ ആദരിച്ചു

പേരൂര്‍ക്കട: എം.എന്‍. ബാലകൃഷ്ണന്‍ നായര്‍ സഹകാരി പുരസ്‌കാരം ലഭിച്ച മുന്‍ ഡിസിസി പ്രസിഡന്‍റ് കരകുളം കൃഷ്ണപിള്ളയെ അദ്ദേഹത്തിന്‍റെ വസതിയിലെത്തി ആദരിച്ചു. കോണ്‍ഗ്രസ് വേറ്റിക്കോണം കമ്മിറ്റിയുടെ ആഭിമുഖ്യത്തിലായിരുന്നു ആദരവ്. കെപിസിസി സെക്രട്ടറി വി.ആര്‍.എം. ഷഹീര്‍ കൃഷ്ണപിള്ളയെ ഷാള്‍ അണിയിച്ചു. കോണ്‍ഗ്രസ് വാര്‍ഡ് പ്രസിഡന്‍റ് സുരേന്ദ്രന്‍, യുഡിഎഫ് ചെയര്‍മാന്‍ വട്ടപ്പാറ സതീശന്‍, ഡിസിസി അംഗങ്ങളായ കാച്ചാണി സനല്‍, കാച്ചാണി രവി, മണ്ഡലം പ്രസിഡന്‍റ് അജിത്ത്, മണ്ഡലം ഭാരവാഹികളായ സുകുമാരന്‍ നായര്‍, മുനീര്‍, മാഹീന്‍ മുഹമ്മദ്, ബാഹുലേയന്‍ തുടങ്ങിയവര്‍ പങ്കെടുത്തു.

ഡ്രൈവര്‍ ഉറങ്ങി പുലര്‍ച്ചെ ലോറി കടയിലേക്ക് ഇടിച്ചു കയറി: ആളപായമില്ല

പാറശാല: അമരവിള എക്‌സൈസ് ചെക്ക് പോസ്റ്റിനു സമീപം ലോറി കടയിലേക്ക് ഇടിച്ചു കയറി. ഗുരുതര പരിക്കേറ്റ ഡ്രൈവറിനെ മെഡിക്കല്‍ കോളേജിലേക്കു മാറ്റി. ആളപായമില്ല. ഇന്നലെ പുലര്‍ച്ചെ മൂന്നു മണിയോടെയാണ് അപകടം നടന്നത്. ഗ്രാമം സ്വദേശി രമേശന്‍റെ ഉടമസ്ഥതയിലുള്ള കടയാണ് തകര്‍ന്നത്. ഡ്രൈവർ ഉറങ്ങിപ്പോയതാണ് അപകടകാരണം. കടയുടെ ഷട്ടറും തൂണുകളും ഉള്‍പ്പെടെ തകര്‍ന്നു. നാലുലക്ഷം രൂപയോളം നഷ്ടം സംഭവിച്ചതായി കടയുടമ പറഞ്ഞു. തമിഴ്‌നാട്ടില്‍നിന്നു വാഴക്കുലയുമായി ചാലയിലെത്തി, തിരികെ മടങ്ങുന്നതിനിടെയായിരുന്നു അപകടം. കടയില്‍ ആരും ഇല്ലാത്തതിനാൽ വലിയ അപകടം ഒഴിവായി. അമരവിള എക് സൈസ് ചെക്ക് പോസ്റ്റിലെ ജീവനക്കാര്‍ രക്ഷാപ്രവര്‍ത്തനം നടത്തി.

