ഫാ. ​മൊ​ന്ത​നാ​രി ശി​ല്പ പ്ര​യാ​ണ​ത്തി​ല്‍ കു​ടി​യേ​റ്റ സ്മ​ര​ണ​ക​ള്‍ പെ​യ്തി​റ​ങ്ങി
Monday, February 26, 2024 1:39 AM IST
പ​യ്യ​ന്നൂ​ര്‍: കു​ടി​യേ​റ്റ ക​ര്‍​ഷ​ക​രി​ല്‍ ഗ​ത​കാ​ല​സ്മ​ര​ണ​ക​ളു​ടെ വേ​ലി​യേ​റ്റം സൃ​ഷ്ടി​ച്ച് മൊ​ന്ത​നാ​രി ശി​ല്പ പ്ര​യാ​ണം. ജീ​വി​തം പ​ച്ച​പി​ടി​പ്പി​ക്കാ​നു​ള്ള ശ്ര​മ​ത്തി​ന് കാ​ടും കാ​ട്ടു​മൃ​ഗ​ങ്ങ​ളും മ​ല​മ്പ​നി​യും ക​ന​ത്ത വെ​ല്ലു​വി​ളി​യു​യ​ര്‍​ത്തി​യ​പ്പോ​ള്‍ ആ​ത്മ​വി​ശ്വാ​സ​വും മ​രു​ന്നും ന​ല്കി ര​ക്ഷ​ക​നാ​യ മൊ​ന്ത​നാ​രി​യ​ച്ച​ന്‍റെ പൂ​ര്‍​ണ​കാ​യ ശി​ല്പം ആ​ത്മ​നി​ര്‍​വൃ​തി​യോ​ടെ​യാ​ണ് മ​ല​യോ​ര മ​ക്ക​ള്‍ നോ​ക്കി​ക്ക​ണ്ട​ത്. രാ​ജ​ഗി​രി സെ​ന്‍റ് അ​ഗ​സ്റ്റി​ന്‍​സ് ദേ​വാ​ല​യ​ത്തി​ല്‍ ഇ​ട​വ​ക വി​കാ​രി ഫാ. ​വ​ര്‍​ഗീ​സ് വെ​ട്ടി​യാ​നി​ക്ക​ല്‍ ഫ്ളാ​ഗ് ഓ​ഫ് ചെ​യ്ത​തോ​ടെ​യാ​ണ് ശി​ല്പ പ്ര​യാ​ണം ആ​രം​ഭി​ച്ച​ത്.

തു​ട​ര്‍​ന്ന് പു​ളി​ങ്ങോം സെ​ന്‍റ് ജോ​സ​ഫ് പ​ള്ളി​യി​ല്‍ വി​കാ​രി​ഫാ. ഇ​മ്മാ​നു​വ​ല്‍ പൂ​വ​ത്തി​ങ്ക​ല്‍, ചെ​റു​പു​ഴ സെ​ന്‍റ് മേ​രീ​സ് ഫൊ​റോ​നാ​പ​ള്ളി​യി​ൽ വി​കാ​രി ഫാ. ​ജോ​സ് വെ​ട്ടി​ക്ക​ൽ, പു​ഞ്ച​ക്കാ​ട് സെ​ന്‍റ് ജോ​സ​ഫ് ഇ​ട​വ​ക വി​കാ​രി ഫാ. ​റോ​യി നെ​ടു​ന്താ​നം എ​ന്നി​വ​രു​ടെ നേ​തൃ​ത്വ​ത്തി​ല്‍ ഇ​ട​വ​ക ജ​ന​ങ്ങ​ള്‍ ചേ​ര്‍​ന്ന് ഉ​ജ്വ​ല സ്വീ​ക​ര​ണ​മാ​ണ് ന​ല്‍​കി​യ​ത്.


നി​ര​വ​ധി വാ​ഹ​ന​ങ്ങ​ളു​ടെ അ​ക​മ്പ​ടി​യോ​ടെ ഏ​ഴി​മ​ല​യി​ലെ​ത്തി​യ ശി​ല്പ​പ്ര​യാ​ണ യാ​ത്ര​യി​ല്‍​നി​ന്നും മൊ​ന്ത​നാ​രി ഗോ​ള്‍​ഡ​ണ്‍ ജൂ​ബി​ലി ക​മ്മി​റ്റി ചെ​യ​ര്‍​മാ​ന്‍ ഫാ. ​ബി​നോ​യ് തോ​മ​സ് ശി​ല്പം ഏ​റ്റു​വാ​ങ്ങി. യു​വ​ശി​ല്പി ഉ​ണ്ണി കാ​നാ​യി​യാ​ണ് മൊ​ന്ത​നാ​രി​യ​ച്ച​ന്‍റെ ഏ​ഴ​ര​യ​ടി ഉ​യ​ര​മു​ള്ള ശി​ല്പം ഫൈ​ബ​ര്‍ ഗ്ലാ​സി​ല്‍ നി​ര്‍​മി​ച്ച​ത്.

Copyright @ 2022 , Rashtra Deepika Ltd.