നെ​ന്മാ​റ: റ​ബ​ർ ആ​വ​ർ​ത്ത​ന​കൃ​ഷി​ക്ക് ത​യാ​റെ​ടു​പ്പു​ക​ൾ തു​ട​ങ്ങി​യ​തോ​ടെ റ​ബ​ർ​തൈ​ക​ൾ​ക്കു വി​ല വ​ർ​ധി​ച്ചു തു​ട​ങ്ങി. നി​ശ്ചി​ത​വ​ർ​ഷ​ത്തെ ടാ​പ്പിം​ഗും സ്ലോ​ട്ട​ർ ടാ​പ്പിം​ഗി​നും​ശേ​ഷം വേ​ന​ൽ​മ​ഴ ല​ഭി​ച്ച​തോ​ടെ ആ​വ​ർ​ത്ത​ന​കൃ​ഷി ന​ട​ത്തു​ന്ന​തി​നു നി​ല​മൊ​രു​ക്ക​ലും തു​ട​ങ്ങി.

തൈ​ക​ൾ​ക്ക് ആ​വ​ശ്യ​ക്കാ​ർ എ​ത്തി​ത്തു​ട​ങ്ങി​യ​തോ​ടെ റ​ബ​ർ​ന​ഴ്സ​റി​ക​ളി​ൽ വി​ല കു​തി​ച്ചു​യ​രു​ക​യാ​ണ്. മു​ൻ​വ​ർ​ഷ​ങ്ങ​ളി​ൽ നൂ​റു​രൂ​പ​യി​ൽ​താ​ഴെ വി​ല​യ്ക്കു​വി​റ്റി​രു​ന്ന തൈ​ക​ൾ​ക്കു 110 - 120 രൂ​പ നി​ര​ക്കാ​ണ് ന​ഴ്സ​റി ഉ​ട​മ​ക​ൾ വി​ല പ​റ​യു​ന്ന​ത്.

ക​ഴി​ഞ്ഞ​വ​ർ​ഷം മ​ര​ങ്ങ​ൾ വെ​ട്ടി​മാ​റ്റി​യ ക​ർ​ഷ​ക​ർ ഒ​ക്ടോ​ബ​ർ, ന​വം​ബ​ർ മാ​സ​ങ്ങ​ളി​ൽ റ​ബ​ർ​തൈ​ക​ൾ​ക്ക് 65 രൂ​പ മു​ത​ൽ 75 വ​രെ നി​ര​ക്കി​ൽ 50 ശ​ത​മാ​നം വി​ല വാ​ങ്ങി​യാ​ണ് ന​ഴ്സ​റി​ക​ൾ തൈ​ക​ൾ ബു​ക്കു​ചെ​യ്ത് ന​ൽ​കി​യി​രി​ക്കു​ന്ന​ത്.

ഇ​പ്പോ​ൾ ബു​ക്ക് ചെ​യ്യു​ന്ന​വ​ർ​ക്ക് 90 രൂ​പ​യ്ക്ക് മു​ക​ളി​ലാ​ണ് ന​ഴ്സ​റി ഉ​ട​മ​ക​ൾ വി​ല​പ​റ​യു​ന്ന​ത്. ജൂ​ൺ ആ​ദ്യ​വാ​രം മൂ​ന്നു​ത​ട്ടു​ക​ൾ വ​ള​ർ​ന്ന തൈ​ക​ൾ മു​ൻ​കൂ​ർ ബു​ക്കു​ചെ​യ്ത​വ​ർ​ക്ക് തൈ​ക​ൾ വി​ത​ര​ണം ചെ​യ്തു തു​ട​ങ്ങും.

ആ​ർ​ആ​ർ​ഐ​ഐ 105, 400 സീ​രീ​സു​ക​ളി​ലു​ള്ള തൈ​ക​ളാ​ണ് ന​ഴ്സ​റി​ക​ളി​ൽ ല​ഭ്യ​മാ​യി​രി​ക്കു​ന്ന​ത്. 105 ഇ​നം തൈ​ക​ൾ​ക്കാ​ണ് ആ​വ​ശ്യ​ക്കാ​ർ കൂ​ടു​ത​ലു​ള്ള​ത്. ക​ഴി​ഞ്ഞ ര​ണ്ടു​വ​ർ​ഷ​മാ​യാ​ണ് വ​ട​ക്കു കി​ഴ​ക്ക​ൻ സം​സ്ഥാ​ന​ങ്ങ​ളി​ലേ​ക്ക് തൈ​ക​ൾ ക​യ​റ്റി​അ​യ​ക്കാ​ൻ തു​ട​ങ്ങി​യ​തോ​ടെ വി​ല​വ​ർ​ധ​ന ആ​രം​ഭി​ച്ച​ത്.

മൂ​ന്നു​വ​ർ​ഷം മു​മ്പ് വ​രെ 65 രൂ​പ​യി​ൽ കൂ​ടു​ത​ൽ വി​ല​യു​ണ്ടാ​യി​രു​ന്നി​ല്ല. റ​ബ​ർ​ബോ​ർ​ഡ് നേ​ര​ത്തെ ബ്രൗ​ൺ ബ​ഡ് സ്റ്റ​മ്പു​ക​ളും, ബ​ഡു​ക​ളും ക​ർ​ഷ​ക​ർ​ക്ക് കാ​ഞ്ഞി​ക്കു​ള​ത്തു​ള്ള ന​ഴ്സ​റി​യി​ൽ നി​ന്ന് സ​ബ്സി​ഡി നി​ര​ക്കി​ൽ ന​ൽ​കി​യി​രു​ന്നു.

കു​റ​ച്ചു​കാ​ല​മാ​യി കൂ​ട​തൈ​ക​ൾ സ​ർ​വ്വ​സാ​ധാ​ര​ണ​മാ​യ​തോ​ടെ റ​ബ​ർ​ബോ​ർ​ഡ് തൈ​ക​ളു​ടെ വി​ല്പ​ന​യും നി​ർ​ത്തി​വ​ച്ചു. കൂ​ട​ക​ളി​ൽ നി​റ​യ്ക്കു​ന്ന മ​ണ്ണി​ന്‍റെ വി​ല​വ​ർ​ധി​ച്ച​തും തൊ​ഴി​ലാ​ളി കൂ​ലി, വേ​ന​ൽ​ക്കാ​ല പ​രി​ച​ര​ണം തു​ട​ങ്ങി​യ​വ വ​ർ​ധി​ച്ച​താ​ണ് വി​ല​വ​ർ​ധ​ന​യ്ക്കു കാ​ര​ണ​മെ​ന്ന് ന​ഴ്സ​റി ഉ​ട​മ​ക​ൾ പ​റ​യു​ന്നു. പ്ര​ധാ​ന​മാ​യും മം​ഗ​ലം​ഡാം, മു​ട​പ്പ​ല്ലൂ​ർ, വ​ട​ക്ക​ഞ്ചേ​രി, ചേ​ല​ക്ക​ര, മു​ണ്ടൂ​ർ, ക​ല്ല​ടി​ക്കോ​ട് ത​ച്ച​മ്പാ​റ, മ​ണ്ണാ​ർ​ക്കാ​ട് മേ​ഖ​ല​ക​ളി​ലാ​ണ് റ​ബ​ർ​തൈ​ക​ൾ കൂ​ടു​ത​ൽ ഉ​ത്പാ​ദി​പ്പി​ക്കു​ന്ന​ത്.