റോഡുവക്കിലെ കല്ലിൻകൂട്ടത്തിൽ ബൈക്കിടിച്ച് യാത്രികന് ഗുരുതര പരിക്ക്

വെള്ളറട: റോഡുവക്കിലെ കല്ലി ൻ കൂട്ടത്തിൽ ബൈക്കിടിച്ച് യാത്രികന് ഗുരുതര പരിക്കേ റ്റു. വെള്ളറട ചെമ്പൂര് റോഡില്‍ കണ്ണൂര്‍ കോണത്താണ് അശാസ്ത്രീയമായ രീതിയില്‍ നിരവധി കല്ലുകൾ റോഡ് വക്കില്‍ കൂട്ടിയിട്ടിരിക്കുന്നത്. മൊട്ടലുമൂട് സ്വദേശി റോജി(40) സഞ്ചരിച്ചിരുന്ന ബൈക്ക് നിയന്ത്രണംവിട്ട് കല്ലുകളി ൽ ഇടിച്ചാണ് ഗുരുതരമായി പരിക്കേറ്റത്. റോജിയെ മെഡിക്കല്‍ കോളജിൽ പ്രവേശിച്ചു. റോഡ് വക്കില്‍ അപകടകരമായി ഒരു സാധനങ്ങളും നിക്ഷേപിക്കരുതെന്നാണു കോടതിയും സര്‍ക്കാരും നിര്‍ദേശിക്കുന്നത്. എങ്കിലും അശാസ്ത്രീയമായി അപകടകരമാംവിധം റോഡില്‍ വളവുള്ള സ്ഥലത്താണ് പാറക്കല്ലുകൾ കൊണ്ടു നിക്ഷേപിച്ചിരിക്കുന്നത്. പാറകള്‍ നിക്ഷേപിച്ചാല്‍ ഉടന്‍തന്നെ അതിനെ നീക്കം ചെയ്യണമെന്നും വ്യവസ്ഥയുണ്ട്. എന്നാല്‍ ഇതൊന്നും പാലിക്കാതെ അശാസ്ത്രീയമായി നി ക്ഷേപിച്ച കല്ലിൻകൂട്ടമാണിപ്പോൾ യുവാവിന്‍റെ അപകടത്തിന് കാരണമായത്. ഒരു വാഹനത്തിനു സൈഡ് കൊടുക്കുന്ന സമയത്താണു റോജി സഞ്ചരിച്ചിരുന്ന ബൈക്ക് നിയന്ത്രണംവിട്ട് പാറക്കൂട്ടത്തില്‍ ഇടിച്ചത്. അടിയന്തരമായി റോഡ് വക്കില്‍ അശാസ് ത്രീയമായി നിക്ഷേപിച്ചിരിക്കു ന്ന പാറക്കൂട്ടത്തെ നീക്കാന്‍ നടപടി സ്വീകരിക്കണമെന്ന് പ്രദേശവാസികള്‍ ആവശ്യപ്പെട്ടു. വെള്ളറട പോലീസ് സ്റ്റേഷന്‍ പരിധിയില്‍ ഇതുപോലെ പലയിടത്തും അശാസ്ത്രീയമായി പാറക്കൂട്ടങ്ങള്‍ നിക്ഷേപിച്ചിട്ടുണ്ട്. ഇവയും നീക്കാന്‍ വേണ്ട നടപടികള്‍ വേണമെന്നാണ് പ്രദേശവാസികള്‍ ആവശ്യപ്പെടുന്നത്.

സത്യന്‍നഗര്‍ സ്റ്റേഡിയം: ഒരു കോടി രൂപയുടെ നവീകരണ പദ്ധതി ഇഴയുന്നു

നേമം: നേമം നിയോജക മണ്ഡലത്തിലെ എസ്റ്റേറ്റ് വാര്‍ഡിലെ നടന്‍ സത്യന്‍റെ ഓര്‍മയ്ക്കായുള്ള സ്റ്റേഡിയത്തിന്‍റെ നവീകരണ പദ്ധതി ഇഴയുന്നെന്ന് ആക്ഷേപം. വഴി പ്രശ്‌നത്തിന്‍റെ പേരില്‍ കഴിഞ്ഞ രണ്ടു മാസമായി പണി മുടങ്ങിയിരിക്കുകയാണ്. സ്റ്റേഡിയത്തിന്‍റെ സ്ഥലത്തുനിന്നും സമീപത്തെ ചില വീട്ടുകാര്‍ക്കു വഴി വേണമെന്ന തര്‍ക്കമാണു പണി നിലയ്ക്കാന്‍ കാരണമെന്നു കായിക പ്രേമികള്‍ പറയുന്നു. സ്റ്റേഡിയത്തിന്‍റെ പാര്‍ക്കിംഗ് സ്ഥലം കൈയേറി സമീപത്തെ വസ്തു ഉടമകളില്‍ ചിലര്‍ അവരുടെ വസ്തുവിലേയ്ക്കു വഴി സ്ഥാപിക്കാനുള്ള നീക്കം നടത്തുന്നതായി മന്ത്രി വി. ശിവന്‍കുട്ടിക്കും മേയര്‍ ആര്യ രാജേന്ദ്രനും കായിക പ്രേമികൾ പരാതി നൽകിയിട്ടു ണ്ട്.‌ ചുറ്റുമതിലിനായി കോണ്‍ക്രീറ്റ് ചെയ്യാന്‍ കമ്പി കെട്ടിയ നിലയിലാണ് കഴിഞ്ഞ രണ്ടുമാസമായി പണി തടസപ്പെട്ടിരിക്കുന്നത്. മണ്ണിട്ട് ഉയര്‍ത്തലും ഒരു കെട്ടിടത്തിന്‍റെ നിർമാണവുമാണ് നിലവില്‍ പൂര്‍ത്തിയായിട്ടുള്ളത്. സ്റ്റേഡിയത്തിന് സമീപത്തുള്ളവര്‍ക്ക് ടാര്‍ ചെയ്ത റോഡുള്ളപ്പോള്‍ വീണ്ടും വഴിക്കുവേണ്ടി കളിസ്ഥലം വിട്ടുകൊടുക്കാനാകില്ലെന്ന നിലപാടിലാണ് അധി കൃതർ. ആധുനിക സൗകര്യങ്ങളോടെ ഒരുകോടി രൂപ ചെലവി ൽ സ്റ്റേഡിയം നവീകരിക്കാനാ ണു‍ പദ്ധതിയുള്ളത്. സ്റ്റേഡിയത്തിന്‍റെ നിര്‍മാണോദ്ഘാടനം മന്ത്രിയും സ്ഥലം എംഎല്‍എയുമാായ വി. ശിവന്‍കുട്ടിയാണ് അഞ്ചുമാസം മുമ്പ് നിര്‍വഹിച്ചത്. "ഒരു പഞ്ചായത്ത് ഒരു കളിക്കളം' പദ്ധതിയിലുള്‍പ്പെടുത്തി രണ്ടേക്കറോളം വരുന്ന സ്റ്റേഡിയത്തില്‍ കായിക വകുപ്പിന്‍റെ ഫണ്ടും എംഎല്‍എ ഫണ്ടും ഉപയോഗിച്ചാണ് നിര്‍മാണം നട ത്തുക. ഫുട്‌ബോള്‍, വോളിബോള്‍ കോര്‍ട്ട്, ഓപ്പണ്‍ സ്റ്റേജ്, ഫ്‌ളെഡ് ലൈറ്റ് തുടങ്ങിയ സൗകര്യങ്ങള്‍ പദ്ധതിയിലുണ്ട്. പണ്ട് നേമം പഞ്ചായത്തിന്‍റെ ഭാഗമായിരുന്നപ്പോഴാണ് കുളം നികത്തി കളിക്കളം നിര്‍മിച്ചത്.

