നെ​യ്യാ​ർ​ഡാം : നെ​യ്യാ​ർ ജ​ല​സേ​ച​ന പ​ദ്ധ​തി​യു​ടെ ഇ​ട​തു​ക​ര ക​നാ​ലി​ന്‍റെ ശു​ചീ​ക​ര​ണം നി​ല​ച്ചെ​ന്ന് ആ​ക്ഷേ​പം. അഞ്ച് കൊ​ല്ലം മു​ൻ​പാ​ണ് അ​വ​സാ​ന​മാ​യി ക​നാ​ൽ ശു​ചീ​ക​രി​ച്ച​ത്. ഇ​പ്പോ​ൾ ക​നാ​ലി​നു​ള്ളി​ൽ പ​ലേ​ട​ത്തും വ​ലി​യ മ​ര​ങ്ങ​ൾ വ​ള​ർ​ന്നു നി​ൽ​ക്കു​ന്നു.

മാ​ത്ര​മ​ല്ല അ​ടി​ത്ത​ട്ടി​ൽ വ​ൻ​തോ​തി​ൽ ചെ​ളി​യും കെ​ട്ടി​ക്കി​ട​ക്കു​ന്നു​ണ്ട്. ഇ​രു​ക​ര​ക​ളി​ലെ​യും താ​മ​സ​ക്കാ​രി​ൽ ചി​ല​ർ മാ​ലി​ന്യം വ​ലി​ച്ചെ​റി​യു​ന്ന​തും ക​നാ​ലി​ലേ​ക്കാ​ണ്. ചി​ല സ്ഥ​ല​ങ്ങ​ളി​ൽ കാ​ലി​ത്തൊ​ഴു​ത്തി​ൽ നി​ന്നു​ള്ള മാ​ലി​ന്യ​ങ്ങ​ൾ ഒ​ഴു​ക്കി​വി​ടു​ന്ന കു​ഴ​ലു​ക​ളും കനാ​ലി​ലേ​ക്ക് നീ​ളു​ന്നു. പു​ല്ലു​ക​ൾ​ക്കി​ട​യി​ലൂ​ടെ ക​നാ​ലി​ലേ​ക്കു നീ​ളു​ന്ന മാ​ലി​ന്യ​വാ​ഹി​നി കു​ഴ​ലു​ക​ൾ പു​റ​ത്തു​കാ​ണി​ല്ല. വ​ള​ർ​ത്തു നായകൾ, പൂ​ച്ച​ക​ൾ, കോ​ഴി​ക​ൾ എ​ന്നി​വ ച​ത്തു​ക​ഴി​ഞ്ഞാ​ൽ ക​നാ​ലി​ലേ​ക്ക് ത​ള്ളു​ന്ന​തും പ​തി​വാ​യി.

അ​റ​വു​മാ​ലി​ന്യ​ങ്ങ​ളും ചാ​ക്കി​ൽ കെ​ട്ടി ക​നാ​ലി​ലൂ​ടെ ഒ​ഴു​ക്കി വി​ടാ​റു​ണ്ട്. ഇ​രു​ക​ര​ക​ളി​ലും ചെ​രു​വി​ലും കാ​ട് വ​ള​ർ​ന്നു കി​ട​ക്കു​ന്ന​തു കാ​ര​ണം ക​നാ​ലി​ന്‍റെ ചി​ല ഭാ​ഗ​ങ്ങ​ളി​ൽ മാ​ത്ര​മേ വെ​ള്ളം ഒ​ഴു​കു​ന്ന​ത് കാ​ണാ​നാ​കു​ക​യു​ള്ളൂ.

