ജിമ്മന്മാരുടെ വേറിട്ട ഓണാഘോഷം

കൊട്ടിയം : ജിമ്മന്മാരുടെ നേതൃത്വത്തിൽ ഓണഘോഷം നടത്തി. കൊട്ടിയത്തുള്ള ഒരു ഫിറ്റ്നസ് സെന്‍ററിലാണ് ഇവർ ഒത്തുകൂടിയത്.

ഡംപിൾ ഹോൾഡ്, മ്യൂസിക്കൽ പെർഫോമൻസ് ഇവന്‍റ്, വെയിറ്റ് ലോസ് കിക്ക് ബോക്സിംഗ്, ആം റെസലിംഗ്, സുംബാ ഡാൻസ്, വടംവലി മത്സരം, അത്തപ്പൂക്കളം എന്നീ ഇനങ്ങളിൽ മത്സരങ്ങൾ സംഘടിപ്പിക്കുകയും ലക്കി ഡ്രോ യിലൂടെ സമ്മാനങ്ങൾ നൽകുകയും ചെയ്തു.

ചടങ്ങിൽ 2025 വിശിഷ്ട സേവനത്തിനുള്ള മുഖ്യമന്ത്രിയുടെ പോലീസ് മെഡലിന് അർഹനായ സബ്ഇൻസ്പെക്ടർ വൈ. സാബുവിനെ ആദരിച്ചു. അബ്‌ദുൾ വാഹിദ്, ഷിബു, ജയരാജ്, ശാന്തി, വിഷ്ണു എന്നിവർ നേതൃത്വം നൽകി .

ADVERTISEMENT

ഓണം ആഘോഷിച്ചു

വൈഎംസിഎ ഓണാഘോഷം കുളത്തൂപ്പുഴ: കുളത്തൂപ്പുഴ വൈഎംസിഎ ഓഡിറ്റോറിയത്തിൽ നടന്ന ഓണാഘോഷ പരിപാടികൾ വൈഎംസിഎ പ്രസിഡന്‍റ് കെ. ജോണി ഉദ്‌ഘാടനം ചെയ്തു. വൈസ് പ്രസിഡന്‍റ് റോയി ഉമ്മൻ, സെക്രട്ടറി സാനു ജോർജ്, ട്രഷറർ സണ്ണി , സുനിൽ വള്ളിക്കാല തുടങ്ങിയവർ നേതൃത്വം നൽകി. വൈഎംസിഎ അംഗങ്ങളുടെ കുടുംബ സംഗമവും, വിഭവ സമൃദ്ധമായ ഓണസദ്യയും വിവിധ കലാപരിപാടികളും ഇതോടനുബന്ധിച്ച് നടന്നു. ഓണക്കിറ്റുകൾ നൽകി കൊല്ലം: ക്വയിലോൺ സോഷ്യൽ സർവീസ് സൊസൈറ്റിയുടെ നേതൃത്വത്തിൽ ആശാകിരണം കാൻസർ കെയർ പദ്ധതിയുടെ ഭാഗമായി രോഗികൾക്കുള്ള ഓണകിറ്റുകളുടെ വിതരണോദ്ഘാടനം ക്യു എസ്എസ്എസ് ഹാളിൽ കൊല്ലം രൂപത അധ്യക്ഷൻ പോൾ ആന്‍റണി മുല്ലശേരി നിർവഹിച്ചു. ക്വയിലോൺ കോൾപിംഗ് റീജയ െെന്‍റഗുണഭോക്താക്കൾക്കും തൊഴിൽ സംരംഭങ്ങൾക്കായുള്ള ഫണ്ട് വിതരണവും സോഷ്യൽ വർക്ക് വിദ്യാർഥികൾക്കുള്ള ഇ ന്‍റേ ൺഷിപ്പ് സർട്ടിഫിക്കറ്റ് വിതരണവും ഇതോടനുബന്ധിച്ച് ബിഷപ് നിർവഹിച്ചു. ക്യൂ എസ് എസ് എസ് ഡയറക്ട‌ർ ഫാ. സൈജു സൈമൺ അധ്യക്ഷത വഹിച്ച ചടങ്ങിൽ പ്രോജക്ട് ഓഫീസർ എബ്രഹാം ആശംസകൾ അറിയിച്ച് പദ്ധതികളെകുറിച്ച് വിശദീകരിച്ചു. മാനേജർ സിസ്റ്റർ പാറ്റ്സി മേരി നന്ദി പറഞ്ഞു. കൊല്ലം ഡിസിസിയിൽ ഓണം ആഘോഷിച്ചു കൊല്ലം: ഡിസിസി ഹാളിൽ ഐഎൻടിയുസി സംഘടിപ്പിച്ച ഓണാഘോഷം ഡിസിസി പ്രസിഡന്‍റ് പി. രാജേന്ദ്ര പ്രസാദ് ഉദ്ഘാടനം ചെയ്തു. ഇരവിപുരം റീജണൽ പ്രസിഡന്‍റ് എം. നൗഷാദിന്‍റെ അധ്യക്ഷതയിൽ ചേർന്ന ഓണം സ്മൃതി സംഗമത്തിൽ ഐഎൻടിയുസി ജില്ലാ പ്രസിഡന്‍റ് എ.കെ. ഹഫീസ് മുഖ്യപ്രഭാഷണം നടത്തി. കൊല്ലം ബീച്ച് ഓട്ടോ സ്റ്റാൻഡിലെ ഓട്ടോറിക്ഷ തൊഴിലാളികൾക്ക് ഐഡന്‍റിറ്റി കാർഡുകൾ വിതരണം ചെയ്തു.ഓണപ്പൂക്കളം, പായസ സദ്യ, വിവിധയിനം ഓണ പലഹാരങ്ങൾ എന്നിവയും നൽകി. പൂക്കളം തീർത്ത് ഓണാഘോഷം കൊല്ലം :വർണ പൊലിമയോടെ പൂക്കളം തീർത്തും ആനന്ദ ഗാനങ്ങൾ പാടിയും ഭിന്നശേഷിക്കാരുടെ ഓണാഘോഷം വ്യ ത്യസ്തമായി ആഘോഷിച്ചു. കൊല്ലം ക്യൂ എസ് എസ് എസ് ഹാളിൽ നടന്ന അലോഷ്യസ് മരിയ ബെൻസിഗറി െ ന്‍റ നാമത്തിൽ സ്ഥാപിച്ചിരിക്കുന്ന ഭിന്നശേഷിക്കാരുടെ കൂട്ടായ്മയാണ് ഓണാഘോഷം നടത്തിയത്. വീൽ ചെയറുകളുടെ സഹായത്തോടെയും വാഹനങ്ങളുടെ സഹായത്തോടെയും കുടുബസമേതമാണ് ഭിന്നശേഷിക്കാർ പരിപാടിക്ക് എത്തിയിരുന്നത്. ഓണാഘോഷ പരിപാടി കൊല്ലം രുപത വികാരി ജനറാൾ. ബൈജു ജൂലിയാൻ ഉദ്ഘാടനം ചെയ്തു. സിസ്റ്റർ ട്രസ്സി,സിസ്റ്റർ സ്റ്റാനി, സിസ്റ്റർ കോൺസാലറ്റാ, സിസ്റ്റർ ഹെലൻ, റോണാ റിബൈറോ, ബ്രദർ ആഗേഷ്, ബ്രദർ സ്വയാൻ, ബ്രദർ ഇമാനുവൽ എന്നിവർ പ്രസംഗിച്ചു. ഭിന്നശേഷിക്കാരുടെ മക്കളുടെ കലാപരിപാടിക്കൾക്ക് ശേഷം ഓണസമ്മാനങ്ങൾ കൈമാറി. ക്യൂ എസ് എസ് എസ് ഡയറക്ടർ ഫാ.സൈജു സൈമൺ ഓണസന്ദേശം നൽകി. തുടർന്ന് ഓണസദ്യയോടെ പരിപാടികൾ അവസാനിച്ചു.

ആരോഗ്യമേഖലയില്‍ ഏറ്റവുമധികം വികസനം നടപ്പാക്കിയ കാലഘട്ടമാണിത്: മന്ത്രി വീണാ ജോർജ്

കൊല്ലം: അഞ്ചൽ, കുമ്മിള്‍, പാരിപ്പള്ളി , എസ്.എന്‍ പുരം, പോരുവഴി തുടങ്ങിയ ആരോഗ്യകേന്ദ്രങ്ങളിലെ വിവിധ പദ്ധതികളുടെ ഉദ്ഘാടനവും അഞ്ചല്‍ സാമൂഹികാരോഗ്യകേന്ദ്രത്തില്‍ നിര്‍മിച്ച ബഹുനില ആശുപത്രിമന്ദിരം, ബ്ലോക്ക് കുടുംബാരോഗ്യ കേന്ദ്രം, പബ്ലിക് ഹെല്‍ത്ത് യൂണിറ്റ് ലാബ് എന്നിവയുടെ ഉദ്ഘാടനവും മന്ത്രി വീണാ ജോർജ് നിർവഹിച്ചു. സംസ്ഥാനത്ത് ആരോഗ്യമേഖലയില്‍ ഏറ്റവുമധികം വികസനം നടപ്പാക്കിയ കാല ഘട്ടമാണിതെന്ന് അവർ പറഞ്ഞു. പി.എസ് സുപാല്‍ എംഎല്‍എ അധ്യക്ഷത വഹിച്ചു. കുമ്മിള്‍ കുടുംബാരോഗ്യ കേന്ദ്രത്തിലെ പുതിയ കെട്ടിടം മന്ത്രി ഉദ്ഘാടനം ചെയ്തു. സംസ്ഥാനത്ത് പ്രതിവര്‍ഷം 1600 കോടിരൂപ ആരോഗ്യവകുപ്പ് സൗജന്യ ചികിത്സയ്ക്കായി ചെലവഴിക്കുന്നുവെന്നു മന്ത്രി ഉദ്ഘാടനപ്രസംഗത്തിൽ ചൂണ്ടികാട്ടി. മന്ത്രി ജെ.ചിഞ്ചുറാണി അധ്യക്ഷത വഹിച്ചു. പാരിപ്പള്ളി സര്‍ക്കാര്‍ മെഡിക്കല്‍ കോളജില്‍ വിവിധ പദ്ധതികളുടെ ഉദ്ഘാടനം ആരോഗ്യമന്ത്രി നിർവഹിച്ചു. സംസ്ഥാനത്തെ മെഡിക്കല്‍ വിദ്യാഭ്യാസമേഖലയില്‍ മികവിന്‍റെ അടയാളപ്പെടുത്തലാണ് ഇപ്പോഴുള്ളതെന്ന് അവർ ചൂണ്ടികാട്ടി. ജി.എസ്. ജയലാല്‍ എംഎല്‍എ അധ്യക്ഷത വഹിച്ചു. പവിത്രേശ്വരം ഗ്രാമപഞ്ചായത്തിലെ എസ് എന്‍ പുരം കുടുംബാരോഗ്യകേന്ദ്രത്തില്‍ പുതുതായി നിര്‍മിച്ച രണ്ടാംനിലയുടെ ഉദ്ഘാടനം മന്ത്രി വീണാ ജോര്‍ജ് നിര്‍വഹിച്ചു. മുന്‍ എംപി കെ.സോമപ്രസാദിന്‍റെ പ്രാദേശിക വികസന ഫണ്ടില്‍ ഉള്‍പ്പെടുത്തിയാണ് പദ്ധതി പൂര്‍ത്തിയാക്കിയത്. പവിത്രേശ്വരം ഗ്രാമപഞ്ചായത്ത് പ്രസിഡന്‍റ് വി.രാധാകൃഷ്ണന്‍ അധ്യക്ഷതവഹിച്ചു. പോരുവഴി കുടുംബാരോഗ്യ കേന്ദ്രത്തിന്‍റെ പുതിയ കെട്ടിടം ഉദ്ഘാടനം ആരോഗ്യമന്ത്രി നിർവഹിച്ചു. ശാസ്താംകോട്ട താലൂക്ക് ആശുപത്രിനിര്‍മാണം വേഗത്തില്‍ പൂര്‍ത്തീകരിക്കുമെന്നു മന്ത്രി അറിയിച്ചു. കോവൂര്‍ കുഞ്ഞുമോന്‍ എം എല്‍ എ അധ്യക്ഷത വഹിച്ചു.

