ADVERTISEMENT

ADVERTISEMENT

ഉന്നത വിജയം നേടിയവരെ ആദരിച്ചു

പുൽപ്പള്ളി: വയനാട് സിറ്റി ക്ലബ് അംഗങ്ങളുടെ മക്കളിൽ എസ്എസ്എൽസി, പ്ലസ് ടു പരീക്ഷകളിൽ മികച്ച വിജയം നേടിയവരെ ആദരിച്ചു.

ജോണി പനച്ചിക്കൽ ഉദ്ഘാടനം ചെയ്തു. പി.എ. ഡീവൻസ് അധ്യക്ഷത വഹിച്ചു. റഷീദ പ്രതീഷ്, ആര്യ ലക്ഷ്മി, പി.വി. സുരേഷ്, മനോജ് കടുപ്പിൽ, എം.വി. ബാബു എന്നിവർ പ്രസംഗിച്ചു.

ADVERTISEMENT

പുളിഞ്ഞാലിൽ വിജയോത്സവം നടത്തി

പുളിഞ്ഞാൽ: ജിഎച്ച്എസിൽ വിജയോത്സവം നടത്തി. ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. പിടിഎ പ്രസിഡന്‍റ് സി.പി. അബ്ദുൾ ജബ്ബാർ അധ്യക്ഷത വഹിച്ചു. പഞ്ചായത്ത് അംഗങ്ങളായ ശാരദ അത്തിമുറ്റം, ഷൈജി ഷിബു, ഹെഡ്മിസ്ട്രസ് കെ.ഐ. അശ്വതി, കെ. അമ്മദ്, ഉഷാകുമാരി, ഫിലിപ്പ്, കെ.എം. നാസർ, പി.ടി. ഗിരീഷ്, ബി.ആർ. ബിന്ദു, എൻ. സമദ്, അബ്ദുള്ള, സിറാജ്, മൊയ്തു, ജസ്ന എന്നിവർ പ്രസംഗിച്ചു. എസ്എസ്എൽസി പരീക്ഷയിൽ ഉന്നത വിജയം നേടിയവർക്ക് പിടിഎയും പ്രവാസി കൂട്ടായ്മയും സംയുക്തമായി മെമന്‍റോ നൽകി.

ഈട്ടിമുറി; പിഴ ഈടാക്കാൻ കളക്ടർക്ക് നിർദേശം നൽകുന്നതിന് ചീഫ് സെക്രട്ടറിക്ക് കത്ത്

കൽപ്പറ്റ: വയനാട്ടിലെ തൃക്കൈപ്പറ്റ വില്ലേജിൽപ്പെട്ട നത്തംകുനിയിൽ റവന്യു പട്ടയഭൂമിയിൽനിന്നു അനധികൃതമായി ഈട്ടി മുറിച്ചതിന് ചുമത്തിയ പിഴ ഈടാക്കാൻ ജില്ലാ കളക്ടർക്ക് നിർദേശം നൽകുന്നതിന് ജില്ലാ ഗവ.പ്ലീഡറും പബ്ലിക് പ്രോസിക്യൂട്ടറുമായിരുന്ന അഡ്വ.ജോസഫ് മാത്യു ചീഫ് സെക്രട്ടറിക്ക് കത്തയച്ചു. നത്തംകുനിയിൽ ബ്ലോക്ക് നന്പർ 29ൽ 591/1 സർവേ നന്പറിൽപ്പെട്ട 0.1821 ഹെക്ടർ ഭൂമിയിൽനിന്നു നൂറ്റാണ്ടുകൾ പഴക്കമുള്ള ഈട്ടി 2020 ഡിസംബറിലാണ് മുറിച്ചത്. സ്വകാര്യ കാപ്പിത്തോട്ടത്തിൽ ഉണ്ടായിരുന്നതാണ് മരം. സർക്കാരിന് ഉടമാവകാശമുള്ള ഈട്ടി മുറിച്ചതിന് കേരള ലാൻഡ് കണ്‍സർവൻസി(കഐൽസി)നിയമപ്രകാരം രജിസ്റ്റർ ചെയ്ത കേസിൽ സ്ഥലം ഉടമയ്ക്ക് 37,27,416 രൂപയാണ് പിഴ ചുമത്തിയത്. വൈത്തിരി തഹസിൽദാർ നോട്ടീസ് നൽകി മാസങ്ങൾ കഴിഞ്ഞിട്ടും സ്ഥലം ഉടമ പിഴ ഒടുക്കിയില്ല. തഹസിൽദാരുടെ ഉത്തരവിനെതിരേ അപ്പീൽ നൽകിയതുമില്ല. അനധികൃത ഈട്ടിമുറിയുമായി ബന്ധപ്പെട്ട ഫയൽ വില്ലേജ് ഓഫീസിൽ ചലനമറ്റ് കിടക്കുകയാണ്. ഈ സാഹചര്യത്തിലാണ് കത്ത് അയച്ചതെന്ന് അഡ്വ.ജോസഫ് മാത്യു പറഞ്ഞു. നിലവിലെ ചീഫ് സെക്രട്ടറി റവന്യു സെക്രട്ടറിയായിരുന്നപ്പോഴാണ് നത്തംകുനിയിൽ അനധികൃത ഈട്ടിമുറി നടന്നത്. ചന്ദനം ഒഴികെ മരങ്ങൾ മുറിക്കുന്നതിന് പട്ടയം ഉടമകളെ അനുവദിച്ച് റവന്യു വകുപ്പ് 2020 മാർച്ച് 11ന് പരിപത്രം പുറപ്പെടുവിച്ചിരുന്നു. ഡബ്ല്യുപി(സി)13678/2020 നന്പർ ഹർജിയിൽ പരിപത്രം 2020 ജൂലൈ എട്ടിന് ഹൈക്കോടതി സ്റ്റേ ചെയ്തു. ഇതേത്തുടന്ന് പരിപത്രത്തിന്‍റെ അടിസ്ഥാനത്തിൽ നടപടികൾ സ്വീകരിക്കേണ്ടതില്ലെന്ന് 2020 ഓഗസ്റ്റ് 10ന് ലാൻഡ് റവന്യു കമ്മീഷണർ ജില്ലാ കളക്ടർമാർക്ക് നിർദേശം നൽകി. പട്ടയ പരിശോധന നടത്തിയും നിയമലംഘനമില്ലെന്നു ഉറപ്പുവരുത്തിയും മരങ്ങൾ മുറിക്കണമെന്ന് 2020 ഓഗസ്റ്റ് 21ലെ ഉത്തരവിൽ ഹൈക്കോടതി വ്യക്തമാക്കി. ഇതിനു പന്നാലെ, 2020 ഒക്ടോബർ 24നാണ് റവന്യു പട്ടയ ഭൂമിയിലെ വൃക്ഷവില അടച്ചതും സ്വയം കിളിർത്തതും നട്ടുവളർത്തിയതുമായ മരങ്ങളിൽ ചന്ദനം ഒഴികെയുള്ളവ മുറിച്ചെടുക്കുന്നതിനു കൈവശക്കാരെ അനുവദിച്ച് റവന്യു പ്രിൻസിപ്പൽ സെക്രട്ടറി ഉത്തരവായത്. നത്തംകുനിയിലെ ഈട്ടി മുറിക്കുന്നതിന് 2020 മാർച്ച് 11ലെ പരിപത്രത്തിന്‍റെ പകർപ്പ് സഹിതമാണ് സ്ഥലം ഉടമയായ വനിത 2020 ജൂലൈ ഒന്പതിന് തൃക്കൈപ്പറ്റ വില്ലേജ് ഓഫീസർക്ക് അപേക്ഷ നൽകിയത്. പട്ടയഭൂമിയിൽനിന്നു രാജകീയവൃക്ഷം മുറിക്കാൻ അനുമതിയില്ലെന്ന കാരണം പറഞ്ഞ് വില്ലേജ് ഓഫീസർ അപേക്ഷ നിരസിച്ചു. ഇതേത്തുർടർന്ന് മരംമുറിക്ക് അനുമതി തേടി സ്ഥലം ഉടമയുടെ ഭർത്താവ് റവന്യു സെക്രട്ടറിക്ക് 2020 ഒക്ടോബർ ഏഴിന് അപേക്ഷ നൽകി. ഈ അപേക്ഷ തുടർനടപടിക്ക് 2020 ഡിസംബർ ഒന്പതിന് റവന്യു സെക്രട്ടറി ജില്ലാ കളക്ടർക്ക് അയച്ചു. മരം മുറിക്കുന്നതിന് അനുമതിക്ക് സ്ഥലം ഉടമയുടെ ഭർത്താവ് റവന്യു സെക്രട്ടറിയുടെ 2020 ഒക്ടോബർ 24ലെ ഉത്തരവും 2020 ഡിസംബർ ഒന്പതിലെ കത്തും സഹിതമാണ് ജില്ലാ കളക്ടറെ സമീപിച്ചത്. റവന്യു പട്ടയ ഭൂമിയിലെ ഈട്ടി മുറി നിയമവിരുദ്ധമായിട്ടും കളക്ടർ എതിർപ്പ് അറിയിച്ചില്ല. ഇത് മൗനാനുവാദമായി കണക്കാക്കിയ സ്ഥലം ഉടമയുടെ ഭർത്താവ് തൊഴിലാളികളെ നിയോഗിച്ച് മരത്തിന്‍റെ കൊന്പുകൾ ഇറക്കാൻ തുടങ്ങി. മരം റിസർവ് ചെയ്തതാണെന്ന് അറിയാവുന്ന പ്രദേശവാസി സൂരജ് ജേക്കബ്, ഇതേക്കുറിച്ച് ചോദിച്ചപ്പോൾ കളക്ടറുടെ അനുമതിയുണ്ടെന്നാണ് ഭൂവുടമയുമായി ബന്ധപ്പെട്ടവർ പറഞ്ഞത്. മരംമുറി സംബന്ധിച്ച് സൂരജ് ജേക്കബ് 2020 ഡിസംബർ 31ന് സൗത്ത് വയനാട് ഡിഎഫ്ഒയ്ക്കും തൃക്കൈപ്പറ്റ വില്ലേജ് ഓഫീസർക്കും പരാതി നൽകിയെങ്കിലും പ്രത്യേക ഫലം ഉണ്ടായില്ല. അനധികൃതമായി ഈട്ടി മുറിച്ചതിന് 2021ജനുവരി 11നാണ് കെഎൽസി നിയമപ്രകാരം ഭൂവുടയ്മക്കെതിരേ കേസെടുത്തത്. ജനുവരി 17നു തടികൾ റവന്യു അധികാരികൾ കസ്റ്റഡിയിലെടുത്തു. മരത്തിന് 12,42,472 രൂപയാണ് വനം വകുപ്പ് വില കണക്കാക്കിയത്.കെഎൽസി നിയമപ്രകാരം ഇതിന്‍റെ മൂന്നിരട്ടിയാണ് പിഴ നിശ്ചയിച്ചത്. നത്തംകുനിയിലെ അനധികൃത ഈട്ടിമുറി വിവാദമായതിനെത്തുടർന്നാണ് സംസ്ഥാന വ്യാപകമായി ചർച്ചയായ മുട്ടിൽ സൗത്ത് വില്ലേജിലെ അനധികൃത ഈട്ടിമുറി പുറത്തുവന്നതെന്നും അഡ്വ.ജോസഫ് മാത്യു പറഞ്ഞു.

പോത്തിറച്ചിയുടെ വർധിപ്പിച്ച വില പിൻവലിക്കണം: പാടിച്ചിറ പൗരസമിതി

പുൽപ്പള്ളി: മുള്ളൻകൊല്ലി, പുൽപ്പള്ളി മേഖലയിൽ പോത്തിറച്ചിക്ക് വർധിപ്പിച്ച വില പിൻവലിക്കണമെന്ന് പാടിച്ചിറ പൗരസമിതി കച്ചവടക്കാരോട് ആവശ്യപ്പെട്ടു. കഴിഞ്ഞദിവസംവരെ കിലോ ഗ്രാമിന് 360 രൂപയായിരുന്നു പോത്തിറച്ചി വില. ഇത് ഒറ്റയടിക്ക് 40 രൂപ കൂടി 400 രൂപയാക്കി. സാധാരണക്കാരെ കൊള്ളയടിക്കുന്ന ഇത്തരം നടപടികൾ വച്ചുപൊറുപ്പിക്കാനാവില്ല. വിലവർധന പിൻവലിച്ചില്ലെങ്കിൽ മാർക്കറ്റുകൾക്കു മുന്പിൽ ശക്തമായ സമരം സംഘടിപ്പിക്കുമെന്ന് യോഗം മുന്നറിയിപ്പു നൽകി. പ്രസിഡന്‍റ് മനോജ് കടുപ്പിൽ അധ്യക്ഷത വഹിച്ചു. പി.ടി. മാനുവൽ, ജിജോ മണ്ഡപത്തിൽ, സണ്ണി നാപ്പത്തഞ്ചിൽ, സീന ജിജോ എന്നിവർ പ്രസംഗിച്ചു.

ജാതി സെൻസസ് നടത്തണം: എൻ.ഡി. അപ്പച്ചൻ

കൽപ്പറ്റ: ജാതി സെൻസസ് സംസ്ഥാനത്തും നടത്തണമെന്ന് ഡിസിസി പ്രസിഡന്‍റ് എൻ.ഡി. അപ്പച്ചൻ. ഭാരതീയ ദളിത് കോണ്‍ഗ്രസ് ജില്ലാ കമ്മിറ്റി സംഘടിപ്പിച്ച അയ്യങ്കാളി അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം. ദളിത് കോണ്‍ഗ്രസ് ജില്ലാ പ്രസിഡന്‍റ് വി.കെ. ശശികുമാർ അധ്യക്ഷത വഹിച്ചു. സംസ്ഥാന നേതാക്കളായ ആർ. രാജൻ, എ. രാംകുമാർ, ആദിവാസി കോണ്‍ഗ്രസ് ജില്ലാ പ്രസിഡന്‍റ് ബാലൻ വാകേരി, ബ്ലോക്ക് കോണ്‍ഗ്രസ് കമ്മിറ്റി പ്രസിഡന്‍റ് ബി. സുരേഷ് ബാബു, കെ.വി. പോക്കർ ഹാജി, ആർ. രാമചന്ദ്രൻ, ഗിരിജ കൃഷ്ണൻ, കെ.ജി. രഘു, സിന്ധു വാഴവറ്റ, ബാലൻ പെരുന്തട്ട, ദേവു, അനീഷ് വൈത്തിരി, ബാലൻ പെരുന്തട്ട, സുബ്രഹ്മണ്യൻ വെള്ളാരംകുന്ന്, സജീവൻ ചീരാൽ, വി.എസ്. അഭിഷേക്, വി.കെ. രവി, ഷാജി മേപ്പാടി എന്നിവർ പ്രസംഗിച്ചു.

മുള്ളൻകൊല്ലി - മരക്കടവ് റോഡ് പണിയിൽ അഴിമതിയെന്ന്

പുൽപ്പള്ളി: കേന്ദ്ര സർക്കാരിന്‍റെ ഭാരത് മാല പദ്ധതിയിൽ ഉൾപ്പെടുത്തി പതിനഞ്ചു കോടി രൂപ ചെലവിൽ നിർമിക്കുന്ന മുള്ളൻകൊല്ലി കബനിഗിരി മരക്കടവ് പെരിക്കല്ലൂർ റോഡ് പണിയിൽ കാര്യമായ അപാകതകളുണ്ടെന്ന് ബിജെപി പുൽപ്പള്ളി മണ്ഡലം കമ്മിറ്റി ഭാരവാഹികൾ വാർത്താസമ്മേളനത്തിൽ പറഞ്ഞു. എസ്റ്റിമേറ്റ് പ്രകാരം നിർമിക്കേണ്ട കൾവർട്ടുകളും ഡ്രൈനേജുകളും നിർമിച്ചിട്ടില്ല. റോഡിന് വീതി കുറഞ്ഞ സ്ഥലങ്ങളിൽ നിർമ്മിക്കേണ്ട പാർശ്വഭിത്തി നിർമാണവും എങ്ങും എത്തിയിട്ടില്ല. പാടിച്ചിറയിൽ അടക്കം അഴുക്കുചാലുകൾ നിർമിച്ചിട്ടില്ല. മുള്ളൻകൊല്ലി മുതൽ പെരിക്കല്ലൂർ വരെയുള്ള സ്ഥലങ്ങളിൽ മഴയ്ക്ക് മുന്പ് തന്നെ റോഡ് തകർന്ന് ഗതാഗതത്തിന് സാധ്യമല്ലാതായി. റോഡ് പണിയിൽ വീഴ്ച വരുത്തിയ ഉദ്യോഗസ്ഥർക്കെതിരേ നടപടി ഉണ്ടാകണമെന്ന് ബിജെപി പുൽപള്ളി മണ്ഡലം കമ്മിറ്റി ആവശ്യപ്പെട്ടു. വാർത്താസമ്മേളനത്തിൽ മണ്ഡലം പ്രസിഡന്‍റ് മനു പ്രസാദ്, മണ്ഡലം വൈസ്. പ്രസിഡന്‍റ് രാജൻ പാറയ്ക്കൽ, പഞ്ചായത്ത് കമ്മിറ്റി പ്രസിഡന്‍റ് ഐക്കരശ്ശേരി ഗോപാലകൃഷ്ണൻ നായർ, മണ്ഡലം സെക്രട്ടറി ജോബിഷ് മാവുടി, കെ.എസ്. അനിൽ എന്നിവർ പങ്കെടുത്തു.

