ന്യൂ​ഡ​ൽ​ഹി: ഭ​ര​ണ​ക​ക്ഷി​യു​ടെ ഉ​പ​രാ​ഷ്‌​ട്ര​പ​തി സ്ഥാ​നാ​ർ​ഥി​യാ​യി നി​ല​വി​ൽ മ​ഹാ​രാ​ഷ്‌​ട്ര ഗ​വ​ർ​ണ​റും ത​മി​ഴ്നാ​ട് സ്വ​ദേ​ശി​യു​മാ​യ സി.പി. രാ​ധാ​കൃ​ഷ്ണ​നെ തീ​രു​മാ​നി​ച്ചു. ഇ​ന്ന​ലെ പ്ര​ധാ​ന​മ​ന്ത്രി ന​രേ​ന്ദ്ര മോ​ദി, ബി​ജെ​പി ദേ​ശീ​യ അ​ധ്യ​ക്ഷ​ൻ ജെ.​പി. ന​ഡ്ഡ, കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ, ​പ്ര​തി​രോ​ധ മ​ന്ത്രി രാ​ജ്നാ​ഥ് സിം​ഗ് തു​ട​ങ്ങി​യ​വ​രു​ടെ നേ​തൃ​ത്വ​ത്തി​ൽ ബി​ജെ​പി ആ​സ്ഥാ​ന​ത്ത് ചേ​ർ​ന്ന യോ​ഗ​ത്തി​ലാ​ണ് തീ​രു​മാ​നം.

ഈ ​മാ​സം ആ​റി​ന് ചേ​ർ​ന്ന എ​ൻ​ഡി​എ പാ​ർ​ല​മെ​ന്‍റ​റി യോ​ഗം ഭ​ര​ണ​ക​ക്ഷി​യു​ടെ സ്ഥാ​നാ​ർ​ഥി​യെ നി​ർ​ണ​യി​ക്കു​ന്ന​തി​ന് മോ​ദി​യെ​യും ന​ഡ്ഡ​യെ​യും ചു​മ​ത​ല​പ്പെ​ടു​ത്തി​യി​രു​ന്നു.

2024 ജൂ​ലൈ 31നാ​ണ് സി.പി. രാ​ധാ​കൃ​ഷ്ണ​ൻ മ​ഹാ​രാ​ഷ്‌​ട്ര ഗ​വ​ർ​ണ​റാ​യി ചു​മ​ത​ല​യേ​റ്റ​ത്. 2023 ഫെ​ബ്രു​വ​രി 18 മു​ത​ൽ 2024 ജൂ​ലൈ 30 വ​രെ ജാ​ർ​ഖ​ണ്ഡ് ഗ​വ​ർ​ണ​റാ​യി സേ​വ​ന​മ​നു​ഷ്ഠി​ച്ചി​രു​ന്നു.
2024 മാ​ർ​ച്ച് മു​ത​ൽ ജൂ​ലൈ വ​രെ തെ​ലു​ങ്കാ​ന ഗ​വ​ർ​ണ​റാ​യും 2024 മാ​ർ​ച്ച് മു​ത​ൽ ഓ​ഗ​സ്റ്റ് വ​രെ പു​തു​ച്ചേ​രി ലെ​ഫ്റ്റ​ന​ന്‍റ് ഗ​വ​ർ​ണ​റാ​യും അ​ധി​കചു​മ​ത​ല​ക​ൾ വ​ഹി​ച്ചു. ര​ണ്ട് ത​വ​ണ ലോ​ക്സ​ഭ​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ടി​ട്ടു​ണ്ട്. 1996ൽ ​ബി​ജെ​പി​യു​ടെ ത​മി​ഴ്നാ​ട് സെ​ക്ര​ട്ട​റി​യാ​യും അ​ദ്ദേ​ഹ​ത്തെ നി​യ​മി​ച്ചു.

