ADVERTISEMENT

ADVERTISEMENT

പരിയാപുരം സെന്‍റ് മേരീസ് സ്കൂളിൽ വിജയോത്സവം

അങ്ങാടിപ്പുറം: വിദ്യാഭ്യാസ രംഗത്ത് മലപ്പുറം ജില്ലയുടെ കുതിച്ചുചാട്ടം അഭിമാനർഹമെന്ന് മഞ്ഞളാംകുഴി അലി എംഎൽഎ. പരിയാപുരം സെന്‍റ് മേരീസ് ഹയർ സെക്കൻഡറി സ്കൂളിൽ എസ്എസ്എൽസി വിജയോത്സവം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മൂല്യബോധമുള്ള തലമുറയെ വാർത്തെടുക്കലാണ് വിദ്യാഭ്യാസത്തിന്‍റെ പരമമായ ലക്ഷ്യം.

ഇക്കാര്യം രക്ഷിതാക്കളും അധ്യാപകരും ഓർമിക്കണമെന്ന് അദ്ദേഹം പറഞ്ഞു. സ്കൂൾ ഓഡിറ്റോറിയത്തിൽ നടന്ന ചടങ്ങിൽ എസ്എസ്എൽസി പരീക്ഷയിൽ മുഴുവൻ വിഷയങ്ങൾക്കും എ പ്ലസ് നേടിയ 51 വിദ്യാർഥികൾക്ക് പുരസ്കാരം നൽകി.

സമ്മേളനത്തിൽ സ്കൂൾ അസിസ്റ്റ്റന്‍റ് മാനേജർ ഫാ.ജോസഫ് വെട്ടുകല്ലേൽ അധ്യക്ഷത വഹിച്ചു. ജില്ലാപഞ്ചായത്ത് അംഗം പി.ഷഹബാൻ, ബ്ലോക്ക് പഞ്ചായത്ത് അംഗം വിൻസി അനിൽ, ഗ്രാമപഞ്ചായത്ത് അംഗം അനിൽ പുലിപ്ര, പിടിഎ പ്രസിഡന്‍റ് സാജു ജോർജ്, പ്രധാനാധ്യാപകൻ പി.ടി.ബിജു, വിജയഭേരി കോ-ഓർഡിനേറ്റർ മനോജ് വീട്ടുവേലിക്കുന്നേൽ, സ്കൂൾ ലീഡർ കെ.ഫാത്തിമ സന, എം.ബി.ദിയ, നന്ദിക പ്രഭാത്കുമാർ എന്നിവർ പ്രസംഗിച്ചു. സന മെറിൻ, എം.ടി.ദേവ്ദത്ത് എന്നിവർ ഗാനങ്ങൾ ആലപിച്ചു.

അന്ന റോസ്, എ.വി.റിയാന, ഹന്ന സത്താർ, അതുൽ കൃഷ്ണ, എസ്.ആർദ്ര കൃഷ്ണ, എ.സോജാ രാജ്, പി.നാജിയ നസ്റിൻ, കെ.ടി.നിവേദ്യ വിനോദ്, അഭിഷേക് ജോസഫ്, കെ.ആര്യ, കെ.പി.ഫാത്തിമ ഷഹാന, എയ്ഞ്ചൽ ജോഷി, ടി.അയിഷ നെഹറിൻ, കെ.റീഹ ഫാത്തിമ, ഇൻഷ അക്ബർ, പി.സംഗീത് കൃഷ്ണ, അശ്വിൻ അജീഷ്, ദിയ ദിലീപ്, വി.പ്രണവ്, ജെറോം ജോയ്, മിത ട്രീസ, എം.ബി.ദിയ, വി.ഫാത്തിമ സന, മെറിൻ മനോജ്, വി.കെ.റിയ ഫാത്തിമ, സി.അഷ്മിക, റിയ, പി.അദ്വൈത് കൃഷ്ണ, ആന്‍റണി മാത്യു,

ഐറിൻ ആൻഡ്രൂസ്, ജെറെമിയ രാജേഷ്, ആൻ ലിയ ലിജോ, ജി.കെ.ആദിത്യ, അലൻ കെ.മെജോ, സാനിയ സെബാസ്റ്റ്യൻ, ജിയ മരിയ റോസ്, എ.ഫാത്തിമ റിദ, പി.എൻ.നിവേദിത, ഫാത്തിമ നജഹ്, പി.എസ്.പ്രദ്യുൻജിത്ത്, ഫിദ ഫാത്തിമ, ആൽഫി എൽസ ഷെല്ലി, അൽവീന സിറിൾ, പി.ലിബ വഹാബ്, പി.അനുശ്രീ, കെ.പി.അഭിനവ്, കെ.ഫാത്തിമ ഷാന, അൽന തെരേസ, കെ.ഫാത്തിമ റിൻഷ, ആൽജോ ഷാജി, ടി.ദിന ഫാത്തിമ എന്നിവർ ഉപഹാരങ്ങൾ ഏറ്റുവാങ്ങി.

ADVERTISEMENT

പൊട്ടിയ സ്ലാബ് ഭീഷണിയാകുന്നു

പെരിന്തൽമണ്ണ: ദേശീയപാതയിൽ പെരിന്തൽമണ്ണ - കോഴിക്കോട് റോഡിൽ ആമിന പോളിക്ലിനിക്, മിനാർ ലൈൻ ഭാഗങ്ങളിലേക്ക് പോകുന്ന പ്രധാനറോഡിന്‍റെ വലതുവശത്തുള്ള സ്ലാബ് തകർന്ന നിലയിൽ. സ്ലാബ് തകർന്നതോടെ ഇതിലൂടെ പോകുന്ന കാൽനടയാത്രക്കാർക്ക് ഭീഷണിയായിട്ടുണ്ട്. ദിവസേന നിരവധി ആളുകളാണ് ഇതിലൂടെ കാൽനട യാത്ര ചെയ്യുന്നത്. സ്ലാബ് പൊട്ടിയ വിവരമറിയാതെ ഇതിലൂടെ നടന്നുപോകുന്പോൾ അപകടത്തിൽപ്പെടാനും സാധ്യതയുണ്ട്. മഴക്കാലമായതിനാൽ അപകട സാധ്യത വർധിച്ചിരിക്കുകയാണ്. പ്രദേശവാസികൾ അധികൃതരുടെ ശ്രദ്ധയിൽ പെടുത്തിയെങ്കിലും നടപടി ഉണ്ടായിട്ടില്ല. തകർന്ന സ്ലാബ് പുനർനിർമിക്കണമെന്നും പൊതുജനങ്ങളുടെ സുരക്ഷ ഉറപ്പാക്കണമെന്നും നാട്ടുകാർ ആവശ്യപ്പെട്ടു.

ഏലംകുളത്ത് നിറപൊലിമയ്ക്ക് തുടക്കം

ഏലംകുളം: ഏലംകുളം പഞ്ചായത്തിൽ നിറപ്പൊലിമക്ക് തുടക്കമായി. പഞ്ചായത്തും കുടുംബശ്രീയും ചേർന്ന് രണ്ടര ഏക്കർ സ്ഥലത്ത് ഓണം പ്രമാണിച്ച് മല്ലിക കൃഷി നടുന്നതാണ് പദ്ധതി. പഞ്ചായത്തിലെ വിവിധ കുടുംബശ്രീ അംഗങ്ങളുടെയും സംഘകൃഷിക്കാരുടെയും നേതൃത്വത്തിലാണ് നിറപ്പൊലിമ നടപ്പാക്കുന്നത്. പഞ്ചായത്തിലെ കുടുംബങ്ങൾക്ക് ഓണത്തിന് പൂവിടുന്നതിന് വേണ്ടിയാണിത്. ചെണ്ടുമല്ലിക തൈനടീൽ റോസ് സംഘകൃഷി ഗ്രൂപ്പിലെ ഇന്ദിരയുടെ 35 സെന്‍റ് സ്ഥലത്താണ് തുടക്കമിട്ടത്. പഞ്ചായത്ത് പ്രസിഡന്‍റ് പി. സുധീർബാബു ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ എം.ആർ. മനോജ് അധ്യക്ഷനായിരുന്നു. സിഡിഎസ് പ്രസിഡന്‍റ് സുനിത പദ്ധതി വിശദീകരിച്ചു. പ്രമുഖർ പ്ങ്കെടുത്തു.

അങ്ങാടിപ്പുറത്തെ ഗതാഗതകുരുക്ക് : സ്വകാര്യബസുകൾ നാളെ മുതൽ അനിശ്ചിതകാല സമരത്തിലേക്ക്

പെരിന്തൽമണ്ണ: ദേശീയപാതയിലെ അങ്ങാടിപ്പുറത്തെ ഗതാഗത കുരുക്കിന് പരിഹാരം കാണണമെന്നാവശ്യപ്പെട്ട് നാളെ മുതൽ സ്വകാര്യബസ് തൊഴിലാളികൾ അനിശ്ചിതകാല സമരത്തിലേക്ക്. ഗതാഗതകുരുക്കിന് പരിഹാരം കാണണമെന്നാവശ്യപ്പെട്ട് പലതവണ അധികൃതർക്ക് നിവേദനം നൽകിയിട്ടും പരിഹാരമില്ലാത്ത സാഹചര്യത്തിലാണ് പെരിന്തൽമണ്ണയിൽ നിന്ന് പുറപ്പെടുന്ന മഞ്ചേരി, മലപ്പുറം, കോട്ടക്കൽ, വളാഞ്ചേരി, വലന്പൂർ, കൂട്ടിൽ, മറ്റ് ഉൾപ്രദേശങ്ങളിലേക്കുമുള്ള സ്വകാര്യബസുകൾ സർവീസ് നിർത്തിവയ്ക്കാൻ നിർബന്ധിതരായിരിക്കുന്നത്. അങ്ങാടിപ്പുറം മേൽപ്പാലത്തിലെ ഗതാഗത തടസവും പാലത്തിന് മുന്നിലെ വലിയ കുഴികളും കാരണം വലിയ വാഹനങ്ങൾ കടന്നുപോകാൻ നന്നേ പ്രയാസപ്പെടുന്നു. വാഹനങ്ങൾക്ക് സമയക്രമം പാലിച്ച് ഓടാൻ കഴിയാത്തതാണ് മുഖ്യപ്രശ്നം. ഇതോടൊപ്പം ബസുകളുടെ വരുമാനത്തെയും ഇത് വലിയ തോതിൽ ബാധിക്കുന്നുണ്ട്. പെരിന്തൽമണ്ണയിലേക്ക് രോഗികളുമായി വരുന്ന ആംബുലൻസുകൾക്കും ഇതുവഴി കടന്നുപോകുന്ന ആയിരക്കണക്കിന് യാത്രക്കാർക്കും ഗതാഗത തടസം വലിയ ബുദ്ധിമുട്ട് സൃഷ്ടിക്കുന്നുണ്ട്. ഈ വിഷയത്തിൽ അധികൃതർ പരിഹാരം കാണാത്തതിൽ പ്രതിഷേധിച്ചാണ് നാളെ മുതൽ അനിശ്ചിതകാല സമരം നടത്താൻ ബസ് ജീവനക്കാരുടെ നീക്കം. ബസ് സമരത്തിന് ഉടമകളുടെ പിന്തുണയുണ്ടെന്നാണ് അറിയുന്നത്.

യുഡിഎഫ് വിജയം; പ്രതീക്ഷയോടെ മലയോര ജനത

നിലന്പൂർ: നിലന്പൂർ ഉപതെരഞ്ഞെടുപ്പിൽ യുഡിഎഫ് വിജയത്തിൽ പ്രതീക്ഷയോടെ മലയോര ജനത. നിലന്പൂരിൽ നിന്ന് ആര്യാടൻ ഷൗക്കത്ത് എംഎൽഎയായി തെരഞ്ഞെടുക്കപ്പെട്ടതോടെ മലയോര ജനത വലിയ പ്രതീക്ഷയിലാണ്. പ്രധാന ജനകീയ വിഷയമായ വന്യമൃഗശല്യത്തിന് ശാശ്വത പരിഹാരം കണ്ടെത്താൻ നിയമസഭയിൽ ആര്യാടൻ ഷൗക്കത്തും യുഡിഎഫും ശക്തമായ ഇടപെടൽ നടത്തുമെന്ന പ്രതീക്ഷ മലയോര ജനതക്കുണ്ട്. ഉപതെരഞ്ഞെടുപ്പിൽ ജനങ്ങൾക്ക് മുന്നിൽ യുഡിഎഫ് മുന്നോട്ട് വച്ച വിഷയങ്ങളിൽ പ്രധാനപ്പെട്ടതാണ് വന്യമൃഗശല്യം പ്രശ്നം. ഉപതെരഞ്ഞെടുപ്പുമായി ബന്ധപ്പെട്ട് പ്രതിപക്ഷ നേതാവ് വി.ഡി.സതീശൻ ഞങ്ങൾ ജയിച്ചാൽ വന്യമൃഗശല്യം പരിഹരിക്കാൻ കൃത്യമായ പദ്ധതികൾ ഉണ്ടെന്നും ഉറപ്പ് നൽകിയിരുന്നു. നിലന്പൂർ മണ്ഡലത്തിലെ ജനങ്ങൾ നേരിടുന്ന പ്രധാന വെല്ലുവിളി വന്യമൃഗശല്യം തന്നെയാണ്. മറ്റൊന്ന് കഴിഞ്ഞ ഒന്പത് വർഷമായിട്ടും എൽഡിഎഫ് സർക്കാരിന് യാഥാർഥ്യമാക്കാൻ കഴിയാതെ പോയ നിലന്പൂർ ബൈപ്പാസ് യാഥാർഥ്യമാക്കാൻ ആര്യാടൻ ഷൗക്കത്തിന്‍റെ വിജയം വലിയ തോതിൽ സഹായിക്കുമെന്ന പ്രതീക്ഷയും ജനങ്ങൾക്കുണ്ട്. ബൈപ്പാസിന്‍റെ നിർമാണത്തിനും ഭൂമി വിട്ടു നൽകിയവർക്ക് നഷ്ടപരിഹാരം നൽകാനുമുള്ള തുക സർക്കാർ അനുവദിച്ചിട്ടുണ്ട്. ഈ നടപടികൾ വേഗമായാൽ നിലന്പൂരിന്‍റെ ശാപമായി മാറിയിരിക്കുന്ന ഗതാഗതകുരുക്കിനും ഒരളവ് വരെ പരിഹാരമാകും. പ്രതിപക്ഷ എംഎൽഎ എന്ന നിലയിൽ ആര്യാടൻ ഷൗക്കത്തിന് ഇക്കാര്യത്തിൽ സർക്കാരിന്‍റെ അനുകൂല നിലപാട് അനിവാര്യമാണ്. എന്തായാലും നിലന്പൂരിലെ ജനകീയ വിഷയങ്ങളിലും വികസന പ്രവർത്തനങ്ങളിലും തന്‍റെ ഇടപെടൽ ഉണ്ടാകുമെന്നാണ് നിയുക്ത എംഎൽഎ ആര്യാടൻ ഷൗക്കത്ത് ചന്തക്കുന്നിൽ യുഡിഎഫ് പ്രവർത്തകർ നൽകിയ സ്വീകരണ യോഗത്തിൽ നൽകിയ ഉറപ്പ്. ഇതാകട്ടെ നിലന്പൂരിന്‍റെ പ്രതീക്ഷ വർധിപ്പിക്കുന്നതാണ്.

നിലന്പൂർ ഉപതെരഞ്ഞെടുപ്പ് : വോട്ടർമാർക്ക് നന്ദി പറഞ്ഞ് ആര്യാടൻ ഷൗക്കത്ത്

എടക്കര: നിലന്പൂർ ഉപതെരഞ്ഞെടുപ്പിൽ വൻ ഭൂരിപക്ഷത്തിൽ വിജയിപ്പിച്ച് നിയമസഭയിലേക്കയച്ച വോട്ടർമാർക്ക് നന്ദി പറയാൻ ആര്യാടൻ ഷൗക്കത്ത് മണ്ഡലത്തിൽ പര്യടനം നടത്തി. ഇന്നലെ വൈകിട്ട് നാലിന് നിലന്പൂർ ചന്തക്കുന്നിൽ നിന്നാണ് പര്യടനം ആരംഭിച്ചത്. നിരവധി വാഹനങ്ങളുടെ അകന്പടിയോടെ തുറന്ന വാഹനത്തിൽ യുഡിഎഫ് നേതാക്കൾക്കൊപ്പമായിരുന്നു ആര്യാടൻ ഷൗക്കത്തിന്‍റെ വരവ്. ഇടമുറിയാതെ പെയ്ത മഴയെയും അവഗണിച്ച് സ്ത്രീകളും കുട്ടികളും ഉൾപ്പെടെയുള്ള നൂറുക്കണത്തിന് ആളുകളാണ് ഓരോ കേന്ദ്രത്തിലും നിലന്പൂരിന്‍റെ പുതിയ എംഎൽഎയെ കാത്തുനിന്നത്. ചുങ്കത്തറ എടമലയിലെത്തിയ ഷൗക്കത്ത് വോട്ടർമാർക്ക് ഹസ്തദാനം നൽകി നന്ദി പറഞ്ഞു. തുടർന്ന് ചുങ്കത്തറ ടൗണ്‍, പോത്തുകൽ, നാരോക്കാവ്, വഴിക്കടവ്, എടക്കര, മൂത്തേടം, കരുളായി, അമരന്പലം എന്നിവിടങ്ങളിലും പര്യടനം നടത്തി വോട്ടർമാർക്ക് നന്ദി അറിയിച്ചു. ജില്ലാ പഞ്ചായത്ത് വൈസ് പ്രസിഡന്‍റ് ഇസ്മായിൽ മൂത്തേടം, കെ.ടി. കുഞ്ഞാൻ, സി.എച്ച്. ഇഖ്ബാൽ, എൻ.എ. കരീം, എ. ഗോപിനാഥ്, ടി.പി. അഷ്റഫലി, മച്ചിങ്ങൽ കുഞ്ഞു, ഹാരിസ് ബാബു ചാലിയാർ, ബാബു തോപ്പിൽ, താജ സക്കീർ, ഹൈദ്രു ചുങ്കത്തറ, നാസർ കാങ്കട, റഷീദ് വരിക്കോടൻ, മണ്ഡലം, പഞ്ചായത്ത് യുഡിഎഫ് ഭാരവാഹികൾ എന്നിവർ ഷൗക്കത്തിനെ അനുഗമിച്ചു.