ഷെഡ് കവലയിൽ അപകടഭീഷണിയായ തേക്ക് മുറിച്ച് മാറ്റാൻ നടപടി വേണമെന്ന്

പുൽപ്പള്ളി: ബത്തേരി-പുൽപ്പള്ളി പാതയിൽ ഷെഡ് കവലയ്ക്ക് സമീപം അപകടഭീഷണിയുയർത്തുന്ന തേക്ക് മുറിച്ചുമാറ്റാൻ നടപടി വേണമെന്നാവശ്യപ്പെട്ട് നാട്ടുകാർ അധികൃതർക്ക് പരാതി നൽകി. തേക്കിന്‍റെ ഒരുവശം ഉണങ്ങിയ നിലയിലാണ്. കാറ്റത്ത് ശിഖരങ്ങൾ ഒടിഞ്ഞ് വാഹനങ്ങൾക്ക് മുകളിലുംമറ്റും പതിക്കുന്നതും പതിവാണ്. സമീപത്തുള്ള വാഹന കാത്തിരിപ്പ് കേന്ദ്രത്തിലാണ് വിദ്യാർഥികൾ ഉൾപ്പടെ ബസ് കാത്തുനിൽക്കുന്നത്. കഴിഞ്ഞവർഷം ഈ മരത്തിന്‍റെ ശിഖരം ഒടിഞ്ഞുവീണിരുന്നു. മരത്തിന് സമീപം നിരവധികടകൾ ഉള്ളതിനാൽ നിരവധി ആളുകൾ ഇവിടെയെത്താറുണ്ട്. അതിനാൽ അടിയന്തരമായി മരംമുറിച്ചുനീക്കാൻ നടപടി വേണമെന്നാവശ്യപ്പെട്ട് പ്രദേശവാസികൾ പഞ്ചായത്തിൽ പരാതി നൽകിയിരുന്നു. എന്നാൽ മരംമുറിച്ചുമാറ്റാനാവശ്യമായ നടപടിയുണ്ടാകുന്നില്ലെന്നാണ് നാട്ടുകാരുടെ പരാതി.

ബത്തേരിയിൽ ഒക്ടോബർ രണ്ട് മുതൽ പ്ലാസ്റ്റിക് നിരോധനം

ജോജി വർഗീസ് സുൽത്താൻ ബത്തേരി: ക്ലീൻ സിറ്റി, ഗ്രീൻ സിറ്റി, ഫ്ളവർ സിറ്റി എന്ന ആശയം സംസ്ഥാനത്ത് ആദ്യമായി പ്രാവർത്തികമാക്കിയ നഗരസഭയിൽ പ്ലാസ്റ്റിക് നിരോധനവും. ഒറ്റത്തവണ ഉപയോഗിക്കാവുന്ന പ്ലാസ്റ്റിക്ക് സാമഗ്രികളുടെ സന്പൂർണ നിരോധനം ഒക്ടോബർ രണ്ട് മുതൽ നഗരസഭയിൽ നടപ്പാകും. സംസ്ഥാനത്ത് തിരക്കേറിയ 10 മലയോര വിനോദ സഞ്ചാര കേന്ദ്രങ്ങളിൽ പ്ലാസ്റ്റിക് നിരോധിച്ചുള്ള ഹൈക്കോടതി ഉത്തരവിന്‍റെ അടിസ്ഥാനത്തിലാണ് നഗരത്തിലും പ്ലാസ്റ്റിക് നിരോധനം ബാധകമാക്കുന്നത്. ഇതോടെ ബത്തേരി സംസ്ഥാനത്തെ മാതൃകാ നഗരസഭയായി മാറും. സംസ്ഥാനത്ത് വികസനപ്രവർത്തനങ്ങളിൽ ഇപ്പോൾ നഗരസഭ മൂന്നാം സ്ഥാനത്താണ്. കർണാടക, തമിഴ്നാട് സംസ്ഥാനങ്ങളോട് ചേർന്നുകിടക്കുന്ന പട്ടണമാണ് ബത്തേരി. ജില്ലയിൽ സ്വദേശികളും വിദേശികളുമായ വിനോദ സഞ്ചാരികൾ ഏറ്റവും കൂടുതൽ എത്തുന്ന മലയോര പട്ടണമാണിത്. എന്‍റെ മാലിന്യം എന്‍റെ ഉത്തരവാദിത്വം എന്ന ആശയത്തിലൂന്നിയാണ് നഗരസഭയുടെ പ്രവർത്തനം. സംസ്ഥാനത്തെ ഏറ്റവും ശുചിത്വ സുന്ദരമായമായ പട്ടണം എന്ന ബഹുമതി നേരത്തേ ബത്തേരിക്ക് ലഭിച്ചിരുന്നു. നഗരസഭയും വ്യാപാരികളും സംഘടനകളും കൈകോർത്തതിന്‍റെ ഫലമാണിത്. സംസ്ഥാനത്ത് പൊതു നിരത്തിൽ തുപ്പിയതിന് ആദ്യമായി പിഴ ഈടാക്കിയ നഗരസഭയാണ് ബത്തേരി. നഗരം മോടി പിടിപ്പിക്കുക എന്ന ആശയത്തിന്‍റെ ഭാഗമായാണ് ഫുട്പാത്തിന്‍റെ കൈവരികളിൽ ചട്ടികളിൽ പൂച്ചെടികൾ പരിപാലിക്കുന്നത്. വീടുകളും കെട്ടിടങ്ങളും നിർമിക്കുന്പോൾ രണ്ടു വൃക്ഷതൈ വച്ചുപിടിപ്പിച്ചാലേ ലൈസൻസ് നൽകൂ എന്ന വ്യവസ്ഥ നഗരസഭയിലുണ്ട്.

കൊയിലേരി - പയ്യന്പള്ളി റോഡ് നവീകരണ പ്രവർത്തിയിൽ അപാകതയെന്ന്

മാനന്തവാടി: കൊയിലേരി - പയ്യന്പള്ളി റോഡ് നവീകരണ പ്രവർത്തിയിൽ അപാകതയെന്ന് ആരോപണം. പയ്യന്പള്ളിയേയും കൊയിലേരിയെയും തമ്മിൽ ബന്ധിപ്പിക്കുന്ന മൂന്നരകിലോമീറ്ററിലേറെ ദൈർഘ്യമുള്ള റോഡിന്‍റെ നവീകരണ പ്രവൃത്തികളിൽ അപാകതയുണ്ടെന്നാരോപിച്ചാണ് നാട്ടുകാർ രംഗത്ത് വന്നിരിക്കുന്നത്. ആറ് മാസം മുന്പാണ് നവീകരണത്തിന്‍റെ ഭാഗമായാണ് റോഡിന്‍റെ ഭാഗങ്ങൾ പൊളിച്ചിട്ടത്. തുടർന്ന് കുഴികളിൽ ക്വാറി വേസ്റ്റിട്ട് നിരത്തി. വേനൽക്കാലത്ത് പൊടിശല്യം കാരണം പ്രദേശവാസികൾ ദുരിതം നേരിട്ടിരുന്നു. ഒരാഴ്ച മുന്പാണ് പൊളിച്ചിട്ട ഭാഗങ്ങളിൽ ടാറിംഗ് പ്രവൃത്തി തുടങ്ങിയത്. എന്നാൽ ടാറിംഗ് നടത്തിയ ഭാഗങ്ങളിൽ മെറ്റൽ ഇളകി മാറിയ നിലയിലാണ്. ഇത് ഇരുചക്രവാഹനങ്ങളുൾപ്പടെ റോഡിൽ നിരങ്ങി നീങ്ങി അപകടത്തിലാകുന്നതിന് കാരണമാകുന്നുണ്ട്. റോഡ് പൊളിച്ചിട്ട ഭാഗങ്ങളിൽ നിരത്തിയ കല്ല് തെറിച്ച് വീടുകളുടെ ജനൽച്ചില്ലുകൾ പൊട്ടുന്നതും പ്രദേശവാസികളെ പ്രയാസത്തിലാക്കിയിരുന്നു.മഴയെത്തിയപ്പോൾ ടാറിംഗ് തുടങ്ങിയതും പ്രതിഷേധത്തിനിടയാക്കുന്നുണ്ട്. ബന്ധപ്പെട്ട അധികൃതർ ഇടപെട്ട് പ്രതിസന്ധിക്ക് പരിഹാരം കാണണമെന്നാണ് നാട്ടുകാരുടെ ആവശ്യം.

ഡോ.നല്ലതന്പി തേര അനുസ്മരണം

കൽപ്പറ്റ: ഭൂസമര സമിതിയുടെയും സിപിഐ(എംഎൽ)റെഡ്സ്റ്റാർ ജില്ലാ കമ്മിറ്റിയുടെയും നേതൃത്വത്തിൽ എമിലിയിൽ ഡോ.നല്ലതന്പി തേര അനുസ്മരണം നടത്തി. സിപിഐ(എംഎൽ)റെഡ്സ്റ്റാർ ജില്ലാ സെക്രട്ടറി കെ.വി. പ്രകാശ് അധ്യക്ഷത വഹിച്ചു. ഭൂസമര സമിതി കണ്‍വീനർ എം.കെ. ഷിബു അനുസ്മരണ പ്രഭാഷണം നടത്തി. ആദിവാസികളുടെ ഭൂ അവകാശത്തിനും ഭൂസംരക്ഷണത്തിനും ഡോ.നല്ലതന്പി നടത്തിയ പോരാട്ടങ്ങൾ അവിസ്മരണീയമാണെന്ന് അദ്ദേഹം പറഞ്ഞു. ആദിവാസികൾക്ക് അർഹതപ്പെട്ട ഭൂമിക്കുവേണ്ടി ഹൈക്കോടതിയിലും സുപ്രീം കോടതിയിലും കേസ് നടത്തിയ ഡോ.നല്ലതന്പിക്ക് സ്വന്തമായി രണ്ട് സെന്‍റ് ഭൂമിപോലും ഉണ്ടായിരുന്നില്ല. ഡോക്ടർ എന്ന നിലയിലും സേവനം സമൂഹത്തിന്‍റെ താഴ്ത്തട്ടുകളിൽ ലഭ്യമാക്കാൻ അദ്ദേഹം ശ്രദ്ധ ചെലുത്തിയതായി ഷിബു അനുസ്മരിച്ചു. 2010 ജൂണ്‍ 17ന് അന്തരിച്ച ഡോ.നല്ലതന്പി തേര മേപ്പാടി വിത്തുകാട് വർഗീസ് സ്മാരക സമരഭൂമിയിലാണ് അന്ത്യവിശ്രമം കൊള്ളുന്നത്. പി.എം. ജോർജ്, പി.ടി. പ്രേമാനന്ദ്, ബിജി ലാലിച്ചൻ, സുനിൽ ജോസഫ്, കെ.ജി. മനോഹരൻ, സി.ജെ. ജോണ്‍സണ്‍ എന്നിവർ പ്രസംഗിച്ചു.

സ്കൂളുകളെ വർണാഭമാക്കി പ്ലസ് വണ്‍ പ്രവേശനോത്സവം

കല്ലോടി: സെന്‍റ് ജോസഫ്സ് ഹയർ സെക്കൻഡറി സ്കൂളിൽ പ്ലസ് വണ്‍ പ്രവേശനോത്സവം(വരവേൽപ്പ്-2025)നടത്തി. എടവക പഞ്ചായത്ത് പ്രസിഡന്‍റ് അഹമ്മദുകുട്ടി ബ്രാൻ ഉദ്ഘാടനം ചെയ്തു. കൗമാരക്കാരുടെ മാനസിക സുസ്ഥിതി ഉറപ്പുവരുത്തുന്നതിന് സർക്കാർ നടപ്പാക്കുന്ന ’കൂടെയുണ്ട് കരുത്തേകാൻ’, ’താങ്ങായി തണലായി’ പദ്ധതികളുടെ സ്കൂൾതല ഉദ്ഘാടനവും അദ്ദേഹം നിർവഹിച്ചു. മാനേജർ ഫാ.സജി കോട്ടായിൽ അധ്യക്ഷത വഹിച്ചു. മാനന്തവാടി രൂപത കോർപറേറ്റ് എഡുക്കേഷണൽ ഏജൻസിയുടെ എല്ലാവരും എഴുതുന്നു, എല്ലാവരും വായിക്കുന്നു പദ്ധതി ലോഗോ പ്രിൻസിപ്പൽ ബ്രിജേഷ് ബാബുവിന് നൽകി അദ്ദേഹം പ്രകാശനം ചെയ്തു. വാർഡ് അംഗം ജംഷീറ ഷിഹാബ്, പിടിഎ പ്രസിഡന്‍റ് സി.ജെ. ഷിജോ, വി. ജോസ്കുമാർ, ബിന്ദു ചെറിയാൻ, ആയിഷ റിൻഷ, പി. പ്രഫുൽ, വി.ആർ. ശ്രേയ എന്നിവർ പ്രസംഗിച്ചു. 2023-25 അധ്യയനവർഷം പ്ലസ് ടു പരീക്ഷയിൽ ഉന്നത വിജയം നേടിയവരെ ആദരിച്ചു. കൂടെയുണ്ട് കരുത്തേകാൻ, താങ്ങായി തണലായി എന്നീ വിഷയങ്ങളിൽ യഥാക്രമം ജെമിനി ജോസ്, എസ്. രമ്യ എന്നിവർ ക്ലാസെടത്തു. പ്രിൻസിപ്പൽ ബ്രിജേഷ് ബാബു സ്വാഗതം പറഞ്ഞു. കലാപരിപാടികൾ നടന്നു. മീനങ്ങാടി: പ്ലസ് വണ്‍ വിദ്യാർഥികളുടെ ജില്ലാതല പ്രവേശനോത്സവം ഗവ.ഹയർ സെക്കൻഡറി സ്കൂളിൽ നടത്തി. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് കെ.ഇ. വിനയൻ അധ്യക്ഷത വഹിച്ചു. ജില്ലാ വിദ്യാഭ്യാസ ഉപഡയറക്ടർ ശശീന്ദ്ര വ്യാസ് അക്ഷരജ്യോതി തെളിയിച്ചു. ഹയർ സെക്കൻഡറി കോ ഓർഡിനേറ്റർ ഷിവി കൃഷ്ണൻ പ്രതിജ്ഞ ചൊല്ലിക്കൊടുത്തു. ജില്ലാ പഞ്ചായത്ത് ഡിവിഷൻ അംഗം സിന്ധു ശ്രീധരൻ, പഞ്ചായത്ത് അംഗങ്ങളായ പി.വി. വേണുഗോപാൽ, ടി.പി. ഷിജു, എസ്എസ്കെ ജില്ലാ പ്രോജക്ട് കോഓർഡിനേറ്റർ, വി. അനിൽകുമാർ, വിദ്യാകിരണം കോഓർഡിനേറ്റർ വത്സണ്‍ തോമസ്, പിടിഎ പ്രസിഡന്‍റ് എസ്. ഹാജിസ്, പ്രധാനാധ്യാപകൻ ഡോ.കെ.ടി. അഷ്റഫ്, ഡോ.ബാവ കെ. പാലുകുന്ന്, പി.കെസരിത, പി.ടി. ജോസ്, ടി.വി. കുര്യാക്കോസ് എന്നിവർ പ്രസംഗിച്ചു. കൽപ്പറ്റ: എസ്കെഎംജെ സ്കൂളിൽ പ്ലസ് വണ്‍ പ്രവേശനോത്സവം ’വരവേൽപ്പ്-2025’ എന്ന പേരിൽ നടത്തി. മുനിസിപ്പൽ കൗണ്‍സിലർ ടി. മണി ഉദ്ഘാടനം ചെയ്തു.പിടിഎ പ്രസിഡന്‍റ് ബിനി സതീഷ് അധ്യക്ഷത വഹിച്ചു. ജില്ലാ പഞ്ചായത്ത് അംഗം സുരേഷ് താളൂർ, കണിയാന്പറ്റ പഞ്ചായത്ത് അംഗം നജീബ്, പ്രിൻസിപ്പൽ എം. വിവേകാനന്ദൻ, വൈസ് പ്രിൻസിപ്പൽ എം.പി. കൃഷ്ണകുമാർ, സ്റ്റാഫ് സെക്രട്ടറി പി.പി. അജിത്ത് എന്നിവർ പ്രസംഗിച്ചു. ’കൂടെയുണ്ട് കരുത്തേകാൻ’ പദ്ധതിയുടെ ഭാഗമായി രക്ഷിതാക്കൾക്ക് ക്ലാസ് നൽകി. റിസോഴ്സ് അധ്യാപകരായ കെ.ഷാജി, എ. സ്മിത എന്നിവർ നേതൃത്വം നൽകി. തരുവണ: ജില്ലാ പഞ്ചായത്ത് വെള്ളമുണ്ട ഡിവിഷഷൻതല പ്ലസ് വണ്‍ പ്രവേശനോത്സവം ജിഎച്ച്എസ്എസിൽ നടത്തി. ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. പിടിഎ പ്രസിഡന്‍റ് കെ.സി.കെ. നജുമുദ്ദീൻ അധ്യക്ഷത വഹിച്ചു. എം. പ്രദീപ്കുമാർ, സി. അശോകൻ, ഹെഡ്മാസ്റ്റർ മുസ്തഫ, കെ. ശ്രീജ, അതുല്യ എന്നിവർ പ്രസംഗിച്ചു. സുൽത്താൻ ബത്തേരി: പ്ലസ് വണ്‍ മുനിസിപ്പൽതല പ്രവേശനോത്സവം ഗവ.സർവജന ഹയർ സെക്കൻഡറി സ്കൂളിൽ ചെയർമാൻ ടി.കെ. രമേശ് ഉദ്ഘാടനം ചെയ്തു. പിടിഎ പ്രസിഡന്‍റ് ടി.കെ. ശ്രീജൻ അധ്യക്ഷത വഹിച്ചു. പ്രിൻസിപ്പൽ പി.എ. അബ്ദുൾ നാസർ, വി.കെ. സുനിൽകുമാർ, എസ്എംസി ചെയർമാൻ സുഭാഷ് ബാബു, ഹെഡ്മിസ്ട്രസ് ബിജി വർഗീസ് എന്നിവർ പ്രസംഗിച്ചു. രക്ഷിതാക്കൾക്കു നൽകിയ ക്ലാസിന് സുനിത ഇല്ലത്ത്, പി.ജി. ഷാനി എന്നിവർ നേതൃത്വം നൽകി. കാവുമന്ദം: തരിയോട് ഗവ.ഹയർ സെക്കൻഡറി സ്കൂളിൽ പ്ലസ് വണ്‍ പ്രവേശനോത്സവംപഞ്ചായത്ത് പ്രസിഡന്‍റ് ഷമീം പാറക്കണ്ടി ഉദ്ഘാടനം ചെയ്തു. പിടിഎ പ്രസിഡന്‍റ് ബെന്നി മാത്യു അധ്യക്ഷത വഹിച്ചു. ജിഷ എം. പോൾ, എൻ.പി. മാത്യു, പി.കെ. സാജിദ്, എൻ. സജ്ന, നജ ഫാത്തിമ, എ. ജാഫർ എന്നിവർ പ്രസംഗിച്ചു. പ്രിൻസിപ്പൽ എം. രാധിക സ്വാഗതവും സ്റ്റാഫ് സെക്രട്ടറി എ. മുഹമ്മദ് ബഷീർ നന്ദിയും പറഞ്ഞു.

