കോൺഗ്രസ് സമര സംഗമം സംഘിടിപ്പിച്ചു

കിളിമാനൂർ: ബിജെപി വോട്ടർ പട്ടിക തട്ടിപ്പിനും കേന്ദ്ര-സംസ്ഥാന സർക്കാരുകളുടെ അഴിമതിക്കും ദുർഭരണത്തിനുമെതിരെ കോൺഗ്രസിന്‍റെ സമര സംഗമം.

കിളിമാനൂർ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ നടന്ന സമര സംഗമം മുൻ കെപിസിസി പ്രസിഡന്‍റ് കെ. മുരളീധരൻ ഉദ്ഘാടനം ചെയ്തു. ബ്ലോക്ക് കോൺഗ്രസ് കമ്മിറ്റി പ്രസിഡന്‍റ് എ.അഹമ്മദ് കബീർ അധ്യക്ഷത വഹിച്ചു. മുൻ ഡെപ്യൂട്ടി സ്പീക്കർ പാലോട് രവി മുഖ്യപ്രഭാഷണം നടത്തി.

കെപിസിസി അംഗങ്ങളായ എൻ. സുദർശനൻ, ചെമ്പഴന്തി അനിൽ, ഡിസിസി ഭാരവാഹികളായ എ. ഷി ഹാബുദ്ദീൻ, പി. സൊണാൾജ്, പഞ്ചായത്ത് പ്രസിഡന്‍റുമാരായ എസ്. സുസ്മിത, പോങ്ങനാട് രാധാകൃഷ്ണൻ, മുൻ ബ്ലോക്ക് കോൺഗ്രസ് കമ്മിറ്റി പ്രസിഡന്‍റ് എം.കെ. ഗംഗാധര തിലകൻ എന്നിവർ പങ്കെടുത്തു.

ചെറുനാരകംകോട് ജോണി സ്വാഗതവും എസ്. ശ്യാംനാഥ് നന്ദിയും പറഞ്ഞു.

ADVERTISEMENT

എംഡിഎംഎയുമായി പിടിയിൽ

നെയ്യാർഡാം: എംഡിഎംഎയുമായി യുവാക്കൾ പിടിയിൽ. ആനാട് ശക്തിപുരം ലക്ഷ്മി നിവാസിൽ ഗോകുൽ (21), പെരിങ്ങമല പാലോട് ദേശത്ത് കൊല്ലരിക്കോണം തടത്തരുകത്ത് വീട്ടിൽ കിരൺജിത്ത് (36) എന്നിവരാണ് പിടിയിലായത്. ഇവരിൽ നിന്നും 145 ഗ്രാം എംഡിഎംഎ കണ്ടെത്തി. കള്ളിക്കാട് ജംഗ്ഷന് സമീപമുള്ള എക്‌സൈസ് ചെക്‌പോസ്റ്റിൽ ഇന്നലെ വെളുപ്പിന് ഒരുമണിയോടെയാണ് ഇവരെ പിടികൂടിയത്. ഇവർ സഞ്ചരിച്ചിരുന്ന പൾസർ മോട്ടോർസൈക്കിളും പിടിച്ചെടുത്തു. തമിഴ്‌നാട്ടിൽ നിന്നു ലഹരിവസ്തുക്കൾ വാങ്ങി വരവേയാണ് ഇവർ പിടിയിലായത്. നെടുമങ്ങാടു ഭാഗത്ത് രാസലഹരി വിതരണം ചെയ്യുന്ന സംഘത്തിൽപ്പെട്ടവരാണ് ഇവർ. അഞ്ചുലക്ഷം രൂപയുടെ എംഡിയാണ് പിടികൂടിയത് നെടുമങ്ങാട് പ്രദേശങ്ങളിൽ വിതരണം ചെയ്യാനാണ് ഇവർ എംഡിഎംഎ കൊണ്ടുവന്നതെന്ന് പോലീസിന് മൊഴി നൽകി. പ്രതികളിൽ ഒരാളായ ഗോകുലിന് മൂന്നോളം കഞ്ചാവ് കേസുകൾ വിവിധ സ്റ്റേഷനുകളിലായി ഉണ്ട്. ഇയാൾ നേരത്തെ വിദേശത്തായിരുന്നു. കിരൺ ജിത്തിനു നേരത്തെ ബംഗളൂരുവിൽ ജോലിയുണ്ടായിരുന്നു.

പട്ടയ വിതരണം നടത്തി

നെടുമങ്ങാട്: സര്‍ക്കാരിന്‍റെ അതിദാരിദ്ര്യ നിര്‍മാര്‍ജന പദ്ധതിയുടെ ഭാഗമായി നെടുമങ്ങാട് താലൂക്ക് പരിധിയിലുള്ള ദരിദ്രകുടുംബങ്ങള്‍ക്ക് പട്ടയം വിതരണം ചെയ്തു. ഡി.കെ. മുരളി എംഎല്‍എ പട്ടയമേള ഉദ്ഘാടനം ചെയ്തു. തഹസീല്‍ദാര്‍ എം.എസ്. ഷാജു അധ്യക്ഷനായി. പാങ്ങോട് വില്ലേജ് (3) തൊളിക്കോട് (5), നെല്ലനാട് (2), വാമനപുരം (1) കുടുംബങ്ങള്‍ക്കാണ് പട്ടയം അനുവദിച്ചത്. പാലോട് വില്ലേജില്‍ കണ്ടെത്തിയ ഭൂമിയില്‍ മൂന്നു സെന്‍റ് സ്ഥലം വീതമാണ് ഓരോ കുടുംബത്തിനും അനുവദിച്ചത്. തഹസീല്‍ദാര്‍ അനില്‍കുമാര്‍, ഗവ. പ്ലീഡര്‍ കിഷോര്‍കുമാര്‍, തദ്ദേശ സ്വയംഭരണ ജനപ്രതിനിധികള്‍ ഡെപ്യൂട്ടി തഹസീല്‍ദാര്‍മാര്‍, വില്ലേജ് ഓഫീസര്‍മാര്‍ തുടങ്ങിയവര്‍ പങ്കെടുത്തു.

എൻഎസ്എസ് 1500 ഓണക്കിറ്റുകൾ നൽകി

നേമം: തിരുവനന്തപുരം താലുക്ക് എൻഎസ്എസ് യൂണിയൻ ഓണക്കിറ്റുകൾ വിതരണം ചെയ്തു. യൂണിയനു കീഴിൽ ഉള്ള ഓരോ കരയോഗത്തിനും അഞ്ചു കിറ്റുകൾ വീതം 1500 കിറ്റുകൾ നൽകി. ഇതോടനു ബന്ധിച്ചു നടന്ന ചടങ്ങിൽ എൻഎസ്എസ് വൈസ് പ്രസിഡന്‍റ് എം. സംഗീത് കുമാർ അധ്യക്ഷതയിൽ നടന്ന സമ്മേളനം വിദ്യാഭ്യാസ മന്ത്രി വി.ശിവൻകുട്ടി ഉദ്ഘാടനം ചെയ്തു. വൈസ് പ്രസിഡന്‍റ് എം. കാർത്തികേയൻ നായർ, യൂണിയൻ സെക്രട്ടറി വിജു വി. നായർ, വനിതാ യൂണിയൻ പ്രസിഡന്‍റ് എം. ഈശ്വരി അമ്മ, യൂണിയൻ കമ്മിറ്റി അംഗങ്ങൾ, പ്രതിനിധി സഭാംഗങ്ങൾ എന്നിവർ പങ്കെടുത്തു

പട്ടിണിയില്ലാത്ത കേരളം സർക്കാർ ലക്ഷ്യം: മന്ത്രി ജി.ആർ. അനിൽ

നെടുമങ്ങാട്: കേരളത്തിലെ ഒരാളും പട്ടിണി കിടക്കുന്ന സാഹചര്യം ഉണ്ടാകരുത് എന്നതാണ് സർക്കാരിന്‍റെ പ്രഖ്യാപിത ലക്ഷ്യമെന്നു മന്ത്രി ജി.ആർ.അനിൽ. ഉഴമലയ്‌ക്കൽ പഞ്ചായത്തിലെ ഏലിയാവൂർ മാർക്കറ്റ് സ്റ്റാൾ, കുളപ്പട മാവേലി സ്റ്റോർ എന്നിവ ഉദ്ഘാടനം ചെയ്യുകയായിരുന്നു മന്ത്രി ജി.ആർ. അനിൽ. അതിദരിദ്രരില്ലാത്ത കേരളം എന്ന വലിയ നേട്ടത്തിലേക്ക് സംസ്ഥാനം അടുക്കുകയാണ്. നവംബർ മാസം ഒന്നാം തീയതിയോടെ കേരളം അതിദരിദ്രരില്ലാത്ത സംസ്ഥാനമായി പ്രഖ്യാപിക്കാനാണ് സർക്കാർ പ്രവർത്തിക്കുന്നതെന്നും അദ്ദേഹം പറഞ്ഞു. ജി. സ്റ്റീഫൻ എംഎൽഎയുടെ ആസ്ഥിവികസന ഫണ്ടിൽനിന്നും തുക വകയിരുത്തിയാണ് ഏലിയാവൂർ മാർക്കറ്റ് സ്റ്റാൾ ഇരുനിലകളിലായി നിർമിച്ചിരിക്കുന്നത്. ഇതിനോടൊപ്പം നിർമിച്ച കുളപ്പട മാവേലി സ്റ്റോറിന്‍റെ പുതിയ കെട്ടിടവും ജനങ്ങൾക്കായി തുറന്നു നൽകി. ജി.സ്റ്റീഫൻ എംഎൽഎ അധ്യക്ഷത വഹിച്ചു. ഉഴമലയ്ക്കൽ പഞ്ചായത്ത്‌ പ്രസിഡന്‍റ് ജെ. ലളിത, വെള്ളനാട് ബ്ലോക്ക്‌ പഞ്ചായത്ത്‌ അസിസ്റ്റന്‍റ് എൻജിനീയർ സതീഷ് കുമാർ, ഉഴമലയ്ക്കൽ പഞ്ചായത്ത്‌ വൈസ് പ്രസിഡന്‍റ് എസ്. ശേഖരൻ, വെള്ളനാട് ബ്ലോക്ക്‌ പഞ്ചായത്ത് അംഗം എ. റഹീം തുടങ്ങിയവർ പങ്കെടുത്തു.

നവീകരിച്ച് മാസങ്ങള്‍ക്കുള്ളില്‍ തകര്‍ന്ന് മഠത്തുനടയിലെ ഉദ്യാനം

പേരൂര്‍ക്കട: നവീകരണം നടത്തി മാസങ്ങള്‍ക്കുള്ളില്‍ തകര്‍ന്നടിഞ്ഞ് മഠത്തുനടയിലെ ഉദ്യാനം. സാഗര റസിഡന്‍റ്സ് അസോസിയേഷന്‍ പരിധിയില്‍ വരുന്ന മഠത്തുനട ജംഗ്ഷനിലെ ബസ് വെയിറ്റിംഗ് ഷെഡ്ഡിനോടു ചേര്‍ന്നുള്ള ഉദ്യാനമാണ് പൂർണമായും നശിച്ചത്. ഏകദേശം നാലുമാസത്തിനു മുമ്പാണ് ഇവിടെ മനോഹരമായ പുല്‍ത്തകിടി വച്ചുപിടിപ്പിക്കുകയും മുളകള്‍ കൊണ്ടുള്ള സംരക്ഷണവേലി സ്ഥാപിക്കുകയും ചെയ്തത്. മുളന്തടികള്‍ അവിടവിടെ ഇളകിക്കിടക്കുന്ന കാഴ്ചയാണ് ഇപ്പോള്‍ കാണാനാകുന്നത്. കരിഞ്ഞുണങ്ങിക്കിടക്കുകയാണ് പുല്‍ത്തകിടി. വെറ്റിംഗ് ഷെഡിനു സമീപം രണ്ടു ഫ്‌ളക്‌സ് ബോര്‍ഡുകളുടെ അവശിഷ്ടങ്ങളും കാണാന്‍ സാധിക്കും. തിരുവനന്തപുരം നഗരസഭയുടെ മേല്‍നോട്ടത്തില്‍ ഏറെ ആകര്‍ഷകമാക്കുകയും മനോഹരമായ ചെടികള്‍ വച്ചുപിടിപ്പിക്കുകയും ചെയ്തിരുന്ന ഭാഗമാണ് ഇപ്പോള്‍ പൂര്‍ണമായും നശിച്ചു കിടക്കുന്നത്. കുറഞ്ഞത് 50,000 രൂപയെങ്കിലും മുടക്കിയാണ് നവീകരണം പൂര്‍ത്തീകരിച്ചത്. ചെടികള്‍ക്കു വെള്ളമൊഴിച്ചുകൊണ്ടിരുന്നവരെയും ഇടയ്ക്കിടെ നേരിട്ടുവന്ന് ഉദ്യാനം പരിപാലിച്ചുകൊണ്ടിരുന്നവരെയും ഇപ്പോള്‍ കാണാനില്ലെന്ന് പ്രദേശവാസികള്‍ പറയുന്നു.

അന്നം ഊട്ടുന്നവരെ ആദരിക്കാൻ കുട്ടികൾ മടിക്കരുത്: പന്ന്യൻ രവീന്ദ്രൻ

നേമം: അന്നമൂട്ടുന്നവരെ ആദരിക്കാൻ പുതുതലമുറയിലെ കുട്ടികൾ മടിക്കരുതെന്ന് മുൻ പാർലമെന്‍റ് അംഗം പന്ന്യൻ രവീന്ദ്രൻ. സംസ്ഥാനത്തെ സ്കൂളുകളിലെ പാചക തൊഴിലാളികൾക്ക് ഓണപ്പുടവ സമ്മാനിക്കുന്നതിന്‍റെ സംസ്ഥാനതല ഉദ്ഘാടനം തിരുവനന്തപുരം നേമം ഗവൺമെന്‍റ് യുപിഎസിൽ നിർവഹിച്ചുസംസാരിക്കുകയായിരുന്നു അദ്ദേഹം. പൊതു വിദ്യാലയങ്ങളിലെ മികവുറ്റ അക്കാദമിക - ഇതരപ്രവർത്തനങ്ങൾ പ്രോത്സാഹിപ്പിക്കുന്നതിനായി പ്രവർത്തിച്ചുവരുന്ന വിദ്യാഭ്യാസ ഓൺലൈൻ ചാനലായ പള്ളിക്കൂടം ടിവിയുടെ നേതൃത്വത്തിലാണു പരിപാടി സംഘടിപ്പിച്ചത്. ആദരവ് ഏറ്റുവാങ്ങിയ സ്കൂളിലെ പാചക തൊഴിലാളികളായ ബുഷ്റ, ലളിത, സരോജിനി, വസന്ത എന്നിവർക്ക് ഇത് വേറിട്ട അനുഭവമായി. സംസ്ഥാന ബാലാവകാശ കമ്മീഷൻ ചെയർമാൻ കെ.വി. മനോജ് കുമാർ, എസ് ഐഇടി ഡയറക്ടർ ബി. അബുരാജ്, കല്ലിയൂർ പഞ്ചായത്ത് പ്രസിഡന്‍റ് എം. സോമശേഖരൻ നായർ, പഞ്ചായത്തംഗങ്ങളായ കെ.കെ. ചന്തുകൃഷ്ണ, ഇ.ബി. വിനോദ്കുമാർ, പള്ളിക്കൂടം ടിവി ചീഫ് എഡിറ്റർ ഡി. സുഗതൻ, എസ്എംസി ചെയർമാൻ എസ്. പ്രേംകുമാർ തുടങ്ങിയവർ ചട ങ്ങിൽ പ്രസംഗിച്ചു.

വയോധികനെ ആക്രമിച്ച ഓട്ടോഡ്രൈവര്‍ പിടിയില്‍

പേരൂര്‍ക്കട: വട്ടിയൂര്‍ക്കാവ് ജംഗ്ഷനില്‍ പിരിവിനെത്തിയ വയോധികനെ മർദിച്ച സംഭവത്തില്‍ ഓട്ടോഡ്രൈവറെ വട്ടിയൂര്‍ക്കാവ് പോലീസ് പിടികൂടി. വള്ളക്കടവ് വയ്യാമൂല സ്വദേശി ദീപു (39) വിനെയാണ് വള്ളക്കടവില്‍നിന്നു പോലീസ് കസ്റ്റഡിയിലെടുത്തത്. വെള്ളിയാഴ്ച വൈകുന്നേരമാണ് സംഭവം. സ്വകാര്യാവശ്യവുമായി വട്ടിയൂര്‍ക്കാവിലെത്തിയ ഡ്രൈവര്‍ക്കു സമീപമെത്തിയ വയോധികന്‍ പണം ആവശ്യപ്പെട്ടതാണ് ഡ്രൈവറെ പ്രകോപിപ്പിച്ചത്. വയോധികന്‍ ഭേദപ്പെട്ട നിലയില്‍ വസ്ത്രധാരണം ചെയ്തയാളായിരുന്നു. പ്രദേശത്തു പണം തട്ടിപ്പിനെത്തിയ ആളാണെന്നു തെറ്റിദ്ധരിച്ചാണ് വയോധികനെ മര്‍ദിച്ചതെന്നു ദീപു പോ ലീസിനു മൊഴിനല്‍കി. അതേസമയം മര്‍ദനമേറ്റയാളെ ഇനിയും തിരിച്ചറിഞ്ഞിട്ടില്ല. സംഭവം കണ്ടുനിന്ന ഒരു പ്രദേശവാസിയാണ് വട്ടിയൂര്‍ക്കാവ് പോലീസില്‍ വിവരം ധരിപ്പിക്കുന്നത്. തുടർന്നു കേസെടുത്ത് അന്വേഷണം നടത്തിയ പോലീസ് സിസിടിവി ദൃശ്യങ്ങള്‍ കേന്ദ്രീകരിച്ച് അന്വേഷണം ആരംഭിച്ചു. അറസ്റ്റിലായ ദീപുവിനെ പിന്നീട് സ്റ്റേഷന്‍ജാമ്യത്തില്‍ വിട്ടയച്ചു. വയോധികന്‍ ആരെന്നു കണ്ടെത്തുന്നതിനുള്ള അന്വേഷണം നടന്നുവരുന്നതായി വട്ടിയൂര്‍ക്കാവ് പോലീസ് അറിയിച്ചു.

