കൊ​ല്ലം: മ​ക​നെ വെ​ട്ടി​ക്കൊ​ല​പ്പെ​ടു​ത്തി​യ ശേ​ഷം അ​ഭി​ഭാ​ഷ​ക​നാ​യ പി​താ​വ് തൂ​ങ്ങി​മ​രി​ച്ചു. ക​ട​പ്പാ​ക്ക​ട അ​ക്ഷ​യ ന​ഗ​റി​ൽ അ​ഡ്വ. ശ്രീ​നി​വാ​സ പി​ള്ള (79), മ​ക​ൻ വി​ഷ്ണു എ​സ്. പി​ള്ള (48) എ​ന്നി​വ​രാ​ണ് മ​രി​ച്ച​ത്.

ര​ണ്ടു​ദി​വ​സ​മാ​യി ഇ​രു​വ​രേ​യും ഫോ​ണി​ല്‍ കി​ട്ടാ​ത്ത​തി​നെ തു​ട​ര്‍​ന്ന് ശ്രീ​നി​വാ​സ പി​ള്ള​യു​ടെ മ​ക​ളും കു​ടും​ബ​വും ക​ഴി​ഞ്ഞ ദി​വ​സം ഉ​ച്ച​യ്ക്ക് വീ​ട്ടി​ലെ​ത്തി പ​രി​ശോ​ധി​ച്ച​പ്പോ​ഴാ​ണ് ഇ​ദ്ദേ​ഹ​ത്തെ തൂ​ങ്ങി​യ നി​ല​യി​ലും വി​ഷ്ണു​വി​നെ വെ​ട്ടേ​റ്റ നി​ല​യി​ലും ക​ണ്ടെ​ത്തു​ന്ന​ത്. വാ​തി​ലു​ക​ള്‍ അ​ക​ത്ത് നി​ന്ന് പൂ​ട്ടി​യി​രു​ന്നു. തു​ട​ര്‍​ന്ന് പോ​ലീ​സി​ല്‍ വി​വ​രം അ​റി​യി​ക്കു​ക​യാ​യി​രു​ന്നു.

ക​ഴി​ഞ്ഞ കു​റ​ച്ചു ദി​വ​സ​ങ്ങ​ളി​ലാ​യി അ​ച്ഛ​നും മ​ക​നും മാ​ത്ര​മാ​യി​രു​ന്നു വീ​ട്ടി​ല്‍ ഉ​ണ്ടാ​യി​രു​ന്ന​ത്. ശ്രീ​നി​വാ​സ​ന്‍റെ ഭാ​ര്യ ര​മ അ​സു​ഖ​ത്തെ തു​ട​ര്‍​ന്ന മ​ക​ള്‍ വി​ദ്യ​യോ​ടൊ​പ്പം തി​രു​വ​ന​ന്ത​പു​ര​ത്താ​യി​രു​ന്നു. വി​ഷ്ണു​വി​ന് മാ​ന​സി​ക പ്ര​ശ്ന​ങ്ങ​ള്‍ ഉ​ണ്ടാ​യി​രു​ന്ന​താ​യി സ​മീ​പ​വാ​സി​ക​ള്‍ പ​റ​യു​ന്നു.

എ​സ്ബി​ഐ പ്രൊ​ബേ​ഷ​ന​റി ഓ​ഫീ​സ​റാ​യി​രു​ന്ന വി​ഷ്ണു വി​വാ​ഹ​ത്തി​നു ശേ​ഷം ജോ​ലി രാ​ജി​വ​ച്ചി​രു​ന്നു. തു​ട​ര്‍​ന്ന് വി​വി​ധ ബി​സി​ന​സു​ക​ള്‍ ആ​രം​ഭി​ച്ചെ​ങ്കി​ലും ഒ​ന്നും തു​ട​ര്‍​ന്ന് പോ​കാ​ൻ ക​ഴി​ഞ്ഞി​ല്ല. വി​ഷ്ണു​വി​ന് സാ​മ്പ​ത്തി​ക സ​ഹാ​യ​ങ്ങ​ള്‍ ന​ല്‍​കി​യി​രു​ന്ന​ത് പി​താ​വ് ശ്രീ​നി​വാ​സ​നാ​ണ്.

വീ​ട്ടി​ല്‍ നി​ര​ന്ത​രം വ​ഴ​ക്കു​ണ്ടാ​കു​മാ​യി​രു​ന്നു​വെ​ന്ന് സ​മീ​പ​വാ​സി​ക​ള്‍ വ്യ​ക്ത​മാ​ക്കി. ഇ​രു​വ​രും ത​മ്മി​ലു​ണ്ടാ​യ പ്ര​ശ്ന​ങ്ങ​ളാ​ണ് കൊ​ല​പാ​ത​ക​ത്തി​ന് കാ​ര​ണ​മെ​ന്നാ​ണ് പോ​ലീ​സി​ന്‍റെ പ്രാ​ഥ​മി​ക നി​ഗ​മ​നം.

ര​ണ്ട് മൃ​ത​ദേ​ഹ​ങ്ങ​ൾ​ക്കും ദി​വ​സ​ങ്ങ​ളു​ടെ പ​ഴ​ക്ക​മു​ണ്ട്. സം​ഭ​വ​ത്തി​ന്‍റെ കാ​ര​ണ​ങ്ങ​ൾ അ​ന്വേ​ഷി​ച്ചു​വ​രി​ക​യാ​ണെ​ന്ന് പോ​ലീ​സ് വ്യ​ക്ത​മാ​ക്കി. മൃ​ത​ദേ​ഹ​ങ്ങ​ള്‍ പാ​രി​പ്പ​ള്ളി മെ​ഡി​ക്ക​ല്‍ കോ​ള​ജ് മോ​ര്‍​ച്ച​റി​യി​ലേ​ക്ക് മാ​റ്റി.