കൊല്ലം: ചെ​രു​പ്പ് ക​ട​യി​ൽ നി​ന്നും പ​ട്ടാ​പക​ൽ മോ​ഷ​ണം ന​ട​ത്തി​യ പ്ര​തി പോ​ലീ​സ് പി​ടി​യി​ൽ. കു​ണ്ടറ ​ചെ​റു​മൂ​ട് ഇ​ട​ക്ക​ര ജ​യ​ന്തി കോ​ള​നി​യി​ൽ ഷാ​ന​വാ​സ്(56) ആ​ണ് ശ​ക്തി​കു​ള​ങ്ങ​ര പോ​ലീ​സി​ന്‍റെ പി​ടി​യി​ലാ​യ​ത്.
ക​ഴി​ഞ്ഞ ദി​വ​സം കാ​വ​നാ​ടു​ള്ള ചെ​രു​പ്പു​ക്ക​ട​യി​ൽ ക​യ​റി ക​ട​യു​ട​മ ഇ​ല്ലാ​തി​രു​ന്ന ത​ക്കം നോ​ക്കി മേ​ശ​യി​ൽ സൂ​ക്ഷി​ച്ചി​രു​ന്ന പ​ണം അ​പ​ഹ​രി​ക്കു​ക​യാ​യി​രു​ന്നു. പ​ണം ന​ഷ്ട​മാ​യ​താ​യി മ​ന​സി​ലാ​ക്കി​യ ഉ​ട​മ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ച പോ​ലീ​സ് സ്ഥി​രം മോ​ഷ്ടാ​വാ​യ പ്ര​തി​യെ തി​രി​ച്ച​റി​ഞ്ഞ് കു​ണ്ടറ​യി​ലു​ള്ള ഇ​യാ​ളു​ടെ വീ​ട്ടി​ൽ നി​ന്നും പി​ടി​കൂ​ടു​ക​യാ​യി​രു​ന്നു. ഇ​യാ​ൾ നി​ര​വ​ധി ത​വ​ണ മോ​ഷ​ണ​കേ​സു​ക​ളി​ൽ പി​ടി​യി​ലാ​യി​ട്ടു​ണ്ട്.
ശാ​സ്ത്രീ​യ തെ​ളി​വു​ക​ളു​ടെ അ​ട​സ്ഥാ​ന​ത്തി​ൽ പ്ര​തി​യെ പി​ടി​കൂ​ടാ​നെ​ത്തി​യ പോ​ലീ​സ് സം​ഘ​ത്തെ പ്ര​തി​യു​ടെ ഭാ​ര്യ​യും മ​ക്ക​ളു​മ​ട​ങ്ങി​യ സം​ഘം ത​ട​യു​ക​യും അ​പാ​യ​പ്പെ​ടു​ത്താ​ൻ ശ്ര​മി​ക്കു​ക​യും ചെ​യ്തു. ഇ​വ​രു​ടെ ആ​ക്ര​മ​ണ​ത്തി​ൽ പോ​ലീ​സ് വാ​ഹ​ന​ത്തി​ന് കേ​ടു​പാ​ടു​ക​ൾ സം​ഭ​വി​ക്കു​ക​യും ചെ​യ്തു.
പോ​ലീ​സി​ന്‍റെ ജോ​ലി ത​ട​സപെ​ടു​ത്തി​യ​തി​നും പൊ​തു​മു​ത​ൽ ന​ശി​പ്പി​ച്ച​തി​നും കു​ണ്ട റ ​പോ​ലീ​സ് ഇ​വ​ർ​ക്കെ​തി​രെ കേ​സ് ര​ജി​സ്റ്റ​ർ ചെ​യ്തി​ട്ടു​ണ്ട്. ശ​ക്തി​കു​ള​ങ്ങ​ര പോ​ലീ​സ് സ്റ്റേ​ഷ​ൻ ഇ​ൻ​സ്പെ​ക്ട​ർ ബി​ജു വ​ർ​ഗീ​സി​ന്‍റെ മേ​ൽ​നോ​ട്ട​ത്തി​ൽ എ​സ്ഐ മാ​രാ​യ ആ​ശാ.​ഐ.​വി, സു​ധ​ർ​ശ​ന​ൻ, ഡാ​ർ​വി​ൻ എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ സാ​ഹ​സി​ക​മാ​യി പി​ടി​കൂ​ടി​യ​ത്.