ADVERTISEMENT

ADVERTISEMENT

വൈത്തിരി ഉപജില്ലാ കായികമേള: നടവയൽ സെന്‍റ് തോമസ് ജേതാക്കൾ

നടവയൽ: വൈത്തിരി ഉപജില്ലാ സ്കൂൾ കായിക മേളയിൽ 279 പോയിന്‍റോടെ തുടർച്ചയായി രണ്ടാം തവണയും നടവയൽ സെന്‍റ് തോമസ് ഹയർ സെക്കൻഡറി സ്കൂൾ ജേതാക്കളായി.

36 സ്വർണവും 18 വെള്ളിയും 14 വെങ്കലവും വിദ്യാലയം കരസ്ഥമാക്കി. കായികാധ്യാപകൻ മിഥുൻ വർഗീസിന്‍റെ നേതൃത്വത്തിൽ കുട്ടികതൾ ചിട്ടയായ പരിശീലനം നേടിയിരുന്നു. സ്കൂൾ മാനേജർ ഫാ. ഗർവാസിസ് മറ്റത്തിൽ, പ്രിൻസിപ്പൽ ജയിംസ് പോൾ,

ഹെഡ്മാസ്റ്റർ ഇ.കെ. വർഗീസ്, പിടിഎ പ്രസിഡന്‍റ് വിൻസന്‍റ് ചേരവേലിൽ, മദർ പിടിഎ പ്രസിഡന്‍റ് സന്ധ്യ ലിഷു എന്നിവർ താരങ്ങളെ അഭിനന്ദിച്ചു.

ADVERTISEMENT

മലയണ്ണാനെ കൊന്നുവെന്ന കേസിൽ അറസ്റ്റ് ചെയ്ത കർഷകരെ വിട്ടയയ്ക്കണം: ആം ആദ്മി പാർട്ടി

പുൽപ്പള്ളി: അമരക്കുനിയിൽ വനത്തിൽ നിന്നും നാട്ടിൽ ഇറങ്ങി കാർഷിക വിളകൾ നശിപ്പിച്ച മലയണ്ണാനെ എയർ ഗണ്‍ ഉപയോഗിച്ച് വെടിവച്ച മൂന്ന് കർഷകരെ അറസ്റ്റ് ചെയ്ത വനം വകുപ്പിന്‍റെ നടപടി തികച്ചും കിരാതവും നിന്ദ്യവുമാണെന്ന് ആം ആദ്മി ബത്തേരി മണ്ഡലം കമ്മിറ്റി കുറ്റപ്പെടുത്തി. അണ്ണാൻ, മയിൽ, കുരങ്ങ്, പന്നി, ആന തുടങ്ങിയ വന്യമൃഗങ്ങളുടെ ശല്യം കാരണം പലരും കൃഷി തന്നെ ഉപേക്ഷിക്കുന്ന സാഹചര്യമാണുള്ളത്. ഈ സാഹചര്യത്തിൽ ഒരു മലയണ്ണാനെ എയർ ഗണ്‍ ഉപയോഗിച്ച് വെടിവച്ചു എന്നുള്ള കാര്യത്തിന് അറസ്റ്റ് ചെയ്യുകയും കൊടുംകുറ്റവാളികൾ എന്ന നിലയിൽ ഫോട്ടോ എടുത്ത് മാധ്യമങ്ങളിൽ ഇടുകയും ചെയ്ത നടപടി തികച്ചും അപലനീയമാണെന്ന് കമ്മിറ്റി കുറ്റപ്പെടുത്തി. വന്യമൃഗങ്ങളെ നാട്ടിൽ ഇറങ്ങാതെ കാട്ടിൽ സംരക്ഷിക്കേണ്ട ഉത്തരവാദിത്വം വനംവകുപ്പിനാണ്. അതുകൊണ്ട് അറസ്റ്റ് ചെയ്ത പാവപ്പെട്ട കർഷകരെ വനം മന്ത്രി ഇടപെട്ട് ഉടനെ മോചിപ്പിക്കാൻ നടപടി സ്വീകരിക്കണമെന്ന് ആം ആദ്മി പാർട്ടി ആവശ്യപ്പെട്ടു. അല്ലാത്തപക്ഷം കർഷകരുടെ കൂടെ പ്രക്ഷോഭരംഗത്ത് ആം ആദ്മി പാർട്ടിയും ഉണ്ടാകുമെന്ന് കമ്മിറ്റി ഉറപ്പ് നൽകി. ഈ കാര്യത്തിൽ കർഷക സംഘടനകളും രാഷ്ട്രീയ പാർട്ടികളും മൗനം വെടിഞ്ഞ് പ്രതിഷേധവുമായി രംഗത്ത് വരണമെന്നും കമ്മിറ്റി ആവശ്യപ്പെട്ടു. യോഗം ആം ആദ്മി പാർട്ടി ബത്തേരി മണ്ഡലം പ്രസിഡന്‍റ് ലിയോ കൊല്ലവേലിൽ ഉദ്ഘാടനം ചെയ്തു. മണ്ഡലം സെക്രട്ടറി ബേബി തയ്യിൽ അധ്യക്ഷത വഹിച്ചു. പോൾസണ്‍ അന്പലവയൽ, കെ.സി. വർഗീസ്, തോമസ് ഒറ്റക്കുന്നേൽ, കെ.പി. ജേക്കബ്, കെ.സി. സണ്ണി എന്നിവർ പ്രസംഗിച്ചു.

ബ്രഹ്മഗിരി ആസൂത്രിത കൊള്ള: എൻ.ഡി. അപ്പച്ചൻ

സുൽത്താൻ ബത്തേരി: രണ്ട് മുൻ എംഎൽഎമാരെയും മന്ത്രി ഒ.ആർ. കേളുവിനേയും വിശ്വസിച്ച് ബ്രഹ്മഗിരി ഡെവലപ്മെന്‍റ് സൊസൈറ്റിക്ക് പണം നൽകിയവർ കൊടുത്ത പണം തിരിച്ച് കിട്ടാതെ വഞ്ചിക്കപ്പെട്ടിരിക്കുകയാണെന്ന് എഐസിസി അംഗം എൻ.ഡി. അപ്പച്ചൻ. ബത്തേരി ബ്ലോക്ക് കോണ്‍ഗ്രസ് കമ്മിറ്റി യോഗം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. കന്പനി നഷ്ടത്തിൽ പോയതിനും കൊടുത്ത പണം തിരിച്ചു കിട്ടാത്തതിനും ഉത്തരവാദികൾ ഡയറക്ടർമാരായ സിപിഎമ്മിന്‍റെ സമുന്ന നേതാക്കൾ തന്നെയാണ്. ഇവരുടെ ഉറപ്പിലാണ് നിയമവിരുദ്ധമായി സഹകരണ സംഘങ്ങൾ ബ്രഹ്മഗിരിയിൽ പണം നിക്ഷേപിച്ചത്. സജീവ സിപിഎം പ്രവർത്തകരിൽ നിന്ന് ജോലിയും ലാഭവും വാഗ്ദാനം ചെയ്താണ് ലക്ഷങ്ങൾ പിരിച്ചെടുത്തത്. സഹകരണ മേഖലയിൽ പ്രവർത്തിക്കേണ്ട ഈ സ്ഥാപനം മറ്റൊരു സ്വകാര്യ കന്പനിക്ക് നടത്താൻ കൊടുത്ത് ലാഭമുണ്ടാക്കിയതിനുശേഷം നിക്ഷേപകരുടെ പണം തിരിച്ചുതരാം എന്ന സിപിഎം നേതാക്കളുടെ വാക്ക് തെരഞ്ഞെടുപ്പ് കണ്ടുള്ള വ്യർധ വാഗ്ദാനമായി മാത്രമേ കാണാൻ കഴിയൂ. ചില ആളുകളിൽനിന്ന് കള്ളപ്പണം പോലും സ്വീകരിച്ചു എന്നുള്ളത് ഗൗരവമേറിയ കാര്യമാണ്. ഈ കള്ളത്തരങ്ങൾ വെളിച്ചത്തു കൊണ്ടുവരാൻ ഇഡി അന്വേഷണം ആവശ്യമാണെന്നും എൻ.ഡി. അപ്പച്ചൻ പറഞ്ഞു. ബ്ലോക്ക് പ്രസിഡന്‍റ് ഉമ്മർ കുണ്ടാട്ടിൽ അധ്യക്ഷത വഹിച്ചു. കെ.എൽ. പൗലോസ് മുഖ്യ പ്രഭാഷണം നടത്തി. മീനങ്ങാടി ബ്ലോക്ക് പ്രസിഡന്‍റ് വർഗീസ് മുരിയൻ കാവിൽ, എം.ജി. ബിജു, സംഷാദ് മരക്കാർ, ഡി.പി. രാജശേഖരൻ, എൻ.സി. കൃഷ്ണകുമാർ, പി.ഡി. സജി, നിസി അഹമ്മദ്, എൻ.യു. ഉലഹന്നാൻ, എടക്കൽ മോഹനൻ, ബീനാ ജോസ്, അമൽ ജോയി എന്നിവർ പ്രസംഗിച്ചു.

രണ്ടു കുടുംബങ്ങൾക്ക് കൈത്താങ്ങായി ജയശ്രീ സ്കൂൾ വിദ്യാർഥികൾ

പുൽപ്പള്ളി: ജയശ്രീ ഹയർ സെക്കൻഡറി സ്കൂളിലെ നാഷണൽ സർവീസ് സ്കീമിന്‍റെയും സ്കൗട്ട്സ് ആൻഡ് ഗൈഡ്സ് യൂണിറ്റിന്‍റെയും നേതൃത്വത്തിൽ നടപ്പാക്കിയ ഉപജീവനം, പ്രഭ പദ്ധതികളിലൂടെ രണ്ട് കുടുംബങ്ങൾക്ക് ആശ്വാസമേകി ജയശ്രീ സ്കൂളിലെ ഹയർസെക്കൻഡറി വിദ്യാർഥികൾ. എൻഎസ്എസിന്‍റെ നേതൃത്വത്തിൽ സ്കൂളിലെ കലോത്സവം, കായികമേള ദിനങ്ങളിൽ കുട്ടിക്കട നടത്തിയും പാലിയേറ്റീവ് പ്രവർത്തനത്തിന്‍റെ ഭാഗമായി ധനസമാഹരണം ചെയ്തും കിട്ടിയ വരുമാനത്തിൽ നിന്നാണ് രണ്ട് കുടുംബങ്ങൾക്ക് സഹായം നൽകിയത്. സ്കൂളിലെ ഒരു വിദ്യാർഥിയുടെ കുടുംബത്തിന് ഉപജീവനമായി തയ്യൽ മെഷീനും പുൽപ്പള്ളി പഞ്ചായത്തിലെ 13-ാം വാർഡിൽ താമസിക്കുന്ന അംഗപരിമിതനായ കുട്ടിക്ക് വീൽചെയർ നൽകിയുമാണ് വിദ്യാർഥികൾ മാതൃക കാട്ടിയത്. എൻഎസ്എസ് കോഓർഡിനേറ്റർ സിത്താര ജോസഫ്, സ്കൗട്ട്സ് ആൻഡ് ഗൈഡ്സ് അധ്യാപകരായ ബിജോയ്, സ്മിത എന്നിവരുടെ നേതൃത്വത്തിലാണ് വിദ്യാർഥികൾ കാരുണ്യ പ്രവർത്തനം നടത്തിയത്. പുൽപ്പള്ളി പഞ്ചായത്ത് പ്രസിഡന്‍റ് ടി.എസ്. ദിലീപ് കുമാർ ഉപജീവനം, പ്രഭ പദ്ധതികളുടെ ഉദ്ഘാടനം നിർവഹിച്ചു. വാർഡ് അംഗം സിന്ധു സാബു അധ്യക്ഷത വഹിച്ചു. മാനേജർ കെ.ആർ. ജയറാം, പ്രിൻസിപ്പൽ കെ.ആർ. ജയരാജ്, വൈസ് പ്രിൻസിപ്പൽ പി.ആർ. സുരേഷ്, സ്റ്റാഫ് സെക്രട്ടറി കെ.കെ. രഘുലാൽ, സി.ആർ. പ്രദീപ്, എം.വി. ബാബു തുടങ്ങിയവർ പ്രസംഗിച്ചു.

കെ.കെ. ഏബ്രഹാമിനെ വേട്ടയാടുന്നത് അവസാനിപ്പിക്കണം: ഗാന്ധി ദർശൻ സമിതി

പുൽപ്പള്ളി: 2018 ൽ പുൽപ്പള്ളി സർവീസ് സഹകരണ ബാങ്കിന്‍റെ ഭരണസമിതി പ്രസിഡന്‍റു സ്ഥാനത്തുനിന്നും രാഷ്ട്രീയ പകപോക്കലിന്‍റെ ഫലമായി പുറത്താക്കപ്പെട്ട കെ.കെ. ഏബ്രഹാമിനെതിരേ ഒളിഞ്ഞും തെളിഞ്ഞും നടത്തുന്ന വേട്ടയാടൽ അവസാനിപ്പിക്കണമെന്ന് ഗാന്ധി ദർശൻ സമിതി ബത്തേരി നിയോജക മണ്ഡലം കമ്മിറ്റി ആവശ്യപ്പെട്ടു. കർണാടകയിൽ ഏക്കർകണക്കിന് സ്ഥലത്ത് ഇഞ്ചിക്കൃഷി നടത്തുന്നതിനും കച്ചവടം നടത്തുന്നതിനും വീടു നിർമിക്കുന്നതിനുമായി ബാങ്കിൽ നിന്നും വായ്പയെടുത്തവർ തിരിച്ചടയ്ക്കാതെ വന്നപ്പോൾ അതെല്ലാം കെ.കെ. ഏബ്രഹാമിന്‍റെ തലയിൽ കെട്ടിവയ്ക്കാൻ നടത്തുന്ന ഗൂഢശ്രമം അംഗീകരിക്കില്ല.കെ.കെ. ഏബ്രഹാമിന്‍റെ രാഷ്ട്രീയ വളർച്ചയിൽ അസ്വസ്ഥരായവർ അദ്ദേഹത്തെ രാഷ്ട്രീയമായി തകർക്കാൻ ശ്രമിക്കുന്നവരാണ് ഇതിന് പിന്നിൽ പ്രവർത്തിക്കുന്നതെന്നും യോഗം കുറ്റപ്പെടുത്തി. കള്ളപ്പരാതികൾ മെനഞ്ഞ് കേന്ദ്ര, സംസ്ഥാന സർക്കാരുകളിൽ സ്വാധീനം ചെലുത്തി ഇഡി, വിജിലൻസ് തുടങ്ങിയ ഏജൻസികളെക്കൊണ്ട് കേസെടുപ്പിച്ച് ജയിലിലടപ്പിച്ചു. ഇടതുപക്ഷ പ്രവർത്തകനായിരുന്ന കേളക്കവല രാജേന്ദ്രന്‍റെ ദുരൂഹമരണവുമായി ബന്ധപ്പെട്ട് ഉണ്ടാക്കിയ തിരക്കഥ പുറത്തുവരണമെങ്കിൽ നിഷ്പക്ഷവും നീതി പൂർവവുമായ അന്വേഷണം ആവശ്യമാണ്. ഇതിന് സിബിഐ അന്വേഷണം ആവശ്യപ്പെട്ട് മുഖ്യമന്ത്രിക്ക് ഗാന്ധി ദർശൻ സമിതി നിവേദനം നൽകിയിട്ടുണ്ട്. നേതൃയോഗം വി.എം. പൗലോസ് ഉദ്ഘാടനം ചെയ്തു. ഗാന്ധി ദർശൻ സമിതി പ്രസിഡന്‍റ് കെ.സി. ജേക്കബ് അധ്യക്ഷത വഹിച്ചു. വി.ടി. തോമസ് മുഖ്യ പ്രഭാഷണം നടത്തി. സി.പി. ജോയി, ബേബി സുകുമാരൻ, ജോഷി കുരിക്കാട്ടിൽ, എം.ടി. കരുണാകരൻ, മധു മാങ്കോട്ടിൽ, വിജയൻ തോന്പ്രക്കുടി, സജി വിരിപ്പാമറ്റം, കെ.വി. ക്ലീറ്റസ്. സജി പെരുന്പിൽ, ശ്രീജി ജോസഫ്, സുലൈമാൻ, കെ.എം. ഷിനോയ്, സി.എ. അയൂബ്, കെ.കെ. സ്കറിയ, അൽജിത് ജേക്കബ്, സജി ഇടിയാകുന്നേൽ എന്നിവർ പ്രസംഗിച്ചു.

കളശല്യം: നെൽകർഷകർ ദുരിതത്തിൽ

സുൽത്താൻ ബത്തേരി: നെല്ലിനോടൊപ്പം വളർന്ന് പൊങ്ങിയ കളകൾ നെല്ലിന് ഭീഷണിയായതോടെ കർഷകർ ആശങ്കയിലായി. നൂൽപ്പുഴ പഞ്ചായത്തിലെ കണ്ണങ്കോട്, കരടിമാട് തുടങ്ങിയ പാടശേഖരങ്ങളിലാണ് നെല്ലിൽ വ്യാപകമായി കള കണ്ടുവരുന്നത്. വിത്തിന്‍റെയും വളത്തിന്‍റെയും കൂടെയാണ് കളയുടെ വിത്തും ചേരുന്നത്. ഇവ നെല്ല് വളരുന്നതോടൊപ്പം വളരുന്നു. നേരത്തെ കളയുണ്ടായിരുന്ന പാടശേഖരങ്ങളിലെ കളവിത്തുകൾ മണ്ണിൽ കിടക്കുകയും അവ മഴ വെള്ളത്തോടൊപ്പം ഒലിച്ച് വയലുകളിലേയ്ക്ക് എത്തുകയും ചെയ്യും. നെല്ലും കളയും തിരിച്ചറിയാനാകാത്ത വിധമാണ് ഇവയുടെ വളർച്ച. നെല്ല് വിളഞ്ഞ് പാകമാകുന്പോഴേക്കും കളയുടെ വിത്തും പാകമായിട്ടുണ്ടാകും. കൊയ്ത്ത് യന്ത്രം ഉപയോഗിച്ച് കൊയ്തെടുക്കുന്പോൾ ഈ കളകൾ തരംതിരിച്ചെടുക്കാനും കഴിയാറില്ല. നെല്ല് പകമാകുന്നതിന് മുൻപ് കള കണ്ടെത്തി പറിച്ച് മാറ്റിയില്ലെങ്കിൽ നെല്ലിനെ കള വിഴുങ്ങുകയും വിളവ് കുറയുകയും ചെയ്യും. കള നീക്കം ചെയ്യുന്നതിന് വൻ തുക കളനാശിനികൾക്കായി കർഷകർ ചെലവഴിക്കുന്നുണ്ടെങ്കിലും കാര്യമായ ഫലം ലഭിക്കുന്നില്ലന്നാണ് കർഷകർ പറയുന്നത്. ഒരു ഏക്കർ വയലിൽ നിന്ന് 10 മുതൽ 15 ക്വിന്‍റൽ നെല്ല് ലഭിച്ചിരുന്ന സ്ഥാനത്ത് കളശല്യം രൂക്ഷമായ വയലിൽ നിന്ന് അഞ്ച് ക്വിന്‍റലിൽ താഴെ മാത്രമാണ് നെല്ല് കിട്ടുന്നുള്ളുവെന്നാണ് കർഷകർ പറയുന്നത്.

തപാൽ ജീവനക്കാരെ ആദരിച്ചു

മീനങ്ങാടി: ദേശീയ തപാൽ ദിനാചരണത്തിന്‍റെ ഭാഗമായി ഗവ. ഹയർ സെക്കൻഡറി സ്കൂൾ സ്റ്റുഡന്‍റ് പോലീസ് കേഡറ്റ് യൂണിറ്റിന്‍റെ നേതൃത്വത്തിൽ സബ് പോസ്റ്റ് ഓഫീസിലെ ജീവനക്കാരെ ആദരിച്ചു. മധുരപലഹാരങ്ങളും പൂച്ചെണ്ടുകളും ആശംസാകാർഡുകളുമായി തപാൽ ഓഫീസിലെത്തിയ കേഡറ്റുകളെ പോസ്റ്റ് മാസ്റ്റർ എ.ആർ. വസന്തയുടെ നേതൃത്വത്തിൽ സ്വീകരിച്ചു. തുടർന്നുചേർന്ന യോഗത്തിൽ പിടിഎ പ്രസിഡന്‍റ് എസ്. ഹാജിസ് അധ്യക്ഷത വഹിച്ചു. സീനിയർ അധ്യാപകൻ കെ. അനിൽകുമാർ മുഖ്യപ്രഭാഷണം നടത്തി. എഴുത്തുകാരൻ ഡോ. ബാവ കെ. പാലുകുന്ന്, കവിയും പോലീസ് ഉദ്യോഗസ്ഥനുമായ സിജു സി. മീന, കമ്മ്യൂണിറ്റി പോലീസ് ഓഫീസർമാരായ റജീന ബക്കർ, പി.പി. അലി അക്ബർ, തപാൽ ജീവനക്കാരായ വി.പി. പ്രജിത, ലിന്‍റ കുര്യാക്കോസ് എന്നിവർ പ്രസംഗിച്ചു. തപാൽ ദിനാശംസ നേർന്ന് കുട്ടികൾ സഹപാഠികൾക്കും അധ്യാപകർക്കും കാർഡുകൾ അയച്ചു.