റോഡിലെ വെള്ളക്കെട്ടില്‍വീണ് ദമ്പതിമാർക്കും കുഞ്ഞിനും പരിക്ക്

വെള്ളക്കെട്ടില്‍ നെൽച്ചെടി നട്ടു നാട്ടുകാര്‍ വെള്ളറട: വെള്ളറട പഞ്ചായത്തിലെ മണത്തോട്ടം വാര്‍ഡില്‍പ്പെട്ട ചൂണ്ടിക്കല്‍ കോട്ടയംവിള റോഡിലെ വെള്ളക്കെട്ടിൽ വീണു ദമ്പതിമാർക്കും കുഞ്ഞിനും പരിക്കേറ്റു. ഇന്നലെ രാവിലെ എട്ടിനായിരുന്നു സംഭവം. റോഡിലെ വെള്ളക്കെട്ടിന്‍റെ ആഴമറിയാതെ ബൈക്കോടിച്ചതാണ് അപകടത്തിനു കാരണമായത്. തുടലി സ്വദേശിയായ സദാശിവന്‍, ഭാര്യ നിര്‍മലകുമാരി, ഇവരുടെ മൂന്നു വയസുള്ള മകൻ അരവിന്ദ് എന്നിവർക്കാണു പരിക്കേറ്റത്. എതിര്‍ ദിശയില്‍നിന്നു വന്ന സൈക്കിളില്‍ മുട്ടാതിരിക്കാന്‍വേണ്ടി ബൈക്ക് കുഴിയിലിറക്കി ഓടിച്ചതാണ് അപകടത്തിനിടയാക്കിയത്. അല്‍പ്പം കൂടി ഇടതു വശത്തേക്കാണു വാഹനം ചരിഞ്ഞിരുന്നുവെങ്കില്‍ ഏഴടിയോളം താഴ്ച്ചയുള്ള തോട്ടില്‍ പതിക്കുമായിരുന്നു. പരിക്കേറ്റവരെ നാട്ടുകാര്‍ ആശുപത്രിയില്‍ പ്രവേശിപ്പിച്ചു. രോഷാകുലരായ നാട്ടുകാര്‍ ഭീമന്‍ കുഴിയിൽ ഞാറുനട്ടു പ്രതിഷേധിച്ചു. വളരെ നാളായി ചൂണ്ടിക്കല്‍ കോട്ടയംവിള റോഡു തകര്‍ന്ന് തരിപ്പണമായി കിടക്കുകയാണ്. അപകടാവസ്ഥയിലായ റോഡിനെ അടിയന്തിരമായി കോണ്‍ക്രീറ്റോ ടാറോ ചെയ്ത് ബലപ്പെടുത്തണമെന്നു പ്രദേശവാസികള്‍ പല തവണ പഞ്ചായത്ത് പ്രസിഡന്‍റിനെ നേരില്‍കണ്ട് അപേക്ഷിച്ചിട്ടും ചെവിക്കൊണ്ടില്ലെന്നു പ്രദേശവാസികള്‍ പറയുന്നു. ഇനിയെത്രനാൾ കാത്തിരുന്നാലാണ് റോഡു ടാറു ചെയ്യുകയോ കോൺഗ്രീറ്റ് ചെയ്യുകയോ ചെയ്യുകയെന്നുള്ള സംശ‍യത്തിലാണു നാട്ടുകാർ. 100 കണക്കിന് വാഹനങ്ങള്‍ കടന്നുപോകുന്ന റോഡാണ് ചൂണ്ടിക്കല്‍-കോട്ടയംവിള റോഡ്. സ്‌കൂള്‍ വാന്‍ അടക്കം നിരവധി വാഹനങ്ങള്‍ പ്രതിദിനം കടന്നു പോകുന്നുണ്ട്. റോഡില്‍ കയറുന്ന ഭാഗത്ത്, ജില്ലാ പഞ്ചായത്ത് മുൻ അംഗം അന്‍സജിതാ റസലിന്‍റെ നേതൃത്വത്തിൽ ലക്ഷങ്ങള്‍ ചെലവഴിച്ച് ഭീമന്‍ പാലം നിർമിച്ചാണു കോട്ടയം വിളയിലേക്ക് കയറുന്നതിനുള്ള അവസരം ഒരുക്കിയത്. ബലവത്തായ പാലമുണ്ടെങ്കിലും റോഡ് അപകടാവസ്ഥയിലാണ്. ജില്ലാ പഞ്ചായത്തംഗം പണികഴിപ്പിച്ച പാലവുമായി ബന്ധിപ്പിക്കുന്ന ചൂണ്ടിക്കല്‍ കോട്ടയംവിള റോഡിനെ പഞ്ചായത്ത് പ്രസിഡന്‍റ് രാജ്മോഹന്‍ ബോധപൂര്‍വം അവഗണിക്കുകയാണെന്നും ആരോപണം ഉയരുന്നുണ്ട്. കൈവരിയില്ലാത്ത പാലത്തില്‍നിന്നും സ്‌കൂള്‍ വിദ്യാര്‍ഥികളും ബൈക്ക് യാത്രികരും സൈക്കിള്‍ യാത്രികരും തോട്ടില്‍വീണു പരിക്കേല്‍ക്കുന്നത് നിത്യ സംഭവമാണ്. ഈ സംഭവം വാര്‍ഡ് മെമ്പറിന്‍റെ ശ്രദ്ധയില്‍പ്പെടുത്തിയിരുന്നു. ഇക്കാര്യം അറിയിച്ചപ്പോൾ പഞ്ചായത്ത് പ്രസിഡന്‍റ് നിഷേധിക്കുകയായിരുന്നുവെന്നുവെന്നാണു വാര്‍ഡ് മെമ്പര്‍ ദീപ്തി പറയുന്നത്. എത്രയും പെട്ടെന്നു റോഡ് സഞ്ചാരയോഗ്യമാക്കിയില്ലെങ്കിൽ പഞ്ചായത്ത് ഓഫീസിലേക്കും പ്രസിഡന്‍റിന്‍റെ വീട്ടുപടിക്കലേക്കും മാർച്ചു നടത്തുമെന്നും നാട്ടുകാർ മുന്നറിയിപ്പു നൽകി.

നാടെങ്ങും ഓണാഘോഷ പരിപാടികൾ

നെയ്യാറ്റിൻകര: താലൂക്കിലെ വിവിധ റസിഡന്‍റ്സ് അസോസിയേഷനുകളുടെയും കുടുംബശ്രീ കൂട്ടായ്മകളുടെയും ആഭിമുഖ്യത്തില്‍ ഓണാഘോഷം വ്യത്യസ്ത പരിപാടികളോടെ നടന്നു. വടക്കേകോട്ട റസിഡന്‍റ്സ് അസോസിയേഷൻ സംഘടിപ്പിച്ച ഓണാഘോഷവും കുടുംബ സംഗമവും നഗരസഭ ചെയര്‍മാന്‍ പി.കെ. രാജമോഹനന്‍ ഉദ്ഘാടനം ചെയ്തു. സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍ ആര്‍. അജിത, എസ്എച്ച്ഒ പ്രവീണ്‍ എന്നിവര്‍ സംബന്ധിച്ചു. നിലമേല്‍ റസി‍ഡന്‍റ്സ് അസോസിയേഷന്‍ സംഘടിപ്പിച്ച ഓണാഘോഷം - 2025 നഗരസഭ ചെയര്‍മാന്‍ പി.കെ. രാജമോഹനന്‍ ഉദ്ഘാടനം ചെയ്തു. ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ ജെ. ജോസ് ഫ്രാങ്ക്ളിന്‍, കൗണ്‍സിലര്‍മാരായ അമ്മിണി, മഞ്ചത്തല സുരേഷ് എന്നിവര്‍ സംബന്ധിച്ചു. കഴിവൂര്‍ മഞ്ചാംകുഴി പുലരി ഫാമിലി ക്ലബിലെ ഓണാഘോഷവും വാര്‍ഷികാഘോഷവും സ്നേഹ കുടുംബശ്രീ അയൽക്കൂട്ടത്തിന്‍റെ ഓണാഘോഷം നഗരസഭ ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ ജെ. ജോസ് ഫ്രാങ്ക്ളിന്‍ ഉദ്ഘാടനം ചെയ്തു. നെയ്യാറ്റിൻകര രൂപതയിലെ ഉച്ചക്കട വിശുദ്ധ കൊച്ചുത്രേസ്യ ദൈവാലയാങ്കണത്തിൽ നിഡ് സിന്‍റെ നേതൃത്വത്തിൽ ഓണാഘോഷം സംഘടിപ്പിച്ചു. റിട്ട. പ്രഥമാധ്യാപകനും പുരാവസ്തു സംരക്ഷകനുമായ സെല്‍വരാജ് ജോസഫ് ഒരുക്കിയ വൈജ്ഞാനിക വിസ്മയക്കാഴ്ച പ്രദർശനം ശ്രദ്ധേയമായി. അതിയന്നൂര്‍ പഞ്ചായത്ത് പ്രസിഡന്‍റ് അഡ്വ. കെ. അനിത ഉദ്ഘാടനം ചെയ് തു. ക്ലബ് പ്രസിഡന്‍റ് വൈ.എല്‍. സുഗതന്‍ അധ്യക്ഷത വഹിച്ചു. മാധ്യമപ്രവര്‍ത്തകന്‍ ഗിരീഷ് പരുത്തിമഠം മുഖ്യാതിഥിയായി. പായസ മത്സരം പേരൂര്‍ക്കട: ഓണം വാരാഘോഷത്തോടനുബന്ധിച്ച് കനകക്കുന്ന് സൂര്യകാന്തി ഗ്രൗണ്ടില്‍ പായസമേള സംഘടിപ്പിക്കുന്നു. കുടുംബശ്രീയുടെ നേതൃത്വത്തില്‍ രണ്ടിന് ഉച്ചയ്ക്ക് ഒരുമണിക്കാണ് പായസമേള. മത്സരാര്‍ത്ഥികള്‍ ഉച്ചയ്ക്ക് 12നു മുമ്പ് ഗ്രൗണ്ടില്‍ ഹാജരാകണം. വൈകുന്നേരം നടത്തുന്ന ചടങ്ങില്‍ വിജയികള്‍ക്ക് സമ്മാനങ്ങള്‍ നല്‍കും. പങ്കെടുക്കാന്‍ ആഗ്രഹിക്കുന്നവര്‍ ഇന്ന് ഉച്ചയ്ക്ക് രണ്ടിനുമുമ്പ് ഓണാഘോഷം ഫുഡ്കമ്മിറ്റിയില്‍ പേരുകള്‍ രജിസ്റ്റര്‍ ചെയ്യണം. ഫോണ്‍: 94464 55047 ഊഞ്ഞാൽ ഇല്ലാതെ എന്ത് ഓണാഘോഷം പാപ്പനംകോട് രാജൻ നേമം: ഓണം ഓർമകളിലെന്നും ഊഞ്ഞാലുകൾക്ക് പ്രഥമ സ്ഥാനമാണ്. വർഷങ്ങൾക്കുമുമ്പ് ചിങ്ങം പിറന്നാലുടൻ തന്നെ ഓണത്തിന്‍റെ വരവ് വറിയിച്ച് തൊടിയിലോ വീട്ടുമുറ്റത്തോ വൃക്ഷങ്ങളിൽ ഊഞ്ഞാലു കെട്ടുന്ന പതിവ് ഉണ്ടായിരുന്നു. എന്നാലിന്ന് മലയാളിയുടെ ഓണസങ്കൽപ്പങ്ങളിൽ ഒഴിച്ചു നിർത്താനാവാത്ത ഊഞ്ഞാൽ അപൂർവം ചില വീടുകളിലും പൊതുസ്ഥലങ്ങളിലുമായി ഒതുങ്ങി. ഊഞ്ഞാലമായി ബന്ധപ്പെട്ട് പണ്ടു കാലത്ത് ധാരാളം പാട്ടുകളും മത്സരങ്ങളും ഉണ്ടായിരുന്നു. ഊഞ്ഞാലിലിരുന്ന് ഏറ്റവും കൂടുതൽ സമയം ആടി പറക്കുക, ഏറ്റവും ഉയരത്തിലെത്തി ഇലത്തൊട്ടു വരിക തുടങ്ങിയവയും ഓണപ്പാട്ടുകൾ പാടിയുള്ള ഊഞ്ഞാലാട്ടവും മലയാളിക്ക് ഗൃഹാതുരമായ ഓരോർമയാണ്. നാട്ടിൽ നിന്നും മരങ്ങൾ വെട്ടിമാറ്റി മണ്ണായ മണ്ണിലെല്ലാം കോൺക്രീറ്റ് സൗധങ്ങളുയർന്നപ്പോൾ വീട്ടുമുറ്റത്തു നിന്നും ഊഞ്ഞാലു അപ്രത്യക്ഷമായി. ഇത്തരം ആഘോഷങ്ങൾ മറഞ്ഞതോടെ ഇന്നത്തെ തലമുറക്കു പഴയകാല ഓണത്തിന്‍റെ പ്രൗഡി ആസ്വാദിക്കാൻ കഴിയാതെയായി. മാതാപിതാക്കൾ പറഞ്ഞു കൊടുക്കുന്ന, അല്ലെങ്കിൽ ടിവിയിൽ കാണുന്ന പഴയ ഓണക്കാല സ്മൃതികളിൽ മാത്രമായി കുട്ടികൾക്ക് ഊഞ്ഞാൽ. കുട്ടികൾക്ക് മത്സരിച്ച് ആടാനും പാടാനുമായി ഇന്നത്തെ തലമുറ പേരിനെങ്കിലും ഊഞ്ഞാലാടുന്നതു സ്കൂളുകളിലും കോളജുകളിലും മറ്റു സ്ഥാപനങ്ങളിലും സംഘടനകളിലും നടത്തുന്ന ഓണാഘോഷ പരിപാടികളിൽ മാത്രമാണ്. തുമ്പയും മുക്കുറ്റിയും അത്തവും പോലെ വയലേലകളും തൊടിയും ഓണത്തുമ്പികളും ഓണക്കളിയും പോലെ മലയാളിയുടെ ഓർമ്മച്ചെപ്പിൽ സൂക്ഷിച്ച് വയ്ക്കാം ഊഞ്ഞാലിനെയും.

ക്ഷേത്രത്തിലെ കാണിക്കവഞ്ചി കവര്‍ന്നു

പേരൂര്‍ക്കട: ചാല മുത്തുമാരിയമ്മന്‍ ക്ഷേത്രത്തിലെ കാണിക്കവഞ്ചി കവര്‍ന്നു. ഞായറാഴ്ച പുലര്‍ച്ചെ ഒരുമണിയോടുകൂടിയാണ് മോഷണം. ക്ഷേത്ര കോമ്പൗണ്ടിലുണ്ടായിരുന്ന കാണിക്കവഞ്ചിയാണ് മോഷ്ടാവ് എടുത്തുകൊണ്ടുപോയത്. വഞ്ചിയൂര്‍ 3000-ഓളം രൂപയാണ് ഉണ്ടായിരുന്നതെന്നു ക്ഷേത്രഭാരവാഹികള്‍ പറഞ്ഞു. സിസിടിവിയില്‍ മോഷ്ടാവ് കാണിക്കവഞ്ചിക്കു സമീപത്തേക്കു വരുന്നതിന്‍റെ ദൃശ്യങ്ങളുണ്ട്. പരിശോധനയില്‍ മോഷ്ടാവ് അന്യസംസ്ഥാനക്കാരനാണെന്നു സൂചനയുള്ളതായി പോലീസ് പറഞ്ഞു. വിരലടയാള വിദഗ്ധരും ഡോഗ്‌സ്‌ക്വാഡും സ്ഥലത്തെത്തി പരിശോധന നടത്തി. മോഷ്ടാവിനെ കണ്ടെത്തുന്നതിനായി അന്വേഷണം ഊര്‍ജിതമാക്കിയിട്ടുണ്ടെന്നു ഫോര്‍ട്ട് സിഐ ശിവകുമാര്‍ അറിയിച്ചു.

പുത്തൻതോപ്പിൽ കടലിൽ കുളിക്കാനിറങ്ങിയ രണ്ടു വിദ്യാർഥികളെ കാണാതായി

കഠിനംകുളം: കടലിൽ കുളിക്കാൻ ഇറങ്ങിയ രണ്ടു വിദ്യാർഥികളെ കാണാതായി. കണിയാപുരം സ്വദേശികളായ നബിൽ (16), അഭിജിത്ത് (16) എന്നിവരെയാണ് കാണാതായത്. കഠിനംകുളം പുത്തൻതോപ്പ് തീരദേശ ഭാഗത്താണ് അഞ്ചുപേർ അടങ്ങുന്ന പ്ലസ് വൺ വിദ്യാർഥികൾ കുളിക്കാൻ ഇറങ്ങിയത്. ഞായറാഴ്ച വൈകു ന്നേരത്തോടെയായിരുന്നു സംഭവം. കാണാതായ കുട്ടികൾക്കായികോസ്റ്റൽ പോലീസും മറൈൻ എൻഫോസ്മെന്‍റും തെരച്ചിൽ നടത്തി. കാലാവസ്ഥ പ്രതിക്കുലമായതിനാൽ ഇന്നലെ രാത്രിയോടെ തിരച്ചിൽ അവസാനിപ്പിച്ചു. ഇന്നു കോസ്റ്റൽ പോലീസും മത്സ്യ തൊഴിലാളികളും ചേർന്നു വീണ്ടും തിരച്ചിൽ നടത്തും.

യുവതിയെ ആക്രമിച്ചതിന് ഭര്‍ത്താവ് റിമാന്‍ഡില്‍

മെഡിക്കല്‍കോളജ്: യുവതിയെ വീട്ടിലെത്തി ആക്രമിച്ചതിന് അറസ്റ്റിലായ ഭര്‍ത്താവ് റിമാന്‍ഡില്‍. മെഡിക്കല്‍കോളജ് പ്രശാന്ത് നഗര്‍ സ്വദേശി അമല്‍ രാജ് (45) ആണ് റിമാന്‍ഡിലായത്. ശനിയാഴ്ചയാണ് കേസിനാസ്പദമായ സംഭവം. പോങ്ങുമ്മൂട് അര്‍ച്ചന നഗര്‍ ഹൗസ് നമ്പര്‍ എഫ്- 66 റിഞ്ജു ഭവനില്‍ യമുനാദേവിയുടെ മകള്‍ വൈ.ബി. ചിഞ്ജുവിനെയാണ് യുവാവ് മദ്യപിച്ചെത്തി അസഭ്യം പറയുകയും ആക്രമിക്കുകയും ചെയ്തത്. നിരന്തരം ശാരീരികമായി ഉപദ്രവിക്കുന്നതിന്‍റെ അടിസ്ഥാനത്തില്‍ ചിഞ്ജു കോടതിയില്‍നിന്ന് അനുകൂല ഉത്തരവ് സമ്പാദിച്ചിരുന്നു. കോടതിയുടെ ഉത്തരവിനു വിരുദ്ധമായി ചിഞ്ജു താമസിക്കുന്ന പോങ്ങുമ്മൂട്ടിലെ വീട്ടിലെത്തി ആക്രമിച്ചതിനാണ് അറസ്റ്റ്. മെഡിക്കല്‍കോളജ് സിഐ ബി.എം. ഷാഫി, എസ്ഐമാരായ വിഷ്ണു, ബിജു, സിപിഒ ഹരികൃഷ്ണന്‍ എന്നിവരാണ് പ്രതിയെ കസ്റ്റഡിയിലെടുത്തത്. ഇയാളെ കോടതി റിമാന്‍ഡ് ചെയ്തു.

