എംസി റോ​ ഡി​ൽ ഗ്യാ​സ് ടാ​ങ്ക​ർ ലോ ​റി മ​റി​ഞ്ഞു; വാ​ത​ക​ചോ​ ർ​ച്ച പ​രി​ഭ്രാ​ന്തി പ​ര​ത്തി
Friday, April 12, 2024 10:49 PM IST
കൊ​ട്ടാ​ര​ക്ക​ര: എം ​സി റോ​ഡി​ൽ വാ​ള​കം പ​ന​വേ​ലി കൈ​പ്പ​ള​ളി​മു​ക്കി​ൽ നി​റ​യെ ഗ്യാ​സ് ക​യ​റ്റി​വ​ന്ന ടാ​ങ്ക​ർ ലോ​റി നി​യ​ന്ത്ര​ണം വി​ട്ട് ത​ല​കീ​ഴാ​യി മ​റി​ഞ്ഞു. ഗ്യാ​സ് ചോ​ർ​ച്ച​യു​ണ്ടാ​യ​ത് പ്ര​ദേ​ശ​ത്ത് പ​രി​ഭ്രാ​ന്തി പ​ട​ർ​ത്തി.

പോ​ലീ​സും ഫ​യ​ർ​ഫോ​ഴ്സു​മെ​ത്തി ജാ​ഗ്ര​താ ന​ട​പ​ടി​ക​ൾ സ്വീ​ക​രി​ച്ചു.​എം സി ​റോ​ഡു​വ​ഴി​യു​ള്ള ഗ​താ​ഗ​തം 14 മ​ണി​ക്കൂ​റോ​ളം അ​ധി​കൃ​ത​ർ നി​ർ​ത്തി​വെ​യ്പ്പി​ച്ചു. പ​രി​ക്കേ​റ്റ ലോ​റി ഡ്രൈ​വ​ർ ത​മി​ഴ്നാ​ട് തൂ​ത്തു​ക്കു​ടി സ്വ​ദേ​ശി പ​നീ​ർ​ശെ​ൽ​വ (50)ത്തെ ​കൊ​ട്ടാ​ര​ക്ക​ര താ​ലൂ​ക്കാ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ഇ​ന്ന​ലെ പു​ല​ർ​ച്ചെ ​യാ​ണ് അ​പ​ക​ട​മു​ണ്ടാ​യ​ത്.​ത​മി​ഴ്നാ​ട്ടി​ൽ നി​ന്നും ഗ്യാ​സ് നി​റ​ച്ച് തി​രു​വ​ന​ന്ത​പു​രം വ​ഴി കോ​ട്ട​യ​ത്തേ​ക്ക് പോ​യ ടാ​ങ്ക​ർ ലോ​റി​യാ​ണ് ത​ല​കീ​ഴാ​യി മ​റി​ഞ്ഞ​ത്.

റോ​ഡു​വ​ശ​ത്തെ വൈ​ദ്യു​തി പോ​സ്റ്റ് ഇ​ടി​ച്ചു ത​ക​ർ​ത്ത ശേ​ഷം ഒ​രു കു​ഴി​യി​ലേ​ക്ക് വീ​ണ​ശേ​ഷ​മാ​ണ് ലോ​റി ത​ല​കീ​ഴാ​യി മ​റി​ഞ്ഞ​ത്. ഡ്രൈ​വ​ർ ഉ​റ​ങ്ങി​യ​താ​ണ് അ​പ​ക​ട കാ​ര​ണ​മെ​ന്നാ​ണ് പ്രാ​ഥ​മി​ക നി​ഗ​മ​നം.​കോ​ട്ട​യ​ത്തെ ഒ​രു സ്വ​കാ​ര്യ വ്യ​വ​സാ​യ സ്ഥാ​പ​ന​ത്തി​ലേ​ക്കാ​ണ് ഗ്യാ​സ് കൊ​ണ്ടു​പോ​യ​തെ​ന്നാ​ണ് വി​വ​രം.സം​ഭ​വ​മ​റി​ഞ്ഞ് സ്ഥ​ല​ത്തെ​ത്തി​യ ഫ​യ​ർ​ഫോ​ഴ്സും പോ​ലീ​സും ക​ടു​ത്ത ജാ​ഗ്ര​താ ന​ട​പ​ടി​ക​ൾ സ്വീ​ക​രി​ച്ചു.

