പരാധീനതകളിൽ വീർപ്പുമുട്ടി കുളത്തൂപ്പുഴ കെഎസ്ഇബി ഓഫീസ് കെട്ടിടം
1430478
Thursday, June 20, 2024 10:56 PM IST
കുളത്തൂപ്പുഴ: കുളത്തൂപ്പുഴയിലെ കെഎസ്ഇബി ഓഫീസ് ഏത് സമയവും അപകടം സംഭവിക്കാവുന്ന അവസ്ഥയിൽ തകർന്നു.
പഞ്ചായത്തിന്റെ അധീനതയിൽ ഉള്ള കെട്ടിടത്തിലാണ് ഓഫീസ് ഇപ്പോൾ പ്രവർത്തിക്കുന്നത്. തിരുവനന്തപുരം -ചെങ്കോട്ട പാത കടന്നുപോകുന്ന തിരക്കേറിയ റോഡിന്റെ സൈഡിലാണ് ഓഫീസ്. തൊട്ടടുത്ത സ്കൂൾ, പോലീസ് സ്റ്റേഷൻ, വനവകുപ്പിന്റെ മ്യൂസിയം എന്നീ സ്ഥാപനങ്ങൾ ഇതിന്റെ സമീപത്ത് പ്രവർത്തിക്കുന്നു.
ഇവിടെയാണ് കഴിഞ്ഞദിവസം രാവിലെ ഉഗ്ര വിഷമുള്ള പാമ്പിനെ കണ്ടെത്തിയത്. തൊട്ടടുത്ത ഫോറസ്റ്റ് ഓഫീസിൽ നിന്നും ഉദ്യോഗസ്ഥരെത്തുകയും പാമ്പിനെ പിടിയ്ക്കുകയും ചെയ്തു. കെഎസ്ഇബി ജീവനക്കാർ തൊട്ടടുത്തുള്ള വന മ്യൂസിയത്തിലെ ഫോറസ്റ്റു ഉദ്യോഗസ്ഥരെ വിവരം അറിയിക്കുകയും പിന്നീട് പാമ്പിനെ പിടികൂടുകയും ആയിരുന്നു. ഓഫീസിനുള്ളിൽ പാമ്പിനെ കണ്ടത് ജനങ്ങളിൽ പരിഭ്രാന്തിപടർത്തിയിരിക്കുകയാണ്.