മീനങ്ങാടിയിൽ മാനസികാരോഗ്യ പ്രദർശനം നടത്തി

മീനങ്ങാടി: സാമൂഹികാരോഗ്യ കേന്ദ്രത്തിന്‍റെയും ലൂയിസ് മൗണ്ട് ഹോസ്പിറ്റലിലിന്‍റെയും സഹകരണത്തോടെ പഞ്ചായത്ത് ഗവ. ഹയർ സെക്കൻഡറി സ്കൂൾ ഓഡിറ്റോറിയത്തിൽ മാനസികാരോഗ്യപ്രദർശനം നടത്തി. സന്തുലിതമായ മനസാണ് സന്പന്നമായ ജീവിതത്തിന്‍റെ അടിസ്ഥാനം, സഹായം തേടുന്നത് ബലഹീനതയല്ല; ധൈര്യത്തിന്‍റെ അടയാളമാണ്, മനസിനെ കേൾക്കുക, മനസിനെ കരുതുക എന്നീ സന്ദേശങ്ങളുമായാണ് പ്രദർശനം. കൗണ്‍സലിംഗ്, അഭിരുചി നിർണയ ക്യാന്പ്, പഠന വൈകല്യ നിർണയ ക്യാന്പ്, പോസ്റ്റർ പ്രദർശനം, ലഹരിവിരുദ്ധ പരിപാടികൾ പൊതുചർച്ച, സംവാദം എന്നിവ അനുബന്ധ പരിപാടികളായിരുന്നു. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് കെ.ഇ. വിനയൻ അധ്യക്ഷത വഹിച്ചു. ഡോ. അഷ്റഫ്, ഡോ. ബാവ പാലുകുന്ന്, ഹെൽത്ത് ഇൻസ്പെക്ടർ കെ. അൻവർ സാദത്ത്, ആർകെഎസ്കെ കൗണ്‍സലർ ഹർഷ, ലൂയിസ് മൗണ്ട് ഹോസ്പിറ്റൽ അഡ്മിനിസ്ട്രേറ്റർ സിസ്റ്റർ റോസ് മാത്യു, മദർ സുപ്പീരിയർ എൽസ ടോം, സെന്‍റ് ഗ്രിഗോറിയസ് ടീച്ചർ ട്രെയിനിംഗ് കോളഡ് പ്രിൻസിപ്പൽ ടോമി, ഗവ. കോമേഴ്സ്യൽ ഇൻസ്റ്റ്യൂട്ട് പ്രിൻസിപ്പൽ സിൻഡ്രല്ല എന്നിവർ പ്രസംഗിച്ചു. ലൂയിസ് മൗണ്ട് ഹോസ്പിറ്റൽ സൈക്കോളജിസ്റ്റ് അൻവിൻ സോയി ക്ലാസെടുത്തു. വിദ്യാർഥികൾ ലഹരിവിരുദ്ധ ഫ്ലാഷ് മോബ് അവതരിപ്പിച്ചു.

വെണ്ണിയോട് തീർഥാടനകേന്ദ്രത്തിൽ തിരുനാൾ തുടങ്ങി

കോട്ടത്തറ: വെണ്ണിയോട് വിശുദ്ധ മദർ തെരേസ തീർഥാടനകേന്ദ്രത്തിൽ തിരുനാൾ ആഘോഷം തുടങ്ങി. 19നാണ് സമാപനം. വികാരി ഫാ. മൈക്കിൾ വടക്കേമുളഞ്ഞനാൽ കൊടിയേറ്റി. ഇന്നു മുതൽ 18 വരെ വൈകുന്നേരം നാലിന് ആരാധന, ജപമാല. 4.30ന് വിശുദ്ധ കുർബാന, വചനസന്ദേശം, നൊവേന, തിരുശേഷിപ്പുവണക്കം. 17ന് പുതുശേരിക്കടവ് ക്രിസ്തുരാജാ പള്ളി വികാരി ഫാ. ജിമ്മി മൂലയിലും 18ന് സിഎംഎൽ മാനന്തവാടി രൂപത ഡയറക്ടർ ഫാ. സന്തോഷ് ഒറവാറന്തറയും വിശുദ്ധ കുർബാനയിൽ കാർമികരാകും. 19ന് രാവിലെ 9.30ന് തലശേരി അതിരൂപത ആർച്ച് ബിഷപ് എമരിറ്റസ് മാർ ജോർജ് ഞരളക്കാട്ടിനു സ്വീകരണം. 10ന് പിതാവിന്‍റെ മുഖ്യകാർമികത്വത്തിൽ ആഘോഷമായ തിരുനാൾ കുർബാന, വചനസന്ദേശം, നൊവേന. 11.30ന് ജപമാല പ്രദക്ഷിണം, വിശുദ്ധ കുർബാനയുടെ ആശീർവാദം, തിരുശേഷിപ്പുവണക്കം, സ്നേഹവിരുന്ന്, കൊടിയിറക്കൽ.

കല്ലൂർ-നന്പിക്കൊല്ലി റോഡിൽ ദുരിതയാത്ര

സുൽത്താൻ ബത്തേരി: മൾട്ടി ആക്സിൽ ട്രക്കുകൾ നിരന്തരം ഓടുന്നതുമൂലം കല്ലൂർ-നന്പിക്കൊല്ലി റോഡ് തകർന്നു. പൊട്ടിപ്പൊളിഞ്ഞ റോഡിൽ ജനം അനുഭവിക്കുന്നത് യാത്രാദുരിതം. നെൻമേനിക്കുന്ന്, കോട്ടൂർ, കണ്ണംകോട് പ്രദേശങ്ങളെ ബത്തേരി, കല്ലൂർ, ചിരാൽ എന്നിവിടങ്ങളുമായി ബന്ധിപ്പിക്കുന്നതാണ് കല്ലൂർ-നന്പിക്കൊല്ലി റോഡ്. കണ്ണംകോടിൽ ആൽമരം ഭാഗത്ത് രൂപപ്പെട്ട കുഴി യാത്രാദുരിതം വർധിപ്പിക്കുകയാണ്. കുഴിയിൽ ഇരുചക്ര വാഹനങ്ങൾ വീഴുന്നതും യാത്രക്കാർക്ക് പരിക്കേൽക്കുന്നതും നിത്യസംഭവമാണ്. പൊട്ടിപ്പൊളിഞ്ഞ റോഡിലൂടെ സർവീസ് നടത്തുന്ന ബസുകളും ഓട്ടോറിക്ഷകളും അടിക്കടി വർക്ക്ഷോപ്പിൽ കയറ്റേണ്ട സ്ഥിതിയാണ്. വാഹനങ്ങൾ ഓടിക്കിട്ടുന്ന വരുമാനം വർക്ക് ഷോപ്പുകളിൽ കൊടുക്കാൻ തികയുന്നില്ലെന്ന് ഉടമകൾ പറയുന്നു. കല്ലൂർ കല്ലുമുക്കിൽനിന്നു കോളൂരിലേക്കുള്ള റോഡിൽ കരടിമാട് ഭാഗത്ത്നവീകരണത്തിന്‍റെ ഭാഗമായി നിരത്തിയ കല്ലും യാത്രക്കാർക്ക് ദുരിതം തീർക്കുകയാണ്. കല്ല് നിരത്തിയ റോഡിലൂടെ വാഹനങ്ങൾ ഓടിക്കാൻ കഴിയുന്നില്ല. കഴിഞ്ഞ മാർച്ചിലാണ് നവീകരണത്തിനു നിലവിലെ റോഡ് കുത്തിപ്പൊളിച്ച് കല്ല് നിരത്തിയത്. കരടിമാട്, കോളൂർ പ്രദേശങ്ങളിലെ നൂറുകണക്കിന് കുടുംബങ്ങൾ യാത്രയ്ക്ക് ആശ്രയിക്കുന്നതാണ് റോഡ്. മഴ മാറിയാലുടൻ റോഡ് നവീകരിക്കുമെന്ന് പറഞ്ഞ കരാറുകാരനെ ഇപ്പോൾ ഫോണിൽ പോലും കിട്ടുന്നില്ലെന്നു നാട്ടുകാർ പറയുന്നു. റോഡ് പ്രവൃത്തി വേഗം പൂർത്തിയാക്കുന്നതിന് അധികൃതർ ഇടപെടണമെന്നാണ് അവരുടെ ആവശ്യം.

ദുരന്തബാധിതരുടെ കടം എഴുതിത്തള്ളാനാകില്ലെന്ന കേന്ദ്ര നിലപാട് : കൽപ്പറ്റയിൽ കിസാൻസഭ സായാഹ്ന ധർണ 15ന്

കൽപ്പറ്റ: പുഞ്ചിരിമട്ടം ഉരുൾ ദുരന്തബാധിതരുടെ കടം എഴുതിത്തള്ളനാകില്ലെന്ന് കേന്ദ്ര സർക്കാർ നിലപാടിൽ അഖിലേന്ത്യ കിസാൻസഭ ജില്ലാ കമ്മിറ്റി പ്രതിഷേധിച്ചു. ഉരുൾപൊട്ടൽ ബാധിത പ്രദേശങ്ങൾ സന്ദർശിച്ച പ്രധാനമന്ത്രി ദുരന്തത്തിന്‍റെ ആഴം മനസിലാക്കിയതാണ്. രാജ്യത്തെ വൻകിടക്കാരുടെ കോടിക്കണക്കിന് രൂപയുടെ വായ്പ കുടിശിക എഴുതിത്തള്ളുന്ന പ്രധാനമന്ത്രിക്ക് സാധാരണക്കാരുടെ അവസ്ഥ ഉൾക്കൊള്ളാൻ കഴിയാത്തത് ദുരൂഹമാണെന്ന് അഭിപ്രായപ്പെട്ടു. കേന്ദ്ര സർക്കാർ നിലപാട് തിരുത്തണമെന്ന ആവശ്യവുമായി 15ന് കൽപ്പറ്റയിൽ സായാഹ്ന ധർണ നടത്താൻ തീരുമാനിച്ചു. പ്രസിഡന്‍റ് പി.എം. ജോയി അധ്യക്ഷത വഹിച്ചു. സംസ്ഥാന പ്രസിഡന്‍റ് കെ.വി. വസന്തകുമാർ, സെക്രട്ടറി കെ.എം. ദിനകരൻ, ട്രഷറർ ഷൈജൻ, സിപിഐ ജില്ലാ സെക്രട്ടറി ഇ.ജെ. ബാബു, പി.കെ. മൂർത്തി, വി.കെ. ശശിധരൻ, ദിനേശൻ, കെ.എം. ബാബു, കെ.പി. രാജൻ എന്നിവർ പ്രസംഗിച്ചു. കൽപ്പറ്റ: ഉരുൾ ദുരന്തത്തിൽ, സംസ്ഥാന സർക്കാരിന് കേന്ദ്രത്തിന്‍റെ ഔദാര്യം ആവശ്യമില്ലെന്ന ഹൈക്കോടതി വിമർശനം കേന്ദ്ര ഭരണകൂടം പൗരൻമാരോട് കാണിക്കുന്ന നീതികേടിന്‍റെ നേർക്കാഴ്ചയാണെന്നു എസ്ഡിപിഐ ജില്ലാ കമ്മിറ്റി അഭിപ്രായപ്പെട്ടു. കണ്ണീരിനുമുകളിൽ രാഷ്ട്രീയം കളിക്കുന്നത് കേന്ദ്ര സർക്കാർ അവസാനിപ്പിക്കണമെന്നു യോഗം ആവശ്യപ്പെട്ടു. ഉരുൾപൊട്ടലിൽ സർവവും നഷ്ടപ്പെട്ടവർക്ക് അർഹമായ സഹായം നിഷേധിക്കുന്നതിലൂടെ ഭരണകൂടം പൗരൻമാരോടുള്ള അടിസ്ഥാന ഉത്തരവാദിത്തത്വിൽനിന്ന് ഒളിച്ചോടുകയാണ്. പ്രളയ-ഉരുൾപൊട്ടൽ ബാധിത പ്രദേശങ്ങൾക്കുള്ള ഫണ്ട് വിതരണത്തിലും പുനരധിവാസ പ്രവർത്തനങ്ങളിലും കടുത്ത വിവേചനമാണ് കേന്ദ്രസർക്കാർ കാണിക്കുന്നത്. രാജ്യത്തെ ഉത്തരേന്ത്യയും ദക്ഷിണേന്ത്യയുമായി തരംതിരിച്ചുള്ള സമീപനമാണ് കേന്ദ്ര ഭരണകൂടം സ്വീകരിക്കുന്നത്. രാഷ്ട്രീയനേട്ടത്തിന് ദൂരന്തങ്ങളും ദുരിതങ്ങളും മാനദണ്ഡമാക്കരുത്. ഉദ്യോഗസ്ഥരുടെ പിടിവാശിയും മെല്ലെപ്പോക്കും ഇരകൾക്ക് നീതി ലഭിക്കുന്നതിന് തടസമാവുന്നുണ്ട്. കേന്ദ്ര താത്പര്യത്തോട് സമരസപ്പെട്ടു നിൽക്കുന്ന ഉദ്യോഗസ്ഥരെ ദുരന്തവുമായി ബന്ധപ്പെട്ട മുഴുവൻ പ്രവർത്തനങ്ങളിൽനിന്നും അകറ്റി നിർത്തണം. ദുരന്തബാധിതരുടെ മുഴുവൻ കടങ്ങളും എഴുതിത്തള്ളണം. പുഞ്ചിരിമട്ടം ദുരന്തം ദേശീയ ദുരന്തമായി പ്രഖ്യാപിക്കണം. ഹെെക്കോടതി പരാമർശം താക്കീതായി കണ്ട് ത്വരിത നടപടികൾ സ്വീകരിക്കണം. പ്രകൃതിദുരന്തങ്ങൾ ആവർത്തിക്കപ്പെടുന്ന സാഹചര്യത്തിൽ വിദഗ്ധസമിതിയെ നിയോഗിച്ച് പഠനം നടത്തി പരിസ്ഥിതി സൗഹൃദ പരിഹാരം കണ്ടെത്തണമെന്നും കമ്മിറ്റി ആവശ്യപ്പെട്ടു. പ്രസിഡന്‍റ് എ. യൂസുഫ് അധ്യക്ഷത വഹിച്ചു. ജില്ലാ സെക്രട്ടറിമാരായ സൽമ അഷ്റഫ്, ബബിത ശ്രീനു, എസ്. മുനീർ, ജില്ലാ ജനറൽ സെക്രട്ടറി പി.ടി. സിദ്ദിഖ്, കെ. മെഹറൂഫ് എന്നിവർ പ്രസംഗിച്ചു. കൽപ്പറ്റ: ഉരുൾദുരന്തബാധിതരുടെ കടം എഴുതിത്തള്ളാൻ കഴിയില്ലെന്ന കേന്ദ്ര സർക്കാർ നിലപാട് ജനങ്ങളോടുള്ള വെല്ലുവിളിയും ഫെഡറൽ തത്വങ്ങളുടെ ലംഘനവുമാണെന്ന് സിപിഐ(എംഎൽ)റെഡ്സ്റ്റാർ ജില്ലാ കമ്മിറ്റി വിമർശിച്ചു. കേന്ദ്ര നിലപാടിനെ ബിജെപി സംസ്ഥാന നേതൃത്വം വെള്ളപൂശുന്നത് പരിഹാസ്യമാണ്. കേന്ദ്ര സർക്കാർ കേരളത്തോട് രാഷ്ര്ടീയ പകപോക്കൽ നടത്തുകയാണ്. പ്രധാനമന്ത്രി ദുരന്തബാധിത പ്രദേശങ്ങളിൽ നടത്തിയ സന്ദർശനം പ്രഹസനമാണ്. വൻകിട മുതലാളിമാരുടെയും കോർപറേറ്റുകളുടെയും കോടിക്കണക്കിന് രൂപയുടെ കടം നിരുപാധികം എഴുതിത്തള്ളിയ മോദി ഭരണകൂടം പുഞ്ചിരിമട്ടം ദുരന്തബാധിതർക്ക് നീതി നിഷേധിക്കുകയാണെന്ന് യോഗം കുറ്റപ്പെടുത്തി. പുഞ്ചിരിമട്ടം ദുരന്തം ദേശീയ ദുരന്തമായി പ്രഖ്യാപിക്കുക, ദുരന്തബാധിതരുടെ മുഴുവൻ കടങ്ങളും എഴുതിത്തള്ളുക, മുഴുവൻ ദുരന്തബാധിതരെയും പരിസ്ഥിതിലോല മേഖലകളിൽ അപകട ഭീഷണിയിൽ കഴിയുന്ന കുടുംബങ്ങളെയും ഭൂമിയും പാർപ്പിടവും നൽകി സുരക്ഷിത സ്ഥലങ്ങളിൽ പുനരധിവസിപ്പിക്കുക, തോട്ടം മാനേജ്മെന്‍റുകളുടെ അനധികൃത കൈവശഭൂമി നിയമനിർമാണത്തിലൂടെ പിടിച്ചെടുക്കുക, പരിസ്ഥിതി ലോല പ്രദേശങ്ങളിലെ ക്വാറികളും റിസോർട്ടുകളും അടച്ചുപൂട്ടുക, തുരങ്കപാത പദ്ധതി ഉപേക്ഷിക്കുക തുടങ്ങിയ ആവശ്യങ്ങൾ ഉന്നയിച്ച് ശക്തമായ സമരത്തിന് നേതൃത്വം നൽകാൻ തീരുമാനിച്ചു. പി.എം. ജോർജ് അധ്യക്ഷത വഹിച്ചു. ജില്ലാ സെക്രട്ടറി കെ.വി. പ്രകാശ് റിപ്പോർട്ട് അവതരിപ്പിച്ചു. പി.ടി. പ്രേമാനന്ദ്, ബിജി ലാലിച്ചൻ, എം.കെ. ഷിബു, കെ.ജി. മനോഹരൻ, സി.ജെ. ജോണ്‍സണ്‍ എന്നിവർ പ്രസംഗിച്ചു.