പുന്നക്കൽ ഷംസു വധശ്രമക്കേസ്: നാലാം പ്രതി അറസ്റ്റിൽ

മഞ്ചേരി: സിഐടിയു നേതാവ് മഞ്ചേരി ചന്തക്കുന്ന് പുന്നക്കൽ ഷംസുവിനെ വാളുകൊണ്ട് ഗുരുതരമായി വെട്ടിപ്പരിക്കേൽപ്പിക്കുകയും കൊലപ്പെടുത്താൻ ശ്രമിക്കുകയും ചെയ്ത കേസിൽ നാലാം പ്രതിയെ മഞ്ചേരി പോലീസ് അറസ്റ്റ് ചെയ്തു. പുൽപ്പറ്റ കുന്നുമ്മൽ ചീനിമാന്പുറത്ത് ജാഫർ (51)നെയാണ് പുൽപ്പറ്റയിലെ വീട്ടിലെത്തി പോലീസ് ഇൻസ്പെക്ടർ വി. പ്രതാപ് കുമാർ അറസ്റ്റ് ചെയ്തത്. 2001 ജനുവരി 16ന് വൈകീട്ട് അഞ്ചു മണിക്കാണ് കേസിനാസ്പദമായ സംഭവം. മഞ്ചേരി പാണ്ടിക്കാട് റോഡിൽ പ്രവർത്തിച്ചിരുന്ന മാർജിൻ ഫ്രീ മാർക്കറ്റിന് മുൻവശത്തു വച്ച് എൻഡിഎഫ് പ്രവർത്തകരായ അഞ്ചംഗ സംഘമാണ് കടയുടെ മാനേജരായ ഷംസുവിനെ വടിവാൾ കൊണ്ട് മാരകമായി വെട്ടിപ്പരിക്കേൽപ്പിച്ചത്. ഗുരുതര പരിക്കേറ്റ ഷംസുവിനെ നാട്ടുകാർ മഞ്ചേരിയിലും തുടർന്ന് കോയന്പത്തൂരിലും സ്വകാര്യ ആശുപത്രിയിലെത്തിക്കുകയായിരുന്നു. കേസിലെ പ്രതികളെ 2001 ജനുവരി 27ന് പോലീസ് അറസ്റ്റ് ചെയ്തു. ജാഫറിനെയും കേസിലെ മറ്റുപ്രതികളായ പൊന്നാനി നഗരം പിലാക്കൽ സലീം, മലപ്പുറം ഹാജിയാർപള്ളി കണ്ണൻതൊടി അബ്ദുൾ മുനീർ എന്നിവരെയും മഞ്ചേരി അഡീഷണൽ ജില്ലാ സെഷൻസ് കോടതി (രണ്ട്) ആറു വർഷം കഠിന തടവിനും 40000 രൂപ വീതം പിഴയടക്കാനും ശിക്ഷിച്ചിരുന്നു. അഞ്ചാം പ്രതി ഒ.എം.എ. ജബ്ബാറിനെ കുറ്റക്കാരനല്ലെന്ന് കണ്ട് വെറുതെ വിട്ടു. രണ്ടാം പ്രതി തിരുനാവായ വൈരങ്കോട് കൊല്ലൻ ജുബൈർ ജാമ്യത്തിലിറങ്ങി വിദേശത്തേക്ക് മുങ്ങി. പത്തു വർഷത്തിനു ശേഷം നാട്ടിലെത്തിയ ഇയാളെ 2011 ഒക്ടോബർ 25ന് പോലീസ് അറസ്റ്റ് ചെയ്തു. ജുബൈറിന് കോടതി 2018 മാർച്ച് 16ന് അഞ്ചു വർഷം കഠിന തടവും 15000 രൂപ പിഴയും ശിക്ഷ വിധിച്ചു. തുടർന്ന് വിധിക്കെതിരെ പ്രതികൾ ഹൈക്കോടതിയെ സമീപിച്ചു. കേസിൽ വധശ്രമത്തിന്‍റെ വകുപ്പായ 307 നിലനിൽക്കില്ലെന്ന് ഹൈക്കോടതി കണ്ടെത്തുകയും 326 വകുപ്പു പ്രകാരം ശിക്ഷ ഒരു മാസത്തെ കഠിന തടവ് ആക്കി ചുരുക്കുകയുമായിരുന്നു. ഇതിനെതിരെ ഷംസു പുന്നക്കൽ സുപ്രീം കോടതിയെ സമീപിച്ചു. എന്നാൽ 2020 നവംബർ ഏഴിന് ഷംസു മരണപ്പെട്ടു. തുടർന്ന് അദ്ദേഹത്തിന്‍റെ ഭാര്യയായ ടി.എസ്. മീര കേസിൽ കക്ഷി ചേരുകയായിരുന്നു. ഇതേത്തുടർന്ന് സുപ്രീം കോടതി കേസിൽ നിന്ന് വധശ്രമത്തിന്‍റെ വകുപ്പ് ഒഴിവാക്കാനാകില്ലെന്ന് കണ്ടെത്തി. എട്ട് ആഴ്ചകൾക്കകം പ്രതികൾ പോലീസിൽ കീഴടങ്ങണമെന്നും സുപ്രീം കോടതി ആവശ്യപ്പെട്ടിരുന്നു. ഈ കാലയളവിൽ പ്രതികൾ കീഴടങ്ങാത്തതിനെ തുടർന്നാണ് പോലീസ് പ്രതിയെ അറസ്റ്റ് ചെയ്തത്. അവശേഷിക്കുന്നവരെയും ഉടൻ അറസ്റ്റ് ചെയ്യുമെന്ന് പോലീസ് പറഞ്ഞു. അറസ്റ്റിലായ ജാഫറിനെ മഞ്ചേരി അഡീഷണൽ ജില്ലാ സെഷൻസ് കോടതി (രണ്ട്) ജഡ്ജ് എ.വി. ടെല്ലസ് റിമാൻഡ് ചെയ്തു.

ഭരണത്തിനെതിരായ വിധിയെഴുത്ത്: സമാജ്‌വാദി പാർട്ടി

മലപ്പുറം: എൽഡിഎഫ് ഭരണത്തിനെതിരായ കനത്ത തിരിച്ചടിയാണ് നിലന്പൂർ ഉപതെരഞ്ഞെടുപ്പിലെ ഫലമെന്ന് സമാജ്‌വാദി പാർട്ടി ജില്ലാ പ്രസിഡന്‍റ് നാസർ ഒതുക്കുങ്ങൽ, സെക്രട്ടറി ജിഷ പട്ടിപ്പറന്പ് എന്നിവർ പറഞ്ഞു. അടുത്ത നിയമസഭാ തെരഞ്ഞെടുപ്പിലേക്കുള്ള ദിശാ സൂചികയാണ് ഈ ഫലം. വരാനിരിക്കുന്ന പഞ്ചായത്ത് തെരഞ്ഞെടുപ്പിനോടൊപ്പം തന്നെ നിയമസഭാ തെരഞ്ഞെടുപ്പ് കൂടി നടത്തണമെന്നും അവർ ആവശ്യപ്പെട്ടു.

അനധികൃത ക്വാറിയിൽ റവന്യൂ-ജിയോളജി റെയ്ഡ്

മഞ്ചേരി: അനധികൃതമായി പ്രവർത്തിക്കുന്ന കരിങ്കൽ ക്വാറിയിൽ റവന്യൂ-ജിയോളജി വകുപ്പിന്‍റെ സംയുക്ത റെയ്ഡ്. പൂക്കോട്ടൂർ വില്ലേജിലെ ഇല്ല്യംപറന്പിൽ പ്രവർത്തിക്കുന്ന ക്വാറിയിലാണ് ഡെപ്യൂട്ടി തഹസിൽദാർ കൂത്രാടൻ അഹമ്മദ് മുസ്തഫയുടെ നേതൃത്വത്തിൽ റെയ്ഡ് നടത്തിയത്. ക്വാറിയിൽ നിന്ന് ഏഴ് ഹിറ്റാച്ചി എസ്കവേറ്ററുകളും മൂന്ന് ടോറസ് ലോറികളും പിടികൂടി. ഇക്കഴിഞ്ഞ ജൂണ്‍ 18ന് ലഭിച്ച പരാതിയെ തുടർന്ന് 19ന് സ്ഥലത്തെത്തിയ റവന്യൂ ഉദ്യോഗസ്ഥർ സ്ഥലമുടമ സൈതുൽ അനീസിന് സ്റ്റോപ്പ് മെമ്മോ നൽകിയിരുന്നു. ഈ ഉത്തരവ് പ്രകാരം ക്വാറി പ്രവർത്തനം നിർത്തിയിട്ടില്ലെന്നും പൂർവാധികം വ്യാപകമായി തുടരുന്നുവെന്നും രഹസ്യവിവരം ലഭിച്ചതിന്‍റെ അടിസ്ഥാനത്തിൽ ജില്ലാ കളക്ടറും പെരിന്തൽമണ്ണ സബ് കളക്ടറുടെയും നിർദേശ പ്രകാരമാണ് ഇന്നലെ ഉച്ചയോടെ റെയ്ഡ് നടത്തിത്. ഉടമയിൽ നിന്ന് 339000 രൂപ പിഴ ഈടാക്കി. ഇത് മെഷ്യനറിക്ക് മാത്രമുള്ള പിഴയാണെന്നും കൂടുതൽ പരിശോധനക്ക് ശേഷം രണ്ടു കോടിയോളം രൂപ വരുന്ന പിഴ ഈടാക്കുമെന്നും തഹസിൽദാർ എം. മുകുന്ദൻ പറഞ്ഞു. അസിസ്റ്റന്‍റ് ജിയോളജിസ്റ്റ് അജിൽ പ്രകാശ്, വില്ലേജ് ഓഫീസർ സുനിൽ, എസ്വിഒ വർഗീസ്, വില്ലേജ് അസിസ്റ്റന്‍റ് സുരേഷ്, ഡ്രൈവർ ഷഫീഖ് എന്നിവരും റെയ്ഡിൽ പങ്കെടുത്തു.

കാറ്റിൽ മരം വീണ് വീട് തകർന്നു

കരുവാരകുണ്ട്: മലയോര മേഖലയിലുണ്ടായ ശക്തമായ കാറ്റിലും മഴയിലും മരങ്ങൾ കടപുഴകി വീണും പൊട്ടിവീണും വീട് തകർന്നു. കേരള എസ്റ്റേറ്റ് ആലിക്കോട് മഞ്ഞൾപാറയിലെ പൂവിൽ ബീരാന്‍റെ വീടാണ് ഭാഗികമായി തകർന്നത്. വീടിന് സമീപത്തുണ്ടായിരുന്ന മരങ്ങൾ പൊട്ടിവീണാണ് വീട് തകർന്നത്. മേൽക്കൂരയ്ക്കും ചുമരുകൾക്കും കേടുപാട് സംഭവിച്ചിട്ടുണ്ട്. വൻ കൃഷി നാശവും ഉണ്ടായിട്ടുണ്ട്.

റബർ ഡീലേഴ്സ് അസോസിയേഷൻ സമ്മേളനം വന്യമൃഗശല്യം: റബർ മേഖല പ്രതിസന്ധിയിൽ

നിലന്പൂർ: വർധിച്ചുവരുന്ന വന്യമൃഗശല്യം കാരണം കേരളത്തിലെ റബർ ടാപ്പിംഗ് കുറയുന്നത് റബർ വ്യാപാര രംഗത്ത് വൻ പ്രതിസന്ധിയുണ്ടാക്കുന്നതായി ഐആർഡിഎഫ് പ്രസിഡന്‍റ് ജോർജ് വാലി പറഞ്ഞു. റബർ ഡീലേഴ്സ് അസോസിയേഷൻ 24-ാമത് ജില്ലാ വാർഷിക സമ്മേളനം നിലന്പൂരിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വന്യമൃഗശല്യം കാരണം പുലർച്ചെ റബർ ടാപ്പ് ചെയ്യാൻ പോകാൻ കഴിയാത്തത്തതിനാൽ പല കർഷകരും ടാപ്പിംഗ് നിർത്തിവച്ചിരിക്കുകയാണ്. ഇതിനാൽ വ്യാപാര മേഖലയിലേക്കാവശ്യമായ റബർ എത്തുന്നില്ല. മലയോര മേഖലയിൽ പ്രത്യേകിച്ചും വെട്ടാതെ കിടക്കുന്ന തോട്ടങ്ങളുടെ എണ്ണം കൂടിവരുന്നതായും അദ്ദേഹം ചൂണ്ടക്കാട്ടി. 8.75 ലക്ഷം ടണ്ണാണ് ഇന്ത്യയിൽ ഉത്പ്പാദിപ്പിക്കുന്ന റബർ. 5.50 ലക്ഷം ടണ്‍ റബർ ഇറക്കുമതിയും ചെയ്യുന്നുണ്ട്. ഇന്ത്യയിലേക്ക് ഏറ്റവും കൂടുതൽ റബർ ഇപ്പോൾ ഇറക്കുമതി ചെയ്യുന്നത് ആഫ്രിക്കൻ രാജ്യമായ ഐവറികോസ്റ്റിൽ നിന്നാണ്. ഇതിനാൽ ഇന്ത്യയിൽ ആവശ്യത്തിലേറെ റബർ ഇപ്പോൾ ലഭ്യമാണെന്നും അദ്ദേഹം പറഞ്ഞു. ചടങ്ങിൽ ജില്ലാ പ്രസിഡന്‍റ് കെ.വി. ജോഷി അധ്യക്ഷത വഹിച്ചു. ജില്ലാ ജനറൽ സെക്രട്ടറി ഷാജി ജോസഫ് വാർഷിക റിപ്പോർട്ടും ജില്ലാ ഖജാൻജി ടോമി ജോസഫ് വരവ് ചെലവ് കണക്കും അവതരിപ്പിച്ചു. ജോർജി മാത്തൻ, കൃഷ്ണകുമാർ, ലിയാഖത്തലി ഖാൻ, ബിജു പി. തോമസ്, ഡിറ്റോ തോമസ്, മുസ്തഫ കമാൽ, സണ്ണി ജോസഫ്, ജേക്കബ് തുടങ്ങിയവർ പ്രസംഗിച്ചു. ചടങ്ങിൽ അംഗങ്ങളുടെ മക്കളിൽ എസ്എസ്എൽസി, പ്ലസ്ടു പരീക്ഷകളിൽ മികച്ച വിജയം നേടിയ കുട്ടികൾക്ക് ഉപഹാരങ്ങൾ നൽകി.

നിലന്പൂർ ആലോടിയിൽ കാട്ടാന വ്യാപകമായി കൃഷി നശിപ്പിച്ചു

നിലന്പൂർ: പെരുന്പത്തൂർ ആലോടി പ്രദേശം കാട്ടാന ഭീതിയിൽ. ഇന്നലെ പുലർച്ചെ എത്തിയ ചുള്ളിക്കൊന്പൻ വ്യാപകമായി കൃഷി നശിപ്പിച്ചു. ഷെഡ്ഡിൽ കിടന്നുറങ്ങിയ ചൂരപ്പാറ ശ്രീധരൻ കാട്ടാനയുടെ മുന്നിൽ നിന്ന് രക്ഷപ്പെട്ടത് തലനാരിഴക്ക്. ഇപ്പോഴും ഭീതി മാറിയിട്ടില്ലെന്നും ശ്രീധരൻ പറഞ്ഞു. കണ്ണംകുന്നേൽ ഉണ്ണികൃഷ്ണന്‍റെ അര ഏക്കറോളം സ്ഥലത്തെ കൃഷിയാണ് കാട്ടാന കുത്തിമറിച്ച് നശിപ്പിച്ചത്. കായ്ഫലമുള്ള തെങ്ങുകൾ, കമുകുകൾ, വാഴകൾ ഉൾപ്പെടെ നശിപ്പിച്ചു. കാട്ടാനകൾ വ്യാപകമായി കൃഷികൾ നശിപ്പിക്കുന്നതിനാൽ ജീവിക്കാൻ കഴിയാത്ത അവസ്ഥയാണെന്ന് ഉണ്ണികൃഷ്ണന്‍റെ മാതാവ് ഭാനുമതി പറഞ്ഞു. തന്‍റെ വീടിനു മുന്നിൽ കാട്ടാനയെത്തിയപ്പോൾ വീടിനുള്ളിൽ ഭയന്നിരിക്കുകയായിരുന്നു താനെന്ന് കാരാട്ട്തൊടി നാരായണൻ പറഞ്ഞു. ചാലിയാർ പഞ്ചായത്തിലെ ആലോടിയിലെ നാൽപ്പതിലേറെ കുടുംബങ്ങളാണ് രാത്രിയായാൽ വീട്ടുമുറ്റത്തേക്ക് ഇറങ്ങാൻ കഴിയാതിരിക്കുന്നത്. വനംവകുപ്പ് ഉദ്യോഗസ്ഥരെ വിളിച്ചാൽ മണിക്കൂറുകൾക്ക് ശേഷമാണ് എത്തുക. വീടുകളുടെ മതിലുകൾ ഉൾപ്പെടെ തകർത്ത് ഭീതി വിതക്കുന്ന അപകടകാരിയായ ചുള്ളിക്കൊന്പൻ രാത്രിയാകുന്നതോടെ കാനക്കുത്ത് വനമേഖലയിൽ നിന്നാണ് എത്തുന്നത്. കൃഷി ചെയ്ത് ഉപജീവനം നടത്തുന്ന കർഷകർ വന്യമൃഗശല്യം മൂലം ആത്മഹത്യയുടെ വക്കിലാണ്. തെരഞ്ഞെടുപ്പ് കാലത്ത് വന്യമൃഗശല്യത്തിനെതിരെ നേതാക്കൾ വലിയ തോതിൽ പ്രതിഷേധവുമായി രംഗത്ത് വന്നിരുന്നെങ്കിലും അത് കഴിയുന്നതോടെ കർഷകരുടെ അവസ്ഥ പഴയ പടി തന്നെയാകും. 50 ലേറെ വർഷമായി കർഷകർ താമസിക്കുന്ന സ്ഥലങ്ങളിലേക്കും വീട്ടുമുറ്റങ്ങളിലേക്കുമാണ് കാട്ടാനകൾ എത്തുന്നത്. സർക്കാരും വനംവകുപ്പും ഇക്കാര്യത്തിൽ നടപടി എടുത്തില്ലെങ്കിൽ ജീവിതം വഴിമുട്ടുമെന്നും തങ്ങൾക്ക് മുന്നിൽ മറ്റ് മാർഗങ്ങൾ ഇല്ലെന്നുമാണ് പ്രദേശവാസികൾ പറയുന്നത്. കഴിഞ്ഞ ദിവസം ഇവിടെത്തെ ഒരു വീടിന്‍റെ മതിലുകൾ ചുള്ളിക്കൊന്പൻ തകർത്തിരുന്നു.

