തൊ​ടു​പു​ഴ: ന​ഗ​ര​ത്തി​ലെ ഹോ​ട്ട​ലു​ക​ളി​ൽ ഹെ​ൽ​ത്ത് സ്ക്വാ​ഡ് മി​ന്ന​ൽ പ​രി​ശോ​ധ​ന ന​ട​ത്തി. പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് തൊ​ടു​പു​ഴ ന​ഗ​ര​സ​ഭ ഹെ​ൽ​ത്ത് സ്ക്വാ​ഡി​ന്‍റെ നേ​തൃ​ത്വ​ത്തി​ൽ തൊ​ടു​പു​ഴ​യി​ലെ വി​വി​ധ പ്ര​ദേ​ശ​ങ്ങ​ളി​ൽ പ​രി​ശോ​ധ​ന ന​ട​ത്തി​യ​ത്. പ​ല സ്ഥാ​പ​ങ്ങ​ളി​ലും ഭ​ക്ഷ​ണം പാ​ച​കം ചെ​യ്യു​ന്ന​വ​ർ ഹെ​യ​ർ ക്യാ​പ് ധ​രി​ച്ചി​ട്ടി​ല്ലെ​ന്നും ഫ്രി​ഡ്ജി​ൽ സൂ​ക്ഷി​ച്ചി​രി​ക്കു​ന്ന ഭ​ക്ഷ​ണ സാ​ധ​ന​ങ്ങ​ളി​ൽ തി​യ​തി കൃ​ത്യ​മാ​യി രേ​ഖ​പ്പെ​ടു​ത്താ​തും അ​ടു​ക്ക​ള​യു​ടെ പ​രി​സ​രം വൃ​ത്തി​യി​ല്ലാ​തെ സൂ​ക്ഷി​ക്കു​ന്ന​താ​യും ക​ണ്ടെ​ത്തി. ഇ​വ​ർ​ക്ക് നോ​ട്ടീ​സ് ന​ൽ​കി.

പ​ഴ​കി​യ മാം​സം മീ​റ്റ് സ്റ്റാ​ളു​ക​ളി​ൽ വി​ല്പ​ന ന​ട​ത്തു​ന്നു​ണ്ടോ എ​ന്ന​റി​യു​ന്ന​തി​നാ​യി മ​ങ്ങാ​ട്ടു​ക​വ​ല, മു​ത​ല​ക്കോ​ടം എ​ന്നി​വി​ട​ങ്ങ​ളി​ലു​ള്ള സ്റ്റാ​ളു​ക​ളി​ൽ പ​രി​ശോ​ധ​ന ന​ട​ത്തി. ന​ഗ​ര​സ​ഭാ ചെ​യ​ർ​മാ​ൻ കെ. ​ദീ​പ​ക് സെ​ക്ര​ട്ട​റി ബി​ജു ജേ​ക്ക​ബ് എ​ന്നി​വ​രു​ടെ നി​ർ​ദേ​ശ പ്ര​കാ​രം സീ​നി​യ​ർ ഹെ​ൽ​ത്ത് ഇ​ൻ​സ്പെ​ക്ട​ർ മാ​രാ​യ ബി​ജോ മാ​ത്യു, ജി.​എ​സ്. ദേ​വ​സേ​ന​ൻ, പ​ബ്ലി​ക് ഹെ​ൽ​ത്ത് ഇ​ൻ​സ്പെ​ക്ട​ർ​മാ​രാ​യ വി.​പി. സ​തീ​ശ​ൻ, പി.​വി. ദീ​പ എ​ന്നി​വ​രാ​ണ് പ​രി​ശോ​ധ​ന ന​ട​ത്തി​യ​ത്.