രക്തദാന ക്യാപ് നടത്തി

സുൽത്താൻ ബത്തേരി: ലോക രക്തദാന ദിനത്തോടനുബന്ധിച്ച് ഡോണ്‍ ബോസ്കോ കോളജ് സോഷ്യൽ വർക്ക് വിഭാഗത്തിന്‍റെ നേതൃത്വത്തിൽ ബത്തേരി, വ്യാപാരി വ്യവസായി ഏകോപന സമിതി, ബത്തേരി താലൂക്ക് ആശുപത്രി, സൈറ്റ് വയനാട് എന്നീ സംഘടനകളുടെ സഹകരണത്തോടെ രക്ത ദാന ക്യാന്പ് നടത്തി. മുനിസിപ്പൽ ചെയർമാൻ ടി.കെ. രമേശ് ഉദ്ഘാടനം ചെയ്തു. സുൽത്താൻ ബത്തേരി െർച്ചന്‍റ് അസോസിയേഷൻ പ്രസിഡന്‍റ് പി.വൈ. മത്തായി, വ്യാപാര വ്യവസായി ഏകോപന സമതി സെക്രട്ടറി യൊന്നൂസ് എന്നിവർ സന്നിഹിതരായിരുന്നു. ഡോണ്‍ ബോസ്കോ കോളജ് സുൽത്താൻ ബത്തേരി പ്രിൻസിപ്പൽ റവ.ഡോ. ഷാജൻ നിറോണ, വൈസ് പ്രിൻസിപ്പൽ പി.പി. ആന്‍റണി എന്നിവർ രക്തദാനത്തിൽ പങ്കാളികളായി. ഡോണ്‍ബോസ്കോ കോളജിലെ സോഷ്യൽ വർക്ക് വിദ്യാർഥികളും അധ്യാപകരുമടക്കം നിരവധി ആളുകൾ പങ്കെടുത്തു.

’ജൈന സംസ്കൃതി വയനാട്ടിൽ’: പ്രകാശനം നടത്തി

കൽപ്പറ്റ: അഞ്ചുകുന്ന് സ്വദേശി ശിവരാമൻ പാട്ടത്തിൽ രചിച്ച ’ജൈന സംസ്കൃതി വയനാട്ടിൽ’ എന്ന പുസ്തകത്തിന്‍റെ പ്രകാശനം എസ്കഐംജെ ജൂബിലി ഹാളിൽ എഴുത്തുകാരനും നിരൂപകനുമായ ഒ.കെ. ജോണി നിർവഹിച്ചു. വയനാടിന്‍റെ ചരിത്രവും സംസ്കൃതിയും ഇനിയും ഏറെ ചർച്ചചെയ്യപ്പെടാനുണ്ടെന്ന് അദ്ദേഹം പറഞ്ഞു. എസ്കെഎംജെ സ്കൂൾ മുൻ ഹെഡ്മാസ്റ്റർ പി.ഒ. ശ്രീധരൻ പുസ്തകം ഏറ്റുവാങ്ങി. ചടങ്ങ് ഐഎസ്ആർഒ എൻഎസ്ഐഎൽ മുൻ ചെയർപേഴ്സണ്‍ സുമ ദേവകി റാം ഉദ്ഘാടനം ചെയ്തു. എസ്കെഎംജെ ഹയർ സെക്കൻഡറി സ്കൂൾ പ്രിൻസിപ്പൽ എം. വിവേകാനന്ദൻ അധ്യക്ഷത വഹിച്ചു. കാസർഗോഡ് കേന്ദ്ര സർവകലാശാലയിലെ പ്രഫ.കെ.ഐ. ജയശങ്കർ പുസ്തകം പരിചയപ്പെടുത്തി. അവതാരിക എഴുതിയ വി.വി. ജിനേന്ദ്ര പ്രസാദ്, ആമുഖം എഴുതിയ ജയകുമാർ കൂട്ടമുണ്ട, ജൈന സമാജം പ്രസിഡന്‍റ് നേമിരാജ്, വയനാട് വൈഷ്ണവ സമാജം പ്രസിഡന്‍റ് ഇ.ജി. പ്രിയരഞ്ജൻദാസ്, വള്ളിയൂർക്കാവ് ക്ഷേത്രം ട്രസ്റ്റി ഏച്ചോം ഗോപി, ഇ.ഡി. വെങ്കിടേശൻ, വി.വി. നാരായണവാര്യർ, ഉണ്ണിക്കൃഷ്ണൻ നന്പീശൻ, വി.കെ. സന്തോഷ്, അനന്തകൃഷ്ണ ഗൗഡർ, ധന്യ രാമകൃഷ്ണൻ, പി.എം. രാമകൃഷ്ണൻ, പ്രേമചന്ദ്രൻ ചോന്പാല, ദേവൻ, കൃഷ്ണകുമാർ, ഡോ. നിർമൽകുമാർ ശിവരാമൻ എന്നിവർ പ്രസംഗിച്ചു. മീഡിയ വിംഗ്സാണ് പുസ്തകം പ്രസിദ്ധീകരിച്ചത്.

ഓണമുണ്ണാൻ നാടൻകനി പദ്ധതി ഉദ്ഘാടനം ചെയ്തു

പുൽപ്പള്ളി: കുടുംബശ്രീ നടപ്പാക്കുന്ന ഓണമുണ്ണാൻ നാടൻകനി പദ്ധതിയുടെ ഭാഗമായുള്ള പച്ചക്കറിത്തൈ നടീലിന്‍റെ ജില്ലാതല ഉദ്ഘാടനം ഗൃഹന്നൂരിൽ സംഘടിപ്പിച്ചു. പനമരം ബ്ലോക്ക് പഞ്ചായത്ത് പ്രസിഡന്‍റ് ഗിരിജ കൃഷ്ണൻ ഉദ്ഘാടനം ചെയ്തു. മുള്ളൻകൊല്ലി ഗ്രാമപ്പഞ്ചായത്ത് പ്രസിഡന്‍റ് പി.കെ. വിജയൻ അധ്യക്ഷത വഹിച്ചു. കുടുംബശ്രീ ഡിഎംസി ബാലസുബ്രഹ്മണ്യം, ജില്ലാ പഞ്ചായത്തംഗം ബീന ജോസ്, ബ്ലോക്ക് പഞ്ചായത്തംഗങ്ങളായ മേഴ്സി ബെന്നി, പി.ഡി. സജി, പഞ്ചായത്ത് വൈസ് പ്രസിഡന്‍റ് മോളി ആക്കാന്തിരി, പഞ്ചായത്ത് സ്ഥിരംസമിതി അധ്യക്ഷരായ ജിസ്റ മുനീർ, ഷിനു കച്ചിറയിൽ, ഷൈജു പഞ്ഞിത്തോപ്പിൽ, പഞ്ചായത്തംഗങ്ങളായ ശാന്തിനി പ്രകാശ്, പി.എസ്. കലേഷ്, ജോസ് നെല്ലേടം, സിഡിഎസ് ചെയർപേഴ്സണ്‍ ജലജ സജി, കുടുംബശ്രീ എഡിഎംസി അമീൻ തുടങ്ങിയവർ പ്രസംഗിച്ചു.

വട്ടപ്പാടിയിൽ 1,200 വിത്തുണ്ട നിക്ഷേപിച്ചു

കൽപ്പറ്റ: വനം-വന്യജീവി സംരക്ഷണ വകുപ്പ് വൃക്ഷവത്കരണത്തിന്‍റെ ഭാഗമായി ഇരുളം ഫോറസ്റ്റ് സ്റ്റേഷൻ പരിധിയിലെ വട്ടപ്പാടി വനത്തിൽ 1,200 വിത്തുണ്ടകൾ നിക്ഷേപിച്ചു. മുള, ഞാവൽ, താന്നി എന്നിവയുടെ വിത്തുണ്ടകളാണ് ഇരുളം ഹൈസ്കൂളിലെ പരിസ്ഥിതി ക്ലബ് അംഗങ്ങളാണ് വിത്തേറ് നടത്തിയത്. വാർഡ് അംഗം കെ.ഐ. റിയാസ് ഉദ്ഘാടനം ചെയ്തു. ഇരുളം ഡെപ്യൂട്ടി റേഞ്ച് ഫോറസ്റ്റ് ഓഫീസർ കെ.പി. അബ്ദുൾഗഫൂർ, സെക്ഷൻ ഫോറസ്റ്റ് ഓഫീസർമാരായ എം.ഒ. ഭാസ്കരൻ, ബി.പി. രാജു, അംബിക എന്നിവർ പ്രസംഗിച്ചു.

വീട്ടുകാരും നാട്ടുകാരും നെട്ടോട്ടത്തിൽ; മൂന്നു വയസുകാരി സുഖനിദ്രയിൽ

കൽപ്പറ്റ: മൂന്നുവയസുകാരി വീട്ടിലെ കിടപ്പുമുറിയിൽ മൂടിപ്പുതച്ച് ഉറങ്ങുന്പോൾ വീട്ടുകാരുടെയും നാട്ടുകാരുടെയും നെട്ടോട്ടം. ഇന്നലെ നഗരപരിധിയിലെ തുർക്കിയിയാണ് സംഭവം. കാണാതായെന്ന സംശയത്തിൽ ഒരു മണിക്കൂറിലേറെ തെരഞ്ഞതിനുശേഷമാണ് കുട്ടിയെ കിടപ്പുമുറിയിൽ കണ്ടെത്തിയത്. ഇതോടെ ഏവർക്കും ആശ്വാസമായി. രാവിലെ 11ഓടെ കുട്ടി വീടിന്‍റെ സിറ്റൗട്ടിൽ സൈക്കിളുമായി കളിക്കുന്പോൾ മാതാവ് പ്രാർഥനയിൽ മുഴുകി. പ്രാർഥന കഴിഞ്ഞപ്പോൾ കുഞ്ഞിനെ കണ്ടില്ല. ഈ സമയം പരിസരത്ത് വാഹനം പോകുന്ന ശബ്ദം മാതാവ് കേട്ടു. വീടിനകത്ത് മാതാവ് ഒരു വട്ടം പരതിയെങ്കിലും കുഞ്ഞിനെ കണ്ടില്ല. ഇതോടെ പരിഭ്രാന്തയായ അവർ കുഞ്ഞിനെ ആരോ തട്ടിക്കൊണ്ടുപോയെന്ന ശങ്കയിലായി. കുഞ്ഞിനെ കാണുന്നില്ലെന്ന വിവരം അവർ അയൽവാസികളുമായി പങ്കുവച്ചു. ഇതിനിടെ വിവരം പോലീസിലെത്തി. കുഞ്ഞിന്‍റെ തിരോധാനം സമൂഹമാധ്യമങ്ങളിൽ വാർത്തയായി. സിസിടിവി ദൃശ്യങ്ങൾ അടക്കം ഉപയോഗപ്പെടുത്തി തെരച്ചിൽ കൊഴുത്തു. ഇതിനിടെയാണ് കിടപ്പുമുറിയിൽ വിശദപരിശോധനയിൽ കുഞ്ഞിനെ കണ്ടത്. ഇതേമുറിയിൽ കുഞ്ഞിനെ വീട്ടുകാർ നേരത്തേ രണ്ടുതവണ തെരഞ്ഞെങ്കിലും കണ്ടിരുന്നില്ല.

വന്യമൃഗശല്യം: സീനിയർ ജേർണലിസ്റ്റ് ഫോറം സെമിനാർ നടത്തും

കൽപ്പറ്റ: ജില്ലയിൽ രൂക്ഷമായിക്കൊണ്ടിരിക്കുന്ന വന്യമൃഗശല്യം വിഷയമാക്കി സെമിനാർ സംഘടിപ്പിക്കാൻ സീനിയർ ജേർണലിസ്റ്റ് ഫോറം കേരളയുടെ ജില്ലാ ഘടകം തീരുമാനിച്ചു. പ്രസിഡന്‍റ് പി.കെ. അബ്ദുൾ അസീസ് അധ്യക്ഷത വഹിച്ചു. വനം വകുപ്പ് ഉദ്യോഗസ്ഥർ, കർഷക സംഘടനാ പ്രതിനിധികൾ, പത്രപ്രവർത്തകർ, സന്നദ്ധ സംഘടനാ പ്രതിനിധികൾ, ദുരിത ബാധിതർ ഉൾപ്പെടെയുള്ളവരെ പങ്കെടുപ്പിച്ച് നടത്തുന്ന സെമിനാറിലെ നിർദേശങ്ങൾ പ്രശ്ന പരിഹാരത്തിനായി സർക്കാരിന് സമർപ്പിക്കുന്നതാണ്. ജൂലൈ 19ന് രണ്ടരയ്ക്ക് കൈനാട്ടി പത്മപ്രഭാ ലൈബ്രറിയിലെ എം.പി. വീരേന്ദ്രകുമാർ ഹാളിലാണ് സെമിനാർ സംഘടിപ്പിക്കുന്നത്. സെക്രട്ടറി ടി.വി. രവീന്ദ്രൻ, ട്രഷറർ പി. രാജഗോപാലൻ, സെക്രട്ടറിമാരായ പ്രദീപ് മാനന്തവാടി, കെ. സജീവൻ എന്നിവർ പ്രസംഗിച്ചു.