ഭാര്യയെ തലയ്ക്കടിച്ചു പരിക്കേൽപ്പിച്ച ഭർത്താവ് അറസ്റ്റിൽ

നെടുമങ്ങാട്: ഭാര്യയെ ക്രിക്കറ്റ് ബാറ്റ് കൊണ്ട് തലയ്ക്കടിച്ച് പരിക്കേൽപ്പിച്ച പുതുകുളങ്ങര ചാരുംമൂട് ഹക്കിം നിവാസിൽ ഹക്കിം (42) നെ ആര്യനാട് പോലീസ് അറസ്റ്റു ചെയ്തു. നിരന്തരം വീട്ടിൽ മദ്യപിച്ച് എത്തി ഭാര്യയെ ശാരീരികവും മാനസികവുമായി ഉപദ്രവിക്കുകയും പരിസര വാസികൾക്ക് ഉൾപ്പടെ ഇയാൾ ശല്യമായിരിന്നു . കഴിഞ്ഞ 30ന് രാവിലെ ഒന്പതോടെ ഹക്കിം ഭാര്യ സെലീനയുമായി വാക്കു തർക്കത്തിൽ ഏർപ്പെടുകയും തുടന്ന് വീട്ടിലുണ്ടായിരുന്ന ക്രിക്കറ്റ്' ബാറ്റ് കൊണ്ട് തലയ്ക്കും മൂഖത്തും അടിക്കുകയും മർദനത്തെ തുടർന്ന് തലയ്ക്കും കണ്ണിനും മാരകമായി പരിക്കേൽക്കുകയും ഗുരുതരാവസ്ഥയിലായ സെലീനയെ ബന്ധുക്കളും നാട്ടുകാരം ചേർന്നു തിരുവനന്തപുരം മെഡിക്കൽ ആശുപത്രിയിൽ പ്രവേശിപ്പിക്കുകയായിരിന്നു. ആര്യനാട് പോലീസ് ഇൻസ്പെക്ടർ വി.എസ്. അജീഷിന്‍റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

വെറ്ററിനറി പോളി ക്ലിനിക്കിൽ മൊബൈൽ സർജറി യൂണിറ്റ്

നെടുമങ്ങാട്: വെറ്ററിനറി പോളി ക്ലിനിക്കിൽ മൊബൈൽ സർജറി യൂണിറ്റിന്‍റെ ഉദ്ഘാടനം നഗരസഭ ചെയർപേഴ്സൺ സി.എസ്. ശ്രീജ നിർവഹിച്ചു. വൈസ് ചെയർമാൻ എസ്. രവീന്ദ്രൻ, വികസന കാര്യ സ്റ്റാൻഡിംഗ് കമ്മിറ്റി ചെയർപേഴ്സൺ എസ്. സിന്ധു, പൊതുമരാമത്ത് സ്റ്റാൻഡിംഗ് കമ്മിറ്റി ചെയർമാൻ പി. ഹരികേശൻ നായർ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ബി. സതീശൻ, കൗൺസിലർ മാരായ എം.എസ്. ബിനു, പുലിപ്പാറ കൃഷ്ണൻ, ബിജു, രാജേന്ദ്രൻ, സീനിയർ വെറ്ററിനറി സർജൻ ഡോ. ജെ. സീമ, വെറ്ററിനറി സർജന്മാരായ ഡോ. നീതു, ഡോ. മീനു ബഷീർ, ഡോ. രാഹുറാം, ഡോ. അമ്മു, ഡോ. അഭിരാം അശോക്, മറ്റ് ജീവനക്കാരായ നിഷ, അജിത, സുധീഷ്, പ്രതിഭ, പ്രശാന്ത് എന്നിവർ പങ്കെടുത്തു.സീനിയർ വെറ്ററിനറി സർജൻ ഡോ ജെ. സീമ, മൊബൈൽ സർജറി യൂണിറ്റിന്‍റെ പ്രവർത്തനങ്ങളെക്കുറിച്ച് വിശദീകരിച്ചു.