എങ്ങും എവിടെയും തെരുവുനായ്ക്കൾ; കുളത്തൂപ്പുഴക്കാർ പൊറുതിമുട്ടി

കുളത്തൂപ്പുഴ: കുളത്തൂപ്പുഴ പഞ്ചായത്തിൽ വർധിച്ചു വരുന്ന തെരുവുനായ ശല്യത്തിന് പരിഹാരമായി വർഷങ്ങൾക്ക് മുൻപ് ജില്ലാ പഞ്ചായത്തിന്‍റെ സഹകരണത്തോടെ പഞ്ചായത്ത് പ്രഖ്യാപിച്ച തെരുവുനായ നിയന്ത്രണവും പുനരധിവാസവും പദ്ധതി വർഷങ്ങൾ കഴിഞ്ഞിട്ടും നടപ്പിലായില്ല. കുളത്തൂപ്പുഴ പഞ്ചായത്ത് 2018-19 സാമ്പത്തിക വർഷത്തെ ബജറ്റിൽ ഉൾപ്പെടുത്തി പ്രഖ്യാപിച്ച തെരുവുനായ വന്ധ്യംകരണവും പുനരധിവാസ കേന്ദ്രവും പദ്ധതിയുടെ ആദ്യഘട്ടമെന്ന നിലയിൽ പുനരധിവാസ കേന്ദ്രത്തിനായി കല്ലുവെട്ടാംകുഴിയിലെ പൊതുശ്മശാനത്തിനോട് ചേർന്ന് കെട്ടിടം നിർമിച്ചുവെങ്കിലും തുടർനടപടികൾ ഒന്നും ഉണ്ടായില്ല. പഞ്ചായത്ത് പ്രദേശത്ത് അലഞ്ഞുതിരിയുന്ന തെരുവുനായകളെ പിടികൂടി വന്ധ്യംകരണം നടത്തി ഒരാഴ്ചയോളം പുനരധിവാസ കേന്ദ്രത്തിൽ പാർപ്പിച്ച് സംരക്ഷിച്ച ശേഷം തനത് ആവാസവ്യവസ്ഥയിലേക്ക് മടക്കി അയക്കുക എന്നതായിരുന്നു പദ്ധതി. വംശവർധനവ് നിയന്ത്രിക്കാനായിരുന്നു പദ്ധതി ലക്ഷ്യം വെച്ചിരുന്നത്. കെട്ടിടനിർമാണം പൂർത്തിയാക്കി കരാറുകാരൻ തുകയും വാങ്ങി പോയതല്ലാതെ പദ്ധതി പൂർത്തീകരിക്കുന്നതിനുള്ള ഒരു തുടർനടപടിയും പഞ്ചായ ത്തി െ ന്‍റ ഭാഗത്ത് നിന്ന് ഉണ്ടായില്ല. ഗ്രാമവീഥികളിൽ ഭീതിവിതച്ച് സംഘങ്ങളായി എത്തുന്ന തെരുവുനായ്ക്കൂട്ടങ്ങളെ ഭയന്ന് വഴിനടക്കാനാവാതെ പൊതുജനം പൊറുതിമുട്ടിയിരിക്കുകയാണ് ഇപ്പോൾ. ഗ്രാമ പ്രദേശങ്ങളിലും കുളത്തൂപ്പുഴ ടൗണിൽ കെഎസ് ആർടിസി ബസ് സ്റ്റേഷനു സമീപവും പഞ്ചായത്ത് ഓഫീസ് പരിസരപ്രദേശങ്ങളിലും പകലെന്നോ രാത്രിയെന്നോ വ്യത്യാസമില്ലാതെ തെരുവുനായകളുടെ വിളയാട്ടമാണ്. സംഘം ചേർന്ന് കടിപിടികൂടി നിരത്തുകളിലേക്ക് ഓടിയിറങ്ങുന്ന നായകൾ വിദ്യാർഥികൾക്കും വഴിയാത്രക്കാർക്കും ഇരുചക്ര വാഹനങ്ങൾക്കും ഭീഷണി ഉയർത്തുകയാണ്. സന്ധ്യമയങ്ങിയാൽ കാൽനട യാത്രികർക്ക് നടന്നുപോലും കുളത്തൂപ്പുഴ ടൗണിലൂടെ പോകുവാൻ കഴിയാത്ത അവസ്ഥയാണ്. ഒരുവർഷത്തിനിടെ കുളത്തൂപ്പുഴ മേഖലയിൽ മാത്രം നിരവധി പേർക്കാണ് തെരുവുനായകളുടെ ആക്രമണത്തിൽ പരിക്കേറ്റത്. ഓരോ വർഷവും ബജറ്റ് പ്രഖ്യാപന വേളയിൽ തെരുവുനായ നിയന്ത്രണം സംബന്ധിച്ച് പ്രഖ്യാപനങ്ങളുണ്ടാകുമെങ്കിലും ഇക്കാലമത്രയും ഒരു നടപടിയും അധികൃതർ സ്വീകരിച്ചിട്ടില്ലെന്നതാണ് വസ്തുത. പൊതുജനത്തി െ ന്‍റ നികുതി പണമുപയോഗിച്ച് കെട്ടിടം നിർമിച്ച് പാമ്പു വളർത്താനായി ഉപേക്ഷിച്ചിരിക്കുകയാണ് അധികൃതർ. തെരുവുനായ നിയന്ത്രണത്തിനായി നിർമിച്ച കെട്ടിട നിർമാണം പൂർത്തിയാക്കി തെരുവുനായ്ക്കളിൽ നിന്ന് പൊതുജനങ്ങളുടെ സ്വൈര ജീവിതത്തിനു സംരക്ഷണം നൽകണമെന്നാണ് നാട്ടുകാർ ആവശ്യപ്പെടുന്നത്.

കുളത്തൂപ്പുഴ കൃഷിഭവനിൽ വിഷരഹിത പച്ചക്കറി വില്പന

കുളത്തൂപ്പുഴ: കുളത്തൂപ്പുഴ കൃഷിഭവ െ ന്‍റ ആഭിമുഖ്യത്തിൽ ഉത്രാടം നാളുവരെ കർഷകരിൽ നിന്നും നേരിട്ട് വിഷരഹിത പച്ചക്കറി ശേഖരിച്ച് 30 ശതമാനം വിലക്കുറവിൽ ഉപഭോക്താക്കളുടെ കൈകളിൽ എത്തിക്കുന്നു. കൃഷിഭവൻ അങ്കണത്തിൽ ആരംഭിച്ച ഓണച്ചന്തയുടെ ഉദ്ഘാടനം കുളത്തൂപ്പുഴ പഞ്ചായത്ത് പ്രസിഡന്‍റ് പി. ലൈല ബീവി പഞ്ചായത്ത് അംഗം ശോഭനയ്ക്ക് ആദ്യ വില്പന നടത്തി നിർവഹിച്ചു. പഞ്ചായത്ത് അംഗം സാബു ഏബ്രഹാം, ഷീജ റാഫി, പി. ആർ. സന്തോഷ് കുമാർ, വെജിറ്റബിൾ ക്ലസ്റ്റർ ജയപ്രകാശ്, സക്കറിയ, സഹദേവൻ, കൃഷി ഓഫീസർ എം.വി. മേഘ തുടങ്ങിയവർ പ്രസംഗിച്ചു.

അമീബിക് മസ്തിഷ്‌ക ജ്വരം : ജാഗ്രതയും പ്രതിരോധവും പ്രധാനം: ജില്ലാ കളക്‌ടർ

കൊല്ലം: ജില്ലയില്‍ അമീബിക് മസ്തിഷ്‌ക ജ്വരത്തി െന്‍റ ഭീഷണിനേരിടാന്‍ അതീവജാഗ്രത അനിവാര്യമെന്ന് ജില്ലാ കളക്ടർ എന്‍. ദേവിദാസ്. ആരോഗ്യ വകുപ്പി െ ന്‍റ മേല്‍നോട്ടത്തില്‍ പ്രതിരോധ പ്രവര്‍ത്തനങ്ങള്‍ ഈ സാഹചര്യത്തിൽ ഊര്‍ജിതമാക്കി. വിവിധ ആരോഗ്യ സ്ഥാപനങ്ങള്‍ കേന്ദ്രീകരിച്ച് ജലം ശുദ്ധീകരിക്കുന്നതിനുള്ള കാമ്പയിന്‍ തുടങ്ങി. രോഗലക്ഷണങ്ങളായ കഠിനമായതലവേദന, കടുത്തപനി, തൊണ്ടവേദന, ഓക്കാനം, ഛര്‍ദി, മയക്കം എന്നിവ ശ്രദ്ധയില്‍പെട്ടാല്‍ ആരോഗ്യ വകുപ്പുമായി ബന്ധപ്പെട്ട് വിദഗ്ധ ചികിത്സ തേടണം.ജലം ക്ലോറിനേറ്റ് ചെയ്ത് അണുവിമുക്തമാക്കുന്നതിലൂടെ അമീബിക് മസ്തിഷ്‌ക ജ്വരം ഉള്‍പ്പെടെയുള്ള രോഗങ്ങളുടെ വ്യാപനം തടയാന്‍ കഴിയും. രോഗം ഒരാളില്‍ നിന്ന് മറ്റൊരാളിലേക്ക് നേരിട്ട് പകരില്ലെങ്കിലും ജലസ്രോതസുകളിലൂടെയും മലിനജലത്തിലൂടെയും പകരാന്‍ സാധ്യതയുണ്ട്. മണ്ണും ചെളിയുമായുള്ള സമ്പര്‍ക്കത്തിലൂടെയും രോഗം പകരാമെന്ന് ആരോഗ്യവകുപ്പ് വ്യക്തമാക്കിയിട്ടുണ്ട്. ആരോഗ്യസ്ഥാപനങ്ങള്‍, തദ്ദേശസ്വയംഭരണസ്ഥാപനങ്ങള്‍, ആശാപ്രവര്‍ത്തകര്‍, കുടുംബശ്രീപ്രവര്‍ത്തകര്‍, സന്നദ്ധപ്രവര്‍ത്തകര്‍ എന്നിവരുടെ സഹകരണത്തോടെയാണ് കാമ്പയിന്‍ തുടരുന്നത്. ജില്ലയിലെ മുഴുവന്‍ വീടുകളിലെയും സ്ഥാപനങ്ങളിലെയും കിണറുകള്‍ ക്ലോറിനേറ്റ് ചെയ്യുകയും ടാങ്കുകള്‍ വൃത്തിയാക്കുകയും ചെയ്യുന്നതിന് നടപടിയായി. വിപുലമായ ജലപരിശോധനയും തുടര്‍നടപടികളും ബോധവത്കരണ പ്രവര്‍ത്തനങ്ങളും നടത്തും. സ്‌കൂളുകളിലും ബോധവത്കരണം ഊര്‍ജിതമാക്കും. പൊതുജലസ്രോതസുകള്‍ ശുചിയാക്കുന്നതിനോടൊപ്പം അവയിലേക്ക് മാലിന്യം ഒഴുകിവരുന്നത് തടയാനുള്ള സംവിധാനവും ഏര്‍പെടുത്തുമെന്ന് ജില്ലാ കളക്ടർ വ്യക്തമാക്കി.