നെയ്യാര്‍ മേളയ്ക്ക് തുടക്കമായി; ആദ്യനാളുകളിൽ തിരക്ക്

നെയ്യാറ്റിന്‍കര : കേരള സംസ്ഥാന വ്യാപാരി വ്യവസായി സമിതി നെയ്യാറ്റിൻകര ഏരിയ കമ്മിറ്റി സംഘടിപ്പിക്കുന്ന നെയ്യാർ മേളയുടെ പത്താമത് എഡിഷന് തുടക്കമായി. ത്രീ ഡി പ്ലാനറ്റോറിയം ഷോയും വ്യാവസായിക ഉത്പന്ന പ്രദര്‍ശനവും കാര്‍ണിവലും കൂടാതെ പ്രധാന അരങ്ങിലെ കലാവിരുന്ന് ആസ്വദിക്കാനും തിരക്കേറി. കേരള സംസ്ഥാന വിനോദസഞ്ചാര വകുപ്പിന്‍റെയും തദ്ദേശ സ്വയംഭരണ സ്ഥാപനങ്ങളുടെയും സഹകരണത്തോടെ ഒരുക്കിയിട്ടുള്ള മേളയിലേയ്ക്ക് മഴയൊഴിഞ്ഞ സായാഹ്നങ്ങളിലാണ് സന്ദര്‍ശകര്‍ കൂടുതലായി എത്തുന്നത്. ആറാലുംമൂട് മാര്‍ക്കറ്റ് ഗ്രൗണ്ടില്‍ ആകര്‍ഷകമായി അവതരിപ്പിച്ചിട്ടുള്ള വൈവിധ്യങ്ങളുടെ വിസ്മയപൂരം വ്യത്യസ്ത തലമുറകള്‍ക്ക് പ്രിയപ്പെട്ടതായി മാറിക്കഴിഞ്ഞു. വിദ്യാലയങ്ങളില്‍ ഓണാവധി ആരംഭിച്ചതോടെ കുട്ടികളുമൊരുമിച്ച് കുടുംബസമേതമാണ് സന്ദര്‍ശകര്‍ നെയ്യാറ്റിന്‍കരയിലെ ഏറ്റവും വിപുലമായ ഓണാഘോഷത്തിന്‍റെ ഭാഗമാകാന്‍ വരുന്നതെന്ന് സംഘാടകര്‍ അറിയിച്ചു. ഇന്നലെകളില്‍ പരിചിതമായിരുന്ന ഒട്ടനേകം വസ്തുക്കള്‍ ഉള്‍പ്പെടുന്ന പുരാവസ്തു പ്രദര്‍ശനം വിജ്ഞാനപ്രദം കൂടിയാണ്. കളിമണ്ണില്‍ തത്സമയം ഉത്പന്നങ്ങള്‍ മെനയുന്നതും പുതുതലമുറയിലെ പലര്‍ക്കും കൗതുകാനുഭവം സമ്മാനിക്കുന്നു. മേളയുടെ അഞ്ച് കിലോമീറ്റര്‍ പരിസരത്തെ വൈദ്യുതദീപാലങ്കാരവും ഇപ്രാവശ്യത്തെ മേളയുടെ വിശേഷങ്ങളിലൊന്നാണ്.

ഫിഷറീസ് ഫ്‌ളാറ്റുകളില്‍ ബസ് സര്‍വീസുകള്‍ ആരംഭിക്കണമെന്ന് ആവശ്യം

തിരുവനന്തപുരം: മുട്ടത്തറയിലെ പ്രതീക്ഷ, പ്രത്യാശ, ഫ്‌ളാറ്റ് സന്ദര്‍ശനത്തിന്‍റെ ഭാഗമായി സ്വതന്ത്ര മത്സ്യതൊഴിലാളി ഫെഡറേഷന്‍ പ്രതിനിധി സംഘം പ്രദേശവാസികളുമായി കൂടിക്കാഴ്ച നടത്തി. മത്സ്യ തൊഴിലാളികള്‍ക്ക് കടലിലേക്കു പോകാനും തിരിച്ചു വരാനും സ്ത്രീകള്‍ക്കു കച്ചവടത്തിനും ആരാധനാലയങ്ങളിലേക്കും പോകാനും പൊതുസമൂഹവുമായി ബന്ധപ്പെടാനും സ്ഥിരമായ യാത്രാസൗകര്യം നിര്‍ണായകമാണെന്ന് ഫെഡറേഷന്‍ വിലയിരുത്തി. മത്സ്യബന്ധനത്തിനായി ദിവസവും തീരത്തേക്കും തിരികെ വീട്ടിലേക്കുമുള്ള യാത്ര വളരെ ക്ലേശകരമാണ്. പ്രത്യേകിച്ച്, മീന്‍ വില്‍പ്പനയ്ക്കായി പോകുന്ന സ്ത്രീകള്‍ക്ക് ഉയര്‍ന്ന യാത്രാചെലവ് വഹിക്കേണ്ടി വരുന്നത് ജീവിതം ദുസഹമാക്കുന്നു. ഫിഷറീസ് ഫ്‌ളാറ്റുകളില്‍ താമസിക്കുന്ന മത്സ്യ തൊഴിലാളി കുടുംബങ്ങളുടെ പൊതുജീവിതവും ഉപജീവനവും സുരക്ഷിതമാക്കാന്‍ അടിയന്തരമായി ഗതാഗത സൗകര്യം ഉറപ്പാക്കേണ്ടത് സര്‍ക്കാരിന്‍റെ കടമയാണെന്നു ഫെഡറേഷന്‍ വിലയിരുത്തി. ഇതിനായി കെഎസ്ആര്‍ടിസിക്ക് സര്‍ക്കാര്‍ നിര്‍ദേശം നല്‍കുകയും ഫ്‌ളാറ്റുകളുമായി ബന്ധിപ്പിക്കുന്ന വിധത്തില്‍ സ്ഥിരം ബസ് സര്‍വീസുകള്‍ തുടങ്ങുകയും ചെയ്യണമെന്നും ആവശ്യമുയര്‍ന്നു. സ്വതന്ത്ര മത്സ്യ തൊഴിലാളി ഫെഡറേഷന്‍ സംസ്ഥാന പ്രസിഡന്‍റ് പി. സ്റ്റെല്ലസ്, സംസ്ഥാന ചീഫ് കോ-ഓര്‍ഡിനേറ്റര്‍ ഡോ. എഫ്.എം. ലാസര്‍, റംല ബീവി ബീമാപള്ളി, മെഡോണ കൊച്ചുവേളി, അച്ചാമ്മ വലിയതുറ തുടങ്ങിയവര്‍ പങ്കെടുത്തു.

യുഡിഎഫിന്‍റെ പഞ്ചായത്ത് ഓഫീസ് മാർച്ചിൽ സംഘർഷം

അഴൂർ പഞ്ചായത്ത് ഓഫീസ് മാർച്ചിൽ സംഘർഷം ചിറയിൻകീഴ്: അഴൂർ പഞ്ചായത്ത് ഓഫീസ് അറ്റകുറ്റപ്പണികളുമാ യി ബന്ധപ്പെട്ട് ഒരു കോടി രൂപയ്ക്കടുത്തു ചെലവഴിച്ചതിൽ വ്യാപക ക്രമക്കേടും അഴിമതിയും ആരോപിച്ചു യുഡിഎഫ് അഴൂർ പഞ്ചായത്ത് കമ്മിറ്റിയുടെ നേതൃത്വത്തിൽ പഞ്ചായത്ത് ഓഫീസിലേക്കു നടത്തിയ ബഹുജന മാർച്ചിൽ സംഘർഷം. പെരുംകുഴി ജംഗ്ഷനിൽ നിന്നും പ്രകടനമായെത്തിയ പ്രവർത്തകരെ ഓഫീസിനു മുന്നിൽ ചിറയിൻകീഴ് എസ്എച്ച്ഒയുടെ നേതൃത്വത്തിലുള്ള പോലീസ് സംഘം തടഞ്ഞു. ഇതിനിടയിൽ ചില പ്രവർത്തകർ ഓഫീസ് ഗേറ്റ് ചാടിക്കടക്കാൻ ശ്രമിച്ചത് പോലീസുമായി സംഘർഷത്തിന് കാരണമായെങ്കിലും നേതാക്കൾ ഇടപെട്ടു പ്രവർത്തകരെ പിന്തിരിപ്പിച്ചു. പ്രതിഷേധസമരം യുഡിഎഫ് പഞ്ചായത്ത് കമ്മിറ്റി ചെയർമാൻ ബിജു ശ്രീധറിന്‍റെ അധ്യക്ഷതയിൽ കെപിസിസി നിർവാഹകസമിതി അംഗം ടി. ശരത്ചന്ദ്ര പ്രസാദ് ഉദ്ഘാടനം ചെയ്തു. നിലവിലെ കെട്ടിടത്തിന്‍റെ ഫിറ്റ്നസ് പോലും പരിശോധിക്കാതെ ഇത്രയും തുകയ്ക്ക് അറ്റകുറ്റപ്പണികൾ നടത്തിയതി ലും നിർമാണവുമായി ബന്ധപ്പെട്ട 10 ഓളം കരാറുകൾ ഒരേ കോൺട്രാക്ടർമാർക്കു ലഭിച്ചതിലും വിജിലൻസ് അന്വേഷണം നടത്തമെന്ന് ടി. ശരത്ചന്ദ്ര പ്രസാദ് ആവശ്യപ്പെട്ടു. പഞ്ചായത്തിലെ പൊട്ടിപ്പൊളിഞ്ഞ റോഡുകൾ നന്നാക്കുന്നതിനും തെരുവ് വിളക്കുകൾ യഥാസമയം അറ്റകുറ്റപ്പണികൾ നടത്തുന്തിനും ഫണ്ടില്ലെന്നു ഭരണ സമിതി പറയുമ്പോഴും ഇത്രയും ഭീമമായ തുക ഓഫീസ് അറ്റകുറ്റപ്പണികൾക്കു മാത്രമായി ഉപയോഗിക്കുന്നതിനെതിരെ നേരത്തെ പ്രതിപക്ഷ കോൺഗ്രസ്‌ അംഗങ്ങൾ വിയോജനക്കുറുപ്പ് രേഖപ്പെടുത്തിയിരുന്നു. 200 സ്‌ക്വയർ ഫീറ്റ് മാത്രം വലിപ്പമുള്ള അസിസ്റ്റന്‍റ് എൻജിനീയറുടെ മുറിയുടെ നവീകരണത്തിനായി 20 ലക്ഷം രൂപയുടെ പ്രൊജക്ട് വച്ചതിലും പ്രതിഷേധം ഉയർന്നിരുന്നു. പ്രതിഷേധ സമരത്തിൽ യൂത്ത് കോൺഗ്രസ്‌ ജില്ലാ പ്രസിഡന്‍റ് നേമം ഷജീർ, മുസ്്‌ലീം ലീഗ് സംസ്ഥാന സമിതി അംഗം പ്രഫ. തോന്നയ്ക്കൽ ജമാൽ, ഡിസിസി ജനറൽ സെക്രട്ടറി കെ.എസ്. അജിത്ത് കുമാർ, ബ്ലോക്ക്‌ കോൺഗ്രസ്‌ കമ്മിറ്റി പ്രസിഡന്‍റ്് എം.എസ്. നൗഷാദ്, ബി. എസ്. അനൂപ്, സജിത്ത് മുട്ടപ്പലം, ജസീം മാകാണി, നസിയ സുധീർ, സി. എച്ച്. സജീവ്, ശിവപ്രസാദ്, നവാസ് മാടൻവിള, അച്ചു അജയൻ എന്നിവർ സംസാരിച്ചു...

പനി ബാധിച്ച് വിദ്യാർഥി മരിച്ചു

പേരൂര്‍ക്കട: പനി ബാധിച്ച് ചികിത്സയിലിരിക്കെ വിദ്യാർഥി മരിച്ചു. കരമന കാലടി സൗത്ത് വരമ്പില്‍ വീട്ടില്‍ വിനീഷ്-സന്ധ്യ ദമ്പതികളുടെ മകന്‍ വി.എസ്.ഏകനാഥ് (ഒമ്പത്) ആണ് മരിച്ചത്. തളിയല്‍ എസ്എംആര്‍വി സ്‌കൂളിലെ വിദ്യാർഥിയായിരുന്നു. ഡങ്കിപ്പനി ബാധിച്ചതിനെത്തുടർന്ന് ഒരു സ്വകാര്യാശുപത്രിയില്‍ ചികിത്സയിലായിരുന്നു. മൃതദേഹം സംസ്‌കരിച്ചു.

ഗവ.കോളജിൽ 1988-90 ബാച്ചിന്‍റെ കൂടിച്ചേരൽ "ഹൃദ്യം 2025'

നെടുമങ്ങാട്: നെടുമങ്ങാട് ഗവ. കോളജിലെ പ്രീ-ഡിഗ്രി 1988 - 90 ബാച്ചിന്‍റെ കൂടിച്ചേരൽ 'ഹൃദ്യം - 2025" പ്രിൻസിപ്പൽ ഡോ. ഷീലാകുമാരി ഉദ്ഘാടനം ചെയ്തു. മുൻ മുഖ്യമന്ത്രി വി.എസ്. അച്യുതാനന്ദനെ യോഗം അനുസ്മരിച്ചു. സെമിനാർ ഹാളിൽ നടന്ന ഒത്തുചേരലിൽ പൂർവ വിദ്യാർഥി വിജയകുമാർ സ്വാഗതം പറഞ്ഞു. രാകേഷ് കമൽ അധ്യക്ഷത വഹിച്ചു. എറണാകുളം പോലീസ് സ്പെഷൽ ബ്രാഞ്ച് ഡിവൈഎസ്പിയും പൂർവ വിദ്യാർഥിയുമായ മുഹമ്മദ് റിയാസ്, ഡോ. സുനിൽ എസ്. പരിയാരം, ക്യാപ്ടൻ ഹരികുമാർ, ആർ.എസ്. ശ്യാം, രാജൻ സേവിയർ, നിസാം, മാഹീൻ എന്നിവർ സംസാരിച്ചു.

കെഎസ്ആർടിസി ബസിൽ യാത്ര ചെയ്യവെ വീട്ടമ്മയുടെ 20 പവന്‍റെ മാല നഷ്ടമായി

പോത്തൻകോട്: കെഎസ്ആർടിസി ബസിൽ യാത്ര ചെയ്യുന്നതിനിടെ തിരുവനന്തപുരം പോത്തൻകോട് സ്വദേശിനിയായ വീട്ടമ്മയുടെ 20 പവൻ സ്വർണം നഷ്ടമായി. പോത്തൻകോട് സ്വദേശിനി ഷമീന ബീവിക്കാണ് സ്വർണം നഷ്ടപ്പെട്ടത്. നെടുമങ്ങാട് പനവൂരിലുള്ള മരുമകളുടെ വീട്ടിൽ പോയി മടങ്ങുന്ന വഴിയാണ് സംഭവം. ബാഗിൽ സൂക്ഷിച്ചിരുന്ന സ്വർണം പോത്തൻകോട് ബസ് സ്റ്റാൻഡിലിറങ്ങി പച്ചക്കറി വാങ്ങാൻ കടയിലെത്തിയപ്പോൾ പരിശോധിച്ചപ്പോഴാണ് നഷ്ടപ്പെട്ട വിവരം അറിഞ്ഞത്. നെടുമങ്ങാട്, വെഞ്ഞാറമൂട്, പോത്തൻകോട് പോലീസ് സ്റ്റേഷനുകളിൽ ഷമീന ബീവി പരാതി നൽകിയിട്ടുണ്ട്. സ്വർണം എവിടെ വെച്ചാണ് നഷ്ടപ്പെട്ടതെന്ന് കൃത്യമായ സൂചനയില്ല. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.

ഓണക്കോടി സമ്മാനിച്ച് വ്യാപാരി വ്യവസായി ഏകോപന സമിതി

വിതുര: തെരുവിൽ അതിജീവനത്തിനു വേണ്ടി പോരാടുന്നവർക്കും കിടപ്പു രോഗികൾക്കും വ്യാപാരി വ്യവസായി ഏകോപന സമിതി വിതുര യൂണിറ്റിന്‍റെ നേതൃത്വത്തിൽ 89 പേർക്ക് ഓണക്കോടിയും ഒരു നേരത്തെ ഭക്ഷണവും നൽകി. സമിതി സംസ്ഥാന പ്രസിഡന്‍റ് എസ്.എസ്. മനോജ് ഉദ്ഘാടനം ചെയ്തു. യൂണിറ്റ് പ്രസിഡന്‍റ് മാടസ്വാമി പിള്ള അധ്യക്ഷത വഹിച്ചു. ജില്ലാ പ്രസിഡന്‍റ് അസീം മൊഈനി, ട്രഷറർ അസീം മീഡിയ, സെക്രട്ടറി ബി.എം.കെ. ഹാഷിം, യൂണിറ്റ് ജനറൽ സെക്രട്ടറി വി.എൻ. സജി, ട്രഷറർ വിതുര റഷീദ്, വൈസ് പ്രസിഡന്‍റുമാരായ ഗോപകുമാർ, ലിബി കെ. ഏബ്രഹാം, ജോയ് ബാബു നിളയിൽ, എം.ഷിഹാബ്ദ്ദീൻ, സെക്രട്ടറി രാജാമണി, പി. ചന്ദ്രശേഖരൻ നായർ, ചിറ്റാർ സുധീർ എന്നിവർ സംസാരിച്ചു.

