കു​മ​ളി: വി​വാ​ഹ വാ​ഗ്ദാ​നം ന​ൽ​കി വി​ദേ​ശ വ​നി​ത​യെ കേ​ര​ള​ത്തി​ലേ​ക്ക് ക്ഷ​ണി​ച്ചുവ​രു​ത്തി വി​വി​ധ സ്ഥ​ല​ങ്ങ​ളി​ലെ​ത്തി​ച്ച് പീ​ഡ​ന​ത്തി​നി​ര​യാ​ക്കി​യ ശേ​ഷം യു​വ​തി​യു​ടെ പ​ണ​വു​മാ​യി മു​ങ്ങി​യ കോ​യ​ന്പ​ത്തൂ​ർ സ്വ​ദേ​ശി കു​മ​ളി പോ​ലീ​സി​ന്‍റെ പി​ടി​യി​ലാ​യി.

കോ​യ​ന്പ​ത്തൂ​ർ സൗ​ത്ത് സ്വ​ർ​ണാം​ബി​ക ലേ ​ഒൗ​ട്ട് രാ​മ​ന​ഗ​ർ സ്വ​ദേ​ശി പ്രേം​കു​മാ​ർ (51) ആ​ണ് കോ​യ​ന്പ​ത്തൂ​രി​ൽനി​ന്ന് പി​ടി​യി​ലാ​യ​ത്. ഇ​യാ​ൾ വി​വ​ാഹി​ത​നും ര​ണ്ടു കു​ട്ടി​ക​ളു​ടെ പി​താ​വു​മാ​ണ്.

മു​പ്പ​തു​കാ​രി​യാ​യ ചെ​ക്കോ​സ്ലോവാ​ക്യ​ൻ യു​വ​തി​യാ​ണ് പ​രാ​തി​ക്കാ​രി. ല​ണ്ട​നി​ൽ ജോ​ലി ചെ​യ്യു​ന്ന യു​വ​തി​യു​മാ​യി ഫെ​യ്സ്ബു​ക്കി​ലൂ​ടെ​യാ​ണ് ഇ​യാ​ൾ ബ​ന്ധം സ്ഥാ​പി​ച്ച​് വി​വാ​ഹ വാ​ഗ്ദാ​ന​ം ന​ല്കിയത്.

ഈ ​മാ​സം 12ന് ​കൊ​ച്ചി​യി​ലെ​ത്തി​യ യു​വ​തി​യെ ചെ​റാ​യി​യി​ലു​ള്ള റി​സോ​ർ​ട്ടി​ൽ താ​മ​സി​പ്പി​ച്ച് പീ​ഡി​പ്പി​ച്ചു. ആ​ല​പ്പു​ഴ​യി​ലെ റി​സോ​ർ​ട്ടി​ൽ 13, 14 തീ​യ​തി​ക​ളി​ലും അ​തി​ക്ര​മ​മു​ണ്ടാ​യ​താ​യി യു​വ​തി പോ​ലീ​സി​ൽ മൊ​ഴി ന​ൽ​കി .

15ന് ​കു​മ​ളി​യി​ലെ റി​സോ​ർ​ട്ടി​ലെ​ത്തി​ച്ച​ശേ​ഷ​വും സ​മാ​ന രീ​തി​യി​ൽ സം​ഭ​വ​മു​ണ്ടാ​യ​തോ​ടെ ഇ​രു​വ​രും ത​മ്മി​ൽ വാ​ക്കേ​റ്റ മു​ണ്ടാ​യി. 17ന് ​പു​ല​ർ​ച്ച​യോ​ടെ യു​വ​തി​യു​ടെ മു​പ്പ​തി​നാ​യി​രം രൂ​പ​യും 200 പൗ​ണ്ടും കൈ​ക്ക​ലാ​ക്കി യു​വാ​വ് മു​ങ്ങി.

യു​വ​തി റി​സോ​ർ​ട്ട് ഉ​ട​മ​യു​ടെ സ​ഹാ​യ​ത്തോ​ടെ പോ​ലീ​സി​ൽ വി​വ​രം അ​റി​യി​ച്ചു. ട്രാ​വ​ൽ ഏ​ജ​ന്‍റ് എ​ന്ന് പ​രി​ച​യ​പ്പെ​ടു​ത്തി​യ യു​വാ​വ് കു​മ​ളി​യി​ലെ റി​സോ​ർ​ട്ടി​ൽ ആ​ധാ​ർ കാ​ർ​ഡ് ന​ല്കി​യാ​ണ് മു​റി​യെ​ടു​ത്ത​ത്.

നാ​ലുമാ​സം മു​ൻ​പും യു​വ​തി​യെ ക്ഷ​ണി​ച്ചു വ​രു​ത്തി ത​മി​ഴ്നാ​ട് അ​ട​ക്ക​മു​ള്ള വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ൽ യു​വാ​വ് എ​ത്തി​ച്ചി​രു​ന്നു.