ആക്രികൾക്കിടയിൽ നിന്നും കിട്ടിയ സ്വർണം ഉടമയ്ക്ക് തിരികെ നൽകി

കൊട്ടിയം:ആക്രി സാധനങ്ങൾക്കിടയിൽ നിന്നും കിട്ടിയ സ്വർണം ഉടമയെ കണ്ടെത്തി തിരിച്ചേൽപ്പിച്ച് ആക്രിക്കട ഉടമയും ഓട്ടോ ഡ്രൈവറും സത്യസന്ധതയുടെ ആൾരൂപങ്ങളായി. മൈലാപൂരിൽ ആക്രിക്കട നടത്തുന്ന നിസാറും നവാസ് എന്ന ഓട്ടോ ഡ്രൈവറുമാണ് സത്യസന്ധതയ്ക്ക് മാതൃകയായത്. ഉമയനല്ലൂർ പാർക്ക് മുക്ക് നെടിയവിള വീട്ടിൽ രാജുവിന്‍റെ വീട്ടിൽ നിന്നും ഓട്ടോ ഡ്രൈവർ നവാസി ന്‍റെ കൈവശം വിൽക്കാൻ ഏൽപ്പിച്ച ആക്രി സാധനങ്ങൾ കോട്ടമുറിയിൽ നിസാറി െന്‍റ ആക്രിക്കടയിൽ വിൽക്കാനായി കൊണ്ട് ചെന്നപ്പോഴാണ് സാധനങ്ങൾക്കിടയിൽ സ്വർണ പെട്ടിയും ഉണ്ടെന്നു അറിയുന്നത്. നിസാർ പെട്ടി തുറന്ന് നോക്കിയപ്പോൾ അതിനുള്ളിൽ ഒരു സ്വർണമാലയും രണ്ട് മോതിരവും ഒരു ഏലസും ഉണ്ടായിരുന്നു. എല്ലാംകൂടി ആറ് പവനുണ്ടായിരുന്നു. ഉടൻ തന്നെ ഇവർ വിവരം പഞ്ചായത്ത് അംഗം ഉമയനല്ലൂർ റാഫിയെ അറിയിക്കുകയും റാഫി ആക്രിസാധനങ്ങൾ വിൽക്കാൻ ഏൽപ്പിച്ച രാജുവുമായി ബന്ധപ്പെടുകയും കൊട്ടിയം പോലീസിനെ വിവരം അറിയിക്കുകയുമാണ് ഉണ്ടായത്. കാൻസർ ബാധിതയായി മരിച്ച രാജുവിന്‍റെ ഭാര്യ അനിതയുടെ സ്വർണാഭരണങ്ങൾ ആയിരുന്നു ഇത്. ഇവർ ഏതാനും വർഷങ്ങൾക്കു മുൻപാണ് മരണമടയുന്നത്. അനിതയുടെ മരണത്തിന് ശേഷം വീട്ടുകാർ സ്വർണാഭരണങ്ങൾ തിരക്കിയെങ്കിലും കണ്ടെത്താൻ കഴിഞ്ഞിരുന്നില്ല. സ്വർണം ലഭിച്ച വിവരമറിഞ്ഞ് പോലീസ് സ്റ്റേഷനിൽ എത്തിയ രാജു ആഭരണങ്ങൾ തിരിച്ചറിഞ്ഞു. തുടർന്ന് കൊട്ടിയംപോലീസ് ഇൻസ്പെക്ടർ പ്രദീപി െന്‍റ നിർദേശപ്രകാരം എസ്ഐ നിതിൻ നള െ ന്‍റയും പഞ്ചായത്തംഗം മുഹമ്മദ് റാഫിയുടേയും സാന്നിധ്യത്തിൽ നിസാറും നവാസും ചേർന്ന് സ്വർണാഭരണങ്ങൾ രാജുവിന് കൈമാറി. ആക്രിക്കട ഉടമയേയും ഓട്ടോ ഡ്രൈവറേയും പോലീസ് ആദരിച്ചാണ് മടക്കി അയച്ചത്.

മത്സ്യത്തൊഴിലാളികൾക്ക് 1000 രൂപയും അരിയും വാഗ്ദാനം ജലരേഖയായി

അജി വള്ളിക്കീഴ് കൊല്ലം: കപ്പൽ അപകടങ്ങളെ തുടർന്നു പ്രശ്ന ബാധിതരായ മത്സ്യത്തൊഴിലാളി കുടുംബങ്ങൾക്കുള്ള ആയിരം രൂപയും ആറുകിലോ അരിയും എന്ന വാഗ്ദാനം ജലരേഖയായി. കപ്പൽ ദുരന്തത്തിൽ കണ്ടെയ്നറുകൾ കടലിൽ വീണതോടെ മത്സ്യബന്ധനം തന്നെ മുടങ്ങിയ അവസ്ഥയിലാണ് പ്രശ്ന ബാധിതരായ മത്സ്യ ത്തൊഴിലാളികൾക്കും അനുബന്ധ തൊഴിലാളികൾക്കും 1000 രൂപയും ആറ് കിലോ അരിയും സമാശ്വാസമായി നൽകുമെന്ന് സർക്കാർ പ്രഖ്യാപനം ഉണ്ടാവുന്നത്. കപ്പൽ അപകടത്തെ തുടർന്നു കടലിൽ പോകാൻ കഴിയാതെയും സങ്കീണമായ തുടർന്നുള്ള നാളുകളിൽ കടലിൽ പോയി വലകൾക്കും യാനങ്ങൾക്കും ബോട്ടുകൾക്കും ലക്ഷക്കണക്കിനു രൂപയുടെ നാശനഷ്‌ടങ്ങൾ ഉണ്ടായ മത്സ്യത്തൊഴിലാളികൾക്കും സർക്കാർ ഇതേവരെ യാതൊരു സഹായവും നൽകിയിട്ടില്ല. ട്രോളിംഗ് നിരോധനം പിൻവലിക്കുന്ന സാഹചര്യത്തിൽ മത്സ്യബന്ധനത്തിനു പോകാനാവാതെ കഷ്‌ടത്തിലായ മത്സ്യത്തൊഴിലാളി കുടുംബങ്ങൾക്ക് ആശ്വാസമായിട്ടാണ് 1000 രൂപയും ആറ് കിലോ അരിയും സർക്കാർ വാഗ്ദാനം ചെയ്യുന്നത്. കൊല്ലം,തിരുവനന്തപുരം,ആലപ്പുഴ, എറണാകുളം ജില്ലകളിലെ പ്രശ്ന ബാധിതരായ മത്സ്യത്തൊഴി ലാളി കുടുംബങ്ങൾക്കു മുഖ്യമന്ത്രിയുടെ വാഗ്ദാനം ഉണ്ടാവുന്നതു പുതിയ അധ്യയന വർഷം കുട്ടികളെ സ്കൂളിൽ ചേർക്കുന്ന സമയത്തായിരുന്നു. കിട്ടുന്ന ചെറിയ സഹായം കൊണ്ട് കുട്ടികൾക്ക് സ്കൂൾ ബാഗുകൾ എങ്കിലും വാങ്ങാമെന്നു കരുതി കാത്തിരുന്ന മത്സ്യത്തൊഴിലാളികൾക്ക് നിരാശയായിരുന്നു ഫലം. മത്സ്യത്തൊഴിലാളികൾ 20 നോട്ടിക്കൽ ഒഴിവാക്കി മത്സ്യബന്ധനം നടത്തണമെന്നും കപ്പൽ അപകടം സംസ്ഥാന ദുരന്തമായി പ്രഖ്യാപിച്ചതായും അറിയിച്ച സർക്കാർ, ദുരന്ത ബാധിതരായ മത്സ്യത്തൊഴിലാളികൾക്ക് മറ്റൊരു സഹായവും നൽകാൻ ഇതുവരെ കൂട്ടാക്കിയിട്ടില്ല. പ്രഖ്യാപിച്ച നാമമാത്ര സഹായം ആവട്ടെ സിപിഎം നേതൃത്വം നൽകുന്ന മത്സ്യത്തൊഴിലാളി സംഘങ്ങളിൽ അംഗങ്ങളായ നാമമാത്രമായവർക്ക് മാത്രമാണ് വിതരണം ചെയ്തത്. മരുത്തടി ഡിവിഷനിൽ 12 കുടുംബങ്ങൾക്കും ശക്തികുളങ്ങര ഡിവിഷനിൽ എട്ടുകുടുംബങ്ങൾക്കും മീനത്ത് ചേരി ഡിവിഷനിൽ ഏഴു കുടുംബങ്ങൾക്കും മാത്രമാണ് 1000 രൂപയും ആറ് കിലോ അരിയും കിട്ടിയത്. സർക്കാർ വാഗ്ദാനം വഞ്ചനയായെന്നാണ് കൊല്ലം തീരത്ത് ഏറ്റവും കൂടുതൽ മത്സ്യത്തൊഴിലാളി കളുള്ള ഡിവിഷനുകളിലെ കൗൺസിലർമാർ കുറ്റപ്പെടുത്തുന്നത്. വിരലിൽ എണ്ണാവുന്ന കുടുംബങ്ങൾക്കു മാത്രമാണ് സഹായം കിട്ടിയതെന്നു കൗൺസിലർമാർ പറയുന്നു. കപ്പൽ ദുരന്തവുമായി ബന്ധപ്പെട്ടു നഷ്ടപരിഹാരത്തിനായി മത്സ്യത്തൊഴിലാളി സംഘടനകൾ കോടതിയെ സമീപിച്ചതോടെ സഹായ വിതരണം നിർത്തിവെക്കുകയായിരുന്നു.

ചെണ്ടുമല്ലിപ്പൂ വിളവെടുപ്പ് ഉത്സവം നടത്തി

ചവറ : മടപ്പളളി വാര്‍ഡിലെ കുടുംബശ്രീ ഭൂമിക കൃഷിക്കൂട്ടം കൃഷി ചെയ്ത ചെണ്ടുമല്ലിപൂ വിളവെടുപ്പ് ഉത്സവം സുജിത് വിജയന്‍പിളള എംഎല്‍എ നിര്‍വഹിച്ചു. ചടങ്ങില്‍ വാര്‍ഡ് മെമ്പര്‍ ജി.ആര്‍.ഗീത, കുടുംബശ്രീ ചെയര്‍പേഴ്സണ്‍ പ്രിയ ജോണ്‍, ബ്ലോക്ക് കോ-ഓര്‍ഡിനേറ്റര്‍മാരായ മായ,ദേവി, എസ്.ജാസ്മി , റീന, രാധ, പത്മ, ഉഷ എന്നിവരും പങ്കെടുത്തു.

കിളികൊല്ലൂരിലെ പോലീസ് മർദനം : തത്‌സ്ഥിതി റിപ്പോർട്ട് ഹാജരാക്കണമെന്ന്

കൊല്ലം : സൈനികനും സഹോദരനും കിളിക്കൊല്ലൂർ പോലീസ് സ്റ്റേഷനിൽ നിന്നും മർദ്ദനമേറ്റെന്ന പരാതിയിൽ കേസിന്‍റെ തത്സ്ഥിതി റിപ്പോർട്ട് ഹാജരാക്കണമെന്നു മനുഷ്യാവകാശ കമ്മീഷൻ അംഗം വി. ഗീത കൊല്ലം ജില്ലാ പോലീസ് മേധാവിക്കു നിർദേശം നൽകി. 15 ദിവസത്തിനകം റിപ്പോർട്ട് സമർപ്പിക്കണമന്ന് കമ്മീഷൻ ഉത്തരവിൽ പറഞ്ഞു. സംഭവത്തിൽ മനുഷ്യാവകാശ കമ്മീഷന്‍റെ അന്വേഷണ വിഭാഗം അന്വേഷണം നടത്തി റിപ്പോർട്ട് സമർപ്പിച്ചു. പി. സി. വിഷ്ണുനാഥ് എംഎൽഎ, ബി. കെ. മാത്യു, വിഘ്നേഷ്, അബി ആബേൽ, അഡ്വ. ദേവദാസ് എന്നിവർ സമർപ്പിച്ച പരാതികൾ ഒരുമിച്ചു പരിഗണിച്ച കമ്മീഷൻ കേസിൽ തുടർനടപടി സ്വീകരിക്കുന്നതിന് വേണ്ടിയാണ് തത്‌സ്ഥിതി റിപ്പോർട്ട് ആവശ്യപ്പെട്ടത്. സൈനികൻ വിഷ്ണുവിനും സഹോദരൻ വിഘ്നേഷിനുമാണ് മർദ്ദനമേറ്റത്. 2022 ഒക്ടോബർ 19 നാണ് സംഭവം.