കാർ വൈദ്യുത തൂണിലിടിച്ച് അപകടം

വിതുര: പൊന്മുടി സന്ദർശനം കഴിഞ്ഞ മടങ്ങിയവരുടെ കാർ വൈദ്യുതത്തൂണിലിടിച്ച് അപകടം. വിതുര ആനപ്പാറ ഗാർഡ് സ്റ്റേഷനു സമീപത്തെ വളവിൽ വച്ചായിരുന്നു സംഭവം. പറണ്ടോട് സ്വദേശികളായ യുവാക്കളാണ് കാറിൽ ഉണ്ടായിരുന്നത്. ഇവരിലാർക്കും ഗുരുതര പരിക്കില്ല. നിയന്ത്രണംവിട്ട കാർ റോഡരികിലെ വൈദ്യുതത്തൂണിൽ ഇടിക്കുകയായിരുന്നു. ഇടിയുടെ ആഘാതത്തിൽ ലൈനുകൾ ഉൾപ്പടെ രണ്ടുതൂണുകൾ റോഡിലേക്ക് ഒടിഞ്ഞു വീണു. ഈ സമയം റോഡിലൂടെ വാഹനങ്ങൾ വരാത്തതിനാൽ വലിയ അപകടം ഒഴിവായി. ഒരു മണിക്കൂറോളം ഗതാഗതം തടസപ്പെട്ടു. കെഎസ്ഇബി ജീവനക്കാരുടെ ഏറെ നേരത്തെ ശ്രമഫലമായാണ് ഒടിഞ്ഞ വൈദ്യുതത്തൂണുകൾ മാറ്റിയത്.

കൈകോർത്തുപിടിച്ച് അവർ കിരീടം നേടി

തിരുവനന്തപുരം: ലൂർദ് ഫൊറോനാ പള്ളിയിൽ സീനിയർ സിറ്റിസൺ ഫോറത്തിന്‍റെ ആഭിമുഖ്യത്തിൽ നടത്തപ്പെട്ട ദുക്റാന ആഘോഷങ്ങളുടെ ഭാഗമായി നടന്ന നസ്രാണി അച്ചായൻ, നസ്രാണി അമ്മച്ചി എന്നീ മത്സരങ്ങളിൽ മാത്യു തോമസും ഭാര്യ രാജമ്മ മാത്യുവും ഒന്നാം സമ്മാനാർഹരായി കിരീടം നേടി. രണ്ട് വ്യത്യസ്ത മത്സരങ്ങളിൽ വിജയം നേടിയത് ഈ ദമ്പതിമാരാണ് എന്നത് എല്ലാവരെയും അത്ഭുതപ്പെടുത്തി. 87 വയസുള്ള മാത്യു എജീസ് ഓഫീസിൽ നിന്നു സീനിയർ ഓഡിറ്റ് ഓഫീസർ ആയി റിട്ടയർ ചെയ്ത് ചെയ്ത ആളാണ്. 86 കാരിയായ രാജമ്മ ജില്ലാ എംപ്ലോയ്മെന്‍റ് ഓഫീസറായി റിട്ടയർ ചെയ്തതാണ്. വിവാഹത്തിന്‍റെ 59 വർഷത്തിലും ആരോഗ്യത്തിലും സന്തോഷത്തിലും കഴിയുന്ന ഈ ദമ്പതിമാർ ആഘോഷമത്സരങ്ങളിൽ പങ്കെടുക്കാൻ പരമ്പരാഗത വേഷങ്ങൾ അണിഞ്ഞാണ് എത്തിയത്. വിധകർത്താക്കളുടെ ചോദ്യങ്ങൾക്ക് രസകരമായ ഉത്തരങ്ങൾ നൽകി സദസ്‌സിനെ വിസ്മയിപ്പിച്ചു മാത്യു അച്ചായൻ. രാജമ്മ അമ്മച്ചി ആകട്ടെ പ്രാർഥനകളെല്ലാം കൃത്യമായി ചൊല്ലി കേൾപ്പിക്കുക യും ചെയ്തു. ഒന്നാംസമ്മാനം തങ്ങളുടെ ജീവിതപങ്കാളിക്കാണെന്ന് അറിഞ്ഞത് ഇരുവരെയും വിസ്മയിപ്പിച്ചു. സദസ്യർക്ക് ഇത് വലിയ ആശ്ചര്യവുമായി.