ഡോ. മൂപ്പൻസ് ആശുപത്രിയിൽ ബോധാവസ്ഥയിലുള്ള തലച്ചോർ ശസ്ത്രക്രിയ നടത്തി

കൽപ്പറ്റ: ജില്ലയിൽ ആദ്യമായി മേപ്പാടി നസീറ നഗർ ഡോ. മൂപ്പൻസ് മെഡിക്കൽ കോളജ് ആശുപത്രിയിൽ ബോധാവസ്ഥയിലുള്ള തലച്ചോർ ശസ്ത്രക്രിയ(എവേക് ബ്രെയിൻ സർജറി)വിജയകരമായി നടത്തി. തലപ്പുഴ സ്വദേശിയായ 63 കാരന്‍റെ തലച്ചോറിലാണ് അദ്ദേഹം ബോധാവസ്ഥയിലുള്ളപ്പോൾ മുഴ നീക്കൽ ശസ്ത്രക്രിയ നടത്തിയതെന്ന് ആശുപത്രി ഡെപ്യൂട്ടി ജനറൽ മാനേജർ ഡോ. ഷാനവാസ് പള്ളിയാൽ വാർത്താസമ്മേളനത്തിൽ അറിയിച്ചു. ന്യൂറോ സർജറി കണ്‍സൾട്ടന്‍റുമാരായ ഡോ. നവീൻ ഹരിദാസ്, ഡോ.കെ.ശ്രീരാജ്, അനസ്ത്യേഷ്യോളജി അസോസിയേറ്റ് പ്രഫ.ഡോ. അരുണ്‍ അരവിന്ദ്, അസി.പ്രഫ.ഡോ. മെൽവിൻ സിറിയക് എന്നിവരടങ്ങുന്ന സംഘമാണ് 10 മണിക്കൂർ നീണ്ട ശസ്ത്രക്രിയ നടത്തിയത്. എവേക് ബ്രെയിൻ സർജറിയിൽ സർജന് രോഗിയുമായി സംസാരിക്കാനും കൈകാലുകൾ ചലിപ്പിക്കാൻ നിർദേശിക്കാനും ചിത്രങ്ങൾ കാണിക്കാനും കഴിയും. ഇതുവഴി തലച്ചോറിന്‍റെ പ്രധാന ഭാഗങ്ങൾ തിരിച്ചറിയാനും അവയ്ക്ക് കേടുപാട് സംഭവിക്കാതെ മുഴ നീക്കം ചെയ്യാനും സാധിക്കും. മൂന്നു ഘട്ടങ്ങളായാണ് രോഗിക്ക് അനസ്ത്യേഷ്യ നൽകിയത്. ബോധവാസ്ഥയിലെങ്കിലും ശസ്ത്രക്രിയ നടത്തുന്പോൾ രോഗിക്ക് വേദന അനുഭവപ്പെടില്ല. അപസ്മാര ചികിത്സയ്ക്കും എവേക് ബ്രെയിൻ സർജറി പ്രയോജനപ്പെടുത്താറുണ്ടെന്ന് ഡോ. ഷാനവാസ് പറഞ്ഞു. ശസ്ത്രക്രിയയ്ക്ക് നേതൃത്വം നൽകിയ ഡോക്ടർമാർ പങ്കെടുത്തു.

വനാതിർത്തികളിൽ സോളാർ വേലികൾ സ്ഥാപിക്കണമെന്ന്

ഗൂഡല്ലൂർ: നീലഗിരി ജില്ലയിലെ ഗൂഡല്ലൂർ-പന്തല്ലൂർ താലൂക്കുകളിലെ വനാതിർത്തികളിൽ സോളാർ വേലികൾ സ്ഥാപിക്കണമെന്ന് നാട്ടുകാർ ആവശ്യപ്പെട്ടു. വനാതിർത്തികളിൽ സോളാർ വേലികളും കിടങ്ങുകളും നിർമിക്കാത്തത് കൊണ്ടാണ് കാട്ടാനകൾ ജനവാസ മേഖലയിലേക്കും കൃഷിയിടങ്ങളിലേക്കും ഇറങ്ങുന്നത്. ഇരു താലൂക്കുകളിലെയും ഗൂഡല്ലൂർ, ബിദർക്കാട്, ദേവാല, ഓവാലി, ചേരന്പാടി റെയ്ഞ്ചുകളിൽ കാട്ടാന ശല്യം രൂക്ഷമായിരിക്കുകയാണ്. ആനത്താരകളിൽ സ്വകാര്യ തോട്ടങ്ങളിൽ സോളാർ വേലികൾ സ്ഥാപിച്ചതും വനത്തിൽ ആവശ്യത്തിന് ഭക്ഷ്യ വസ്തുക്കൾ ഇല്ലാത്തതും കാരണമാണ് കാട്ടാനകൾ ജനവാസ മേഖലയിലേക്ക് ഇറങ്ങുന്നത്. പ്രതിവർഷം വനംവകുപ്പ് വനം-വന്യജീവി സംരക്ഷണത്തിന് ചെലവഴിക്കുന്ന കോടിക്കണക്കിന് രൂപ ഫലപ്രദമായി ഉപയോഗിച്ച് വനാതിർത്തികൾ പൂർണമായി സുരക്ഷിതമാക്കിയാൽ ജനങ്ങളുടെ സുരക്ഷിതത്വം ഉറപ്പ് വരുത്താൻ സാധിക്കും. കാട്ടാനപ്പേടി കാരണം ജനങ്ങൾ ഭീതിയോടെയാണ് കഴിയുന്നത്. ഇപ്പോൾ നഗരങ്ങളിലും പ്രധാന പാതകളിൽ പോലും ആനകളുടെ സ്ഥിര സാന്നിധ്യമുണ്ട്. കേന്ദ്ര-സംസ്ഥാന സർക്കാരുകൾ മതിയായ നടപടികളൊന്നും സ്വീകരിക്കുന്നില്ലെന്ന് വ്യാപക പരാതി ഉയർന്നിട്ടുണ്ട്. ബിദർക്കാട് ഫോറസ്റ്റ് റേഞ്ച് പരിധിയിലെ ആനത്താരകളിൽ സ്ഥാപിച്ച സോളാർ വേലികൾ മാറ്റി സ്ഥാപിക്കണമെന്ന ആവശ്യം ഇതിനകം ശക്തമായിട്ടുണ്ട്.

വെള്ളാർമല സ്കൂൾ വിദ്യാർഥികളെയും രക്ഷിതാക്കളെയും ആദരിച്ചു

മേപ്പാടി: വെള്ളാർമല സ്കൂളിലെ സെക്കൻഡറി, വൊക്കേഷണൽ ഹയർ സെക്കൻഡറി പരീക്ഷാവിജയികളെയും രക്ഷിതാക്കളെയും മുസ്ലിംലീഗ് ജില്ലാ കമ്മിറ്റി ആദരിച്ചു. മികച്ച വിജയം നേടിയ വിദ്യാർഥികൾക്ക് ശിഹാബ് തങ്ങൾ എൻഡോവ്മെന്‍റ് വിതരണം ചെയ്തു. നീലിക്കാപ്പ് സെന്‍റ് സെബാസ്റ്റ്യൻസ് പള്ളി ഓഡിറ്റോറിയത്തിൽ നടന്ന ചടങ്ങ് ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ ഉദഘാടനം ചെയ്തു. എൻഡോവ്മെന്‍റ്, മെമന്‍റോ വിതരണോദ്ഘാടനം അദ്ദേഹം നിർവഹിച്ചു. ഓൾ കേരള ഫ്രൂട്ട്സ് മർച്ചന്‍റ്സ് അസോസിയേഷൻ സംസ്ഥാന കമ്മിറ്റി നൽകുന്ന സഹായധനത്തിന്‍റെ വിതരണം പ്രസിഡന്‍റ് യഹ്യ കോയ, പ്രദേശത്തെ ബിരുദ, ബിരുദാനന്തരബിരുദ പഠനം നടത്തുന്ന വിദ്യാർഥികൾക്കുള്ള സഹായധന വിതരണം കോണ്‍ഫെഡറേഷൻ ഓഫ് കേരള കോളജ് ടീച്ചേഴ്സ്(സികെസിടി)ഭാരവാഹി കെ.കെ. അഷറഫ് എന്നിവർ നിർവഹിച്ചു. മുസ്ലിംലീഗ് ജില്ലാ വൈസ് പ്രസിഡന്‍റ് റസാഖ് കൽപ്പറ്റ അധ്യക്ഷത വഹിച്ചു. സികെസിടി ഭാരവാഹികൾ, ഓൾ കേരള ഫ്രൂട്ട്സ് മർച്ചന്‍റ്സ് അസോസിയേഷൻ ഭാരവാഹികൾ, മുസ്ലിം ലീഗ് ജില്ലാ സെക്രട്ടറി കെ. ഹാരിസ്, സമദ് കണ്ണിയൻ, വനിതാലീഗ് സംസ്ഥാന വൈസ് പ്രസിഡന്‍റ് റസീന അബ്ദുൾഖാദർ, സെക്രട്ടറി മീരാ റാണി തുടങ്ങിയവർ പ്രസംഗിച്ചു. മുസ്‌ലിംലീഗ് ജില്ലാ ജനറൽ സെക്രട്ടറി ടി. മുഹമ്മദ് സ്വാഗതവും കെ. മൻസൂർ നന്ദിയും പറഞ്ഞു.

പേര്യ 34ൽ മരങ്ങൾ കൂട്ടമായി റോഡിലേക്ക് മറിഞ്ഞു

മാനന്തവാടി: പേര്യ 34ൽ മരങ്ങൾ കൂട്ടത്തോടെ റോഡിലേക്കു മറിഞ്ഞു. തിങ്കഴാഴ്ച രാത്രി 11 ഓടെ അഞ്ച് കൂറ്റൻ മരങ്ങളാണ് കടപുഴകി റോഡിൽ പതിച്ചത്. ഇത് മാനന്തവാടി-കണ്ണൂർ റോഡിൽ ദീർഘനേരം ഗതാഗത തടസത്തിനു കാരണമായി. അഗ്നി-രക്ഷാ സേനയുടെ രണ്ടു യൂണിറ്റും സിവിൽ ഡിഫെൻസ് ആപത് മിത്ര അംഗങ്ങളും നാലുമണിക്കൂറോളം പരിശ്രമിച്ചാണ് മരങ്ങൾ മുറിച്ചുനീക്കി ഗതാഗതം പുനഃസ്ഥാപിച്ചത്.

ഗോത്ര വിഭാഗങ്ങളുടെ ഉന്നമനത്തിന് നൂതന പദ്ധതികൾ ആവിഷ്കരിക്കും: മന്ത്രി ഒ.ആർ. കേളു

സുൽത്താൻ ബത്തേരി: ജില്ലയിലെ ഗോത്ര ജനവിഭാഗങ്ങളുടെ ഉന്നമനത്തിന് തദ്ദേശസ്ഥാപനങ്ങളുടെ സഹകരണത്തോടെ നൂതന പദ്ധതികൾ ആവിഷ്കരിക്കുമെന്ന് പട്ടികജാതി-വർഗ-പിന്നാക്ക ക്ഷേമ മന്ത്രി ഒ. ആർ. കേളു. സപ്ത റിസോർട്ടിൽ ജില്ലാ വികസന കോണ്‍ക്ലേവ് ഉദ്ഘാടനം ചെയ്യുകയായിരുന്നു അദ്ദേഹം. ഗോത്ര വിഭാഗങ്ങളുടെ സർവതോമുഖമായ വികസനമാണ് കേന്ദ്ര, സംസ്ഥാന സർക്കാരുകൾ നടപ്പാക്കുന്ന ധർത്തി ആഭ ജൻ ജാതീയഗ്രാം ഉത്കർഷ് അഭിയാൻ, പ്രധാൻമന്ത്രി ജൻജാതി ആദിവാസി ന്യായ മഹാ അഭിയാൻ എന്നിവ ലക്ഷ്യമിടുന്നത്. തദ്ദേശ സ്ഥാപനങ്ങളുടെ സഹകരണത്തോടെ ആരോഗ്യം, വിദ്യാഭ്യാസം, തൊഴിൽ രംഗങ്ങളിൽ കൂട്ടായ ഇടപെടൽ നടത്തി പിന്നാക്ക വിഭാഗക്കാരെ മുഖ്യധാരയിലെത്തിക്കുന്നതിൽ സർക്കാരിന്‍റെ ആത്മാർഥ ഇടപെടൽ ഉണ്ടാകും. ഗോത്ര മേഖലയിൽ നടപ്പാക്കേണ്ട പദ്ധതികളും തദ്ദേശ സ്ഥാപനങ്ങൾ നടപ്പാക്കുന്ന പദ്ധതികളും കോണ്‍ക്ലേവ് ചർച്ച ചെയ്തു. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ അധ്യക്ഷത വഹിച്ചു. ജില്ലയിലെ അരിവാൾ രോഗികൾക്ക് കൃത്യമായ പദ്ധതികൾ ആവിഷ്കരിക്കണമെന്നു അദ്ദേഹം ആവശ്യപ്പെട്ടു. കാർഷികരംഗത്ത് നൈപുണി വികസനം ഉറപ്പാക്കുന്ന പദ്ധതികൾ ആവിഷ്കരിക്കണമെന്നു നിർദേശിച്ചു. ഗോത്രസങ്കേതങ്ങളിൽ റോഡ്, കുടിവെള്ളം, വൈദ്യുതി, ഇന്‍റർനെറ്റ് കണക്ടിവിറ്റി തുടങ്ങിയ അടിസ്ഥാന സൗകര്യങ്ങൾ ഉറപ്പാക്കുന്നതിനൊപ്പം ആരോഗ്യം, പോഷകാഹാരം, വിദ്യാഭ്യാസം തുടങ്ങിയ മേഖലകളിൽ മികച്ച സേവനങ്ങൾ ലഭ്യമാക്കാൻ നടപടി സ്വീകരിക്കുമെന്നു കോണ്‍ക്ലേവിൽ സംസാരിച്ച ജില്ലാ കളക്ടർ ഡി.ആർ. മേഘശ്രീ പറഞ്ഞു. മുനിസിപ്പൽ ചെയർമാൻ ടി.കെ. രമേശ്, ബ്ലോക്ക് പഞ്ചായത്ത് അസോസിയേഷൻ പ്രസിഡന്‍റ് ജസ്റ്റിൻ ബേബി, സബ്കളക്ടർ മിസാൽ സാഗർ ഭരത്, എഡിഎം കെ. ദേവകി, ജില്ലാ പ്ലാനിംഗ് ഓഫീസർ എം. പ്രസാദൻ, പട്ടികവർഗ വികസന ഓഫീസർ ജി. പ്രമോദ് തുടങ്ങിയവർ ചർച്ചയിൽ പങ്കെടുത്തു.

വയനാടിന്‍റെ വികസനത്തിന് കോണ്‍ക്ലേവിൽ അവതരിപ്പിച്ചത് 576.63 കോടിയുടെ പദ്ധതികൾ

സുൽത്താൻ ബത്തേരി: സപ്ത റിസോർട്ടിൽ നടന്ന ജില്ലാ വികസന കോണ്‍ക്ലേവിൽ അവതരിപ്പിച്ചത് 576.63 കോടി രൂപയുടെ പദ്ധതികൾ. തദ്ദേശ സ്വയംഭരണ സ്ഥാപന അധ്യക്ഷൻമാർ, വിവിധ വകുപ്പുകളുടെ ജില്ലാതല മേധാവികൾ എന്നിവരാണ് പദ്ധതികൾ അവതരിപ്പിച്ചത്. തദ്ദേശ സ്വയംഭരണ സ്ഥാപനങ്ങൾ 145 ഉം(483.5 കോടി)വിവിധ വകുപ്പുകൾ 69ഉം (93.94 കോടി) പദ്ധതികൾ അവതരിപ്പിച്ചു. ജില്ലയുടെ വികസനത്തിന് വയനാട് പാക്കേജ്, ആസ്പിരേഷണൽ ജില്ലാ പദ്ധതി, പ്രധാനമന്ത്രി ജൻ വികാസ് കാര്യക്രം, മുഖ്യമന്ത്രിയുടെ ദുരിതാശ്വാസനിധി, സാസ്കി, എംപി ലാഡ്സ്, എംഎൽഎ ലാഡ്സ്, സിഎസ്ആർ ഫണ്ട് വിനിയോഗിച്ച് പദ്ധതികൾ നടപ്പാക്കുമെന്ന് ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ പറഞ്ഞു. കോണ്‍ക്ലേവിൽ അവതരിപ്പിച്ച പദ്ധതികൾ പരിശോധിക്കാൻ പ്രത്യേക സമിതി രൂപീകരിക്കുമെന്ന് ജില്ലാ കളക്ടർ ഡി.ആർ. മേഘശ്രീ അറിയിച്ചു. കായികവികസനം, പ്രാഥമികാരോഗ്യ കേന്ദ്രങ്ങൾ കുടുംബാരോഗ്യ കേന്ദ്രങ്ങളായി ഉയർത്തൽ, റോഡ് നവീകരണം, പാലം നിർമാണം, ബഡ്സ് സ്കൂൾ നവീകരണം, ഉന്നതികളിൽ ഷെൽട്ടർ ഹോം, വന്യമൃഗ പ്രതിരോധം, അടിസ്ഥാന സൗകര്യ വികസനം, സ്മാർട്ട് അങ്കണവാടി, വാതക ശ്മശാനം, ഐടി പാർക്ക് നിർമാണം, വനിതകൾക്ക് സ്വയംതൊഴിൽ പരിശീലന കേന്ദ്രങ്ങൾ, ഇക്കോ ടൂറിസം പദ്ധതികൾ, ടൗണ്‍ നവീകരണം, ഹാപ്പിനെസ് പാർക്ക് നിർമാണം, ഫിസിയോ തെറാപ്പി യൂണിറ്റ്, പഞ്ചായത്ത് ഷോപ്പിംഗ് കോംപ്ലക്സുകൾ, കോണ്‍ഫറൻസ് ഹാൾ, ബസ്‌സ്റ്റാൻഡ് തുടങ്ങിയ പദ്ധതികളാണ് കോണ്‍ക്ലേവിൽ അവതരിപ്പിച്ചത്. സുഗന്ധഗിരിയിൽ ട്രൈബൽ മൾട്ടി പർപസ് മാർക്കറ്റ് നിർമിക്കുന്നു സുൽത്താൻ ബത്തേരി: ധർത്തി ആഭ ജൻജാതിയ ഗ്രാമ ഉത്കർഷ് അഭിയാനിൽ സുഗന്ധഗിരിയിൽ ട്രൈബൽ മൾട്ടി പർപസ് മാർക്കറ്റ് നിർമിക്കും. സപ്ത റിസോർട്ടിൽ ജില്ലാ വികസന കോണ്‍ക്ലേവിൽ ഓണ്‍ലൈനിൽ പങ്കെടുക്കവേ പട്ടികവർഗ വികസന ഡയറക്ടർ ഡോ.രേണുരാജ് അറിയിച്ചതാണ് വിവരം. ഗോത്ര വിഭാഗങ്ങൾക്ക് സാന്പത്തിക പരിരക്ഷ ഉറപ്പാക്കാനാണ് മൾട്ടി പർപസ് മാർക്കറ്റ് നിർമിക്കുന്നത്. എംആർഎസ് ഹോസ്റ്റലുകൾ നവീകരിക്കും. ആരോഗ്യ പരിരക്ഷയ്ക്ക് പോഷകാഹാര ലഭ്യത ഉറപ്പാക്കും. ആവശ്യമായ ഇടങ്ങളിൽ സബ് സെന്‍ററുകൾ ആരംഭിക്കും. മൊബൈൽ മെഡിക്കൽ യൂണിറ്റുകളുടെ പ്രവർത്തനം കാര്യക്ഷമമാക്കും. വനാവകാശരേഖയ്ക്കുള്ള അപേക്ഷകൾ വേഗത്തിൽ തീർപ്പാക്കും. അരിവാൾ രോഗികൾക്ക് മികച്ച ചികിത്സ ഉറപ്പാക്കാൻ കോഴിക്കോട് മെഡിക്കൽ കോളജ് ആശുപത്രിയിൽ സൗകര്യം ഒരുക്കും. ജില്ലയിലെ 18 പട്ടികവർഗ ഹോസ്റ്റലുകളിൽ വികസന പ്രവർത്തനങ്ങൾക്ക് 4.58 കോടി രൂപയുടെ പദ്ധതികൾക്ക് അനുമതി ലഭിച്ചു. ജില്ലയിലെ പട്ടികവർഗ കുടുംബങ്ങളുടെ പരിരക്ഷ ഉറപ്പാക്കാൻ 17 വകുപ്പുകളുടെ സഹകരണത്തോടെ 25 വികസന പദ്ധതികളുടെ സംയോജനമാണ് ധർത്തി ആഭ ജൻജാതിയ ഗ്രാമ ഉത്കർഷ് അഭിയാനിലൂടെ നടത്തുന്നതെന്നും ഡോ. രേണുരാജ് പറഞ്ഞു.