ഫാമിലെത്തി വാത്തയെ വിഴുങ്ങിയ പെരുമ്പാന്പ് പിടിയിൽ

കുറ്റിച്ചൽ: ഫാമിൽ കയറി വാത്തയെ വിഴുങ്ങിയ കൂറ്റൻ പെരുമ്പാമ്പിനെ പിടികൂടി. വെള്ളനാട് ചാരുപാറ ജയശ്രീയുടെ ഫാമിൽ കയറിക്കൂടിയ കൂറ്റൻ പെരുമ്പാമ്പിനെയാണ് കുറ്റിച്ചൽ പരുത്തിപള്ളി വനം വകുപ്പ് ബീറ്റ് ഫോറസ്റ്റ് ഓഫീസറും ആർആർടി അംഗവുമായ ജി.എസ്. റോഷ്ണി പിടികൂടിയത്. അൻപത് കിലോയോളം ഭാരവും 12 അടിയിൽ അധികം നീളമുള്ള പെരുമ്പാമ്പിനെ ശനിയാഴ്ച രാവിലെ ഏഴോടെയാണു പിടികൂടിയത്. ഫാമിലെ വാത്തയെ വിഴുങ്ങിയ നിലയിൽ ആയിരുന്നു പാമ്പ്. ഇവിടെനിന്ന് ഇതിനുമുമ്പും മൂന്നിലധികം പാമ്പുകളെ പെരുമ്പാമ്പുകളെ പിടികൂടിയിട്ടുണ്ട്. കോഴി, വാത്ത, താറാവ് തുടങ്ങിയവയെ വിപുലമായി വളർത്തുന്ന ഫാം കരമനയാറ്റിൽ കരയിലാണ് സ്ഥിതി ചെയ്യുന്നത്. ആറ്റിൽനിന്നായിരിക്കാം പാന്പ് ഇവിടെ എത്തി എത്തിയതെന്നാണു പ്രാഥമിക നിഗമനം. പരുത്തിപ്പള്ളി വനം വകുപ്പിന്‍റെ കീഴിൽ ഇക്കഴിഞ്ഞ ആഴ്ചകളിൽ ആറോളം പെരുമ്പാമ്പുകളെയാണ് പിടികൂടിയത്. മഴ തുടങ്ങിയ സാഹചര്യത്തിൽ വീണ്ടും മലമ്പാമ്പുകൾ നാട്ടിലേക്ക് എത്തുന്നുണ്ട്. പ്രദേശവാസികൾ ജാഗ്രത പാലിക്കണം എന്ന് അധികൃതർ പറഞ്ഞു

ബംഗ്ലാദേശ് സ്വദേശിയുടെ അറസ്റ്റ്; ദുരൂഹതകളില്ലെന്നു പോലീസ്

മെഡിക്കല്‍ കോളജ്: വ്യാജ രേഖകള്‍ ചമച്ചതുമായി ബന്ധപ്പെട്ട് വിവിധ വകുപ്പുകള്‍ ചുമത്തി പിടിക്കപ്പെട്ട ബംഗ്ലാദേശ് സ്വദേശിയുടെ ഇന്ത്യയിലേക്കുള്ള വരവില്‍ കൂടുതല്‍ ദുരൂഹതകള്‍ കാണുന്നില്ലെന്നു പേട്ട പോലീസ്. ബംഗ്ലാദേശില്‍ തനിക്ക് ജോലി ലഭിക്കാതെ വന്നതോടെ ഇന്ത്യയിലെത്തിയാല്‍ ജോലി ലഭിക്കുമെന്നു കണക്കാക്കി വ്യാജരേഖകള്‍ ചമച്ച് കേരളത്തിലേക്ക് ഇയാള്‍ വരികയായിരുന്നു. പ്രണോയ് റോയി (29) ആണ് കഴിഞ്ഞദിവസം പോലീസിന്‍റെ പിടിയിലായത്. കേരളത്തിലെത്തിയ ഇയാള്‍ തിരുവനന്തപുരത്ത് അന്യസംസ്ഥാന തൊഴിലാളികള്‍ താമസിക്കുന്ന ക്യാമ്പിനു സമീപം തമ്പടിക്കുകയായിരുന്നു. കൊച്ചുവേളിക്കടുത്തായിരുന്നു ഇയാളുടെ താമസം. അന്യസംസ്ഥാന തൊഴിലാളികളുടെ ക്യാമ്പുകള്‍ കേന്ദ്രീകരിച്ചു നടത്തിയ അന്വേഷണത്തിലാണ് പ്രണോയിയുടെ ഫോണ്‍ പരിശോധിച്ചപ്പോള്‍ അതില്‍ ബംഗ്ലാദേശിലെ പാസ്‌പോര്‍ട്ട് ശ്രദ്ധയില്‍പ്പെട്ടത്. തുടര്‍ന്നു നടത്തിയ പരിശോധനയിലാണു വ്യാജ ആധാര്‍ കാര്‍ഡ് കൈവശമുള്ളതായി കണ്ടെത്താനായത്. ഇയാള്‍ ഡല്‍ഹിയില്‍ വച്ചാണ് വ്യാജ ആധാര്‍ കാര്‍ഡ് ഉണ്ടാക്കിയതെന്നാണു വിവരം. പ്രതി നിലവില്‍ റിമാന്‍ഡില്‍ കഴിഞ്ഞു വരികയാണ്.

ഇനി സ്വൈര്യമായി ഉറങ്ങാം : അനീഷിന്‍റെ സ്വപ്‌നഭവനത്തിന് മന്ത്രിയുടെ താക്കോല്‍

പേരൂര്‍ക്കട: വര്‍ഷങ്ങളായി സ്വന്തമായൊരു വീട് എന്ന യുവാവിന്‍റെ സ്വപ്‌നത്തിന് ഒടുവില്‍ താക്കോല്‍ നല്‍കി മന്ത്രിയുടെ സാന്ത്വനം. വാഴോട്ടുകോണം വെള്ളെക്കടവ് സ്വദേശി വിക്രമന്‍റെയും ബേബിയുടെയും മകന്‍ അനീഷിന്‍റെ സ്വപ്‌നമാണ് സാക്ഷാത്കരിക്കപ്പെട്ടത്. വിക്രമന്‍ കിടപ്പുരോഗിയാണ്. മകന്‍ അനീഷ് ഭിന്നശേഷിക്കാരനുമാണ്. നല്ലൊരു കൂരയ്ക്കുള്ളില്‍ അന്തിയുറങ്ങണമെന്നുള്ളത് അനീഷിനൊപ്പം കുടുംബത്തിന്‍റെ വളരെ വര്‍ഷങ്ങളായുള്ള ആഗ്രഹമായിരുന്നു. തിരുവനന്തപുരം ജില്ല ഗുഡ്‌സ് ട്രാന്‍സ്‌പോര്‍ട്ട് വര്‍ക്കേഴ്‌സ് യൂണിയന്‍ പേരൂര്‍ക്കട ഏരിയ കമ്മിറ്റിയാണ് മേല്‍നോട്ടമെടുത്ത് വീടിന്‍റെ നിര്‍മാണം പൂര്‍ത്തീകരിച്ചത്. മന്ത്രി വി. ശിവന്‍കുട്ടി വീടിന്‍റെ താക്കോല്‍ദാനം നിര്‍വഹിച്ചു. പേരൂര്‍ക്കട യൂണിയന്‍ ഏരിയാ പ്രസിഡന്‍റ് വട്ടപ്പാറ ജയകുമാര്‍ അധ്യക്ഷത വഹിച്ചു. സിഐടിയു സംസ്ഥാന സെക്രട്ടറി കെ.എസ്. സുനില്‍കുമാര്‍, വി.കെ. പ്രശാന്ത് എംഎല്‍എ, യൂണിയന്‍ ജില്ലാ ജനറല്‍ സെക്രട്ടറി വി.എസ്. ശ്രീകാന്ത്, സിപിഎം പേരൂര്‍ക്കട ഏരിയാ സെക്രട്ടറി വട്ടപ്പാറ ബിജു എന്നിവര്‍ പങ്കെടുത്തു.

വഴയില-പഴകുറ്റി നാലുവരിപ്പാത : മൂന്നാം റീച്ചിലെ നഷ്ടപരിഹാര തുക വിതരണം ചെയ്തു

നെടുമങ്ങാട്: വഴയില-പഴകുറ്റി നാലുവരിപ്പാത മൂന്നാം റീച്ചിലെ നഷ്ട പരിഹാര തുക മന്ത്രി ജി.ആർ. അനിൽ ജില്ലാ കളക്ടർ അനുകുമാരിക്കു കൈമാറി. ആദ്യ റീച്ചിന്‍റെ മുഴുവൻ പ്രവൃത്തികളും ഡിസംബർ മാസം അവസാനം പൂർത്തിയാകുന്നതരത്തിലാണ് പ്രവർത്തനങ്ങളുടെ പുരോഗതിയെന്നും മന്ത്രി ജി.ആർ.അനിൽ വ്യക്തമാക്കി. നാലുവരിപ്പാത വികസനത്തിനായി 1285.19 കോടി രൂപ അനുമതി ലഭിച്ചിട്ടുള്ള പദ്ധതി പൂർത്തീകരിക്കുമ്പോൾ 1400 കോടി രൂപയോളം ചെലവ് പ്രതീക്ഷിക്കുന്നതായും മന്ത്രി അറിയിച്ചു. വാളിക്കോട് ജംഗ്ഷൻ മുതൽ പഴകുറ്റി പമ്പ് ജംഗ്ഷൻ കച്ചേരി നട പതിനൊന്നാം കല്ല് വരെയുള്ള മൂന്നാം റീച്ചിനായി ഭൂമി വിട്ടുനൽകുന്ന 481 പേർക്കുള്ള നഷ്ടപരിഹാര തുക 396.4 കോടി രൂപയാണ് റവന്യൂ വകുപ്പിനു കൈമാറിയത്. ഇതിൽ വ്യാപാര സ്ഥാപനങ്ങളിലെ തൊഴിലാളികൾ ഉൾപ്പെടെയുള്ള 591 പേർക്കുള്ള ആർ ആൻഡ് ആർ പാക്കേജിനു ള്ള തുകയും ഉൾപ്പെടുന്നുണ്ട്. നെടുമങ്ങാട്, കരിപ്പൂർ, ആനാട് വില്ലേജുകളിലായി 3.2 കിലോമീറ്റർ ദൂരത്തിൽ 27,396 ഹെക്ടർ ഭൂമിയാണ് ഏറ്റെടുക്കാനുള്ളത്. ആദ്യ റീച്ചിൽ 303 പേരുടെ ഭൂമി ഏറ്റെടുക്കുന്നതിനായി 190.57 കോടി രൂപയാണ് അനുവദിച്ചത്. ഇതിൽ 301 പേർക്കായി 190.11 കോടി രൂപ കൈമാറിയിട്ടുണ്ട്. റീച്ച് രണ്ടിൽ കരകുളം, അരുവിക്കര, നെടുമങ്ങാട് വില്ലേജുകളിലായി 4.8259 ഹെക്ടർ ഭൂമിയാണ് ഏറ്റെടുക്കുന്നത്. 4.88 കോടി രൂപ ആർ ആൻഡ് ആർ തുകയായി വിതരണം ചെയ്തിട്ടുണ്ട്. ബാക്കിയുള്ള 81 പേരുടെ തുക ഉടൻ വിതരണം ചെയ്യും. 317 പേരിൽ നിന്നും ഭൂമി ഏറ്റെടുക്കുന്നതിനായി 284.1 കോടി രൂപയാണ് അനുവദിച്ചത്. ഇതിൽ 252 പേർക്കു വിതരണം ചെയ്തിട്ടുണ്ട്. ബാക്കിയുള്ള 35 പേരിൽ 31 പേർ രേഖകൾ ഹാജരാക്കിയിട്ടുണ്ട്. നഗരസഭ ചെയർപേഴ്സൺ സി എസ് ശ്രീജ, വകുപ്പുതല ഉദ്യോഗസ്ഥർ തുടങ്ങിയവർ പങ്കെടുത്തു.

ഓണത്തിനു സമ്മാനവുമായി വിഴിഞ്ഞം ഫയർ ഫോഴ്സും

വിഴിഞ്ഞം: അശരണർക്ക് ഓണസമ്മാനവുമായി വിഴിഞ്ഞം ഫയർ ഫോഴ്സും. മുട്ടയ്ക്കാട് കൃപാ തീരത്തിലെ അന്തേവാസികൾക്കാണ് ഓണമുണ്ണാനുള്ള അരി ഉൾപ്പെടെയുള്ള വസ്തുക്കളുമായി ഉദ്യോഗസ്ഥർ എത്തിയത്. സ്റ്റേഷനിൽ ഓണാഘോഷം നടത്തുന്നതിന് മുൻപ് പാവങ്ങളെ സഹായിക്കണം എന്ന പതിവ് ഇക്കുറിയും അധികൃതർ തെറ്റിച്ചില്ല. സ്റ്റേഷൻ ഓഫീസർ പ്രമോദ്, അസിസ്റ്റന്‍റ് സ്റ്റേഷൻ ഓഫീസർ ഷാജി, സീനിയർ ഫയർമാൻമാരായ രാജേഷ്, സന്തോഷ് എന്നിവർ അഭയ കേന്ദ്രത്തിൽ എത്തി ശേഖരിച്ച വസ്തുക്കൾ കൈമാറി.

നെയ്യാർഡാമിലെ ഓണാഘോഷം സെപ്റ്റംബർ നാലിന് തുടങ്ങും

ഘോഷയാത്ര എട്ടിന് നെയ്യാർഡാം: നെയ്യാർഡാമിലെ ഓണാഘോഷത്തിനു സെപ്റ്റംബർ നാലിന് തുടക്കമാകും. പ്രവർത്തനങ്ങൾ ഊർജ്ജിതമാകുന്നു. ഘോഷയാത്ര എട്ടിനു നടത്തും. ജലവിഭവ വകുപ്പ്, വനം, ഫിഷറീസ് വകുപ്പുകൾ, ഡിടിപിസി, തുറന്നജയിൽ, കള്ളിക്കാട് പഞ്ചായത്ത് എന്നിവയുടെ സഹകരണത്തോടെയാണ് ആഘോഷങ്ങൾ സംഘടിപ്പിക്കുന്നത്. വൈദ്യുത ദീപാലരങ്ങളുടെ ഉദ്ഘാടനം നാലിനു വൈകുന്നേരം സി.കെ. ഹരീന്ദ്രൻ എംഎൽഎ നിർവഹിക്കും. നൃത്തസംഗീത സന്ധ്യ, നാടകം, സമൂഹ തിരുവാതിര, വിവിധ മത്സരങ്ങൾ, കലാപരിപാടികൾ, അമ്യൂസ്മെന്‍റ് പാർക്ക് എന്നിവ ഉണ്ടാകും. സെപ്റ്റംബർ എട്ടിനു വൈകുന്നേരം നാലിനു കള്ളിക്കാടു നിന്നും നെയ്യാർഡാം വരെ സാംസ്‌കാരിക ഘോഷയാത്ര നടക്കും. ദീപാലങ്കാരം, അമ്യൂസ്മെന്‍റ് പാർക്ക്, വിവിധ കലാ-സാഹിത്യ മത്സരങ്ങൾ, കലാപരിപാടികൾ, സാംസ്‌കാരിക സമ്മേളനം എന്നിവ ഓണം വാരാഘോഷത്തോടനുബന്ധിച്ചു നടക്കും. ഓണാഘോഷം നടക്കുന്ന നാലു മുതൽ എട്ടു വരെ ഡാം ഉദ്യാനം ദീപാലംകൃതമാക്കും. വനം വകുപ്പിൽ വിവിധ പരിപാടികൾ സംഘടിപ്പിച്ചിട്ടുണ്ട്. സഹസിക സഞ്ചാരമാണു പ്രധാനം. മീൻമുട്ടി, മുല്ലയാർ, കൊമ്പൈക്കാണി, വരയാട്ടുമുടി എന്നിവിടങ്ങളിൽ സാഹസിക സഞ്ചാരം നടത്താൻ വനം വകുപ്പ് തയാറെടുക്കുന്നുണ്ട്. കാട്ടിലൂടെ യാത്രയ്ക്ക് ബുക്കിംഗും തുടങ്ങി കഴിഞ്ഞു. നെയ്യാർഡാമിൽ എത്തിയതിനുശേഷം ആനകളെ കാണാൻ ബസിൽ കാപ്പുകാട്ട് ആനപാർക്കിൽ എത്താൻ സൗകര്യം ഒരുക്കിയിട്ടുണ്ട്. ആനപാർക്കിലേയ്ക്ക് ബോട്ട് സൗകര്യവും ഒരുക്കി.

പിഎംജി ലൂര്‍ദ് പള്ളിയില്‍ കന്യകാമറിയത്തിന്‍റെ ജനന തിരുനാളും എട്ടുനോമ്പാചരണവും

തിരുവനന്തപുരം: പിഎംജി ലൂര്‍ദ് ഫൊറോന പള്ളിയില്‍ പരിശുദ്ധ കന്യകാമറിയത്തിന്‍റെ ജനന തിരുനാളും എട്ടുനോമ്പാചരണവും നാളെ ആരംഭിക്കും. നാളെ വൈകുന്നേരം അഞ്ചിനു ജപമാല. 5.30നു വിശുദ്ധ കുര്‍ബാന, മധ്യസ്ഥ പ്രാര്‍ഥന. മുഖ്യകാര്‍മികന്‍ ഫാ. തോമസ് കടുത്താനം ഒസിഡി. സെപ്റ്റംബര്‍ രണ്ടിനു വൈകുന്നേരം അഞ്ചിന് ജപമാല. 5.30നു വിശുദ്ധ കുര്‍ബാന, മധ്യസ്ഥ പ്രാര്‍ഥന. മുഖ്യകാര്‍മികന്‍ ഫാ.മാത്യു പാനിക്കോട് എംസിബിഎസ്. മൂന്ന്, നാല്, അഞ്ച്, ആറ്, ഏഴ് തീയതികളില്‍ വൈകുന്നേരം അഞ്ചിനു ജപമാലയും 5.30ന് വിശുദ്ധ കുര്‍ബാനയും മധ്യസ്ഥ പ്രാര്‍ഥനയുമുണ്ടാകും. സെപ്റ്റംബര്‍ എട്ട് വ്യാഴം വൈകുന്നേരം അഞ്ചിന് ആരംഭിക്കുന്ന ജപമാല, വിശുദ്ധ കുര്‍ബാന, മധ്യസ്ഥ പ്രാര്‍ഥന തുടങ്ങിയ ശുശ്രൂഷകള്‍ക്ക് ഫാ.വര്‍ക്കി സ്രാമ്പിക്കല്‍ മുഖ്യകാര്‍മികത്വം വഹിക്കും. എല്ലാ ദിവസവും പതിവുപോലെ രാവിലെ 5.45നും 6.30നും വിശുദ്ധ കുര്‍ബാന ഉണ്ടായിരിക്കും.

കടന്നല്‍ ആക്രമണത്തില്‍ വിദ്യാർഥികൾക്കു പരിക്ക്

തെന്മല : തെന്മല ശെന്തുരുണി ഇക്കോടൂറിസം സന്ദര്‍ശിക്കാന്‍ എത്തിയ എല്‍പി സ്കൂള്‍ വിദ്യാര്‍ഥികള്‍ക്കു നേരെ കടന്നല്‍ ആക്രമണം. നിരവധി വിദ്യാർഥിക ൾക്കു പരിക്കേറ്റു. നെയ്യാറ്റിൻകര കീഴാരൂർ എൽപി സ്കൂളിലെ കുട്ടികൾക്കാണ് കുത്തേറ്റത്. ഉച്ചയോടെ കളംകുന്ന് ഭാഗത്ത് ട്രക്കിംഗിനിടെയായിരുന്നു സംഭവം. ശക്തമായ കാറ്റില്‍ മരച്ചില്ലയിലുണ്ടായിരുന്ന കടന്നല്‍ക്കൂട് ഇളകിയതാണ് ഇവ കൂട്ടമായി ആക്രമിക്കാന്‍ ഇടയാക്കിയത്. വിദ്യാര്‍ഥികളെ ഉടന്‍ തെന്മല പ്രാഥമികാരോഗ്യ കേന്ദ്രത്തിലെത്തിച്ചു ചികിത്സ ലഭ്യമാക്കി. ആരുടേയും പരിക്ക് ഗുരുതരമല്ല. രക്ഷിതാക്കളും അധ്യാപകരും ഉള്‍പ്പെടുന്ന സംഘമാണ് കളംകുന്ന് ഭാഗത്തെത്തിയത്. ചില രക്ഷിതാക്കള്‍ക്കും കടന്നല്‍ കുത്തേറ്റു. വനം വകുപ്പ് അന്വേഷണം ആരംഭിച്ചിട്ടുണ്ട്.

