മധു വധക്കേസ്: കെ.പി. സതീശൻ സ്‌പെഷല്‍ പ്രോസിക്യൂട്ടർ : Deepika.com Kerala News |

Click here for detailed news of all items

മധു വധക്കേസ്: കെ.പി. സതീശൻ സ്‌പെഷല്‍ പ്രോസിക്യൂട്ടർ

Wednesday, September 27, 2023 6:17 AM IST

കൊച്ചി: അട്ടപ്പാടി മധു വധക്കേസില്‍ ഹൈക്കോടതിയിലുള്ള അപ്പീലില്‍ സ്‌പെഷല്‍ പ്രോസിക്യൂട്ടറായി സീനിയര്‍ അഭിഭാഷകന്‍ കെ.പി. സതീശനെ നിയമിച്ചത് സര്‍ക്കാര്‍ ഹൈക്കോടതിയില്‍ അറിയിച്ചു.

വിചാരണക്കോടതിയില്‍ പ്രോസിക്യൂഷനുവേണ്ടി ഹാജരായ അഭിഭാഷകരെ സ്‌പെഷല്‍ പ്രോസിക്യൂട്ടര്‍മാരായി നിയമിക്കണമെന്നാണ് മധുവിന്‍റെ അമ്മ മല്ലി ആവശ്യപ്പെടുന്നത്. ഇക്കാര്യം ചൂണ്ടിക്കാട്ടി കഴിഞ്ഞ ദിവസം മല്ലി ഹൈക്കോടതി ചീഫ് ജസ്റ്റീസിന് പരാതി നല്‍കിയിരുന്നു. എന്നാല്‍ സ്‌പെഷല്‍ പ്രോസിക്യൂട്ടര്‍ നിയമനം സംബന്ധിച്ച തര്‍ക്കം അപ്പീലില്‍ വാദം വൈകിപ്പിക്കാനാണെന്ന് പ്രതിഭാഗം കോടതിയില്‍ ആരോപിച്ചു.

വിചാരണക്കോടതി വിധിക്കെതിരേ പ്രതികള്‍ നല്‍കിയ അപ്പീലും ഇവര്‍ക്കു പരമാവധി ശിക്ഷ നല്‍കണമെന്ന് ആവശ്യപ്പെട്ട് സര്‍ക്കാര്‍ നല്‍കിയ അപ്പീലുമാണ് ജസ്റ്റീസ് പി.ബി. സുരേഷ് കുമാര്‍, ജസ്റ്റീസ് പി.ജി. അജിത് കുമാര്‍ എന്നിവരുള്‍പ്പെട്ട ഡിവിഷന്‍ ബെഞ്ച് പരിഗണിക്കുന്നത്. ഇന്നലെ അപ്പീലുകള്‍ പരിഗണനയ്ക്കെടുത്തപ്പോള്‍ സ്‌പെഷല്‍ പ്രോസിക്യൂട്ടര്‍ ഹാജരായിരുന്നില്ല. തുടര്‍ന്ന് അപ്പീലുകള്‍ ഒക്‌ടോബര്‍ ആറിലേക്കു മാറ്റി.

അട്ടപ്പാടിയില്‍ ആദിവാസി യുവാവായ മധുവിനെ മോഷണക്കുറ്റം ആരോപിച്ച് പ്രതികള്‍ മര്‍ദിച്ചു കൊന്നെന്നാണ് കേസ്. 2018 ഫെബ്രുവരി 22നായിരുന്നു സംഭവം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.