കാറിടിച്ച് പരിക്കേറ്റ് ചികിത്സയിലായിരുന്ന വയോധിക മരിച്ചു

മഞ്ചേരി: കാറിടിച്ച് ഗുരുതര പരിക്കേറ്റ് ചികിത്സയിലായിരുന്ന വയോധിക മരിച്ചു. മഞ്ചേരി മുള്ളന്പാറ നീലിപ്പറന്പ് പൂത്തില്ലൻ വിജയലക്ഷ്മി എന്ന ബേബി (72) യാണ് മരിച്ചത്. ഇക്കഴിഞ്ഞ ശനിയാഴ്ച രാവിലെ 10.30ന് മഞ്ചേരി കച്ചേരിപ്പടി-തുറക്കൽ ബൈപാസ് റോഡിൽ ബിസ്മി സൂപ്പർ മാർക്കറ്റിന് സമീപമാണ് അപകടം നടന്നത്. വീട്ടിൽ നിന്ന് ബാങ്കിലേക്ക് പോവുകയായിരുന്ന വിജയലക്ഷ്മിയെ കാർ ഇടിക്കുകയായിരുന്നു. ഉടൻ മഞ്ചേരി മെഡിക്കൽ കോളജാശുപത്രിയിലും തുടർന്ന് കോഴിക്കോട് മെഡിക്കൽ കോളജാശുപത്രിയിലും പ്രവേശിപ്പിച്ചുവെങ്കിലും മരണപ്പെടുകയായിരുന്നു. മഞ്ചേരി എസ്ഐ സത്യപ്രസാദ് ഇൻക്വസ്റ്റ് നടത്തിയ മൃതദേഹം കോഴിക്കോട് മെഡിക്കൽ കോളജിൽ പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടു നൽകി. കൃഷ്ണകുമാർ എന്ന കുമാറാണ് മരിച്ച വിജയലക്ഷ്മിയുടെ ഭർത്താവ്.

നിലമ്പൂരിലെ വിജയം: യുഡിഎഫ് പ്രവർത്തകർ ആഹ്ലാദ പ്രകടനം നടത്തി

മഞ്ചേരി: നിലമ്പൂര്‍ നിയമസഭാ ഉപതെരഞ്ഞെടുപ്പിലെ യുഡിഎഫ് സ്ഥാനാര്‍ഥി ആര്യാടന്‍ ഷൗക്കത്തിന്‍റെ വിജയത്തില്‍ യുഡിഎഫ് പ്രവര്‍ത്തകര്‍ മഞ്ചേരി സിവില്‍ സ്റ്റേഷന്‍ പരിസരത്ത് ആഹ്ലാദ പ്രകടനം നടത്തി. നിയുക്ത എംഎല്‍എക്ക് അഭിവാദ്യങ്ങള്‍ അര്‍പ്പിച്ചു നടത്തിയ പ്രകടനത്തിന് എന്‍ജിഒ അസോസിയേഷന്‍ ജില്ലാ വൈസ് പ്രസിഡന്‍റ് കെഎം ഗോവിന്ദന്‍ നമ്പൂതിരി, ജില്ലാ കണ്‍വീനറും എസ്ഇയു സംസ്ഥാന സെക്രട്ടറിയേറ്റ് മെമ്പറുമായ വി.പി. സമീര്‍, എം.എ. മുഹമ്മദാലി, എന്‍ജിഒഎ ജില്ലാ സെക്രട്ടറിയേറ്റ് അംഗങ്ങളായ പി. അബ്ബാസ് പാണ്ടിക്കാട്, കെ.എം. വിജയകുമാര്‍, സലിം പത്തിരിയാല്‍, കെ. പ്രസാദ്, ബ്രാഞ്ച് പ്രസിഡന്‍റ് കെ.വി. നൗഫല്‍, സെക്രട്ടറി വി. എല്‍. വിപിന്‍ രാജ്, സില്‍ജി അബ്ദുള്ള, അമീര്‍ പട്ടര്‍കുളം, ഷാഫി അരീക്കോട്, ഹസന്‍, റാഷിദ് കറുത്തേടത്ത് എന്നിവര്‍ നേതൃത്വം നല്‍കി. മഞ്ചേരി: നിലമ്പൂര്‍ ഉപതെരഞ്ഞെടുപ്പില്‍ യുഡിഎഫ് നേടിയ ചരിത്ര വിജയത്തില്‍ ആഹ്ലാദം പ്രകടിപ്പിച്ച് മഞ്ചേരിയില്‍ യുഡിഎഫ് പ്രവര്‍ത്തകര്‍ പ്രകടനം നടത്തി. മുസ്‌ലിം ലീഗ് ഓഫീസ് പരിസരത്ത് നിന്ന് ആരംഭിച്ച പ്രകടനം നഗരം ചുറ്റി സെന്‍ട്രല്‍ ജംഗ്ഷനില്‍ സമാപിച്ചു. നൂറുകണക്കിന് പ്രവര്‍ത്തകരാണ് പ്രകടനത്തില്‍ അണിനിരന്നത്. മുനിസിപ്പല്‍ യുഡിഎഫ് ചെയര്‍മാന്‍ ഹനീഫ മേച്ചേരി, കണ്‍വീനര്‍ കെ.കെ.ബി. മുഹമ്മദലി, ഹുസൈന്‍ വല്ലാഞ്ചിറ, സലീം മണ്ണിശ്ശേരി, സുബൈര്‍ വീമ്പൂര്‍, പി.കെ. സത്യപാലന്‍, യൂസുഫ് വല്ലാഞ്ചിറ, സക്കീര്‍ വല്ലാഞ്ചിറ, കെ.പി. ഉമ്മര്‍, പി. അവറു, അപ്പു മേലാക്കം, വി.എം. സജറുദ്ധീന്‍ മൊയ്തു, വല്ലാഞ്ചിറ മജീദ്, അജ്മല്‍ സുഹീദ്, ശബീര്‍ കുരിക്കള്‍, സാലിഹ് വല്ലാഞ്ചിറ, ഫൈസല്‍ പാലായി, കൃഷ്ണദാസ് വടക്കയില്‍, ശ്രീരോഹിത്ത്, വിജയലക്ഷ്മി, ബാബു മുട്ടിപ്പാലം, സലീഖ് നെല്ലിക്കുത്ത്, റമീസ് വിമ്പൂര്‍ തുടങ്ങിയവര്‍ നേതൃത്വം നല്‍കി. എടക്കര: വന്‍ ഭൂരിപക്ഷത്തോടെയുള്ള ആര്യാടന്‍ ഷൗക്കത്തിന്‍റെ വിജയത്തില്‍ ജനങ്ങള്‍ക്ക് അഭിവാദ്യമര്‍പ്പിച്ച് യുഡിഎഫ് പ്രവര്‍ത്തകര്‍ എടക്കരയില്‍ ആഹ്ലാദ പ്രകടനം നടത്തി. എടക്കര പഞ്ചായത്ത് യുഡിഎഫ് കമ്മിറ്റിയുടെ നേതൃത്വത്തിലാണ് പ്രവര്‍ത്തകര്‍ പ്രകടനം നടത്തിയത്. കലാസാഗറില്‍ നിന്നാരംഭിച്ച പ്രകടനം പാലത്തിങ്ങല്‍ വഴി ടൗണ്‍ ചുറ്റി പാലേമാട് സമാപിച്ചു. ഡിജെ സംഗീതത്തിനൊപ്പം ഉന്മാദ നൃത്തം ചവിട്ടിയും പടക്കം പൊട്ടിച്ചും പ്രവര്‍ത്തകര്‍ വിജയാഹ്ലാദം പങ്കുവച്ചു. എംഎല്‍എ മാരായ ഐ.സി. ബാലകൃഷ്ണന്‍, ചാണ്ടി ഉമ്മന്‍, യുഡിഎഫ് നേതാക്കളായ ബാബു തോപ്പില്‍, ടി.പി. അഷ്‌റഫലി, ടി.കെ. മുജീബ്, ഒ.ടി. ജയിംസ്, കെ. രാധാകൃഷ്ണന്‍, പി. പുഷ്പവല്ലി, സറീന മുഹമ്മദലി, കെ. ആയിശക്കുട്ടി, കെ.സി. ഷാഹുല്‍ ഹമീദ്, കബീര്‍ പനോളി, കെ.പി. ലുഖ്മാന്‍, കെ.പി. റമീസ് എന്നിവര്‍ നേതൃത്വം നല്‍കി. ‘യുഡിഎഫ് വിജയം മുഖ്യമന്ത്രിയുടെ മുഖത്തേറ്റ അടി’ പെരിന്തൽമണ്ണ: കേരളത്തിലെ ഏറ്റവും വലിയ ഏകാധിപതിയായ ഭരണാധികാരി പിണറായി വിജയന്‍റെ മുഖത്തേറ്റ അടിയാണ് നിലമ്പൂർ തെരഞ്ഞെടുപ്പെന്ന് നജീബ് കാന്തപുരം എംഎൽഎ. പെരിന്തൽമണ്ണ മണ്ഡലം യുഡിഎഫ് കമ്മിറ്റി നടത്തിയ വിജയാഹ്ലാദ പ്രകടനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ബ്ലോക്ക് കോൺഗ്രസ് പ്രസിഡന്‍റ് അറഞ്ഞീക്കൽ ആനന്ദൻ അധ്യക്ഷത വഹിച്ചു. യുഡിഎഫ് നേതാക്കളായ ബ്ലോക്ക് പഞ്ചായത്ത് പ്രസിഡന്‍റ് എ.കെ മുസ്തഫ, കൊളക്കാടൻ അസീസ്, ടി.കെ. രാജേന്ദ്രൻ, സി.കെ. അൻവർ, നാലകത്ത് ബഷീർ, പച്ചീരി ഫാറൂഖ്, മജീദ് മാസ്റ്റർ, പി.എസ്. രാധാകൃഷ്ണൻ എന്നിവർ സംസാരിച്ചു.

ലഹരിക്കെതിരേ ഒളിന്പിക്സ് റണ്‍ സംഘടിപ്പിച്ചു

മലപ്പുറം: അന്താരാഷ്ട്ര ഒളിന്പിക് ദിനാചരണത്തിന്‍റെ ഭാഗമായി "മുന്നേറുക, പഠിക്കുക, കണ്ടെത്തുക- ഒരു മികച്ച ലോകത്തിനായി ഒരുമിച്ച് നിൽക്കുക, മയക്കുമരുന്നുകളോട് നോ എന്ന് പറയുക’ എന്നീ ആശയത്തെ മുൻനിർത്തി ജില്ലാ ഒളിന്പിക് അസോസിയേഷനും ജില്ലാ സ്പോർട്സ് കൗണ്‍സിലും സംയുക്തമായി ഒളിന്പിക് ദിനാചരണം സംഘടിപ്പിച്ചു. ഇന്ത്യ ആതിഥേയത്വം വഹിക്കാൻ ശ്രമിക്കുന്ന 2036 ഒളിന്പിക്സിന്‍റെ പശ്ചാത്തലത്തിലാണ് രാജ്യമാകെ ഒളിന്പിക് ദിനാചരണം സംഘടിപ്പിക്കുന്നത്. മലപ്പുറം എംഎസ്പി ഹയർ സെക്കൻഡറി സ്കൂളിന് മുന്നിൽ നിന്നാരംഭിച്ച ഒളിന്പിക്സ് റണ്‍ കുന്നുമ്മൽ വഴി എംഎസ്പി എൽപി സ്കൂളിൽ സമാപിച്ചു. മുൻ ഫുട്ബോൾതാരം ഹബീബ് റഹ്മാൻ റണ്‍ ഫ്ളാഗ് ഓഫ് ചെയ്തു. നൂറുകണക്കിന് വിദ്യാർഥികളും കായിക താരങ്ങളും പങ്കെടുത്തു. ജില്ലാ ഒളിന്പിക് അസോസിയേഷൻ പ്രസിഡന്‍റ് യു. തിലകൻ അധ്യക്ഷത വഹിച്ചു. ജില്ലാ സ്പോർട്സ് കൗണ്‍സിൽ എക്സിക്യൂട്ടീവ് അംഗം സുരേഷ് സത്യപ്രതിജ്ഞ ചൊല്ലിക്കൊടുത്തു.

വന്യമൃഗ ശല്യം; നാട്ടുകാർ പ്രതിഷേധത്തിനൊരുങ്ങുന്നു

കരുവാരകുണ്ട്: അടക്കാക്കുണ്ടിൽ യുവാവിനെ അക്രമിച്ച് കൊലപ്പെടുത്തിയ സംഭവത്തിൽ നരഭോജിയായ കടുവയെ ഇതുവരെയും പിടികൂടാൻ ഊർജിത ശ്രമങ്ങൾ നടത്താത്തതിലും മലയോര മേഖലയിൽ രൂക്ഷമായ വന്യമൃഗ ശല്യത്തിന് അറുതിയേർപ്പെടുത്താത്ത സർക്കാർ നടപടിയിലുംവ്യാപക പ്രതിഷേധം. നരഭോജി കടുവയ്ക്ക് പുറമേ പുലി, കാട്ടാന, കാട്ടുപന്നി തുടങ്ങിയവയുടെ ആക്രമണവും മേഖലയിൽ രൂക്ഷമാണ്.വട്ടമലയിൽ ദിവസങ്ങളായി കാട്ടാനകൾ തമ്പടിച്ചിരിക്കുകയാണ്. പ്രദേശവാസികൾക്ക് രാത്രിയിൽ അന്തിയുറങ്ങാൻ പോലും കഴിയാത്ത സ്ഥിതിയാണുള്ളത്. വ്യാപക നാശനഷ്ടമാണ് കാട്ടാനകൾ വരുത്തിവച്ചിരിക്കുന്നത്. കടുവയ്ക്ക് വേണ്ടി അധികൃതർ സ്ഥാപിച്ച കെണിയിൽ കുടുങ്ങിയത് പുലിയായിരുന്നു. മേഖലയിൽ ധാരാളം പുലികൾ ഉണ്ടെന്ന് നേരത്തെ തന്നെ നാട്ടുകാർ അധികൃതരെ അറിയിക്കുകയും ചെയ്തിരുന്നു.വളർത്തുമൃഗങ്ങളടക്കം വൻതോതിലാണ് മേഖലയിലെ ആളുകൾക്ക് സാമ്പത്തിക നഷ്ടം ഉണ്ടായിരിക്കുന്നത്. കൃഷി നാശത്തിനും സാമ്പത്തിക നഷ്ടത്തിനും പുറമേ ആൾനാശവും കൂടി സംഭവിച്ചതോടെ പ്രേശവാസികൾ കടുത്ത ഭീതിയിലാണ്. എന്നാൽ നാട്ടുകാരുടെ ഭീതി അകറ്റുന്നതിനും സുരക്ഷിതമായി തൊഴിലിടങ്ങളിലെത്തി തൊഴിലെടുക്കുന്നതിനും അതുവഴി ഉപജീവനം കണ്ടെത്താനുമുള്ള വഴിയൊരുക്കണമെന്ന ആവശ്യത്തിന് സർക്കാർ ചെവി കൊടുക്കുന്നില്ലെന്നാണ് പരാതി. കടുവയ്ക്കായി അധികൃതർ തെരച്ചിൽ നടത്തുന്നുണ്ടെങ്കിലും കടുവയും പുലിയും ജനവാസ കേന്ദ്രങ്ങളിൽ പലപ്പോഴായി പ്രത്യക്ഷപ്പെടുകയും വളർത്തു മൃഗങ്ങളെ അക്രമിക്കുകയും ചെയ്യുന്നത് പതിവായിട്ടുണ്ട്. വന്യമൃഗങ്ങൾ ജനവാസ കേന്ദ്രങ്ങളിലെത്തുന്നതോടെ തൊഴിലിടങ്ങളിൽ പോയി തൊഴിലെടുക്കാനോ വിദ്യാഭ്യാസ സ്ഥാപനങ്ങളിലേക്ക് കുട്ടികളെ അയയ്ക്കുന്നതിനോ നാട്ടുകാർ ഭയപ്പെടുകയാണ്. വന്യമൃഗ ശല്യത്തിന് ശാശ്വതമായ പരിഹാരം കാണുന്നതിൽ ഇനിയും സർക്കാർ ഉണർന്ന് പ്രവർത്തിക്കാത്തതിൽ വ്യാപക പ്രതിഷേധത്തിന് ഒരുങ്ങുകയാണ് നാട്ടുകാർ. ഇതിനായി ജനകീയ പ്രതിഷേധ കമ്മിറ്റി രൂപീകരിക്കാനുള്ള തയാറെടുപ്പുകൾ പ്രദേശവാസികൾ ആരംഭിച്ചു. വരും ദിവസങ്ങളിൽ കടുത്ത പ്രതിഷേധ പരിപാടികൾ നടക്കുമെന്നാണ് നാട്ടുകാർ നൽകുന്ന സൂചന.

എംഎൽഎയുടെ പേരിൽ പണം തട്ടിയ സംഭവം; പ്രതി പിടിയിൽ

മങ്കട: മഞ്ഞളാംകുഴി അലി എംഎൽഎയുടെ പേര് പറഞ്ഞ് കോഴിച്ചെന കാനറ ബാങ്ക് മാനേജറിൽ നിന്നും പണം തട്ടിയയാൾ പിടിയിൽ. തിരുവനന്തപുരം കൊക്കോതമംഗലം കോട്ടുമല അഗ്രികൾച്ചർ കോളനിയിലെ ബിനു( 54) ആണ് പോലീസ് പിടിയിലായത്. ഫോൺ വിളിച്ചാണ് പണം ആവശ്യപ്പെട്ടത്. മോങ്ങം സബ്‌രജിസ്ട്രാർ ഓഫീസറിൽ നിന്നും സമാന രീതിയിൽ കഴിഞ്ഞവർഷം ഇയാൾ പണം വാങ്ങിച്ചിരുന്നു. ചെറിയ തുകകൾ ആയിട്ടാണ് കാനറ ബാങ്ക് മാനേജറിൽനിന്ന് പണം ആവശ്യപ്പെട്ടിരുന്നത്. സംഭവത്തിൽ സംശയം തോന്നിയ ബാങ്ക് മാനേജർ എംഎൽഎയുമായി ബന്ധപ്പെട്ടപ്പോഴാണ് തട്ടിപ്പ് മനസിലായത്. ജില്ലയിലെ വിവിധ ഭാഗങ്ങളിൽ നിന്ന് ഡോക്ടർമാരിൽ നിന്നും ഇയാൾ ഇത്തരത്തിൽ പണം വാങ്ങിച്ചതായി പോലീസ് പറഞ്ഞു. സംഭവത്തിൽ ജില്ലാ പോലീസ് സുപ്രണ്ടിന് മഞ്ഞളാംകുഴി അലി എംഎൽഎ നൽകിയ പരാതിയിലാണ് നടപടി. എസ്എച്ച്ഒ അശ്വിത്, സീനിയർ സിവിൽ പോലീസ് ഓഫീസർമാരായ സോണി ജോൺസൺ, സുജിത്ത് ഉണ്ണികൃഷ്ണൻ എന്നിവരുടെ നേതൃത്വത്തിലാണ് പ്രതിയെ പിടിച്ചത്.