വാ​ത​ക​ചോ​ർ​ച്ച സം​ഭ​വി​ച്ചി​രു​ന്ന​തി​നാ​ൽ ഏ​റ്റ​വും അ​ടു​ത്ത താ​മ​സ​ക്കാ​രെ​യെ​ല്ലാം ഒ​ഴി​പ്പി​ച്ചു.​മ​റ്റു വീ​ടു​ക​ളി​ൽ സ്റ്റൗ​വും അ​ടു​പ്പും ക​ത്തി​ക്ക​രു​തെ​ന്ന് നി​ർ​ദ്ദേ​ശം ന​ൽ​കി.​പ്ര​ദേ​ശ​ത്തെ ഹോ​ട്ട​ലു​ക​ളും വ്യാ​പാ​ര സ്ഥാ​പ​ന​ങ്ങ​ളും അ​ട​പ്പി​ച്ചു. വൈ​ദ്യു​തി വി​ത​ര​ണ​വും നി​ർ​ത്തി​വെ​യ്പി​ച്ചു.​എം സി ​റോ​ഡു​വ​ഴി​യു​ള്ള ഗ​താ​ഗ​തം നി​ർ​ത്തി വെ​യ്പി​ക്കു​ക​യും വാഹനങ്ങൾ വ​ഴി തി​രി​ച്ച് വി​ടു​ക​യും ചെ​യ്തു.

പ​ക​ൽ ചൂ​ടു കൂ​ടു​മ്പോ​ഴു​ള്ള അ​പ​ക​ട സാ​ധ്യ​ത മു​ന്നി​ൽ ക​ണ്ട് ഫ​യ​ർ​ഫോ​ഴ്സ് സം​ഘം ഗ്യാ​സ് ടാ​ങ്ക​ർ നി​ര​ന്ത​ര​മാ​യി വെ​ള്ള​മൊ​ഴി​ച്ച് ത​ണു​പ്പി​ച്ചു കൊ​ണ്ടി​രു​ന്നു. ജി​ല്ല​യി​ൽ നി​ന്നു​ള്ള ആ​റ് യൂ​ണി​റ്റ് ഫ​യ​ർ​ഫോ​ഴ്‌​സ് സം​ഘം സ്ഥ​ല​ത്തെ​ത്തി​യി​രു​ന്നു.

മ​റി​ഞ്ഞ ടാ​ങ്ക​റി​ൽ നി​ന്നും ഗ്യാ​സ് മ​റ്റ് ടാ​ങ്ക​റു​ക​ളി​ലേ​ക്ക് അ​പ​ക​ട​ര​ഹി​ത​മാ​യി മാ​റ്റാ​ൻ രാവിലെ എട്ടോടെ ശ്ര​മ​മാ​രം​ഭി​ച്ചു. പാ​രി​പ്പ​ള്ളി ഐ ​ഒ സി ​പ്ലാ​ന്‍റ്, ച​വ​റ കെ ​എം എം ​എ​
ൽഎന്നിവിടങ്ങളിൽനിന്നെത്തിയ സാ​ങ്കേ​തി​ക​വി​ദ​ഗ്ധ​രാ​ണ് ഇ​തി​ന് നേ​തൃ​ത്വം ന​ൽ​കി​യ​ത്. മൂ​ന്നു ടാ​ങ്ക​റു​ക​ളി​ലേ​ക്കാ​ണ് ഗ്യാ​സ് സാ​വ​ധാ​നം മാ​റ്റി​യ​ത്.​പ​ത്ത് മ​ണി​ക്കൂ​റു​ക​ളോ​ളം ഇ​തി​നു വേ​ണ്ടി വ​ന്നു.

അ​പ​ക​ട​ത്തെ തു​ട​ർ​ന്ന് 15 മ​ണി​ക്കൂ​റോ​ള​മാ​ണ് എം ​സി റോ​ഡി​ൽ ഗ​താ​ഗ​തം ത​ട​സപ്പെ​ട്ട​ത്.
ദി​ർ​ഘ​ദൂ​ര യാ​ത്രി​ക​രെ ഇ​ത് ഏ​റെ ബു​ദ്ധി​മു​ട്ടി​ലാ​ക്കി. സ​ദാ​ന​ന്ദ​പു​രം, വാ​ള​കം വ​ഴി ഗ​താ​ഗ​തം തി​രി​ച്ചു വി​ട്ടി​രു​ന്നെ​ങ്കി​ലും ഇ​ടു​ങ്ങി​യ റോ​ഡു​ക​ളി​ൽ ഗ​താ​ഗ​തം ത​ട​സപ്പെ​ട്ടു.​കോ​ട്ട​യം ഭാ​ഗ​ത്തു നി​ന്നും തി​രു​വ​ന​ന്ത​പു​രം ഭാ​ഗ​ത്തു നി​ന്നും വ​ന്ന വാ​ഹ​ന​യാ​ത്രി​ക​രാ​ണ് ഏ​റെ വ​ല​ഞ്ഞ​ത്.

Copyright @ 2022 , Rashtra Deepika Ltd.