പുലിഭീതി: പ്രക്ഷോഭത്തിനൊരുങ്ങി ചീരാൽ, നന്പ്യാർകുന്ന് മേഖലയിലെ ജനങ്ങൾ

സുൽത്താൻ ബത്തേരി: ചീരാലിലെ പുലിഭീതി നീങ്ങാത്ത സാഹചര്യത്തിൽ പ്രക്ഷോഭത്തിനൊരുങ്ങി ചീരാൽ, നന്പ്യാർകുന്ന് നിവാസികൾ. പുലിയെ മയക്കുവെടിവച്ച് പിടികൂടിയില്ലെങ്കിൽ വരുംദിവസം ശക്തമായപ്രതിഷേധവുമായി രംഗത്തിറങ്ങുമെന്നാണ് പ്രദേശവാസികൾ നൽകുന്ന മുന്നറിയിപ്പ്. ഏപ്രിൽ പകുതിയോടെയാണ് ചീരാൽ, നന്പ്യാർകുന്ന് പ്രദേശങ്ങളിൽ പുലിയുടെ സാനിധ്യം സ്ഥിരീകരിച്ചത്. തുടർന്ന് ഞായാറാഴ്ച രാത്രിവരെ പത്ത് വളർത്ത് മൃഗങ്ങളാണ് പുലിയുടെ ആക്രമണത്തിന് ഇരയായത്. ഇതിൽ അഞ്ചെണ്ണം കൊല്ലപ്പെട്ടു. എന്നിട്ടും പുലിയെ പിടികൂടി ഭീതി ഒഴിവാക്കാൻ വനംവകുപ്പിനാകുന്നില്ലെന്നാണ് ജനങ്ങൾ പറയുന്നത്. കഴിഞ്ഞ വെള്ളി, ഞായർ ദിവസങ്ങളിലായി നാല് വളർത്തുമൃഗങ്ങളെയാണ് പുലി ആക്രമിച്ചത്. ഇതിൽ ഒന്ന് ചത്തു. ഇതിനോടകം പലരും പുലിയെ നേരിട്ടുകാണുകയും ചെയ്തു. സന്ധ്യമയങ്ങിയ ഉടനെ വീട്ടുമുറ്റത്ത് പുലിയെ കണ്ടതോടെ നാട്ടുകാർ ഭീതിയിലായിരിക്കുകയാണ്. ഞായറാഴ്ച രാത്രി ഏഴരയോടെ പാറക്കുഴുപ്പിൽ ദാമോദരന്‍റെ വീട്ടുമുറ്റത്താണ് പുലിയെത്തിയത്. കുറച്ചുനേരം പുലി വീട്ടുമുറ്റത്തുതന്നെ നിന്നു. പിന്നീട് വീട്ടുകാർ ബഹളം വച്ചതോടെ ഇരുളിലേക്ക് മറയുകയായിരുന്നു. തുടർന്നാണ് കല്ലൂർ മൂക്കുപുര കൃഷ്ണന്‍റെ പശുവിനെ ആക്രമിച്ച് പരിക്കേൽപ്പിച്ചത്. ഇതോടെ പ്രതിഷേധവുമായി നാട്ടുകാർ രംഗത്തെത്തി. രാത്രിയോടെ വനംവകുപ്പ് കൂട് സ്ഥാപിച്ചു. നന്പ്യാർകുന്ന് കല്ലൂർ പൊതുശ്മശാനത്തിന് സമീപമാണ് കൂട് സ്ഥാപിച്ചിരിക്കുന്നത്. നിരീക്ഷണ കാമറകളും പ്രദേശങ്ങളിൽ സ്ഥാപിച്ചിട്ടുണ്ട്. പ്രത്യേക സംഘത്തെ രൂപീകരിച്ച് പുലിയെ മയക്കുവെടിവച്ച് പിടികൂടി ഉടനെ ഭീതയകറ്റണമെന്ന ആവശ്യമാണ് ഉയരുന്നത്. ഈ ആവശ്യമുന്നയിച്ച് ഫോറസ്റ്റ് സ്റ്റേഷനിലേക്ക് മാർച്ച് നടത്താനൊരുങ്ങുകയാണ് നാട്ടുകാർ. ഒന്നിൽ കൂടുതൽ പുലികൾ പ്രദേശത്തുള്ളതായും സംശയിക്കുന്നുണ്ട്.

സെന്‍റ് തോമസ് ഹൈസ്കൂൾ നടവയൽ എക്സലൻഷി‍യ വിജയോത്സവം സംഘടിപ്പിച്ചു

നടവയൽ: നടവയൽ സെന്‍റ് തോമസ് ഹൈസ്കൂളിൽ 2024 - 2025 വർഷത്തെ എസ്എസ്എൽസി പരീക്ഷയിൽ എല്ലാ വിഷയങ്ങളിലും എ പ്ലസ് കരസ്ഥമാക്കിയ വിദ്യാർഥികളെയും സംസ്കൃത സ്കോളർഷിപ്പ്, രാജ്യപുരസ്കാർ അവാർഡ്, യുഎസ്എസ് വിജയികൾ എന്നിവരെയും എക്സലൻഷിയ വിജയോത്സവം 2025 പരിപാടിയിൽ ആദരിക്കുകയും അവാർഡുകൾ വിതരണം ചെയ്യുകയും ചെയ്തു. വിജയോത്സവം പരിപാടി ജില്ലാ വിദ്യാഭ്യാസ ഓഫീസർ സി.വി. മൻമോഹൻ ഉദ്ഘാടനം ചെയ്തു. സ്കൂൾ പിടിഎ പ്രസിഡന്‍റ് വിൽസണ്‍ ചേരവേലിൽ അധ്യക്ഷത വഹിച്ചു. വിദ്യാലയത്തിലെ വിവിധ ക്ലബ്ബുകളുടെ ഉദ്ഘാടനം എഴുത്തുകാരനും അധ്യാപകനുമായ റോയ്സണ്‍ പിലാക്കാവ് നിർവഹിച്ചു. സ്കൂൾ ഹെഡ്മാസ്റ്റർ ഇ.കെ. വർഗീസ്, ഹയർസെക്കൻഡറി പ്രിൻസിപ്പൽ ജയിംസ് പോൾ, ബ്ലോക്ക് പഞ്ചായത്ത് അംഗം അന്നക്കുട്ടി ഉണ്ണിക്കുന്നേൽ, മദർ പിടിഎ പ്രസിഡന്‍റ് ജിൻസി, സ്റ്റാഫ് സെക്രട്ടറി ജെൻട്രി പോൾ എന്നിവർ പ്രസംഗിച്ചു. കഴിഞ്ഞ അധ്യയന വർഷത്തിൽ പാഠ്യപാഠ്യേതര മേഖലയിൽ മികച്ച പ്രകടനം നടത്തിയ വിദ്യാർഥികളെയും അഭിനന്ദനങ്ങളും അഭിനന്ദിച്ചു.

ജില്ലയുടെ വൃത്തിയ്ക്ക് മാർക്കിടുന്നു; സ്വച്ഛ് സർവേക്ഷൻ സർവേ 23 വരെ

കൽപ്പറ്റ: ജില്ലയുടെ വൃത്തിക്ക് മാർക്കിടാൻ സ്വച്ഛ് സർവേക്ഷൻ 23 വരെ സർവേ നടത്തുന്നു. സ്വച്ഛ് ഭാരത് മിഷൻ ഗ്രാമീണ്‍ നടത്തുന്ന രണ്ടാംഘട്ട സർവേയിലാണ് ജില്ല ഉൾപ്പെട്ടത്. സർവേ അടിസ്ഥാനമാക്കി ജില്ലകൾക്ക് റാങ്ക് നൽകുകയാണ് സ്വച്ഛ് സർവേക്ഷൻ. രാജ്യത്തെ വിവിധ അംഗീകൃത ഏജൻസികൾ വീടുകൾ, വില്ലേജുകൾ, പൊതുസ്ഥലങ്ങൾ എന്നിവയാണ് വൃത്തി സർവേയിൽ പരിശോധിക്കുക. ജില്ലയിലെ മുഴുവൻ ഗ്രാമ പഞ്ചായത്തുകളിലെയും 45 വില്ലേജുകളിൽ ടീം സർവേ നടത്തും. ഓരോ ഗ്രാമപഞ്ചായത്തിലെയും തെരഞ്ഞെടുക്കുന്ന 20 മുതൽ 30 വരെ വീടുകളിൽ നേരിട്ടെത്തി പരിശോധന നടത്തും. വീടുകളിലെ ശുചിത്വശുചിമുറി മാലിന്യസംസ്കരണ, മലിനജല സൗകര്യങ്ങൾ, പൊതു ഇടങ്ങളിലെ ശുചിത്വം, മാലിന്യം വലിച്ചെറിയൽ, മലിനജലത്തിന്‍റെ തോത് എന്നിവ പരിശോധിക്കും. ഗ്രാമപഞ്ചായത്തുകളുടെ നിലവിലെ ജൈവ, അജൈവ, ദ്രവ മാലിന്യ സംസ്കരണ ഉപാധികളും പ്രവർത്തനവും സമിതി വിലയിരുത്തും. ശൗചാലയ മാലിന്യ സംസ്കരണം, ജൈവ മാലിന്യ സംസ്കരണ ഗോബർധൻ ബയോഗ്യാസ് പ്ലാന്‍റ്, പ്ലാസ്റ്റിക് മാലിന്യ സംസ്കരണ യൂണിറ്റുകളുടെ പ്രവർത്തനങ്ങളും എന്നിവയും പരിശോധിക്കും. സംസ്ഥാനത്തെ 450 വില്ലേജുകളിലായി സ്വച്ഛ് സർവേക്ഷൻ വൃത്തി പരിശോധന നടത്തും. മാനദണ്ഡങ്ങൾക്കനുസരിച്ച് സമിതി മാർക്ക് നൽകും. തദ്ദേശവകുപ്പിന്‍റെ നേതൃത്വത്തിൽ ശുചിത്വമിഷൻ സംസ്ഥാനത്തെ പ്രവർത്തനങ്ങൾ ഏകോപിപ്പിക്കും. സർവേയുടെ ഭാഗമായി രാജ്യത്തെ 761 ജില്ലകളിലായി 21,000 വില്ലേജുകളിൽ പരിശോധന നടത്തും. 3,36,000 വീടുകൾ, 1,05,000 പൊതു ഇടങ്ങൾ, 1971 പ്ലാസ്റ്റിക് മാലിന്യ സംസ്കരണ യൂണിറ്റ്, 875 ഗോബർധൻ പ്ലാന്‍റ്, 983 ശൗചാലയ പ്ലാന്‍റ് എന്നിവ സർവേ അടിസ്ഥാനമാക്കി പരിശോധിക്കും. പൊതുജനങ്ങളിൽ നിന്ന് നേരിട്ട് അഭിപ്രായമറിയാൻ സിറ്റിസണ്‍ ഫീഡ്ബാക്ക് മൊബൈൽ ആപ്ലിക്കേഷനും (സ്വച്ഛ് സർവേക്ഷൻ ഗ്രാമീണ്‍ 2025) ഉപയോഗിക്കും.

വായനാവസന്തം വൈത്തിരി താലൂക്കുതല ഉദ്ഘാടനം നടത്തി

മുട്ടിൽ: വൈത്തിരി താലൂക്ക് ലൈബ്രറി കൗണ്‍സിൽ എ, ബി, സി ഗ്രേഡ് ലൈബ്രറികളിൽ ആരംഭിക്കുന്ന വായനാവസന്തം (വീട്ടിലേക്ക് ഒരു പുസ്തകം)പദ്ധതിയുടെ താലൂക്കുതല ഉദ്ഘാടനം മലനാട് ചാനൽ ഹാളിൽ എഴുത്തുകാരനും അക്ഷരപുരസ്കാര ജേതാവുമായ ഹാരിസ് നെൻമേനി നിർവഹിച്ചു. കെബിസിടി വായനശാല ആൻഡ് ക്ലബ്, പഞ്ചായത്ത് സമിതി, മാനസ എന്നിവയുടെ സഹകരണത്തോടെ സംഘടിപ്പിച്ച പരിപാടിയിൽ താലൂക്ക് ലൈബ്രറി കൗണ്‍സിൽ പ്രസിഡന്‍റ് സി.കെ. രവീന്ദ്രൻ അധ്യക്ഷത വഹിച്ചു. ജില്ലാ ലൈബ്രറി കൗണ്‍സിൽ സെക്രട്ടറി പി.കെ. സുധീർ പദ്ധതി വിശദീകരണം നടത്തി. മാനസ ചെയർമാൻ കെ.വി. സുധീഷ് പുസ്തകം ഏറ്റുവാങ്ങി. മലനാട് ചാനൽ മാനേജിംഗ് ഡയറക്ടർ ബെന്നി മലനാട്, ജില്ലാ ലൈബ്രറി കൗണ്‍സിൽ അംഗം എം. ദേവകുമാർ, എ.കെ. മത്തായി, സി. ജയരാജൻ, പി.കെ. ജയചന്ദ്രൻ, എം.ജി. സതീഷ് കുമാർ എന്നിവർ പ്രസംഗിച്ചു. വൈത്തിരി താലൂക്ക് ലൈബ്രറി കൗണ്‍സിൽ സെക്രട്ടറി സി.എം. സുമേഷ് സ്വാഗതവും വൈസ് പ്രസിഡന്‍റ് പി.കെ. ഷാഹിന നന്ദിയും പറഞ്ഞു. താലൂക്കിൽ 17 ലൈബ്രറികളിലാണ് പദ്ധതി ആരംഭിക്കുന്നത്.

