കൊ​ ട്ടാ​ര​ക്ക​ര​യി​ൽ എ​ൽഡിഎ​ഫ് പ്ര​ചാ​ര​ണം തു​ട​ങ്ങി
Tuesday, February 27, 2024 11:35 PM IST
കൊ​ട്ടാ​ര​ക്ക​ര: തെ​ര​ഞ്ഞെ​ടു​പ്പു തീ​യ​തി പ്ര​ഖ്യാ​പി​ച്ചി​ല്ലെ​ങ്കി​ലും കൊ​ട്ടാ​ര​ക്ക​ര​യി​ൽ എ​ൽഡിഎ​ഫ് പ്ര​ചാ​ര​ണ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചു.​

മാ​വേ​ലി​ക്ക​ര പാ​ർ​ല​മെ​ന്‍റ് മ​ണ്ഡ​ല​ത്തി​ലെ ഇ​ട​ത് സ്ഥാ​നാ​ർ​ഥി അ​ഡ്വ. സി .എ അ​രു​ൺ​കു​മാ​റി​ന്‍റെ പ്ര​ചാ​ര​ണ പ്ര​വ​ർ​ത്ത​ന​ങ്ങ​ളു​മാ​യാ​ണ് എ​ൽഡി​എ​ഫ് ക​ള​ത്തി​ലി​റ​ങ്ങി​യ​ത്.​ അ​രു​ൺ​കു​മാ​റി​ന്‍റെ സ്ഥാ​നാ​ർ​ഥിത്വം ഇ​ന്ന​ലെ ഔ​ദ്യോ​ഗി​ക​മാ​യി പ്ര​ഖ്യാ​പി​ക്ക​പ്പെ​ട്ട​തോ​ടെ​യാ​ണ് പ്ര​വ​ർ​ത്ത​ക​ർ രം​ഗ​ത്തി​റ​ങ്ങി​യ​ത്.

ഒ​റ്റ രാ​ത്രി കൊ​ണ്ടു ത​ന്നെ സ്ഥാ​നാ​ർ​ഥിയു​ടെ ചി​ഹ്ന​വും ചി​ത്ര​വു​മ​ട​ങ്ങി​യ പോ​സ്റ്റ​റു​ക​ൾ ന​ഗ​ര​ത്തി​ലെ​മ്പാ​ടും പ്ര​ത്യ​ക്ഷ​പ്പെ​ട്ടു. ഗ്രാ​മീ​ണ മേ​ഖ​ല​യി​ൽ പ​ല​യി​ട​ത്തും ചു​വ​രെ​ഴു​ത്തു​ക​ളും ന​ട​ന്നു. ഇ​ന്ന​ലെ വൈ​കുന്നേരം ഇ​ട​തു​പ​ക്ഷ യു​വ​ജ​ന സം​ഘ​ട​ന ക​ൾ ന​ഗ​ര​ത്തി​ൽ വി​ളം​ബ​ര ജാ​ഥ ന​ട​ത്തി.

കൊ​ട്ടാ​ര​ക്ക​ര നി​യോ​ജ​ക മ​ണ്ഡ​ല​ത്തി​ലെ സി ​പി എമ്മിന്‍റേയും സിപിഐ ​യു​ടെ​യും ഏ​രി​യ - മ​ണ്ഡ​ലം ക​മ്മി​റ്റി​ക​ൾ നാ​ളെ ചേ​രും.​ ഇ​തോ​ടൊ​പ്പം ഇ​രു പാ​ർ​ട്ടി​ക​ളു​ടെ​യും ലോ​ക്ക​ൽ ക​മ്മി​റ്റി​ക​ളും ബ്രാ​ഞ്ചു​ക​മ്മി​റ്റി​ക​ളും ചേ​രു​ന്നു​ണ്ട്. ​തു​ട​ർ​ന്ന് ഘ​ട​ക​ക​ക്ഷി​ക​ളെ​ല്ലാം പ​ങ്കെ​ടു​ക്കു​ന്ന എ​ൽഡിഎ​ഫ് നി​യോ​ജ​ക മ​ണ്ഡ​ലം യോ​ഗ​വും ചേ​രും. ​അ​ഞ്ച് ദി​വ​സ​ത്തി​ന​കം ഇ​വ​യെ​ല്ലാം പൂ​ർ​ത്തി​യാ​ക്കാ​നാ​ണ് തീ​രു​മാ​നം.

സ്ഥാ​നാ​ർ​ഥി നി​ർ​ണയം നേ​ര​ത്തെ​യാ​യ​തി​നാ​ൽ ഒ​രു മു​ഴം മു​മ്പേ എ​റി​യു​ക​യാ​ണ് എ​ൽ ഡി ​എ​ഫ്.

സ്ഥാ​നാ​ർ​ഥിത്വം ഔ​ദ്യോ​ഗി​ക​മാ​യി പ്ര​ഖ്യാ​പി​ക്ക​പ്പെ​ട്ടി​ല്ലെ​ങ്കി​ലും സി​റ്റിം​ഗ് എംപിയാ​യ കൊ​ടി​ക്കു​ന്നി​ൽ സു​രേ​ഷ് ത​ന്നെ​യാ​യി​രി​ക്കും യു​ഡിഎ​ഫ് സ്ഥാ​നാ​ർ​ഥി.​ കൊ​ടി​ക്കു​ന്നി​ലി​നാ​യി യുഡിഎ​ഫ് ക്യാ​മ്പു​ക​ളും സ​ജീ​വ​മാ​യി​ട്ടു​ണ്ട്.​ ബിജെപി സ്ഥാ​നാ​ർ​ഥി​യെ സം​ബ​ന്ധി​ച്ച അ​നി​ശ്ചി​ത​ത്വം തു​ട​രു​ക​യാ​ണ്.