ദീപിക കളർ ഇന്ത്യ സീസൺ 4 വയനാട് ജില്ലാതല വിജയികൾ

അഖണ്ഡഭാരതത്തിന്‍റെ മുഖചിത്രമെഴുതാന്‍ പത്തുലക്ഷം വിദ്യാര്‍ഥികള്‍ അണിനിരന്ന ചിത്രരചനാമത്സരമായിരുന്നു ദീപിക കളര്‍ ഇന്ത്യ സീസണ്‍ 4. ഇന്ത്യയുടെ സ്വാതന്ത്ര്യത്തിന്‍റെ 79-ാം വാര്‍ഷികത്തില്‍ "നാം എല്ലാവരും ഒന്നാണ്, സഹോദരി സഹോദരങ്ങളാണ്' എന്ന ചിന്ത വിദ്യാര്‍ത്ഥികളില്‍ എത്തിക്കാനാണ് "കളര്‍ ഇന്ത്യ' ചിത്രരചനാ മത്സരം സംഘടിപ്പിച്ചത്. ജന്മനാടിനോടുള്ള സ്‌നേഹവും അഖണ്ഡതാബോധവും പുതിയ തലമുറയില്‍ ഉണര്‍ത്താന്‍ "കളര്‍ ഇന്ത്യ'യിലൂടെ ദീപിക ലക്ഷ്യംവച്ചു. മലയാളത്തിലെ പ്രഥമ ദിനപത്രമായ ദീപിക രാഷ്ട്രസേവനത്തിന്‍റെയും ദേശീയോദ്ഗ്രഥന പ്രവര്‍ത്തനങ്ങളുടേയും 139-ാം വാര്‍ഷികം ആഘോഷിച്ച അവസരത്തില്‍ ഭാവി ഭാരതത്തിന്‍റെ സ്വപ്നസൂനങ്ങളായ കുട്ടികളെ "നാം ഒരു കുടുംബം' എന്ന സന്ദേശവുമായി "ഒരേയൊരിന്ത്യ, ഒരൊറ്റ ജനത' എന്ന ബോധത്തില്‍ നയിക്കാന്‍ കൂടിയാണ് മത്സരം സംഘടിപ്പിച്ചത്. വിദ്യാര്‍ഥികളുടെയും പൊതുസമൂഹത്തിന്‍റെയും ഭാവി നശിപ്പിക്കുന്ന ലഹരിക്കെതിരേ ബാലചേതനകളെ ഉണര്‍ത്തുക, ലോകസമാധാനം തകര്‍ക്കുന്ന യുദ്ധങ്ങള്‍ അവസാനിപ്പിക്കുക, എല്ലാ മനുഷ്യനും സൗഹാര്‍ദത്തില്‍ ഒരുമിക്കുക, പൊതുസമൂഹബോധം ഉണര്‍ത്തുക തുടങ്ങിയ ലക്ഷ്യങ്ങള്‍ മുന്‍നിര്‍ത്തിയും സംഘടിപ്പിച്ച ദീപിക കളര്‍ ഇന്ത്യ സീസണ്‍ 4 ചിത്രരചനാമത്സരത്തെ വളരെ ആവേശപൂര്‍വമാണ് വിദ്യാര്‍ഥികള്‍ സ്വീകരിച്ചത്. സ്‌കൂള്‍ തലത്തിലും ജില്ലാ തലത്തിലും വിജയികളായവരെ തിരഞ്ഞെടുത്തു. സ്‌കൂള്‍ തലത്തില്‍ LKG മുതല്‍ UP സെക്ഷന്‍ വരെ വിജയികളായവര്‍ക്ക് ട്രോഫികള്‍ക്ക് പുറമെ കക്കാടംപൊയില്‍ സ്‌കൈവേവ് വാട്ടര്‍ ആന്‍റ് അമ്യൂസ്‌മെന്‍റ് പാര്‍ക്ക് നല്‍കുന്ന എന്‍ട്രിപാസും സമ്മാനമായി നല്‍കുന്നു.

പുൽപ്പള്ളി സർവീസ് സഹകരണ ബാങ്ക് വായ്പ ക്രമക്കേട് : കോണ്‍ഗ്രസ് നേതാവിന്‍റെ വീട്ടുപടിക്കല്‍ സത്യഗ്രഹവുമായി കുടുംബങ്ങള്‍

പുൽപ്പള്ളി: സർവീസ് സഹകരണ ബാങ്കിൽ വായ്പ വിതരണത്തിൽ നടത്തിയ ക്രമക്കേടുമൂലം കടക്കെണിയിലായെന്ന് അവകാശപ്പെടുന്ന കേളക്കവല പറന്പേക്കാട്ടിൽ ഡാനിയേൽ-സാറാക്കുട്ടി ദന്പതികളും 2023ൽ ആത്മഹത്യചെയ്ത ചെന്പകമൂല കിഴക്കേ ഇളയിടത്ത് രാജേന്ദ്രൻ നായരുടെ(55)കുടുംബവും ബാങ്ക് മുൻ പ്രസിഡന്‍റും കോണ്‍ഗ്രസ് നേതാവുമായ കെ.കെ. ഏബ്രഹാമിന്‍റെ വീട്ടുപടിക്കൽ പന്തൽ കെട്ടി അനിശ്ചിതകാല സത്യഗ്രഹം തുടങ്ങി. വായ്പ ക്രമക്കേട് ഇരകൾക്ക് സഹകരണ വകുപ്പ് പുറപ്പെടുവിച്ച സർചാർജ് ഉത്തരവ് നടപ്പാക്കി പണയവസ്തുവിന്‍റെ രേഖകൾ തിരികെ നൽകുക, വായ്പ വിതരണത്തിൽ ക്രമക്കേട് നടത്തിയ ബാങ്ക് ഭരണസമിതി അംഗങ്ങൾക്കും ഉദ്യോഗസ്ഥർക്കുമെതിരേ കർശന നിയമ നടപടി സ്വീകരിക്കുക തുടങ്ങിയ ആവശ്യങ്ങളുമായാണ് സമരം. കെപിസിസി മുൻ ജനറൽ സെക്രട്ടറിയാണ് കെ.കെ. ഏബ്രഹാം. രാജേന്ദ്രൻ നായരുടെ ആത്മഹത്യയുമായി ബന്ധപ്പെട്ട് പ്രേരണക്കുറ്റത്തിന് കേസെടുത്ത് പോലീസ് അറസ്റ്റുചെയ്ത സാഹചര്യത്തിലാണ് ഏബ്രഹാം പാർട്ടി ജനറൽ സെക്രട്ടറി സ്ഥാനം ഒഴിഞ്ഞത്. വായ്പ ക്രമക്കേട് ഇരകൾക്ക് നീതി ലഭ്യമാക്കണമെന്ന് ആവശ്യപ്പെട്ട് ഡാനിയേൽ-സാറാക്കുട്ടി ദന്പതികളും രാജേന്ദ്രൻ നായരുടെ കുടുംബവും ജനകീയ സമരസമിതിയുടെ നേതൃത്വത്തിൽ അനിശ്ചിതകാല സത്യഗ്രഹം നടത്തിയിരുന്നു. ഒരാഴ്ച നീണ്ട സമരം പഞ്ചായത്ത് പ്രസിഡന്‍റ് ടി.എസ്. ദിലീപ്കുമാറിന്‍റെ നേതൃത്വത്തിൽ ബാങ്ക് അധികൃതരും സമര സമിതി നേതാക്കളും നടത്തിയ ചർച്ചയെത്തുടർന്ന് കഴിഞ്ഞ വെള്ളിയാഴ്ചയാണ് അവസാനിപ്പിച്ചത്. സർചാർജ് നടപടികൾ വേഗത്തിലാക്കാൻ ജോയിന്‍റ് രജിസ്ട്രാർക്ക് അപേക്ഷ നൽകുമെന്നും സർചാർജ് ഉത്തരവിനെതിരായ സ്റ്റേ ഒഴിവാകുന്നതിന് ഹൈക്കോടതിയിൽ അപ്പീൽ സമർപ്പിക്കുമെന്നും ബാങ്ക് അധികൃതർ ഉറപ്പുനൽകിയിരുന്നു. ഇതിനിടയിലാണ് ഏബ്രഹാമിന്‍റെ വീടിനു മുന്പിലെ സമരം. രാഷ്ട്രീയ വിരോധികളും ബ്ലെയ്ഡ് സംഘങ്ങളും സ്പോണ്‍സർ ചെയ്ത സമരമാണ് തന്‍റെ വീടിനു മുന്പിൽ നടക്കുന്നതെന്ന് ഏബ്രഹാം പ്രതികരിച്ചു. താൻ ബാങ്ക് പ്രസിഡന്‍റായിരുന്ന കാലയളവിൽ വായ്പ വിതരണത്തിൽ ക്രമക്കേട് നടത്തിയെന്ന ആരോപണവും ഇതേത്തുടർന്നുണ്ടായ കേസുകളും ആസൂത്രിതമായിരുന്നുവെന്ന് ഏബ്രഹാം പറഞ്ഞു. വായ്പ വിതരണത്തിലെ ക്രമക്കേടുകളുമായി ബന്ധപ്പെട്ട് വിജിലൻസ് കേസും ഇഡി കേസും നടന്നുവരികയാണ്. രാജേന്ദ്രൻ നായരുടെ മരണത്തിൽ ലോക്കൽ പോലീസ് രജിസ്റ്റർ ചെയ്ത കേസും തീർപ്പായില്ല.

ക്ഷേമനിധിയിൽ കേന്ദ്രവിഹിതം അനുവദിക്കണം: കേരള പ്രവാസി സംഘം

മീനങ്ങാടി: പ്രവാസി ക്ഷേമനിധിയിൽ കേന്ദ്ര സർക്കാർ വിഹിതം അനുവദിക്കണമെന്ന് കേരള പ്രവാസി സംഘം ജില്ലാ സമ്മേളനം ആവശ്യപ്പെട്ടു. സംസ്ഥാന ജനറൽ സെക്രട്ടറി ബാദുഷ കടലുണ്ടി ഉദ്ഘാടനം ചെയ്തു. കെ.കെ. നാണു, കെ.ടി. അലി, പി.ടി. മൻസൂർ എന്നിവരടങ്ങുന്ന പ്രസീഡിയം സമ്മേളനം നിയന്ത്രിച്ചു. സംസ്ഥാന സെക്രട്ടറി പി. സെയ്താലിക്കുട്ടി റിപ്പോർട്ട് അവതരിപ്പിച്ചു. പ്രവാസി സാമൂഹിക പുരസ്കാരം ബത്തേരി ബ്ലോക്ക് പഞ്ചായത്തും പ്രവാസി സാഹിത്യ പുരസ്കാരം ഹമീദ് കൂരിയാടനും ഏറ്റുവാങ്ങി. പ്രവാസ മേഖലയിൽ മികച്ച പ്രവർത്തനം 10 പേരെ ന്ധപ്രവാസി ശ്രീന്ധ പുരസ്കാരം നൽകി ആദരിച്ചു. സിഐടിയു ജില്ലാ വൈസ് പ്രസിഡന്‍റ് കെ. റഫീഖ്, സംഘം സംസ്ഥാന വൈസ് പ്രസിഡന്‍റ് പി. ഷാഫിജ, സംസ്ഥാന സെക്രട്ടറിമാരായ പ്രശാന്ത് കൂട്ടാന്പള്ളി, പി.കെ. അബ്ദുള്ള എന്നിവർ പ്രസംഗിച്ചു. ഭാരവഹികളായി പി.ടി. മൻസൂർ(പ്രസിഡന്‍റ്), കെ.ടി. അലി, മേരി രാജു(വൈസ് പ്രസിഡന്‍റുമാർ), അഡ്വ.സരുണ്‍ മാണി(സെക്രട്ടറി), കെ. സേതുമാധവൻ, അബ്ദുൾ റഷീദ് (ജോയിന്‍റ് സെക്രട്ടറിമാർ), കെ.ആർ. രഘു(ട്രഷറർ) എന്നിവരെ തെരഞ്ഞെടുത്തു. സംഘാടക സമിതി ചെയർപേഴ്സണ്‍ എൻ.പി. കുഞ്ഞുമോൾ സ്വാഗതവും ജനറൽ കണ്‍വീനർ കെ. സേതുമാധവൻ നന്ദിയും പറഞ്ഞു.

ക്ഷേമ പദ്ധതികളിൽ ബോധവത്കരണത്തിന് ക്യാന്പ്

സുൽത്താൻ ബത്തേരി: ക്ഷേമ പദ്ധതികളിൽ ബോധവത്കരണത്തിന് സെൻട്രൽ ബ്യൂറോ ഓഫ് കമ്മ്യൂണിക്കേഷൻ അഞ്ച് ദിവസത്തെ ക്യാന്പ് നടത്തുന്നു. ദേശീയ ആരോഗ്യ ദൗത്യം, ജില്ലാ ലീഡ് ബാങ്ക്, ഐസിഡിഎസ്, എൻസിസി, എൻഎസ്എസ്, ഐടിഡിപി എന്നിവയുമായി സഹകരിച്ചു നടത്തുന്ന ക്യാന്പിന്‍റെ ഉദ്ഘാടനം നാളെ രാവിലെ 10ന് എടത്തറ ഓഡിറ്റോറിയത്തിൽ ഐ.സി. ബാലകൃഷ്ണൻ എംഎൽഎ നിർവഹിക്കും. ക്ലാസുകൾ, ചിത്ര പ്രദർശനം, ക്വിസ് മത്സരം കലാപരിപാടികൾ തുടങ്ങിയവ ക്യാന്പിന്‍റെ ഭാഗമാണെന്ന് സെൻട്രൽ ബ്യൂറോ ഓഫ് കമ്മ്യൂണിക്കേഷൻ കേരള-ലക്ഷദ്വീപ് മേഖല അഡീഷണൽ ഡയറക്ടർ ജനറൽ വി. പളനിച്ചാമി വാർത്താസമ്മേളനത്തിൽ അറിയിച്ചു. അഞ്ച് ദിവസവും ദേശീയ ആരോഗ്യ ദൗത്യത്തിന്‍റെ നേതൃത്വത്തിൽ ജീവിതശൈലി രോഗ നിർണയം നടത്തും. പൊതുജനങ്ങൾക്ക് ആധാർ പുതുക്കുന്നതിന് നാളെയും 15നും സൗകര്യം ഉണ്ടാകും. നാളെ വിദ്യാർഥികൾക്ക് പ്രതിരോധസേനകളിലെ തൊഴിലവസരങ്ങളിൽ ക്ലാസ് നൽകും. കോഴിക്കോട് ആർമി റിക്രൂട്ട്മെന്‍റ് ഓഫീസിലെ അസിസ്റ്റന്‍റ് റിക്രൂട്ടിംഗ് ഓഫീസർ സുബേദാർ മേജർ സഞ്ജീവ് സുബ്ബ ക്ലാസ് നയിക്കും. അടിയന്തര ജീവൻരക്ഷാ പ്രവർത്തനങ്ങളിൽ 17ന് ദേശീയ ആരോഗ്യ ദൗത്യത്തിന്‍റെ നേതൃത്വത്തിൽ ക്ലാസ് നടക്കും. അങ്കണവാടി പ്രവർത്തകർക്ക് ശിൽപ്പശാല നടത്തും. സാമൂഹികസുരക്ഷാ പദ്ധതികൾ, സ്വയം തൊഴിൽ പദ്ധതികൾ, പോസ്റ്റ് ഓഫീസ് വഴി ലഭ്യമാകുന്ന സേവനങ്ങൾ, സൈബർ ക്രൈം, സ്ത്രീ സുരക്ഷ, ശുചിത്വം, ലഹരി തുടങ്ങിയ വിഷയങ്ങളിലും ക്ലാസ് ഉണ്ടാകും. വിവിധ വകുപ്പുകളുടെ പ്രദർശന സ്റ്റാളുകൾ ക്യാന്പിന്‍റെ ഭാഗമായി ഒരുക്കിയിട്ടുണ്ട്. ദിവസവും കലാപരിപാടികൾ അരങ്ങേറും. 17നാണ് ക്യാന്പ് സമാപനം. പ്രവേശനം സൗജന്യം.

എംഎസ്എഫ് ബന്ധത്തിൽ വിള്ളൽ ഇല്ലെന്ന് കെഎസ് യു നേതൃത്വം

കൽപ്പറ്റ: വയനാട്ടിൽ എംഎസ്എഫുമായുള്ള ബന്ധത്തിൽ വിള്ളൽ ഇല്ലെന്ന് കെഎസ്്് യു ജില്ലാ പ്രസിഡന്‍റ് അഡ്വ.ഗൗതം ഗോകുൽദാസ്, വൈസ് പ്രസിഡന്‍റുമാരായ കെ. ഹർഷൽ, അതുൽ തോമസ്, സെക്രട്ടറി എബി പീറ്റർ എന്നിവർ വാർത്താസമ്മേളനത്തിൽ പറഞ്ഞു. കോളജ് യൂണിയൻ തെരഞ്ഞെടുപ്പിനെത്തുടർന്ന് മുട്ടിൽ ഡബ്ല്യുഎംഒ ആർട്സ് ആൻഡ് സയൻസ് കോളജിലെ എംഎസ്എഫ് പ്രവർത്തകർ നടത്തിയ പ്രകടനത്തിൽ ടി. സിദ്ദിഖ് എംഎൽഎയ്ക്കെതിരേ മുദ്രാവാക്യം ഉയർന്നതും ബാനറിൽ കെഎസ്്് യ ുു വിരുദ്ധ പരാമർശം കടന്നുകൂടിയതും തെറ്റിദ്ധാരണമൂലമാണ്. മുട്ടിൽ കോളജിൽ കെഎസ്്് യു-എംഎസ്എഫ് സൗഹൃദമത്സരമാണ് നടന്നത്. തെരഞ്ഞെടുപ്പുമായി ബന്ധപ്പെട്ട് കാന്പസിൽ രണ്ട് വിദ്യാർഥി സംഘടനകളിലെയും പ്രവർത്തകർക്കിടയിൽ എന്തെങ്കിലും പ്രശ്നം അവശേഷിക്കുന്നുണ്ടെങ്കിൽ ചർച്ച ചെയ്ത് പരിഹരിക്കും. ഇതിന് അടുത്ത ദിവസം യുഡിഎസ്എഫ് ജില്ലാ നേതൃയോഗം ചേരും. കോളജ് യൂണിയൻ തെരഞ്ഞെടുപ്പിൽ ജില്ലയിൽ മികച്ച പ്രകടനമാണ് കെഎസ് യു കാഴ്ചവച്ചത്. കാലിക്കട്ട് യൂണിവേഴ്സിറ്റിക്കുകീഴിൽ ജില്ലയിലുള്ള 19 കോളജുകളിൽ 11 എണ്ണത്തിലാണ് യൂണിയനുകളിലേക്ക് വിദ്യാർഥി സംഘടനകൾ മത്സരിച്ചത്. ആകെ ജനറൽ സീറ്റുകളിൽ 49 എണ്ണം കെഎസ് യു നേടി. അഞ്ച് കാന്പസുകളിൽ കോളജ് യൂണിയൻ ചെയർമാൻ സ്ഥാനം കെഎസ് യ ുുവിനാണ്. ആറ് യുയുസി സീറ്റുകൾ സംഘടനയ്ക്ക് ലഭിച്ചു. പുൽപ്പള്ളി പഴശിരാജാ കോളജ്, ബത്തേരി സെന്‍റ് മേരീസ് കോളജ്, പുൽപ്പള്ളി ജയശ്രീ കോളജ്, നടവയൽ സിഎം കോളജ് എന്നിവിടങ്ങളിൽ വലിയ തോതിലുള്ള വിദ്യാർഥി പിന്തുണയാണ് കെഎസ്്് യുവിന് ലഭിച്ചതെന്നും ഭാരവാഹികൾ പറഞ്ഞു.

കണ്ടക്ടറെ മർദിച്ചവരെ അറസ്റ്റു ചെയ്യണമെന്ന്

സുൽത്താൻ ബത്തേരി: കൽപ്പറ്റ-വെണ്ണിയോട് റൂട്ടിൽ സർവീസ് നടത്തുന്ന സ്വകാര്യ ബസിലെ കണ്ടക്ടറെ മർദിച്ചവരെ വധശ്രമത്തിന് കേസെടുത്ത് അറസ്റ്റ് ചെയ്യണമെന്ന് പ്രൈവറ്റ് ബസ് ഓപ്പറേറ്റേഴ്സ് അസോസിയേഷൻ ജില്ലാ പ്രസിഡന്‍റ് പി.കെ. ഹരിദാസ്, സെക്രട്ടറി എം.എം. രഞ്ജിത്ത് റാം എന്നിവർ ആവശ്യപ്പെട്ടു. പ്രകോപനം ഇല്ലാതെയാണ് ആളുകൾ സംഘംചേർന്ന് കണ്ടക്ടറെ മർദിച്ചത്. ബസ് തടഞ്ഞുനിറുത്തി ജീവനക്കാരെ മർദിക്കുന്ന കേസുകളിൽ പോലീസ് യഥാസമയം നടപടി സ്വീകരിക്കാത്തതാണ് ഇത്തരം സംഭവങ്ങൾ ആവർത്തിക്കുന്നതിനു കാരണമെന്ന് അസോസിയേഷൻ നേതാക്കൾ പറഞ്ഞു. ബസ് ജീവനക്കാരുടെ സുരക്ഷ പോലീസ് ഉറപ്പുവരുത്തണമെന്ന് അവർ ആവശ്യപ്പെട്ടു.

കാട്ടാനക്കൂട്ടം പരിഭ്രാന്തി പരത്തുന്നു

പന്തല്ലൂർ: പന്തല്ലൂർ കറുത്താട്, മാങ്ങമൂല ഭാഗങ്ങളിൽ കാട്ടാനക്കൂട്ടം പരിഭ്രാന്തി പരത്തുന്നു. ജനവാസ മേഖലയോടു ചേർന്ന് ഒന്പത് ആനകളാണ് തന്പടിച്ചിരിക്കുന്നത്. ആളുകൾ വീടിനു പുറത്തിറങ്ങാൻ ഭയക്കുകയാണ്.കാട്ടാനകളെ ഉൾവനത്തിലേക്ക് തുരത്തണമെന്നു നാട്ടുകാർ വനം അധികാരികളോട് ആവശ്യപ്പെട്ടു.