അയ്യൻകാളി ജയന്തിയും അവിട്ടദിന ആഘോഷവും ആറിന്

കൊല്ലം: കെപിഎംഎസിന്‍റെ നേതൃത്വത്തിൽ അയ്യൻകാളി ജയന്തിയും അവിട്ടദിന ആഘോഷവും ആറിന്. വെളിയം യൂണിയനിൽ നടക്കുന്ന അനുസ്മരണ സമ്മേളനം മന്ത്രി കെ.എൻ.ബാലഗോപാൽ, എംഎൽഎമാരായ സി.ആർ. മഹേഷ്, സുജിത്ത് വിജയൻ പിള്ള , പി.സി. വിഷ്ണുനാഥ്, എം.നൗഷാദ് , ജി.എസ്. ജയപാലൻ, പി.എസ്. സുപാൽ , കോവൂർ കുഞ്ഞുമോൻ , കൊട്ടാരക്കര നഗരസഭചെയർമാൻ അഡ്വ. ബി. ഉണ്ണികൃഷ്‌ണമേനോൻ, പത്തനാപുരം ഹോർട്ടികോർപ്പ് ചെയർമാൻ എസ്. വേണുഗോപാൽ, ശൂരനാട് ജില്ലാ പഞ്ചായത്ത് പ്രസിഡന്‍റ് ഡോ. പി.കെ. ഗോപൻ, കൊല്ലം മേയർ ഹണി ബഞ്ചമിൻ, അഞ്ചൽ കശുവണ്ടി വികസന കോർപറേഷൻ ചെയർമാൻ എസ്. ജയമോഹനൻ, പെരിനാട് കൊല്ലം കോർപറേഷൻ ഡെപ്യൂട്ടി മേയർ എസ്. ജയൻ, മാധ്യമ പ്രവർത്തകൻ പി.കെ. അനിൽകുമാർ തുടങ്ങിയവർ പങ്കെടുക്കും.

കൊല്ലം - ചെന്നൈ എഗ്‌മോർ ട്രെയിൻ എൽഎച്ച്ബി കോച്ചിലേക്ക്

കൊല്ലം: കൊല്ലത്ത് നിന്ന് പുനലൂർ വഴി ചെന്നൈ എഗ്മൂർ റൂട്ടിൽ സർവീസ് നടത്തുന്ന എക്സ്പ്രസ് (16101/16102) ട്രെയിനും എൽഎച്ച്ബി കോച്ചിലേയ്ക്ക്. നവംബർ 18 മുതൽ ഈ ട്രെയിൻ ആധുനിക സൗകര്യങ്ങളുള്ള എൽഎച്ച്ബി കോച്ചുകളുമായി സർവീസ് ആരംഭിക്കും. നിലവിൽ കാലപ്പഴക്കം ചെന്ന ഐസിഎഫ് കോച്ചുകളുമായാണ് ഈ ട്രെയിൻ ഓടുന്നത്. ഇത് മാറ്റണമെന്ന് ആവശ്യപ്പെട്ട് യാത്രക്കാരുടെ സംഘടനയായ ഫ്രണ്ട്സ് ഓൺ റെയിൽസ് മന്ത്രി അശ്വിനി വൈഷ്ണവിനും റെയിൽവേ ബോർഡ് ചെയർമാനും കൊടിക്കുന്നിൽ സുരേഷ് എംപിക്കും നിവേദനങ്ങൾ നൽകിയിരുന്നു. തുടർന്ന് വണ്ടിയിൽ എൽഎച്ച്ബി കോച്ചുകൾ ഏർപ്പെടുത്താൻ റെയിൽവേ ബോർഡ് തീരുമാനിക്കുകയായിരുന്നു. ട്രെയിൻ ചെന്നൈ എഗ്മോറിന് പകരം താംബരം വരെയാണ് നിലവിൽ സർവീസ് നടത്തുന്നത്. ഉച്ചയ്ക്ക് 12 നാണ് ഈ വണ്ടി കൊല്ലത്ത് നിന്ന് പുറപ്പെട്ടിരുന്നത്. എന്നാൽ യാത്രക്കാരുടെ ആവശ്യവും സൗകര്യവും പരിഗണിച്ച് ഈ മാസം ഒന്നു മുതൽ വൈകുന്നേരം നാലിനാണ് കൊല്ലത്ത് നിന്ന് പുറപ്പെടുന്നത്.

ഹരിതഓണം ശുചിത്വ പൂക്കളം ചലഞ്ചുമായി ശുചിത്വ മിഷന്‍

കൊല്ലം: ഓണഘാഷം വൃത്തിയുടെയും പരിസ്ഥിതി സംരക്ഷണത്തി െ ന്‍റയും ആഘോഷമാക്കാന്‍ പൂക്കളം ചലഞ്ചുമായി ശുചിത്വമിഷന്‍. ‘മഹാബലി വൃത്തിയുടെ ചക്രവര്‍ത്തി, ഓണം ഹരിത ഓണം' എന്ന ആശയത്തെ മുന്‍നിര്‍ത്തിയാണ് പൂക്കള മത്സരം. കേരളത്തി െ ന്‍റ സമത്വം, ഐക്യം, പ്രകൃതിയോടുള്ള സൗഹൃദം എന്നീ മൂല്യങ്ങള്‍ ഉയര്‍ത്തുന്നതിനൊപ്പം ശുചിത്വമാലിന്യ സംസ്‌കരണ സംവിധാനവുമായി ബന്ധപ്പെട്ട നൂതന ആശയങ്ങളെ പ്രോത്സാഹിപ്പിക്കുന്നതിനാണ് ശുചിത്വ മിഷന്‍ ഓണപ്പൂക്കള മത്സരം 2025 സംഘടിപ്പിക്കുന്നത്. സെപ്റ്റംബര്‍ ഏഴ് വരെ നടക്കുന്ന മത്സരത്തില്‍ ‘മാലിന്യമുക്തം നവകേരളം' എന്ന ആശയത്തെ അടിസ്ഥാനമാക്കി മാലിന്യ സംസ്‌കരണം, തരംതിരിക്കല്‍, മാലിന്യങ്ങളുടെ അളവു കുറയ്ക്കല്‍, പാഴ് വസ്തുക്കളുടെ പുനരുപയോഗം, പുനചംക്രമണം, ഹരിത കര്‍മസേനയുടെ പ്രവര്‍ത്തനം, ദേശീയ ശുചിത്വ സര്‍വേയിലെ കേരളത്തി െന്‍റ നേട്ടങ്ങള്‍ എന്നിവയുമായി ബന്ധപ്പെട്ട ആശയങ്ങളാണ് പൂക്കളങ്ങളിൽ അവതരിപ്പിക്കേണ്ടത്. ജില്ലാതലത്തില്‍ ഒന്നാം സ്ഥാനത്തിന് 10,000 രൂപയും സംസ്ഥാന തലത്തില്‍ ഒന്നാം സ്ഥാനത്തിന് 25,000 രൂപയുമാണ് സമ്മാനം. പ്രകൃതിദത്തമായ പൂക്കളും ഇലകളും മറ്റ് വസ്തുക്കളും മാത്രം ഉപയോഗിച്ചാണ് പൂക്കളം തയ്യാറാക്കേണ്ടത്. പ്ലാസ്റ്റിക്, രാസവസ്തുക്കള്‍, കൃത്രിമ അലങ്കാരങ്ങള്‍ എന്നിവ ഒഴിവാക്കണം. പൂക്കളത്തിന്‍റെ മാത്രം വ്യക്തമായ ഒരു ചിത്രവും, അത് നിര്‍മിച്ചവരുമായി ചേര്‍ന്ന് മറ്റൊരു ചിത്രവും സോഷ്യല്‍ മീഡിയ പേജുകളില്‍ അപ്‌ലോഡ് ചെയ്യണം. ജില്ലാ ശുചിത്വ മിഷ െ ന്‍റ പേജ് ടാഗ് ചെയ്യുക. ഒരാള്‍ക്ക് ഒരു എന്‍ട്രി മാത്രമേ അയക്കാനാകൂ. എന്‍ട്രികള്‍ pookalamkollam25 @gmail.com എന്ന ഇ മെയിലേക്ക് ഡോക്യുമെന്‍റ്ഫയലായും അയക്കണമെന്ന് ശുചിത്വ മിഷന്‍ ജില്ലാ കോർഡിനേറ്റര്‍ അറിയിച്ചു.

ബിഷപ് ജെറോം ഇൻസ്റ്റിറ്റ്യൂട്ട് ആർക്കിടെക്‌ചർ ബ്ലോക്ക് ഉദ്ഘാടനം ഇന്ന്

കൊല്ലം: ബിഷപ് ജെറോം ഇൻസ്റ്റിറ്റ്യൂട്ടിന്‍റെ പുതിയ ആർക്കിടെക്‌ചർ ബ്ലോക്ക് ഇന്നു വൈകുന്നേരം മൂന്നരയ്ക്കു കൊല്ലം ബിഷപ് ഡോ. പോൾ ആന്‍റണി മുല്ലശേരി ഉദ്ഘാടനം ചെയ്യുമെന്നു ഭാരവാഹികൾ പത്രസമ്മേളനത്തിൽ അറിയിച്ചു. ലോകോത്തര നിലവാരത്തിലുള്ള അക്കാഡമിക അന്തരീക്ഷം ഉറപ്പു വരുത്തുന്നതിനായി എല്ലാവിധ ആധുനിക സൗകര്യങ്ങളോടുകൂടിയാണ് ഈ പുതിയ ബ്ലോക്ക് നിർമിച്ചിരിക്കുന്നത്. ക്രിയേറ്റീവ് ഡിസൈൻ സ്റ്റുഡിയോകൾ, ആർട്ടിഫിഷ്യൽ ഇൻ്റലിജൻസ് (എഐ) സജീകരിച്ച ലാബുകൾ, ഡിജിറ്റൽ ഡിസൈൻ സെന്‍ററുകൾ, വിശാലമായ സെമിനാർ ഹാളുകൾ, സ്മാർട്ട് ക്ലാസ് മുറികൾ, വിദ്യാഭ്യാസ പ്രദർശനങ്ങൾക്കും അക്കാഡമിക ചർച്ചകൾക്കും അനുയോജ്യമായ ആധുനിക ഓഡിയോ-വിഷ്വൽ സൗകര്യങ്ങളോടുകൂടിയ ആംഫി തിയേറ്റർ, ഡിജിറ്റൽ ലൈബ്രറി, കാന്‍റീൻ എന്നിവ ഈ ബ്ലോക്കിൽ ഉൾപ്പെടുത്തിയിരിക്കുന്നു. പത്രസമ്മേളനത്തിൽ കോളജ് പ്രിൻസിപ്പൽ ഡോ. എ.ആർ. അനിൽ, ആർക്കിടെക്റ്റ് വിഭാഗം വകുപ്പ് മേധാവി പ്രഫ.വി.എസ്. അതുൽ , പിആർഒ ബിബി ഫിലിപ്പ് തുടങ്ങിയവർ പങ്കെടുത്തു.