ഏഷ്യൻ മിക്സ് ബോക്സിംഗ്; സ്വർണ മെഡൽ നേടിയ ലക്ഷ്മണനെ ആദരിച്ചു

പെരിന്തൽമണ്ണ: നേപ്പാളിൽ നടന്ന ആദ്യ ഏഷ്യൻ മിക്സ് ബോക്സിംഗ് ചാമ്പ്യൻഷിപ്പിൽ ഇന്ത്യയ്ക്ക് വേണ്ടി സ്വർണ മെഡൽ കരസ്ഥമാക്കിയ ലക്ഷ്മണനെ എസ്എൻഡിപി യോഗം പെരിന്തൽമണ്ണ യൂണിയൻ ഭാരവാഹികൾ മെമന്‍റോയും ക്യാഷ് അവാർഡും നൽകി ആദരിച്ചു. യൂണിയൻ സെക്രട്ടറി വാസു കോതറായിൽ, യോഗം ഡയറക്ടർ രമേഷ് കോട്ടയപ്പുറത്ത്, യൂണിയൻ കൗൺസിലർമാരായ കെ. പ്രദീപ്, പട്ടുക്കുത്ത് ബാബു, പഞ്ചായത്ത് കമ്മിറ്റി മെമ്പറായ സുകു പുലാമന്തോൾ, വനിതാസംഘം പ്രസിഡന്‍റ് പ്രസന്നകുമാരി, സെക്രട്ടറി വിജയലക്ഷ്മി, യൂത്ത് മൂവ്മെന്‍റ് ജില്ലാ ചെയർമാൻ കെ. രാജേഷ്, സൈബർ സേന ചെയർമാൻ പി. ഗോവിന്ദ സുനിൽ എന്നിവർ സംസാരിച്ചു. മുതുകുർശി ശാഖ സെക്രട്ടറി നരിയൻക്കുന്നത്ത് വിജയ കുമാറിന്‍റെ മകനാണ് ലക്ഷ്മണൻ.

കനത്ത മഴ: അൽഫോൻസ് ഗിരിയിൽ മണ്ണിടിച്ചിൽ

കരുവാരകുണ്ട്: കനത്ത മഴയിൽ കൽക്കുണ്ട് അൽഫോൻസ്ഗിരി റോഡിന് സമീപം മണ്ണിടിഞ്ഞു വീണു. ചേരി അങ്കണവാടിക്ക് സമീപം റോഡിലേക്കാണ് മണ്ണിടിഞ്ഞുവീണത്. ഇന്നലെ രാവിലെയാണ് മണ്ണിടിച്ചിലുണ്ടായത്. കനത്ത മഴയിൽ മുൻ വർഷങ്ങളിൽ മലയോര മേഖലയിൽ മണ്ണിടിച്ചിലും ഉരുൾപൊട്ടലുമുണ്ടായിരുന്നു. വൻതോതിൽ കൃഷി നാശവും സംഭവിച്ചിരുന്നു.മഴ കനക്കുന്നതോടെ പ്രദേശവാസികൾ ഭീതിയിലാണ്.

ജീപ്പ് താഴ്ചയിലേക്ക് മറിഞ്ഞ് യാത്രക്കാർക്ക് പരിക്കേറ്റു

കരുവാരകുണ്ട്: ജീപ്പ് താഴ്ചയിലേക്ക് മറിഞ്ഞ് യാത്രക്കാർക്ക് പരിക്കേറ്റു. കൽക്കുണ്ട് മഞ്ഞളാംചോലയിലാണ് അപകടം സംഭവിച്ചത്. മഞ്ഞളാംചോല റിസോർട്ടിന് സമീപമുള്ള റോഡിൽ നിന്നാണ് ജീപ്പ് താഴ്ചയിലേക്ക് മറിഞ്ഞത്. കുത്തനെയുള്ള കയറ്റം കയറുന്നതിനിടെ ജീപ്പ് പിറകോട്ടുരുണ്ട് മറിയുകയായിരുന്നു. ജീപ്പിലുണ്ടായിരുന്ന യാത്രക്കാർക്കെല്ലാം പരിക്കേറ്റിട്ടുണ്ട്. കൽക്കുണ്ട് ഭാഗത്തേക്ക് പാലക്കാട് ജില്ലയിലെ എടത്തനാട്ടുകര ഭാഗത്ത് നിന്ന് വിനോദയാത്രയ്ക്കെത്തിയ സംഘമാണ് അപകടത്തിൽപെട്ടത്. മഴക്കാലത്ത് വിനോദസഞ്ചാരത്തിനെത്തുന്നവർ അപകടത്തിൽപെടുന്നത് പതിവാണ്. വിനോദസഞ്ചാര കേന്ദ്രത്തിലേക്കുള്ള റോഡുകളിൽ യാത്രാസൗകര്യമേർപ്പെടുത്തണമെന്നാണ് നാട്ടുകാരുടെ ആവശ്യം.

പ്രതിഭാ സംഗമം നടത്തി

രാമപുരം: പുഴക്കാട്ടിരി പാതിരമണ്ണ വെൽഫെയർ അസോസിയേഷന്‍റെ നേതൃത്വത്തിൽ നടന്ന പ്രതിഭാ സംഗമം മഞ്ഞളാംകുഴി അലി എംഎൽഎ ഉദ്ഘാടനം ചെയ്തു. ഷഫീഖ് തുളുവത്ത് ക്ലാസെടുത്തു. പ്രസിഡന്‍റ് പി. റഷീദ് അധ്യക്ഷത വഹിച്ചു. സെക്രട്ടറി കെ. സൈതാലി, കൺവീനർ ടി.എം. സലീൽ, വാർഡ് മെമ്പർ സി.റഫീഖ് ബാവ, മൻസൂർ ഹുദവി, പി.വി. അമീർ, ടി. റഷീദ് സമീർ, പി.വി. അമീർ, പി.പി. ഷുഹൈബ്, പി. അബ്ദുറഹ്മാൻ, പി. നൗഷാദ് ഹംസ എന്നിവർ പങ്കെടുത്തു.

പി.എൻ. പണിക്കർ അനുസ്മരണവും വായനപക്ഷാചരണവും നടത്തി

കീഴാറ്റൂർ: കീഴാറ്റൂർ പൂന്താനം സ്മാരക ഗ്രന്ഥാലയത്തിലെ വായനപക്ഷാചരണവും പി.എൻ. പണിക്കർ അനുസ്മരണ പ്രഭാഷണവും താലൂക്ക് ലൈബ്രറി കൗൺസിലർ പി. നാരായണനുണ്ണി ഉദ്ഘാടനം ചെയ്തു. ഗ്രന്ഥാലയം പ്രസിഡന്‍റ് പാറമ്മൽ കുഞ്ഞിപ്പ അധ്യക്ഷത വഹിച്ചു. വായന വാരാചരണത്തിന്‍റെ ഭാഗമായി ഗ്രന്ഥശാല പ്രവർത്തനങ്ങൾ മനസിലാക്കുന്നതിനായി ഗ്രന്ഥാലയം സന്ദർശിച്ച പൂപ്പലം അൽ ഫതഹ് ഇംഗ്ലീഷ് മീഡിയം സ്കൂൾ, ആനപ്പാംകുഴി ഐഎംഎ എൽപി സ്കൂൾ വിദ്യാർഥികൾക്ക് പി. വേണുഗോപാലൻ ക്ലാസെടുത്തു. കെ. എം. വിജയകുമാർ, സുബ്രഹ്മണ്യൻ ഇല്ലിക്കൽ, കെ.എം. ദാസ്, എം.അജിത ടീച്ചർ, പി.സുഹ്‌റ എന്നിവർ പ്രസംഗിച്ചു.

സ്‌പെഷല്‍ ജൂറി പുരസ്‌കാരം നഗരസഭ കൗണ്‍സിലര്‍ ഏറ്റുവാങ്ങി

മഞ്ചേരി: തദ്ദേശസ്ഥാപനങ്ങളിലെ പ്രവര്‍ത്തന മികവിന് ചിറമംഗലം നവജീവന്‍ വായനശാല ഏര്‍പ്പെടുത്തിയ യു. കലാനാഥന്‍ മാസ്റ്റര്‍ സ്മാരക നവജീവന്‍ ജനപ്രിയ പുരസ്‌കാരത്തില്‍ സ്‌പെഷല്‍ ജൂറി പുരസ്‌കാരം മഞ്ചേരി നഗരസഭ മൂന്നാം വാര്‍ഡ് കൗണ്‍സിലര്‍ ഹുസൈന്‍ മേച്ചേരി ഏറ്റുവാങ്ങി. കലാനാഥന്‍ മാസ്റ്ററുടെ ഭാര്യ ശോഭ ടീച്ചര്‍ പുരസ്‌കാരം സമ്മാനിച്ചു. പുളിക്കലകത്ത് പ്ലാസ ഓഡിറ്റോറിയത്തില്‍ നടന്ന പരിപാടി മുന്‍ വിദ്യാഭ്യാസമന്ത്രി പ്രഫ. സി. രവീന്ദ്രനാഥ് ഉദ്ഘാടനം ചെയ്തു. ജനപ്രിയ പുരസ്‌കാരം വള്ളിക്കുന്ന് പഞ്ചായത്തിലെ കെ.വി. അജയ് ലാലിന് സമ്മാനിച്ചു. വായനാശാല പ്രസിഡന്‍റ് വിനോദ് തള്ളശ്ശേരി അധ്യക്ഷത വഹിച്ചു. ടി. അജിത്കുമാര്‍ "കലാനാഥന്‍ അനുസ്മരണ പ്രഭാഷണം' നടത്തി. ജൂറി അംഗം സായി കിഷോര്‍ പുരസ്‌കാര നിര്‍ണയത്തില്‍ ഉപയോഗിച്ച മാനദണ്ഡങ്ങളെ കുറിച്ചും നിര്‍ണയരീതികളെ കുറിച്ചും സംസാരിച്ചു. മുനിസിപ്പല്‍ പ്രതിപക്ഷനേതാവ് ടി. കാര്‍ത്തികേയന്‍, വാര്‍ഡ് കൗണ്‍സിലര്‍ ജൈനിഷ മണ്ണാറയ്ക്കല്‍, സെക്രട്ടറി കെ.പി. മനീഷ്, വനിതാ വേദി സെക്രട്ടറി കെ. ശീതള എന്നിവര്‍ സംസാരിച്ചു. എം.ടിയുടെ പള്ളിവാളും കാല്‍ചിലമ്പും എന്ന ചെറുകഥയെ അടിസ്ഥാനമാക്കി നിഷ പന്താവൂര്‍ രചിച്ച് സാക്ഷാത്കരിച്ച പെണ്‍തെളിച്ചം എന്ന ഏകപാത്ര നാടകം അരങ്ങേറി.

ബ്ലോക്ക് പഞ്ചായത്ത് വാർഡ് വിഭജനം: ഹിയറിംഗ് ഇന്ന്

മലപ്പുറം: ജില്ലയിലെ ബ്ലോക്ക് പഞ്ചായത്തുകളുടെ കരട് നിയോജക മണ്ഡല വിഭജന നിർദേശങ്ങളിൻമേലുള്ള ആക്ഷേപങ്ങളും അഭിപ്രായങ്ങളും പരിഗണിക്കുന്നതിനായി ഡീലിമിറ്റേഷൻ കമ്മീഷൻ ഇന്ന് രാവിലെ 11 ന് കോഴിക്കോട് ഗവണ്‍മെന്‍റ് ഗസ്റ്റ് ഹൗസ് കോണ്‍ഫറൻസ് ഹാളിൽ പബ്ലിക് ഹിയറിംഗ് നടത്തുന്നു. കരട് വിഭജന നിർദേശങ്ങളിൻമേൽ നിശ്ചിത സമയപരിധിക്കുള്ളിൽ ആക്ഷേപങ്ങളും അഭിപ്രായങ്ങളും സമർപ്പിച്ചവർക്ക് മാത്രമേ ഹിയറിംഗിൽ പങ്കെടുക്കാൻ അനുവാദമുള്ളൂ. ബന്ധപ്പെട്ട ബ്ലോക്ക് പഞ്ചായത്ത് സെക്രട്ടറിമാർ നൽകുന്ന ഹിയറിംഗ് നോട്ടീസ് സഹിതമാണ് ഹിയറിംഗിന് ഹാജരാകേണ്ടത്. മാസ് പെറ്റീഷൻ നൽകിയവരിൽ നിന്ന് ഒരു പ്രതിനിധിയെ മാത്രമേ ഹിയറിംഗിൽ പങ്കെടുക്കാൻ അനുവദിക്കുകയുള്ളൂ. ആകെ 74 ആക്ഷേപങ്ങൾ/അഭിപ്രായങ്ങളാണ് കമ്മീഷന്‍റെ പരിഗണനയിലുള്ളത്.

‘പരമ്പരാഗത തൊഴിലുകൾ എടുക്കുന്നവർ പ്രയാസമനുഭവിക്കുന്നു’

വണ്ടൂർ: പരമ്പരാഗത തൊഴിലുകൾ എടുക്കുന്നവർ ഏറ്റവും കൂടുതൽ പ്രയാസമനുഭവിക്കുന്ന കാലഘട്ടത്തിലൂടെയാണ് കടന്നുപോകുന്നതെന്ന് എ.പി. അനിൽ കുമാർ എംഎൽഎ. അഖില കേരള വിശ്വകർമ മഹാസഭ (എകെവിഎംഎസ്) വണ്ടൂർ ശാഖ കുടുംബസംഗമം സമാപന സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. വണ്ടൂർ ഷറഫിയ ഓഡിറ്റോറിയത്തിൽ സംഘടിപ്പിച്ച പരിപാടിയിൽ ആഞ്ജനേയ ആശ്രമം മഠാധിപതി രാമാനന്ദ ചൈതന്യ മുഖ്യാതിഥിയായി. കെ.കെ മനോജ് കുമാർ അധ്യക്ഷത വഹിച്ചു. പ്രാരംഭ സമ്മേളനം വഴിക്കടവ് കാരകോട് ശ്രീരാമാനന്ദ ആശ്രമത്തിലെ ഡോക്ടർ ധർമ്മാനന്ദ സ്വാമി ഉദ്ഘാടനം ചെയ്തു. ഇതിനോടനുബന്ധിച്ച് സെമിനാർ, വിവിധ രംഗങ്ങളിൽ മികവ് പുലർത്തിയവരെ അനുമോദിക്കൽ, കലാപ്രതിഭ പുരസ്കാര വിതരണം എന്നിവ നടന്നു. ടി.വിജയ കുമാർ, പി. വിനോദ്ബാബു, ഇ.പരമേശ്വരൻ, പി.ടി. ജബീബ് സുക്കീർ, ഷൈജൽ എടപ്പറ്റ, ബീന ശ്യാം, കെ. സതീദേവി, കെ. നാരായണൻ, പി.മനോജ്, പി.ശശി, ടി. ദാസൻ, എം.വിശ്വനാഥൻ, കെ.എം. രഘു, പി. വേണുഗോപാൽ ഇ.രാജു, പി.രാജേഷ്, സി.കെ അഭിലാഷ്, ഇ.മോഹൻദാസ്, ഹരിദാസ് എന്നിവർ പ്രസംഗിച്ചു.

പരിയാപുരം സെന്‍റ് മേരീസ് സ്കൂളിൽ വിജയോത്സവം ഇന്ന്

അങ്ങാടിപ്പുറം: പരിയാപുരം സെന്‍റ് മേരീസ് ഹയർ സെക്കൻഡറി സ്കൂളിൽ എസ്എസ്എൽസി വിജയോത്സവം ഇന്നുരാവിലെ 10.30ന് മഞ്ഞളാംകുഴി അലി എംഎൽഎ ഉദ്ഘാടനം ചെയ്യും. സ്കൂൾ ഓഡിറ്റോറിയത്തിൽ നടക്കുന്ന ചടങ്ങിൽ എസ്എസ്എൽസി പരീക്ഷയിൽ എല്ലാ വിഷയങ്ങൾക്കും എ പ്ലസ് നേടിയ 51 വിദ്യാർഥികൾക്ക് പുരസ്കാരം നൽകും. സമ്മേളനത്തിൽ സ്കൂൾ മാനേജർ ഫാ.ജോർജ് കളപ്പുരയ്ക്കൽ അധ്യക്ഷത വഹിക്കും. ജില്ലാപഞ്ചായത്തംഗം പി. ഷഹബാൻ, ബ്ലോക്ക് പഞ്ചായത്തംഗം വിൻസി അനിൽ, ഗ്രാമപഞ്ചായത്തംഗം അനിൽ പുലിപ്ര, പിടിഎ പ്രസിഡന്‍റ് സാജു ജോർജ്, പ്രധാനാധ്യാപകൻ പി.ടി.ബിജു, വിജയഭേരി കോഓർഡിനേറ്റർ മനോജ് വീട്ടുവേലിക്കുന്നേൽ, സ്കൂൾ ലീഡർ കെ.ഫാത്തിമ സന, എം.ബി. ദിയ എന്നിവർ പ്രസംഗിക്കും. കലാപരിപാടികളും ഉണ്ടാകും.

പിന്നാക്ക സംവരണം ഉറപ്പുവരുത്തണം: പത്മശാലിയ സംഘം

വണ്ടൂർ: സ്വാകാര്യ സർവകലാശാലകളിൽ പിന്നാക്ക സംവരണം ഉറപ്പു വരുത്തണമെന്നും ജാതി സംവരണം കുറ്റമറ്റതാക്കണമെന്നും കേരള പത്മശാലിയ സംഘം 45-ാം സംസ്ഥാന സമ്മേളനം ആവശ്യപ്പെട്ടു. വണ്ടൂർ നടുവത്ത് കെ. മല്ലിക ടീച്ചർ നഗറിൽ (എസ്എൻഎം ഓഡിറ്റോറിയം) നടന്ന പരിപാടി എ.പി. അനിൽകുമാർ എംഎൽഎ ഉദ്ഘാടനം ചെയ്തു. കെപിഎസ് സംസ്ഥാന പ്രസിഡന്‍റ് പി. വിശ്വംഭരൻ പിള്ള അധ്യക്ഷനായിരുന്നു. പിന്നാക്ക വിഭാഗ കോർപ്പറേഷൻ മുൻ ഡയറക്ടർ വി.ആർ. ജോഷി ജാതി സെൻസ് - സംവരണം വിഷയങ്ങളിൽ ക്ലാസെടുത്തു. സംസ്ഥാന സെക്രട്ടറി വി.വി. കരുണാകരൻ റിപ്പോർട്ട് അവതരിപ്പിച്ചു. പി. പ്രദീപ് വരവ് ചെലവ് കണക്കുകൾ അവതരിപ്പിച്ചു. തിരുവാലി പഞ്ചായത്ത് പ്രസിഡന്‍റ് കെ. രാമൻകുട്ടി, പഞ്ചായത്ത് അംഗങ്ങൾ തുടങ്ങിയവർ പ്രസംഗിച്ചു. സംസ്ഥാനത്തെ വിവിധ താലൂക്കിൽ നിന്നായി 1000 ത്തോളം പ്രതിനിധികൾ പങ്കെടുത്തു.