പീഡനക്കേസിൽ യുവാവിന് 20 വർഷം കഠിന തടവ്

ഉൗട്ടി: കോത്തഗിരിയിൽ പത്താം ക്ലാസ് വിദ്യാർഥിനിയെ പീഡിപ്പിച്ച് ഗർഭിണിയാക്കിയ കേസിൽ യുവാവിന് 20 വർഷം കഠിന തടവും 11,000 രൂപ പിഴയും ശിക്ഷ വിധിച്ചു. പെണ്‍കുട്ടിയെ വിവാഹ വാഗ്ദാനം നൽകി നിരവധി തവണ പീഡിപ്പിച്ച 35കാരനെയാണ് ഉൗട്ടി മഹിളാ കോടതി ശിക്ഷിച്ചത്. 2022ലാണ് കേസിന് ആസ്പദമായ സംഭവം. രക്ഷിതാക്കളുടെ പരാതിയിൽ കുന്നൂർ പോലീസാണ് പ്രതിയെ അറസ്റ്റുചെയ്തത്.

കെ. മുരളീധരൻ നയിക്കുന്ന വിശ്വാസ സംരക്ഷണ ജാഥ 15ന്

കൽപ്പറ്റ: കെപിസിസി ഉത്തരമേഖല വിശ്വാസ സംരക്ഷണ ജാഥയ്ക്ക് 15ന് രാവിലെ 10ന് കൽപ്പറ്റയിൽ ജില്ലാ കോണ്‍ഗ്രസ് കമ്മിറ്റിയുടെ നേതൃത്വത്തിൽ സ്വീകരണം നൽകും. കെപിസിസി മുൻ പ്രസിഡന്‍റ് കെ. മുരളീധരനാണ് ഉത്തരമേഖല ജാഥ നയിക്കുന്നത്. ജാഥ പര്യടനം വിജയിപ്പിക്കാൻ ഡിസിസി യോഗം തീരുമാനിച്ചു. പ്രസിഡന്‍റ് ടി.ജെ. ഐസക് അധ്യക്ഷത വഹിച്ചു. നേതാക്കളായ എൻ.ഡി. അപ്പച്ചൻ, പി.കെ. ജയലക്ഷ്മി, കെ.എൽ. പൗലോസ്, പി.പി. ആലി, എൻ.കെ. വർഗീസ്, ഒ.വി. അപ്പച്ചൻ, കെ.വി. പോക്കർ ഹാജി, എം.ജി. ബിജു, ഡി.പി. രാജശേഖരൻ, നിസി അഹമ്മദ്, ബിനു തോമസ്, പി.കെ. അബ്ദുറഹ്മാൻ, ശോഭനകുമാരി, വിജയമ്മ, ബീന ജോസ്, ഇ.എ. ശങ്കരൻ, എൻ.യു. ഉലഹന്നാൻ, എച്ച്.ബി. പ്രദീപ്, സിൽവി തോമസ്, ഉമ്മർ കുണ്ടാട്ടിൽ, വർഗീസ് മുരിയൻകാവിൽ, പോൾസണ്‍ കൂവയ്ക്കൽ, ഗൗതം ഗോകുൽദാസ് എന്നിവർ പ്രസംഗിച്ചു.

പൂതിക്കാട് റിസോർട്ടിലെ സംഘർഷം: സിപിഎം നേതാവടക്കം മൂന്ന് പേർക്കെതിരേ ലുക്കൗട്ട് നോട്ടീസ്

സുൽത്താൻബത്തേരി: കഴിഞ്ഞമാസം 22ന് രാത്രി പൂതിക്കാട് റിസോർട്ടിൽ നടന്ന സംഘർഷവുമായി ബന്ധപ്പെട്ട കേസിൽ ഒളിവിലുള്ള മൂന്നു പേർക്കെതിരേ പോലീസ് ലുക്കൗട്ട് നോട്ടീസ് പുറപ്പെടുവിച്ചു. ബീനാച്ചി സ്വദേശിയും സിപിഎംലോക്കൽ മുൻ സെക്രട്ടറിയുമായ കോച്ചേരിയിൽ നിധിൻ, കേളോത്ത് അനൂജ്, പാങ്ങാട്ട് ശരത് രാജ് എന്നിവർക്കെതിരേയാണ് നോട്ടീസ്. സംഘർഷവുമായി ബന്ധപ്പെട്ട് റിസോർട്ട് ജീവനക്കാരന്‍റെയും സുഹൃത്തിന്‍റെയും പരാതിയിൽ അഞ്ചു പേർക്കെതിരേ കേസെടുത്ത പോലീസ് നാലു പേരെ അറസ്റ്റുചെയ്തിരുന്നു. കോടതിയിൽ ഹാജരാക്കിയ ഇവർ റിമാൻഡിലായി. ഇവരുടെ ബന്ധുക്കൾ നിരപരാധികളെ കള്ളക്കേസിൽ കുടുക്കിയെന്ന ആരോപണവുമായി രംഗത്തുവന്നിരുന്നു. തുടർന്ന് രജിസ്റ്റർ ചെയ്ത കേസിലെ പ്രതികളാണ് ഒളിവിൽ പോയത്. സംഘർഷത്തിൽ ഇരുകൂട്ടർക്കും പരിക്കേറ്റിരുന്നു. ആദ്യ കേസിൽ പ്രതികളെ വൈകാതെ പിടികൂടിയ പോലീസ് എതിർവിഭാഗത്തിന്‍റെ കേസിൽ ഉൾപ്പെട്ടവരെ സംരക്ഷിക്കുന്ന നിലപാടാണ് സ്വീകരിക്കുന്നതെന്ന് കോണ്‍ഗ്രസ് പ്രാദേശിക നേതൃത്വം ആരോപിച്ചിരുന്നു. ഇതിനു മറുപടിയുമായി സിപിഎം രംഗത്തുവരികയുണ്ടായി.

പ്രവൃത്തി തുടങ്ങിയത് 3 വർഷം മുമ്പ് ; നിർമാണം പൂർത്തിയാവാതെ 2 കി.മീ റോഡ്

സുൽത്താൻ ബത്തേരി: പ്രവൃത്തി തുടങ്ങി മൂന്നു വർഷം കഴിഞ്ഞിട്ടും രണ്ട് കിലോമീറ്റർ റോഡ് നിർമാണം പൂർത്തിയായില്ല. ബത്തേരി-ബാനാച്ചി-പനമരം റോഡിലെ സിസിയിൽനിന്നു വാകേരിയിലേക്കുള്ള റോഡ് പ്രവൃത്തിയാണ് പൂർത്തിയാകാത്തത്. ഇത് ജനങ്ങളെ ദുരിതത്തിലാക്കുകയാണ്. ജനങ്ങളുടെ എതിർപ്പിനെത്തുടർന്ന് കാരാറുകാരനെ മാറ്റിയിരുന്നു. റീ ടെൻഡർ നടത്തിയാലേ പ്രവൃത്തി നടക്കൂ എന്നതാണ് ഇപ്പോഴത്തെ സ്ഥിതി. 2022ലാണ് എട്ട് കോടി രൂപ ചെലവിൽ റോഡും പാലക്കുറ്റിയിൽ പാലവും നിർമിക്കാൻ ടെൻഡർ വിളിച്ചത്. കാസർഗോഡ് സ്വദേശിയാണ് പ്രവൃത്തി ഏറ്റെടുത്തത്. പാലക്കുറ്റിയിൽ പാലം പണി കരാറുകാരൻ പൂർത്തിയാക്കി. എന്നാൽ റോഡ് പ്രവൃത്തി തുടങ്ങിയില്ല. റോഡുപണി അനന്തമായി നീണ്ടതോടെ ജനം പ്രക്ഷോഭവുമായി രംഗത്തിറങ്ങി. ഇതിനിടെ നിർമാണ സാമഗ്രികളുടെ വിലക്കയറ്റവും ദൗർലഭ്യതയും പ്രതികൂല കാലാവസ്ഥയും പ്രവൃത്തിക്കു തടസമായി. നിർമാണത്തിനു റോഡിന്‍റെ പലഭാഗങ്ങളും പൊളിച്ചത് യാത്രക്കാർക്ക് ദുരിതമായി. ജനപ്രതിനിധികൾ അടക്കം ഇടപെട്ടതിനെത്തുടർന്നാണ് കരാറുകാരനെ മാറ്റാനും പുതിയ ആളെ നിയോഗിച്ച് പ്രവൃത്തി നടത്താനും തീരുമാനമായത്. റോഡ് സഞ്ചാരയോഗ്യമാകുന്നതിന് ഇനിയും മാസങ്ങൾ കാത്തിരിക്കേണ്ട സ്ഥതിയിലാണ് സിസി, വാകേരി മേഖലയിലെ ജനം. ടെൻഡർ നടപടികൾ വേഗം പൂർത്തിയാക്കി പ്രവൃത്തി യുദ്ധകാലാടിസ്ഥാനത്തിൽ നടത്തണണമെന്നാണ് അവരുടെ ആവശ്യം.

കൽപ്പറ്റ നഗരസഭ തൊഴിൽമേള നടത്തി

കൽപ്പറ്റ: അഭ്യസ്തവിദ്യരുടെ തൊഴിലില്ലായ്മ പരിഹരിക്കുക എന്ന ലക്ഷ്യത്തോടെ സംസ്ഥാന സർക്കാർ തദ്ദേശ സ്ഥാപനങ്ങളുടെ നേതൃത്വത്തിൽ നടത്തിവരുന്ന വിജ്ഞാനകേരളം ജനകീയ കാന്പയിനിന്‍റെ ഭാഗമായി നഗരസഭ തൊഴിൽമേള സംഘടിപ്പിച്ചു. 23 സ്ഥാപനങ്ങൾ പങ്കെടുത്ത മേളയിൽ 228 ഉദ്യോഗാർഥികൾ അഭിമുഖത്തിനെത്തി. 13 പേർക്ക് നിയമന ഉറപ്പ് ലഭിച്ചു. 108 പേരെ വിവിധ സ്ഥാപനങ്ങൾ ഷോർട്ട്ലിസ്റ്റ് ചെയ്തു. ചെയർമാൻ ടി.ജെ. ഐസക് ഉദ്ഘാടനം ചെയ്തു. വൈസ് ചെയർപേഴ്സണ്‍ സരോജിനി ഓടന്പം അധ്യക്ഷത വഹിച്ചു. വിജ്ഞാന കേരളം ജില്ലാ മിഷൻ കോഓർഡിനേറ്റർ ശ്രീജിത്ത് ശിവരാമൻ പദ്ധതി വിശദീകരിച്ചു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സണ്‍ ആയിഷ പള്ളിയാലിൽ, ആരോഗ്യ സ്റ്റാൻഡിംഗ് കമ്മിറ്റി ചെയർമാൻ എ.പി. മുസ്തഫ എന്നിവർ പ്രസംഗിച്ചു. വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ സി.കെ. ശിവരാമൻ സ്വാഗതവും സെക്രട്ടറി അലി അഷ്ഹർ നന്ദിയും പറഞ്ഞു.

ദ്വാരക ഫൊറോന പള്ളിയിൽ പ്രധാന തിരുനാൾ ഇന്ന്

മാനന്തവാടി: ദ്വാകര ഫൊറോന പളളിയിൽ വിശുദ്ധ അൽഫോൻസാമ്മയുടെ പ്രധാന തിരുനാൾ ഇന്ന്. രാവിലെ ആറിന് ജപമാലയോടെയാണ് തിരുനാൾ പരിപാടികൾക്കു തുടക്കം. 6.30ന് വിശുദ്ധ കുർബാന. ഒന്പതിന് ജപമാല. 9.30ന് ആർച്ച് ബിഷപ് എമിരറ്റസ് മാർ ജോർജ് ഞരളക്കാട്ടിന്‍റെ മുഖ്യകാർമികത്വത്തിൽ ആഘോഷമായ തിരുനാൾ ഗാനപൂജ, വചന സന്ദേശം. 11ന് തിരുനാൾ പ്രദക്ഷിണം, പരിശുദ്ധ കുർബാനയുടെ ആശീർവാദം, സ്നേഹവിരുന്ന്. വൈദിക, സന്യസ്ത ദിനമായി ആഘോഷിച്ച ഇന്നലെ വൈകുന്നേരം അഞ്ചിന് ആഘോഷമായ തിരുനാൾ പാട്ടുകുർബാനയിൽ മാനന്തവാടി രൂപത സഹായമെത്രാൻ മാർ അലക്സ് താരാമംഗലം മുഖ്യകാർമികനായി. തുടർന്ന് തിരുനാൾ പ്രദക്ഷിണം, പരിശുദ്ധ കുർബാനയുടെ ആശീർവാദം, നേർച്ച ഭക്ഷണം, ലേസർ ലൈറ്റ് ഷോ ആൻഡ് ഡിജിറ്റൽ ഫയർ വർക്സ്, വാദ്യമേളങ്ങൾ എന്നിവ നടന്നു. കഴിഞ്ഞ ഒന്നിനായിരുന്നു തിരുനാൾ ആരംഭം.

മെച്ചപ്പെട്ട മഴ നീലഗിരിയിൽ കൃഷിക്കു ഗുണമായി

ഗൂഡല്ലൂർ: കഴിഞ്ഞ മാസങ്ങളിൽ മെച്ചപ്പെട്ട അളവിൽ ലഭിച്ച മഴ നീലഗിരിയിൽ കൃഷിക്ക് ഗുണമായി. ഈ വർഷം ജില്ലയിൽ വരൾച്ചമൂലം കൃഷിനാശം ഉണ്ടാകില്ലെന്ന് കൃഷി ഡയറക്ടർ ശിബില മേരി പറഞ്ഞു. നീലഗിരിയിൽ ഏകദേശം 60,000 ഏക്കറിലാണ് തേയില, പച്ചക്കറി കൃഷികൾ. ഉൗട്ടി മേഖലയിലെ എമറാൾഡ്, ആടശോല, കേത്തി, അവിലാഞ്ചി, പാലട, എളനെല്ലി തുടങ്ങിയ പ്രദേശങ്ങളിലാണ് പച്ചക്കറികൾ കൂടുതൽ കൃഷി ചെയ്യുന്നത്. കാരറ്റ്, മുള്ളങ്കി, മുട്ടക്കോസ്, ബീൻസ്, പച്ചമുളക്, വെളുത്തുള്ളി കൃഷികൾ വ്യാപകമാണ്. തേയിലക്കൃഷിയെ ആശ്രയിച്ചാണ് ജില്ലയിലെ ജനങ്ങളിൽ 60 ശതമാനത്തിന്‍റെ ഉപജീവനം. അനുയോജ്യമായ കാലാവസ്ഥയിൽ കർഷകർ സന്തോഷിക്കുന്നുണ്ടെങ്കിലും വിളകൾക്ക് മതിയായ വില ലഭിക്കാത്തത് പ്രതിസന്ധി സൃഷ്ടിക്കുന്നുണ്ട്. പച്ചത്തേയില കിലോഗ്രാമിന് 30 രൂപ തറവില കർഷകരുടെ ദീർഘകാല ആവശ്യമാണ്. എന്നാൽ പ്രഖ്യാപനത്തിന് സർക്കാർ തയാറാകുന്നില്ല. കേന്ദ്ര, സംസ്ഥാന സർക്കാരുകൾ അവഗണിക്കുന്നതിൽ കർഷകരിൽ പ്രതിഷേധം ശക്തമാണ്.

ഷാഫി പറന്പിൽ എംപിക്കു പോലീസ് മർദനം; അലയടിച്ച് പ്രതിഷേധം

കൽപ്പറ്റ: കെപിസിസി വർക്കിംഗ് പ്രസിഡന്‍റ് ഷാഫി പറന്പിൽ എംഎൽഎയെയും കോണ്‍ഗ്രസ് നേതാക്കളെയും പേരാന്പ്രയിൽ പോലീസ് മർദിച്ചതിൽ വയനാട്ടിൽ പ്രതിഷേധം അലയടിച്ചു. കുറ്റക്കാരായ പോലീസുകാർക്കെതിരേ നടപടി ആവശ്യപ്പെട്ട് ജില്ലയിൽ വിവിധ കേന്ദ്രങ്ങളിൽ യുഡിഎഫ് പ്രവർത്തകർ പ്രകടനവും യോഗവും നടത്തി. ബത്തേരിയിൽ പ്രകടനത്തിന് ഡി.പി. രാജശേഖരൻ, മാടക്കര അബ്ദുള്ള, പി.പി. അയ്യൂബ്, ബാബു പഴുപ്പത്തൂർ, ഷബീർ അഹമ്മദ്, സി.കെ. ഹാരിസ്, സ്റ്റീഫൻ സാജു, വിനോദ് തുടങ്ങിയവർ നേതൃത്വം നൽകി. ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തിൽ കൽപ്പറ്റയിൽ പ്രകടനവും യോഗവും നടത്തി. ഡിസിസി പ്രസിഡന്‍റ് ടി.ജെ. ഐസക് ഉദ്ഘാടനം ചെയ്തു. കെപിസിസി അംഗം പി.പി. ആലി അധ്യക്ഷത വഹിച്ചു. സി. ജയപ്രസാദ്, പി. വിനോദ്കുമാർ, ഒ.വി. റോയ്, ജോയ് തൊട്ടിത്തറ, മുഹമ്മദ് ബാവ, കെ.കെ. രാജേന്ദ്രേൻ, സി.എ. അരുണ്‍ദേവ്, മോഹൻദാസ് കോട്ടക്കൊല്ലി, ആർ. ഉണ്ണിക്കൃഷ്ണൻ, ഹർഷൽ കോന്നാടൻ, ജോസ് കണ്ടത്തിൽ, രാജു ഹെജമാഡി, രാധ രാമസ്വാമി, എസ്. മണി, എം.ഒ. ദേവസ്യ, ഡിന്േ‍റാ ജോസ്, ജോണ്‍ മാത, ഷംസുദ്ദീൻ, കെ. ശശികുമാർ, രമ്യ ജയപ്രസാദ്, അർജുൻദാസ്, പി.ആർ. ബിന്ദു, ശ്രീജ ബാബു എന്നിവർ പ്രസംഗിച്ചു. വൈത്തിരി ബ്ലോക്ക് കോണ്‍ഗ്രസ് കമ്മിറ്റിയുടെ പൊഴുതനയിൽ പ്രകടനം നടത്തി. പ്രസിഡന്‍റ് പോൾസണ്‍ കൂവക്കൽ, എബിൻ മുട്ടപ്പള്ളി, എ.എ. വർഗീസ്, രാജൻ മാസ്റ്റർ, ഷാജി വട്ടത്തറ, എം.എം. ജോസ്, കെ.ജെ. ജോണ്‍, എ. ശിവദാസൻ, കെ.പി. സെയ്ത്, സണ്ണി മുത്തങ്ങാപറന്പിൽ, ആർ. രാമചന്ദ്രൻ, സിയാബ് മലായി, ഷെമീർ, മോഹനൻ, കെ.വി. രാമൻ, ആൽഫിൻ, സതീഷ്കുമാർ, സുധ അനിൽ, ഇർഷാദ്, ആഷിർ, ഷെമീർ വൈത്തിരി തുടങ്ങിയവർ നേതൃത്വം നൽകി. മീനങ്ങാടി ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തിൽ പുൽപ്പള്ളിയിൽ പ്രകടനവും യോഗവും നടത്തി. കെപിസിസി എക്സിക്യുട്ടീവ് കമ്മിറ്റി അംഗം കെ.എൽ. പൗലോസ് ഉദ്ഘാടനം ചെയ്തു. ബ്ലോക്ക് പ്രസിഡന്‍റ് വർഗീസ് മുരിയൻകാവിൽ അധ്യക്ഷത വഹിച്ചു. ഡിസിസി ജനറൽ സെക്രട്ടറിമാരായ എൻ.യു. ഉലഹന്നാൻ, ബീന ജോസ്, പി.ഡി. സജി, മണ്ഡലം പ്രസിഡന്‍റുമാരായ പി.ഡി. ജോണി, എം.എസ്. പ്രഭാകരൻ, റെജി പുളിങ്കുന്നേൽ, ജോമറ്റ് കോതവഴിക്കൽ എന്നിവർ പ്രസംഗിച്ചു. മാനന്തവാടിയിൽ ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തിൽ നടത്തിയ പ്രകടനത്തിന് എഐസിസി അംഗം പി.കെ. ജയലക്ഷ്മി, ബ്ലോക്ക് പ്രസിഡന്‍റ് എ.എം. നിഷാന്ത്, എൻ.കെ. വർഗീസ്, പി.വി. ജോർജ്, സി. അബ്ദുൾ അഷറഫ്, അസീസ് വാളാട്, സിൽവി തോമസ്, ശശികുമാർ, ശശി വാളാട് തുടങ്ങിയവർ നേതൃത്വം നൽകി. മീനങ്ങാടിയിൽ പഞ്ചായത്ത് യുഡിഎഫ് കമ്മിറ്റിയുടെ നേതൃത്വത്തിൽ പോലീസ് സ്റ്റേഷൻ മാർച്ച് നടത്തി. പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ ബേബി വർഗീസ് ഉദ്ഘാടനം ചെയ്തു. യുഡിഎഫ് ചെയർമാൻ മനോജ് ചന്ദനക്കാവ്, കണ്‍വീനർ ടി.എം. ഹൈറുദ്ദീൻ, വി.എം. വിശ്വനാഥൻ, കെ. ആർ. ഭാസ്കരൻ, പി.കെ. നൗഷാദ്, അനീഷ് റാട്ടക്കുണ്ട് പ്രസംഗിച്ചു. ഷെഫീക്ക് നടുക്കാട്ടിൽ, ശിവരാമൻ മാതമൂല, സിറാജ് കാക്കവയൽ, പി.ടി. വിനു, വി.സി. ബിജു, പി.എ. സുന്ദരൻ, ശ്രീനിവാസൻ വേങ്ങൂർ, പി.ജി. സുനിൽ, വി.ആർ. ഷാജി, വിജയൻ കരിന്പാംകൊല്ലി തുടങ്ങിയവർ നേതൃത്വം നൽകി. യൂത്ത് കോണ്‍ഗ്രസ് പ്രതിഷേധിച്ചു കൽപ്പറ്റ: യൂത്ത് കോണ്‍ഗ്രസ് പ്രവർത്തകർ വെള്ളിയാഴ്ച രാത്രി നഗരത്തിൽ പ്രകടനവും ദേശീയപാത ഉപരോധവും നടത്തി. സംസ്ഥാന ജനറൽ സെക്രട്ടറി സി.എ. അരുണ്‍ദേവ്, സംസ്ഥാന സെക്രട്ടറി ജഷീർ പള്ളിവയൽ, ജില്ലാ ജനറൽ സെക്രട്ടറി ഹർഷൽ കോന്നാടൻ, മുത്തലിബ് പഞ്ചാര, ഡിന്‍റോ ജോസ്, മുഹമ്മദ് ഫെബിൻ, എം.ബി. വിഷ്ണു, ആഷിക് വൈത്തിരി, രമ്യ ജയപ്രസാദ്, പ്രതാപ് കൽപ്പറ്റ, ലിറാർ പറളിക്കുന്ന്, സുനീർ ഇത്തിക്കൽ, അർജുൻദാസ്, അഫിൻ ദേവസ്യ, ജോബിൻ ആന്‍റണി, ഷമീർ വൈത്തിരി, ആൽബർട്ട് ആന്‍റണി, ഷബീർ പുത്തൂർവയൽ, കെ.ബി. ഷൈജു, രഞ്ജിത്ത് ബേബി, എം.വി. ഷനൂപ് എന്നിവർ നേതൃത്വം നൽകി.പനമരത്ത് ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തിൽ പ്രകടനം നടത്തി. പ്രസിഡന്‍റ് ജിൽസണ്‍ തൂപ്പുംകര, ഉഷ വിജയൻ, വിനോദ് തോട്ടത്തിൽ, ബെന്നി അരിഞ്ചേർമല, ജോസ് നിലന്പനാട്ട്, ചിന്നമ്മ ജോസ്, കെ.ജി. ജോണ്‍സണ്‍, അനിൽ പനമരം, എം.കെ. അഹമ്മദ്, സാബു പനമരം, സിനോ പാറക്കാല, തോമസ് വലിയപടിക്കൽ, വാസു അമ്മാനി തുടങ്ങിയവർ നേതൃത്വം നൽകി.