പൗരാണികതയുടെ സ്മരണകൾ ഉണർത്തി ദുക്റാന ആഘോഷം

തിരുവനന്തപുരം: ലൂർദ് ഫൊറോന പള്ളിയിൽ മാർത്തോമാ ശ്ലീഹായുടെ ദുക്റാന തിരുനാളിനോട് അനുബന്ധിച്ച് പ്രത്യേക ആഘോഷ പരിപാടികൾ നടത്തി. മാർത്തോമാ നസ്രാണികളുടെ പഴമയും പാരമ്പര്യവും അനുസ്മരിപ്പിക്കുന്ന വിവിധങ്ങളായ പരിപാടികളോടുകൂടി വേറിട്ട ഒരു ആഘോഷമാണ് തിരുവനന്തപുരത്ത് നടന്നത്. സീനിയർ സിറ്റിസൺ ഫോറത്തിന്‍റെ ആഭിമുഖ്യത്തിൽ നസ്രാണി അച്ചായൻ, നസ്രാണി അമ്മച്ചി, നസ്രാണി മീൻ കറി വെക്കൽ എന്നീ മത്സരങ്ങൾ നടത്തി. പരമ്പരാഗത വേഷങ്ങൾ അണിഞ്ഞും പ്രാർഥനകൾ കൃത്യമായി ചൊല്ലിയും വിശ്വാസ സംബന്ധമായ ചോദ്യങ്ങൾക്ക് ഉത്തരം നൽകിയും നസ്രാണി അച്ചായന്മാരും നസ്രാണി അമ്മച്ചിമാരും സദസിനെ വിസ്മയിപ്പിച്ചു. നസ്രാണി മീൻ കറി വയ്ക്കൽ മത്സരത്തിൽ നിരവധി വനിതകൾ അണിനിരന്നു. രുചിയേറിയ മീൻകറി വിഭവങ്ങൾ തയാറാക്കി അവർ എല്ലാവരെയും രുചിയുടെ വിസ്മയങ്ങൾ കാണിച്ചുകൊടുത്തു. ആശ ഫ്രാൻസിസ് ആണ് നസ്രാണി ഷെഫ് ആയി ഒന്നാം സമ്മാനം നേടിയത്. സംഗമ പരിപാടികൾ നിർമല ഭവൻ സ്കൂൾ പ്രിൻസിപ്പൽ സിസ്റ്റർ ലെൻസ് ആലയ്ക്കൽ ഉദ്ഘാടനം ചെയ്തു. വികാരി ജനറാൾ ഫാ. ജോൺ തെക്കേക്കര, ഫാ. സച്ചിൻ മരങ്ങാട്ട് ഫാ. സെബാസ്റ്റ്യൻ മനയത്ത്, ഫിലിപ്പ് ജോസഫ്, ഈപ്പൻ പ്ലാക്കാട്ട് , പ്രഫ. ജോൺ കുര്യൻ, ടി. റോസമ്മ, പ്രഫ. ഹോർമിസ് തുടങ്ങിയവർ പരിപാടികൾക്ക് നേതൃത്വം നൽകി. വി.വി. ജോർജ് നന്ദി പറഞ്ഞു.

ഡോ. ഹരിസ് കല്ലറ സ്കൂൾ പൂർവ വിദ്യാർഥി

കല്ലറ: തിരുവനന്തപുരം മെഡിക്കൽ കോളജിലെ ദുരവസ്ഥ തുറന്നു കാട്ടിയ ഡോ. ഹാരിസ് കല്ലറ സ്കൂളിലെ പൂർവ വിദ്യാർഥി. മെഡിക്കൽ കോളജിലെ ദുരവസ്ഥയെക്കുറിച്ചു പരസ്യ പ്രതികരണം നടത്തിയതിലൂടെ ജനപ്രിയനായി മാറിയ തിരുവനന്തപുരം മെഡിക്കൽ കോളജിലെ യൂറോളജി വിഭാഗം മേധാവി ഡോ. ഹാരിസ് ഹസൻ കല്ലറ ഗവൺമെന്റ് സ്കൂളിലെ പൂർവ വിദ്യാർഥിയാണെന്ന കാര്യം സ്മരിക്കുകയാണ് സഹപാഠികൾ. സ്കൂളിൽ പഠിക്കുമ്പോൾ തന്നെ സഹപാഠികൾക്കും അധ്യാപകർക്കും ഏറെ പ്രിയങ്കരനായിരുന്നു. കല്ലറ മരുതമണ്ണിലായിരുന്നു താമസം. മാതാവ് ഐഷ കല്ലറ സ്കൂളിലെ അധ്യാപികയായിരുന്നു. പിതാവ് ഹസൻ കുമ്മിൾ സ്കൂളിലെ അധ്യാപകനായിരുന്നു. സാധാരണക്കാരയ രോഗികളുടെ ആശ്രയ കേന്ദ്രമായ ഗവൺമെന്‍റ് മെഡിക്കൽ കോളജിൽ ഉപകരണങ്ങൾ ഇല്ലാതെ ശസ്ത്രക്രിയകൾ മുടങ്ങുന്നതിനെക്കുറിച്ചു ഡോ. ഹാരിസ് സമൂഹത്തോടു തുറന്നു പറഞ്ഞതു കേരളമാകെ ചർച്ച ചെയ്യുകയാണ്. തന്‍റെ മുന്നിലെത്തിയ പാവപ്പെട്ട കുടുംബത്തിലെ അഗ്രികൾച്ചറൽ കോളജിൽ പഠിക്കുന്ന മിടുക്കനായ ഒരു വിദ്യാർഥിക്ക് മൂത്രാശയത്തിലെ കല്ല് കാരണം വൃക്ക തകരാറിലായി. ഉടൻ അടിയന്തിര ശസ്ത്രക്രിയ അനിവാര്യമായിട്ടും വേണ്ട ഉപകരണങ്ങൾ ഇല്ലാത്തതിനാൽ ശസ്ത്രക്രിയ നടത്താൻ കഴിയാത്തതിലെ വിഷമം കൊണ്ടാണ് ഡോക്ടർ മെഡിക്കൽ കോളജിലെ ദുരവസ്ഥയെ കുറിച്ച് സമൂഹത്തോട് പറഞ്ഞത്. ഡോക്ടറുടെ തുറന്നു പറച്ചിൽ കേരളത്തിൽ വലിയ ചർച്ചയാവുകയാണ്.