ഫ്രാൻസിസ് സേവ്യർ സ്മൃതി പുരസ്കാരം കെ.എസ്. ബിജുകുമാറിന്

ചവറ: കരുനാഗപ്പളളി താലൂക്കിലെ മികച്ച ഗ്രന്ഥശാല പ്രവർത്തകന് മേക്കാട് എ വൺ ഗ്രന്ഥശാല ഏർപ്പെടുത്തിയ ഫ്രാൻസിസ് സേവ്യർ സ്മൃതി പുരസ്കാരത്തിന് കെ.സി. പിള്ള സ്മാരക ഉദയ ഗ്രന്ഥശാല സെക്രട്ടറി കെ.എസ്. ബിജുകുമാർ അർഹനായി. എ വൺ ഗ്രന്ഥശാലയുടെ നേതൃതലങ്ങളിൽ ദീർഘകാലം പ്രവർത്തിച്ചിരുന്ന ഫ്രാൻസിസ് സേവ്യറിന്‍റെ സ്മരണ നിലനിർത്തുന്നതിനുള്ള ഈ അവാർഡ് 5001 രൂപയും പ്രശസ്തി ഫലകവും ഉൾപ്പെട്ടതാണ്. മൂന്നിന് നടക്കുന്ന ഓണാഘോഷ ത്തോടനുബന്ധിച്ചുള്ള വാർഷിക പൊതുസമ്മേളനത്തിൽ താലൂക്ക് ലൈബ്രറി കൗൺസിൽ സെക്രട്ടറി വി. വിജയകുമാർ പുരസ്കാര സമർപ്പണം നടത്തും. സുജിത്ത് വിജയൻ പിള്ള എംഎൽഎ ഉദ്ഘാടനം ചെയ്യും. ജീവകാരുണ്യ പ്രവർത്തകൻ ശക്തികുളങ്ങര ഗണേശനെ ചടങ്ങിൽ ആദരിക്കും. ഗ്രന്ഥശാല പ്രസിഡന്‍റ് എസ്.രാധാകൃഷ്ണൻ ചടങ്ങിൽ അധ്യക്ഷനാകും. സമ്മേളനത്തിൽ ബ്ലോക്ക് പഞ്ചായത്ത് പ്രസിഡന്‍റ് സന്തോഷ് തുപ്പാശേരി, കേരള യൂണിവേഴ്സിറ്റി സിൻഡിക്കേറ്റ് അംഗം ജി.മുരളീധരൻ, കെഎംഎംഎൽ (എംഎസ് യൂണിറ്റ് ) എച്ച്ഒഡി കാർത്തികേയൻ, കോവിൽത്തോട്ടം ഇടവക വികാരി ഫാ.ജോസഫ് ഡാനിയേൽ, ഫിറോസ് നല്ലാന്തറ തുടങ്ങിയവർ പങ്കെടുക്കും. കാൻസർ രോഗികൾക്കുളള ചികിത്സാ സഹായം, നിർധന വിധവകൾക്കുള്ള ഓണക്കിറ്റ്, വിദ്യാഭ്യാസ മെരിറ്റ് അവാർഡ്, കിടപ്പ് രോഗികൾക്കുള്ള ചികിത്സാ ധനസഹായം എന്നിവ സമ്മേളനത്തിൽ വിതരണം ചെയ്യുമെന്നും നാലിന് ഓണസദ്യയും വിവിധ കലാപരിപാടികളും നടത്തുമെന്നും ഭാരവാഹികളായ യോഹന്നാൻ ആന്‍റണി,എസ്.രാധാകൃഷ്ണൻ, ജെയിംസ് ജോസഫ് തുടങ്ങിയവർ അറിയിച്ചു.

കൊല്ലം പ്രസ് ക്ലബിൽ ഓണാഘോഷം

കൊല്ലം: കൊല്ലം പ്രസ് ക്ലബിൽ ഓണാഘോഷം സംഘടിപ്പിച്ചു. ജില്ലകളക്ടർ എൻ.ദേവീദാസ്‌ ഉദ്‌ഘാടനം ചെയ്‌തു. എംഎൽഎമാരായ എം.ന‍ൗഷാദ്‌, പി.സി. വിഷ്‌ണുനാഥ്‌, കശുവണ്ടി വികസന കോർപറേഷൻ ചെയർമാൻ എസ്‌. ജയമോഹൻ എന്നിവർ അതിഥികളായി. പ്രസ് ക്ലബ് പ്രസിഡന്‍റ് ഡി. ജയകൃഷ്‌ണൻ അധ്യക്ഷനായി. സെക്രട്ടറി സനൽ ഡി. പ്രേം സ്വാഗതവും ട്രഷറർ കണ്ണൻ നായർ നന്ദിയും പറഞ്ഞു. തുടർന്ന് വിവിധ കലാപരിപാടികൾ അരങ്ങേറി.

ചിന്നക്കട ബസ് ബേയിൽ മിനി ശീതളപാനീയ ബൂത്ത് പരിഗണിക്കണം: മനുഷ്യാവകാശ കമ്മീഷൻ

കൊല്ലം : ചിന്നക്കട ഹെഡ് പോസ്റ്റ് ഓഫീസിന് സമീപമുള്ള ബസ് ബേ കെട്ടിടത്തിനുള്ളിൽ ഒരു മിനി ശീതള പാനീയ ബൂത്ത് സ്ഥാപിക്കുന്നത് നഗരസഭയും ടൗൺ വെന്‍റിംഗ് കമ്മറ്റിയും പരിഗണിക്കണമെന്ന് മനുഷ്യാവകാശ കമ്മീഷൻ അംഗം വി. ഗീത ഉത്തരവിട്ടു. തിരക്കേറിയ സ്ഥലമാണ് ഇതെന്നും യാത്രക്കാർക്ക് ബസ് ബേ കെട്ടിടത്തിനുള്ളിൽ ഒരു ശീതളപാനീയ ബൂത്ത് സ്ഥാപിക്കുന്നത് ഉചിതമായിരിക്കുമെന്നും ഉത്തരവിൽ പറഞ്ഞു. സ്വീകരിച്ച നടപടികളെ കുറിച്ച് രണ്ടു മാസത്തിനകം കൊല്ലം കോർപറേഷൻ സെക്രട്ടറി കമ്മീഷനെ അറിയിക്കണം. ശീതളപാനീയ ബൂത്ത് സ്ഥാപിക്കണമെന്നാവശ്യപ്പെട്ട് 25 ഓളം പേർ ഒപ്പിട്ട് സമർപ്പിച്ച പരാതിയിലാണ് ഉത്തരവ്. ജില്ലയിലെ തന്നെ ഇതിലും വലിപ്പം കുറഞ്ഞ ബസ് ബേകളിൽ ബൂത്തുകൾ പ്രവർത്തിക്കുന്നുണ്ടെന്നും പരാതിക്കാർ അറിയിച്ചു. കമ്മീഷൻ കോർപറേഷൻ സെക്രട്ടറിയിൽ നിന്നും അന്വേഷണ റിപ്പോർട്ട് വാങ്ങി. പോസ്റ്റ് ഓഫീസ് കെട്ടിടത്തിന് സമീപമുള്ള ബസ് ബേയുംപരിസര പ്രദേശങ്ങളും വഴിയോര കച്ചവടം നിരോധിക്കേണ്ട സ്ഥലങ്ങളുടെ പട്ടികയിൽ ഉൾപ്പെട്ടതാണെന്നും ടൗൺ വെന്‍റിംഗ് കമ്മറ്റി കച്ചവട നിരോധിത മേഖലയായി തീരുമാനിച്ചിട്ടുണ്ടെന്നും റിപ്പോർട്ടിൽ പറയുന്നു. എന്നാൽ ബസ് ബേക്കുള്ളിൽ സ്ഥാപിച്ചിട്ടുള്ള റാമ്പിന് സമീപം മിൽമ ബൂത്തിന് സ്ഥലം അനുവദിക്കാവുന്നതാണെന്നും ഇല്ലെങ്കിൽ ആളുകൾ മാലിന്യം കൂട്ടിയിട്ട് ഉപദ്രവമായി മാറുമെന്നും ജില്ലാ കളക്ടർക്ക് ചിലർ അപേക്ഷ നൽകിയിട്ടുണ്ട്. ബൂത്ത് സ്ഥാപിക്കുന്നതു കൊണ്ട് ഗതാഗതകുരുക്കുണ്ടാവില്ലെന്ന് റോഡ് സേഫ്റ്റി അഥോറിറ്റിയും മനുഷ്യാവകാശ കമ്മീഷനെ അറിയിച്ചു. ബസ് ബേയിൽ ബൂത്ത് സ്ഥാപിക്കുന്നതിൽ നഗരസഭ മുമ്പെടുത്ത തീരുമാനം പുനഃപരിശോധിക്കണമെന്ന് കമ്മീഷൻ നിർദേശിച്ചു. തെക്കേവിള സ്വദേശികളായ പോളയിൽ രവി, കെ. രാജമ്മ എന്നിവർ സമർപ്പിച്ച പരാതിയിലാണ് നടപടി.