ഹോട്ടൽ പരിശോധനയും ഭക്ഷണവസ്തുക്കൾ പിടിച്ചെടുക്കുന്നതും അശാസ്ത്രീയമെന്ന്

സുൽത്താൻ ബത്തേരി: മുനിസിപ്പാലിറ്റി ആരോഗ്യ വിഭാഗം കഴിഞ്ഞദിവസം ബത്തേരി ടൗണിലെ വിവിധ ഹോട്ടലുകൾ, മെസ്, കൂൾബാർ എന്നിവിടങ്ങളിൽ പരിശോധന നടത്തി ഭക്ഷണ വസ്തുക്കൾ ഉപയോഗയോഗ്യമല്ലെന്ന് പറഞ്ഞ് പിടിച്ചെടുത്തത് അശാസ്ത്രീയമാണെന്ന് കേരള ഹോട്ടൽ ആൻഡ് റസ്റ്ററന്‍റ് അസോസിയേഷൻ ജില്ലാ കമ്മിറ്റിയും കേരള വ്യാപാരി വ്യവസായി ഏകോപന സമിതിയും ആരോപിച്ചു. ഈ നടപടിക്കെതിരേ സംഘടനയുടെ നേതൃത്വത്തിൽ മുനിസിപ്പൽ ഭരണസമിതി, മുനിസിപ്പൽ സെക്രട്ടറി, ഹെൽത്ത് ഇൻസ്പെക്ടർ എന്നിവരെ നേരിൽകണ്ട് കാര്യങ്ങൾ ബോധിപ്പിച്ചു. ഇന്നലെ രാവിലെയോടെയാണ് പ്രതിഷേധവുമായി അധികൃതർ നഗരസഭയിലെത്തിയത്. നഗരസഭ ചെയർമാനുമായി അടത്തുദിവസം പ്രശ്നം ചർച്ചചെയ്യാൻ തീരുമാനിച്ചതായി ഭാരവാഹികൾ അറിയിച്ചു. കഴിഞ്ഞദിവസം ടൗണിലെ പതിനഞ്ച് സ്ഥാപനങ്ങളിൽ പരിശോധന നടത്തുകയും അഞ്ച് സ്ഥാപനങ്ങളിൽ നിന്ന് ഭക്ഷണ വസ്തുക്കൾ പിടിച്ചെടുക്കുകയും ചെയ്തിരുന്നു. ഇതിനെതിരേയാണ് അസോസിയേഷൻ ഭാരവാഹികൾ പ്രതിഷേധവുമായെത്തിയത്. പ്രതിഷേധ പരിപാടിക്ക് കേരള ഹോട്ടൽ ആൻഡ് റസ്റ്ററന്‍റ് അസോസിയേഷൻ സംസ്ഥാന സെക്രട്ടറി അനീഷ് ബി. നായർ, ജില്ലാ പ്രസിഡന്‍റ് അസ്‌ലം ബാവ, ജില്ലാ സെക്രട്ടറി യു. സുബൈർ, വ്യാപാരി വ്യവസായി ഏകോപന സമിതി ബത്തേരി യൂണിറ്റ് ഭാരവാഹികളായ മത്തായി കുഞ്ഞ്, യൂനുസ് ബത്തേരി, ഹോട്ടൽ അസോസിയേഷൻ ഭാരവാഹികളായ ഗഫൂർ സാഗർ, മുജീബ് ചുണ്ട, ഉണ്ണികൃഷ്ണൻ മാതാ, ഷിഹാബ് മേപ്പാടി, ഉമ്മർ പാരഡൈസ്, പോക്കു ന്യൂ ഫോം, റഷീദ് ബാംബു, മജീദ് ഇക്കായീസ് എന്നിവർ നേതൃത്വം നൽകി.

കൽപ്പറ്റ നഗരസഭ തൊഴിൽമേള നടത്തി

കൽപ്പറ്റ: അഭ്യസ്തവിദ്യരുടെ തൊഴിലില്ലായ്മ പരിഹരിക്കുക എന്ന ലക്ഷ്യത്തോടെ സംസ്ഥാന സർക്കാർ തദ്ദേശ സ്ഥാപനങ്ങളുടെ നേതൃത്വത്തിൽ നടത്തിവരുന്ന വിജ്ഞാനകേരളം ജനകീയ കാന്പയിനിന്‍റെ ഭാഗമായി നഗരസഭ തൊഴിൽമേള സംഘടിപ്പിച്ചു. 23 സ്ഥാപനങ്ങൾ പങ്കെടുത്ത മേളയിൽ 228 ഉദ്യോഗാർഥികൾ അഭിമുഖത്തിനെത്തി. 13 പേർക്ക് നിയമന ഉറപ്പ് ലഭിച്ചു. 108 പേരെ വിവിധ സ്ഥാപനങ്ങൾ ഷോർട്ട്ലിസ്റ്റ് ചെയ്തു. ചെയർമാൻ ടി.ജെ. ഐസക് ഉദ്ഘാടനം ചെയ്തു. വൈസ് ചെയർപേഴ്സണ്‍ സരോജിനി ഓടന്പം അധ്യക്ഷത വഹിച്ചു. വിജ്ഞാന കേരളം ജില്ലാ മിഷൻ കോഓർഡിനേറ്റർ ശ്രീജിത്ത് ശിവരാമൻ പദ്ധതി വിശദീകരിച്ചു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സണ്‍ ആയിഷ പള്ളിയാലിൽ, ആരോഗ്യ സ്റ്റാൻഡിംഗ് കമ്മിറ്റി ചെയർമാൻ എ.പി. മുസ്തഫ, വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ സി.കെ. ശിവരാമൻ, സെക്രട്ടറി അലി അഷ്ഹർ എന്നിവർ പ്രസംഗിച്ചു.

ശ്മശാനഭൂമിയിലെ കാട് നീക്കി

ചീരാൽ: ആനക്കുന്നിനടുത്തുള്ള ശ്മശാനഭൂമിയിലെ കാട് പ്രദേശവാസികൾ ശ്രമദാനമായി വെട്ടിനീക്കി. കാടുപിടിച്ച ശ്മശാനം കാട്ടുപന്നികൾ താവളമാക്കിയ സാഹചര്യത്തിലാണ് ശ്രമദാനം സംഘടിപ്പിച്ചത്. 40 ഓളം പേർ പങ്കെടുത്തു. എം. കുഞ്ഞാലൻ, കെ.സി.കെ. തങ്ങൾ, വി.കെ. വാസു, വിജയൻ ആനക്കുന്ന്, ലീന, സി.എം. ഉമ്മർ, ഉഷാകുമാരി, മണി വട്ടക്കുരവ് തുടങ്ങിയവർ നേതൃത്വം നൽകി. കുട്ടികൾ സ്കൂളിലേക്കും മദ്രസയിലേക്കും നടന്നുപോകുന്ന വഴിയോരത്താണ് ശ്മശാനഭൂമി. ഇവിടെ കാടുപിടിച്ച ഭാഗത്ത് തങ്ങുന്ന കാട്ടുപന്നികൾ രാത്രി പുറത്തിറങ്ങി കപ്പ, ചേന്പ് തുടങ്ങിയവ നശിപ്പിക്കുന്നത് നിത്യസംഭവമായിരുന്നു.

മാനന്തവാടി ഉപജില്ല ശാസ്ത്രോത്സവം: ദ്വാരക സേക്രഡ് ഹാര്‍ട്ട് ഹയര്‍ സെക്കന്‍ഡറി വിഭാഗം ജേതാക്കള്‍

പനമരം: ഗവ.ഹയര്‍ സെക്കന്‍ഡറി സ്കൂളില്‍ നടന്ന മാനന്തവാടി ഉപജില്ല ശാസ്ത്രോത്സവത്തില്‍ ഹയര്‍ സെക്കന്‍ഡറി വിഭാഗത്തില്‍ 177 പോയിന്‍റുമായി ദ്വാരക സേക്രഡ് ഹാര്‍ട്ട് ജേതാക്കളായി. 114 പോയിന്‍റുമായി ഏച്ചോം സര്‍വോദയ രണ്ടാം സ്ഥാനം നേടി. എച്ച്എസ് വിഭാഗത്തില്‍ 129 പോയിന്‍റുമായി കണിയാരം ഫാ.ജികെഎം എച്ച്എസ്എസ് ഒന്നാമതെത്തി. ഏച്ചോം സര്‍വോദയയാണ് തൊട്ടുപിന്നില്‍. യുപി വിഭാഗത്തില്‍ തരുവണ ജിയുപിഎസ് 68 പോയിന്‍റോടെ ജേതാക്കളായി. മാനന്തവാടി എല്‍എഫ് സ്കൂള്‍ 62 പോയിന്‍റ് നേടി രണ്ടാമതെത്തി. പ്രവൃത്തിപരിചയമേളയില്‍ എല്‍പി വിഭാഗത്തില്‍ ഏച്ചോം സര്‍വോദയ(61 പോയിന്‍റ്) ജേതാക്കളായി. 58 പോയിന്‍റ് നേടിയ കൊമ്മയാട് സെന്‍റ് സെബാസ്റ്റ്യന്‍സ് സ്കൂളിനാണ് രണ്ടാം സ്ഥാനം. സമാപനസമ്മേളനം ജില്ലാ പഞ്ചായത്ത് ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ ജുനൈദ് കൈപ്പാണി ഉദ്ഘാടനം ചെയ്തു. പിടിഎ പ്രസിഡന്‍റ് സി.കെ. മുനീര്‍ അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്‍റ് തോമസ് പാറക്കാലായില്‍, കെ. മുഹമ്മദ് നിയാസ്, ടി.ജെ. റോബി, കെ. സിദ്ദിഖ്, കെ.പി. ഇര്‍ഷാദ്, കെ. അബ്ദുള്‍ ജലീല്‍, സജിന അലി, കെ.വി. ഫൗസിയ, ഷിജ ജയിംസ്, എം.കെ. രമേശ് കുമാര്‍ എന്നിവര്‍ പ്രസംഗിച്ചു.

ഡിവൈഎഫ്ഐ റോഡിലെ കുഴിയടച്ചു

സുൽത്താൻ ബത്തേരി: കുണ്ടുംകുഴിയുമായി കിടക്കുന്ന റോഡിലെ കുഴികളടച്ച് ഗതാഗതം സുഖമമാക്കണമെന്ന ആവശ്യം നടപ്പാകാതെ വന്നതോടെ ഡിവൈഎഫ്ഐ പ്രവർത്തകർ റോഡിലെ കുഴികളടച്ചു. ചീരാൽ കല്ലുമുക്ക് റോഡിലെ ഒരു കിലോമീറ്റർ ദൂരമാണ് കുഴികളടച്ചത്. ജില്ലാ പഞ്ചായത്തിന്‍റെ കീഴിലുള്ള ഈ റോഡ് തകർന്ന് ഗതാഗതം ദുഷ്കരമായതോടെ നന്നാക്കണമെന്ന ആവശ്യവുമായി ജനങ്ങൾ രംഗത്ത് വന്നിരുന്നു. കഴിഞ്ഞ ജനകീയ സദസിൽ റോഡ് ഉടൻ നന്നാക്കുമെന്ന് ബന്ധപ്പെട്ടവർ അറിയിച്ചെങ്കിലും നടപടിയായില്ല. തുടർന്നാണ് നാട്ടുകാരുടെ സഹായത്തോടെ ഡിവൈഎഫ്ഐ പ്രവർത്തകർ റോഡ് നന്നാക്കാൻ ഇന്നലെ രംഗത്തിറങ്ങിയത്. ക്വാറി വേസ്റ്റ് ഇട്ട് കുഴികൾ അടച്ചും വെള്ളം കെട്ടിനിൽക്കുന്നിടങ്ങളിൽ ഓവ്ചാലുകൾ തീർത്തുമാണ് റോഡ് നന്നാക്കിയത്.

സ്വർണപ്പാളി വിവാദം: കോണ്‍ഗ്രസ് പ്രതിഷേധ ജ്വാല സംഘടിപ്പിച്ചു

കൽപ്പറ്റ: ശബരിമലയിലെ സ്വർണപ്പാളികൾ കാണാതായ സംഭവത്തിൽ വിശദാന്വേഷണവും കുറ്റക്കാർക്കെതിരേ കർശന നടപടിയും ആവശ്യപ്പെട്ട് കോണ്‍ഗ്രസ് മണ്ഡലം കമ്മിറ്റി പ്രതിഷേധജ്വാല സംഘടിപ്പിച്ചു. കെപിസിസി അംഗം പി.പി. ആലി ഉദ്ഘാടനം ചെയ്തു. ശബരിമലയിൽനിന്നു പുറത്തുവരുന്ന വിവരങ്ങൾ ഏറെ ആശങ്കാജനകമാണെന്നു അദ്ദേഹം പറഞ്ഞു. മണ്ഡലം പ്രസിഡന്‍റ് ഗിരീഷ് കൽപ്പറ്റ അധ്യക്ഷത വഹിച്ചു. സി. ജയപ്രസാദ്, പി. വിനോദ്കുമാർ, കെ.കെ. രാജേന്ദ്രൻ, എസ്. മണി, ഹർഷൽ കോന്നാടൻ, ഡിന്‍റോ ജോസ്, കെ. ശശികുമാർ, സെബാസ്റ്റ്യൻ കൽപ്പറ്റ, ആയിഷ പള്ളിയാൽ, പി. രാജാറാണി, രമ്യ ജയപ്രസാദ്, ബിന്ദു ജോസ്, രമേശൻ മാണിക്യം, ടി. സതീഷ്കുമാർ, മുഹമ്മദ് ഫെബിൻ, അർജുൻദാസ് എന്നിവർ സംസാരിച്ചു. കോട്ടത്തറ: ശബരിമലയിലെ സ്വർണപ്പാളി മോഷണത്തിന് ഉത്തരവാദികളായ മുഴുവൻ ആളുകളെയും നിയമത്തിനു മുന്നിൽ നിർത്തണമെന്ന് ആവശ്യപ്പെട്ട് മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തിൽ വെണ്ണിയോട് അങ്ങാടിയിൽ പ്രകടനം നടത്തി. പ്രസിഡന്‍റ് സി.സി. തങ്കച്ചൻ, സുരേഷ്ബാബു വാളൽ, വി.ആർ. ബാലൻ, വി.ഡി. രാജു, സി.കെ. ഇബ്രായി, ടി. ഇബ്രായി, എം.വി. ടോമി, പി.ഇ. വിനോജ്, ആന്‍റണി പാറയിൽ, പി.എസ്. മധു, വി.കെ. ശങ്കരൻകുട്ടി, വി.ജെ. പ്രകാശൻ, ജസ്റ്റിൻ സിറിയക്, രാജേഷ് പോൾ, പി.കെ. രാധാകൃഷ്ണൻ, എം. ഗഫൂർ, അബ്ദുൾ ഹക്കീം, കെ.കെ. സദാനന്ദൻ, പ്രജീഷ് ജയിൻ, സുധീഷ്, പി.കെ. വിജയൻ, ശശി വലിയകുന്ന് തുടങ്ങിയവർ നേതൃത്വം നൽകി.