അ​ടു​ത്ത മാ​സം ഒ​ൻ​പ​തി​നാ​ണ് ഉ​പ​രാ​ഷ്‌​ട്ര​പ​തി തെ​ര​ഞ്ഞെ​ടു​പ്പ്. ഓ​ഗ​സ്റ്റ് 21 വ​രെ സ്ഥാ​നാ​ർ​ഥി​ക​ൾ​ക്കു നാ​മ​നി​ർ​ദേ​ശം ന​ൽ​കാം. തെ​ര​ഞ്ഞെ​ടു​പ്പു ക​മ്മീ​ഷ​ന്‍റെ സ​മ​യ​ക്ര​മം അ​നു​സ​രി​ച്ച് 22ന് ​സൂ​ക്ഷ്മ​പ​രി​ശോ​ധ​ന ന​ട​ക്കും. 25 ആ​ണ് നാ​മ​നി​ർ​ദേ​ശം പി​ൻ​വ​ലി​ക്കാ​നു​ള്ള അ​വ​സാ​ന തീ​യ​തി.


സംയുക്ത സ്ഥാനാർഥി: പ്രതിപക്ഷ യോഗം ഇന്ന്

ന്യൂ​​​ഡ​​​ൽ​​​ഹി: സം​​​യു​​​ക്ത സ്ഥാ​​​നാ​​​ർ​​​ഥി​​​യെ മ​​​ത്സ​​​രി​​​പ്പി​​​ക്കു​​​ന്ന​​​തി​​​നെ​​​ക്കു​​​റി​​​ച്ച് രാ​​​ജ്യ​​​സ​​​ഭ​​​യി​​​ലെ പ്ര​​​തി​​​പ​​​ക്ഷ​​​നേ​​​താ​​​വ് മ​​​ല്ലി​​​കാ​​​ർ​​​ജ്ജു​​​ൻ ഖാ​​​ർ​​​ഗെ​​​യു​​​ടെ വ​​​സ​​​ത​​​യി​​​ൽ ഇ​​​ന്നു ചേ​​​രു​​​ന്ന ഇ​​​ന്ത്യ മു​​​ന്ന​​​ണി നേ​​​താ​​​ക്ക​​​ൾ ച​​​ർ​​​ച്ച ചെ​​​യ്തേ​​​ക്കും. സം​​​യു​​​ക്ത സ്ഥാ​​​നാ​​​ർ​​​ഥി​​​യെ മ​​​ത്സ​​​രി​​​പ്പി​​​ച്ചേ​​​ക്കു​​​മെ​​​ന്ന് കോ​​​ൺ​​​ഗ്ര​​​സി​​​ന്‍റെ നേ​​​തൃ​​​ത്വ​​​ത്തി​​​ലു​​​ള്ള ഇ​​​ന്ത്യ മു​​​ന്ന​​​ണി നേ​​​ര​​​ത്തെ സൂ​​​ച​​​ന ന​​​ൽ​​​കി​​​യി​​​രു​​​ന്നു.

ക​ഴി​ഞ്ഞ ആ​ഴ്ച രാ​ഹു​ൽ ഗാ​ന്ധി ആ​തി​ഥേ​യ​ത്വം വ​ഹി​ച്ച ഇ​ന്ത്യ മു​ന്ന​ണി നേ​താ​ക്ക​ളു​ടെ യോ​ഗ​ത്തി​ൽ എ​ല്ലാ​വ​ർ​ക്കും സ്വീ​കാ​ര്യ​നാ​യ സ്ഥാ​നാ​ർ​ഥി​യെ പ്ര​തി​പ​ക്ഷ​ത്തി​നു വേ​ണ്ടി നി​ർ​ത്താ​ൻ തീ​രു​മാ​നി​ച്ചി​രു​ന്നു. എന്നാ ൽ, എ​ൻ​ഡി​എ സ്ഥാ​നാ​ർ​ഥി​യെ തീ​രു​മാ​നി​ച്ച സാ​ഹ​ച​ര്യ​ത്തി​ൽ പ്ര​തി​പ​ക്ഷം സ്ഥാ​നാ​ർ​ഥി​യെ​ പ്ര​ഖ്യാ​പി​ക്കാനും സാധ്യതയുണ്ട്. എ​ൻ​ഡി​എ​യ്ക്ക് ഭൂ​രി​പ​ക്ഷം ഉ​ണ്ടെ​ങ്കി​ലും ശ​ക്ത​മാ​യ രാ​ഷ്‌​ട്രീ​യ പ്ര​തി​രോ​ധം തീ​ർ​ക്കാ​നാ​ണ് പ്ര​തി​പ​ക്ഷ​ത്തി​ന്‍റെ തീ​രു​മാ​നം.