മണ്‍സൂണ്‍ ഫുട്ബോളിൽ കനോലി മാസ്റ്റേഴ്സ് ചാന്പ്യൻമാർ

പെരിന്തൽമണ്ണ: പെരിന്തൽമണ്ണ നെഹ്റു സ്റ്റേഡിയത്തിൽ മലപ്പുറം വെറ്ററൻസ് സെവൻസ് ഫുട്ബോൾ അസോസിയേഷൻ (എംവിഎസ്എഫ്എ) മണ്‍സൂണ്‍ ലീഗ് ഫുട്ബോൾ സംഘടിപ്പിച്ചു. നഗരസഭാ ചെയർമാൻ പി.ഷാജി ഉദ്ഘാടനം ചെയ്തു. പ്രസിഡന്‍റ് ഷാജി ആലങ്ങാടൻ അധ്യക്ഷത വഹിച്ചു. എഡിഎം എൻ.എം. മെഹറലി മുഖ്യപ്രഭാഷണം നടത്തി. സംസ്ഥാന ജോയിന്‍റ് സെക്രട്ടറി പച്ചീരി ഫാറൂഖ്, സി.എച്ച്. റിയാസ്, നെച്ചിയിൽ മൻസൂർ, റാഫി ഗൾഫ്ഓണ്‍, അബൂബക്കർ തയ്യിൽ, ഇസ്മായിൽ കീഴിശേരി, ജനറൽ സെക്രട്ടറി നസീർ പടിഞ്ഞാറ്റുമുറി, ട്രഷറർ റഫീഖ് പറന്പൂർ എന്നിവർ പ്രസംഗിച്ചു. ടൂർണമെന്‍റിൽ കനോലി മാസ്റ്റേഴ്സ് പെരിന്തൽമണ്ണ ചാന്പ്യൻമാരായി. ടൗണ്‍ ടീം എടക്കര റണ്ണേഴ്സപ്പായി. വിജയികൾക്ക് മുൻ ഫു്ട്ബോൾ താരം സുരേന്ദ്രൻ മങ്കട ട്രോഫികൾ വിതരണം ചെയ്തു. സമാപന ചടങ്ങിൽ ജില്ലാ യുവജന ക്ഷേമ ബോർഡ് ജില്ലാ കോ ഓർഡിനേറ്റർ ശ്യാമപ്രസാദ്, സുരേന്ദ്രൻ മങ്കട, സെക്രട്ടറി സമദ് പറച്ചിക്കോട്ടിൽ, വൈസ് പ്രസിഡന്‍റ് റഫീഖ് പടിഞ്ഞാറ്റുംമുറി, അലി പട്ടാന്പി, മുസ്തഫ പട്ടിക്കാട്, അബൂബക്കർ ചമ്മന്തട്ട എന്നിവർ സംബന്ധിച്ചു. ഒമാനിൽ നടന്ന മത്സരത്തിൽ അയേണ്‍മാൻ പട്ടം കരസ്ഥമാക്കിയ എം. സഗീറിനെ മുനിസിപ്പൽ ചെയർമാൻ പി. ഷാജി ആദരിച്ചു. വിവിധ പരീക്ഷകളിൽ മികച്ച വിജയം നേടിയ സംഘടനാ മെംബർമാരുടെ കുട്ടികളെയും അനുമോദിച്ചു.

ഇർശാദിയ്യ സ്കൂളിൽ പ്രതിഭകളെ അനുമോദിച്ചു

കൊളത്തൂർ: ഭാഷാ വൈവിധ്യത്തെ ഇല്ലാതാക്കുന്ന ശ്രമങ്ങളെ എതിർക്കപ്പെടണമെന്ന് കെ.കെ. ആബിദ് ഹുസൈൻ തങ്ങൾ എംഎൽഎ പറഞ്ഞു. കൊളത്തൂർ ഇർശാദിയ്യ ഇംഗ്ലീഷ് സ്കൂളിൽ അവാർഡ് മീറ്റ് ഉദ്ഘാടനം ചെയ്യുകയായിരുന്നു അദ്ദേഹം. സമന്വയ വിദ്യഭ്യാസത്തിലൂടെ മൂല്യവത്കൃത സമൂഹത്തെ സൃഷ്ടിച്ചെടുക്കാൻ കഴിയുന്ന രൂപത്തിലുള്ള വിദ്യാഭ്യാസ പദ്ധതി ഇർശാദിയ്യ നടത്തിക്കൊണ്ടിരിക്കുന്നുവെന്നും എംഎൽഎ പറഞ്ഞു. സിബിഎസ്ഇ പത്താംതരം പരീക്ഷ, സുന്നി വിദ്യാഭ്യാസ ബോർഡ് പത്താംതരം പൊതുപരീക്ഷ എന്നിവയിൽ ഉന്നത വിജയം നേടിയ വിദ്യാർഥികളെയും നീറ്റ് പരീക്ഷയിൽ റാങ്ക് നേടിയ പൂർവ വിദ്യാർഥിയെയും അനുമോദിച്ചു. ഇർശാദിയ്യ സ്ഥാപനങ്ങളുടെ കാര്യദർശി അലവി സഖാഫി കൊളത്തൂർ അധ്യക്ഷത വഹിച്ചു. പ്രിൻസിപ്പൽ ഷാഹുൽ ഹമീദ് അസ്ഹരി, മൂർക്കനാട് പഞ്ചായത്ത് വൈസ് പ്രസിഡന്‍റ് പി. അബ്ദുൾ മുനീർ, പി.എസ്.കെ. ദാരിമി എടയൂർ, എ.സി.കെ. പാങ്ങ്, എം.ടി. ഹംസ ഹാജി, വി.വി.എ. അസീസ് ഹാജി, എൻ. അബ്ദുൾബഷീർ, മുഹമ്മദ് അബ്ദുൾ ജവാദ്, കെ.ടി. അസ്കർഅലി സഖാഫി തുടങ്ങിയവർ പ്രസംഗിച്ചു.

മേലാറ്റൂരിൽ കാറുകൾ കൂട്ടിയിടിച്ച് അഞ്ചുപേർക്ക് പരിക്ക്

മേലാറ്റൂർ: കൊടൈക്കനാലിലേക്ക് പോവുകയായിരുന്ന കാറുകൾ കൂട്ടിയിടിച്ച് കുന്നമംഗലം പടിഞ്ഞാറെ പുരക്കൽ ലുക്ക്മാൻ ഹക്കീം (22), കൊടുവള്ളി സ്വദേശി വയപ്പുറത്ത് മുഹമ്മദ് ജസീൽ (24), ഭാര്യ നൂറഫാത്തിമ (22), വയപ്പുറത്ത് ഉർവി (25), കോഴിക്കോട് മാനുപ്പാറ പടിപ്പുരക്കൽ വിഷ്ണു (24) എന്നിവരെ പരിക്കുകളോടെ പെരിന്തൽമണ്ണ മൗലാന ആശുപത്രിയിൽ പ്രവേശിപ്പിച്ചു.

ഉപരിപഠനത്തിന് അർഹത നേടിയ വിദ്യാർഥികളെ ഡിഎഫ്സി അനുമോദിച്ചു

കരുവാരകുണ്ട്: ഉപരിപഠനത്തിന് അർഹത നേടിയ വിദ്യാർഥികളെ ദീപിക ഫ്രണ്ട്സ് ക്ലബിന്‍റെ (ഡിഎഫ്സി) ആഭിമുഖ്യത്തിൽ അനുമോദിച്ചു. കരുവാരകുണ്ട് തിരുകുടുംബ ഫൊറോന ദേവാലയ ഓഡിറ്റോറിയത്തിൽ നടന്ന ചടങ്ങ് ഫൊറോന വികാരി ഫാ.ഫ്രാൻസിസ് വെള്ളമാക്കൽ ഉദ്ഘാടനം ചെയ്തു. ഡിഎഫ്സി കരുവാരകുണ്ട് ഫൊറോന പ്രസിഡന്‍റ് ജോയ് ചെറിയാൻ വയലിൽ അധ്യക്ഷത വഹിച്ചു. കരുവാരകുണ്ട് തിരുകുടുംബ ഫൊറോനക്ക് കീഴിലെ നാൽപതിലധികം വിദ്യാർഥികളെയാണ് അനുമോദിച്ചത്. ഫാ.ഫ്രാൻസിസ് വെളളമാക്കൽ മെഡൽ വിതരണവും നടത്തി. ഡിഎഫ്സി കരുവാരകുണ്ട് ഫൊറോന ഡയറക്ടറും പാതിരിക്കോട് സെന്‍റ് സെബാസ്റ്റ്യൻസ് പള്ളി വികാരിയുമായ ഫാ.മനോജ് കൊച്ചുമുറിയിൽ സന്ദേശം നൽകി. ഡിഎഫ്സി താമരശേരി രൂപത ജനറൽ സെക്രട്ടറി സെബാസ്റ്റ്യൻ ളാമണ്ണിൽ, ദീപിക ഫ്രണ്ട്സ് ക്ലബ് താമരശേരി രൂപത ട്രഷറർ മാത്യു സെബാസ്റ്റ്യൻ താഴത്തേൽ, ഡിഎഫ്സി ഫൊറോന സെക്രട്ടറി ജോർജ് മൈക്കിൾ പുളിയംമാക്കൽ, കെ.എസ്. ജോസഫ്, വൈസ് പ്രസിഡന്‍റ് സിറിൾ നെല്ലാനിക്കാട്ട്, ഡീക്കൻ റിജോണ്‍ തുടങ്ങിയവർ പ്രസംഗിച്ചു.

ചുങ്കത്തും പരിസരത്തും തെരുവുനായ് ശല്യം വ്യാപകം

പെരിന്തൽമണ്ണ: കാൽനടയാത്രക്കാർക്ക് ഭീഷണിയായി തെരുവുനായ ശല്യം രൂക്ഷം. വെട്ടത്തൂർ -കീഴാറ്റൂർ പഞ്ചായത്തുകളുടെ അതിർത്തി പങ്കിടുന്ന പട്ടിക്കാട്, മണ്ണാർമല, ചുങ്കം, പള്ളിക്കുത്ത് പ്രദേശങ്ങളിലാണ് തെരുവുനായ്ക്കൾ കൂട്ടത്തോടെ യാത്രക്കാർക്ക് ഭീഷണിയാകുന്നത്. രാവിലെ നഗരത്തിലെത്തുന്ന തെരുവ് നായ്ക്കളെ മിക്കസമങ്ങളിലും അങ്ങാടിയിൽ കാണപ്പെടുന്നു. പലപ്പോഴും ബൈക്ക് യാത്രികർക്കും റോഡ് മുറിച്ചുകടക്കുന്നവർക്കും ഇവ ഭീഷണിയാകുന്നു. കടകൾക്ക് സമീപം ഭക്ഷ്യവസ്തുക്കൾ കടിച്ചെടുക്കുക അടക്കം ഒട്ടേറെ പ്രയാസങ്ങളാണ് തെരുവുനായ്ക്കൾ സൃഷ്ടിക്കുന്നത്. സ്കൂൾ കുട്ടികളുടെ പിറകെ കൂടുന്നതും പതിവാണ്. മദ്രസ വിദ്യാർഥികൾക്ക് നേരെയും മറ്റും നായ്ക്കൾ പാഞ്ഞടുക്കുന്നു. തെരുവ് നായശല്യത്തിന് പരിഹാരം കാണണമെന്നാണ് നാട്ടുകാരുടെ ആവശ്യം.

മങ്കടയിൽ മുസ്ലിം ലീഗ് സ്നേഹാദരം സംഘടിപ്പിച്ചു

മങ്കട: മങ്കട മണ്ഡലം മുസ്ലിം ലീഗ് കമ്മിറ്റി സ്നേഹാദരം സദസ് സംഘടിപ്പിച്ചു. മുസ്ലിംലീഗ് ദേശീയ നേതാക്കളായി തെരഞ്ഞെടുക്കപ്പെട്ട കെ.പി.എ. മജീദ് എംഎൽഎ, ടി.എ. അഹമ്മദ് കബീർ എന്നിവരെ ആദരിച്ചു. ദേശീയ വൈസ് പ്രസിഡന്‍റ് കെ.പി.എ. മജീദിനുള്ള ആദരവ് മഞ്ഞളാംകുഴി അലി എംഎൽഎയും ദേശീയ സെക്രട്ടറി ടി.എ. അഹമ്മദ് കബീറിനുള്ള ആദരവ് കെ.കെ. ആബിദ് ഹുസൈൻ തങ്ങൾ എംഎൽഎയും നിർവഹിച്ചു. അങ്ങാടിപ്പുറം എം.പി. നാരായണമേനോൻ ഓഡിറ്റോറിയത്തിൽ നടന്ന ചടങ്ങ് മുസ്ലിം ലീഗ് സംസ്ഥാന ജനറൽ സെക്രട്ടറി കെ.കെ. ആബിദ് ഹുസൈൻ തങ്ങൾ എംഎൽഎ ഉദ്ഘാടനം ചെയ്തു. പ്രസിഡന്‍റ് കുന്നത്ത് മുഹമ്മദ് അധ്യക്ഷത വഹിച്ചു. ദേശീയ നേതാക്കൾ മറുപടി പ്രസംഗം നടത്തി. തുടർന്ന് അനുഭവം പങ്കുവച്ചു. വി.പി.മാനു, അഡ്വ. വി. മൂസക്കുട്ടി, വെങ്കിട്ട ബഷീർ, സി.എച്ച്.മുസ്തഫ, കെ.പി.സാദിഖലി, സഹൽ തങ്ങൾ, അമീർ പാതാരി തുടങ്ങിയവർ പങ്കെടുത്തു. മണ്ഡലം മുസ്ലിം ലീഗ് ജനറൽ സെക്രട്ടറി അഡ്വ. ടി. കുഞ്ഞാലി സ്വാഗതവും അഡ്വ.ഹനീഫ പെരിഞ്ചീരി നന്ദിയും പറഞ്ഞു.

വിദ്യാർഥികളോട് അപമര്യാദയായി പെരുമാറുന്നു : ബസ് ജീവനക്കാർക്കെതിരേ രാമപുരം പ്രതികരണവേദി

രാമപുരം: വിദ്യാർഥികളോട് അപമര്യാദയായി പെരുമാറുന്ന ബസ് ജീവനക്കാർക്കെതിരേ രാമപുരം പ്രതികരണവേദി സമരത്തിലേക്ക്. മലപ്പുറം -പെരിന്തൽമണ്ണ റൂട്ടിൽ രാമപുരം വഴി ഓടുന്ന ചില സ്വകാര്യബസുകൾ രാമപുരത്ത് നിന്ന് മക്കരപ്പറന്പ വഴി വടക്കാങ്ങര സ്കൂളിലേക്ക് പോകുന്ന കുട്ടികൾക്കും മക്കരപ്പറന്പ് സ്കൂളിലേക്കും മലപ്പുറം എംഎസ്പി സ്കൂളിലേക്കും തിരൂർക്കാട് സ്കൂളിലേക്കും പോകുന്ന കുട്ടികളിൽ നിന്ന് രണ്ടുരൂപ അന്പത് പൈസ സിടി ചാർജിന് പകരം 10 രൂപ വാങ്ങുന്നതായി പരാതി. സ്കൂൾ കുട്ടികളെ മാനസികമായി പീഡിപ്പിക്കുകയും ചെയ്യുന്നു. ഇത്തരം പ്രവണത തുടരുന്ന ബസ്ജീവനക്കാർക്കെതിരെ അധികൃതർക്ക് നാട്ടുകാർ രേഖാമൂലം പരാതി നൽകിയിട്ടും ഫലമില്ല. ഇതിനാൽ പനങ്ങാങ്ങര മുതൽ രാമപുരം ബ്ലോക്കുംപടി വരെയുള്ള രക്ഷിതാക്കളും നാട്ടുകാരും ചേർന്ന് രാമപുരം പ്രതീകരണവേദി എന്ന പേരിൽ കൂട്ടായ്മ രൂപീകരിച്ചു. നൂറിലധികം അംഗങ്ങളുള്ള കമ്മിറ്റിയാണ് പ്രശ്നത്തിന് പരിഹാരം കാണണമെന്നാവശ്യപ്പെട്ട് രംഗത്ത്വന്നിരിക്കുന്നത്. നടപടിയില്ലെങ്കിൽ റോഡ് ഉപരോധിക്കാനാണ് തീരുമാനം. കുട്ടികളോട് ചില ബസ് ജീവനക്കാർ അപമര്യാദയായി പെരുമാറുകയും ബസിൽ നിന്ന് ഇറക്കിവിടുകയും ചെയ്യുന്നതായി പ്രതികരണവേദി ചൂണ്ടിക്കാട്ടി. രാമപുരത്ത് സ്റ്റോപ്പുള്ള ബസുകൾ നിർത്താതെ പോവുകയും സ്വകാര്യ ലിമിറ്റഡ് സ്റ്റോപ്പ് ബസുകൾ പിറകെ വരുന്ന കഐസ്ആർടിസി ബസുകളെ തടസപ്പെടുത്തി റോഡിന്‍റെ മധ്യഭാഗത്ത് നിർത്തുകയും ചെയ്യുന്നു. സ്കൂൾ കുട്ടികൾ ഓടിയെത്തുന്പോഴേക്കും ബസ് മുന്നോട്ടെടുക്കുകയാണ് ചെയ്യുന്നത്. ഇതിനെതിരേ മങ്കട പോലീസിൽ പരാതി നൽകിയിട്ടും പ്രശ്നത്തിന് പരിഹാരമായിട്ടില്ല.