തിരുനെല്ലി ക്ഷേത്രത്തിന്‍റെ സ്ഥിര നിക്ഷേപം: കോണ്‍ഗ്രസ് മാര്‍ച്ചും ധര്‍ണയും നടത്തി

തിരുനെല്ലി: ഹൈക്കോടതി ഉത്തരവനുസരിച്ച് മാറ്റി നിക്ഷേപിക്കുന്നതിന് പണം തിരുനെല്ലി ദേവസ്വത്തിന് തിരികെ നല്‍കാത്തതില്‍ പ്രതിഷേധിച്ച് കോണ്‍ഗ്രസ് മണ്ഡലം കമ്മിറ്റിയുടെ നേതൃത്വത്തില്‍ സര്‍വീസ് സഹകരണ ബാങ്കിലേക്ക് മാര്‍ച്ചും തുടര്‍ന്ന് ധര്‍ണയും നടത്തി. ഡിസിസി സെക്രട്ടറി കമ്മന മോഹനന്‍ ഉദ്ഘാടനം ചെയ്തു. മണ്ഡലം പ്രസിഡന്‍റ് സതീശന്‍ പുളിമൂട് അധ്യക്ഷത വഹിച്ചു. ബ്ലോക്ക് കോണ്‍ഗ്രസ് പ്രസിഡന്‍റ് എ.എം. നിഷാന്ത് മുഖ്യപ്രഭാഷണം നടത്തി. മണ്ഡലം വൈസ് പ്രസിഡന്‍റ് റഷിദ് തൃശിലേരി, കെ.വി. ഷിനോജ്, കെ.ജി. രാമകൃഷ്ണന്‍, സുധാകരന്‍ പാല്‍വെളിച്ചം, സലിം തോല്‍പ്പെട്ടി എന്നിവര്‍ പ്രസംഗിച്ചു. തിരുനെല്ലി: സര്‍വീസ് സഹകരണ ബാങ്കില്‍ ദേവസ്വത്തിനുള്ള നിക്ഷേപം ഹൈക്കോടതി ഉത്തരവ് പ്രകാരം യോഗ്യതയുള്ള ധനകാര്യ സ്ഥാപനത്തിലേക്ക് മാറ്റാത്തതില്‍ പ്രതിഷേധിച്ച് ബിജെപി പഞ്ചായത്ത് കമ്മിറ്റിയുടെ നേതൃത്വത്തില്‍ ബാങ്കിലേക്ക് മാര്‍ച്ചും തുടര്‍ന്ന് ധര്‍ണയും നടത്തി. ജില്ലാ വൈസ് പ്രസിഡന്‍റ് കെ. മോഹന്‍ദാസ് ഉദ്ഘാടനം ചെയ്തു. പഞ്ചായത്ത് കമ്മിറ്റി പ്രസിഡന്‍റ് പ്രകാശന്‍ കൈപ്പഞ്ചേരി അധ്യക്ഷത വഹിച്ചു. യുവമോര്‍ച്ച സംസ്ഥാന വൈസ് പ്രസിഡന്‍റ് അഖില്‍ പ്രേം മുഖ്യപ്രഭാഷണം നടത്തി. വിജിഷ സജീവന്‍, അഖില്‍ കേളോത്ത്, അരുണ്‍ രമേശ്, പി.ജി. രാഖില്‍, രൂപേഷ് പിലാക്കാവ് എന്നിവര്‍ പ്രസംഗിച്ചു.

ലോക മാനസികാരോഗ്യദിനം ആഘോഷിച്ചു

കൽപ്പറ്റ: ആരോഗ്യ വകുപ്പിന്‍റെയും ആരോഗ്യകേരളം ജില്ലാ മാനസികാരോഗ്യ വിഭാഗത്തിന്‍റയും സംയുക്താഭിമുഖ്യത്തിൽ ലോക മാനസികാരോഗ്യദിനം ആഘോഷിച്ചു. പ്രകൃതി ദുരന്തങ്ങൾക്കും മറ്റ് അത്യാഹിതങ്ങൾക്കും ഇരയാകുന്നവർക്കൊപ്പം രക്ഷാപ്രവർത്തനങ്ങളിൽ ഏർപ്പെടുന്നവരുടെയും സഹായഹസ്തവുമായി ഓടിയെത്തുന്നവരുടെയും മാനസികാരോഗ്യത്തിന് പിന്തുണ നൽകുകയെന്ന ലക്ഷ്യത്തോടെയാണ് പരിപാടി സംഘടിപ്പിച്ചത്. ഗ്രീൻ ഗേറ്റ്സ് ഹോട്ടലിൽ ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ ഉദ്ഘാടനം ചെയ്തു. ദുരന്തമുഖങ്ങളിൽ കർത്തവ്യനിർവഹണത്തിൽ ഏർപ്പെട്ട നിരവധി ഉദ്യോഗസ്ഥരും സന്നദ്ധപ്രവർത്തകരും ഇപ്പോഴും ദുരന്തത്തിന്‍റെ ആഘാതത്തിൽനിന്ന് മുക്തരായിട്ടില്ലെന്നും ഇവരുടെ മാനസികാരോഗ്യം സംരക്ഷിക്കാൻ ഗൗരവപൂർവമായ ഇടപെടൽ വേണമെന്നും അദ്ദേഹം പറഞ്ഞു. നഗരസഭ ആരോഗ്യ സ്റ്റാൻഡിംഗ് കമ്മിറ്റി ചെയർമാൻ എ.പി. മുസ്തഫ അധ്യക്ഷത വഹിച്ചു. ആരോഗ്യ കേരളം ജില്ലാ പ്രോഗ്രാം മാനേജർ ഡോ. സമീഹ സെയ്തലവി, ജില്ലാ ആശുപത്രി സൂപ്രണ്ട് ഡോ. സച്ചിൻ ബാബു, ജില്ലാ മാനസികാരോഗ്യ പദ്ധതി പ്രോഗ്രാം ഓഫീസർ ഡോ. പ്രിയ സേനൻ, നോഡൽ ഓഫീസർ ഡോ. അപർണ നായർ, സൈക്യാട്രിസ്റ്റ് ഡോ.കെ. ജംഷീല, ജനറൽ ആശുപത്രിയിലെ സൈക്യാട്രിസ്റ്റ് ഡോ. ഹരീഷ് കൃഷ്ണൻ, ഡോക്ടേഴ്സ് ഫോർ യു കോഓർഡിനേറ്റർ ഡോ. ഷമീർ, ജില്ലാ എഡ്യുക്കേഷൻ ആൻഡ് മീഡിയ ഓഫീസർ കെ.എം. മുസ്തഫ, ഡെപ്യുട്ടി ഓഫീസർ പി.എം. ഫസൽ, സോഷ്യൽ വർക്കർ ആശ പോൾ എന്നിവർ പ്രസംഗിച്ചു. പുഞ്ചിരിമട്ടം ഉരുൾപൊട്ടലിൽ രക്ഷാപ്രവർത്തനത്തിന് നേതൃത്വം നൽകിയ അഗ്നി-രക്ഷാസേന, പോലീസ്, സിവിൽ ഡിഫൻസ്, സന്നദ്ധസംഘടന പ്രതിനിധികൾ പങ്കെടുത്തു. ജില്ലാ മാനസികാരോഗ്യ പദ്ധതിയുടെ ഭാഗമായി തയാറാക്കിയ ബോധവത്കരണ വീഡിയോ പ്രകാശനം ചെയ്തു. പൊഴുതന: ഔവർ റെസ്പോണ്‍സിബിലിറ്റി ടു ചിൽഡ്രൻ വയനാട്, ചൈൽഡ് ഹെൽപ്ലൈൻ എന്നിവ പട്ടികവർഗ വികസന വകുപ്പിന്‍റെ സഹകരണത്തോടെ ഇടിയംവയൽ കമ്മ്യൂണിറ്റി ഹാളിൽ ലോക മാനസികാരോഗ്യദിനം ആഘോഷിച്ചു. ഊരുമൂപ്പൻ ആർ. രാധാകൃഷ്ണൻ അധ്യക്ഷത വഹിച്ചു. ഒആർസി സൈക്കോളജിസ്റ്റ് ഹരിത പോൾ, ചൈൽഡ് ഹെൽപ്ലൈൻ സൂപ്പർവൈസർ മുനീർ, ഒആർസി പ്രോജക്ട് കോർഡിനേറ്റർ എം. വിന്ദുജ, കമ്മ്യുണിറ്റി സോഷ്യൽ വർക്കർ എസ്. നീതു, പ്രമോട്ടർ ഷേർലി എന്നിവർ പ്രസംഗിച്ചു. ഒആർസി ട്രെയിനർ ടി.ജെ. ജോസഫ് ക്ലാസെടുത്തു.

കൃഷ്ണേന്ദുവിനെ റോട്ടറി ക്ലബ് അനുമോദിച്ചു

സുൽത്താൻ ബത്തേരി: ഉപജില്ല സ്കൂൾ കായികമേളയിൽ ജൂണിയർ പെണ്‍കുട്ടികളുടെ വിഭാഗത്തിൽ വ്യക്തിഗത ചാന്പ്യനായ ആനപ്പാറ ഗവ.സ്കൂൾ വിദ്യാർഥിനി എം.ബി. കൃഷ്ണേന്ദുവിനെ റോട്ടറി ക്ലബ് അനുമോദിച്ചു. റോട്ടറി കോട്ടേജിൽ ചേർന്ന യോഗത്തിൽ പ്രസിഡന്‍റ് സി.വി. മത്തായി അധ്യക്ഷത വഹിച്ചു. കെ.പി. രവീന്ദ്രനാഥ്, സി.എം. ചന്ദ്രൻ എന്നിവർ ചേർന്ന് പൊന്നാട അണിയിച്ചു. ഇ. വിനയൻ, എം.എസ്. ദിലീപ്, ഹരികുമാർ, എബ്രൈസ് തോമസ് എന്നിവർ പ്രസംഗിച്ചു. മേളയിൽ 800 മീറ്റർ, 1,500 മീറ്റർ, 3,000 മീറ്റർ ഓട്ടത്തിൽ ഒന്നാമതെത്തിയ കൃഷ്ണേന്ദു 4-100, 4-400 റിലേയിൽ ജേതാക്കളായ ടീമിൽ അംഗമായിരുന്നു. കൃഷ്ണേന്ദുവിന് റോട്ടറി ക്ലബ് നേരത്തേ സ്പൈക്ക് സമ്മാനിച്ചിരുന്നു.

ഉപജില്ല സ്കൂൾ ശാസ്ത്രോത്സവം ആരംഭിച്ചു

പുൽപ്പള്ളി: സുൽത്താൻ ബത്തേരി ഉപജില്ലാ സ്കൂൾ ശാസ്ത്രോത്സവം മുള്ളൻകൊല്ലി സെന്‍റ് മേരീസ് ഹയർ സെക്കൻഡറി സ്കൂൾ, സെന്‍റ് തോമസ് എയുപി സ്കൂൾ, പെരിക്കല്ലൂർ ഗവ. ഹയർ സെക്കൻഡറി സ്കൂളുകളിലായി ആരംഭിച്ചു. 160 സ്കൂളുകളിൽനിന്നായി 7,500 ഓളം വിദ്യാർഥികളാണ് പങ്കെടുക്കുന്നത്. മേളയുടെ ഉദ്ഘാടനം മുള്ളൻകൊല്ലി ഗ്രാമപ്പഞ്ചായത്ത് പ്രസിഡന്‍റ് പി.കെ. വിജയൻ നിർവഹിച്ചു. വൈസ് പ്രസിഡന്‍റ് മോളി സജി അധ്യക്ഷത വഹിച്ചു. സ്ഥിരംസമിതി അധ്യക്ഷരായ ഷിനു കച്ചിറയിൽ, ഷൈജു പഞ്ഞിത്തോപ്പിൽ, ജിസ്റ മുനീർ, പ്രിൻസിപ്പൽ സോജൻ തെക്കനാട്ട്, പിടിഎ പ്രസിഡന്‍റ് ജിൽസ് മണിയത്ത്, ഗ്രാമപ്പഞ്ചായത്ത് അംഗങ്ങളായ പി.കെ. ജോസ്, കെ.കെ. ചന്ദ്രബാബു, മഞ്ജു ഷാജി, അമ്മിണി സന്തോഷ്, പി.എസ്. കലേഷ്, പുഷ്പവല്ലി നാരായണൻ, സുധ നടരാജൻ, ഇ.കെ. രഘു, ലില്ലി തങ്കച്ചൻ, ജെസി സെബാസ്റ്റ്യൻ, സീനിയർ സൂപ്രണ്ട് പ്രവീണ്‍കുമാർ, പെരിക്കല്ലൂർ ഗവ. സ്കൂൾ പ്രിൻസിപ്പൽ പി.കെ. വിനുരാജൻ, കൊച്ചുത്രേസ്യ, ജോയ്സി ജോർജ്, നോബി പള്ളിത്തറ, കെ.എം. രാജേന്ദ്രൻ, സിസ്റ്റർ ജോസഫീന തുടങ്ങിയവർ പ്രസംഗിച്ചു. മേള നാളെ സമാപിക്കും.

ജില്ലയിലെ ആദ്യ ഒപി ലെവൽ പഞ്ചകർമ ചികിത്സാകേന്ദ്രം മൂപ്പൈനാടിൽ തുടങ്ങുന്നു

കൽപ്പറ്റ: ജില്ലയിലെ ആദ്യ ഒപി ലെവൽ പഞ്ചകർമ ചികിത്സാകേന്ദ്രം മൂപ്പൈനാട് പഞ്ചായത്തിലെ പാടിവയലിൽ പ്രവർത്തനം തുടങ്ങുന്നു. മുൻ എംഎൽഎ സി.കെ. ശശീന്ദ്രന്‍റെ ആസ്തി വികസന നിധി ഉപയോഗപ്പെടുത്തി പാടിവയലിൽ ഡയാലിസിസ് സെന്‍ററിന് നിർമിച്ച കെട്ടിടത്തിലാണ് ഗവ.ആയുർവേദ ഡിസ്പെൻസറിക്കു കീഴിൽ പഞ്ചകർമ ചികിത്സ ആരംഭിക്കുന്നത്. കേന്ദ്രത്തിന്‍റെ ഉദ്ഘാടനം ഇന്നു രാവിലെ 11ന് ടി. സിദ്ദിഖ് എംഎൽഎ നിർവഹിക്കുമെന്ന് മൂപ്പൈനാട് പഞ്ചായത്ത് പ്രസിഡന്‍റ് ആർ. ഉണ്ണിക്കൃഷ്ണൻ, വൈസ് പ്രസിഡന്‍റ് ഷൈബാൻ സലാം, ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സണ്‍ ഡയാന മച്ചോഡോ, ആയുർവേദ ഡിസ്പെൻസറി മെഡിക്കൽ ഓഫീസർ ഡോ.സി.എൻ. രേഖ എന്നിവർ വാർത്താസമ്മേളനത്തിൽ അറിയിച്ചു. പഞ്ചകർമ ചികിത്സാകേന്ദ്രത്തോടനുബന്ധിച്ച് ഫിസിയോ തെറാപ്പി യൂണിറ്റ് പ്രവർത്തിക്കും. ഡിസ്പെൻസറിയിൽ എത്തുന്ന രോഗികളിൽ മെഡിക്കൽ ഓഫീസർ നിർദേശിക്കുന്നവർക്കാണ് ഒപി ലെവൽ പഞ്ചകർമ ചികിത്സയും ഫിസിയോ തെറാപ്പിയും സർക്കാർ നിശ്ചയിച്ച നിരക്കിൽ ലഭ്യമാകുക. ചികിത്സ ഉപകരണങ്ങൾ, സ്ത്രീകൾക്കും പുരുഷൻമാർക്കും പ്രത്യേകം മുറികൾ, വിശ്രമമുറി എന്നിവ കെട്ടിടത്തിൽ സജ്ജമാക്കിയിട്ടുണ്ട്. സാന്പത്തികമായി പിന്നാക്കം നിൽക്കുന്നവർക്കും മെച്ചപ്പെട്ട ആയുർവേദ ചികിത്സ ലഭ്യമാക്കുകയാണ് ഒപി ലെവൽ കേന്ദ്രങ്ങളുടെ ലക്ഷ്യം. സംസ്ഥാനത്ത് 25 ഒപി ലെവൽ പഞ്ചകർമ ചികിത്സാ കേന്ദ്രങ്ങളാണ് നാഷണൽ ആയുഷ് മിഷൻ ആരംഭിക്കുന്നത്. ഓരോ കേന്ദ്രത്തിലും പ്രത്യേകം മെഡിക്കൽ ഓഫീസറും തെറാപ്പിസ്റ്റുകളും മറ്റു ജീവനക്കാരും ഉണ്ടാകും. ശുചിത്വം, അണുനശീകരണം, മാലിന്യ സംസ്കരണം തുടങ്ങിയ ഘടകങ്ങൾ അടിസ്ഥാനമാക്കി ആയുഷ് വകുപ്പ് ഈ വർഷം ആരംഭിച്ച കായകൽപ പുരസ്കാര നിർണയത്തിൽ ജില്ലയിൽ ഒന്നാം സ്ഥാനം ലഭിച്ചത് മൂപ്പൈനാട് ഗവ.ആയുർവേദ ഡിസ്പെൻസറിക്കാണ്.

വയനാട് ജില്ലാ സ്കൂൾ കായികമേളയ്ക്ക് കൽപ്പറ്റയിൽ 13ന് തുടക്കം

കൽപ്പറ്റ: വയനാട് റവന്യു ജില്ലാ സ്കൂൾ കായികമേള 13 മുതൽ 15 വരെ തരിയോട് ഗവ.ഹയർ സെക്കൻഡറി സ്കൂളിന്‍റെ ആതിഥേയത്വത്തിൽ മരവയൽ എ.കെ. ജിനചന്ദ്രൻ മെമ്മോറിയൽ സ്റ്റേഡിയത്തിൽ നടത്തും. പബ്ലിസിറ്റി കമ്മിറ്റി ചെയർമാൻ ടി. മണി, തരിയോട് പഞ്ചായത്ത് അംഗം വിജയൻ തോട്ടുങ്കൽ, പഞ്ചായത്ത് അംഗവും എംപിടിഎ പ്രസിഡന്‍റമായ സുന നവീൻ, ജില്ല വിദ്യാഭ്യാസ ഉപഡയറക്ടർ വി.എ. ശശീന്ദ്രവ്യാസ്, പബ്ലിസിറ്റി കമ്മിറ്റി കണ്‍വീനർ ശ്രീജിത്ത് വാകേരി, തരിയോട് ജിഎച്ച്എസ്എസ് പിടിഎ പ്രസിഡന്‍റ് ബെന്നി മാത്യു, എസ്എംസി ചെയർമാൻ വി. മുസ്തഫ, പ്രിൻസിപ്പൽ എം. രാധിക, ഹെഡ്മിസ്ട്രസ് ഉഷ കനിയിൽ, പബ്ലിസിറ്റി കമ്മിറ്റി ജോയിന്‍റ് കണ്‍വീനർ എൻ.പി. മാത്യു എന്നിവർ വാർത്താസമ്മേളനത്തിൽ അറിയിച്ചതാണ് വിവരം. ഉപജില്ലാ മത്സരങ്ങളിൽ ഒന്ന്, രണ്ട്, മൂന്ന് സ്ഥാനം നേടിയ കായികതാരങ്ങളാണ് ജില്ലാതലത്തിൽ മാറ്റരയ്ക്കുക. 98 ഇനങ്ങളിൽ ആയിരത്തോളം കായികതാരങ്ങൾ പങ്കെടുക്കും. അധ്യാപകർക്ക് പ്രത്യേകം മത്സരങ്ങൾ ഉണ്ടാകും. 13ന് രാവിലെ 10.30ന് രജിസ്ട്രഷൻ ആരംഭിക്കും. 11ന് മുനിസിപ്പൽ ഓഫീസ് പരിസരത്തുനിന്ന് പുതിയ സ്റ്റാൻഡിലേക്ക് വിളംബര റാലി നടത്തും. 1.30ന് മത്സരങ്ങൾ തുടങ്ങും. 100 മീറ്റർ, 1500 മീറ്റർ ഓട്ടം, പോൾ വാൾട്ട്, ഡിസ്കസ് ത്രോ, ഹർഡിൽസ്, ഷോട്ട്പുട്ട് മത്സരങ്ങൾ ആദ്യദിവസം നടത്തും. 14ന് രാവിലെ എട്ടിന് നടത്ത മത്സരം ആരംഭിക്കും. ഒന്പതിന് ജില്ലാ വിദ്യാഭ്യാസ ഉപഡയറകർ പതാക ഉയർത്തും. തുടർന്ന് കായികതാരങ്ങളുടെ മാർച്ച് പാസ്റ്റ്, ദീപശിഖ പ്രയാണം എന്നിവ നടക്കും. മേള ഉദ്ഘാടനം 11ന് പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു നിർവഹിക്കും. ടി. സിദ്ദിഖ് എംഎൽഎ അധ്യക്ഷത വഹിക്കും. ഓട്ടം, ചാട്ടം, ഡിസ്കസ് ത്രോ, ഹർഡിൽസ്, ഷോട്ട്പുട്ട്, ഹാമർ ത്രോ മത്സരങ്ങൾ രണ്ടാംദിവസം നടക്കും. 15ന് രാവിലെ 7.30ന് കരിങ്കുറ്റി സ്കൂൾ ഗ്രൗണ്ടിൽനിന്നു മുണ്ടേരി സ്കൂള് ഗ്രൗണ്ടിലേക്ക് ക്രോസ് കണ്‍ട്രി മത്സരം നടക്കും. മേളയുടെ മൂന്നാം ദിനമാണ് അധ്യാപകർക്കുള്ള മത്സരങ്ങൾ. റിലേ ആണ് അവസാന മത്സര ഇനം. സമാപനസമ്മേളനം വൈകുന്നേരം നാലിന് ഐ.സി. ബാലകൃഷ്ണൻ എംഎൽഎ ഉദ്ഘാടനം ചെയ്യും. ജില്ല പഞ്ചായത്ത് പ്രസിഡന്‍റ് സംഷാദ് മരക്കാർ അധ്യക്ഷത വഹിക്കും.