വിശപ്പിനു വിട: തീരദേശത്ത് കാരുണ്യത്തിന്‍റെ നദി ഹൃദയപൂര്‍വം ഒഴുകുന്നു

ജോണ്‍സണ്‍ വേങ്ങത്തടം കൊല്ലം: പൊതിച്ചോറിന്‍റെ വിലയറിയുന്നവരാണ് ഈ തീരദേശത്തുള്ള എല്ലാം നഷ്ടപ്പെട്ടവര്‍. എല്ലാ ദിവസവും വീട്ടിലേക്കു കയറിവന്നു പൊതിച്ചോറുനല്കുന്ന ഈ കാരുണ്യമുഖം വേണ്ടുവോളം ആസ്വദിക്കുന്നവരാണ് ഈ പട്ടിണിപാവങ്ങള്‍. ഒരു ദിവസം പോലും പട്ടിണി എന്താണെന്ന് ഇന്നവരറിയുന്നില്ല. ഇതില്‍ ജാതിമതഭേദമേന്യ എല്ലാവരുമുണ്ട്. ഡോണ്‍ബോസ്‌കോ സലേഷ്യന്‍ (എസ്ഡിബി)സഭയിലെ വൈദികരുടെ നേതൃത്വത്തിലുള്ള പള്ളിത്തോട്ടം കനാല്‍റോഡിലെ ഫിഷര്‍മെന്‍ കമ്യൂണിറ്റി ഡവലപ്‌മെന്‍റ് പ്രോഗ്രാം ആന്‍ഡ് തീരദേശ മഹിളാ സൊസൈറ്റിയുടെ കീഴിലാണ് വിശപ്പിനുവിട എന്ന പദ്ധതി നടപ്പിലാക്കിവരുന്നത്. എനിക്കു വിശന്നു നിങ്ങള്‍ എനിക്കു ഭക്ഷിക്കാന്‍ തന്നുവെന്ന ഒറ്റ വചനം മാത്രമായിരുന്നു ഈ പ്രസ്ഥാനത്തിനു വിത്തിടുമ്പോള്‍ ഇവരുടെ മനസിലുണ്ടായിരുന്നത്. നൂറുക്കണക്കിനു വയറുകളെ തീറ്റിപ്പോറ്റാന്‍ കഴിഞ്ഞില്ലെങ്കിലും ഒരാളെങ്കിലും പട്ടിണിയില്ലാതെ കിടക്കുന്നതുകാണാനുള്ള കൊതിയായിരുന്നു ഇതിനുപിന്നില്‍. ഒമ്പതുവര്‍ഷംമുമ്പു ഫാ. ജോബി സെബാസ്റ്റ്യന്‍റെ കാലത്താണ് വിശപ്പിനുവിട എന്ന പദ്ധതി ആരംഭിക്കുന്നത്. ഇന്നു ഫാ. സജി ഇളമ്പാശേരില്‍ എസ്ഡിബി ഡയറക്ടറായി മുന്നോട്ടു കൊണ്ടുപോകുന്ന പദ്ധതിയിലൂടെ 150 ഓളം വീടുകളിലെ ആരുമില്ലാത്ത വയോജനങ്ങള്‍, രോഗികള്‍, തളര്‍ന്നുകിടക്കുന്നവര്‍, മക്കള്‍ ഉപേക്ഷിച്ച മാതാപിതാക്കള്‍ തുടങ്ങിയവരെ കണ്ടെത്തി പൊതിച്ചോറു നേരിട്ടെത്തിക്കുന്നു. ചോറുമാത്രമല്ല, വിശേഷദിവസങ്ങളില്‍ ബിരിയാണി, പായസം, പഴവര്‍ഗങ്ങള്‍, സ്‌പെഷല്‍ ഭക്ഷണങ്ങളെല്ലാം ഇവരുടെ മുന്നിലെത്തിക്കും. പുതിയ ഡ്രസും മരുന്നുമെല്ലാം ഇവരുടെ ആവശ്യത്തിനെത്തിക്കാനും ഇവര്‍ മടിക്കാറില്ല. ഇരവിപുരം മുതല്‍ തങ്കശേരിയും പ്രാന്തപ്രദേശങ്ങളിലുമാണ് ഭക്ഷണ പാക്കറ്റുകള്‍ വിതരണംചെയ്യുന്നത്. വീട്ടമ്മമാരുടെ ഒരു സംഘം തന്നെയുണ്ട് ഇതിനു പിന്നില്‍. വെളുപ്പിനെ നാലിനു കമ്യൂണിറ്റി കിച്ചന്‍ ആരംഭിക്കും. രാവിലെ ഒമ്പരയ്ക്കുമുന്നേ എല്ലാം റെഡിയാകും.11.30നു തുടങ്ങി ഉച്ചക്ക് ഒന്നിനു വിതരണം പൂര്‍ത്തിയാക്കും. ചോറ്, ഇറച്ചി അല്ലെങ്കില്‍ മീന്‍, തോരന്‍, അച്ചാറ്, ഒഴിച്ചുകറി ( രസം അല്ലെങ്കില്‍ മോര്), അവിയല്‍, കപ്പ തുടങ്ങിയെല്ലാം ഇതിലുണ്ടാകും. ഓരോ ദിവസവും മെനുമാറുന്നുണ്ട്. ഫിഷര്‍മെന്‍ കമ്യൂണിറ്റി ഡവലപ്‌മെന്‍റ് പ്രോഗ്രാം ചെയര്‍പേഴ്‌സണ്‍ ആഗ്നസ് ജോണും തീരദേശ മഹിളാ സൊസൈറ്റിയുടെ പ്രസിഡന്‍റ് ലെറ്റിഷ്യാ മാര്‍ട്ടിനുമാണ്. എന്നാല്‍ വിശപ്പിനു വിടയുടെ കോര്‍ഡിനേറ്റര്‍ മിനി മേരി, പ്രോഗ്രാം മാനേജര്‍ ഗ്രേറ്റ രാജു, കമ്യൂണിറ്റി കിച്ചന്‍റെ സൂപ്പര്‍വൈസര്‍ സിന്ധുജറാള്‍ഡ്, സെലിന്‍ ജ്ഞാനപ്രകാശ്, റാണി അലക്‌സാണ്ടര്‍, സീമ ആന്‍റണി തുടങ്ങിയവരുടെ കഠിനാധ്വാനമാണ് ഈ പൊതിച്ചോറിനുപിന്നിലുള്ളത്. എല്ലാ ഭവനത്തിലും നേരിട്ടെത്തിക്കാന്‍ ദിവസവും 35 ലധികം കിലോമീറ്റര്‍ ഓട്ടോറിക്ഷ ഓടിക്കുന്നതു സെല്‍വറാണി എന്ന പ്രവര്‍ത്തകയാണ്. അര്‍ഹതപ്പെട്ടവരില്‍ പൊതിച്ചോറ് എത്തുന്നുവെന്നതാണ് വിശപ്പിനു വിട എന്ന പദ്ധതിയുടെ പ്രത്യേകത. പൊതിച്ചോറുനല്‍കണമെന്ന ഒരു ശിപാര്‍ശ വന്നാല്‍ ഇതുപരിശോധിക്കാന്‍ ഒരു സംഘം തന്നെയുണ്ട്. ഇവര്‍ പ്രാദേശിക സംഘങ്ങളുമായി ബന്ധപ്പെട്ടു പരിശോധിച്ചശേഷം മാത്രമേ അര്‍ഹതപ്പെട്ടവര്‍ക്കു നല്കാറുള്ളൂ.ഒരു വര്‍ഷത്തേക്കാണ് ഈ പദ്ധതി ആരംഭിച്ചത്. എന്നാല്‍ ഒമ്പതുവര്‍ഷമായിട്ടും നിന്നുപോകാതെ ഇതിനെ പരിപാലിക്കുന്നതു നാട്ടുകാരായ സ്പോൺസർമാരാണ്. ഒന്നുമില്ലായ്മയിൽ നിന്നും സഹായം ചെയ്യുന്നവരുമുണ്ട്. കൊല്ലത്തുതന്നെയുള്ള കുറച്ചാളുകള്‍ ഈ പദ്ധതിക്കുവേണ്ടി സഹായം ചെയ്യുന്നതുകൊണ്ടാണ് നിന്നുപോകാത്തത്. ജന്മദിനങ്ങള്‍, വിവാഹവാര്‍ഷികം, ചരമവാര്‍ഷികം ഇത്തരം ദിവസങ്ങളിലും സഹായം എത്തിക്കുന്നുണ്ട്. പാചകംതയാറാക്കാന്‍ വിറക്, പൊതിചോറ് കെട്ടാന്‍ പത്രക്കടലാസ് തുടങ്ങിയവയെല്ലാം ഈ നാട്ടുകാര്‍ നല്കിവരുന്നു. നമ്മുടെ തീരദേശപ്രദേശങ്ങളില്‍ രോഗികളായവരും ആരും നോക്കാനില്ലാത്തവരുമായ ധാരാളം പേരുണ്ട്. കൂടുതല്‍ പേരിലേക്കു പൊതിച്ചോറെത്തിക്കാനുള്ള പരിശ്രമത്തിലാണ് ഈ പദ്ധതിയെന്നും ഫാ. സജി ഇളമ്പാശേരില്‍ പറയുന്നു.

ഓണത്തിരക്കിൽ നഗരം

കൊല്ലം: തിരുവോണത്തിനു മൂന്നു ദിവസം മാത്രം ബാക്കി നിൽക്കെ, കൊല്ലം ഓണാഘോഷത്തിന്‍റെ തിരക്കിൽ. അത്തപ്പൂക്കളം ഒരുക്കാനും സദ്യ ഒരുക്കാനും പുതുവസ്ത്രങ്ങൾ വാങ്ങാനും സാധനങ്ങൾ വാങ്ങുവാനുമൊക്കെയായി ആളുകൾ ഇറങ്ങുന്നതിനാൽ നഗര റോഡുകളിൽ ഗതാഗതക്കുരുക്ക് രൂക്ഷമായി. ഓണത്തിന് തൊട്ടുമുൻപുള്ള അവധി ദിവസമായ ഞായറാഴ്ച മുതൽ നഗരത്തിലേക്കുള്ള എല്ലാ റോഡുകളിലും വാഹനങ്ങൾ ഗതാഗത കുരുക്കിൽ കുടുങ്ങി കിടക്കുകയാണ്. മെയിൻ റോഡുകളിൽ ഗതാഗതക്കുരുക്ക് പ്രതീക്ഷിച്ച് അത് ഒഴിവാക്കിയവർ സൈഡ് റോഡുകളിൽ കുടുങ്ങി. ചെറിയ ദൂരം സഞ്ചരിക്കാൻ പോലും ആളുകൾ മണിക്കൂറുകളോളം വാഹനങ്ങളിൽ ചെലവഴിക്കേണ്ടി വന്നു. ഷോപ്പിംഗിനായി നഗരത്തിലേക്ക് വരുന്നവരുടെ വാഹനങ്ങൾ റോഡരികിൽ പാർക്ക് ചെയ്യുന്നതിനാലാണ് കൂടുതൽ ഗതാഗതക്കുരുക്ക് ഉണ്ടാകുന്നത്.ഓണത്തിനു തിരക്കാണെങ്കിലും മാവേലിമാരുടെ സാന്നിധ്യമില്ലാത്ത നാടായി കൊല്ലം മാറുന്നു. അപൂർവമായി മാത്രമാണ് മാവേലിയെ നഗരത്തിൽ കാണാൻ സാധിക്കുന്നുള്ളൂ. എന്നാൽ ഓണത്തിന്‍റെ പകിട്ടൊന്നും കുറയാതെ നഗരം തിരക്കിലേക്കും ആഘോഷത്തിലേക്കും കടന്നിട്ടുണ്ട്. സ്ഥാപനങ്ങളിലെ ഓണാഘോഷത്തിന്‍റെ ചൂടാണ് ഇപ്പോൾഅരങ്ങേറുന്നത്. സർക്കാരിന്‍റെ വിവിധ വകുപ്പുകളിലും അർധസർക്കാർ, സ്വകാര്യസ്ഥാപനങ്ങളിലും ജീവനക്കാർ ഓണാഘോഷത്തിലാണ്. ഓണവേഷത്തിലാണ് ഭൂരിപക്ഷവും നഗരത്തിലേക്ക് ഇറങ്ങുന്നത്.കൊല്ലത്തെ ഓണം ആഘോഷമാക്കാൻ ആശ്രാമമൈതാനിയിൽ നിരവധി പരിപാടികളാണ് തയാറാക്കിയിരിക്കുന്നത്. ഓണമേളകളും ഓണചന്തകളും മാത്രമല്ല, അമ്യൂസ്മെന്‍റ് പാർക്കിനെ പോലും വെല്ലുന്ന പരിപാടികളുമായി ജമിനി സർക്കസും അഭ്ഭുതജലപ്രളയം തീർക്കുന്ന വണ്ടർഫാൾസും കലാനിലയത്തിന്‍റെ രക്തരക്ഷസും ആളുകളെ അഭ്ഭുതപ്പെടുത്തുകയാണ്. നിരവധി സ്ഥാപനങ്ങൾ വമ്പൻ ഓഫറുകളുമായിട്ടാണ് സ്ഥാപനങ്ങളിലേക്ക് ആളുകളെ ക്ഷണിക്കുന്നത്. രാപകൽ സെയിൽസുമായി ഡിമോസ് ഫർണീച്ചറുകളെ പോലുള്ള സ്ഥാപനങ്ങളും ആളുകളെ കൂടുതൽ ആകർഷിക്കുകയാണ്. ഗതാഗതക്കുരുക്ക് അഴിക്കുമോ ഓണക്കാലത്തെ നഗരത്തിലെ ഗതാഗതക്കുരുക്ക് അഴിക്കാൻ പരിഹാര നടപടികളുമായി പോലീസ് നിർദേശിക്കുന്ന പദ്ധതികൾ പൂർണമായും വിജയിക്കുമോ. സ്കൂളുകൾ ഇന്നലെ അടച്ചതോടെ സ്കൂൾ മൈതാനങ്ങൾ അടക്കം ഉപയോഗിച്ചാണു പോലീസ് പുതിയ പാർക്കിംഗ് സ്ഥലങ്ങൾ പ്രഖ്യാപിച്ചത്. നഗരത്തിലേക്കു വരുന്ന വാഹനങ്ങൾക്കു പാർക്ക് ചെയ്യാൻ ആവശ്യമായ ഇടങ്ങളില്ലാത്തതാണ് ഗതാഗതക്കുരുക്കുകൾക്കു പ്രധാന കാരണം. റോഡിലും നോ പാർക്കിംഗ് ബോർഡുകൾ വച്ച ഇടങ്ങളിലും വാഹനങ്ങൾ നിർത്തുന്നതു നഗരത്തിലെ സ്ഥിരം കാഴ്ചയായിരുന്നു. സെന്‍റ് ജോസഫ് സ്കൂൾ ഗ്രൗണ്ട്, ആശ്രാമം എ വൈ കെ ഓഡിറ്റോറിയം ഗ്രൗണ്ട്, ആണ്ടാമുക്കം കോർപറേഷൻ ഗ്രൗണ്ട്, ബീച്ച് റോഡിലെ പിഡബ്ല്യുഡി ഓഫിസ് ഗ്രൗണ്ട് എന്നീ ഇടങ്ങളിലാണ് ഓണക്കാലത്തു പൊതുജനങ്ങൾക്കു പാർക്കിംഗ് സൗകര്യം ഏർപ്പെടുത്തിയത്. താലൂക്ക് കച്ചേരി ജംഗ്ഷനിൽ പേ പാർക്കിംഗ് സൗകര്യവും ഒരുക്കിയിട്ടുണ്ട്.