പുത്തനങ്ങാടിയിലെ സാന്ത്വന പരിചരണ കേന്ദ്രം നാടിനു സമർപ്പിച്ചു

അങ്ങാടിപ്പുറം: സുമനസുകളുടെ സ്നേഹകൂട്ടായ്മയിൽ സാന്ത്വന പരിചരണ രംഗത്ത് ജില്ലയ്ക്കു തന്നെ അഭിമാനമായി അങ്ങാടിപ്പുറം പെയിൻ ആൻഡ് പാലിയേറ്റീവ് ക്ലിനിക്കിന് വിപുലമായ സൗകര്യങ്ങളോടെ പുത്തനങ്ങാടിയിൽ ഇരുനില കെട്ടിടമായി. ആകെയുള്ള 59 സെന്‍റ് സ്ഥലത്തിൽ നിന്ന് 23.10 സെന്‍റ് സാന്ത്വന പരിചരണ കേന്ദ്രത്തിനു സൗജന്യമായി നൽകിയ പുത്തനങ്ങാടി ’ശ്രീശരവണ’യിൽ റിട്ടയേർഡ് ഹവിൽദാർ ടി.പി.കുഞ്ഞിരാമൻ നായർ കെട്ടിടം ഉദ്ഘാടനം ചെയ്തു. ഓരോ നിലയിലും 2500 ചതുരശ്ര അടി വീതം വിസ്തീർണമുള്ള കെട്ടിടത്തിന്‍റെ നിർമാണത്തിന് ഒരു കോടിയാണ് മതിപ്പു ചെലവ്. അഡ്മിനിസ്ട്രേഷൻ ഓഫീസ്, ഫാർമസി, നഴ്സിംഗ് സ്റ്റേഷൻ, ഭിന്നശേഷിക്കാർക്കുള്ള പരിശീലന കേന്ദ്രം, പുനരധിവാസ പ്രവർത്തനങ്ങൾക്കുള്ള സ്ഥലം, ഫിസിയോ തെറാപ്പി സെന്‍റർ, പെയിൻ ആൻഡ് പാലിയേറ്റീവ് പ്രവർത്തകർക്കുള്ള പരിശീലന കേന്ദ്രം തുടങ്ങിയ സൗകര്യങ്ങൾ ക്ലിനിക്കിൽ ഒരുക്കിയിട്ടുണ്ട്. 24 മണിക്കൂറും പ്രവർത്തിക്കാനായി സേവന സന്നദ്ധരായ നഴ്സുമാരും ഡോക്ടർമാരും വോളണ്ടിയേഴ്സും ഡൈവർമാരുമുണ്ട്. വനിതാ വിഭാഗം, വിദ്യാർഥി വിഭാഗം പ്രവർത്തനങ്ങളും സജീവമാണ്. നൂറുക്കണക്കിനാളുകൾ പങ്കെടുത്ത ചടങ്ങിൽ ഇ.ടി.മുഹമ്മദ് ബഷീർ എംപി, മഞ്ഞളാംകുഴി അലി എംഎൽഎ, പാലിയേറ്റീവ് പ്രസിഡന്‍റ് എം.ടി.കുര്യാക്കോസ്, സെക്രട്ടറി കെ.ടി.നൗഷാദലി, ട്രഷറർ പ്രകാശ് മേനോൻ, കെട്ടിടനിർമാണ കമ്മിറ്റി ഭാരവാഹികളായ ബേബി വാത്താച്ചിറ, ചോലയിൽ കുഞ്ഞിമൊയ്തീൻ, രാമച്ചത്ത് സേതുമാധവൻ, പഞ്ചായത്ത് പ്രസിഡന്‍റ് കെ.സഈദ, സുനിൽ ബാബു വാക്കാട്ടിൽ, ഷബീർ കറുമുക്കിൽ, അഡ്വ. നജ്മ തബ്ഷീറ, പി.രാധാകൃഷ്ണൻ, ടി.കെ.റഷീദലി, ഫാ.ജോർജ് കളപ്പുരയ്ക്കൽ, അമീർ പാതാരി, മനോജ് വീട്ടുവേലിക്കുന്നേൽ, സുബൈർ ഫൈസി ചെമ്മലശേരി, കെ.ദിലീപ്, കെ.പി.പ്രഭാകരൻ പിള്ള, പി.പത്മനാഭൻ, കെ.ടി.അൻവർ, മാനുപ്പ കുറ്റിരി, കോറാടൻ റംല, ഷൗക്കത്ത് മാന്തോണി, കെ.പി.വാസുദേവൻ, സി.ടി.സന ഷിറിൻ എന്നിവർ പ്രസംഗിച്ചു. കലാപരിപാടികളും അരങ്ങേറി.

കരുവാരകുണ്ട് വട്ടമലയിൽ കാട്ടാനകൾ കൃഷി നശിപ്പിച്ചു

കരുവാരകുണ്ട്: വന്യജീവിശല്യത്തെത്തുടർന്ന് മലയോര ജനതയുടെ ജീവിതവഴി അടയുന്നു. ഒരാഴ്ചയിലേറെയായി കരുവാരകുണ്ട് വട്ടമലയിലെ കൃഷിയിടം വിട്ടൊഴിയാതെ കാട്ടാനകൾ നിലയുറപ്പിച്ചിരിക്കുകയാണ്. വട്ടമലയിലും പരിസര പ്രദേശങ്ങളിലും വ്യാപക കൃഷി നാശമാണ് കാട്ടാനകൾ വരുത്തിവച്ചത്. ഇതിനു പുറമെ ആളുകളുടെ സ്വൈര്യജീവിതത്തിനും കാട്ടാനകൾ ഭീഷണിയായിരിക്കുന്നു. വട്ടമലയിലെ ആദിവാസികൾക്ക് സുരക്ഷിതമായി കുടിലുകളിൽ അന്തിയുറങ്ങാൻ കഴിയാത്ത അവസ്ഥയാണ്. ഒരാഴ്ചയിലേറെയായി വട്ടമലയിലും പരിസര പ്രദേശങ്ങളിലും കാട്ടാനകളെ കാണപ്പെടുന്നു. വീട്ടുമുറ്റങ്ങളിലെത്തി പ്ലാവിൽ നിന്ന് ചക്ക പറിച്ച് തിന്നുകയും വീട്ടുപകരണങ്ങളും മറ്റും നശിപ്പിക്കുകയും ചെയ്യുന്നു. കരുവാരകുണ്ട് എടത്തനാട്ടുകര റോഡിൽ വട്ടമല ഭാഗത്ത് യാത്രക്കാർക്ക് ഭീഷണിയായും മിക്കപ്പോഴും കാട്ടാനകളെ കാണപ്പെടുന്നുണ്ട്. മേഖലയിലെ കർഷകരുടെ റബർ, കമുക്, തെങ്ങ്, വാഴ തുടങ്ങിയവ വ്യാപകമായി നശിപ്പിച്ചിട്ടുമുണ്ട്. കാട്ടാനയെ തുരത്താൻ പടക്കം പൊട്ടിക്കാൻ പോലുമാകാതെ ദുരിതം അനുഭവിക്കുകയാണ് മേഖലയിലെ ആദിവാസി വീടുകളിൽ താമസിക്കുന്നവർ. കാട്ടാനകളെ തുരത്തി ഭീഷണിയകറ്റണമെന്നാണ് പ്രദേശവാസികൾ ആവശ്യപ്പെടുന്നത്.

കരുവാരകുണ്ട് ടൗണിൽ പുലിയുടെ കാൽപ്പാടുകൾ?

കരുവാരകുണ്ട്: കരുവാരക്കുണ്ട് ടൗണിൽ ബസ് സ്റ്റാന്‍റിനോട് ചേർന്ന് സ്വകാര്യ ആശുപത്രിയുടെ പരിസരത്ത് പുലിയുടേതെന്ന് സംശയിക്കുന്ന കാൽപ്പാടുകൾ കണ്ടെത്തി. ജനങ്ങൾ തിങ്ങി താമസിക്കുകയും കച്ചവട സ്ഥാപനങ്ങളും ആശുപത്രികളും ധനകാര്യ സ്ഥാപനങ്ങളും പ്രവർത്തിക്കുകയും ചെയ്യുന്ന മലയോര ഹൈവേയുടെ സമീപത്താണ് പുലിയുടേതെന്ന് സംശയിക്കുന്ന കാൽപ്പാടുകൾ കണ്ടെത്തിയത്. അങ്ങാടിയോട് ചേർന്ന ഭാഗത്ത് കാൽപ്പാടുകൾ കണ്ടെത്തിയതോടെ ജനങ്ങളുടെ പരിഭ്രാന്തിയേറി. മലയോര മേഖലയിൽ നരഭോജി കടുവക്കായി ദൗത്യസംഘം വ്യാപകമായ തെരച്ചിൽ നടത്തുന്നതിനിടയിൽ വിവിധ ഭാഗങ്ങളിൽ നാട്ടുകാർ കടുവയെ കാണുകയും കണ്ടിരുന്നു. കഴിഞ്ഞദിവസം പുലി കാട്ടുപന്നിയെ കടിച്ചുകൊന്നതിന്‍റെ അവശിഷ്ടങ്ങളും കണ്ടെത്തിയിരുന്നു. കൂടാതെ വളർത്തുമൃഗങ്ങളും തെരുവ് നായ്ക്കളും കടിച്ചു കൊണ്ടുപോയി ഭക്ഷിക്കുകയും ചെയ്തിരുന്നു. കടുവക്ക് പുറമേ മേഖലയിൽ ഒട്ടേറെ പുലികൾ ഉണ്ടെന്നതിന്‍റെ തെളിവാണ് ഇവയെല്ലാമെന്ന് നാട്ടുകാർ പറയുന്നത്. കടുവയെ പിടികൂടാൻ ഒരു മാസത്തിലേറെയായിട്ടും ദൗത്യസംഘത്തിനായിട്ടില്ല. ഇതിനിടയിലാണ് ജനവാസ കേന്ദ്രങ്ങളിൽ വന്യമൃഗങ്ങളുടെ വിളയാട്ടം. രാത്രി രണ്ടര മണിക്ക് ശേഷം പരിചിതമല്ലാത്ത മൃഗങ്ങളുടെയും തെരുവുനായ്ക്കളുടെയും ശബ്ദം കേട്ടിരുന്നുവെന്ന് പരിസരവാസികൾ പറഞ്ഞു. വന്യമൃഗശല്യത്തിൽ നിന്ന് ജനങ്ങളെ സുരക്ഷിതരാക്കാൻ നടപടികൾ സ്വീകരിക്കണമെന്നാണ് നാട്ടുകാരുടെ ആവശ്യം. നേരം ഇരുട്ടിയാൽ പുറത്തിറങ്ങാൻ ഭയപ്പെട്ടാണ് പ്രദേശത്തുള്ളവർ കഴിയുന്നത്.

ഹോട്ടലിൽ നിന്ന് വീണ് യുവാവ് മരിച്ചു

നിലന്പൂർ: നിലന്പൂരിലെ ഹോട്ടൽ മുറിയിൽ നിന്ന് താഴേക്ക് വീണ് യുവാവ് മരിച്ചു. നിലന്പൂർ പാർക്ക് റസിഡൻസിയുടെ മൂന്നാം നിലയിൽ നിന്നാണ് കോഴിക്കോട് പെരുവണ്ണാമൂഴി കള്ള്ഷാപ്പ്തൊഴിലാളി ദിനേശന്‍റെ മകൻ അജയ് കുമാർ (23) വീണ് മരിച്ചത്. പാർക്ക് റസിഡൻസിയുടെ 4002 നന്പർ മുറിയിൽ താമസിച്ചിരുന്ന ഇയാൾ ഇന്നലെ പുലർച്ചെ രണ്ടുമണിയോടെ റൂമിലെ ജനാലയിലൂടെ പുറത്തേക്ക് വീഴുകയായിരുന്നു. മൃതദേഹം മഞ്ചേരി മെഡിക്കൽ കോളജ് ആശുപത്രിയിൽ പോസ്റ്റ്മോർട്ടം നടത്തി ബന്ധുക്കൾക്ക് വിട്ടുകൊടുത്തു. മരണം സംബന്ധിച്ച് പോലീസ് അന്വേഷണം ആരംഭിച്ചു. മാതാവ്: ഷീബ (സിപിഎം പിള്ളപ്പെരുവണ്ണ ബ്രാഞ്ച് അംഗം). സഹോദരൻ: അർജുൻ.

കെഎസ്എസ്പിയു കണ്‍വൻഷൻ നടത്തി

പെരിന്തൽമണ്ണ: കേരള സ്റ്റേറ്റ് സർവീസ് പെൻഷനേഴ്്സ് യൂണിയൻ (കെഎസ്എസ്പിയു) പെരിന്തൽമണ്ണ ബ്ലോക്ക് കണ്‍വൻഷൻ നടത്തി. ജില്ലാ ജോയിന്‍റ് സെക്രട്ടറി കെ.ടി. അലി അസ്കർ ഉദ്ഘാടനം ചെയ്തു. ബ്ലോക്ക് പ്രസിഡന്‍റ് കീഴാറ്റൂർ അനിയൻ അധ്യക്ഷതവഹിച്ചു. ജില്ലാ കമ്മിറ്റിയംഗം എസ്. മധു, കെ. രാധാകൃഷ്ണൻ, കെ. ശങ്കരനാരായണൻ എന്നിവർ പ്രസംഗിച്ചു. ലഹരി വിരുദ്ധ സെമിനാറിൽ പെരിന്തൽമണ്ണ റേഞ്ച് അസിസ്റ്റന്‍റ് എക്സൈസ് ഇൻസ്പെക്ടർ കെ. രാമൻകുട്ടി വിഷയം അവതരിപ്പിച്ചു. പെൻഷൻ വ്യവസ്ഥയെ അട്ടിമറിക്കുന്ന പുത്തൻ സാന്പത്തിക ഭേദഗതി ബിൽ പിൻവലിക്കുക, സ്റ്റാറ്റ്യൂട്ടറി പെൻഷൻ പുന:സ്ഥാപിക്കുക, പിഎഫ് ആർഡിഎ നിയമം റദ്ദാക്കുക തുടങ്ങിയാവശ്യങ്ങൾ ഉന്നയിച്ച് ജൂലൈ എട്ടിന് ജില്ലാ ജിഎസ്ടി ഓഫീസിലേക്ക് പെൻഷൻകാർ നടത്തുന്ന പ്രതിഷേധ മാർച്ച് ധർണയും വിജയിപ്പിക്കാൻ യോഗം തീരുമാനിച്ചു.

കെഎസ്ആർടിസി പരിസരത്ത് മാലിന്യം വലിച്ചെറിയുന്നവർ നിരീക്ഷണത്തിൽ

പെരിന്തൽമണ്ണ: പെരിന്തൽമണ്ണ കഐസ്ആർടിസി ഡിപ്പോ പരിസരത്ത് മാലിന്യം വലിച്ചെറിയുന്നതും മാലിന്യം കവറിൽ കൊണ്ടുവന്ന് തള്ളുന്നതും നിരീക്ഷിക്കാനൊരുങ്ങി കെഎസ്ആർടിസി. മാലിന്യം വലിച്ചെറിയുന്നവരെ പിടികൂടാൻ സിസിടിവി നിരീക്ഷണം ശക്തമാക്കുന്ന നടപടി തുടങ്ങികഴിഞ്ഞു. സിസിടിവി സ്ഥിരമായി നിരീക്ഷിക്കാൻ കഐസ്ആർടിസി ഐടി വിഭാഗത്തിന്‍റെ നേതൃത്വത്തിൽ ഉദ്യോഗസ്ഥരെ ചുമതലപ്പെടുത്തി. കെഎസ്ആർടിസി ഡിപ്പോ പരിസരത്ത് മാലിന്യം തള്ളുന്നവർ ഏറെയാണ്. ഇങ്ങനെയുള്ളവരെ പിടികൂടാനാണ് കഐസ്ആർടിസിയുടെ നീക്കം. ഡിപ്പോകളിൽ സ്ഥാപിച്ചിട്ടുള്ള സിസിടിവി കാമറകൾ സ്ഥിരമായി നിരീക്ഷിച്ച് മാലിന്യ നിക്ഷേപ സംഘങ്ങളെ പിടികൂടാൻ ഇനി ഉദ്യോഗസ്ഥർ മുഴുവൻ സമയവും ഉണ്ടാകും. മാലിന്യം തള്ളുന്നത് കണ്ടാൽ വിവരം യൂണിറ്റ് ഓഫീസറെ അറിയിക്കും. കൃത്യമായ തെളിവുകളും ശേഖരിക്കും. തുടർന്ന് വിശദവിവരങ്ങളോടെ തദ്ദേശ വകുപ്പിന്‍റെ വാട്സാപ്പ് നന്പറായ 9446700800ലേക്ക് അയക്കും. പിഴയും ശിക്ഷയുമെല്ലാം തദ്ദേശവകുപ്പ് തീരുമാനിക്കും. എല്ലാ ജീവനക്കാർക്കും ഇതേക്കുറിച്ച് നിർദേശവും നൽകി. പെരിന്തൽമണ്ണ കെഎസ്ആർടിസി ഡിപ്പോയിലേക്കുള്ള ഗേറ്റിന് സമീപവും മെയിൻ റോഡിനോട് ചേർന്ന സ്ഥലത്തും സിസിടിവികൾ സ്ഥാപിക്കാനുള്ള ജോലി ആരംഭിച്ചു.

രക്തസമ്മർദ്ദം കുറയ്ക്കാൻ പുതിയ ചികിത്സാ പദ്ധതി

മലപ്പുറം: രക്തസമ്മർദ്ദ ചികിത്സയ്ക്ക് ജില്ലയിൽ പുതിയ ആരോഗ്യ പരിപാടി. ദേശീയ പകർച്ചേതര രോഗനിയന്ത്രണ പരിപാടിയുടെ ഇന്ത്യ ഹൈപ്പർ ടെൻഷൻ കണ്‍ട്രോൾ ഇനിഷ്യേറ്റീവ് മാർഗ നിർദേശമനുസരിച്ചാണ് ചികിത്സാ പദ്ധതി നടപ്പാക്കുന്നത്. ഇതനുസരിച്ച് ചികിത്സ തേടുന്ന രോഗിയെ രജിസ്റ്റർ ചെയ്ത്, സൂക്ഷ്മ പരിശോധനയിലൂടെ രോഗ നിർണയം നടത്തി നിർദിഷ്ട ചികിത്സാവിധിപ്രകാരം കൃത്യമായ മേൽനോട്ടത്തിൽ മരുന്ന് നൽകും. ചികിത്സ ആരംഭിച്ച രോഗി ഇടക്ക്വച്ചു മരുന്നു നിർത്തിയാൽ കണ്ടെത്തി തുടർ ചികിത്സ ഉറപ്പാക്കുന്നത് ഈ പദ്ധതിയുടെ പ്രത്യേകതയാണ്. ഇതിന്‍റെ ഭാഗമായുള്ള ജില്ലാതല പരിശീലന പരിപാടി ജില്ലാ മെഡിക്കൽ ഓഫീസർ ഡോ.ആർ. രേണുക ഉദ്ഘാടനം ചെയ്തു. എൻസിഡി നോഡൽ ഓഫീസർ ഡോ. വി. ഫിറോസ്ഖാൻ അധ്യക്ഷനായിരുന്നു. സ്റ്റേറ്റ് കണ്‍സൾട്ടന്‍റ് ഡോ. ദീൻ ദയാൽ, ലോകാരോഗ്യ സംഘടനയുടെ കണ്‍സൾട്ടന്‍റുമാരായ ഡോ. യദു, സ്നേഹ, പി. ഷാജി എന്നിവർ പരിശീലനത്തിന് നേതൃത്വം നൽകി. ജില്ലാ എഡ്യൂക്കേഷൻ മീഡിയ ഓഫീസർ കെ.പി. സാദിഖ് അലി, ടെക്നിക്കൽ അസിസ്റ്റന്‍റ് എം. ഷാഹുൽ ഹമീദ് എന്നിവർ പ്രസംഗിച്ചു. ജില്ലയിലെ ഡോക്ടർമാർ, നഴ്സിംഗ് ഓഫീസർമാർ, ഫാർമസിസ്റ്റ്സ് തുടങ്ങിയവർ പങ്കെടുത്തു.