താളൂർ യാക്കോബായ പള്ളിയിൽ പെരുന്നാൾ നാളെ തുടങ്ങും

താളൂർ: സെന്‍റ് മേരീസ് യാക്കോബായ സുറിയാനി പള്ളിയിൽ പരിശുദ്ധ യൽദോ മോർ ബസേലിയോസ് ബാവയുടെ 340-ാമത് ഓർമപ്പെരുന്നാൾ 11, 12 തീയതികളിൽ ആഘോഷിക്കും. നാളെ വൈകുന്നേരം 6.30ന് വികാരി ഫാ.ഡോ.മത്തായി അതിരംപുഴയിൽ കൊടിയേറ്റും. 6.45ന് മലബാർ ഭദ്രാസനാധിപൻ ഡോ.ഗീവർഗീസ് മോർ സ്തേഫാനോസിനു സ്വീകരണം. തെയ്യക്കുനിയിൽ സ്ഥാപിച്ച കുരിശുംതൊട്ടി സന്ധ്യാപ്രാർഥനയ്ക്കുശേഷം ഡോ.ഗീവർഗീസ് മോർ സ്തേഫാനോസ് മെത്രാപ്പോലീത്ത കൂദാശ ചെയ്യും. ഫാ.ജയിംസ് ഇടപുതിശേരി, ഫാ.ജയിംസ് വൻമേലിൽ, ഫാ.ഷിനു പാറക്കൽ, ഫാ.വിപിൻ കുരുമോളത്ത്, ഫാ.ലിജോ ആനിക്കാട്ട് എന്നിവർ സഹകാർമികരാകും. 12ന് രാവിലെ മെത്രാപ്പോലീത്തയുടെ മുഖ്യകാർമികത്വത്തിൽ വിശുദ്ധ കുർബാന. തുടർന്ന് മധ്യസ്ഥ പ്രാർഥന, പഠന മികവ് തെളിയിച്ചവരെ ആദരിക്കൽ, പ്രദക്ഷിണം, തമുക്ക് നേർച്ച, ലേലം, നേർച്ച ഭക്ഷണം. ആഘോഷത്തിന് ഒരുക്കം പൂർത്തിയായതായി ട്രസ്റ്റി ബെസി വാരിശേരിൽ, സെക്രട്ടറി തോമസ് വൻമേലിൽ, ജോയിന്‍റ് സെക്രട്ടറി കുര്യാക്കോസ് കാരക്കാട്ട്, കണ്‍വീനർ ബേബി കൂണാലിൽ, ജോയിന്‍റ് കണ്‍വീനർ ജോണ്‍സണ്‍ കാവനാൽ, ട്രഷർ ബിജു തത്തളായിൽ, വാർഡ് കണ്‍വീനർ ജോർജ് കുപ്പണമേൽ, ആഘോഷ കമ്മിറ്റി കണ്‍വീനർ അച്യുതൻ തെയ്യക്കുനി എന്നിവർ അറിയിച്ചു.

വൈത്തിരി ഉപജില്ലാ കായിമേള തുടങ്ങി

കല്‍പ്പറ്റ: വൈത്തിരി ഉപജില്ലാ കായികമേള എം.കെ. ജിനചന്ദ്രന്‍ സ്മാരക ജില്ലാ സ്റ്റേഡിയത്തില്‍ തുടങ്ങി. എസ്ഡിഎം എല്‍പി സ്‌കൂളിന്‍റെ ആതിഥേയത്വത്തില്‍ നടത്തുന്ന മേളയ്ക്ക് പ്രധാനാധ്യാപിക ടി.എന്‍. പുഷ്പ പതാക ഉയര്‍ത്തി. മുനിസിപ്പല്‍ ചെയര്‍മാന്‍ ടി.ജെ. ഐസക് ഉദ്ഘാടനം ചെയ്തു. വൈസ് ചെയര്‍പേഴ്‌സണ്‍ സരോജിനി ഓടമ്പത്ത് അധ്യക്ഷത വഹിച്ചു. ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ എ.പി. മുസ്തഫ, വാര്‍ഡ് കൗണ്‍സിലര്‍ ആയിഷ പള്ളിയാലില്‍, ഉപജില്ലാ എച്ച്എം ഫോറം സെക്രട്ടറി ഒ.സി. എമ്മാനുവല്‍, എസ്എസ്‌കെ പ്രോജക്ട് കോ ഓര്‍ഡിനേറ്റര്‍ വിന്‍സന്‍റ്, വൈത്തിരി ബിആര്‍സി ബിപിഒ ഉമേഷ്, പിടിഎ പ്രസിഡന്‍റ് എ.കെ. ബിജു, ഷാനവാസ്, അനുബ്കുമാര്‍, ജാഫര്‍, സാലിഹ്,ശാന്തി വിജയന്‍, സ്വാഗതസംഘം കണ്‍വീനര്‍ എ.കെ. ജൈഷല്‍ എന്നിവര്‍ പ്രസംഗിച്ചു. ആയിരത്തിലധികം വിദ്യാര്‍ഥികള്‍ മാറ്റുരയ്ക്കുന്ന മേള നാളെ സമാപിക്കും.

സീനിയർ സിറ്റിസണ്‍സ് ഫോറം കളക്ടറേറ്റ് മാർച്ചും ധർണയും നടത്തി

കൽപ്പറ്റ: കേരള സീനിയർ സിറ്റിസണ്‍സ് ഫോറം ജില്ലാ കമ്മിറ്റിയുടെ നേതൃത്വത്തിൽ കളക്ടറേറ്റ് മാർച്ചും ധർണയും നടത്തി. ആയുഷ്മാൻ ഭാരത് വയോവന്ദന ആരോഗ്യ ഇൻഷ്വറൻസ് പദ്ധതി നടപ്പാക്കുക, വയോജന കമ്മീഷനിൽ സംഘടനയുടെ പ്രതിനിധിയെ ഉൾപ്പെടുത്തുക, ക്ഷേമപെൻഷൻ 5,000 രൂപയാക്കുക, ചുരം ബദൽ പാത യാഥാർഥ്യമാക്കുക, ഉരുൾ ദുരന്തബാധിതരുടെ പുനരധിവാസം വേഗത്തിലാക്കുക, റെയിൽയാത്രാ ഇളവ് പുനഃസ്ഥാപിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു സമരം. സംസ്ഥാന വൈസ് പ്രസിഡന്‍റ് എ.പി. വാസുദേവൻ നായർ ഉദ്ഘാടനം ചെയ്തു. ജില്ലാ പ്രസിഡന്‍റ് ടി.വി. രാജൻ അധ്യക്ഷത വഹിച്ചു. സംസ്ഥാന കമ്മിറ്റി അംഗം കെ.വി.മാത്യു, ജില്ലാ വൈസ് പ്രസിഡന്‍റുമാരായ കെ. ശശിധരൻ, ടി.സി. പത്രോസ്, ജോയിന്‍റ് സെക്രട്ടറിമാരായ കെ. മുഹമ്മദ്, പി. സെയ്ത്, ജോണ്‍ തോമസ്, ജില്ലാ ട്രഷറർ ജി.കെ. ഗിരിജ, കെ. മോഹനഭായി, എം.എ. അഗസ്റ്റിൻ, വി.വി. ജോണ്‍ എന്നിവർ പ്രസംഗിച്ചു. ജില്ലാ വൈസ് പ്രസിഡന്‍റ് ടി.ഒ. പൗലോസ് സ്വാഗതവും സെക്രട്ടറി ഇ. മുരളീധരൻ നന്ദിയും പറഞ്ഞു.

കർഷകരുടെ പ്രമാണങ്ങൾ തിരിച്ചു നൽകണം: സി.കെ. ശശീന്ദ്രൻ

പുൽപ്പള്ളി: കോണ്‍ഗ്രസ് ഭരണം നടത്തുന്ന പുൽപ്പള്ളി സഹകരണ ബാങ്ക് കൊള്ളയിൽ ഇരകളായ കർഷകരുടെ പ്രമാണങ്ങൾ തിരികെ നൽകണമെന്ന് സിപിഎം സംസ്ഥാന കമ്മിറ്റിയംഗം സി.കെ. ശശീന്ദ്രൻ ആവശ്യപ്പെട്ടു. സിപിഎം പുൽപ്പള്ളി ഏരിയ കമ്മിറ്റിയുടെ നേതൃത്വത്തിൽ സഹകരണ ബാങ്കിന് മുന്നിലേക്ക് നടത്തിയ പ്രതിഷേധ മാർച്ച് ഉദ്ഘാടനം ചെയ്യുകയായിരുന്നു അദ്ദേഹം. പ്രമാണങ്ങൾ നൽകുക മാത്രമല്ല കുറ്റവാളികൾക്കെതിരെ കർശന നടപടിയെടുക്കുന്നതിനുള്ള ഇച്ഛാശക്തി ബാങ്ക് കാണിക്കണം. ഇതിന് കോണ്‍ഗ്രസ് സംസ്ഥാന നേതൃത്വം നിർദേശം നൽകണം. ജില്ലാ കമ്മിറ്റി അംഗം എം.എസ്. സുരേഷ് ബാബു, സജി മാത്യു, ടി.കെ. ശിവൻ, പി.ജെ. പൗലോസ്, ഇ.കെ. ബാലകൃഷ്ണൻ, ഏരിയ സെക്രട്ടറി ബൈജു നന്പിക്കൊല്ലി, പി.എ. മുഹമ്മദ് എന്നിവർ പ്രസംഗിച്ചു. ടൗണിൽ പ്രകടനമായി എത്തിയ പ്രതിഷേധ മാർച്ചിൽ നിരവധി പേർ പങ്കെടുത്തു.

വന്യമൃഗ ശല്യം: സിപിഎം ഡിഎഫ്ഒ ഓഫീസ് മാർച്ച് നടത്തി

ഗൂഡല്ലൂർ: വന്യമൃഗ ശല്യത്തിന് ശാശ്വത പരിഹാരം കാണണമെന്നാവശ്യപ്പെട്ട് സിപിഎമ്മിന്‍റെ നേതൃത്വത്തിൽ ഗൂഡല്ലൂർ മാക്കമൂലയിലെ ഡിഎഫ്ഒ ഓഫീസിലേക്ക് മാർച്ച് നടത്തി. ധാരാളം പേർ സമരത്തിൽ പങ്കെടുത്തു. വന്യമൃഗ ശല്യത്തിന് ജനകീയ പങ്കാളിത്വത്തോട് കൂടി ശാസ്ത്രീയമായ പരിഹാരം കാണുക, വന്യമൃഗ ആക്രമണത്തിൽ കൊല്ലപ്പെടുന്നവരുടെ കുടംബത്തിന് ഒരു കോടി രൂപ നഷ്ട പരിഹാരം നൽകുക, കുടുംബത്തിലെ ഒരാൾക്ക് സർക്കാർ ജോലി നൽകുക തുടങ്ങിയ ആവശ്യങ്ങൾ ഉന്നയിച്ചാണ് സമരം നടത്തിയത്. സിപിഎം ജില്ലാ സെക്രട്ടറി വി.എ. ഭാസ്കരൻ ഉദ്ഘാടനം ചെയ്തു. തമിഴ്നാട് കർഷക സംഘം ജില്ലാ പ്രസിഡന്‍റ് എൻ. വാസു അധ്യക്ഷത വഹിച്ചു. എസ്. തങ്കരാജ്, എ. യോഹന്നാൻ എന്നിവർ പ്രസംഗിച്ചു. എം.ആർ. സുരേഷ്, എ.വി. ജോസ്, എം.എ. കുഞ്ഞിമുഹമ്മദ്, സി.കെ. മണി, കെ.കെ. കുഞ്ഞിമുഹമ്മദ്, കെ. രാജൻ, ലീലാ വാസു തുടങ്ങിയവർ സംബന്ധിച്ചു. ഇതുസംബന്ധിച്ച് സമരക്കാർ ഗൂഡല്ലൂർ ഡിഎഫ്ഒ വെങ്കിടേഷ് പ്രഭുവിന് നിവേദനം നൽകി.

പുൽപ്പള്ളി സർവീസ് സഹകരണ ബാങ്കിനെതിരായ ആരോപണം : ബാങ്കിനെ തകർക്കാൻ ശ്രമിക്കുന്നവരെ കരുതിയിരിക്കണം: കോണ്‍ഗ്രസ്

പുൽപ്പള്ളി: കുടിയേറ്റ കാർഷിക മേഖലയിലെ പൊതു സമൂഹത്തിന്‍റെ ആശ്രയ കേന്ദ്രമായ പുൽപ്പള്ളി സർവീസ് സഹകരണ ബാങ്കിനെ തകർക്കാൻ അരാഷ്ട്രീയ വാദികളും, വട്ടിപ്പലിശക്കാരും, ബ്ലെയ്ഡ് കന്പനിക്കാരും ആയ ചില രാഷ്ട്രീയ നേതാക്കളുടെ ക്വട്ടേഷൻ എടുത്തിരിക്കുകയാണെന്നും ബാങ്കിനെ നുണ പ്രചാരണത്തിലൂടെ തകർക്കാൻ ശ്രമിക്കുന്നവരെ കരുതിയിരിക്കണമെന്നും കോണ്‍ഗ്രസ് നേതാക്കൾ പുൽപ്പള്ളിയിൽ വാർത്താസമ്മേളനത്തിൽ മുന്നറിയിപ്പ് നൽകി. അരാഷ്ട്രീയ വാദികളായ ചില സമരസമിതി നേതാക്കളും ബ്ലെയ്ഡ് വട്ടിപ്പലിശ മാഫിയ നിയന്ത്രിക്കുന്ന ചില രാഷ്ട്രീയ നേതാക്കളും നടത്തിയ ഗൂഢാലോചനകളുടെ ബാക്കിപത്രമാണ് ഇപ്പോൾ നടക്കുന്ന സ്പോണ്‍സേർഡ് ക്വട്ടേഷൻ സമരം. ഇതിന്‍റെ തെളിവുകൾ ഉടൻ പുറത്തുവരുമെന്നും നേതാക്കൾ പറഞ്ഞു. 1922 ൽ ഐക്യനാണയ സംഘമായി കുപ്പത്തോട് മാധവൻ നായരുടെ നേതൃത്വത്തിൽ ആരംഭിച്ച് 1964ൽ ബാങ്കായി രജിസ്റ്റർ ചെയ്ത പുൽപ്പള്ളി സർവീസ് സഹകരണ ബാങ്ക് തന്നാണ്ട് ലാഭത്തിലെത്തിച്ചത് 2010 മുതൽ 2018 വരെ ബാങ്ക് ഭരിച്ച കെ.കെ. ഏബ്രഹാമിന്‍റെ നേതൃത്വത്തിലുണ്ടായിരുന്ന ഭരണ സമിതിയാണ്. ഇതിന് ബാങ്ക് രേഖകൾ സാക്ഷിയാണ്. ബാങ്ക് വളർച്ചയുടെ പാതയിലാണെന്ന് മനസിലായപ്പോൾ രാഷ്ട്രീയ എതിരാളികൾ ഭരണപക്ഷവുമായി ചേർന്ന് അന്തർധാര രൂപപ്പെടുത്തുകയും അവിശുദ്ധ കൂട്ടുകെട്ടുണ്ടാക്കി അന്വേഷണ പ്രഹസനങ്ങളുടെ വേലിയേറ്റം സൃഷ്ടിക്കുകയും ജനാധിപത്യ രീതിയിൽ തെരഞ്ഞെടുക്കപ്പെട്ട ഭരണസമിതിയെ പിരിച്ചു വിടുകയും ചെയ്തു. പിന്നീട് അധികാരത്തിൽ വന്ന അഡ്മിനിസ്ടേറ്റിവ് കമ്മിറ്റി ബാങ്കിനെ വളർത്താൻ ശ്രമിക്കാതെ മുൻഭരണ സമിതിയെ ഭരണസ്വാധീനം ഉപയോഗിച്ച് വേട്ടയാടുവാനാണ് സമയം കണ്ടെത്തിയത്. കേന്ദ്ര സംസ്ഥാന സർക്കാരുകളുടെ സ്വാധീനത്തിൽ നിരവധി കള്ളക്കേസുകൾ മുൻഭരണ സമിതിക്കതിരെ ചാർത്തി. കേസുകൾ കോടതികളുടെ പരിഗണനയിലാണ്. കോടതികളിൽ നില്ക്കുന്ന കേസുകളുടെ വിഷയത്തിൽ ക്വട്ടേഷൻ സംഘം ഇപ്പോൾ സമര പ്രഹസനങ്ങളുമായി വന്നതിന്‍റെ പിന്നിലെ ചേതോവികാരം അങ്ങാടിപ്പാട്ടാണ്. തെരഞ്ഞെടുപ്പ് വരുന്പോഴാണ്. പുൽപ്പള്ളിയിൽ ഇത്തരം സമരങ്ങൾ പൊട്ടി മുളയ്ക്കുന്നതും അകാലചരമം പ്രാപിക്കുന്നതും. ഇവരുടെ സമരത്തിന് ആത്മാർത്ഥതയുണ്ടെങ്കിൽ കോടതിയിൽ നിലവിലുള്ള കേസുകളിൽ കക്ഷി ചേരുകയാണ് വേണ്ടത്. എക്കാലവും ഇടതുപക്ഷക്കാരനായിരുന്ന കേളക്കവല രാജേന്ദ്രൻ നായരുടെ ദുരൂഹ മരണം കടക്കെണി ആത്മഹത്യയാക്കുകയും നിരപരാധികളെ കള്ളക്കേസിൽ കുടുക്കി ജയിലലടപ്പിക്കുകയും ചെയ്തതിന് പിന്നിലും വൻ ഗൂഢാലോചന നടന്നതായാണ് വിശ്വസിക്കപ്പെടുന്നത്. രാജേന്ദ്രൻ നായരുടെ ദൂരൂഹ മരണത്തെക്കുറിച്ച് സമഗ്രമായ സിബിഐ അന്വേഷണം ആവശ്യമാണ്. ഉന്നത രാഷ്ട്രീയ ഭരണതല സമരസമിതി നേതാക്കളുടെ ഇടപെടൽ പുറത്തുവരണമെങ്കിൽ സിബിഐ അന്വേഷണം കൊണ്ട് മാത്രമേ സാധ്യമാകു. ജനങ്ങളെ കബളിപ്പിക്കുന്ന സമരത്തിന്‍റെ യഥാർത്ഥ സത്യം പൊതുജനങ്ങളോടു വിളിച്ചു പറഞ്ഞ ബാങ്ക് പ്രസിഡന്‍റിനെ ഭീഷണിപ്പെടുത്തിയതിന് ന്യായീകരണമില്ല. സമരാഭാസത്തിന്‍റെ പേരിൽ പുൽപ്പള്ളിയിലെ സമാധാന അന്തരീക്ഷം മലീമസമാക്കുന്നത് പുൽപ്പള്ളി പോലീസ് കണ്ടില്ലെന്ന് നടിക്കുന്നത് ദൂരവ്യാപകമായ പ്രത്യാഘാതങ്ങൾ സൃഷ്ടിക്കും. ബാങ്കിൽ നിന്ന് വായ്പയെടുത്ത് വീട്വച്ചവരെയും ഇഞ്ചികൃഷി നടത്തിയവരെയും വിദേശത്ത് ജോലിക്കു പോയവരെയുമൊക്കെ പ്രലോഭിപ്പിച്ച് സമരം നടത്തിച്ച് മുതലെടുപ്പ് നടത്താനാണ് സമരസമിതി ശ്രമിക്കുന്നത്. സമരം പൊളിഞ്ഞപ്പോൾ സ്വാർത്ഥലാഭത്തിനു വേണ്ടി 95 വയസുള്ള വന്ദ്യവയോധികനെ പോലും കൊലയ്ക്ക് കൊടുത്ത് കൂടുതൽ മരണങ്ങളും ആത്മഹത്യകളും സൃഷ്ടിച്ച് മുതലെടുപ്പ് നടത്താൻ ശ്രമിച്ചവരെ തിരിച്ചറിഞ്ഞ് ഒറ്റപ്പെടുത്താൻ നിയമപാലകരും പൊതുസമൂഹവും തയാറാകണമെന്ന് നേതാക്കൾ ആവശ്യപ്പെട്ടു. വാർത്താസമ്മേളനത്തിൽ നേതാക്കളായ കെ.സി. ജേക്കബ്, വിജയൻ തോപ്രാംകുടി, കെ.വി. ക്ലീറ്റസ്, മധു മാങ്കോട്ടിൽ, സജി വിരിപ്പാമറ്റത്തിൽ, കെ.എം. ഷിനോയ് എന്നിവർ എന്നിവർ പങ്കെടുത്തു.