നന്പ്യാർകുന്നിനെ നടുക്കി എലിസബത്തിന്‍റെ മരണം

സുൽത്താൻ ബത്തേരി: കഴിഞ്ഞദിവസം വൈകുന്നേരംവരെ സന്തോഷത്തോടെ സംസാരിച്ച് പിരിഞ്ഞ എലിസബത്തിന്‍റെ മരണം വിശ്വസിക്കാനാകുന്നില്ല അയൽവാസികൾക്ക്. ഞായറാഴ്ച വൈകുന്നേരം എലിസബത്തിന്‍റെ വീട്ടിൽ അയൽകൂട്ടംകൂടി ചായയും കുടിച്ച് സന്തോഷത്തോടെ മടങ്ങിയ അയൽകൂട്ടഅംഗങ്ങൾക്ക് മരണവാർത്ത വിശ്വസിക്കാനായിട്ടില്ല ഇതുവരെ. ഒപ്പമിരുന്ന് കഥകൾ പറഞ്ഞ കൂട്ടുകാരിയുടെ ജീവനറ്റ ശരീരം കണ്ട എല്ലാവരും വിതുന്പി. ഇവരുടെ ഭർത്താവ് കൈഞെരന്പ് മുറിച്ചനിലയിൽ ആശുപത്രിയിലുമാണ്. നന്പ്യാർകുന്ന് ടൗണിൽ കച്ചവടം ചെയ്താണ് ഇരുവരും കഴിഞ്ഞുവരുന്നത്. അതുകൊണ്ടുതന്നെ നാട്ടുകാർക്കെല്ലാം ഇരുവരും പ്രിയങ്കരുമാണ്. നല്ലസന്തോഷത്തിൽ കഴിഞ്ഞിരുന്ന കുടുംബമായിരുന്ന എലിസബത്തിന്േ‍റതെന്നാണ് നാട്ടുകാർ പറയുന്നത്. സംഭവമറിഞ്ഞ ഇവിടേക്ക് ഒഴുകിയെത്തുന്നവരെല്ലാം എന്താണ് സംഭവിച്ചതെന്ന് അറിയാതെ സങ്കടപ്പെടുകയാണ്.

പെരിക്കല്ലൂർ പ്രശ്നത്തിന് പിന്നിൽ സാന്പത്തിക മാഫിയ: കത്തോലിക്ക കോണ്‍ഗ്രസ്

പുൽപ്പള്ളി: പെരിക്കല്ലൂരിലെ കർഷകരുടെ ഭൂമി പ്രശ്നത്തിന് പിന്നിൽ പ്രവർത്തിക്കുന്നത് സാന്പത്തിക മാഫിയ സംഘം ആണെന്ന് സംശയിക്കുന്നതായി കത്തോലിക്കാ കോണ്‍ഗ്രസ് മാനന്തവാടി രൂപതാ സമിതി. കർഷകർക്ക് ലഭിച്ച വക്കിൽ നോട്ടീസ് ഈ സംശയം വർധിപ്പിക്കുന്നു. കർഷകർക്ക് ഗവണ്‍മെന്‍റ് നിയമാനുസരണം പട്ടയം നൽകിയിരിക്കുന്നതും കഴിഞ്ഞ അരനൂറ്റാണ്ട് കൈവശംവച്ച് അനുഭവിക്കുന്നതുമായ ഭൂമിയിൽ അവകാശം ഉന്നയിക്കുന്നവരും അവരുടെ പിന്നിൽ പ്രവർത്തിക്കുന്നവരുടെയും ഗൂഢലക്ഷ്യം പാവപ്പെട്ട കർഷകരെ ഭീഷണിപ്പെടുത്തിയും ആശങ്കപ്പെടുത്തിയും പണം കൈക്കലാക്കുക മാത്രമാണ്. ഈ മാഫിയ സംഘത്തിൽ റവന്യു വകുപ്പിലെ ചില ഉദ്യോഗസ്ഥരുടെ പിന്തുണയുണ്ടെന്ന് കത്തോലിക്ക കോണ്‍ഗ്രസ് സംശയിക്കുന്നു. പട്ടയ കൈവശക്കാരുടെ വ്യക്തി വിവരങ്ങൾ ചോർത്തി കൊടുക്കുന്ന ഈ ഉദ്യോഗസ്ഥരുടെമേൽ അന്വേഷണം നടത്തി നടപടി സ്വീകരിക്കണം. ഈ ഭൂമിയിൽ താമസിക്കുന്നവർക്ക് എതിരായ നീക്കങ്ങളിൽ നിന്ന് ബന്ധപ്പെട്ടവർ പിൻമാറണം. കത്തോലിക്ക കോണ്‍ഗ്രസ് നിയമസഹായ വേദി എല്ലാവിധ പിന്തുണയും ഇവർക്ക് നൽകും. സിവിൽ വക്കീൽമാരുടെയും റിട്ട.റവന്യു ഉദ്യോഗസ്ഥരുടെയും സേവനം ലഭ്യമാക്കും. പട്ടാണികൂപ്പ് ഉണ്ണിമിശിഹാ ദേവാലയത്തിൽ ചേർന്ന കത്തോലിക്ക കോണ്‍ഗ്രസ് രൂപത പ്രവർത്തക സമിതി യോഗം രൂപത ഡയറക്ടർ ഫാ. ജോബി മുക്കാട്ടുകാവുങ്കൽ ഉദ്ഘാടനം ചെയ്തു. രൂപത പ്രസിഡന്‍റ് ജോണ്‍സണ്‍ തൊഴുത്തുങ്കൽ അധ്യക്ഷത വഹിച്ചു. മുള്ളൻകൊല്ലി ഫൊറോനാ ഡയറക്ടർ ഫാ. സുനിൽ വട്ടുകുന്നേൽ, ഫാ. ജോജോ ഒൗസേപ്പറന്പിൽ, ജനറൽ സെക്രട്ടറി സെബാസ്റ്റ്യൻ പുരക്കൽ, സജി ഫിലിപ്പ്, ഡോ.കെ.പി. സാജു കൊല്ലപ്പള്ളി, സാജു പുലിക്കോട്ടിൽ, അന്നക്കുട്ടി ഉണ്ണിക്കുന്നേൽ, ഗ്ലാഡിസ് ചെറിയാൻ, ബീന കരിമാംകുന്നേൽ, തോമസ് പട്ടമന, സുനിൽ പാലമറ്റം, ചാൾസ് വടശേരിൽ, ജേക്കബ് ബത്തേരി, എന്നിവർ പ്രസംഗിച്ചു. ആക്ഷൻ കൗണ്‍സിൽ ഭാരവാഹികളും ജനപ്രതിനിധികളുമായ ജോസ് നല്ലോണം, ഷിനു കച്ചിറയിൽ, തോമസ് എന്നിവരുമായി സമിതി അംഗങ്ങൾ ചർച്ച നടത്തുകയും പിന്തുണ അറിയിക്കുകയും ചെയ്തു.

നിരോധിത പ്ലാസ്റ്റിക് ഉത്പന്നങ്ങൾ പിടിച്ചെടുത്തു

കൽപ്പറ്റ: ജില്ലാ എൻഫോഴ്സ്മെന്‍റ് സ്ക്വാഡ് നന്പിക്കൊല്ലി ടൗണിലെ ഹാംഗ്ഒൗട്ട് കഫേയിൽ നിന്നും നിരോധിത പ്ലാസ്റ്റിക് ഉത്പന്നങ്ങൾ പിടിച്ചെടുത്തു. 10,000 രൂപ പിഴ ഈടാക്കി. ഇതിന് പുറമേ നായ്ക്കട്ടിയിൽ പ്രവർത്തിക്കുന്ന ഖാൻസ് മാർട്ട് സ്ഥാപനം പ്ലാസ്റ്റിക് കത്തിച്ചതിന് 5000 രൂപ പിഴ ഈടാക്കി. ജില്ലാ എൻഫോഴ്സ്മെന്‍റ് സ്ക്വാഡിന്‍റെ മിന്നൽ പരിശോധനയിലാണ് നിരോധിത പ്ലാസ്റ്റിക് ഉത്പന്നങ്ങൾ പിടികൂടിയത്. ജില്ലാ എൻഫോഴ്സ്മെന്‍റ് സ്ക്വാഡ് ലീഡർ ടി.കെ. സുരേഷ്, സ്ക്വാഡ് അംഗങ്ങളായ കെ.എ. തോമസ്, ടി.ആർ. രസിക, നൂൽപ്പുഴ ഗ്രാമപഞ്ചായത്ത് ഹെൽത്ത് ഇൻസ്പെക്ടർ അനഘ ലക്ഷ്മി എന്നിവർ പരിശോധനയ്ക്ക് നേതൃത്വം നൽകി.

പുലിയും കരടിയും ഭീതി പരത്തുന്നു

ഉൗട്ടി: കോത്തഗിരി മേഖലയിൽ പുലിയും കരടിയും ഭീതി പരത്തുന്നതായി പരാതി. നേരം ഇരുട്ടിയാൽ വന്യജീവികൾ ജനവാസ മേഖലയിലേക്ക് ഇറങ്ങുകയാണ്. ഇത്കാരണം ജനങ്ങൾ ഭീതിയോടെയാണ് കഴിയുന്നത്. വന്യജീവി ശല്യത്തിന് ശാശ്വത പരിഹാരം കാണണമെന്നാണ് നാട്ടുകാർ ആവശ്യപ്പെടുന്നത്. എന്നാൽ പുലികളും കരടികളും ജനവാസ മേഖലയിലേക്ക് ഇറങ്ങിയിട്ടും വനംവകുപ്പ് യാതൊരു നടപടിയും സ്വീകരിക്കുന്നില്ലെന്ന് പരാതി ഉയർന്നിട്ടുണ്ട്.

തൊഴിലന്വേഷകർക്ക് തൊഴിൽ നൽകാൻ സാധിക്കണം: മന്ത്രി ഒ.ആർ. കേളു

കൽപ്പറ്റ: വിവിധ സ്ഥാപനങ്ങളിൽ തൊഴിലധിഷ്ഠിത കോഴ്സുകൾ അനുവദിച്ചശേഷം തൊഴിൽദാതാക്കളെയും തൊഴിലന്വേഷകരെയും കണ്ടെത്തി, പരസ്പരം ബന്ധിപ്പിച്ചു ഉദ്യോഗാർഥികൾക്ക് തൊഴിൽ നൽകാൻ സാധിക്കണമെന്ന് മന്ത്രി ഒ.ആർ. കേളു അഭിപ്രായപ്പെട്ടു. സർക്കാരിന്‍റെ വിജ്ഞാന കേരളം പദ്ധതിയുടെ ഭാഗമായി ജില്ലയിലെ മൂന്നാമത്തെ ജോബ്സ്റ്റേഷൻ മാനന്തവാടി ബ്ലോക്ക് പഞ്ചായത്ത് ്രെടെസം ഹാളിൽ ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. ജില്ലയിലെ വിവിധ സ്ഥാപനങ്ങളിൽ നിന്ന് തൊഴിലധിഷ്ഠിത കോഴ്സുകൾ പഠിച്ചിറങ്ങിയശേഷം തൊഴിൽദാതാക്കളുടെ സഹായത്തോടെ ഒട്ടേറെ പേർക്ക് തൊഴിൽ ലഭ്യമാക്കാൻ കഴിഞ്ഞിട്ടുണ്ടെന്നും മന്ത്രി കൂട്ടിചേർത്തു. പ്രാദേശികമായ തൊഴിൽ സാധ്യതകൾ കണ്ടെത്തി തൊഴിൽ ചെയ്യാനാവശ്യമായ നൈപുണി പഠിപ്പിക്കുകയും അഭ്യസ്തവിദ്യർക്ക് തൊഴിൽ കണ്ടെത്താൻ സഹായിക്കുകയുമാണ് ജോബ് സ്റ്റേഷനിലൂടെ ലക്ഷ്യം വയ്ക്കുന്നത്. മുഴുവൻ ഉദ്യോഗാർഥികൾക്കും തൊഴിൽ ലഭ്യമാക്കാൻ ആവശ്യമായ സേവനങ്ങളും സൗകര്യങ്ങളും ജോബ് സ്റ്റേഷനിലൂടെ നൽകും. കേരള നോളജ് ഇക്കണോമി മിഷൻ, കെഡിസ്ക് എന്നീ ഏജൻസികൾ നേതൃത്വം നൽകും. വിജ്ഞാന തൊഴിൽ മേഖലയെ വികസിപ്പിച്ച് കേരളത്തിലെ വിദ്യാസന്പന്നരുടെ തൊഴിലില്ലായ്മ പരിഹരിക്കുക എന്നതാണ് നോളജ് ഇക്കണോമി മിഷന്‍റെ ലക്ഷ്യം. അസാപ് ഉൾപ്പെടെയുള്ള പ്രഫഷണൽ ഏജൻസികൾ പരിശീലനം നൽകും. പരിശീലനം പൂർത്തിയാക്കുന്നതോടെ സംരംഭകരുടെ ആവശ്യപ്രകാരമുള്ള തൊഴിലാളികളെ നൽകാനാകും. ബ്ലോക്ക് പഞ്ചായത്ത് പ്രസിഡന്‍റ് ജസ്റ്റിൻ ബേബി അധ്യക്ഷത വഹിച്ചു. വൈസ് പ്രസിഡന്‍റ് എ.കെ. ജയഭാരതി, വിജ്ഞാനകേരളം ജില്ലാ കോഓർഡിനേറ്റർ ശ്രീജിത്ത് ശിവരാമൻ, ജില്ലാ പഞ്ചായത്ത് അംഗങ്ങളായ എ.എൻ. സുശീല, കെ. വിജയൻ, മീനാക്ഷി രാമൻ, ബ്ലോക്ക് പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ കെ.വി. വിജോൾ, ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൻ പി. കല്യാണി, ക്ഷേമകാര്യ സ്റ്റാൻഡ് കമ്മിറ്റി ചെയർപേഴ്സണ്‍ സൽമ മോയിൻ, മാനന്തവാടി എംപ്ലോയ്മെന്‍റ് ഓഫീസ് ഇൻചാർജ് ഷിജു മോഹൻ, അസാപ്പ് ജില്ലാ പ്രോഗ്രാം മാനേജർ കെ.എസ്. ഷഹന എന്നിവർ പ്രസംഗിച്ചു. ഇമേജ് മൊബൈൽസ്, സഹ്യ ഫുഡ്സ്, വാർത്ത എനർജി, പികെകെ ഫുഡ്സ് തുടങ്ങിയ തൊഴിൽദാതാക്കൾ പരിപാടിയിൽ പങ്കെടുത്തു.

പിക്കപ്പിന് മുകളിലേക്ക് മരം വീണു

ഉൗട്ടി: ശക്തമായ മഴയെത്തുടർന്ന് പിക്കപ്പ് വാഹനത്തിന് മുകളിലേക്ക് മരം വീണു. കുന്നൂർ-മഞ്ചൂർ പാതയിലാണ് ഓടി കൊണ്ടിരുന്ന പിക്കപ്പിന് മുകളിലേക്ക് ഭീമൻ മരം കടപുഴകി വീണത്. ഡ്രൈവർ തലനാരിഴക്കാണ് രക്ഷപ്പെട്ടത്. പരുക്കേറ്റ ഇയാളെ സമീപത്തെ ആശുപത്രിയിൽ പ്രവേശിപ്പിച്ചു. വിവരമറിഞ്ഞ് കുന്നൂരിൽ നിന്ന് സ്ഥലത്തെത്തിയ അഗ്നിശമന സേന മരംമുറിച്ചു മാറ്റുകയായിരുന്നു. അപകടം കാരണം ഈ റൂട്ടിൽ മണിക്കൂറുകളോം വാഹന ഗതാഗതം തടസ്‌സപ്പെട്ടു.

വയോജന പീഡന വിരുദ്ധ ബോധവത്കരണം നടത്തി

കൽപ്പറ്റ: ജില്ലാ ജനമൈത്രി പോലീസിന്‍റെ നേതൃത്വത്തിൽ ആനേരി പഞ്ചായത്ത് കമ്മ്യൂണിറ്റി ഹാളിൽ വയോജന പീഡന വിരുദ്ധ ബോധവത്കരണം നടത്തി. കോട്ടത്തറ പഞ്ചായത്ത് പ്രസിഡന്‍റ് പി.പി. റെനീഷ് ഉദ്ഘാടനം ചെയ്തു. ജനമൈത്രി പോലീസ് ജില്ലാ അസി.നോഡൽ ഓഫീസർ കെ.എം. ശശിധരൻ അധ്യക്ഷത വഹിച്ചു. വയോജന സംഘടനാ ഭാരവാഹികളായ കെ.യു. ഭാസ്കരൻ, എം. ശശിധരൻ എന്നിവർ പ്രസംഗിച്ചു. സ്റ്റുഡന്‍റ് പോലീസ് കേഡറ്റ് അസി.നോഡൽ ഓഫീസർ കെ. മോഹൻദാസ് വയോജന നിയമം എന്ന വിഷയത്തിൽ ക്ലാസെടുത്തു. സിവിൽ പോലീസ് ഓഫീസർ കെ. വിനോദ് നാടൻപാട്ടുകൾ അവതരിപ്പിച്ചു. ടി.കെ. ദീപ സ്വാഗതവും കെ.എസ്. ശ്രീജിത്ത് നന്ദിയും പറഞ്ഞു.