ബൈക്ക് നിയന്ത്രണം തെറ്റി ബസിനടിയിൽപെട്ട് യുവാവ് മരിച്ചു

കൊട്ടിയം: ബൈക്ക് നിയന്ത്രണം തെറ്റി ബസിന് അടിയിലേക്ക് വീണ് യുവാവ് മരിച്ചു. ചാത്തന്നൂർ സിജോ ഭവനിൽ ചാക്കോച്ചന്‍റെ മകൻ സിജോ ചാക്കോ(32) ആണ് മരിച്ചത്. ഇന്നലെ വൈകിട്ട് ആറിന് കൊട്ടിയം സിതാര ജംഗ്ഷനും കൊട്ടിയത്തിനും ഇടയിൽസർവീസ് റോഡിലായിരുന്നു അപകടം. ദേശീയ പാതയുടെ ഉയരപ്പാതയ്ക്കായി സ്ഥാപിച്ച കോൺക്രീറ്റ് ചുവരിൽ ബൈക്കിന്‍റെ ഹാൻഡിൽ തട്ടി നിയന്ത്രണം തെറ്റി ബസിന് അടിയിലേക്കു വീഴുകയായിരുന്നു എന്നാണ് പൊലീസ് പറഞ്ഞത്. ഉടൻ കൊട്ടിയത്തെ സ്വകാര്യ ആശുപത്രിയിൽ പ്രവേശിപ്പിച്ചു. ചികിത്സയിലിരിക്കെ രാത്രി എട്ടിന് മരിച്ചു. ഇയാൾ ചാത്തന്നൂരിലെ യൂനിവേഴ്സൽ എന്ന സ്ഥാപനത്തിലെ അധ്യാപകനാണ്. മാതാവ് : കെ. ഷീല ചാക്കോ. സഹോദരി: സിജി ചാക്കോ.

ആഗോള അയ്യപ്പ സംഗമം വോട്ട് ബാങ്കിനെ സ്വാധീനിക്കാൻ: പ്രേമചന്ദ്രൻ എംപി

കൊല്ലം: സര്‍ക്കാരിന്‍റെ നേതൃത്വത്തില്‍ സംഘടിപ്പിക്കുന്ന ആഗോള അയ്യപ്പ സംഗമം, വോട്ട് ബാങ്കിനെ സ്വാധീനിക്കാനുള്ളഅടവുനയം മാത്രമാണെന്ന് എന്‍.കെ. പ്രേമചന്ദ്രന്‍ എംപി പ്രസ്താവനയിൽ പറഞ്ഞു. ഒന്പതു വര്‍ഷം ആചാരങ്ങളേയും അനുഷ്ഠാനങ്ങളെയും ലംഘിക്കുന്നതിനും ശബരിമല ശ്രീധര്‍മശാസ്താ ക്ഷേത്രത്തിന്‍റെ പവിത്രതയും വിശ്വാസ്യതയും തകര്‍ക്കുന്നതിന് നേരിട്ട് നേതൃത്വം നല്‍കിയ സര്‍ക്കാരാണിത്. ഭരണത്തിന്‍റെ അവസാന നാളുകളില്‍ ശബരിമല ക്ഷേത്രസംരക്ഷകരായി മാറുന്നത് വിരോധാഭാസമാണ്. ഇരുട്ടിന്‍റെ മറവില്‍ പോലീസിന്‍റെ നേതൃത്വത്തില്‍ അവിശ്വാസികളെ സന്നിധാനത്തെത്തിക്കുവാന്‍ സര്‍ക്കാര്‍ നടത്തിയ നാടകങ്ങള്‍ കേരളം മറന്നിട്ടില്ല. ആചാരങ്ങളും അനുഷ്ഠാനങ്ങളും തള്ളിപ്പറഞ്ഞ് സുപ്രീം കോടതിയില്‍ സത്യവാങ്മൂലം നല്‍കുകയും ചെയ്തു. യാതൊരു പരസ്യവും പ്രചരണവും കൂടാതെ തന്നെ ആഗോളതലത്തില്‍ അയ്യപ്പ ഭക്തന്മാര്‍ ദര്‍ശനത്തിനായി എത്തിച്ചേരുന്ന പരിപാവനമായ തീര്‍ത്ഥാടന കേന്ദ്രമാണ് ശബരിമല. അയ്യപ്പനോടും ശബരിമലയോടുമുള്ള വിശ്വാസമാണോ അതോ ജനങ്ങളുടെ വിശ്വാസത്തെ വാണിജ്യവത്കരിച്ച് പണം നേടുവാനുള്ള വ്യഗ്രതയാണോ ആഗോള അയ്യപ്പ സംഗമത്തിന് പിന്നിലെന്ന് സര്‍ക്കാര്‍ വ്യക്തമാക്കണമെന്നും പ്രേമചന്ദ്രൻ ആവശ്യപ്പെട്ടു. ഭക്തന്മാരെ സമ്പത്തിന്‍റെയും നല്‍കുന്ന സംഭാവനയുടെയും അടിസ്ഥാനത്തില്‍ തട്ടുകളായി തിരിച്ച് വിശ്വാസത്തെ വില്‍പന ചരക്കാക്കുന്ന ഗൂഢമായ ലക്ഷ്യമാണ് സംഗമത്തിന് പിന്നില്‍. കേരളീയം മാതൃകയില്‍ ലക്ഷങ്ങളും കോടികളും സമ്പന്നരായ ഭക്തന്മാരില്‍ നിന്നും ചൂഷണം ചെയ്യുന്നതിനാണ് സര്‍ക്കാര്‍ ലക്ഷ്യം വയ്ക്കുന്നത്. ശബരിമലയോടും ആചാരങ്ങളോടും വിശ്വാസങ്ങളോടും സര്‍ക്കാര്‍ യോജിക്കുന്നുണ്ടെങ്കില്‍ ആദ്യം ചെയ്യേണ്ടത് വിശ്വാസികള്‍ക്കെതിരെ സര്‍ക്കാര്‍ രജിസ്റ്റര്‍ ചെയ്തിട്ടുള്ള കേസുകള്‍ പിന്‍വലിക്കുകയാണ്. വിശ്വാസികളെ തുറങ്കിലടച്ച സര്‍ക്കാര്‍ വിശ്വാസ സംരക്ഷകരായി മാറുന്നതിന് പിന്നിലെ ഗൂഢമായ രാഷ്ട്രീയലക്ഷ്യത്തെ കേരളജനതയും വിശ്വാസികളും തിരിച്ചറിയുമെന്നും എന്‍.കെ. പ്രേമചന്ദ്രന്‍ എംപി പറഞ്ഞു.

വടംവലിച്ച് വൈസ് ചാൻസലർ...

കൊല്ലം: കേരളത്തിൽ വൈസ് ചാൻസലർമാരും സർവകലാശാലകളും ഏറെക്കാലമായി വിവാദചർച്ചകളിൽ നിറഞ്ഞുനിൽക്കുന്നത് തുടരുമ്പോൾ ഇവിടെയൊരു വൈസ് ചാൻസലർ പഠിതാക്കൾക്കൊപ്പം വടം വലിച്ച് താരമായി മാറിയിരിക്കുന്നു. ശ്രീനാരായണ ഗുരു ഓപ്പൺ സർവകലാശാലയുടെ വൈസ് ചാൻസലർ ഡോ.വി.പി.ജഗതീരാജാണ് യൂണിവേഴ്സിറ്റിയിലെ പഠിതാക്കൾക്കൊപ്പം ഓണാഘോഷ വടംവലിയിൽ പങ്കാളിയായത്. ഫാത്തിമ മാത നാഷണൽ കോളജിൽ വെച്ചായിരുന്നു ശ്രീനാരായണ ഗുരു ഓപ്പൺ സർവകലാശാലയുടെ ഓണാഘോഷ പരിപാടികൾ നടന്നത്. യൂണിവേഴ്സിറ്റിയുടെ 2023 ജൂലൈ ബാച്ച് മലയാളം, ഹിസ്റ്ററി, സോഷ്യോളജി ബാച്ചുകളാണ് ഇന്നലെ സംയുക്തമായി ഓണാഘോഷ പരിപാടി സംഘടിപ്പിച്ചത്. ഓണപ്പൂക്കളം, മിഠായി പെറുക്കൽ, സ്പൂണിൽ നാരങ്ങാ വച്ചുള്ള ഓട്ടം, കസേരകളിയടക്കം മത്സരങ്ങൾ ഉച്ചയോടെ പൂർത്തിയാക്കി, ഓണസദ്യയിൽക്കൂടി പങ്കെടുക്കാനായിട്ടാണ് ഉച്ചയോടെ വൈസ് ചാൻസലർ എത്തിയത്. സദ്യയ്ക്ക് ശേഷം, ഓണ സന്ദേശം നൽകി രാവിലെ നടന്ന മത്സര വിജയികൾക്കുള്ള സമ്മാനങ്ങളും അദ്ദേഹം വിതരണം ചെയ്തു. പിന്നീട് വടംവലി മത്സരമാണ് നടക്കാൻ പോകുന്നതെന്ന് അറിഞ്ഞ വി സി വടത്തിൽ ഓടിയെത്തി പിടിമുറുക്കുകയായിരുന്നു. ഒരു വശത്ത് പഠിതാക്കളുടെ ഒരു ടീം മാത്രം നിരന്നപ്പോൾ, മറുവശത്ത് വൈസ് ചാൻസലറും കുറേ പഠിതാക്കളും ആണ് ബലാബലം പരീക്ഷിച്ചത്. മത്സരം പൂർത്തിയാക്കും മുന്പേ ഡോ.വി.പി.ജഗതീരാജ് മടങ്ങുകയും ചെയ്തു.