ബ്രഹ്മഗിരി: നിയോജകമണ്ഡലം കേന്ദ്രങ്ങളിൽ രാപകൽ സമരം

കൽപ്പറ്റ: അനധികൃതമായി നിക്ഷേപങ്ങൾ സ്വീകരിച്ചും കാലാവധി കഴിഞ്ഞിട്ടും തുക തിരികെ നൽകാതെയും അറുനൂറോളം വ്യക്തികളെയും നിരവധി സഹകരണ സംഘങ്ങളെയും കുടുംബശ്രീ യൂണിറ്റുകളെയും ബ്രഹ്മഗിരി സൊസൈറ്റ് ഭരണസമിതി വഞ്ചിച്ചതിൽ പ്രതിഷേധിച്ച് നിയോജകമണ്ഡലം കേന്ദ്രങ്ങളിൽ രാപകൽ സമരം നടത്താൻ ഡിസിസി ഓഫീസിൽ ചേർന്ന യുഡിഎഫ് ജില്ലാ കമ്മിറ്റി യോഗം തീരുമാനിച്ചു. ഇന്നു വൈകുന്നേരം ആരംഭിച്ച് നാളെ രാവിലെ സമാപിക്കുന്ന വിധത്തിലാണ് സമരം. ചെയർമാൻ കെ.കെ. അഹമ്മദ് ഹാജി അധ്യക്ഷത വഹിച്ചു. കണ്‍വീനർ പി.ടി. ഗോപാലക്കുറുപ്പ്, ഡിസിസി പ്രസിഡന്‍റ് അഡ്വ.ടി.ജെ. ഐസക്, എഐസിസി അംഗം എൻ.ഡി. അപ്പച്ചൻ, കോണ്‍ഗ്രസ് സംസ്ഥാന രാഷ്ട്രീയകാര്യ സമിതിയംഗം പി.കെ. ജയലക്ഷമി, മുസ്ലിം ലീഗ് ജില്ലാ സെക്രട്ടറി ടി. മുഹമ്മദ്, സി.പി. വർഗീസ്, പി.പി. ആലി, കെ.വി. പോക്കർ ഹാജി, ജോസ് തലച്ചിറ, മനോജ് കടത്തനാടൻ, സി.പി. മൊയ്തീൻ, ഒ.വി. അപ്പച്ചൻ, എം.എ. ജോസഫ്, ഡി.പി. രാജശേഖരൻ എന്നിവർ പ്രസംഗിച്ചു.

കേന്ദ്ര നിലപാട്: യൂത്ത് കോണ്‍ഗ്രസ് പ്രകടനം നടത്തി

കൽപ്പറ്റ: പുഞ്ചിരിമട്ടം ഉരുൾദുരന്തബാധിതരുടെ ബാങ്ക് വായ്പകൾ എഴുതിത്തള്ളാനാകില്ലെന്ന കേന്ദ്ര സർക്കാർ നിലപാടിൽ പ്രതിഷേധിച്ച് യൂത്ത് കോണ്‍ഗ്രസ് മണ്ഡലം കമ്മിറ്റിയുടെ നേതൃത്വത്തിൽ ടൗണിൽ പ്രകടനം നടത്തി. ജില്ലാ ജനറൽ സെക്രട്ടറി ഹർഷൽ കോന്നാടൻ, നിയോജകമണ്ഡലം പ്രസിഡന്‍റ് ഡിന്േ‍റാ ജോസ്, മണ്ഡലം പ്രസിഡന്‍റ് മുഹമ്മദ് ഫെബിൻ, സുനീർ ഇത്തിക്കൽ, പി.പി. ഷംസുദ്ദീൻ, രമ്യ ജയപ്രസാദ്, അർജുൻ ദാസ്, ആൽബർട്ട് ആന്‍റണി, ഷബീർ പുത്തൂർവയൽ, എം.വി. ഷനൂബ്, രഞ്ജിത്ത് ബേബി, അമൽ മണിയങ്കോട്, വിഷ്ണു അന്പിലേരി എന്നിവർ നേതൃത്വം നൽകി.

ജില്ലാ സ്കൂൾ ശാസ്ത്രോത്സവം: ലോഗോ പ്രകാശനം ചെയ്തു

കൽപ്പറ്റ: മുട്ടിൽ ഡബ്ല്യുഒവിഎച്ച്എസ് സ്കൂളിൽ 16, 17 തീയതികളിൽ നടത്തുന്ന റവന്യു ജില്ലാ സ്കൂൾ ശാസ്ത്രോത്സവത്തിന്‍റെ ലോഗോ ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ ജില്ലാ വിദ്യാഭ്യാസ ഉപ ഡയറക്ടർ വി.എ. ശശീന്ദ്രവ്യാസിന് കൈമാറി പ്രകാശനം ചെയ്തു. ജില്ലാ പഞ്ചായത്ത് കോണ്‍ഫറൻസ് ഹാളിൽ നടന്ന പരിപാടിയിൽ ജില്ലാ പഞ്ചായത്ത് വൈസ് പ്രസിഡന്‍റ് എസ്. ബിന്ദു, മുട്ടിൽ പഞ്ചായത്ത് പ്രസിഡന്‍റ് ശ്രീദേവി ബാബു, ജില്ലാ പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സണ്‍ ഉഷ തന്പി, പൊതുമരാമത്ത് സ്റ്റാൻഡിംഗ് കമ്മിറ്റി ചെയർപേഴ്സണ്‍ സീത വിജയൻ, ജില്ലാ പഞ്ചായത്ത് അംഗങ്ങളായ മീനാക്ഷി രാമൻ, ബീന ജോസ്, കെ.ബി. നസീമ, ബിന്ദു പ്രകാശ്, പിടിഎ പ്രസിഡന്‍റ് അഷ്റഫ് കൊട്ടാരം, പ്രിൻസിപ്പൽ അൻവർ ഗൗസ്, വിഎച്ച്എസ്ഇ പ്രിൻസിപ്പൽ അനുമോൾ ജോസ്, ഹെഡ്മിസ്ട്രസ് പി. ശ്രീജ വിവിധ കമ്മിറ്റി കണ്‍വീനർമാരായ ഇ.ടി. റിഷാദ്, പി.എസ്. ഗിരീഷ്, ഇ. മുസ്തഫ, സി.കെ. സേതു, പി.എം. ജൗഹർ, സി.കെ. ജാഫർ, കെ. സെയ്ഫുദ്ദീൻ, എൻ. അബ്ദുൾ നിസാർ തുടങ്ങിയവർ പങ്കെടുത്തു. വെള്ളമുണ്ട സ്വദേശി നിസാർ അഹമ്മദാണ് ലോഗോ രൂപകൽപന ചെയ്തത്. ഹൈസ്കൂൾ, ഹയർസെക്കൻഡറി വിഭാഗങ്ങളിലായി ശാസ്ത്ര, സാമൂഹിക, ഗണിതശാസ്ത്ര, പ്രവൃത്തിപരിചയ, ഐടി മേളകളിൽ സബ് ജില്ലാ തലത്തിൽ ഒന്നും രണ്ടും സ്ഥാനങ്ങൾ നേടുന്ന വിദ്യാർഥികൾ ജില്ലാ ശാസ്ത്രോത്സവത്തിൽ മാറ്റുരയ്ക്കും.

മാലിന്യം കുമിഞ്ഞു കൂടി

പന്തല്ലൂർ: മാലിന്യം നിക്ഷേപിക്കാൻ സ്ഥലം കണ്ടെത്താനാകാത്തതിനാൽ ചേരങ്കോട് പഞ്ചായത്തിലെ ചേരങ്കോട്, കൊളപ്പള്ളി ഭാഗങ്ങളിൽ മാലിന്യം കുമിഞ്ഞു കൂടി. മാലിന്യം തള്ളരുതെന്ന് പഞ്ചായത്ത് ഇവിടെ ബോർഡ് സ്ഥാപിച്ചിട്ടും പലരും മാലിന്യം തള്ളുന്നതായി പരാതി ഉയർന്നിട്ടുണ്ട്. ദുർഗന്ധം വമിക്കുന്നത് കാരണം ഇതുവഴി സഞ്ചരിക്കാൻ പോലും പറ്റാത്ത സ്ഥിതിയാണ്. പ്രശ്നത്തിന് ശാശ്വത പരിഹാരം കാണണമെന്ന് നാട്ടുകാർ ആവശ്യപ്പെട്ടു.

വൃക്കരോഗ നിർണയം: കൽപ്പറ്റയിൽ രണ്ടാംഘട്ട ക്യാന്പ് 12ന്

കൽപ്പറ്റ: നാല് വർഷത്തിനകം നഗരസഭയിൽ വൃക്കരോഗികളുടെ എണ്ണം ഗണ്യമായി കുറയ്ക്കുന്നതിന് സിഎച്ച് സെന്‍ററും സിഎച്ച് റസ്ക്യൂ ടീമും സംയുക്തമായി ആവിഷ്കരിച്ച ഡയാലിസിസ് രഹിത മുനിസിപ്പാലിറ്റി പദ്ധതിയിൽ വൃക്കരോഗ നിർണയത്തിന് സംഘടിപ്പിക്കുന്ന ക്യാന്പിന്‍റെ രണ്ടാംഘട്ടം 12ന് രാവിലെ ഒന്പത് മുതൽ ഉച്ചകഴിഞ്ഞ് രണ്ട് വരെ എച്ച്ഐഎംയുപി സ്കൂളിൽ നടത്തും. കോഴിക്കോട് സിഎച്ച് സെന്‍ററിന്‍റെ കരുതലാണ് കാവൽ പരിപാടിയുടെ ഭാഗമായാണ് ക്യാന്പ് നടത്തുന്നതെന്നു സംഘാടക സമിതി ഭാരവാഹികളായ എൻ.കെ. ഹാറൂണ്‍, എം.പി. ബാപ്പു, എ.പി. റഹിം, ഷാജഹാൻ തുർക്കി, അംജദ് ചാലിൽ, ഇ.എച്ച്. മുബഷീർ, സി.പി. മജീദ്, ഷാജി അമ്മായത്ത്, എ. റസാഖ് എന്നിവർ വാർത്താസമ്മേളനത്തിൽ അറിയിച്ചു. നഗരസഭയിൽ 18 പ്രദേശങ്ങളിൽ നടത്തിയ ഒന്നാംഘട്ട ക്യാന്പിൽ 2,480 ആളുകളുടെ മൂത്രം പരിശോധനയ്ക്ക് വിധേയമാക്കിയിരുന്നു. ഇതിൽ വൃക്കരോഗ ലക്ഷണങ്ങളുള്ള 170 പേർക്കും ഒന്നാംഘട്ട ക്യാന്പ് ഉപയോഗപ്പെടുത്താത്തവർക്കുമാണ് രണ്ടാംഘട്ട ക്യാന്പ്. ഒന്നാംഘട്ട കാന്പിൽ വൃക്കരോഗ ലക്ഷണങ്ങൾ കണ്ടെത്തിയവരെ രണ്ടാംഘട്ട ക്യാന്പിൽ രക്ത പരിശോധനയ്ക്കു വിധേയമാക്കും. രോഗം സ്ഥിരീകരിക്കുന്നവരുടെ നാലു വർഷത്തെ ചികിത്സ സിഎച്ച് സെന്‍റർ ഏറ്റെടുക്കും. കോഴിക്കോട് സിഎച്ച് സെന്‍ററിനു കീഴിൽ പ്രവർത്തിക്കുന്ന ഡോക്ടർമാർ ഉൾപ്പെടുന്ന 12 അംഗ മെഡിക്കൽ ടീം രണ്ടാംഘട്ട ക്യാന്പിനു നേതൃത്വം നൽകും. 500 ആളുകളിൽ മൂത്ര-രക്ത പരിശോധന നടത്തുന്നതിന് സൗകര്യമാണ് ക്യാന്പിൽ ഒരുക്കിയിരിക്കുന്നത്. ബോധവത്കരണവും ക്യാന്പിന്‍റെ ഭാഗമാണ്. നഗരസഭയ്ക്ക് പുറത്ത് താമസിക്കുന്നവർക്കും ക്യാന്പിൽ പങ്കെടുക്കാം. ടി. സിദ്ദിഖ് എംഎൽഎ ഉദ്ഘാടനം ചെയ്യും.

കോളജ് യൂണിയന്‍ തെരഞ്ഞെടുപ്പ് : വ്യക്തമായ മേല്‍ക്കൈ നേടാനാകാതെ വിദ്യാര്‍ഥി സംഘടനകള്‍

കല്‍പ്പറ്റ: കാലിക്കട്ട് യൂണിവേഴ്സിറ്റിക്കു കീഴില്‍ ജില്ലയിലുള്ള കോളജുകളില്‍ നടന്ന യൂണിയന്‍ തെരഞ്ഞെടുപ്പില്‍ വ്യക്തമായ മേല്‍ക്കൈ നേടാനാകാതെ വിദ്യാര്‍ഥി സംഘടനകള്‍. ജില്ലയിലെ 16 കോളജുകളില്‍ 10 എണ്ണത്തിലാണ് വിദ്യാര്‍ഥി സംഘടനകള്‍ മത്സരിച്ചത്. ആറ് കോളജുകളില്‍ സംഘടനകളുടെ മത്സരം ഒഴിവാക്കിയുള്ള തെരഞ്ഞെടുപ്പാണ് നടന്നത്. സംഘടനകള്‍ മത്സരിച്ച കോളജുകളില്‍ നാലിടത്ത് എസ്എഫ്ഐയ്ക്കും മൂന്നിടത്ത് കഐസ്യുവിനും ഒരിടത്ത് എംഎസ്എഫിനും രണ്ടിടത്ത് യുഡിഎസ്എഫിനും യൂണിയന്‍ ലഭിച്ചു. കഴിഞ്ഞവര്‍ഷം നഷ്ടപ്പെട്ടതില്‍ എസ്എഫ്ഐ രണ്ടും കഐസ്യുവും യുഡിഎസ്എഫും ഒന്നു വീതവും യേൂണിയനുകള്‍ തിരിച്ചുപിടിച്ചു. ബത്തേരി സെന്‍റ് മേരീസ് കോളജ് യൂണിയന്‍ ഭരണമാണ് കെഎസ്്സു വീണ്ടെടുത്തത്. ഇവിടെ മുഴുവന്‍ ജനറല്‍ സീറ്റിലും കഐസ്യു വിജയിച്ചു. നടവയല്‍ സിഎം കോളജ് യുഡിഎസ്എഫ് തിരിച്ചുപിടിച്ചു. കല്‍പ്പറ്റ എന്‍എംഎസ്എം ഗവ.കോളജിലും ബത്തേരി അല്‍ഫോണ്‍സ കോളജിലും യൂണിയന്‍ ഭരണം എസ്എഫ്ഐയും തിരിച്ചുപിടിച്ചു. മുട്ടില്‍ ഡബ്ല്യുഎംഒ കോളജില്‍ എംഎസ്എഫ് ഒറ്റയ്ക്ക് മത്സരിച്ചാണ് യൂണിയന്‍ പിടിച്ചത്. ഇവിടെ എട്ട് ജനറല്‍ സീറ്റ് എംഎസ്എഫ് നേടി. പുല്‍പ്പള്ളി പഴശിരാജാ കോളജില്‍ ഏഴും മീനങ്ങാടി ഐഎച്ച്ആര്‍ഡിയില്‍ അഞ്ചും ജനറല്‍ സീറ്റ് കഐസ്യു നേടി. നടവയല്‍ സിഎം കോളജിലും പുല്‍പ്പള്ളി ജയശ്രീ കോളജിലുമാണ് യൂണിയന്‍ യുഡിഎസ്എഫിനു ലഭിച്ചത്. ലക്കിടി ഓറിയന്റല്‍, കനെറി കോളജുകളില്‍ യൂണിയന്‍ എസ്എഫ്ഐയ്ക്ക് ലഭിച്ചു.

ദേശീയ അംഗീകാര നിറവിൽ ജില്ല

തദ്ദേശ സ്വയംഭരണ വകുപ്പിന്‍റെ സുരക്ഷ ക്യാന്പയിന് നീതി ആയോഗ് പുരസ്കാരം കൽപ്പറ്റ: ജില്ലയിൽ തദ്ദേശസ്വയംഭരണ സ്ഥാപനങ്ങളുടെ സഹകരണത്തോടെ നടപ്പാക്കിയ സുരക്ഷ കാന്പയിന് നീതി ആയോഗിന്‍റെ ദേശീയ അംഗീകാരം. രാജ്യത്തെ ആസ്പിരേഷൻ ജില്ലകളിൽ വിവിധ മേഖലകളിൽ നടപ്പാക്കിയ മാതൃകാപദ്ധതികളിൽ സാന്പത്തിക ഉൾചേരലും നൈപുണ്യ വികസനവും ഉൾപ്പെട്ട മേഖലയിലാണ് വയനാട്ടിലെ സുരക്ഷ കാന്പയിന് ദേശീയ തലത്തിൽ മൂന്നാം സ്ഥാനം ലഭിച്ചത്. ജില്ലയിലെ എല്ലാ തദ്ദേശസ്വയംഭരണ സ്ഥാപന പരിധിയിലുമുള്ള കുടുംബങ്ങളെ ദേശീയ സാമൂഹിക സുരക്ഷാ പദ്ധതിയിൽ ഉൾപ്പെടുത്തുകയെന്ന ലക്ഷ്യത്തോടെയാണ് 2022ൽ സുരക്ഷ കാന്പയിൻ ആരംഭിച്ചത്. പദ്ധതിയിലൂടെ പിഎംഎസ്ബിവൈ (പ്രധാൻ മന്ത്രി സുരക്ഷ ബിമ യോജന), പിഎംജെജെബിവൈ (പ്രധാൻ മന്ത്രി ജീവൻ ജ്യോതി ബിമ യോജന), അടൽ പെൻഷൻ യോജന എന്നിവയുൾപ്പെടെയുള്ള ദേശീയ സാമൂഹിക സുരക്ഷാ പദ്ധതികളിൽ കുടുംബങ്ങളെ ചേർത്തതിലൂടെ, സാന്പത്തിക സുരക്ഷ ഉറപ്പാക്കുന്നതിൽ ജില്ല വിജയിച്ചു. രാജ്യത്തുതന്നെ ഈ രംഗത്ത് സന്പൂർണ്ണ നേട്ടം വൈകവരിച്ച ആദ്യത്തെ വാർഡായി തരിയോട് പഞ്ചായത്തിലെ ചെന്നലോട് വാർഡ് തെരഞ്ഞെടുക്കപ്പെട്ടു. തദ്ദേശ സ്വയംഭരണ സ്ഥാപനങ്ങളോടൊപ്പം ജില്ലാ ഭരണകൂടം, ജില്ലാ ആസൂത്രണ സമിതി, നബാർഡ്, റിസർവ് ബാങ്ക്, ലീഡ് ബാങ്ക്, മറ്റു ബാങ്കുകൾ തുടങ്ങിയ വിവിധ മേഖലകളിൽ നിന്നുള്ള സഹകരണത്തോടെയാണ് മികച്ച നേട്ടം ജില്ല കൈവരിച്ചത്. വിദ്യാഭ്യാസ മേഖലയിലും ആരോഗ്യപോഷകാഹാര രംഗത്തും ജില്ലയിൽ നടപ്പാക്കിയ മാതൃക പദ്ധതികൾക്കും പ്രവർത്തനങ്ങൾക്കും നീതി ആയോഗിന്‍റെ പ്രത്യേക അംഗീകാരവും ലഭിച്ചിട്ടുണ്ട്. ജില്ലാ ഭരണകൂടത്തോടൊപ്പം തദ്ദേശ സ്വയംഭരണ സ്ഥാപന അധ്യക്ഷൻമാരുടെയും ജനപ്രതിനിധികളുടെയും കൂട്ടായ ശ്രമത്തിന്‍റെ ഫലമായാണ് നീതി ആയോഗിന്‍റെ പ്രത്യേക പരാമർശത്തിനും അംഗീകാരത്തിനും ജില്ലയെ അർഹമായത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]