വയനാട് ജില്ലാ വികസന കോണ്‍ക്ലേവ്

കൽപ്പറ്റ: കേന്ദ്രസംസ്ഥാന സർക്കാരുകൾ സംയുക്തമായി ജില്ലയിൽ നടപ്പാക്കുന്ന വിവിധ വികസന പദ്ധതികൾ അവതരിപ്പിക്കാൻ ജില്ലാതല വികസന കോണ്‍ക്ലേവ് സംഘടിപ്പിക്കുന്നു. സുൽത്താൻ ബത്തേരി ഹോട്ടൽ സപ്ത റിസോർട്ടിൽ ഇന്ന് രാവിലെ 9.30 മുതൽ ജില്ലാതല കോണ്‍ക്ലേവ് നടക്കും. പട്ടികജാതി പട്ടികവർഗ പിന്നാക്ക ക്ഷേമ മന്ത്രി ഒ.ആർ. കേളു ഉദ്ഘാടനം ചെയ്യും. ജില്ലയിൽ നടപ്പിലാവുന്ന വയനാട് പാക്കേജ്, ആസ്പിരേഷണൽ ജില്ലാ പദ്ധതി, പ്രധാനമന്ത്രി ജൻ വികാസ് കാര്യക്രം, മുഖ്യമന്ത്രിയുടെ ദുരിതാശ്വാസ നിധി, സാസ്കി, എംപി ലാഡ്സ്, എംഎൽഎ ലാഡ്സ്, സിഎസ്ആർ ഫണ്ട് എന്നിവ വിനിയോഗിച്ച് വിവിധ വികസന പദ്ധതികൾ തയ്യാറാക്കേണ്ടതിന്‍റെ ആവശ്യകത എന്നിവ കോണ്‍ക്ലേവ് ചർച്ച ചെയ്യും. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ, ത്രിതല പഞ്ചായത്ത് അധ്യക്ഷൻമാർ, ജില്ലാ കളക്ടർ ഡി.ആർ. മേഘശ്രീ, വകുപ്പ് മേധാവികൾ, ജില്ലാതല ഉദ്യോഗസ്ഥർ എന്നിവർ പങ്കെടുക്കും. കേന്ദ്ര, സംസ്ഥാന സർക്കാർ നടപ്പാക്കുന്ന വിവിധ പദ്ധതികളുടെ അവതരണം നടത്തും. ജില്ലയുടെ വികസന മുന്നേറ്റത്തിന് ഓരോ വകുപ്പുകളും അഞ്ച് പദ്ധതികൾ തയാറാക്കി വികസന കോണ്‍ക്ലേവിൽ അവതരിപ്പിക്കും. പട്ടികവർഗ വിഭാഗക്കാരുടെ സമഗ്ര ഉന്നമനം ലക്ഷ്യമാക്കുന്ന ദർത്തി ആഭ ജൻ ജാതീയ ഗ്രാം ഉദ്കർഷ് അഭിയാൻ, പ്രധാൻ മന്ത്രി ജൻ ജാതി ആദിവാസി ന്യായ മഹാ അഭിയാൻ പദ്ധതികളും കോണ്‍ക്ലേവിൽ ചർച്ച ചെയ്യും.

ജില്ലയിൽ കൂടുതൽ മഴ വാളാംതോട്

കൽപ്പറ്റ: ജില്ലയിൽ കഴിഞ്ഞ ദിവസം കൂടുതൽ മഴ ലഭിച്ചത് വാളാംതോട്. ജൂണ്‍ 15 ന് രാവിലെ 8 മുതൽ ജൂണ്‍ 16 ന് രാവിലെ 8 വരെ ലഭിച്ച മഴയുടെ കണക്ക് പ്രകാരമാണ് തൊണ്ടർനാട് ഗ്രാമപഞ്ചായത്തിലെ വാളാംതോടിൽ കൂടുതൽ മഴ ലഭിച്ചത്. 24 മണിക്കൂറിൽ 230 മില്ലിമീറ്റർ മഴയാണ് പ്രദേശത്ത് ലഭിച്ചത്. പടിഞ്ഞാറത്തറ ഗ്രാമപഞ്ചായത്തിലെ പടിഞ്ഞാറത്തറ എഡബ്ലിയുഎസിലാണ് കുറവ് മഴ. 1 മില്ലിമീറ്റർ മഴയാണ് പ്രദേശത്ത് ലഭിച്ചത്.

മണ്ണെടുപ്പ് വീടിന് ഭീഷണിയായി

മാനന്തവാടി: സ്വകാര്യ വ്യക്തി നടത്തിയ മണ്ണെടുപ്പ് വൃദ്ധ ദന്പതികളുടെ വീടിന് ഭീഷണിയായി. മെഡിക്കൽ കോളജ് ആശുപത്രിക്കു സമീപത്തെ നളിനത്തിൽ രവികുമാർ-അംബിക വർമ ദന്പതികളാണ് വീടിനടുത്തു നടന്ന മണ്ണെടുപ്പുമൂലം പ്രതിസന്ധിയിലായത്. വീട് നിലംപൊത്തുമെന്ന ഭീതിയിലാണ് ദന്പതികൾ. സ്വകാര്യ വ്യക്തി 10 അടി താഴ്ചയിൽ മണ്ണ് എടുത്തതാണ് 28 വർഷമായി തങ്ങൾ താമസിക്കുന്ന വീടിന് ഭീഷണിയായതെന്നു ദന്പതികൾ പറയുന്നു. മാനദണ്ഡങ്ങൾ പാലിക്കാതെയുള്ള മണ്ണെടുപ്പിനെതിരേ പരാതി നൽകിയെങ്കിലും നടപടിയില്ലെന്ന പരിഭവവും അവർക്കുണ്ട്. കാലവർഷം ആരംഭിക്കുന്നതിനുമുന്പ് സംരക്ഷണ ഭിത്തി നിർമിക്കാൻ സ്ഥലം ഉടമയോട് ദന്പതികൾ ആവശ്യപ്പെട്ടെങ്കിലും ഫലമുണ്ടായില്ല.

ലഹരിവിരുദ്ധ ബോധവത്കരണം നടത്തി

സുൽത്താൻ ബത്തേരി: കോളിയാടി സെന്‍റ് പീറ്റേഴ്സ് ആൻഡ് സെന്‍റ് പോൾസ് ഓർത്തഡോക്സ് പള്ളിയിൽ വിശുദ്ധ കുർബാനയ്ക്കുശേഷം ഇടവകജനങ്ങൾക്ക് ലഹരിവിരുദ്ധ ബോധവത്കരണം നൽകി. എക്സൈസ് സിവിൽ എക്സൈസ് ഓഫീസർ നിക്കോളാസ് ജോസ് ക്ലാസെടുത്തു. വികാരി ഫാ.ബിജു പീറ്റർ, ട്രസ്റ്റി അബ്രയ്സ് തോമസ്, സെക്രട്ടറി ജേക്കബ് ജോർജ്, ജോയിന്‍റ് സെക്രട്ടറി ഏലിയാസ് കുര്യൻ എന്നിവർ നേതൃത്വം നൽകി.

വിജയാരവം-2025 സംഘടിപ്പിച്ചു

വൈത്തിരി: പഞ്ചായത്തിൽ കഴിഞ്ഞ അധ്യയനവർഷം എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയവരെയും വൈത്തിരി സ്കൂളിൽ നിന്നു വിരമിച്ച പ്രധാനാധ്യാപിക അജിത, സിനിമാതാരം ഷനൂബ്, നാടൻപാട്ട് കലാകാരൻ എ.സി. മാത്യൂസ് എന്നിവരെയും ഐഎൻടിയുസി മണ്ഡലം കമ്മിറ്റി ആദരിച്ചു. വിജയാരവം-2025 എന്ന പേരിൽ നടത്തിയ പരിപാടി ഐഎൻടിയുസി ജില്ലാ പ്രസിഡന്‍റ് പി.പി. ആലി ഉദ്ഘാടനം ചെയ്തു. മണ്ഡലം പ്രസിഡന്‍റ് ഷിനിൽ തോമസ് അധ്യക്ഷത വഹിച്ചു. എൻ.കെ. ജ്യോതിഷ്കുമാർ, എ.എ. വർഗീസ്, ആർ. രാമചന്ദ്രൻ, കെ.വി. ഫൈസൽ, കെ. വിജേഷ്, അജിത, എ.സി. മാത്യൂസ്, ഷനൂബ് വൈത്തിരി, കെ.ജി. വിലാസിനി, ദേവു, കെ. നാസർ എന്നിവർ പ്രസംഗിച്ചു.

രണ്ടാംഘട്ട സബ്സിസി ഉടൻ നൽകണം: കോഫീ ഗ്രോവേഴ്സ് അസോസിയേഷൻ

കൽപ്പറ്റ: കാപ്പി കർഷകർക്ക് രണ്ടാംഘട്ട സബ്സിഡി ഉടൻ വിതരണം ചെയ്യണമെന്ന് ഹരിതഗിരി ഓഡിറ്റോറിയത്തിൽ ചേർന്ന വയനാട് കോഫി ഗ്രോവേഴ്സ് അസോസിയേഷൻ ആവശ്യപ്പെട്ടു. ജില്ലയിലെ കാപ്പിക്കൃഷിക്കാർക്ക് വളങ്ങൾ സബ്സിഡി നിരക്കിൽ ലഭ്യമാക്കണമെന്ന ആവശ്യവും ഉന്നയിച്ചു. അനൂപ് പാലക്കുന്ന് അധ്യക്ഷത വഹിച്ചു. 2025-27ലെ ഭാരവാഹികളായി അനൂപ് പാലക്കുന്ന്(പ്രസിഡന്‍റ്), അലി ബ്രാൻ(വൈസ് പ്രസിഡന്‍റ്), മധു ബൊപ്പയ്യ(സെക്രട്ടറി), മോഹൻ രവി(ജോയിന്‍റ് സെക്രട്ടറി), ജൈനൻ(ട്രഷറർ), എന്നിവരെ തെരഞ്ഞെടുത്തു.

ആനപ്പാറ - മരകാവ് റോഡ് തകർന്നു

പുൽപ്പള്ളി: ആനപ്പാറ - മരകാവ് റോഡ് പാടെ തകർന്നതോടെ ഇതുവഴിയുള്ള ദുഷ്കരമായി. റോഡ് മുഴുവൻ തകർന്ന് വലിയ ഗർത്തങ്ങൾ രൂപപ്പെട്ടതോടെ മഴയത്ത് റോഡ് മുഴുവൻ വെള്ളക്കെട്ടായി തീർന്നിരിക്കുകയാണ്. വലിയ ഗർത്തങ്ങളുടെ ആഴമറിയാതെ ഇരുചക്രവാഹന യാത്രക്കാർ ഇതുവഴി കടന്നുപോകുന്പോൾ കുഴികളിൽ വീണ് അപകടത്തിൽപ്പെടുന്നതും പതിവായിരിക്കുകയാണ്. വർഷങ്ങളായി തകർന്നുകിടക്കുന്ന ഈ റോഡ് റീടാർ ചെയ്യണമെന്നാവശ്യപ്പെട്ട് അധികൃതരെ സമീപിച്ചിട്ടും യാതൊരു നടപടിയുമുണ്ടാകുന്നില്ലെന്നാണ് നാട്ടുകാർ പറയുന്നത്. പുൽപ്പള്ളി, മുള്ളൻകൊല്ലി പഞ്ചായത്ത് നിവാസികൾക്ക് പനമരം, കൽപ്പറ്റ, നടവയൽ ഭാഗത്തേക്ക് എളുപ്പത്തിൽ പോകാവുന്ന റോഡായിട്ടുപോലും ഈ റോഡിനെ അവഗണിക്കുന്ന നിലപാടാണ് അധികൃതരുടെ ഭാഗത്തുനിന്നുണ്ടാകുന്നതെന്നാണ് നാട്ടുകാരുടെ പരാതി.

നടവയൽ സെന്‍റ് തോമസ് ഹൈസ്കൂളിൽ എല്ലാവരും എഴുതുന്നു, എല്ലാവരും വായിക്കുന്നു പദ്ധതി തുടങ്ങി

നടവയൽ: മാനന്തവാടി രൂപത കോർപറേറ്റ് വിദ്യാഭ്യാസ ഏജൻസിയുടെ എല്ലാവരും എഴുതുന്നു, എല്ലാവരും വായിക്കുന്നു പദ്ധതി സെന്‍റ് തോമസ് ഹൈസ്കൂളിൽ തുടങ്ങി. ഹയർ സെക്കൻഡറി സ്കൂൾ പ്രിൻസിപ്പൽ ആന്‍റോ വി. തോമസ് ഉദ്ഘാടനം ചെയ്തു. പദ്ധതി ലോഗോ പ്രകാശനം അദ്ദേഹം നിർവഹിച്ചു. മുഴുവൻ വിദ്യാർഥികളും എഴുത്തും വായനയും അഭ്യസിക്കുന്നുവെന്ന് ഉറപ്പുവരുത്തുന്നതിന് ആവിഷ്കരിച്ച പദ്ധതി സംസ്ഥാനത്തെ പൊതു വിദ്യാഭ്യാസ മേഖലയ്ക്ക് മുതൽക്കൂട്ടാണെന്ന് ആന്‍റോ വി. തോമസ് പറഞ്ഞു. മാനേജർ ആർച്ച് പ്രീസ്റ്റ് ഫാ. ഗർവാസിസ് മറ്റം അധ്യക്ഷത വഹിച്ചു. ഹെഡ്മാസ്റ്റർ ഇ.കെ. വർഗീസ്, പിടിഎ പ്രസിഡന്‍റ് വിൻസന്‍റ് ചേരവേലിൽ, ജിൻസി, ബ്ലോക്ക് മെംബർ അന്നക്കുട്ടി ഉണ്ണിക്കുന്നേൽ, സിസ്റ്റർ ബിന്ദു എന്നിവർ പ്രസംഗിച്ചു.

ആദിവാസിയുടെ മരണം: വാഹനം ആറുമാസമായിട്ടും കണ്ടെത്താനായില്ല

മാനന്തവാടി: ഭാര്യയ്ക്കൊപ്പം നടന്നുപോകുന്നതിനിടെ ആദിവാസിയെ ഇടിച്ച വാഹനം ആറുമാസമായിട്ടും പോലീസിനു കണ്ടെത്താനായില്ല. ഒഴക്കോട് പുതിയകണ്ടി ഉന്നതിയിലെ സുമേഷിന്‍റെ(43)മരണത്തിനു കാരണമായ അപകടത്തിൽ ഉൾപ്പെട്ട വാഹനമാണ് കണ്ടെത്താൻ കഴിയാത്തത്. ജനുവരി ഏഴിന് കാട്ടിക്കുളം ബേഗൂരിലാണ് സുമേഷ് കൊല്ലപ്പെട്ടത്. ബേഗൂരിലാണ് സുമേഷിന്‍റെ ഭാര്യവീട്. തോൽപ്പെട്ടി ഭാഗത്തേക്കുപോയ വാഹനമാണ് സുമേഷിനെ ഇടിച്ചത്. ഡിവൈഎസ്പിയുടെ നേതൃത്വത്തിൽ സിസിടിവി ദൃശ്യങ്ങൾ ശേഖരിച്ച് അന്വേഷണം നടത്തിയെങ്കിലും വ്യക്തമായ തെളിവുകൾ ലഭിച്ചില്ല. കുടുംബത്തിന് നഷ്ടപരിഹാരം കിട്ടാത്ത സ്ഥിതിയാണ് ഇപ്പോൾ. വാഹനം കണ്ടെത്തുന്നതിന് പ്രമുഖ പട്ടികവർഗ സംഘടനകൾ പോലീസിൽ സമ്മർദം ചെലുത്തുന്നില്ല. രണ്ട് മക്കളും അടങ്ങുന്ന സുമേഷിന്‍റെ കുടുംബം ദുരിതത്തിലാണ്.

സഭാ സന്പർക്ക മാധ്യമ ദിനമാചരിച്ചു

പുൽപ്പള്ളി: ചെറുപുഷ്പ്പ മിഷൻ ലീഗ് ശിശുമല ശാഖയുടെ നേത്യത്വത്തിൽ സഭാ സന്പർക്ക മാധ്യമദിനം ആചരിച്ചു. മാധ്യമപ്രവർത്തകർ അഭിമുഖീകരിക്കുന്ന വെല്ലുവിളികൾ എന്ന വിഷയത്തിൽ ചർച്ചകൾ നടന്നു. നിഷ്പക്ഷമായി സത്യസന്ധതയോടെ മാധ്യമ പ്രവർത്തനം നടത്തണമെന്നും അതിന് പുതിയ തലമുറ ആധുനിക സാങ്കേതികവിദ്യ പഠിച്ചു മുന്നോട്ട് വരണമെന്ന് 36 വർഷമായി മാധ്യമ രംഗത്ത് പ്രവർത്തിച്ചു വരുന്ന സാജൻ കുടിലിൽ തന്‍റെ അനുഭവം പങ്കുവച്ച് സംസാരിച്ചു. വികാരി ഫാ. ബിജു മാവറ ചർച്ചകൾക്ക് നേതൃത്വം നൽകി. ലിഡിയ കവളക്കാട്ട്, ജിതിൻ പരുന്തനോലിൽ, സണ്‍ഡേസ്കൂൾ ഹെഡ്മാസ്റ്റർ ജോണ്‍സണ്‍ കുളിരിയേൽ, കുമാരി ആർഷ കാക്കോനാൽ എന്നിവർ പ്രസംഗിച്ചു.