നേമം ഗവണ്മെന്‍റ് താലൂക്ക് ആശുപത്രിയിൽ : 24 മണിക്കൂറും ഇസിജി സേവനം ലഭ്യമാക്കണം: മനുഷ്യാവകാശ കമ്മീഷൻ

തിരുവനന്തപുരം: താലൂക്ക് ആശുപത്രിയായി ഉയർത്തിയ നേമം ഗവണ്മെന്‍റ് ആശുപത്രിയിൽ ഇസിജി പോലെയുള്ള സേവനങ്ങ ൾ 24 മണിക്കൂറും ലഭ്യമാക്കാൻ ആരോഗ്യവകുപ്പ് ഡയറക്ടറും ജില്ലാ മെഡിക്കൽ ഓഫീസറും ദ്രുതഗതിയിൽ നടപടി സ്വീകരിക്കണമെന്ന് മനുഷ്യാവകാശ കമ്മീഷൻ ചെയർപേഴ്സണ്‍ ജസ്റ്റിസ് അലക്സാണ്ടർ തോമസ് ഉത്തരവിട്ടു. 2023 സെപ്റ്റംബർ 16ന് രാത്രിഹൃദയസ്തംഭനവുമായി നേമം ഗവ. ആശുപത്രിയിലെത്തിയ രോഗിക്ക് ഇസിജിയെടുക്കാൻ വാടകയ്ക്ക് മെഷീൻ എടുക്കേണ്ടി വന്നുവെന്ന പരാതിയിലാണ് ഉത്തരവ്. പിന്നീട് രോഗി മരിച്ചു. എന്നാൽ സെപ്റ്റംബർ 16ന് ഒരു രോഗിയും നേമം ഗവണ്മെന്‍റ് ആശുപത്രിയിൽ ഹൃദയസ്തംഭനം കാരണം മരിച്ചിട്ടില്ലെന്ന് ഡിഎംഒ കമ്മീഷനെ അറിയിച്ചു. അഡീഷണൽ ഡിഎംഒയുടെ റാങ്കിൽ കുറയാത്ത ഒരുദ്യോഗസ്ഥനെ നിയോഗിച്ച് പരാതിയെക്കുറിച്ച് അന്വേഷിക്കണമെന്ന് ഡിഎംഒയ്ക്ക് കമ്മീഷൻ നിർദേശം നൽകി. രോഗികൾക്ക് 24 മണിക്കൂറും ഇസിജി സൗകര്യം ലഭിക്കുന്നുണ്ടോ, താലൂക്ക് ആശുപത്രിയുടെ സ്റ്റാഫ് പാറ്റേണ്‍ അനുവദിച്ചിട്ടുണ്ടോ, ആശുപത്രി സേവനങ്ങൾ രോഗികൾക്ക് കൃത്യമായി ലഭിക്കുന്നുണ്ടോ തുടങ്ങിയ കാര്യങ്ങൾ അന്വേഷിച്ച് അന്വേഷണ ഉദ്യോഗസ്ഥൻ ഡിഎംഒയ്ക്കു റിപ്പോർട്ട് നൽകണം. ഡിഎഒ, റിപ്പോർട്ട് ആരോഗ്യവകുപ്പ് ഡയറക്ടർക്ക് കൈമാറണം. താലൂക്ക് ആശുപത്രിയുടെ സ്റ്റാഫ് പാറ്റേണ്‍ അനുവദിക്കാൻ ഡിഎച്ച്എസ് നടപടിയെടുക്കണമെന്ന് ജസ്റ്റിസ് അലക്സാണ്ടർ തോമസ് ആവശ്യപ്പെട്ടു. രണ്ട് ഇസിജി മെഷീനുകൾ നേമം താലൂക്ക് ആശുപത്രിയിലുണ്ടെങ്കിലും രാവിലെ ഒന്പതു മുതൽ വൈകുന്നേരം നാലുവരെ ഒരു ഇസിജി ടെക്നീഷ്യന്‍റെ സേവനം മാത്രമാണ് ലഭ്യമായിട്ടുള്ളത്. മനുഷ്യാവകാശ പ്രവർത്തകൻ രാഗം റഹീ മിന്‍റെ പരാതിയിലാണു നടപടി.

ചാലക്കുഴിയില്‍ ഓട്ടോറിക്ഷ കത്തി; സ്റ്റേഡിയത്തിലെ സോളാര്‍ പാനലില്‍ തീ

മെഡിക്കല്‍കോളജ്: ചാലക്കുഴി റോഡില്‍ ചാര്‍ജിംഗിനിട്ട ഓട്ടോറിക്ഷയ്ക്കും വെള്ളയമ്പലം ജിമ്മി ജോര്‍ജ് ഇന്‍ഡോര്‍ സ്റ്റേഡിയത്തിലെ സോളാര്‍ പാനലിനും തീപിടിച്ചു.ശനിയാഴ്ചയാണ് രണ്ടു സംഭവങ്ങളും. മെഡിക്കല്‍കോളജ് സ്വദേശി അശോക് പോളിന്‍റെ ഉടമസ്ഥതയിലുള്ള മോണ്‍ട്ര ഓട്ടോറിക്ഷയ്ക്കാണ് തീപിടിച്ചത്. വാഹനത്തില്‍നിന്നു പുക ഉയരുന്നതുകണ്ടവരാണ് വിവരം ഫയര്‍ഫോഴ്‌സില്‍ അറിയിച്ചത്. ഓട്ടോയുടെ ഇലക്ട്രിക്കല്‍ കിറ്റ് പൂര്‍ണമായും കത്തിപ്പോയെങ്കിലും ബാറ്ററി സുരക്ഷിതമായിരുന്നു. ഇന്‍ഡോര്‍ സ്റ്റേഡിയത്തിലെ സോളാര്‍ പാനലിന്‍റെ ചെയ്ഞ്ച് ഓവര്‍ സ്വിച്ച് ബോര്‍ഡാണ് കത്തിപ്പോയത്. രണ്ടുലക്ഷം രൂപയുടെ നഷ്ടം കണക്കാക്കുന്നതായി ഫയര്‍ഫോഴ്‌സ്. തിരുവനന്തപുരം നിലയത്തില്‍നിന്ന് സീനിയര്‍ ഫയര്‍ ആൻഡ് റസ്‌ക്യു ഓഫീസര്‍ ശ്രീജിത്ത്, ഫയര്‍ ആൻഡ് റസ്‌ക്യു ഓഫീസര്‍മാരായ വിമല്‍രാജ്, വിമല്‍, വിനോദ് നായര്‍, ജിത രാജ്, അഖില, എഫ്ആര്‍ഒ ഡ്രൈ വര്‍ എസ്പി സജികുമാര്‍ എന്നിവര്‍ നേതൃത്വം നല്‍കി.

ഭൂമി വില്പനയുടെ മറവില്‍ വ്യവസായികളെ തട്ടിക്കൊണ്ടുവന്നു തടവിലാക്കിയ അഞ്ചുപേര്‍ പിടിയില്‍

പാറശാല: ഭൂമി വില്പനയുടെ മറവില്‍ തമിഴ്‌നാട് സ്വദേശികളായ രണ്ടു വ്യവസായികളെ കേരള പോലീസ് യൂണിഫോമില്‍ തട്ടിക്കൊണ്ടു വന്നു തടവിലാക്കി ബ്ലാക്ക് മെയിലിംഗ് നടത്തിയ അഞ്ചുപേര്‍ പിടിയില്‍. സംഭവവുമായി ബന്ധപ്പെട്ട് ഉദിയന്‍കുളങ്ങര കരിക്കിന്‍വിള ഗ്രേസ് ഭവനില്‍ സാമുവല്‍ തോമസ്, നെയ്യാറ്റിന്‍കര പുല്ലൂര്‍ക്കോണം മുട്ടയ്ക്കാട് സ്വദേശി ബിനോയ് അഗസ്റ്റിന്‍, നെയ്യാറ്റിന്‍കര കൃഷ്ണ തൃപ്പാദത്തില്‍ അഭിരാം, കമുകിന്‍കോട് ചീനിവിള പുത്തന്‍കരയില്‍ വിഷ്ണു എസ്. ഗോപന്‍ എന്നിവരെ പോലീസ് കസ്റ്റഡിയിലെടുത്തു. സേലം, കുപ്പ നായഗനൂര്‍ സ്വദേശിയായ സുരേഷി (42) നെ തമിഴ്‌നാട് പോലീസ് അറസ്റ്റ് ചെയ്ത് കേരള പോലീസിനു കൈമാറി. കൃഷ്ണഗിരിയില്‍നിന്നു തട്ടിക്കൊണ്ടുവന്ന് കെട്ടിയിട്ടിരുന്ന രണ്ടുപേരെ ഉദിയന്‍കുളങ്ങരയിൽനിന്നാണു പോലീസ് മോചിപ്പിച്ചത്. സംഭവവുമായി ബന്ധപ്പെട്ട് അഞ്ചു പേര്‍ പാറശാല പോലീസിന്‍റെ പിടിയിലായി. ഡാന്‍സാഫ് സംഘം അതിര്‍ത്തി പ്രദേശത്ത് പരിശോധന നടത്തിവരുന്നതിനിടയില്‍ തമിഴ്‌നാട്ടില്‍നിന്ന് വരികയായിരുന്ന ഇരുചക്രവാഹനം ഉദിയന്‍കുളങ്ങരയ്ക്ക് സമീപത്തെ ആള്‍ പാര്‍പ്പില്ലാത്ത വീട്ടിലെത്തിയതിനെത്തുടര്‍ന്ന് പോലീസ് പിന്തുടര്‍ന്നെത്തുകയായിരുന്നു. തുടർന്നാണു കൃഷ്ണഗിരി സ്വദേശികളായ യൂസഫ്, ജാഫര്‍ എന്നിവരെ ചങ്ങല കൊണ്ട് പൂട്ടി വായില്‍ തുണി തിരുകിയ നിലയില്‍ കണ്ടെത്തിയത്. ഓണ്‍ലൈന്‍ മാധ്യമങ്ങളിലൂടെ പരിചയപ്പെട്ട ഒരാളുടെ നിര്‍ദേശപ്രകാരം ഒരു വസ്തു ഇടപാടുമായി ബന്ധപ്പെട്ടാണ് തങ്ങള്‍ ഹൊസൂരില്‍ വന്നതെന്ന് ഇവര്‍ പറഞ്ഞു. സ്ഥലത്ത് എത്തിയപ്പോള്‍ കേരള പോലീസിന്‍റെ വേഷം ധരിച്ച ഒരു സംഘം ഇന്നോവ വാഹനത്തില്‍ വന്നിറങ്ങി തട്ടിക്കൊണ്ടുവികയായിരുന്നുവെന്നും വ്യവസായികൾ പറയുന്നു. ബംഗളൂരുവിൽ യൂബര്‍ ടാക്‌സി ജീവനക്കാരനാണ് സാമുവല്‍ തോമസ്, സാമുവല്‍ തോമസിന്‍റെ മാതൃ സഹോദരിയുടെ ഉടമസ്ഥതയിലുള്ളതാണ് വ്യവസായകളെ പൂട്ടിയിട്ടവീട്.ഈ വീട്ടില്‍നിന്ന് വാഹനത്തിന്‍റെ നമ്പര്‍ പ്ലേറ്റ്, കേരള പോലീസിന്‍റെ വ്യാജ ഐഡി കാര്‍ഡുകള്‍, തോക്ക്, തിര, മൊബൈല്‍ ഫോണുകള്‍ എന്നിവ പോലീസ് കണ്ടെടുത്തു. സംഭവത്തില്‍ കൊലക്കേസ് പ്രതി ഉള്‍പ്പെടെ പ്രധാന പ്രതി കൂടി പിടിയിലാകാന്‍ ഉണ്ടെന്നു പാറശാല പോലീസ് വ്യക്തമാക്കി. പ്രതികളെ കൂടുതല്‍ ചോദ്യംചെയ്താല്‍ മാത്രമേ സംഭവത്തിനെ കുറിച്ചുള്ള വ്യക്തമായ സൂചനകള്‍ നല്‍കാന്‍ കഴിയൂ എന്ന് പോലീസ് വ്യക്തമാക്കി. പ്രതികള്‍ പോലീസ് ചമഞ്ഞു തട്ടിക്കൊണ്ടുപോകല്‍ പലതവണ നടത്തിയതായി അന്വേഷണത്തില്‍ കണ്ടെത്തി.

പൂജപ്പുരയിലെ മോഷണം; പ്രതിയുടെ മൊഴികളില്‍ നിരവധി വൈരുദ്ധ്യങ്ങള്‍

സ്‌കൂട്ടര്‍ മോഷണത്തിനു കേസെടുത്തു പേരൂര്‍ക്കട: പൂജപ്പുര സെന്‍ട്രല്‍ ജയിലിലെ ഭക്ഷണശാലയായ കഫറ്റേറിയയിലെ മോഷണവുമായി ബന്ധപ്പെട്ട് റിമാന്‍ഡില്‍ കഴിയുന്ന പോത്തന്‍കോട് സ്വദേശി മുഹമ്മദ് അബ്ദുള്‍ ഹാദി (26) യുടെ മൊഴികളില്‍ നിരവധി വൈരുദ്ധ്യങ്ങള്‍. പോലീസിന്‍റെ മണിക്കൂറുകള്‍ നീണ്ട ചോദ്യം ചെയ്യലിനുശേഷമാണ് ഇയാളെ റിമാന്‍ഡ് ചെയ് തത്. താന്‍ തൃശൂരിലെ ഒരു പള്ളിയില്‍ പ്രാര്‍ഥനയിലേര്‍പ്പെട്ടിരുന്നയാളുടെ ആക്ടീവ സ്‌കൂട്ടര്‍ മോഷ്ടിച്ച് അതിലാണ് തിരുവനന്തപുരത്ത് എത്തിയതെന്നാണ് അബ്ദുള്‍ ഹാദി പോലീസിനോടു പറഞ്ഞത്. അതേസമയം താന്‍ ബസില്‍ ആലപ്പുഴയില്‍ നിന്നു തിരുവനന്തപുരത്തു വന്നുവെന്നായിരുന്നു ആദ്യമൊഴി. ഏതായാലും സ്‌കൂട്ടര്‍ മോഷണത്തിനു തൃശൂര്‍ ഈസ്റ്റ് പോലീസ് മുഹമ്മദ് അബ്ദുള്‍ ഹാദിക്കെതിരേ കേസെടുത്തിരിക്കുകയാണ്. മോഷ്ടിച്ച സ്‌കൂട്ടറില്‍ തൃശൂരില്‍ നിന്നു തിരുവനന്തപുരത്തേക്ക് വന്നുവെന്നു പറയുന്നത് പൂജപ്പുര പോലീസ് വിശ്വാസത്തിലെടുക്കുന്നില്ല. ഇത്രയും ദൂരം ഒരാള്‍ വാഹനം ഓടിച്ചെത്തി മോഷണം നടത്തി എന്നുള്ളതിലാണ് വൈരുദ്ധ്യം. പൂജപ്പുരയിലെ കഫറ്റേറിയയിലെത്തിയശേഷം പണം മോഷ്ടിച്ച് സ്‌കൂട്ടറില്‍ത്തന്നെ മടങ്ങിയെന്നും ഇയാള്‍ പറയുന്നു. ആലപ്പുഴയില്‍ നിന്നു ഫുള്‍ ടാങ്ക് പെട്രോള്‍ നിറച്ചശേഷമാണ് തിരുവനന്തപുരത്തേക്ക് എത്തിയതെന്നും മോഷണത്തിനുശേഷം മടക്കയാത്രയില്‍ പെട്രോള്‍ തീര്‍ന്നതോടെ വഴിയില്‍ ഉപേക്ഷിച്ചുവെന്നും ഇയാള്‍ മൊഴി നല്‍കി. എന്നാല്‍ സ്‌കൂട്ടര്‍ എവിടെയാണെന്ന് ഇതുവരെ കണ്ടെത്താനായിട്ടില്ല. മോഷണമുതലായ 4.25 ലക്ഷം രൂപ വെറും 8 ദിവസംകൊണ്ട് ഇയാള്‍ ധൂര്‍ത്തടിച്ചു കളഞ്ഞുവെന്നുള്ളതും വിശ്വാസത്തിലെടുക്കാന്‍ സാധിക്കുന്നില്ല. ഒരു ഇന്നോവ കാര്‍ റെന്‍റിനെടുത്ത് പ്രതി കേരളത്തിലുടനീളം കറങ്ങിയെന്നുള്ളത് വാസ്തവമാണെന്നു പോലീസ് പറഞ്ഞു. ആഡംബരജീവിതമെന്ന ആഗ്രഹമാണ് പണം മോഷ്ടിക്കാന്‍ മുഹമ്മദ് അബ്ദുള്‍ ഹാദിക്ക് പ്രചോദനമായത്. അടുത്തമാസം ആദ്യ ആഴ്ചതന്നെ പ്രതിയെ കസ്റ്റഡിയില്‍ വാങ്ങും. വിവിധ സ്ഥലങ്ങളില്‍ തെളിവെടുപ്പു നടത്തിയാല്‍ മാത്രമേ മോഷണത്തിന്‍റെ യഥാര്‍ഥ ചിത്രം വ്യക്തമാകുകയുള്ളൂവെന്ന് പൂജപ്പുര എസ്ഐ പറഞ്ഞു.

