പു​ന​ലൂ​ർ : റീ​ഹാ​ബി​ലി​റ്റേ​ഷ​ൻ പ്ലാ​ന്‍റേ​ഷ​ൻ ലി​മി​റ്റ​ഡി​ൽ മാ​നേ​ജിം​ഗ് ഡ​യ​റ​ക്ട​റെ നി​യ​മി​ക്ക​ണ​മെ​ന്ന് ഐഎ​ൻടിയുസി ​സ്റ്റാ​ഫ് യൂ​ണി​യ​ൻ ആ​വ​ശ്യ​പ്പെ​ട്ടു. ക​ഴി​ഞ്ഞ ര​ണ്ടു​മാ​സ​മാ​യി മാ​നേ​ജിം​ഗ് ഡ​യ​റ​ക്‌ടർ ഇ​ല്ലാ​തെ​യാ​ണ് പ്ര​വ​ർ​ത്തി​ക്കു​ന്ന​ത് .ക​ഴി​ഞ്ഞ കു​റെ മാ​സ​ങ്ങ​ളാ​യി ഡെ​പ്യൂ​ട്ടേ​ഷ​നി​ൽ ആ​ർപി​എ​ൽ എംഡി യായി അ​ധി​ക ചു​മ​ത​ല വ​ഹി​ച്ചു വ​ന്നി​രു​ന്ന​ത് കൊ​ല്ലം ഡി​എ​ഫ് ഒ ​ആ​യി​രു​ന്നു.

ഇ​ദ്ദേ​ഹം വി​ര​മി​ച്ച​ശേ​ഷം​മാ​നേ​ജിം​ഗ് ഡ​യ​റ​ക്ട​റാ​യി സ​ർ​ക്കാ​ർ ഇ​തു​വ​രെ ആ​രെ​യും നി​യ​മി​ച്ചി​ട്ടി​ല്ല . ആ​യി​ര​ക്ക​ണ​ക്കി​ന് വ​രു​ന്ന തൊ​ഴി​ലാ​ളി​ക​ളു​ടെ​യും, ജീ​വ​ന​ക്കാ​രു​ടെ​യും വി​ഷ​യ​ങ്ങ​ളി​ൽ സു​പ്ര​ധാ​ന​മാ​യ തീ​രു​മാ​ന​മെ​ടു​ക്കേ​ണ്ട​ത് മാ​നേ​ജി​ംഗ് ഡ​യ​റ​ക്‌ടറാ​ണ്.​ക​മ്പ​നി​യു​ടെ റ​ബ​ർ പാ​ൽ വി​ല്പ​ന ഉ​ൾ​പ്പെ​ടെ​യു​ള്ള ന​യ​പ​ര​മാ​യ​കാ​ര്യ​ങ്ങ​ളി​ൽ പോ​ലും​തീ​രു​മാ​ന​മെ​ടു​ക്കാ​ൻ ക​ഴി​യാ​ത്ത അ​വ​സ്ഥ​യാ​ണ്.

ന​ഷ്‌ടത്തി​ൽ പ്ര​വ​ർ​ത്തി​ച്ചു​വ​ന്നി​രു​ന്ന ആ​ർ പി ​എ​ല്ലി​ൽ മാ​നേ​ജി​ംഗ് ഡ​യ​റ​ക്ട​ർ കൂ​ടി ഇ​ല്ലാ​ത്ത സാ​ഹ​ച​ര്യ​ത്തി​ൽ ക​മ്പ​നി​യു​ടെ ദൈ​നം​ദി​നം കാ​ര്യ​ങ്ങ​ളി​ൽ പോ​ലും വ​ൻ വീ​ഴ്ച​യാ​ണ് ഉ​ണ്ടാ​കു​ന്ന​ത്. ഡ​യ​റ​ക്‌ടർ ബോ​ർ​ഡ് മീ​റ്റിം​ഗ് പോ​ലും കൂ​ടാ​ൻ ക​ഴി​യാ​ത്ത സാ​ഹ​ച​ര്യ​മാ​ണ് ഉ​ള്ള​ത്.

ആ​ർ​പി​എ​ല്ലി​ലെ തൊ​ഴി​ലാ​ളി​ക​ളെ​യും ജീ​വ​ന​ക്കാ​രെ​യും ഒ​രു​പോ​ലെ ബാ​ധി​ക്കു​ന്ന ഈ ​വി​ഷ​യ​ത്തി​ൽ സ​ർ​ക്കാ​ർ അ​ടി​യ​ന്ത​ര​മാ​യി ഇ​ട​പെ​ട്ട് മാ​നേ​ജിം​ഗ് ഡ​യ​റ​ക്‌ടറെ നി​യ​മി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ഐഎ​ൻടിയുസി ​സ്റ്റാ​ഫ് യൂ​ണി​യ​ൻ ജ​ന​റ​ൽ സെ​ക്ര​ട്ട​റി സി. ​വി​ജ​യ​കു​മാ​ർ, ര​മേ​ഷ് കൂ​വ​ക്കാ​ട് തു​ട​ങ്ങി​യ​വ​ർ തൊ​ഴി​ൽ മ​ന്ത്രി​ക്ക് നി​വേ​ദ​നം ന​ൽ​കി.