തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നാ​യി മേ​യ് പ​ത്തി​ന് ഇ​ട​ക്കാ​ല ജാ​മ്യം ല​ഭി​ച്ച കേ​ജ​രി​വാ​ൾ 21 ദി​വ​സം ക​ഴി​ഞ്ഞ് ജൂ​ണ്‍ ര​ണ്ടി​ന് ജ​യി​ലി​ലേ​ക്കു മ​ട​ങ്ങി. ഇ​തേ കേ​സി​ൽ കൂ​ട്ടു​പ്ര​തി​ക​ളാ​യ മ​നീ​ഷ് സി​സോ​ദി​യ, കെ. ​ക​വി​ത അ​ട​ക്ക​മു​ള്ള​വ​ർ​ക്കു നേ​ര​ത്തേ ജാ​മ്യം ല​ഭി​ച്ചി​രു​ന്നു.

ജാ​മ്യവ്യവസ്ഥകൾ

► മു​ഖ്യ​മ​ന്ത്രി​യു​ടെ ഓ​ഫീ​സി​ൽ പോ​യി ഫ​യ​ലു​ക​ളി​ൽ ഒ​പ്പി​ട​രു​ത്.
►കേ​സി​ന്‍റെ മെ​റി​റ്റി​നെ​ക്കു​റി​ച്ചു പ​ര​സ്യ​പ്ര​സ്താ​വ​ന പാ​ടി​ല്ല.
►വി​ചാ​ര​ണക്കോ​ട​തി​ക്കു​മു​ന്പി​ൽ ഹാ​ജ​രാ​ക​ണം.

പോ​രാ​ട്ട​വീ​ര്യം കൂ​ടി: കേ​ജ​രി​വാ​ൾ

ജ​യി​ലി​ൽ അ​ട​ച്ച​തോ​ടെ ത​ന്‍റെ പോ​രാ​ട്ട​വീ​ര്യ​വും മ​നോ​വീ​ര്യ​വും നൂ​റു​മ​ട​ങ്ങ് വ​ർ​ധി​ച്ചു​വെ​ന്ന് ജ​യി​ൽ​മോ​ചി​ത​നാ​യ കേ​ജ​രി​വാ​ൾ പ​റ​ഞ്ഞു. ജീ​വി​തം രാ​ജ്യ​ത്തി​നാ​യി സ​മ​ർ​പ്പി​ക്കു​ന്നു. ഒ​രു​പാ​ട് പോ​രാ​ട്ട​ങ്ങ​ളും ബു​ദ്ധി​മു​ട്ടു​ക​ളും നേ​രി​ട്ടി​ട്ടു​ണ്ട്. സ​ത്യ​ത്തി​ന്‍റെ പാ​ത​യി​ലാ​യ​തി​നാ​ൽ ദൈ​വം കൂ​ടെ​യു​ണ്ടെ​ന്നും അ​ദ്ദേ​ഹം പ​റ​ഞ്ഞു.

തോ​രാ​മ​ഴ​യ​ത്തും നൂ​റു​ക​ണ​ക്കി​ന് എ​എ​പി പ്ര​വ​ർ​ത്ത​ക​രും നേ​താ​ക്ക​ളും ചേ​ർ​ന്ന് ആ​വേ​ശ​ക​ര​മാ​യ സ്വീ​ക​ര​ണ​മാ​ണ് കേ​ജ​രി​വാ​ളി​ന് ഇ​ന്ന​ലെ രാ​ത്രി ന​ൽ​കി​യ​ത്. ഭാ​ര്യ സു​നി​ത, പ​ഞ്ചാ​ബ് മു​ഖ്യ​മ​ന്ത്രി ഭ​ഗ​വ​ന്ത് മ​ൻ, മ​ന്ത്രി അ​തി​ഷി, മ​നീ​ഷ് സി​സോ​ദി​യ അ​ട​ക്ക​മു​ള്ള നേ​താ​ക്ക​ളും മു​ഖ്യ​മ​ന്ത്രി​യെ വ​ര​വേ​ൽ​ക്കാ​നെ​ത്തി​യി​രു​ന്നു.

"ഉ​ത്ത​ര​ത്തേ​ക്കാ​ൾ കൂ​ടു​ത​ൽ ചോ​ദ്യ​ങ്ങ​ളാ​ണു സി​ബി​ഐ​യു​ടെ അ​റ​സ്റ്റി​ൽ ഉ​യ​രു​ന്ന​ത്. 22 മാ​സം അ​റ​സ്റ്റ് ചെ​യ്യാ​തി​രു​ന്ന സി​ബി​ഐ, ഇ​ഡി കേ​സി​ൽ കേ​ജ​രി​വാ​ൾ മോ​ചി​ത​നാ​യ​തി​ന് തൊ​ട്ടു​പി​ന്നാ​ലെ​യാ​ണ് അ​റ​സ്റ്റ് ചെ​യ്ത​ത്. 2022 ഓ​ഗ​സ്റ്റ് 17ന് ​ര​ജി​സ്റ്റ​ർ ചെ​യ്ത കേ​സി​ൽ കേ​ജ​രി​വാ​ളി​നെ ചോ​ദ്യം ചെ​യ്തി​രു​ന്നെ​ങ്കി​ലും അ​റ​സ്റ്റ് ചെ​യ്യേ​ണ്ട​തി​ന്‍റെ ആ​വ​ശ്യ​ക​ത സി​ബി​ഐ​ക്കു തോ​ന്നി​യി​ല്ല.'

- ജ​സ്റ്റീ​സ് ഉ​ജ്വ​ൽ ഭൂ​യാ​ൻ


"കേ​ജ​രി​വാ​ളി​ന്‍റെ അ​റ​സ്റ്റ് നി​യ​മ​പ​ര​മാ​ണ്. ന​ട​പ​ടി​ക്ര​മ​ങ്ങ​ളി​ൽ അ​പാ​ക​ത​യി​ല്ല.'

-ജ​സ്റ്റീ​സ് സൂ​ര്യ​കാ​ന്ത്