വയോധികനു മർദനം; ഓട്ടോഡ്രൈവറെ തെരയുന്നു

പേരൂര്‍ക്കട: വയോധികനെ മര്‍ദിച്ചതുമായി ബന്ധപ്പെട്ട് ഓട്ടോഡ്രൈവര്‍ക്കെതിരേ വട്ടിയൂര്‍ക്കാവ് പോലീസ് കേസെടുത്തു. വള്ളക്കടവ് വയ്യാമൂല സ്വദേശി ദീപു (39) വിനെ പ്രതിചേര്‍ത്താണ് പോലീസ് കേസെടുത്തിരിക്കുന്നത്. വെള്ളിയാഴ്ച വൈകുന്നേരമാണ് കേസിനാസ്പദമായ സംഭവം. വട്ടിയൂര്‍ക്കാവ് ജംഗ്ഷനില്‍ ദീപു തന്‍റെ ഓട്ടോറിക്ഷ നിര്‍ത്തിയിട്ടശേഷം 60 വയസുകാരനായ ഒരു വയോധികനെ മർദിക്കുകയായിരുന്നു. ഈ സംഭവം കണ്ടുനിന്ന ഒരാളാണ് വിവരം വട്ടിയൂര്‍ക്കാവ് സ്റ്റേഷനില്‍ അറിയിച്ചത്. ദൃക്‌സാക്ഷി നല്‍കിയ വിവരങ്ങള്‍ വച്ച് സിസിടിവി ദൃശ്യങ്ങളുടെ അടിസ്ഥാനത്തിലാണ് ഓട്ടോഉടമയെക്കുറിച്ചുള്ള വിവരങ്ങള്‍ പോലീസ് ശേഖരിച്ചത്. വയോധികനെ ക്രൂരമായി മര്‍ദിച്ചുവെന്നാണ് കണ്ടുനിന്നയാള്‍ പോലീസിനോടു പറഞ്ഞത്. മര്‍ദനത്തിന്‍റെ കാരണം വ്യക്തമായിട്ടില്ല. മര്‍ദനമേറ്റയാളെ പിന്നീട് കണ്ടിട്ടുമില്ല. സംഭവത്തില്‍ കേസെടുത്ത് അന്വേഷണം നടത്തിവരുന്നതായി വട്ടിയൂര്‍ക്കാവ് എസ്ഐ അറിയിച്ചു. ‌

കോവളം - കാരോട് ബൈപ്പാസിൽ രണ്ടാം ദിവസവും അപകടം

റോഡിന്‍റെ അശാസ്ത്രീയതയെന്ന് ആക്ഷേപം വിഴിഞ്ഞം : നാട്ടുകാർക്ക് തലവേദനയായി കോവളം - കാരോട് ബൈപ്പാസിൽ തുടർച്ചയായി രണ്ടാം ദിവസവും അപകടം. വെള്ളക്കെട്ട് കണ്ടു വലിയ കുഴിയെന്നു കരുതി വെട്ടിച്ച കാർ നിയന്ത്രണം തെറ്റി ഡിവൈഡറിൽ ഇടിച്ചു കയറി തലകീഴായി മറിഞ്ഞു. കോളേജ്‌ വിദ്യാർഥികൾ അടങ്ങിയ ആറംഗ സംഘം പരിക്കുകളോടെ രക്ഷപ്പെട്ടത് ഭാഗ്യം കൊണ്ടുമാത്രം. റോഡിൽനിന്ന് തെന്നിമാറി ഡിവൈഡറിലും റോഡിലുമായി തലകീഴെക്കിടന്ന കാറിൽനിന്നു നാട്ടുകാരും മറ്റു വാഹന യാത്രക്കാരുമാണു തലയ്ക്കും കൈക്കും ദേഹത്തും പരിക്കേറ്റു കുടുങ്ങിക്കിടന്ന തമിഴ്നാട് തക്കലയിലെ സ്വകാര്യ കോളജിൽ പഠിക്കുന്ന വിദ്യാർഥികളെ പുറത്തെടുത്തത്. വിഴിഞ്ഞം കല്ലുവെട്ടാൻ കുഴിക്കും മുക്കോലക്കും ഇടയിലായിരുന്നു അപകടം. ഫയർഫോഴ്സ് അധികൃതരെത്തി കാർ ഉയർത്തി മാറ്റിയാണു ഗതാഗതം സുഗമമാക്കിയത്. ഇതിനു സമീപമാണ് വ്യാഴാഴ്ച വൈകുന്നേരം നിയന്ത്രണം തെറ്റിയ കാർ ബൈക്കും സ്കൂട്ടറും ഇടിച്ച് തെറിപ്പിച്ച സംഭവമുണ്ടായത്. അപകടത്തിൽ ബൈക്ക് യാത്രികൻ മരിച്ചു. സ്കൂട്ടർ യാത്രികനെ ഗുരുതര പരിക്കോടെ ആശുപത്രിയിൽ പ്രവേശിപ്പിച്ചു. അതിന്‍റെ ഞെട്ടൽ മാറുന്നതിനു മുന്പാണു വീണ്ടും അപകടമുണ്ടായത്. കോവളത്തിനും പുന്നക്കുളത്തിനുമിടയിൽ ആറു മാസത്തിനുള്ളിൽ നടന്ന അപകടങ്ങളിൽ നിരവധി ജീവനുകളാണ് പൊലിഞ്ഞത്. ബൈപ്പാസ് നിർമാണം പൂർത്തിയാക്കി ഗതാഗതത്തിനു തുറന്നു കൊടുക്കുന്നതിനു മുൻപ് തന്നെ റോഡിൽ ആദ്യ രക്തസാക്ഷിയുണ്ടായതും ഇവിടെയാണ്. അടച്ചിട്ടിരുന്ന ഭാഗത്തുകൂടി യുവാക്കൾ ഓടിച്ചു വന്നബൈക്ക് സായാഹ്ന നടത്തത്തിനു വന്നവരുടെ മേൽ ഇടിച്ച് കയറി രണ്ട് പേരുടെ ജീവൻ നഷ്ടമായ സംഭവത്തോടെ ഇവിടം നാട്ടുകാരുടെ പേടിസ്വപ്നമായി. നിരന്തരംഅപകടങ്ങൾ ഉണ്ടായി ബൈപ്പാസ് കുരുതിക്കളമാകുന്നതു നാട്ടുകാർക്കു തലവേദനയായെങ്കിലും അധികൃതർക്ക് അനക്കമില്ല. കനത്ത മഴയില്ലായിരുന്ന സമയത്തെ റോഡിലെ വെള്ളക്കെട്ടും സംശയത്തിനിടവരുത്തി. ഉയരത്തിൽ മണ്ണിട്ടു നികത്തി കെട്ടിപ്പൊക്കിയ റോഡിന്‍റെ നിർമാണത്തകരാറാകാം വെള്ളക്കെട്ടിനു കാരണമെന്നു നാട്ടുകാർ പറയുന്നു. ഉദ്ഘാടനത്തിനു പോലും കാത്തു നിൽക്കാതെ ഗതാഗതത്തിന് തുറന്നു നൽകിയ റോഡിൽ നാലു മാസം മുൻപും ടാറിംഗ് നടത്തിയിരുന്നു. അതിന് ശേഷവും ഇവിടെ വന്ന ചരിവാകാം വെള്ളം കെട്ടാൻ വഴി തെളിച്ചതെന്നും പറയപ്പെടുന്നു. പാലങ്ങൾ നിർമിക്കേണ്ട ചതുപ്പ് നിലങ്ങൾ സിമന്‍റു സ്ലാബുകൾ കൊണ്ട കെട്ടിപ്പൊക്കി മണ്ണിട്ട് ഉയരത്തിൽ നിർമിച്ച ബൈപാസിനെക്കുറിച്ച് തടക്കത്തിലെ പരാതികൾ ഉയർന്നിരുന്നു. പല ഭാഗങ്ങളിലെയും അറ്റകുറ്റപ്പണികൾ അവസാനമില്ലാതെ തുടരുന്നത് ജനത്തിന്‍റെ സംശയം ബലപ്പെടുന്നതിനും കാരണമായിട്ടുണ്ട്.

ക്രൈസ്റ്റ് നഗർ ഇംഗ്ലീഷ് ഹയർ സെക്കൻഡറി സ്കൂളിൽ ഓണാഘോഷം

തിരുവനന്തപുരം: ക്രൈസ്റ്റ് നഗർ ഇംഗ്ലീഷ് ഹയർ സെക്കൻഡറി സ്കൂളിലെ ഓണാഘോഷപരിപാടി ഓണപ്പൊലിമ 2025-26ന് തിരിതെളിഞ്ഞു. ഗിരീഷ് പരുത്തിമഠം ഭദ്രദീപം കൊളുത്തി ഉദ്ഘാടനം ചെയ്ത ചടങ്ങിൽ സ്കൂൾ മാനേജർ ഫാ. പോൾ മങ്ങാട് സിഎംഐ അധ്യക്ഷത വഹിച്ചു. പ്രിൻസിപ്പൽ ഫാ. ജിമ്മി മൂലയിൽ സിഎംഐ, വൈസ് പ്രിൻസിപ്പൽ ഫാ. റോബിൻ പതിനാറിൽചിറ സിഎംഐ, ഹെഡ്മിസ്ട്രസ് സംഗീത ഗോപീകൃഷ്ണൻ, അക്കാഡമിക് കോർഡിനേറ്റർ നിന്നു സൂസൻ ജോസഫ് എന്നിവർ സന്നിഹിതരായിരുന്നു. കണ്‍വീനർമാരായ താര ഗോപിനാഥ്, എസ്. ആർ. ശാനിലി എന്നിവർ ഓണാഘോഷ പരിപാടികൾക്ക് നേതൃത്വം നൽകി. ഓണപ്പരിപാടികൾക്ക് നിറംപകർന്നുകൊണ്ട് ബിഗ് എഫ്എമ്മിന്‍റെ മാവേലി സീസണ്‍-3യുടെ തത്സമയ പരിപാടി നടന്നു. തുടർന്ന് കുട്ടികളും അധ്യാപകരും പങ്കെടുത്ത വർണാഭമായ കലാപരിപാടികളും ഉണ്ടായിരുന്നു.

ഉള്ളൂരില്‍ ഒരുമാസമായി കുടിവെള്ളമില്ല

മെഡിക്കല്‍കോളജ്: ഉള്ളൂരില്‍ ഒരുമാസമായി കുടിവെള്ളമില്ലെന്നു പരാതി. കൊച്ചുള്ളൂര്‍, പോങ്ങുമ്മൂട് എന്നിവിടങ്ങളിലെ 120 ലേറെ കുടുംബങ്ങളായി വെള്ളം കിട്ടാതെ വലയുന്നത്. രാത്രി സമയത്ത് പ്രഷര്‍ കൂടുമ്പോള്‍ മാത്രം നൂല്‍വണ്ണത്തില്‍ വെള്ളം ലഭിക്കാറുണ്ടെന്ന് പ്രദേശവാസികള്‍ പറയുന്നു. ഈ ഭാഗത്തേക്ക് കടന്നുവരുന്ന എസി പൈപ്പിലെ അടവാണ് പ്രശ്‌നത്തിനു കാരണമെന്നാണ് പ്രദേശവാസികള്‍ പറയുന്നത്. വാട്ടര്‍ അഥോറിറ്റി പോങ്ങുമ്മൂട് സെക്‌ഷന്‍ പരിധിയിലുള്ള സ്ഥലമാണ് ഇവിടം. പൈപ്പിലെ അടവ് കണ്ടുപിടിക്കാനും അറ്റകുറ്റപ്പണി നടത്താന്‍ അധികൃതര്‍ തയ്യാറാകുന്നില്ല. പ്രശ്‌നം സംബന്ധിച്ച് വാട്ടര്‍ അഥോറിറ്റിക്ക് നിരവധി തവണ നിവേദനങ്ങള്‍ നല്‍കിയിട്ടും നടപടിയുണ്ടായിട്ടില്ല. റോഡ് ഉപരോധം ഉള്‍പ്പെടെയുളള സമരമാര്‍ഗങ്ങളിലേക്കു തിരിയുമെന്നാണ് നാട്ടുകാര്‍ പറയുന്നത്. അതിനിടെ ഉള്ളൂരില്‍ സ്വകാര്യാശുപത്രിക്കു സമീപത്തെ പ്രിമോ പൈപ്പ് വീണ്ടും പൊട്ടിയതോടെ റോഡ് വെള്ളക്കെട്ടായി മാറിയിട്ടുണ്ട്. മെഡിക്കല്‍കോളജിലേക്കും പോങ്ങുമ്മൂട്ടിലേക്കുമുള്ള പൈപ്പുകളാണ് പൊട്ടിയതെന്നാണു സൂചന. ഈ ഭാഗത്ത് അറ്റകുറ്റപ്പണി കഴിഞ്ഞിട്ട് ഒരു മാസം പിന്നിട്ടതേയുള്ളൂ.

ഉദ്ഘാടനം കഴിഞ്ഞിട്ടും വഴിയിടം അടഞ്ഞു തന്നെ...

പേരൂര്‍ക്കട: മേയര്‍ ആര്യ രാജേന്ദ്രന്‍ 2024 നവംബര്‍ 30ന് ഉദ്ഘാടനം ചെയ്ത വഴിയിടം അടഞ്ഞുകിടക്കാന്‍ തുടങ്ങിയിട്ട് ഒമ്പതുമാസം. കുടപ്പനക്കുന്ന് സിവില്‍സ്റ്റേഷന്‍ കോമ്പൗണ്ടില്‍ കളക്ടറേറ്റിന് എതിര്‍വശത്തായി നിര്‍മാണം പൂര്‍ത്തീകരിച്ച വഴിയിടത്തിൽ കഫറ്റേറിയ, അടുക്കള, പുരുഷന്മാര്‍ക്കും സ്ത്രീകള്‍ക്കുമുള്ള ടോയ്‌ലെറ്റുകള്‍, വിശ്രമസ്ഥലം, മുലയൂട്ടല്‍ കേന്ദ്രം, നാപ്കിന്‍ വെന്‍ഡിംഗ് സൗകര്യം എന്നിവയാണ് ഏര്‍പ്പെടുത്തിയിട്ടുള്ളത്. ഉദ്ഘാടനം കഴിഞ്ഞശേഷം അടച്ചിട്ട കേന്ദ്രത്തിന്‍റെ പിറകുവശത്തെ ജനാലകളിലും കോമ്പൗണ്ടിലെ ഗേറ്റും വരെ കാടുകയറിയ നിലയിലാണ്. വഴിയിടത്തിന് പൊതുവായി ഒരു ചുറ്റുമതില്‍ നിര്‍മിച്ചിട്ടുണ്ട്. ഇതിനുള്ളില്‍ മദ്യക്കുപ്പികളും ചപ്പുചവറുകളും കൂടിക്കിടക്കുന്നതും കാണാനാകും. രാത്രികാലങ്ങളില്‍ സാമൂഹികവിരുദ്ധരുടെ ഇടത്താവളമായി ഇവിടം മാറിയിരിക്കുകയാണ്. സ്ത്രീകള്‍ക്കും പുരുഷന്മാര്‍ക്കും അമ്മമാര്‍ക്കും ഏറെ പ്രയോജനം ചെയ്യേണ്ടതായ വഴിയിടമാണ് മാസങ്ങളായി അടഞ്ഞുകിടക്കുന്നത്. അതേസമയം റവന്യുവകുപ്പുമായി ബന്ധപ്പെട്ട പ്രശ്‌നമാണ് വഴിയിടം അടഞ്ഞുകിടക്കാന്‍ കാരണമെന്നതാണു സൂചന. ലേല നടപടികളിലേക്കു അധികൃതര്‍ കടന്നിട്ടുണ്ടെങ്കിലും ഏറ്റെടുക്കാന്‍ ആളെത്തിയിട്ടില്ലാത്തതാണ് വഴിയിടം അടഞ്ഞുകിടക്കാന്‍ കാരണമെന്നാണു തിരുവനന്തപുരം നഗരസഭയുടെ കുടപ്പനക്കുന്ന് സോണല്‍ ഓഫീസ് അധികൃതര്‍ പറയുന്നത്.

പാസ് ദുരുപയോഗം: കടത്തിയ തടികൾ പിടികൂടി

പാലോട്: പാലോട് റേഞ്ചിന്‍റെ പരിധിയിൽ പാസ് ദുരുപയോഹം ചെയ്ത് തേക്കിൻ തടികൾ കടത്തിയ ലോറിയും തടികളും വനം ഉദ്യോഗസ്ഥർ പിടിച്ചെടുത്തു. കോന്നി റെയിഞ്ച് ഓഫീസർ ഒപ്പിട്ട പാസ് ഉപയോഗിച്ച് ഒന്നിലധികം തവണ വിവിധ സ്ഥലങ്ങളിൽ നിന്ന് തടി കടത്താൻ ശ്രമിച്ച സംഘത്തെയാണ് പിടികൂടിയത്. കോന്നി കുമ്മന്നൂർ ഭാഗത്തുനിന്ന് വെള്ളറടയിലേക്ക് തടി കടത്താൻ കോന്നി റെയിഞ്ച് ഓഫീസിൽനിന്ന് നൽകിയ പാസ് ഉപയോഗിച്ചാണ് മറ്റു സ്ഥലങ്ങളിൽ നിന്ന് തടി കടത്താൻ ശ്രമിച്ചത്. സംഭവത്തിൽ ലോറി ഡ്രൈവർ ആയ നെയ്യാറ്റിൻകര ആനാവൂർ മണ്ണടി കോണത്ത് റോഡരികത്ത് വീട്ടിൽ അഖിലിനെയും കടത്താൻ ഉപയോഗിച്ച ലോറിയും, 70 തേക്കിൻ തടികളും കച്ചടിയിലെടുത്തു കോടതിയിൽ ഹാജരാക്കി. കേരളത്തിലെ വിവിധ സ്ഥലങ്ങളിൽ നിന്ന് ഉരുളൻ തടികൾ വ്യാജ പാസുകൾ ഉപയോഗിച്ച് തമിഴ്നാട്ടിലേക്ക് കടത്തുന്നുവെന്ന് കേരള തടിമിൽ അസോസിയേഷൻ വനം മന്ത്രിക്ക് പരാതി നൽകിയിരുന്നു. പാലോട് റേഞ്ച് ഓഫീസർ വിപിൻ ചന്ദ്രൻ. വി, സെക്‌ഷൻ ഫോറസ്റ്റ് ഓഫീസർമാരായ ബാബു, ബിജു, ഫോറസ്റ്റ് വാച്ചർ മോഹൻദാസ് എന്നിവരുടെ നേതൃത്വത്തിലാണ് ലോറിയും തടിയും പിടികൂടിയത്.