കാന്തള്ളൂര്‍ശാല നവീകരണം; പ്രോജക്ട് റിപ്പോര്‍ട്ട് കൈമാറി

പേരൂര്‍ക്കട: വലിയശാല വാര്‍ഡിലെ കാന്തള്ളൂര്‍ ശാലയുടെ നവീകരണവുമായി ബന്ധപ്പെട്ട പ്രോജക്ട് റിപ്പോര്‍ട്ട് തിരുവിതാംകൂര്‍ ദേവസ്വം ബോര്‍ഡ് പ്രസിഡന്‍റിനു കൈമാറി. വലിയശാല വാര്‍ഡ് കൗണ്‍സിലര്‍ എസ്. കൃഷ്ണകുമാറാണ് പ്രോജക്ട് റിപ്പോര്‍ട്ട് കൈമാറിയത്. തിരുവനന്തപുരം നഗരസഭ 10 കോടിയുടെ നവീകരണ പ്രവര്‍ത്തനങ്ങളാണ് കാന്തള്ളൂര്‍ ശാലയില്‍ നടത്തുക. കാന്തള്ളൂര്‍ ശാല ഇപ്പോള്‍ കാന്തള്ളൂര്‍ ക്ഷേത്രമാണ്. നടക്കല്ല് പാകല്‍, ഗോപുരവാതിൽ നവീകരണം, കാന്തള്ളൂര്‍ ശാലയിലേക്കുള്ള റോഡുകളുടെ അറ്റകുറ്റപ്പണിയും നവീകരണവും, ക്ഷേത്രത്തിനു ചുറ്റും കരിങ്കല്‍പാകിയുള്ള നിര്‍മാണം എന്നിവ പുതിയ പ്രോജക്ടില്‍ ഉള്‍പ്പെടുന്നുണ്ട്. നാലേക്കറോളം വരുന്നതാണ് കാന്തള്ളൂര്‍ ക്ഷേത്ര പരിസരം. വികസന പ്രവര്‍ത്തനങ്ങള്‍ എത്രയും വേഗം ആരംഭിക്കാനാണ് തീരുമാനിച്ചിട്ടുള്ളത്.

സെന്‍റ് ജോസഫ്സ് സ്കൂളിൽ തെരഞ്ഞെടുപ്പ് ഉത്സവം

തിരുവനന്തപുരം: സെന്‍റ് ജോസഫ് സ്കൂളിൽ പൊതു തെരഞ്ഞെടുപ്പ് മാതൃകയിൽ സ്കൂൾ പാർലമെന്‍റ് തെരഞ്ഞെടുപ്പ് നടത്തി. തെരഞ്ഞെടുപ്പ് നടപടികളും ചിഹ്നങ്ങളും പോളിംഗ് സ്റ്റേഷനും വിദ്യാർഥികളായ പോളിംഗ് ഓഫീസർമാരും പോളിംഗ് ഏജന്‍റുമാരും ക്രമസമാധാന പാലകരായി എസ്പിസി കേഡറ്റുകളും നിരന്നപ്പോൾ പൊതു തെരഞ്ഞെടുപ്പിന്‍റെ പ്രതീതിയുണർത്തി. സ്ഥാനാർഥികൾ ഒരാഴ്ച മുന്പേ നാമനിർദേശ പത്രിക സമർപ്പിക്കുകയും അനുവദിച്ച ചിഹ്നങ്ങൾ പ്രദർശിപ്പിച്ച് പ്രചാരണം നടത്തുകയും ചെയ്തു. കുട്ടികളിൽ പൗരബോധവും ജനാധിപത്യ ബോധവും പരിശീലിപ്പിക്കുന്നതിന് സ്കൂളിലെ സാമൂഹ്യ ശാസ്ത്ര ക്ലബ്ബിന്‍റെ നേതൃത്വത്തിലാണ് തെരഞ്ഞെടുപ്പ് പ്രക്രിയകൾ സംഘടിപ്പിച്ചത്.

