രാ​ജാ​ക്കാ​ട്:​ ചി​ന്ന​ക്ക​നാ​ൽ മേ​ഖ​ല​യി​ൽ വ​ന്യ​മൃ​ഗ​ശ​ല്യം രൂ​ക്ഷ​മാ​യി തു​ട​രു​മ്പോ​ഴും വ​നം വ​കു​പ്പി​ന്‍റെ ഭാ​ഗ​ത്തു നി​ന്ന് ഗു​രു​ത​ര​മാ​യ അ​നാ​സ്ഥ​യാ​ണെ​ന്ന് ഡിസിസി ​വൈ​സ് പ്ര​സി​ഡ​ന്‍റ് കെ.എ​സ്. അ​രു​ൺ.

അ​ടി​സ്ഥാ​ന സൗ​ക​ര്യ​ങ്ങ​ളോ മ​തി​യാ​യ ഫ​ണ്ടോ ന​ൽ​കാ​തെ​യാ​ണ് വ​ന്യ​മൃ​ഗ​ങ്ങ​ളെ ത​ട​യാ​ൻ നി​യോ​ഗി​ക്ക​പ്പെ​ട്ട റാ​പ്പി​ഡ് റെ​സ്പോ​ൺ​സ് (ആ​ർആ​ർ) ടീ​മി​നെ മേ​ഖ​ല​യി​ൽ നി​യോ​ഗി​ച്ചി​രി​ക്കു​ന്ന​ത്. ചി​ന്ന​ക്ക​നാ​ലി​ൽ ച​ക്ക​ക്കൊ​മ്പ​ന്‍റെ ആ​ക്ര​മ​ണ​ത്തി​ൽ നി​ന്നു ര​ക്ഷ​പ്പെ​ടു​ന്ന​തി​നി​ടെ പ​രി​ക്കേ​റ്റ് ചി​കി​ത്സയി​ലു​ള്ള ഈ​ട്ടി​ക്ക​ൽ സ്വ​ദേ​ശി സ​മാ​വ​തി​യെ സ​ന്ദ​ർ​ശി​ച്ച ശേ​ഷം സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.​

ആ​ന​യെ ഭ​യ​പ്പെ​ടു​ത്തി ഓ​ടി​ക്കു​ന്ന​തി​നു​ള്ള പ​മ്പ് ആ​‌ക‌്ഷ​ൻ തോ​ക്കോ, ഹൈ പ​വ​ർ ലൈ​റ്റോ ചി​ന്ന​ക്ക​നാ​ൽ മേ​ഖ​ല​യി​ൽ നി​യോ​ഗി​ച്ച ആ​ർആ​ർ ​ടീ​മി​ന്‍റെ പ​ക്ക​ൽ ഇ​ല്ലെ​ന്ന് അ​രു​ൺ പ​റ​ഞ്ഞു. ആ​ർആ​ർടി ​ഉ​ദ്യോ​ഗ​സ്ഥ​ർ പ​ല​ത​വ​ണ ഇ​ക്കാ​ര്യം വ​നം​വ​കു​പ്പി​ന്‍റെ ശ്ര​ദ്ധ​യി​ൽപ്പെ​ടു​ത്തി​യെ​ങ്കി​ലും ന​ട​പ​ടി ഉ​ണ്ടാ​യി​ട്ടി​ല്ല.​ഇ​തി​നു പു​റ​മേ ജീ​വി​ക​ളെ പേ​ടി​പ്പി​ക്കാ​ൻ മ​തി​യാ​യ പ​ട​ക്ക​ങ്ങ​ൾ പോ​ലും ഇ​വ​രു​ടെ പ​ക്ക​ലി​ല്ല.

ഇ​പ്പോ​ൾ ഉ​പ​യോ​ഗി​ക്കു​ന്ന പ​ട​ക്കം ഉ​ദ്യോ​ഗ​സ്ഥ​ർ സ്വ​ന്തം പോ​ക്ക​റ്റി​ൽനി​ന്ന് പ​ണം ന​ൽ​കി വാ​ങ്ങി​യ​താ​ണ്. വ​ന്യ​മൃ​ഗം ഇ​റ​ങ്ങി​യെ​ന്ന് അ​റി‍​ഞ്ഞാ​ലു​ട​ൻ ഓ​ടി​യെ​ത്തേ​ണ്ട വ​കു​പ്പി​ന് ഇ​ന്ധ​ന​ത്തി​നു​ള്ള പ​ണം പോ​ലും പ​ല​പ്പോ​ഴും സ്വ​ന്തം നി​ല​യ്ക്ക് ക​ണ്ടെ​ത്തേ​ണ്ട ഗ​തി​കേ​ടി​ലാ​ണെ​ന്നും അ​രു​ൺ ആ​രോ​പി​ച്ചു.​ ചി​ന്ന​ക്ക​നാ​ൽ പ്ര​ദേ​ശ​ത്ത് 25 കി​ലോ​മീ​റ്റ​ർ നീ​ള​ത്തി​ൽ സോ​ളാ​ർ ഫെ​ൻ​സിം​ഗ് സ്ഥാ​പി​ക്കാ​നു​ള്ള പ​ദ്ധ​തി​യും യാ​ഥാ​ർ​ഥ്യ​മാ​യി​ട്ടി​ല്ല.

ബൈ​ക്കി​ൽ പോ​കു​ന്ന​തി​നി​ടെ ബു​ധ​നാ​ഴ്ച രാ​ത്രി സി​ങ്കു​ക​ണ്ട​ത്തി​നു സ​മീ​പ​ത്താ​ണ് സ​മാ​വ​തി​ക്കു നേരേ ച​ക്ക​ക്കൊ​മ്പ​ന്‍റെ ആ​ക്ര​മ​ണ​മു​ണ്ടാ​യ​ത്. ബൈ​ക്ക് ഉ​പേ​ക്ഷി​ച്ച് ര​ക്ഷ​പ്പെ​ടാ​ൻ ശ്ര​മി​ക്കു​ന്നതിനി​ടെ ബൈ​ക്കി​ൽനി​ന്ന് വീ​ണെ​ങ്കി​ലും വീ​ണ്ടും എ​ഴു​ന്നേ​റ്റോ​ടി​യാ​ണ് സ​മാ​വ​തി ര​ക്ഷ​പ്പെ​ട്ട​ത്. വീ​ഴ്ച​യി​ൽ വാ​രി​യെ​ല്ലി​ന് പൊ​ട്ട​ലുണ്ടാകു​ക​യും കാ​ലി​നും ക​ണ്ണി​നും പ​രി​ക്കേ​ൽ​ക്കു​ക​യും ചെ​യ്തു.

ചി​ന്ന​ക്ക​നാ​ൽ മു​ൻ പ​ഞ്ചാ​യ​ത്ത് പ്ര​സി​ഡ​ന്‍റ് സി​നി ബേ​ബി,ക​ർ​ഷ​ക കോ​ൺ​ഗ്ര​സ് ചി​ന്ന​ക്ക​നാ​ൽ മ​ണ്ഡ​ലം പ്ര​സി​ഡ​ന്‍റ് ബേ​ബി തോ​മ​സ് വെ​ട്ടി​ച്ചി​റ​യി​ൽ, സാ​മൂ​ഹി​ക പ്ര​വ​ർ​ത്ത​ക​ൻ സു​നി​ൽ സി​ങ്കു​ക​ണ്ടം എ​ന്നി​വ​രും അ​രു​ണി​നോ​ടൊ​പ്പം ഉണ്ടായിരുന്നു.