കാട്ടാനയും പുലിയും കോടാലിപ്പൊയിൽ നിവാസികളുടെ ഉറക്കം കെടുത്തുന്നു

എടക്കര: വന്യമൃഗങ്ങളുടെ പിടിയിൽ മലയോര മേഖല. ദിനംപ്രതി വന്യമൃഗങ്ങളുടെ ശല്യം വർധിച്ചുവരികയാണ്. ജനങ്ങളുടെ ജീവന് ഭീഷണി സൃഷ്ടിക്കുന്നതോടൊപ്പം ജനവാസ കേന്ദ്രങ്ങളിലിറങ്ങി വൻതോതിൽ കാർഷികവിളകളും നശിപ്പിക്കുന്നു. കാട്ടാനയും പുലിയുമാണ് കോടാലിപ്പൊയിൽ നിവാസികളുടെ ഉറക്കം കെടുത്തുന്നത്. പോത്തുകൽ പഞ്ചായത്തിലെ കോടാലിപ്പൊയിൽ, നെടുംപൊട്ടി, ചന്തക്കുന്ന്, അറനാടൻ നഗർ, പൊയിൽ തുടങ്ങിയ പ്രദേശങ്ങളിലാണ് കാട്ടാനകളും പുലിയും ജനങ്ങൾക്ക് ഭീഷണിയായി മാറിയിരിക്കുന്നത്. കാട്ടാന കൃഷി നശിപ്പിച്ചതിൽ മനംനൊന്ത് നെടുംപൊട്ടിയിലെ നെടുന്പ മുഹമ്മദ് എന്ന കർഷകൻ വിക്കുപ്പിയുമായി ഇന്നലെ ആത്മഹത്യ ഭീഷണി മുഴക്കിയത് ഏറെ പ്രതിഷേധത്തിനിടയാക്കിയിരുന്നു. സംഭവ സ്ഥലത്തെത്തിയ വഴിക്കടവ് റേഞ്ച് ഓഫീസർ അടക്കമുള്ള വനം ഉദ്യോഗസ്ഥരെ കർഷക സംഘം നേതാക്കളായ ലിയാക്കത്ത്, ഹംസ സി. ഇണ്ണിമാൻ, ഷംസു കോടാലിപ്പൊയിൽ എന്നിവരുടെ നേതൃത്വത്തിൽ നാട്ടുകാർ തടയുകയും ചെയ്തിരുന്നു. ഒരാഴ്ച മുന്പ് അറനാടൻ നഗറിലെ സുമതിയുടെ വീടിന്‍റെ അടുക്കള ഭാഗം കാട്ടാന തകർത്തിരുന്നു. ചക്കക്കാലമായതിനാൽ വൈകിട്ട് ഏഴ് മണിയോടെ കാട്ടാന നാട്ടിലെത്തും. ചക്കയും തിന്ന് കൃഷികളും നശിപ്പിച്ച് പുലർച്ചെയാണ് മടങ്ങുന്നത്. ഇതിന് പുറമെയാണ് പ്രദേശത്ത് പുലിയുടെ സാന്നിധ്യവും. നിലന്പൂർ ഉപതെരഞ്ഞെടുപ്പിന്‍റെ തലേന്ന് നെടുംപൊട്ടി, പൊയിൽ എന്നിവിടങ്ങളിൽ നിന്ന് രണ്ട് നായ്ക്കളെയാണ് പുലി പിടിച്ചുകൊണ്ടുപോയി ഭക്ഷിച്ചത്. രാത്രി ഏഴ് മണിയായാൽ പുലിയും ആനയും നാട്ടിലെത്തും. ഇതോടെ ജനങ്ങൾക്ക് പുറത്തിറങ്ങാൻ പറ്റാത്ത അവസ്ഥയാണ്. കഴിഞ്ഞ ദിവസം പുലർച്ചെ മദ്രസകളിൽ പോയ വിദ്യാർഥികൾ കാട്ടാനയുടെ മുന്നിലകപ്പെട്ടിരുന്നു. ഭാഗ്യം കൊണ്ടാണ് കുട്ടികൾ രക്ഷപെട്ടത്. വഴിക്കടവ് റേഞ്ചിന് കിഴിലെ കരിയംമുരിയം വനാതിർത്തിയിൽ സോളാർ ഫെൻസിംഗ് സ്ഥാപിച്ചിട്ടുണ്ടെങ്കിലും പ്രവർത്തനം കാര്യക്ഷമമല്ല. നാല് വർഷം മുന്പ് തകരാർ പരിഹരിക്കാൻ കെണ്ടുപോയ ബാറ്ററി ഇതുവരെ പുന:സ്ഥാപിച്ചിട്ടില്ല. പുതിയ ബാറ്ററി സ്ഥാപിച്ച് നിലവിലുളള സോളാർ വേലി കാര്യക്ഷമമാക്കുമെന്ന് വഴിക്കടവ് റേഞ്ച് ഓഫീസർ ഷെരീഫ് പനേലൻ അറിയിച്ചു. ലൈനിൽ പടർന്ന ചെടികൾ ഇന്നലെത്തന്നെ നീക്കം ചെയ്യാൻ തുടങ്ങിയിട്ടുമുണ്ട്. ഇതിന് പുറമെ ആർകെവിവൈ പദ്ധതി പ്രകാരം പന്നിച്ചാൽ മുതൽ കോളനിമുക്ക് വരെയുള്ള വനാതിർത്തിയിൽ തൂക്കുവേലി നിർമാണത്തിന് അനുമതി ലഭിച്ചിട്ടുണ്ട്. ഒരു മാസത്തിനുള്ളിൽ തൂക്കുവേലിയുടെ പ്രവൃത്തി ആരംഭിക്കുമെന്നും റേഞ്ച് ഓഫീസർ അറിയിച്ചു.

യുഡിഎഫ് കൗണ്‍സിലർമാർ എൻജിനീയറെ ഉപരോധിച്ചു

പൊന്നാനി:പൊന്നാനി നഗരസഭയിലെ തെരുവ് വിളക്കുകൾ മിഴി ചിമ്മിയിട്ട് മൂന്ന് മാസത്തിലധികമായിട്ടും നടപടി സ്വീകരിക്കാത്തതിൽ പ്രതിഷേധിച്ച് പൊന്നാനി മുനിസിപ്പൽ എൻജിനീയറെ യുഡിഎഫ് കൗണ്‍സിലർമാർ ഉപരോധിച്ചു. 40ലധികം വാർഡുകളിലെ ഭൂരിഭാഗം തെരുവ് വിളക്കുകളും തകരാറിലാണ്. സമയബന്ധിതമായി പരിഹാരം കാണാൻ ഭരണസമിതി തയാറാകാത്തത് പ്രതിഷേധാർഹമാണെന്നും തെരുവ് വിളക്കുമായി ബന്ധപ്പെട്ട് രജിസ്റ്ററിൽ എഴുതിവച്ച പരാതിയിൽ യുഡിഎഫ് കൗണ്‍സിലർമാരുടെ വാർഡുകളിലേക്ക് ക്രമപ്രകാരം ജോലിക്കാരെ പറഞ്ഞയക്കാതെ എൽഡിഎഫ് കൗണ്‍സിലർമാരുടെ വാർഡുകളിലേക്ക് മാത്രം റിപ്പയറിംഗിനായി ജോലിക്കാരെ അയക്കുന്നത് ഏകാധിപത്യമാണെന്ന് യുഡിഎഫ് കൗണ്‍സിലർമാർ പറഞ്ഞു. പൊന്നാനിയിലെ സാധാരണക്കാരായ മനുഷ്യരെ ഇരുട്ടിലാക്കി ബുദ്ധിമുട്ടിക്കുകയാണ് നഗരസഭാ ഭരണസമിതി ചെയ്യുന്നതെന്നും കൂടുതൽ വാഹനങ്ങളും ജോലിക്കാരെയും ഉപയോഗപ്പെടുത്തി അടിയന്തര പ്രാധാന്യത്തോടൈ മുഴുവൻ തെരുവ് വിളക്കുകൾ പ്രവർത്തനക്ഷമമമാക്കണമെന്നും നഗരസഭ പ്രതിപക്ഷ നേതാവ് ഫർഹാൻ ബിയ്യം ആവശ്യപ്പെട്ടു. ഉപരോധ സമരത്തിന് കൗണ്‍സിലർമാരായ അനുപമ മുരളീധർ, ആയിഷ അബ്ദു, മിനി ജയപ്രകാശ്, ശ്രീകല ചന്ദ്രൻ, റാഷിദ് നാലകത്ത് എന്നിവർ നേതൃത്വം നൽകി.

വീട്ടമ്മയെയും മകനെയും മർദിച്ച അയൽവാസികൾക്ക് തടവും പിഴയും

മഞ്ചേരി : പട്ടികജാതിക്കാരിയായ വീട്ടമ്മയെയും മകനെയും വീട്ടുവളപ്പിൽ അതിക്രമിച്ചു കയറി മർദിച്ചുവെന്ന കേസിൽ പ്രതികളായ നാലു പേർക്ക് മഞ്ചേരി എസ്‌സി-എസ്ടി സ്പെഷൽ കോടതി രണ്ടു വകുപ്പുകളിലായി ഒരു വർഷവും മൂന്നു മാസവും തടവിനും 1500 രൂപ വീതം പിഴയടക്കാനും ശിക്ഷിച്ചു. പിഴയടച്ചില്ലെങ്കിൽ മൂന്നാഴ്ചത്തെ അധിക തടവ് അനുഭവിക്കണം. പുളിക്കൽ മുട്ടയൂർ കുറിച്ച്യത്ത് പൈക്കാരത്തൊടി സിദ്ദീഖ് (45), സഹോദരൻ റഷീദ് (43), മകൻ ഫവാസ് (22), സഹോദരി ഹഫ്സത്ത് എന്നിവരെയാണ് ജഡ്ജി ടി.ജി. വർഗീസ് ശിക്ഷിച്ചത്. കേസിലെ ആറാം പ്രതിയും രണ്ടാം പ്രതി റഷീദിന്‍റെ ഭാര്യയുമായ കദീജ (36)യെ മൂന്ന് മാസം തടവിനും 500 രൂപ പിഴയടക്കാനും ശിക്ഷിച്ചു. പിഴയടച്ചില്ലെങ്കിൽ ഒരാഴ്ചത്തെ അധിക തടവ് അനുഭവിക്കണം. കേസിലെ അഞ്ചാം പ്രതിയും ഒന്നാം പ്രതി സിദ്ദീഖിന്‍റെ ഭാര്യയുമായ ആരിഫയെ കുറ്റക്കാരിയല്ലെന്ന് കണ്ട് കോടതി വെറുതെ വിട്ടു. 2016 സെപ്തംബർ അഞ്ചിന് രാവിലെ ആറര മണിക്കാണ് കേസിനാസ്പദമായ സംഭവം. വീട്ടുമുറ്റത്തേക്ക് അതിക്രമിച്ചു കയറിയ പ്രതികൾ വീട്ടമ്മയെയും മകനെയും അടിക്കുകയും മാനഹാനി വരുത്തുകയും ജാതിപ്പേര് വിളിച്ച് അധിക്ഷേപിക്കുകയും ചെയ്തുവെന്നാണ് കേസ്. കൊണ്ടോട്ടി പോലീസ് രജിസ്റ്റർ ചെയ്ത കേസിൽ മലപ്പുറം ഡിവൈഎസ്പിയായിരുന്ന പി.എം. പ്രദീപ് ആയിരുന്നു അന്വേഷണോദ്യോഗസ്ഥൻ. പ്രോസിക്യൂഷന് വേണ്ടി ഹാജരായ സ്പെഷൽ പബ്ലിക് പ്രോസിക്യൂട്ടർ അബ്ദുൾ സത്താർ തലാപ്പിൽ 12 സാക്ഷികളെ കോടതി മുന്പാകെ വിസ്തരിച്ചു. 14 രേഖകളും ഹാജരാക്കി. പ്രോസിക്യൂഷൻ ലൈസണ്‍ വിംഗിലെ സീനിയർ സിവിൽ പോലീസ് ഓഫീസർ കെ. സാജൻ പ്രോസിക്യൂഷനെ സഹായിച്ചു.

പോളിംഗ് ശതമാനം കൂടുതൽ അമരന്പലം പഞ്ചായത്തിൽ

നിലന്പൂർ: നിലന്പൂർ ഉപതെരഞ്ഞെടുപ്പിൽ പോളിംഗ് ശതമാനം കൂടുതൽ അമരന്പലം പഞ്ചായത്തിൽ. കൂടുതൽ പേർ സമ്മതിദാനം വിനിയോഗിച്ചത് വഴിക്കടവ് പഞ്ചായത്തിലാണ്. അമരന്പലം പഞ്ചായത്തിൽ 77.22 ശതമാനം പോളിംഗ് രേഖപ്പെടുത്തി. 24,021 പേർ ഇവിടെ വോട്ട് ചെയ്തു. വഴിക്കടവ് പഞ്ചായത്തിൽ 29,320 പേർ വോട്ട് ചെയ്തു. എന്നാൽ ഇവിടെ മണ്ഡലത്തിലെ ഏറ്റവും കുറഞ്ഞ പോളിംഗാണ്. 73.64 ശതമാനം. അമരന്പലത്തിന് പുറമെ പോത്തുകല്ല്, ചുങ്കത്തറ, കരുളായി പഞ്ചായത്തുകളിലും മണ്ഡല ശരാശരിയേക്കാൾ പോളിംഗ് രേഖപ്പെടുത്തി. 76.89 ശതമാനം പോളിംഗുള്ള കരുളായിയിൽ 15,459 പേരും76.39 ശതമാനം പോളിംഗുള്ള പോത്തുകല്ലിൽ 18,045 പേരും 75.39 ശതമാനം പോളിംഗുള്ള ചുങ്കത്തറയിൽ 23,997 പേരും വോട്ട് രേഖപ്പെടുത്തി. മൂത്തേടം, എടക്കര പഞ്ചായത്തുകളിലും നിലന്പൂർ നഗരസഭയിലും മണ്ഡല ശരാശരിയേക്കാൾ പോളിംഗ് കുറവാണ്. 17,169 പേർ വോട്ട് രേഖപ്പെടുത്തിയ മൂത്തേടം പഞ്ചായത്തിൽ 74.99 ശതമാനവും 28,717 പേർ വോട്ട് രേഖപ്പെടുത്തിയ നിലന്പൂർ നഗരസഭയിൽ74.65 ശതമാനവും 17,939 പേർ വോട്ട് ചെയ്ത എടക്കരയിൽ 73.98 ശതമാനമാണ് പോളിംഗ്

നാളെ ഫലമറിയാം : ചുങ്കത്തറ മാർത്തോമ സ്കൂളിൽ വോട്ടെണ്ണലിന് ഒരുക്കങ്ങളായി

എടക്കര: നിലന്പൂർ ഉപതെരഞ്ഞെടുപ്പിന്‍റെ വോട്ടെണ്ണൽ 23 ന് രാവിലെ എട്ടിന് ചുങ്കത്തറ മാർത്തോമ ഹയർ സെക്കൻഡറി സ്കൂളിൽ നടക്കും. ഇതിനുള്ള സജ്ജീകരണങ്ങൾ പൂർത്തിയായി. ജില്ലാ ഇലക്ഷൻ കണ്‍ട്രോൾ റൂം, കമ്മ്യൂണിക്കേഷൻ കണ്‍ട്രോൾ റൂം, മീഡിയ റൂം എന്നിവയും ഇവിടെ പ്രവർത്തിക്കും. ആദ്യം നാല് ടേബിളുകളിൽ പോസ്റ്റൽ ബാലറ്റുകൾ ആയിരിക്കും എണ്ണി തുടങ്ങുന്നത്. തുടർന്ന് 14 ടേബിളുകളിൽ ഇലക്ട്രോണിക് വോട്ടിംഗ് മെഷീനുകളിൽ രേഖപ്പെടുത്തിയ വോട്ടുകൾ എണ്ണും. ഇലക്ട്രോണിക് വോട്ടിംഗ് മെഷീനുകളിലെ വോട്ടുകൾ എണ്ണുന്നതിന് 14 ടേബിളുകളും പോസ്റ്റൽ ബാലറ്റുകൾ എണ്ണുന്നതിന് നാല് ടേബിളുകളും ഇടിപിബിഎസ് പ്രീ കൗണ്ടിംഗിനായി ഒരു ടേബിളും ക്രമീകരിച്ചിട്ടുണ്ട്. 263 പോളിംഗ് ബൂത്തുകളിലെ വോട്ടുകൾ 19 റൗണ്ടുകളിലായി എണ്ണും. 25 മൈക്രോ ഒബ്സർവർമാർ, 24 കൗണ്ടിംഗ് സൂപ്പർവൈസർമാർ, 30 കൗണ്ടിംഗ് അസിസ്റ്റന്‍റുമാർ, ഏഴു അസിസ്റ്റന്‍റ് റിട്ടേണിംഗ് ഓഫീസർമാർ എന്നിങ്ങനെ 86 ഉദ്യോഗസ്ഥരെ വോട്ടെണ്ണുന്നതിനായി നിയോഗിച്ചു. ഇവർക്കുള്ള പരിശീലനം നേരത്തെ നൽകിയിരുന്നു. എല്ലാ റൗണ്ടുകളിലും വോട്ട് എണ്ണി കഴിഞ്ഞതിന് ശേഷം നറുക്കിട്ടെടുത്ത അഞ്ചു പോളിംഗ് സ്റ്റേഷനുകളിലെ വിവിപാറ്റ് സ്ലിപ്പുകൾ പ്രത്യേകം സജ്ജീകരിച്ച വിവിപാറ്റ് കൗണ്ടിംഗ് ബൂത്തിൽ ഇലക്ഷൻ കമ്മീഷൻ നിരീക്ഷകരുടെ സാന്നിധ്യത്തിൽ എണ്ണിത്തിട്ടപ്പെടുത്തും. വോട്ടെണ്ണൽ നടപടികൾ പൂർണമായി സിസി ടിവി നിരീക്ഷണത്തിലായിരിക്കും. വോട്ടെണ്ണൽ കേന്ദ്രത്തിന് കേന്ദ്രസേനയുടെയും പോലീസിന്‍റെയും ത്രിതല സുരക്ഷ സംവിധാനം ഏർപ്പെടുത്തിയിട്ടുണ്ട്. ഇലക്ഷൻ കമ്മീഷൻ നിരീക്ഷകരും വരണാധികാരിയും വോട്ടെണ്ണൽ നടപടികൾക്ക് മേൽനോട്ടം വഹിക്കും. വോട്ടെണ്ണൽ പ്രക്രിയ നിരീക്ഷണത്തിന് സ്ഥാനാർഥികൾക്കും ഏജന്‍റുമാർക്കും ഇലക്ഷൻ കമ്മീഷൻ നിർദേശ പ്രകാരമുള്ള സൗകര്യങ്ങൾ ഒരുക്കിയിട്ടുണ്ട്. വോട്ടെണ്ണൽ കേന്ദ്രത്തിലേക്ക് പൊതുജനങ്ങൾക്ക് പ്രവേശനം ഉണ്ടായിരിക്കില്ല. വോട്ടെണ്ണലിന് മുന്നോടിയായി ജില്ലാ ഇലക്ഷൻ ഓഫീസർ ഇന്നലെ സ്ഥാനാർഥികളുടെയും രാഷ്ട്രീയ പാർട്ടി പ്രതിനിധികളുടെയും യോഗം വിളിച്ചു ചേർത്ത് വോട്ടെണ്ണൽ നടപടിക്രമങ്ങൾ വിശദീകരിച്ചു.