മു​ൻ​പ് തൊ​ഴി​ലു​റ​പ്പ് തൊ​ഴി​ലാ​ളി​ക​ൾ ഭാ​ഗി​ക​മാ​യി ശു​ചീ​ക​രി​ച്ചി​രു​ന്നു. ഇ​പ്പോ​ൾ അ​തും നി​ല​ച്ചി​രി​ക്കു​ക​യാ​ണ്. ബ്രാ​ഞ്ച്, സ​ബ് ക​നാ​ലു​ക​ൾ അ​റ്റ​കു​റ്റ പ​ണി​ക​ൾ ചെ​യ്യേ​ണ്ട​ത് അ​താ​ത് ത​ദ്ദേ​ശ​സ്വ​യം ഭ​ര​ണ സ്ഥാ​പ​ന​ങ്ങ​ൾ​ക്കാ​ണ്. എ​ന്നാ​ൽ അ​വ​ർ അ​ത് ചെ​യ്യാ​റി​ല്ല. അ​തി​നാ​ൽ ത​ന്നെ അ​ണ​ക്കെ​ട്ട് തു​റ​ന്നാ​ൽ പോ​ലും ക​ർ​ഷ​ക​ർ​ക്ക് കൃഷി​യി​ട​ത്തി​ലേ​യ്ക്ക് വെ​ള്ളം എ​ത്തി​ക്കാ​ൻ സാ​ധി​ക്കു​ന്നി​ല്ല. ഇ​ട​തു​ക​ര ക​നാ​ലി​ൽ നി​ന്നാ​ണ് വി​വി​ധ പ​ഞ്ചാ​യ​ത്തു​ക​ളി​ലേ​യ്ക്ക് കു​ടി​വെ​ള്ള പ​ദ്ധ​തി​ക​ളു​ള്ള​ത്. പ​ക്ഷേ ക​നാ​ലു​ക​ൾ വ​ഴി വെ​ള്ളം ക​ർ​ഷ​ക​ർ​ക്ക് എ​ത്തി​ക്കാ​ൻ ക​ഴി​യാ​ത്ത നി​ലയാണ്.

ഇ​ട​തുക​ര മെ​യി​ൻ ക​നാ​ലിന് 33.82 കി.മീ നീ​ള​മു​ണ്ട്. ഇ​ട​തു​ക​ര ക​നാ​ലു​ക​ളു​ടെ ബ​ണ്ടി​ലൂ​ടെ പ​ല​സ്ഥ​ല​ത്തും ന​ട​പ്പാ​ത​യും റോ​ഡു​മു​ണ്ട്. ക​നാ​ലി​ൽ പാ​ഴ്‌​ച്ചെ​ടി​ക​ൾ വ​ള​ർ​ന്ന് റോ​ഡു​ക​ളി​ൽ​വ​രെ കാ​ടു​ക​യ​റി​യ​തോ​ടെ ഇ​തു​വ​ഴി​യു​ള്ള യാ​ത്ര​ക്കാ​രും ബു​ദ്ധി​മു​ട്ടി​ലാ​ണ്. ​മ​ണ്ണു​മൂ​ടി​യും കാ​ടു​ക​യ​റി​യും നാ​ശ​ത്തി​ന്റെ വ​ക്കി​ലാ​യ ക​നാ​ൽ ന​വീ​ക​രി​ക്കാ​ൻ ജ​ല​സേ​ച​ന വ​കു​പ്പ് അ​ധി​കൃ​ത​ർ ത​ദ്ദേ​ശ സ്വ​യം​ഭ​ര​ണ​സ്ഥാ​പ​ന​ങ്ങ​ളോ​ട് മാ​സ​ങ്ങ​ൾ​ക്കു മു​ൻ​പ് ആ​വ​ശ്യ​പ്പെ​ട്ടി​രു​ന്നു.

ഓ​രോ ത​ദ്ദേ​ശ സ്വ​യം​ഭ​ര​ണ​സ്ഥാ​പ​ന​ങ്ങ​ളു​ടെ​യും അ​തി​ർ​ത്തി​യി​ൽ വ​രു​ന്ന ക​നാ​ൽ ന​വീ​ക​രി​ക്ക​ണ​മെ​ങ്കി​ൽ വ​ലി​യ തു​ക ചെ​ല​വ​ഴി​ക്കേ​ണ്ടി​വ​രും. ഇ​ത് ഓ​രോ പ​ഞ്ചാ​ത്തു​ക​ൾ​ക്കും താ​ങ്ങാ​നാ​വു​ന്ന​ത​ല്ല. അ​തോ​ടെ അ​തും ന​ട​പ്പാ​യി​ല്ല.