നാളികേരത്തിന് വില കുതിച്ചുയരുന്പോൾ വനാതിർത്തിയിലെ കർഷകർ പ്രതിസന്ധിയിൽ

സുൽത്താൻ ബത്തേരി: തേങ്ങയുടെ വില ദിനംപ്രതി വർധിച്ചു കൊണ്ടിരിക്കുന്പോൾ വനാതിർത്തിയിലെ ഗ്രാമങ്ങളിലെ നാളികേര കർഷകർ പ്രതിസന്ധിയിൽ. ഒരു കിലോ തേങ്ങയ്ക്ക് മാർക്കറ്റിൽ 85 മുതൽ 90 രൂപ വരെയാണ് വില. വെളിച്ചെണ്ണയുടെ വില 350 രൂപയ്ക്ക് മുകളിൽ ആയി. എന്നാൽ ഇവ രണ്ടും വിലകൊടുത്ത് വാങ്ങേണ്ട അവസ്ഥയിലാണ് കേര കർഷകർ. തെങ്ങും തേങ്ങയും വന്യജീവികൾ നശിപ്പിക്കുന്നതാണ് ഈ ദുർഗതിക്ക് കാരണം. തെങ്ങുകളിൽ പൂവിടുന്പോൾതന്നെ മണ്ഡരി രോഗവും മലയണ്ണാൻ, കാട്ടാന അടക്കമുള്ള വന്യജീവികളുടെ ശല്യം മൂലവും വൻതോതിൽ തെങ്ങുകൾ നശിക്കുകയാണ്. ബത്തേരി താലൂക്കിലെ എല്ലാ പഞ്ചായത്തുകളും മലയണ്ണാനും അടക്കമുള്ള വന്യജീവികളുടെശല്യം കാരണം കർഷകർ പ്രതിസന്ധിയിലാണ്. മറ്റു പ്രദേശങ്ങളിൽ നിന്നും വ്യത്യസ്തമായി കാട്ടാന വൻതോതിൽ തെങ്ങുകൾ നശിപ്പിക്കുന്നതായും ഈ പ്രദേശത്തെ കർഷകർ പറയുന്നു. തേങ്ങ വില സർവകാല റിക്കോർഡ് മറികടക്കുന്പോഴും വേണ്ടത്ര വരുമാനം ലഭിക്കാതെ പ്രതിസന്ധിയിലാണ് കേര കർഷകർ.

കൈവശക്കാരുടെ പട്ടയഭൂമി തട്ടിയെടുക്കാൻ ഗൂഢാലോചന: കെ.കെ. ഏബ്രഹാം

പുൽപ്പള്ളി: പെരിക്കല്ലൂർ മേഖലയിലെ കൈവശക്കാരായ കർഷകരുടെ പട്ടയഭൂമി തട്ടിയെടുക്കാൻ ഗൂഢാലോചന നടക്കുന്നുവെന്ന് കെപിസിസി മുൻ ജനറൽ സെക്രട്ടറി കെ.കെ. ഏബ്രഹാം ആരോപിച്ചു. പതിറ്റാണ്ടുകളായി അതതുകാലത്തെ ഭൂവുടമകളിൽ നിന്നു വിലകൊടുത്തുവാങ്ങി കൈവശംവച്ച് പട്ടയം ലഭിച്ച് കൃഷി ചെയ്തു ജീവിക്കുന്ന മനുഷ്യരെ അവരുടെ കിടപ്പാടങ്ങളിൽ നിന്ന് ആട്ടിപ്പായിക്കാനുള്ള നീക്കത്തിന് പിന്നിൽ ഭൂമാഫിയയുടെ ഗൂഢ നീക്കമുണ്ട്. പെരിക്കല്ലൂരിലെ 80 കവല, 33 കവല പ്രദേശങ്ങളിലെ കർഷകർ അവരുടെ പട്ടയഭൂമിയിൽ നിന്ന് കുടിയൊഴിയുകയോ വില കൊടുക്കുകയോ വേണമെന്ന ചിലരുടെ ആവശ്യം ബാലിശമാണ്. അന്പത്തിയേഴു വർഷങ്ങൾക്ക് മുന്പ് കൈവശമുണ്ടായിരുന്നുവെന്നാണ് നോട്ടീസ് അയച്ചവർ അവകാശപ്പെടുന്നത്. ഭ്രപരിഷ്കരണനിയമപ്രകാരം സർക്കാർ കൈവശക്കാർക്ക് അനുവദിച്ചു കൊടുത്ത പട്ടയഭൂമി നികുതിയടച്ചും കൃഷി ചെയ്തും പാർപ്പിടങ്ങൾ നിർമിച്ചും കൃഷി ചെയ്തും അനുഭവിച്ചുവരുന്ന ഭൂമിയിൽ ഒരു സുപ്രഭാതത്തിൽ അവകാശവാദവുമായി വരുന്നതിന്‍റെ പിന്നിൽ അന്തർ സംസ്ഥാന ഭൂമാഫിയയുടെ ഗൂഢ നീക്കമുണ്ട്. ഈ ഗൂഢാലോചനയ്ക്കെതിരേ ഉന്നതതല അന്വേഷണം നടത്തണമെന്ന് കെ.കെ. ഏബ്രഹാം ആവശ്യപ്പെട്ടു. കിടപ്പാടങ്ങളിൽ നിന്ന് കർഷക ജനതയെ ആട്ടിയിറക്കാനുള്ള ഗൂഢനീക്കത്തെ ചെറുത്തു തോൽപിക്കാൻ പൊതു സമൂഹം ഒറ്റക്കെട്ടായി നിൽക്കണമെന്നും ഏബ്രഹാം ആവശ്യപ്പെട്ടു.

പടിഞ്ഞാറത്തറ-പൂഴത്തോട് റോഡ്: കർമ സമിതി പ്രിയങ്ക ഗാന്ധിക്ക് നിവേദനം നൽകി

കൽപ്പറ്റ: പടിഞ്ഞാറത്തറ-പുഴിത്തോട് ചുരമില്ലാ പാത യാഥാർഥ്യമാക്കുന്നതിന് ശക്തമായ ഇടപെടൽ തേടി കർമ സമിതി പ്രതിനിധികൾ പ്രിയങ്ക ഗാന്ധി എംപിക്ക് നിവേദനം നൽകി. കർമസമിതി ചെയർപേഴ്സണ്‍ ശകുന്തള ഷണ്മുഖൻ, ജുനൈദ് കൈപ്പാണി, പോൾസൻ കൂവയ്ക്കൽ, ഒ.ജെ. ജോണ്‍സൻ, സാജൻ തുണ്ടിയിൽ, അസീസ് കളത്തിൽ, വി. പ്രകാശൻ എന്നിവരടങ്ങുന്നതായിരുന്നു നിവേദകസംഘം. പ്രിയങ്കയെ ഇന്നലെ ഉച്ചയ്ക്ക് പടിഞ്ഞാറത്തറ താജ് ഹോട്ടലിലാണ് കർമസമിതി പ്രതിനിധികൾ സന്ദർശിച്ചത്. വയനാട് അഭിമുഖീകരിക്കുന്ന ഗതാഗത പ്രശ്നങ്ങളുടെ പരിഹാരത്തിൽ ചുരം ബദൽ പാതയുടെ പ്രാധാന്യം വിശദീകരിക്കുന്നതാണ് നിവേദനം. ബദൽ പാതയായി 30 വർഷം മുന്പ് സംസ്ഥാന സർക്കാർ അംഗീകരിച്ചതാണ് പടിഞ്ഞാറത്തറ, തരിയോട്, വെള്ളമുണ്ട, തൊണ്ടർനാട്, ചക്കിട്ടപാറ പഞ്ചായത്തുകളെ ബന്ധിപ്പിക്കുന്ന പടിഞ്ഞാറത്തറ-പൂഴിത്തോട് റോഡ്. 1994ൽ അന്നത്തെ മുഖ്യമന്ത്രി കെ. കരുണാകരൻ ഉദ്ഘാടനം ചെയ്തതാണ് റോഡ് പ്രവൃത്തി. പടിഞ്ഞാറത്തറയിൽനിന്നു പുഴിത്തോടു വരെ 27 കിലോമീറ്ററാണ് റോഡ് ദൈർഘ്യം. വനത്തിലൂടെ 8.25 കിലോമീറ്റർ റോഡ് നിർമിക്കണം. ഇതിന് ഏകദേശം 52 ഏക്കർ ഭൂമിയാണ് ആവശ്യം. റോഡ് പ്രവൃത്തിയിൽ 70 ശതമാനം നേരത്തേ പൂർത്തിയായതാണ്. വിട്ടുകിട്ടാത്തതിനാൽ വനഭൂമിയിൽ നിർമാണം നടത്താനായില്ല. റോഡിന് ഉപയോഗിക്കുന്നതിനു പകരം 104 ഏക്കർ സ്ഥലം പഞ്ചായത്തുകൾ വനം വകുപ്പിന് കൈമാറിയതാണ്. എന്നിട്ടും വനഭൂമി ഉപയോഗപ്പെടുത്തുന്നതിനു കേന്ദ്രാനുമതി ലഭിച്ചില്ല. റോഡിനായി വിട്ടുകൊടുക്കേണ്ടത് റിസർവ് വനമാണെന്ന് വനം വകുപ്പ് നേരത്തേ റിപ്പോർട്ട് ചെയ്തിരുന്നു. ഇതാണ് വനഭൂമിയിൽ പ്രവൃത്തി നടത്തുന്നതിനുള്ള അനുമതിക്കു മുഖ്യ തടസം. കർമ സമിതി നിവേദനത്തെത്തുടർന്ന് ജില്ലാ വികസന സമിതി തീരുമാനിച്ചത് അനുസരിച്ച് പാതയിൽ കുറ്റ്യാംവയൽ മുതൽ സൗത്ത് വയനാട് വനം ഡിവിഷൻ അതിർത്തിയിലെ കരിങ്കണി വരെ സംയുക്ത പരിശോധന നേരത്തേ നടന്നിരുന്നു. റവന്യു, വനം, പൊതുമരാമത്ത്, കഐസ്ഇബി ഉദ്യോഗസ്ഥരടങ്ങുന്ന സംഘമാണ് പരിശോധന നടത്തിയത്. റോഡിൽ കോഴിക്കോട് ജില്ലയിൽ ഉൾപ്പെടുന്ന ഭാഗങ്ങളിലും പരിശോധന നടന്നു. നിർദിഷ്ട പാതയുടെ സാധ്യതാപഠനത്തിന് സംസ്ഥാന സർക്കാർ 1.5 കോടി രൂപ അനുവദിച്ചിരുന്നു. പാത നിർമാണവുമായി ബന്ധപ്പെട്ട് മലബാർ വന്യജീവി സങ്കേതത്തിൽ ഉൾപ്പെടുന്നതടക്കം വനഭൂമിയിൽ ഡ്രോണുകൾ ഉപയോഗിച്ചുള്ള ജിപിഎസ് സർവേയ്ക്ക് ചീഫ് വൈൽഡ് ലൈഫ് വാർഡൻ കഴിഞ്ഞ ദിവസം അനുമതി നൽകിയിട്ടുണ്ട്. പേരാന്പ്ര എംഎൽഎ ടി.പി. രാമകൃഷ്ണൻ ആവശ്യപ്പെട്ടതനുസരിച്ച് വനംമന്ത്രി ഇടപെട്ടതോടെയാണ് സർവേക്ക് അനുമതിയായത്. ഇക്കാര്യങ്ങൾ കർമ സമിതി പ്രതിനിധികൾ എംപി മുന്പാകെ അവതരിപ്പിച്ചതായി ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാനുമായ ജുനൈദ് കൈപ്പാണി പറഞ്ഞു.

ചെറുവള്ളിയിൽ കാട്ടാനകൾ കൃഷി നശിപ്പിച്ചു

പുൽപ്പള്ളി: നെയ്ക്കുപ്പ വനത്തിൽനിന്നിറങ്ങിയ കാട്ടാനകൾ ചെറുവള്ളി ഉന്നതിക്ക് സമീപം വൻതോതിൽ കൃഷി നശിപ്പിച്ചു. വേസ്റ്റ് ടാങ്ക്, ഷെഡ്, തൊഴുത്ത് എന്നിവ തകർത്തു. ഉന്നതിയിലെ കുഞ്ഞന്‍റെ കൃഷിയിടത്തിലെ വാഴ, കമുക്, തെങ്ങ് കൃഷികൾ, രാജന്‍റെ തൊഴുത്ത്, വീടിന്‍റെ ചാർത്ത്, കുട്ടപ്പന്‍റെ വേസ്റ്റ് വാട്ടർ ടാങ്ക്, മറ്റത്തിൽ സിബിയുടെ ഇഞ്ചി, വാഴ കൃഷികൾ ആന നശിപ്പിച്ചതിൽ ഉൾപ്പെടും. വനാതിർത്തിയിൽ കിടങ്ങും വേലിയും തകർന്നുകിടക്കുകയാണ്. ഇത് ആനകൾക്ക് കാടിറക്കത്തിനു സൗകര്യമായി. സന്ധ്യമയങ്ങുന്നതോടെ ആനകൾ കൃഷിയിടങ്ങളിൽ എത്തുന്നത് പതിവായിട്ടും വനം വകുപ്പ് ശക്തമായ പ്രതിരോധ നടപടികൾ സ്വീകരിക്കുന്നില്ല. ആനകളെ ഉൾവനത്തിലേക്ക് തുരത്തണമെന്നാണ് ചെറുവള്ളി നിവാസികളുടെ ആവശ്യം.

സ്റ്റുഡന്‍റ് പോലീസ് കേഡറ്റുകൾക്കു യൂണിഫോം വിതരണം ചെയ്തു

വെള്ളമുണ്ട: ഗവ.മോഡൽ ഹയർസെക്കൻഡറി സ്കൂളിലെ സ്റ്റുഡന്‍റ് പോലീസ് കേഡറ്റുകൾക്കു യൂണിഫോം വിതരണം ചെയ്തു. കേഡറ്റുകളിൽ പൊതുപരീക്ഷയിൽ ഉന്നത വിജയം നേടിയവരെ അനുമോദിച്ചു. ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. മധു ഉദയകുമാർ അധ്യക്ഷത വഹിച്ചു. എസ്ഐ മിനിമോൾ, പ്രധാനാധ്യാപിക ഫാത്തിമത്ത് ഷംല എന്നിവർ പ്രസംഗിച്ചു. പ്രദേശത്തെ കിടപ്പുരോഗികൾക്കുള്ള റേഡിയോ വിതരണം റേഡിയോ ബഷീറിന്‍റെ നേതൃത്വത്തിൽ നടത്തി.

സത്യസന്ധത പുതുതലമുറ ആർജിക്കേണ്ട ഗുണം: പ്രിയങ്ക ഗാന്ധി എംപി

കൽപ്പറ്റ: പഠനത്തോടൊപ്പം വിദ്യാർഥികൾ ആർജിക്കേണ്ട ഗുണങ്ങളാണ് സത്യസന്ധതയും ഉത്തരവാദിത്വബോധവുമെന്ന് പ്രിയങ്ക ഗാന്ധി എംപി. എംസിഎഫ് പബ്ലിക് സ്കൂളിൽ അഡ്മിനിസ്ട്രേറ്റീവ് ബ്ലോക്ക് ഉദ്ഘാടനം ചെയ്യുകയായിരുന്നു അവർ. ഓരോ മനുഷ്യനിലും പണത്തിനും പദവിക്കുമപ്പുറം നല്ല ഹൃദയവും മനസുമുണ്ടാകണം. പുതിയ ലോകത്തെയും കാലത്തെയും അറിഞ്ഞുള്ള പഠനസൗകര്യങ്ങളാണ് എംസിഎഫ് സ്കൂളിലുള്ളത്. അധ്യാപകരെയും മാനേജ്മെന്‍റിനെയും അഭിനന്ദിക്കുന്നതായും പ്രിയങ്ക പറഞ്ഞു. എംസിഎഫ് പ്രസിഡന്‍റ് ഡോ. ജമാലുദ്ദീൻ ഫാറൂഖി അധ്യക്ഷത വഹിച്ചു. ടി. സിദ്ദിഖ് എംഎൽഎ, ഡോ.ഹുസൈൻ മടവൂർ, എം.വി. ശ്രേയാംസ്കുമാർ, എൻ.ഡി. അപ്പച്ചൻ, കെ.കെ. അഹമ്മദ്ഹാജി, കെ. റഫീഖ്, ടി. മുഹമ്മദ്, ടി.ജെ. ഐസക്, പി.പി. അബ്ദുൾഖാദർ, ഡോ. മുസ്തഫ ഫാറൂഖി, ജെ.ജെ. നീതു, നജീബ് കാരാടൻ എന്നിവർ പ്രസംഗിച്ചു. കെട്ടിടം രൂപകൽപന ചെയ്ത ആർക്കിടെക്ട് ജാഫർ അലിക്കും കോണ്‍ട്രാക്ടർ ജഷാദ് ബാവയ്ക്കുമുള്ള മെമന്‍റോ പ്രിയങ്ക ഗാന്ധി കൈമാറി.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]