ലഹരിക്കെതിരേ ബോധവത്കരണവുമായി സിബിഎസ്ഇ സ്കൂളുകൾ

മഞ്ചേരി: സിബിഎസ്ഇ മലപ്പുറം സെൻട്രൽ സഹോദയയുടെ നേതൃത്വത്തിൽ ലഹരിക്കെതിരെ വിദ്യാർഥികളെ അണിനിരത്തി സംഘടിത അവബോധ സദസുകൾ സംഘടിപ്പിക്കുന്നു. സ്റ്റുഡന്‍റ് പോലീസ് കേഡറ്റ് പദ്ധതി സിബിഎസ്ഇ സ്കൂളുകളിലേക്കും വ്യാപിപ്പിക്കണമെന്ന് മലപ്പുറം സെൻട്രൽ സഹോദയ ജില്ലാ ജനറൽ ബോഡി യോഗം വിദ്യാഭ്യാസ വകുപ്പിനോട് ആവശ്യപ്പെട്ടു. മഞ്ചേരി നോബിൾ പബ്ലിക് സ്കൂളിൽ ചേർന്ന മലപ്പുറം സെൻട്രൽ സഹോദയ വാർഷിക ജനറൽ ബോഡി യോഗത്തിൽ ജില്ലയിലെ 78 സിബിഎസ്ഇ സ്കൂളുകളിൽ നിന്നുള്ള പ്രിൻസിപ്പൽമാർ പങ്കെടുത്തു. സെൻട്രൽ സഹോദയ സ്ഥാപക പ്രസിഡന്‍റ് ഡോ.കെ.എം.മുഹമ്മദ് ഉദ്ഘാടനം ചെയ്തു. സഹോദയ പ്രസിഡന്‍റ് നൗഫൽ പുത്തൻപീടിയക്കൽ അധ്യക്ഷനായിരുന്നു. ജനറൽ സെക്രട്ടറി ഡോ.മുഹമ്മദ് ജംഷീർ നഹ വാർഷിക പ്രവർത്തന റിപ്പോർട്ടും ട്രഷറർ സി.സി.അനിഷ് കുമാർ വരവുചെലവുകളും അവതരിപ്പിച്ചു. വൈസ് പ്രസിഡന്‍റ് ടി.അബ്ദുൾ സമദ്, അമിന ജഹാൻ എന്നിവർ പ്രസംഗിച്ചു. ഭാരവാഹികൾ: പെരിന്തൽമണ്ണ ഐഎസ്എസ് സിനിയർ സെക്കൻഡറി സ്കൂൾ പ്രിൻസിപ്പൾ നൗഫൽ പുത്തൻ പീടിയക്കൽ (പ്രസിഡന്‍റ്), പുക്കോട്ടുംപാടം യമാനിയ്യ ഇംഗ്ലീഷ് മീഡിയം സ്കൂൾ പ്രിൻസിപ്പൽ സി.സി.അനിഷ് കുമാർ (ജനറൽ സെക്രട്ടറി), അയിലക്കാട് കാംബ് ആൻഡ് സ്കൂൾ ഓഫ് ലൈഫ് ഇന്‍റർനാഷണലിലെ മനോജ് മാത്യു (ട്രഷറർ). മറ്റു ഭാരവാഹികൾ: വി.പി. മധുസൂധനൻ (എംഇഎസ് തിരൂർ), ഡോ.എൻ.പി.ദിവ്യ (ഓട്ടൻ ഇംഗ്ലീഷ് സ്കൂൾ വണ്ടൂർ) (വൈസ് പ്രസിഡന്‍റ്), ഫാ.തോമസ് ജോസഫ് (സെന്‍റ് അൽഫോൻസ, ഉൗരകം), കെ.കെ.ഷുഹൈബ് (നജാത്ത് കരുവാരക്കുണ്ട്) (ജോയിന്‍റ് സെക്രട്ടറി), കെ.പി.ഫഹദ് (എഇഎസ് അല്ലൂർ), (സ്പോർട്സ് ആൻഡ് ഗെയിംസ് കണ്‍വീനർ), ആർട്സ് കണ്‍വീനർമാരായി ഷിജു വർക്കി (ഓർഫനേജ് സ്കൂൾ, പാലാട്), എൻ.ജി.സുരേന്ദ്രൻ (കഐംഎം പെരുന്പടപ്പ്), ഷഹല ബിഗം (യുനീക്, വടപുറം), എസ്ടിഎസ്ഇ പരീക്ഷാ കണ്‍ട്രോളർമാരായി ഫാ. ജീവൻ (എസ്എച്ച് സ്കൂൾ, പെരിന്തൽമണ്ണ),ടി.അബ്ദുൾ സമദ് (അൽ അമീൻ മങ്കട), ട്രെയിനിംഗ് കണ്‍വീനർ ഡോ.മുഹമ്മദ് ജംഷീർ നഹ(മലബാർ സെൻട്രൽ സ്കൂൾ). ചീഫ് അഡ്വൈസറും ഫിനാൻസ് കമ്മിറ്റി ചെയർമാനുമായ കെ.റഫീഖ് മുഹമ്മദ് (ഗൈഡൻസ് പബ്ലിക് സ്കൂൾ, എടക്കര) തെരഞ്ഞെടുപ്പിന് നേതൃത്വം നൽകി.

ചിത്രകലാ പഠന കേന്ദ്രം തുടങ്ങി

മലപ്പുറം: മലപ്പുറം നഗരസഭ കുടുംബശ്രീ യൂണിറ്റ് ടോപ് സ്കിൽ പ്രീ പ്രൈമറി ടീച്ചേഴ്സ് ട്രെയിനിംഗ് സെന്‍ററിന് കീഴിൽ ചിത്രകലാപഠന കേന്ദ്രം തുടങ്ങി. പ്രശസ്ത ചിത്രകാരി ആർട്ടിസ്റ്റ് ഷബീബ മലപ്പുറം ഉദ്ഘാടനം ചെയ്തു. രക്ഷാധികാരി ബാബുരാജ് കോട്ടക്കുന്ന് അധ്യക്ഷത വഹിച്ചു. ഡയറക്ടർ മജീഷ്യൻ മലയിൽ ഹംസ, നഗരസഭ കൗണ്‍സിലർമാരായ സുരേഷ്, പി.എസ്.എ. സബീർ, മുസ്ലിം ലീഗ് മലപ്പുറം നിയോജക മണ്ഡലം സെക്രട്ടറി ഹാരിസ് ആമിയൻ, കുന്നുമ്മൽ കൂട്ടായ്മ നാട്ടുകൂട്ടം സെക്രട്ടറി ഷംസു തറയിൽ, ബാനർ സാംസ്കാരിക സമിതി കണ്‍വീനർ ബോസ്, കോട്ടക്കുന്ന് റസിഡന്‍റ്സ് അസോസിയേഷൻ സെക്രട്ടറി വിനോദ് കോട്ടക്കുന്ന്, പ്രിൻസിപ്പൽ ഹസീന മലയിൽ, അസിസ്റ്റന്‍റ് ടീച്ചർ ഫെബിത കാളന്പാടി എന്നിവർ പ്രസംഗിച്ചു.

നാടെങ്ങും അന്താരാഷ്‌ട്ര യോഗ ദിനാചരണം

പെരിന്തൽമണ്ണ: അന്താരാഷ്ട്ര യോഗ ദിനത്തോടനുബന്ധിച്ച് നാടെങ്ങും പരിശീലനം സംഘടിപ്പിച്ചു. പെരിന്തൽമണ്ണ നഗരസഭയിൽ യോഗപ്രദർശനവും പരിശീലനവും നഗരസഭ കോണ്‍ഫറൻസ് ഹാളിൽ നടത്തി. ചെയർമാൻ പി. ഷാജി ഉദ്ഘാടനം ചെയ്തു. യോഗ ട്രെയിനർമാരായ പി.എം.സുരേഷ്കുമാർ, കിഴക്കേതിൽ മുഹമ്മദ് യൂനസ്, ഷംസുദീൻ, ക്യാപ്റ്റൻ ഉണ്ണികൃഷ്ണൻ എന്നിവർ നേതൃത്വം നൽകി. സ്റ്റാൻഡിംഗ് കമ്മിറ്റി ചെയർപേഴ്സണ്‍മാരായ അഡ്വ. ഷാൻസി, നെച്ചിയിൽ മൻസൂർ, കൗണ്‍സിലർ സാറ സലിം, പബ്ലിക് ഹെൽത്ത് ഇൻസ്പെക്ടർമാരായ ടി. രാജീവൻ, ഫൈസൽ, ഡോ.കൊച്ചു എസ്. മണി, ഡോ.ഷാജി, ഡോ.ഷീബ കൃഷ്ണദാസ്, ഫാ. വിക്ടർ, കെ.ആർ.രവി, ഇഎംഎസ് നഴ്സിംഗ് കോളജ് പ്രിൻസിപ്പൽ പൂജ മേനോൻ, പരിസ്ഥിതി പ്രവർത്തക കൂട്ടായ്മ, ഓയിസ്ക ഇന്‍റർനാഷണൽ പ്രവർത്തകർ എന്നിവർ പങ്കെടുത്തു. ക്ലീൻ സിറ്റി മാനേജർ സി.കെ. വത്സൻ, ഡോ. കൃഷ്ണദാസ് എന്നിവർ പ്രസംഗിച്ചു. പെരിന്തൽമണ്ണ സബ് ജയിലിൽ ജില്ലാ ലീഗൽ സർവീസസ് അഥോറിറ്റി മഞ്ചേരിയുടെയും പെരിന്തൽമണ്ണ താലൂക്ക് ലീഗൽ സർവീസസ് കമ്മിറ്റിയുടെയും ആഭിമുഖ്യത്തിൽ യോഗദിനം ആചരിച്ചു. ജയിൽ സൂപ്രണ്ട് മുഹമ്മദ് ഹുസൈൻ ഉദ്ഘാടനം ചെയ്തു. യോഗ ട്രെയിനറും യോഗയുടെ സ്റ്റേറ്റ് റിസോഴ്സ് സെന്‍റർ മലപ്പുറം സെക്രട്ടറിയുമായ സി. സുനിൽകുമാർ നേതൃത്വം നൽകി. പാരാലീഗൽ വോളണ്ടിയർ അബൂബക്കർ, താലൂക്ക് ലീഗൽ സർവീസസ് കമ്മിറ്റി സെക്രട്ടറി എന്നിവർ പങ്കെടുത്തു. 20 അന്തേവാസികൾ പരിശീലനത്തിൽ പങ്കെടുത്തു. ശ്രീവള്ളുവനാട് വിദ്യാഭവനിൽ അന്താരാഷ്ട്ര യോഗ ദിനവും സംഗീത ദിനവും ആചരിച്ചു. പ്രിൻസിപ്പൽ ഹരിദാസ് ഉദ്ഘാടനം ചെയ്തു. എൻ.മഞ്ജുള അധ്യക്ഷത വഹിച്ചു. യോഗാചാര്യനായ സി.ഹരികുമാർ പരിശീലനത്തിന് നേതൃത്വം നൽകി. സംഗീതവും നൃത്തവും യോഗയും ഒരുമിച്ചുള്ള പരിപാടിയാണ് ചിട്ടപ്പെടുത്തിയിരുന്നത്. സംഗീതാധ്യാപികയായ പി.ആർ. ദിവ്യ, ദിവ്യ വിപിൻ, വിനീഷ് കൃഷ്ണൻ എന്നിവർ നേതൃത്വം നൽകി. തുടർന്ന് അധ്യാപകർക്കും രക്ഷിതാക്കൾക്കും പൊതുജനങ്ങൾക്കുമായി പത്ത് ദിവസത്തെ സൗജന്യ യോഗ പരിശീലനം ആരംഭിച്ചു. ജഡ്ജിയുടെ യോഗഭ്യാസം ശ്രദ്ധേയമായി മഞ്ചേരി: യോഗയുടെ പ്രാധാന്യത്തെക്കുറിച്ച് നടത്തിയ പ്രഭാഷണവും ഫാസ്റ്റ് ട്രാക്ക് സ്പെഷൽ കോടതി ജഡ്ജിയുടെ യോഗഭ്യാസ പ്രകടനവും ശ്രദ്ധേയമായി. ജില്ലാ നിയമ സേവന അഥോറിറ്റി ജില്ലാ കോടതിയിൽ സംഘടിപ്പിച്ച അന്താരാഷ്ട്ര യോഗദിനാചരണ ചടങ്ങിലായിരുന്നു ജഡ്ജിയുടെ പ്രകടനം. സ്പെഷൽ കോടതി ജഡ്ജി എ.എം. അഷ്റഫാണ് യോഗാഭ്യാസം ചെയ്തത്. യോഗാചാര്യൻ ഡോ. സി.വി. സത്യനാഥൻ പ്രഭാഷണം നടത്തി. അഡീഷണൽ ജഡ്ജ് എം. തുഷാർ ഉദ്ഘാടനം ചെയ്തു. ചീഫ് ജുഡീഷ്യൽ മജിസ്ട്രേറ്റ് ടി.ബി. ഫസീല അധ്യക്ഷത വഹിച്ചു. തൊണ്ണൂറ്റിയൊന്നാം വയസിലും യോഗ പരിശീലിക്കുന്ന അഡ്വ. കെ. രാമകൃഷ്ണൻനായരെ ചടങ്ങിൽ പൊന്നാടയിട്ട് ആദരിച്ചു. ജഡ്ജ് എ.എം. അഷ്റഫ്, അഡ്വ. രാധാകൃഷ്ണൻ നായർ, ബാർ അസോസിയേഷൻ പ്രസിഡന്‍റ് അഡ്വ. എം. ഉമ്മർ, സെക്ഷൻ ഓഫീസർ വി.ജി. അനിത, ഏറനാട് താലൂക്ക് ലീഗൽ സർവീസസ് സെക്രട്ടറി എം.പി. ആയിഷ എന്നിവർ പ്രസംഗിച്ചു.

മഞ്ചേരിയിൽ യോഗോത്സവം നാളെ

മഞ്ചേരി: യോഗ - ഒരു ഭൂമി, ഒരു ആരോഗ്യം എന്ന സന്ദേശവുമായി മഞ്ചേരി പൗരാവലിയുടെ അന്താരാഷ്ട്ര യോഗാദിനാചരണം, ലോക സംഗീതദിനാചരണം എന്നിവ നാളെ മഞ്ചേരിയിൽ നടക്കും. ആരോഗ്യഭാരതി ജില്ലാ സമിതിയും ഡോ. സി.വി.എസ്. ഹെൽത്ത് സെന്‍റർ ആൻഡ് പതഞ്ജലി യോഗ റിസർച്ച് സെന്‍ററും പൈതൃക് ജില്ലാ സമിതിയും സംയുക്തമായി വിവിധ സംഘടനകളുടെ സഹകരണത്തോടെ നടത്തുന്ന യോഗോത്സവം 2025 ഞായറാഴ്ച മഞ്ചേരി അരുകിഴായയിൽ നടക്കുമെന്നും ഒരുക്കങ്ങൾ പൂർത്തിയായതായും ഭാരവാഹികൾ വാർത്താ സമ്മേളനത്തിൽ അറിയിച്ചു. മുദ്ര തെറാപ്പി, യോഗ, റയ്ക്കി മാസ്റ്റർ ലൈഫ് ഹീലിംഗ് ഹബ്ബ് ഡയറക്ടർ അനൂപ് പട്ടർ ഉദ്ഘാടനം ചെയ്യും. ആശാവർക്കർമാരെ ചടങ്ങിൽ ആദരിക്കും. ലഹരി മുക്ത പ്രതിജ്ഞ, യോഗ നൃത്തം, യോഗ പ്രദർശനം, സംഗീത ആലാപനം, തിരുവാതിര കളി എന്നിവ നടക്കും. വാർത്താ സമ്മേളനത്തിൽ ഡോ. സി.വി. സത്യനാഥൻ, കെ. ദിവാകരൻ അരുകിഴായ, ടി. നാരായണൻ, വിജയൻ പകരത്ത്, പി. രാധാകൃഷണൻ, കെ.പി. സുകുമാരൻ, ടി.വി. ഹരിദാസ്, കൃഷ്ണദാസ്, ബി.പി. രഘുരാജ് എന്നിവർ പങ്കെടുത്തു.

വേടന്‍റെ പാട്ടുകൾ കുട്ടികളിൽ മൂല്യബോധമുണ്ടാക്കുമോയെന്ന് വ്യക്തമാക്കണമെന്ന്

മഞ്ചേരി: പ്രധാനമന്ത്രിയെ അവഹേളിക്കുകയും സാമൂഹ്യാന്തരീക്ഷത്തിൽ ജാതി ചിന്ത വളർത്തുകയും അശ്ലീല പദസന്പുഷ്ടവുമായ ഗാനങ്ങളെഴുതിയ വ്യക്തിയെക്കുറിച്ച് കേരളത്തിലെ സർവകലാശാലകളിൽ പഠിപ്പിക്കുന്നത് വഴി വിദ്യാർഥികൾക്ക് എന്ത് സന്ദേശമാണ് സർവകലാശാലകൾ നൽകുന്നതെന്ന് ബന്ധപ്പെട്ടവർ വ്യക്തമാക്കണമെന്ന് ഭാരതീയ വിചാരകേന്ദ്രം ജില്ലാ കമ്മിറ്റി ആവശ്യപ്പെട്ടു. കഞ്ചാവുമായി പോലീസ് പിടിയിലായ വേടൻ എന്നറിയപ്പെടുന്ന ഗായകന്‍റെ ഈ പാട്ടുകൾ അക്കാഡമിക രംഗത്തെയോ കുട്ടികളുടെ മൂല്യബോധത്തെയോ വളർത്താൻ ഏതു തരത്തിലാണ് ഉപകരിക്കുക എന്ന് വ്യക്തമാക്കാൻ സർവകലാശാല അധികാരികൾ തയാറാകണം. ഇത്തരം തലതിരിഞ്ഞ നിലപാടുകളാണ് കേരളത്തിലെ ഉന്നത വിദ്യാഭ്യാസരംഗം പിറകോട്ട് പോകാൻ കാരണമെന്നും യോഗം വിലയിരുത്തി. സംസ്ഥാന സംഘടനാ സെക്രട്ടറി വി. മഹേഷ് ഉദ്ഘാടനം ചെയ്തു. ജില്ലാ പ്രസിഡന്‍റ് ഡോ. എം.പി. രവിശങ്കർ അധ്യക്ഷത വഹിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]