രക്തദാതാക്കളെ ആദരിച്ചു

തിരുവനന്തപുരം : കേരള ബ്ലഡ് ഡോണേഴ്സ് സൊസൈറ്റി (കെബ്സ്) രക്തദാനരംഗത്ത് മികച്ച സംഭാവനകൾ നൽകിയ സ്ഥാപനങ്ങളേയും വ്യക്തികളേയും ആദരിച്ചു.വിഴിഞ്ഞം ഇന്‍റർനാഷണൽ സീപോർട്ട് എം.ഡി. ഡോ ദിവ്യ എസ്. അയ്യർ ഉദ്ഘാടനം ചെയ്തു. പാപ്പനം കോട് എസ്സിടി കോളജ് ഓഫ് എൻജിനീയറിംഗ്് പ്രിൻസിപ്പൽ ഡോ. സി. സതീഷ്കുമാർ അധ്യക്ഷത വഹിച്ചു. പ്രഥമ ബേബി ബർലി മെമ്മോറിയൽ അവാർഡ് ആർ.സി.സി. ബ്ലഡ് ബാങ്ക് മേധാവി ഡോ. വിജയലക്ഷ്മി ഏറ്റുവാങ്ങി. നടൻ നന്ദു പൊതുവാൾ, ടെറുമോ പെൻപോൾ റിസർച്ച് മേധാവി ഷിനുനായർ, യൂണിവേഴ്സിറ്റി എൻ.എസ്.എസ്. പ്രോഗ്രാം കോർഡിനേറ്റർ ഡോ. എം. അരുണ്‍, ഡോ. ജോയി വർഗീസ്, ഡോ. എസ്. രോഹിണി, കെബ്സ് ജില്ലാ പ്രസിഡന്‍റ് ഷെവ. ഡോ. കോശി എം. ജോർജ്, സെക്രട്ടറി എസ്. രതീഷ്, കെ.പി. രാജഗോപാലൻ, ആർ. ഗോവിന്ദ്, എ.എസ്. ഷിബിന രാജ് എന്നിവർ പ്രസംഗിച്ചു.

ഡോ. രാമചന്ദ്ര റാഹിക്ക് സർവധർമ പുരസ്കാരം

നെയ്യാറ്റിന്‍കര : ഗാന്ധിയൻ പി. ഗോപിനാഥൻനായരുടെ സ്മരണാർഥം ഗാന്ധിമിത്ര മണ്ഡലം ഏർപ്പെടുത്തിയ രണ്ടാമത് സർവധർമ പുരസ്കാരത്തിനു ഗാന്ധി സ്മാരക നിധി അഖിലേന്ത്യാ ചെയർമാൻ ഡോ. രാമചന്ദ്ര റാഹിയെ തിരഞ്ഞെടുത്തു. 50,001 രൂപയും പ്രശസ്തി പത്രവും ഫലകവും അടങ്ങുന്നതാണ് പുരസ്കാരം. കേരള ഗാന്ധി സ്മാരക നിധി ചെയർമാൻ ഡോ. എൻ. രാധാകൃഷ്ണന്‍, ഗോപിനാഥൻനായരുടെ പത്നി എൽ. സരസ്വതിയമ്മ, അഡ്വ. എസ്.രാജശേഖരൻനായർ, അഡ്വ. അനിൽ കാട്ടാക്കട, വി.കെ മോഹൻ എന്നിവർ ഉൾപ്പെട്ട ജഡ്ജിംഗ് കമ്മിറ്റിയാണ് പുരസ്കാര ജേതാവിനെ തിരഞ്ഞെടുത്തത്.

"ഒരു വീട്ടിൽ ഒരു കേരവൃക്ഷം' പദ്ധതി തുടങ്ങി

നെയ്യാറ്റിൻകര: നഗരസഭയുടെയും കൃഷിഭവന്‍റെയും നെയ്യാറ്റിൻകര ഗവ. ഹയർ സെക്കൻഡറി സ്കൂൾ നാഷണൽ സർവീസ് സ്കീം യൂണിറ്റിന്‍റെയും സംയുക്താഭിമുഖ്യത്തിൽ "ഒരു വീട്ടിൽ ഒരു കേരവൃക്ഷം' പദ്ധതിക്ക് തുടക്കമായി. കെ. ആന്‍സലന്‍ എംഎല്‍എ ഉദ്ഘാടനം ചെയ്തു. ഹയർസെക്കൻഡറി സ്കൂൾ പ്രിൻസിപ്പൽ പി.ആര്‍. ദീപ്തി, നഗരസഭ കൃഷി ഓഫീസർ ടി. സജി, ഹയർസെക്കൻഡറി സ്കൂൾ നാഷണൽ സർവീസ് സ് കീം യൂണിറ്റ് പ്രോഗ്രാം ഓഫീസർ എസ്.വി. ശുഭശ്രീ, എൻഎസ്എസ് വോളണ്ടിയര്‍ ലീഡർ പി. ആദിത്യൻ, അധ്യാപകരായ പി.എസ്. പ്രശാന്ത്, എം.ആര്‍. മഞ്ജു, അജിത, എ.പി. അശോക് എന്നിവർ പങ്കെടുത്തു.