ഓണത്തിന്‍റെ വരവ് അറിയിച്ച് വര്‍ണ പന്തുകള്‍

നേമം : ഓണമെന്ന് കേട്ടാല്‍ കുട്ടികള്‍ക്ക് ആഘോഷവും ഉത്സാഹവുമാണ്. പതിവ് തെറ്റിക്കാതെ ഇത്തവണയും കുട്ടികളെ ആകര്‍ഷിക്കാന്‍ ഓണത്തിന് ദിവസങ്ങള്‍ മാത്രം ബാക്കിയുള്ളപ്പോള്‍ പല നിറത്തിലുള്ള പന്തുകള്‍ കടകളില്‍ സ്ഥാനം പിടിച്ചു . ഓണ വരവ് അറിയിച്ച് വിപണിയിലേയ്ക്ക് ആദ്യമെത്തുന്നവയാണ് ഈ വര്‍ണ പന്തുകള്‍. കര്‍ക്കിടകത്തിന് മുമ്പ് വര്‍ണ പന്തുകളുടെ ഉത്പാദനം തുടങ്ങും എന്നാല്‍ മാത്രമേ ഓണത്തിന് മുമ്പ് എല്ലാ കടകളിലും പന്ത് എത്തിക്കാനാകൂ. നഗരമെന്നോ നാട്ടിന്‍പുറമെന്നോ വ്യത്യാസമില്ലാതെ എല്ലാ കടക്കാരും ഓണത്തോടനുബന്ധിച്ച് ഈ പന്തുകള്‍ വില്‍പ്പനയ്‌ക്കെടുക്കും. ഓണത്തിന് മാത്രമേ ഇത്തരം പന്തുകള്‍ കടകളില്‍ വ്യാപകമാകാറുള്ളൂ. തമിഴ്‌നാട്ടില്‍ നിന്നുമെത്തുന്ന സംഘങ്ങളാണ് ഈ പന്ത് നിര്‍മ്മിക്കുന്നത്. റബ്ബര്‍പാലില്‍ കളറുകള്‍ ചേര്‍ത്ത് മോള്‍ഡില്‍ ഒഴിച്ച് ഗ്യാസ് നിറച്ചാണ് പന്തുകള്‍ നിര്‍മ്മിക്കുന്നത്. പല വലിപ്പത്തിലുള്ള പന്തുകള്‍ മറ്റ് കളറുകള്‍ക്ക് പുറമെ സ്വര്‍ണം, വെള്ളി നിറത്തിലും ലഭിക്കുന്നത് പ്രത്യേകതയാണ്. തമിഴ്‌നാട്ടില്‍ എല്ലാ സമയത്തും ഈ വര്‍ണ പന്തുകള്‍ ലഭിക്കും. കേരളത്തില്‍ ഓണത്തിന് മാത്രമേ ഇത്തരം പന്തുകള്‍ കൂടുതലായി വില്‍പ്പന നടത്താനാകൂ. അതു കൊണ്ട് ഓണ സീസണമാവുമ്പോള്‍ മൊത്ത കച്ചവടക്കാര്‍ തമിഴ്‌നാട്ടില്‍ നിന്നും തൊഴിലാളികളെ വരുത്തി പന്തുകള്‍ നിര്‍മിക്കും. ദിവസവും നിര്‍മുക്കുന്ന പന്തുകളുടെ എണ്ണം നോക്കിയാണ് ഇവര്‍ക്ക് കൂലി ലഭിക്കുന്നത്. പന്ത് നിര്‍മിച്ച് കഴിഞ്ഞാല്‍ അവ എണ്ണി വലിയ വലയ്ക്കകത്താക്കിയാണ് കടകളിലെത്തിക്കുന്നത്. സീസണ്‍ ആകുമ്പോള്‍ വര്‍ണ പന്തുകള്‍ വാഹനങ്ങളുടെ മുകളില്‍ വച്ച് വില്‍പ്പനയ്ക്ക് കൊണ്ടു പോകുന്നതും കൗതുക കാഴ്ചയാണ്.

നേമം സഹകരണ ബാങ്ക്: ഓണക്കാലത്ത് തുക ലഭിക്കുമെന്ന പ്രതീക്ഷയില്‍ നിക്ഷേപകര്‍

നേമം : നേമം സഹകരണ ബാങ്കില്‍ നിന്നും ഓണക്കാലത്ത് തുച്ഛമായ തുകയെങ്കിലും വിതരണം ചെയ്യുമെന്ന പ്രതീക്ഷയിലാണ് നിക്ഷേപകര്‍. അഡ്മിനിസ്‌ട്രേറ്റര്‍ ഭരണം ഏറ്റെടുത്ത് രണ്ടാഴ്ച പിന്നിടുമ്പോള്‍ വായ്പ കൊടുത്ത വകയില്‍ കുറെ പണം പിരിച്ചെടുക്കാനായിട്ടുണ്ട്. ഈ തുക പ്രത്യേക അക്കൗണ്ട് തുടങ്ങി അതില്‍ നിക്ഷേപിച്ച് നിക്ഷേപകര്‍ക്ക് പണം വരുന്നത് അനുസരിച്ച് ആദ്യം പണം കിട്ടേണ്ടവരുടെ ലിസ്റ്റ് തയ്യാറാക്കി വിതരണം ചെയ്യാനാണ് തീരുമാനം. നേമം ബാങ്കിലെ പെന്‍ഷന്‍ വിതരണവും നിര്‍ത്തി സമീപത്തെ മറ്റൊരു സഹകരണ ബാങ്ക് വഴിയാണ് ഇപ്പോള്‍ വിതരണം ചെയ്യുന്നത്. പെന്‍ഷന്‍ നല്‍കുന്നതിലും നേമം ബാങ്ക് വീഴ്ച വരുത്തിയതിനെ തുടര്‍ന്നാണ് ഈ നടപടി. 5 ലക്ഷം രൂപ അടിയന്തരമായി വിതരണം ചെയ്യണമെന്ന് നിക്ഷേപ കൂട്ടായ്മ രക്ഷാധികാരി ശാന്തിവിള മുജീബ് റഹ്‌മാനും കണ്‍വീനര്‍ കൈമനം സുരേഷും ആവശ്യപ്പെട്ടു. ക്രമക്കേടുമായി ബന്ധപ്പെട്ട സഹകരണ വകുപ്പിന്‍റെ 65 വകുപ്പ് പ്രകാരം അന്വേഷണത്തിന്റെ അന്തിമ റിപ്പോര്‍ട്ടിലെ വിവരങ്ങള്‍ വെച്ച് അടുത്ത് ഭരണ സമിതി അംഗങ്ങളുടെ ബാധ്യതകള്‍ നിശ്ചയിച്ച് റവന്യൂ റിക്കവറി നടപടികള്‍ സ്വീകരിക്കുന്ന നടപടികളിലേയ്ക്ക് കടക്കും. അന്വേഷണത്തില്‍ ഓരോ ഭരണ സമിതിയംഗങ്ങളില്‍ നിന്നും മുന്‍ സെക്രട്ടറിമാരില്‍ ഈടാക്കേണ്ട തുക അന്വേഷണ ഉദ്യോഗസ്ഥന്‍ കണക്കാക്കിയിട്ടുണ്ട്. മുന്‍ സെക്രട്ടറിമാര്‍ നടത്തിയത് ഗുരുതമായ നിയമലംഘനങ്ങളാണെന്ന് റിപ്പോര്‍ട്ടില്‍ പറയുന്നു. നിക്ഷേപ തുക മടക്കി നല്‍കണമെന്നാവശ്യപ്പെട്ട് നിക്ഷേപ കൂട്ടായ്മയുടെ നേതൃത്വത്തില്‍ സെക്രട്ടറിയേറ്റിന് മുന്‍വശത്ത് തിരുവോണത്തിന് നിരാഹാര സമരം നടത്തും.

പ്രഫ. എം.കെ.സാനു ദാർശനികനായ എഴുത്തുകാരൻ: ഡോ. വി.പി.ജോയി

തിരുവനന്തപുരം: ദാർശനികനായ എഴുത്തുകാരനായിരുന്നു പ്രഫ. എം.കെ.സാനുവെന്ന് മുൻ ചീഫ് സെക്രട്ടറിയും കവിയുമായ ഡോ. വി.പി.ജോയി. പ്രഫ. എൻ.കൃഷ്‌ണപിള്ള ഫൗണ്ടേഷൻ സംഘടിപ്പിച്ച പ്രഫ. എം.കെ.സാനു അനുസ്മരണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പ്രഫ.എൻ.കൃഷ്ണപിള്ളയുടെ ശിഷ്യനും ഫൌണ്ടേഷന്‍റെ ആദ്യ ചെയർമാനുമായിരുന്ന പ്രഫ.എം.കെ.സാനുവിന്‍റെ ഛായാചിത്രം ചടങ്ങിൽ വി.പി.ജോയി അനാച്ഛാദനം ചെയ്തു. പന്ന്യൻ രവീന്ദ്രൻ അധ്യക്ഷനായ ചടങ്ങിൽ ഡോ. എം.എൻ.രാജൻ എം.കെ.സാനു അനുസ്മരണ പ്രഭാഷണം നടത്തി. ലീലാ പണിക്കർ ഭദ്രദീപം തെളിച്ച് ആരംഭിച്ച ചടങ്ങിന് ഫൌണ്ടേഷൻ സെക്രട്ടറി ഡോ. എഴുമറ്റൂർ രാജരാജവർമ്മ സ്വാഗതവും ട്രഷറർ ബി.സനിൽ കുമാർ നന്ദിയും പറഞ്ഞു. എസ്.ഗോപിനാഥ്‌, ഡോ. സി.ഉദയകല, ഡോ. വി.എസ്.വിനീത് എന്നിവർ സംസാരിച്ചു.

ഹിന്ദുത്വ തീവ്രവാദം ഇന്ത്യക്ക് നൽകിയത് കടുത്ത ദാരിദ്ര്യം: എ.വിജയരാഘവൻ

കോവളം : ഹിന്ദുത്വ തീവ്രവാദം ഇന്ത്യക്ക് നൽകിയത് കടുത്ത ദാരിദ്രവും ശതകോടീശ്വരൻമാർക്ക് തീവെട്ടിക്കൊള്ള നടത്താനുള്ള അവസരവും മാത്രമാണെന്ന് സിപിഎം പോളിറ്റ്ബ്യൂറോ അംഗം എ.വിജയരാഘവൻ. സിപിഎം കോവളം ഏരിയാ കമ്മിറ്റി മുക്കോലയിൽ സംഘടിപ്പിച്ച മഹാത്മാ അയ്യൻകാളി ജന്മദിനാചരണം ഉദ്ഘാടനം ചെയ്ത് സംസാരിക്കുകായിരുന്നു അദ്ദേഹം. വില്ലുവണ്ടിയിലൂടെ എന്നല്ല നടന്ന് പോലും പോകുവാൻ സാധിക്കാത്ത സാഹചര്യത്തിൽ ആണ് അതിനെതിരെ അയ്യൻകാളി വില്ലുവണ്ടിയിൽ യാത്ര നടത്തിയത്. നല്ല മനുഷ്യർ നടത്തിയ ത്യാഗനിർഭരമായ പോരാട്ടങ്ങളും സമരങ്ങളും ആണ് ഇവ നമുക്ക് നേടി തന്നത്. സമരത്തിലൂടെ അല്ലാതെ നമ്മൾ ഒന്നും നേടിയിട്ടില്ല. - എ.വിജയരാഘവൻ പറഞ്ഞു. ജാതി മതിലുകൾ ഉള്ള, ദളിത് പിന്നോക്ക വിഭാഗങ്ങൾക്ക് എതിരെ വലിയ ആക്രമണങ്ങൾ നടക്കുന്ന സംസ്ഥാനങ്ങൾ നമ്മുടെ രാജ്യത്തുണ്ട്. എന്നാൽ കേരളത്തിലെ അവസ്ഥ തികച്ചും വ്യത്യസ്തമാണ്. ഭാഷ, പേര്, വസ്ത്രം എന്നിവയിലൂടെ ഒക്കെ ജാതി തിരിച്ചറിയാൻ സാധിക്കുന്ന കാലത്ത് നിന്നും നമ്മൾ ഏറെ മാറി. കേരളത്തെ ഇന്ന് കാണുന്ന കേരളമാക്കി മാറ്റുന്നതിൽ ഇടതുപക്ഷ പ്രസ്ഥാനങ്ങൾക്കും കമ്യുണിസ്റ്റ് പാർട്ടിക്കും വലിയ പങ്കാണ് ഉള്ളതെന്നും അദ്ദേഹം പറഞ്ഞു. സിപിഎം കോവളം ഏരിയാ കമ്മിറ്റി നിർമ്മിച്ച അയ്യൻകാളി സ്മൃതി മണ്ഡപത്തിൽ എ.വിജയരാഘവൻ പുഷ്പാർച്ചന നടത്തി. യോഗത്തിൽ സിപിഎം കോവളം ഏരിയാ സെക്രട്ടറി എസ്.അജിത്ത് അധ്യക്ഷനായി. യോഗത്തിൽ കർഷക തൊഴിലാളി യൂണിയൻ സംസ്ഥാന പ്രസിഡന്‍റ് ആനാവൂർ നാഗപ്പൻ, സിപിഎം ജില്ലാ സെക്രട്ടേറിയറ്റ് അംഗം പി.എസ്.ഹരികുമാർ, ജില്ലാ കമ്മിറ്റി അംഗം പി. രാജേന്ദ്രകുമാർ, അയ്യൻകാളിയുടെ പിൻമുറക്കാരനായ മധുസൂദനൻ തുടങ്ങിയവർ പങ്കെടുത്തു. പികെഎസ് സംസ്ഥാന പ്രസിഡന്‍റ് വണ്ടിത്തടം മധു സ്വാഗതവും സിപിഎം ജില്ലാ കമ്മിറ്റി അംഗം വി. അനൂപ് നന്ദിയും പറഞ്ഞു.

ജില്ലയിൽ ഏറ്റവുമധികം പൂക്കൃഷി ഇത്തവണയും കാട്ടാക്കടയിൽ

കാട്ടാക്കട: തിരുവനന്തപുരം ജില്ലയിൽ ഏറ്റവുമധികം പൂക്കൃഷിയുള്ള നിയോജകമണ്ഡലം എന്ന റെക്കാർഡ് ഇക്കുറിയും കാട്ടാക്കടയ്ക്ക്.'നമ്മുടെ ഓണം നമ്മുടെ പൂക്കൾ' പദ്ധതിയിൽ കഴിഞ്ഞ നാലുവർഷത്തെ അപേക്ഷിച്ച് ഇക്കുറി കാട്ടാക്കടയിലെ ആറ് പഞ്ചായത്തുകളിലായി 104 ഏക്കറിലാണ് പൂക്കൃഷിയും പച്ചക്കറി കൃഷിയും നടത്തിയത്. പള്ളിച്ചൽ കൊറണ്ടിവിളയിൽ മാത്രം എട്ട് ഏക്കർ വിസ്തൃതിയിലാണ് പൂക്കൃഷി. കൊറണ്ടിവിള,നരുവാമൂട്,വെള്ളാപ്പള്ളി,മുക്കംപാലമൂട്,കാട്ടാക്കട പഞ്ചായത്തിലെ കൊറ്റംപള്ളി,കൊല്ലോട്,കട്ടയ്‌ക്കോട്,കുളത്തുമ്മൽ, മാറനല്ലൂർ പഞ്ചായത്തിലെ ക്രൈസ്റ്റ് നഗർ,മലയിൻകീഴ് പഞ്ചായത്തിലെ അന്തിയൂർക്കോണം,വിളപ്പിൽ പഞ്ചായത്തിലെ പടവൻകോട്,വിളപ്പിൽശാല, വിളവൂർക്കൽ പഞ്ചായത്തിലെ ശാന്തമൂല,പൊറ്റയിൽ എന്നിവിടങ്ങളിലാണ് ഇത്തവണ പൂക്കൃഷി നടത്തിയത്. ഒരേക്കറിൽ നിന്ന് 120 കിലോ വരെ വിളവെടുത്തു. ജലക്ഷാമം നേരിട്ടിരുന്ന കാട്ടാക്കടയിൽ ഐ.ബി.സതീഷ് എംഎൽഎയുടെ നേതൃത്വത്തിൽ ജലസമൃദ്ധി പദ്ധതിയുടെ ഭാഗമായി ഭൂഗർഭ ജലനിരപ്പ് ഉയർത്തി. മരങ്ങൾ വച്ചുപിടിപ്പിച്ചും സ്വാഭാവിക നീർത്തടങ്ങൾ സംരക്ഷിക്കുകയും ചെയ്തതോടെ തരിശുകിടക്കുന്ന കാട്ടാക്കട മണ്ഡലത്തിലെ മിക്കയിടങ്ങളിലും കൃഷിയെത്തി. ഓണത്തിന് മറുനാടൻ പൂക്കളെന്തിന്, നമുക്ക് പൂക്കളുണ്ടാക്കാമെന്നുള്ള ആശയം എംഎൽഎ നാലുവർഷം മുമ്പാണ് മുന്നോട്ടുവച്ചത്. കഴിഞ്ഞ വർഷങ്ങളിലേതുപോലെ ഇക്കുറിയും കാട്ടാക്കടക്കാർക്ക് സ്വന്തം പൂവ് കൊണ്ട് ഓണത്തെ വരവേൽക്കാം. ഇക്കൊല്ലത്തെ പൂകൃഷി വിളവെടുപ്പ് ഉത്സവം ഐ.ബി.സതീഷ് എംഎൽഎ ഉദ്ഘാടനം ചെയ്തു.

ഓണം സംസ്കാരത്തിന്‍റെ പ്രതീകം: പ്രഫ. മ്യൂസ് മേരി

തിരുവനന്തപുരം: ഓണം സംസ്കാരത്തിന്‍റെ പ്രതീകമാണെന്ന് സർവവിജ്ഞാനകോശം ഡയറക്ടറും പ്രമുഖ എഴുത്തുകാരിയുമായ പ്രഫ. മ്യൂസ് മേരി ജോർജ് അഭിപ്രായപെട്ടു. നാലാഞ്ചിറ സെന്‍റ് ജോൺസ് മോഡൽ ഹയർ സെക്കൻഡറി സ്കൂളിൽ നടന്ന ഓണത്തുമ്പികൾ - ജൂബിലി നിറവിൽ പൊന്നോണം പരിപാടി ഉത്ഘാടനം ചെയ്ത് പ്രസംഗിക്കുകയായിരുന്നു അവർ. ഓണത്തിന്‍റെ ദാർശനിക കാഴ്ചപ്പാട് എക്കാലവും നാടിന്‍റെ സംസ്കൃതിയുമായി ബന്ധപ്പെട്ടാണിരിക്കുന്നത്. പൈതൃക സംരക്ഷമാണ് ഓണം മുന്നോട്ടുവയ്ക്കുന്ന സാംസ്കാരിക മൂല്യമെന്നും അവർ പറഞ്ഞു. പ്രിൻസിപ്പൽ ഫാ. ജോസ് ചരുവിലിന്‍റെ അധ്യക്ഷതയിൽ വൈസ് പ്രിൻസിപ്പൽ അജീഷ് കുമാർ ,പി.ടി എ വൈസ് പ്രസിഡന്‍റ് സുരേഷ് വണ്ടാഡൻ ,റേഡിയോ ജോക്കി ജോസ്ലിൻ എന്നിവർ പ്രസംഗിച്ചു.

