തി​രു​വ​ല്ലം: പു​ഞ്ച​ക്ക​രി​യി​ല്‍ ദ​മ്പ​തി​ക​ളു​ടെ വ​ഴ​ക്കി​നെ​ത്തു​ട​ര്‍​ന്നു​ണ്ടാ​യ ത​ര്‍​ക്ക​ത്തി​ല്‍ ഭ​ര്‍​ത്താ​വ് വാ​ഹ​ന​ങ്ങ​ള്‍ ക​ത്തി​ച്ചു. തി​രു​വ​ല്ലം പു​ഞ്ച​ക്ക​രി വാ​ര്‍​ഡ് പേ​ര​കം ജം​ഗ്ഷ​ന്‍ ടി.​സി - 57 / 2261 രെ​ഞ്ചു വി​ഹാ​റി​ല്‍ വാ​ട​ക​യ്ക്ക് താ​മ​സി​ക്കു​ന്ന ശ​ര​ണ്യ-​ശ​ങ്ക​ര്‍ ദ​മ്പ​തി​ക​ളു​ടെ വീ​ട്ടു​വ​ഴ​ക്കി​നെ​ത്തു​ട​ര്‍​ന്നു​ണ്ടാ​യ ത​ര്‍​ക്ക​ത്തി​നി​ടെ​യാ​ണ് ശ​ങ്ക​ര്‍ വാ​ഹ​ന​ങ്ങ​ള്‍ ക​ത്തി​ച്ച​ത്.

പി​ണ​ക്ക​വും ത​ര്‍​ക്ക​വും നി​ല​നി​ന്നി​രു​ന്ന​തി​നാ​ല്‍ ശ​ര​ണ്യ അ​വ​രു​ടെ കു​ടും​ബ​വീ​ട്ടി​ലും ശ​ങ്ക​ര്‍ അ​യാ​ളു​ടെ കു​ടും​ബ വീ​ട്ടി​ലു​മാ​യി​രു​ന്നു സം​ഭ​വ ദി​വ​സം ക​ഴി​ഞ്ഞി​രു​ന്ന​ത്. ഇ​തി​നി​ടെ ബു​ധ​നാ​ഴ്ച രാ​ത്രി ഇ​യാ​ള്‍ ശ​ര​ണ്യ​യെ ഫോ​ണി​ല്‍ വി​ളി​ച്ച് വാ​ട​ക വീ​ട്ടി​ല്‍ പാ​ര്‍​ക്ക് ചെ​യ്തി​രി​ക്കു​ന്ന വാ​ഹ​ന​ങ്ങ​ള്‍ ക​ത്തി​ക്കുമെന്നു ഭീ​ഷ​ണി​പ്പെ​ടു​ത്തിയിരുന്നു.

ഈ ​സ​മ​യം ശ​ര​ണ്യ തി​രു​വ​ല്ലം പോ​ലീ​സി​ല്‍ വി​ളി​ച്ച് ശ​ങ്ക​ര്‍ വാ​ഹ​ന​ങ്ങ​ള്‍ ക​ത്തി​ക്കു​വാ​നാ​യി നി​ല്‍​ക്കു​ന്ന​താ​യി പ​രാ​തി​പ്പെ​ടു​ക​യും പോ​ലീ​സ് സ്ഥ​ല​ത്തെ​ത്തി​യ​പ്പോ​ള്‍ ശ​ങ്ക​റി​നെ കാ​ണാ​ത്ത​തി​നാ​ല്‍ മ​ട​ങ്ങി പോ​കു​ക​യു​മാ​യി​രു​ന്നു. എ​ന്നാ​ല്‍ വ്യാ​ഴാ​ഴ്ച പു​ല​ര്‍​ച്ചെ 1.15 ഓ​ടെ ശ​ങ്ക​ര്‍ വാടകവീ​ട്ടി​ല്‍ എ​ത്തു​ക​യും അ​വി​ടെ പാ​ര്‍​ക്ക് ചെ​യ്തി​രു​ന്ന അ​യാ​ളു​ടെ പേ​രി​ലു​ണ്ടാ​യി​രു​ന്ന വാഹനങ്ങൾ തീ​യി​ടു​ക​യാ​യി​രു​ന്നു. സ​മീ​പ​വാ​സി​ക​ള്‍ വി​വ​രം അ​റി​യി​ച്ച​തി​നെ​ത്തു​ട​ര്‍​ന്ന് തി​രു​വ​ല്ലം പോ​ലീ​സും വി​ഴി​ഞ്ഞ​ത്തു​നി​ന്നും ഫ​യ​ര്‍ ഫോ ​ഴ്‌​സ് സം​ഘ​വും എ​ത്തി​യെ​ങ്കി​ലും ര​ണ്ട് വാ​ഹ​ന​ങ്ങ​ളും പൂ​ര്‍​ണ​മാ​യും ക​ത്തി​യനി​ല​യി​ലാ​യി​രു​ന്നു.

പോ​ലീ​സ് സം​ഘം സ​മീ​പ​ത്തു​ണ്ടാ​യി​രു​ന്ന തീ ​പി​ടി​ച്ചു​തു​ട​ങ്ങി​യ സ്‌​കൂ​ട്ട​റും സൈ​ക്കി​ളു​ക​ളും സ​മീ​പ​ത്തെ ഹോ​സി​ല്‍ നി​ന്നും വെ​ള്ളമെ​ടു​ത്ത് അ​ണ​യ്ക്കു​ക​യും നീ​ക്കം ചെ​യ്യു​കയും ചെ യ്തു. തു​ട​ര്‍​ന്ന് ഫ​യ​ര്‍ ഫോ​ഴ്‌​സ് അ​ധി​കൃ​ത​ര്‍ വാ​ഹ​ന​ങ്ങ​ളി​ലെ​യും വീ​ടി​നു​ള്ളിലെ​യും തീ ​പൂ​ര്‍​ണ​മാ​യും കെ​ടു​ത്തി. വാ​ഹ​ന​ങ്ങ​ള്‍​ക്കു സ​മീ​പം പേ​പ്പ​റു​ക​ള്‍ കൂ​ട്ടി​യി​ട്ടാ​ണു തീകൊളുത്തിയതെ ന്നുംപോ​ലീ​സ് പ​റ​ഞ്ഞു.

ഏ​ക​ദേ​ശം 10 ല​ക്ഷം രൂ​പ​യു​ടെ ന​ഷ്ടം ക​ണ​ക്കാ​ക്കു​ന്നു. തി​രു​വ​ല്ലം എ​സ്എ​ച്ച്​ഒ പ്ര​ദീ​പി​ന്‍റെ നേ​തൃ​ത്വ​ത്തി​ലു​ള​ള പോ​ലീ​സ് സം​ഘം ക​സ്റ്റ​ഡി​യി​ലെ​ടു​ത്ത ശ​ങ്ക​റി​നെ അ​റ​സ്റ്റ് രേ​ഖ​പ്പെ​ടു​ത്തി കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍​ഡ് ചെ​യ്തു.