പള്ളിത്തുറയിലെ ജനങ്ങളെ പുനരധിവസിപ്പിക്കണം: പ്രതിപക്ഷ നേതാവ് വി.ഡി. സതീശൻ

പള്ളിത്തുറ: അപകടകരമായ നിലയിലുള്ള വീടുകളിൽ കഴിയുന്ന പള്ളിത്തുറയിലെ ജനങ്ങളെ സർക്കാരിന്‍റെ ഉടമസ്ഥതയിൽ തീരദേശത്തു തന്നെയുള്ള സ്ഥലത്ത് പുനരധിവസിപ്പിക്കാൻ നടപടിയെടുക്കണമെന്നു പ്രതിപക്ഷ നേതാവ് വി.ഡി. സതീശൻ ആവശ്യപ്പെട്ടു. ഈ വിഷയം സർക്കാരിന്‍റെ ശ്രദ്ധയിൽ പെടുത്തുമെന്നും സ്ഥലം സന്ദർശിച്ച പ്രതിപക്ഷ നേതാവ് അറിയിച്ചു. തീരപ്രദേശത്തെ ദുരിതത്തിന്‍റെ നേർക്കാഴ്ചയാണ് പള്ളിത്തുറയിലേത്. ഓരോ സീസണ്‍ കഴിയുന്പോഴും കടൽ കരയിലേക്കു കയറുകയാണ്. ഒരു ലെയിനിലെ 25 വീടുകൾ അപകടഭീഷണിയിലാണ്. മറ്റൊരു ലെയിനിലെ നാൽപതോളം വീടുകളും അപകടത്തിലാണ്. പുനരധിവാസത്തിനു വേണ്ടിയുള്ള പദ്ധതികൾ ആവിഷ്കരിച്ചെങ്കിലും അതൊന്നും യാഥാർഥ്യമായിട്ടില്ല. ഇവിടുത്തെ ജനങ്ങൾക്ക് കടൽത്തീരം വിട്ടു ദൂരേക്കൊന്നും പോകാനാകില്ല. തീരദേശത്തുതന്നെ സർക്കാരിന്‍റെ ഉടമസ്ഥതയിലുള്ള സ്ഥലത്ത് പുനരധിവാസം നടത്താനുള്ള നടപടികൾ സർക്കാർ സ്വീകരിക്കണം. ഇക്കാര്യം സർക്കാരിന്‍റെ ശ്രദ്ധയിൽപ്പെടുത്തും. ജനങ്ങളുടെ സങ്കടം കാണാൻ വേണ്ടിയാണു വന്നതെന്നും സതീശൻ പറഞ്ഞു.

ചിത്രകലാ ഗോപുരങ്ങൾ ഒരുക്കി തിരുവനന്തപുരം വിമാനത്താവളം

വലിയതുറ: കേരളത്തിന്‍റെ സാംസ്കാരിക പെരുമ മുദ്രണം ചെയ്ത ചിത്രകല ഗോപുരങ്ങൾ ഒരുക്കി തിരുവനന്തപുരം വിമാനത്താവളം. ചക്കയിലെ രാജ്യാന്തര ടെർമിനലിലേക്കുള്ള ഓവർബ്രിഡ്ജ് ടവറുകളാണ് ചിത്ര ഗോപുരങ്ങളാക്കി മാറ്റിയത്. കേരളത്തിന്‍റെ തനതു കലാരൂപങ്ങൾ, സാംസ്കാരിക ബിംബങ്ങൾ, ചരിത്രസ്മാരകങ്ങൾ, കേരളത്തിന്‍റെ അഭിമാനമായി മാറിയ സ്ഥാപനങ്ങൾ എന്നിവയടങ്ങുന്ന കാൻവാസ് ആയി ടവറുകൾ മാറി. ലോകമെങ്ങും പ്രചാരം നേടിയ തെയ്യവും കഥകളിയും മുതൽ ഒപ്പനയും മാർഗംകളിയും പൂരവും രഥോത്സവവും ആദ്യ ഗോപുരത്തെ മനോഹരമാക്കുന്നു. മലയാള ഭാഷയുടെ പിതാവ് തുഞ്ചത്ത് എഴുത്തച്ഛനിൽ തുടങ്ങുന്ന രണ്ടാം ഗോപുരത്തിൽ മലയാളം അക്ഷരമാലയും കളരിയും ആയുർവേദവും മുതൽ വള്ളംകളി വരെയുണ്ട്. മൂന്നാം ഗോപുരം തിരുവനന്തപുരത്തിന്‍റെ കലാ- സാംസ്കാരിക പാരമ്പര്യത്തിന്‍റെ നേർക്കാഴ്ചയാണ്. പത്മനാഭസ്വാമി ക്ഷേത്രം, ബീമാപള്ളി, പാളയം പള്ളി, രാജാ രവിവർമയുടെ അനശ്വര പെയിന്‍റിംഗുകൾ, രാജ കൊട്ടാരങ്ങൾ എന്നിവ ഉൾക്കൊള്ളിച്ചിട്ടുണ്ട്. നാലാം ഗോപുരം ആധുനിക തലസ്ഥാനത്തിന്‍റെ മുഖമാണ്. നിയമസഭ മന്ദിരവും, വിക്രം സാരാഭായി സ്പേസ് സെന്‍ററും ടെക്നോപാർക്കും നേപ്പിയർ മ്യൂസിയവും മുതൽ വിഴിഞ്ഞം രാജ്യാന്തര തുറമുഖം വരെ നിറക്കൂട്ടുകളായി കാഴ്ചയൊരുക്കുന്നു. ഒറ്റപ്പാലത്തെ ദേവ ക്രിയേഷൻസ് സ്ഥാപകരായ അമ്പിളി തെക്കേടത്ത്, സനു ക്രാരിയേലി എന്നിവരുടെ നേതൃത്വത്തിൽ മൂന്നു മാസമെടുത്താണ് ചിത്രങ്ങൾ പൂർത്തിയാക്കിയത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]