ഡോ. ജാൻസി ജയിംസിന്‍റെ രണ്ടു പുസ്തകങ്ങൾ പ്രകാശനം ചെയ്തു

തിരുവനന്തപുരം: മുൻ വൈസ് ചാൻസലർ ഡോ. ജാൻസി ജയിംസിന്‍റെ ഇംഗ്ലീഷിലുള്ള രണ്ടു പുസ്തകങ്ങൾ പ്രകാശനം ചെയ്തു. ഫെമിനിസ്റ്റ് സാഹിത്യത്തെക്കുറിച്ചുള്ള പഠനങ്ങളുടെ സമാഹാരമായ ’ എംപവറിംഗ് സബ് വേർഷൻസ് ’ മുൻ ചീഫ് സെക്രട്ടറി കെ. ജയകുമാർ തിരുവനന്തപുരം എം.ജി. കോളജ് മുൻപ്രിൻസിപ്പൽ ഡോ. ഹേമ നായർക്കു നല്കി പ്രകാശനം ചെയ്തു. സമൂഹം, ഭാഷ, സാഹിത്യം എന്നീ മേഖലകളിലുള്ള പഠനങ്ങളുടെ സമാഹാരമായ ’എക്സ്പോസിഷൻസ് മുൻ അംബാസഡർ ടി.പി. ശ്രീനിവാസൻ പോണ്ട ിച്ചേരി സെൻട്രൽ യൂണിവേഴ്സിറ്റിയിലെ മുൻ ഇംഗ്ലീഷ് വകുപ്പ് മേധാവി ഡോ. മുരളി ശിവരാമകൃഷ്ണനു നല്കി പ്രകാശനം ചെയ്തു. പ്രിയദർശിനി പബ്ലിക്കേഷൻസ് വൈസ് ചെയർമാൻ അഡ്വ. പഴകുളം മധു അധ്യക്ഷത വഹിച്ചു. ഡോ. ജാൻസി ജയിംസ് പുസ്തകങ്ങൾ പരിചയപ്പെടുത്തി. വല്ലാത്ത് ബുക്സ് എംഡി ഡോ. കല്യാണി വല്ലാത്ത് സ്വാഗതവുംഡോ. എൻ. സുദീപ് നന്ദിയും പറഞ്ഞു.

എയര്‍ കണ്ടീഷണറിന് തീപിടിച്ച് ബെഡ്‌റൂം കത്തിനശിച്ചു

പേരൂര്‍ക്കട: എയര്‍ കണ്ടീഷണറിന് തീപിടിച്ച് ബെഡ്‌റൂം കത്തിനശിച്ചു. വട്ടിയൂര്‍ക്കാവ് നെട്ടയം മാമ്പഴക്കുന്ന് ഉഷസ്സില്‍ റെജികുമാറിന്‍റെ വീട്ടിലെ എസിയാണ് ഷോര്‍ട്ട് സര്‍ക്യൂട്ടുമൂലം കത്തിയത്. തിരുവനന്തപുരം ഫയര്‍‌സ്റ്റേഷനില്‍ നിന്ന് ഉദ്യോഗസ്ഥരെത്തിയാണ് തീയണച്ചത്.

കുഞ്ഞിക്കൈകളിൽ നെൽച്ചെടിയുമായി ...

കള്ളിക്കാട്: കുഞ്ഞി കൈകളിൽ നെൽച്ചെടിയുമായി കള്ളിക്കാട് സെന്‍റ് അന്നാസിലെ സ്കൂൾ വിദ്യാർഥികൾ. ശലഭം ബാല കർഷക ക്ലബ്ബിന്‍റെ ആഭിമുഖ്യത്തിൽ ഞാറ് നടീൽ ഉത്സവം സ്കൂൾ മാനേജർ റവ. ഫാദർ ബിനു വർഗീസ് ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് പന്ത ശ്രീകുമാർ, പഞ്ചായത്ത് മെമ്പർമാരായ ദിലീപ്, ശ്രീകല, ബിന്ദു.വി.രാജേഷ് എന്നിവർ പങ്കെടുത്തു. നെൽച്ചെടി നടുന്നതും പരിപാലിക്കുന്നതുമായ കാര്യങ്ങൾ കർഷകയായ പുഷ്പാ ശോഭി വിദ്യാർത്ഥികൾക്ക് വിശദമാക്കി. വിവിധ ക്ലാസുകളിൽ നെൽകൃഷിയുമായി ബന്ധപ്പെട്ട പഠന പ്രവർത്തനങ്ങൾ വിദ്യാർത്ഥികൾക്ക് പഠിക്കാനുള്ളതിനാലാണ് സ്കൂൾ കള്ളിക്കാട് പാട്ടേക്കോണത്ത് നെൽപ്പാടം ഒരുക്കി കൃഷി ആരംഭിച്ചത്. ഹെഡ്മാസ്റ്റർ എസ്. സെൽവരാജ്, അധ്യാപികമാരായ സിൻസി കെ. ഫ്രാൻസിസ്, ലിജി, ചൈതന്യ, അശ്വതി, മദർ പിടിഎ പ്രസിഡന്‍റ് പ്രിയ രാജീവ് എന്നിവർ ഞാറു നടീൽ ഉത്സവത്തിനു നേതൃത്വം നൽകി.

ജില്ലാ വികസന സമിതി യോഗം ചേർന്നു

തിരുവനന്തപുരം: ജില്ലാ വികസന സമിതിയുടെ ആഗസ്റ്റ് മാസത്തെ യോഗം കളക്ടറേറ്റ് കോൺഫറൻസ് ഹാളിൽ ജില്ലാ കളക്ടർ അനു കുമാരിയുടെ അധ്യക്ഷതയിൽ ചേർന്നു. തിരുവനന്തപുരം, ആറ്റിങ്ങൽ ലോക്സഭാ മണ്ഡലങ്ങളിലെയും വട്ടിയൂർക്കാവ്, വർക്കല, ആറ്റിങ്ങൽ നിയമസഭ മണ്ഡലങ്ങളിലെയും വികസന പ്രവർത്തനങ്ങളുടെ നിലവിലെ പുരോഗതി യോഗത്തിൽ വിലയിരുത്തി. ഓണക്കാലത്തോടനുബന്ധിച്ച് ലഹരി പരിശോധന കർശനമാക്കേണ്ടതുണ്ടെന്നും ലഹരി കേസുകളിൽപ്പെടുന്ന കടകളുടെ ലൈസൻസുകൾ റദ്ദാക്കുന്ന നടപടി തുടരണമെന്നും വട്ടിയൂർക്കാവ് എംഎൽഎ വി.കെ.പ്രശാന്ത് പറഞ്ഞു. നഗരത്തിലെ സ്ട്രീറ്റ് ലൈറ്റുകളുടെ അറ്റകുറ്റപ്പണി അടിയന്തരമായി നടത്തണമെന്നും ഉദ്യോഗസ്ഥർക്ക് നിർദ്ദേശം നൽകി. വട്ടിയൂർക്കാവ് റവന്യൂ ടവറിലെ വില്ലേജ് ഓഫീസ് നിർമ്മാണം, തിരുവനന്തപുരം കോർപ്പറേഷനിലെ വെൻഡിങ് സോൺ, മേലേക്കാവ് ടൂറിസം പദ്ധതി, പട്ടം ഫ്ലൈ ഓവർ, പേരൂർക്കട മേൽപ്പാലം തുടങ്ങിയ വിഷയങ്ങളുടെ നിർമ്മാണ പുരോഗതിയും പ്രശാന്ത് എംഎൽഎ വിലയിരുത്തി. വട്ടിയൂർക്കാവ് മണ്ഡലത്തിലെ എംഎൽഎ റോഡ്, ഉദിയന്നൂർ റോഡ് എന്നിവിടങ്ങളിലെ കെഎസ്ആർടിസി ബസ് സർവീസ് പുന:സ്ഥാപിച്ചതായും അറിയിച്ചു. ആറ്റിങ്ങൽ മണ്ഡലത്തിൽ മുതലപ്പൊഴി ഹാർബറിൽ ആഴം കൂട്ടുന്നതിന്‍റെ ഭാഗമായി ഡ്രഡ്ജിങ്, സോയിൽ പൈപ്പിംഗ് പ്രവർത്തനങ്ങൾ വേഗത്തിൽ ആക്കണമെന്നും അതിനുള്ള സ്ഥിരം സംവിധാനം ഉണ്ടാക്കണമെന്നും സാങ്കേതിക പ്രശ്നം കാരണം അപകടങ്ങൾ ഉണ്ടാകരുതെന്നും യോഗത്തിൽ ആവശ്യപ്പെട്ടു. പ്രധാനമന്ത്രി ഗ്രാമ സഡക്ക് യോജന വഴിയുള്ള റോഡ് പണി പാതിവഴിയിൽ നിർത്തി വെക്കേണ്ട അവസ്ഥ ഉണ്ടായിട്ടുണ്ടെന്നും മഴമൂലം വൈകിയ പ്രവർത്തനങ്ങൾ അടിയന്തരമായി പുനരാരംഭിക്കുമെന്നും ബന്ധപ്പെട്ട ഉദ്യോഗസ്ഥർ പറഞ്ഞു. ഓണക്കാലത്തോടനുബന്ധിച്ച് റോഡ് അപകടങ്ങൾ വർദ്ധിക്കാനുള്ള സാഹചര്യം കണക്കിലെടുത്ത് മുൻകരുതലുകൾ എടുക്കേണ്ടതുണ്ടെന്നും ഔട്ടർ റിംഗ് റോഡിന്റെ ഭാഗമായി സ്ഥലം ഏറ്റെടുത്തവർക്കുള്ള ധനസഹായം അടിയന്തരമായി ലഭ്യമാക്കണമെന്നും ശശി തരൂർ എംപിയുടെ പ്രതിനിധി ആവശ്യപ്പെട്ടു. വർക്കല മണ്ഡലത്തിൽ പിറവം-വർക്കല ശിവഗിരി കെഎസ്ആർടിസി ബസ് സർവീസ് പുനസ്ഥാപിക്കുക, ഇടവ വില്ലേജ് ഓഫീസ് നിർമാണം വേഗത്തിലാക്കുക, വർക്കല താലൂക്ക് ആശുപത്രി ഗേറ്റിനു മുന്നിലുള്ള മരം മുറിച്ചു മാറ്റുക, വർക്കല മൈതാനം റെയിൽവേ അണ്ടർ പാസേജ് നടയറപ്പാലം ഓപ്പൺ എന്നിവ സൗന്ദര്യവൽക്കരിക്കുന്നതിന് ആവശ്യമായ നടപടി സ്വീകരിക്കുക തുടങ്ങിയ ആവശ്യങ്ങളും യോഗത്തിൽ ഉന്നയിക്കപ്പെട്ടു. ആറ്റിങ്ങൽ മണ്ഡലത്തിൽ കടലുകാണി ടൂറിസം പദ്ധതി, പള്ളിപ്പുറം സിആർപിഎഫ് ക്യാമ്പിന് അടുത്തുള്ള കെഎസ്ആർടിസി ബസ് സ്റ്റോപ്പ് പുന ക്രമീകരിക്കൽ തുടങ്ങിയവയും ചർച്ച ചെയ്തു. സാമ്പത്തിക സ്ഥിതിവിവരക്കണക്ക് വകുപ്പ് തയ്യാറാക്കിയ ജില്ലയിലെ പുഷ്പകൃഷിയെ കുറിച്ചുള്ള റിപ്പോർട്ട് 'പൂവിളി' വി.കെ പ്രശാന്ത് എം എൽ എ കളക്ടർ അനു കുമാരിക്ക് നൽകി പ്രകാശനം ചെയ്തു. യോഗത്തിൽ അസിസ്റ്റന്റ് കളക്ടർ ശക്തിവേൽ, എംഡിഎം വിനീത് ടി.കെ, ജില്ലാ പ്ലാനിംഗ് ഓഫീസർ ഇൻ ചാർജ് കലാമുദ്ദീൻ എം, വിവിധ വകുപ്പുകളിലെ ഉദ്യോഗസ്ഥർ തുടങ്ങിയവർ പങ്കെടുത്തു.

മണക്കാട് കാർത്തികതിരുനാൾ സ്കൂൾ പൂർവവിദ്യാർഥികൾ ഓണാഘോഷം നടത്തി

തിരുവനന്തപുരം: മണക്കാട് കാർത്തിക തിരുനാൾ വൊക്കേഷണൽ ഹയർ സെക്കൻഡറി സ്കൂളിലെ പൂർവവിദ്യാർഥിനികൾ ഓണാഘോഷം സംഘടിപ്പിച്ചു. പവർഹൗസ് റോഡിലെ അമല റസിഡൻസിയിൽ സംഘടിപ്പിച്ച പരിപാടിയിൽ തിരുവിതാംകൂർ രാജകുടുംബാംഗം അവിട്ടം തിരുനാൾ ആദിത്യവർമ വിശിഷ്ടാതിഥിയായി പങ്കെടുത്തു. ചലച്ചിത്ര നടി സ്മിനു സിജോ ഓണാശംസകൾ നൽകി. അബുദാബി ആസ്ഥാനമാക്കി പ്രവർത്തിക്കുന്ന വ്യവസായ പ്രമുഖൻ ഡോ. ഫ്രാൻസിസ് ക്ലീറ്റസ് പ്രസംഗിച്ചു. തുടർന്ന് ഓണസദ്യയും പൂർവ വിദ്യാർഥിനികളുടെ കലാപരിപാടികളും ഉണ്ടായിരുന്നു.

നെഞ്ചിൽ ട്യൂബ് കുടുങ്ങിയ സംഭവം : ഡോക്ടർക്കെതിരെ മൊഴി നൽകി യുവതി

കാട്ടാക്കട: ജനറൽ ആശുപത്രിയിലെ ശസ്ത്രക്രിയ പിഴവിനെ തുടർന്ന് യുവതിയുടെ നെഞ്ചിൽ ട്യൂബ് കുടുങ്ങിയ സംഭവത്തിൽ ഡോക്ടർക്കെതിരെ മൊഴി നൽകി യുവതി. കാട്ടാക്കട മലയിൻകീഴ് സ്വദേശി സുമയ്യയാണ് ഡോക്ടർമാരുടെ പിഴവ് മൂലം ദുരിതം അനുഭവിക്കുന്നത്. മെഡിക്കൽ കോളജ് പോലീസിനാണ് യുവതി മൊഴി നൽകിയത്. നീതി ലഭിക്കും വരെ പോരാട്ടം തുടരുമെന്നും പ്രശ്നം ആരോഗ്യവകുപ്പ് നിസാരമായി കാണുന്നുവെന്നും സുമയ്യയുടെ സഹോദരീ ഭർത്താവ് സബീർ പറഞ്ഞു. ഡോ. രാജീവ് കുമാറിന് ശസ്ത്രക്രിയയ്ക്ക് മുമ്പ് പണം നൽകിയിരുന്നുവെന്നും സബീർ പറഞ്ഞു. ആരോഗ്യവകുപ്പിൽ നിന്ന് ആരും സംസാരിച്ചിട്ടില്ലെന്നും സബീർ വെളിപ്പെടുത്തി.2023 മാർച്ച് 22 നാണ് തിരുവനന്തപുരം ജനറൽ ആശുപത്രിയിൽ സുമയ്യ ചികിത്സ തേടിയത്. തൈറോയ്ഡ് ഗ്രന്ഥി എടുത്തു കളയുന്ന ശസ്ത്രക്രിയ നടത്തിയത് ഡോ.രാജിവ് കുമാറാണ്. ശസ്ത്രക്രിയയ്ക്ക് ശേഷം രക്തവും മരുന്നുകളും നൽകാനായി സെൻട്രൽ ലൈനിട്ടു. ഇതിന്‍റെ ഗൈഡ് വയറാണ് നെഞ്ചിൽ കുടുങ്ങികിടക്കുന്നത്. ശസ്ത്രക്രിയയ്ക്ക് ശേഷം ഇത് തിരികെ എടുക്കാത്തതാണ് ദുരിതത്തിലാക്കിയത് എന്നാണ് പരാതി. ശ്രീചിത്ര ആശുപത്രിയിലടക്കം സുമയ്യ ചികിത്സ തേടി. എക്സ്റേ പരിശോധനയിൽ ട്യൂബ് ധമനികളോട് ഒട്ടിപ്പോയതായി കണ്ടെത്തി. ഇനി ശസ്ത്രക്രിയ നടത്തി ട്യൂബ് പുറത്തെടുക്കാനാകില്ലെന്നാണ് വിദഗ്ധ ഡോക്ടർമാർ അറിയിച്ചത്. ഗുരുതര പിഴവ് ഉണ്ടായതിൽ നീതി വേണമെന്നും വിദഗ്ധ ചികിത്സ നൽകണമെന്നുമാണ് സുമയ്യ ആവശ്യപ്പെടുന്നത്.

നാടൻ തോക്കും ചാരായവുമായി യുവാവ് പിടിയിൽ

പാലോട്: നാടൻ തോക്കും ആറ് ലിറ്റർ നാടൻ ചാരായവും 250 ലിറ്റർ കോടയുമായി യുവാവ് എക്സൈസിന്‍റെ പിടിയിൽ.കരിമൺകോട് ഊരാളി കോണത്ത് വാടകക്ക് താമസിക്കുന്ന പെരിങ്ങമ്മല താന്നിമൂട് സ്വദേശി നൗഷാദ് (42) ആണ് നെടുമങ്ങാട് എക്സൈസിന്‍റെ പിടിയിലായത്. ഇയാൾ വാടകക്ക് താമസിക്കുന്ന വീട്ടിൽ ചാരായം വാറ്റുന്നതായി ലഭിച്ച രഹസ്യവിവരത്തെ തുടർന്ന് കഴിഞ്ഞ കുറച്ചു ദിവസങ്ങളിലായി എക്സൈസ് സംഘം ഈ വീടും പരിസരവും നിരീക്ഷണത്തിലാക്കിയിരുന്നു. ഇയാൾ വാറ്റിയെടുക്കുന്ന ചാരായം ഈ പ്രദേശങ്ങളിൽ വിൽക്കുകയില്ലായിരുന്നു. ഇതിനാൽ തന്നെ സമീപവാസികൾക്കാർക്കും സംശയം ഇല്ലായിരുന്നു. വാടകക്ക് താമസിക്കുന്ന വീട്ടിൽ ഭാര്യയും കുഞ്ഞും ഇയാളുടെ പിതാവുമാണ് ഉണ്ടായിരുന്നത്.വീടിന്‍റെ പുറകുവശത്ത് ആടിനെ കെട്ടുന്നതിനു സമീപത്തായി ബാരലുകളിലാണ് ഇയാൾ വാഷ് സൂക്ഷിച്ചിരുന്നത്. വാറ്റാൻ ഉപയോഗിച്ചിരുന്ന സ്റ്റൗ ഉൾപ്പെടെയുള്ള വസ്തുക്കളും കണ്ടെടുത്തു. കൂടാതെ ഇയാളിൽ നിന്നും പിടിച്ചെടുത്ത നാടൻ തോക്ക് വന്യമൃഗങ്ങളെ വേട്ടയാടാൻ ഉപയോഗിച്ചിരുന്നു. ഈ തോക്ക് വെടിമരുന്ന് നിറച്ച നിലയിലാണ്.നേരത്തേയും സമാനമായ കേസിൽ ശിക്ഷ അനുഭവിച്ചിട്ടുള്ള ആളാണ് നൗഷാദ്. നെടുമങ്ങാട് എക്സൈസ് ഇൻസ്പെക്ടർ പ്രവീൺ, അസിസ്റ്റൻഡ് എക്സൈസ് ഇൻസ്പെക്ടർ സതീഷ് കുമാർ, ബിജു, ഷജിം, ഗോപിനാഥ്, ശ്രീലത, ശ്രീകേഷ് എന്നിവരടങ്ങിയ സംഘമാണ് പ്രതിയെ പിടികൂടിയത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]