അഞ്ചല്‍ പട്ടണം തെരുവുനായ ഭീഷണിയിൽ

അഞ്ചല്‍ : രാവെന്നോ പകലെന്നോ ഇല്ലാതെ തെരുവ് നായ ശല്യത്താല്‍ പൊറുതിമുട്ടിയിരിക്കുകയാണ് അഞ്ചലിലും പരിസര പ്രദേശങ്ങളിലുമുള്ളവര്‍. അഞ്ചല്‍ പട്ടണത്തില്‍ പോലും വലിയ കൂട്ടമായി എത്തുന്ന തെരുവ് നായകള്‍ ഉയര്‍ത്തുന്നത് വലിയ ഭീഷണി. കാല്‍നട, ഇരുചക്ര യാത്രികരും വിദ്യാര്‍ഥികളും തെരുവുനായ ശല്യംമൂലം അനുഭവിക്കുന്ന ദുരിതം ചെറുതല്ല. ഓടിക്കൊണ്ടിരിക്കുന്ന ഇരുചക്ര വാഹനത്തിന് പിറകെ ഓടുന്ന നായകള്‍ അതില്‍ നിന്നും യാത്രക്കാരെ തള്ളിയിട്ട് കടിക്കുന്നു. സൈക്കിള്‍ ചവിട്ടി എത്തിയ സ്കൂള്‍ വിദ്യാര്‍ഥിയെ കൂട്ടമായി എത്തിയ നായകള്‍ ആക്രമിക്കാന്‍ ഓടിച്ചുവെങ്കിലും തലനാരിഴയ്ക്ക് രക്ഷപ്പെട്ട സിസിടിവി ദൃശ്യങ്ങള്‍ സോഷ്യല്‍ മീഡിയകളില്‍ പ്രചരിക്കുകയാണ്. അഞ്ചലില്‍ കുടുംബം സഞ്ചരിച്ചിരുന്ന ബൈക്കിനു പിന്നാലെ ഓടിയ നായകളെ കണ്ടു നിയന്ത്രണംവിട്ട ബൈക്ക് മറിഞ്ഞ് കുട്ടിയടക്കം മൂന്നുപേര്‍ക്കാണ് പരിക്കേറ്റത്. ആശുപത്രിയിലേക്ക് എത്തിയ വയോധികനും വീട്ടമ്മയ്ക്കും നായയുടെ ആക്രമണത്തില്‍ പരിക്കേറ്റിരുന്നു.അലയമണ്‍ പഞ്ചായത്തില്‍ കഴിഞ്ഞ മൂന്നു മാസങ്ങള്‍ക്കിടെ നിരവധിയാളുകള്‍ക്ക് തെരുവുനായ ആക്രമണത്തില്‍ പരിക്കേറ്റു. വയോധികയ്ക്ക് മുഖത്തടക്കം ഗുരുതരമായി പരിക്കേറ്റിരുന്നു. ഇതോടെ അലഞ്ഞു തിരിഞ്ഞു നടക്കുന്ന നായകളെ പിടികൂടി വാക്സിനേഷന്‍ എടുക്കാനുള്ള നടപടികള്‍ സ്വീകരിച്ചിരുന്നു. പക്ഷേ അനുദിനം വര്‍ധിക്കുന്ന തെരുവുനായകളെ അമര്‍ച്ച ചെയ്യാനുള്ള നടപടികള്‍ മാത്രം എങ്ങും എത്തിയിട്ടില്ല. അഞ്ചലില്‍ ആശുപത്രി, സ്കൂളുകള്‍, മാര്‍ക്കറ്റ് , ബസ് കാത്തിരിപ്പ് കേന്ദ്രം ഉള്‍പ്പെടെ ആളുകള്‍ കൂടുന്ന ഇടങ്ങളിലെല്ലാം നായ ശല്യംകൂടുകയാണ്. ഇഎസ്ഐ ആശുപത്രിക്കുള്ളില്‍ വരെ നായകള്‍ തമ്പടിച്ചിരിക്കുകയാണ്. പരാതികള്‍ പെരുകുമ്പോഴും പേരിനുവേണ്ടിയുള്ള നടപടികള്‍ സ്വീകരിക്കാന്‍ പോലും അഞ്ചല്‍ പഞ്ചായത്ത് അധികൃതര്‍ തയാറായിട്ടില്ല. തെരുവുനായ ആക്രമണത്തില്‍ വളര്‍ത്തുമൃഗങ്ങള്‍ അടക്കം ജീവനോപാധികള്‍ നഷ്ടമായവരുടെ എണ്ണവും കുറവല്ല. വന്ധ്യംകരണ നടപടികള്‍ ഇല്ലാത്തതും രാത്രി കാലങ്ങളില്‍ ആളൊഴിഞ്ഞ മേഖലകളും വനമേഖലകളും കേന്ദ്രീകരിച്ചു മറ്റിടങ്ങളില്‍ നിന്നും നായകളെ ഉപേക്ഷിക്കുന്നതുമാണ് ഇത്രയധികം നായകള്‍ ഉണ്ടാകാന്‍ കാരണമെന്ന് നാട്ടുകാര്‍ ആരോപിക്കുന്നു. നിയമനടപടികള്‍ പേടിച്ച് നാട്ടുകാര്‍ പോലും നായകള്‍ക്കെതിരെ ഒന്നും ചെയ്യാന്‍ കൂട്ടാക്കാറുമില്ല. അക്രമകാരികളായ നായകളെ പിടികൂടി ഷെല്‍ട്ടറുകളിലേക്ക് മാറ്റിയില്ലെ്ലങ്കില്‍ വലിയ ദുരന്തങ്ങള്‍ക്ക് വഴിയൊരുക്കുമെന്ന മുന്നറിയിപ്പും നാട്ടുകാര്‍ നല്‍കുന്നു.

തഴവയിൽ സാമൂഹ്യ വിരുദ്ധർ വീടുകൾ അടിച്ചു തകർത്തു

കരുനാഗപ്പള്ളി: തഴവ കുറ്റിപ്പുറം ജംഗ്ഷനു സമീപം കഴിഞ്ഞ ദിവസം രാത്രിയിൽ 15 അംഗ സംഘം മാരകായുധങ്ങളുമായെത്തി വീടുകൾ അടിച്ചു തകർത്തു. ഏഴു വീടുകളിലാണ് അക്രമം നടത്തിയത്.ഒരു വീട് പൂർണമായും മറ്റുള്ളവ ഭാഗികമായും തകർത്തു. വീട്ടിലുണ്ടായിരുന്ന രണ്ടുപേർക്ക് പരിക്കേറ്റു. ഇവർ താലൂക്ക് ഹോസ്പിറ്റലിൽ ചികിത്സ തേടി.സംഘം മാരകായുധങ്ങൾ ഉപയോഗിച്ച് അക്രമം നടത്തുകയായിരുന്നുവെന്ന് വീട്ടുകാർ പറയുന്നു. സുനന്ദ, മാളു എന്നിവരാണ് അക്രമികളുടെ മർദനത്തിൽ പരുക്കേറ്റ്ആശുപത്രിയിൽ കഴിയുന്നത് . ഇവരുടെ വീട്ടിലെ ഫ്രിഡ്ജ്, ടിവി, ഗൃഹോപകരണങ്ങൾ ജനൽ, കതക് ,അലമാര ഉൾപ്പെടെ എല്ലാം നശിപ്പിച്ചു.രണ്ട് ലക്ഷം രൂപയോളം നഷ്ടം സംഭവിച്ചതായി കണക്കാക്കുന്നു. രാഹുൽ നിവാസിൽ രാധാകൃഷ്ണപിള്ളയുടെ മുറ്റത്തു കിടന്ന കാറാണ് തകർത്തത്. മദ്യ, മയക്കുമരുന്ന് മാഫിയ സംഘങ്ങളാണ് അക്രമത്തിന്ന് പിന്നിലെന്ന് സമീപവാസികൾ പറയുന്നു. കുറച്ചു ദിവസങ്ങൾക്ക് മുന്പ് അക്രമികൾ തമ്മിൽ അടി പിടിയുണ്ടായിട്ടുണ്ട്. അതിന്‍റെ ഭാഗമായിട്ടായിരിക്കാം കൂടുതൽ അക്രമങ്ങൾ ഉണ്ടായിരിക്കുന്നത്. കരുനാഗപ്പള്ളി എ എസ്പി യുടെ നേതൃത്വത്തിലുള്ള പോലീസ് സംഘം സ്ഥലത്തെത്തി അന്വേഷണം ആരംഭിച്ചിട്ടുണ്ട്.

എംഡിഎംഎയുമായി യുവാവ് അറസ്റ്റിൽ

കൊല്ലം: ഓണത്തോടനുബന്ധിച്ച് പോലീസ് നടത്തിയ പരിശോധനയിൽ 54 ഗ്രാം എംഡിഎംഎയുമായി യുവാവ് പിടിയിൽ. ആദിനാട് പുന്നക്കുളം ഷീജാ മൻസിലിൽ മുഹമ്മദ് റാഫി(25) ആണ് കരുനാഗപ്പള്ളി പോലീസിന്‍റെ പിടിയിലായത്. കൊല്ലം സിറ്റി പോലീസ് മേധാവി കിരൺ നാരായണന് ലഭിച്ച രഹസ്യ വിവരത്തിന്‍റെ അടിസ്ഥാനത്തിൽ കരുനാഗപ്പള്ളി എഎസ്പി അഞ്ജലി ഭാവനയുടെ മേൽനോട്ടത്തിലുള്ള ഡാൻസാഫ് സംഘവും കരുനാഗപ്പള്ളി പോലീസും സംയുക്തമായി നടത്തിയ പരിശോധനയിലാണ് ഇയാളെ പിടികൂടാനായത്. പരിശോധനയിൽ വിൽപ്പനയ്ക്കായി കാറിൽ കൊണ്ടുവന്ന 54 ഗ്രാം എംഡിഎംഎ കണ്ടെടുക്കുകയായിരുന്നു. മയക്ക് മരുന്ന് ഓണാഘോഷത്തിന് വിൽപ്പനയ്ക്കായി എത്തിച്ചതാണെന്ന് പ്രതി സമ്മതിച്ചിട്ടുണ്ട്. കരുനാഗപ്പള്ളി പോലീസ് എസ്എച്ച്ഒ ബിജു, എസ്ഐ അനിൽകുമാർ , എഎസ്ഐ സീമ, സിപിഒ സജീർ എന്നിവരോടൊപ്പം ഡാൻസാഫ് എസ്ഐ അനീഷിന്‍റെ നേതൃത്വത്തിലുള്ള സംഘവും സംയുക്തമായാണ് പ്രതിയെ പിടികൂടിയത്. ഓണാഘോഷങ്ങളുമായി ബന്ധപ്പെട്ട് മയക്ക് മരുന്ന് വ്യാപാരം തടയുന്നതിന് വരും ദിവസങ്ങളിലും കൂടുതൽ ശക്തമായ പരിശോധനകൾ ഉണ്ടാകുമെന്ന് ജില്ലാ പോലീസ് മേധാവി അറിയിച്ചു.

മാതാവിനെ വെട്ടിപ്പരിക്കേൽപ്പിച്ച മകൻ റിമാൻഡിൽ

കൊല്ലം: മദ്യപാനം ചോദ്യം ചെയ്തതിനെ തുടർന്ന് വയോധികയായ മാതാവിനെ വാക്കത്തികൊണ്ട് വെട്ടി പരിക്കേൽപ്പിച്ച മകനെ അറസ്റ്റ് ചെയ്തു. ശൂരനാട് വടക്ക് വലിയവിള വീട്ടിൽ പൊന്നമ്മയെ (82)യാണ് മകൻ പൊന്നൂസ് പാപ്പച്ചൻ (63) ആക്രമിച്ചത്. കഴിഞ്ഞ ദിവസം വൈകുന്നേരം 5.30ഓടെയാണ് സംഭവം. പൊന്നമ്മ തന്‍ റെഅനുജത്തിയുമായി വീടിന്‍റെ സിറ്റൗട്ടിൽ സംസാരിച്ചിരിക്കുകയായിരുന്നു. ഈ സമയം വീട്ടിലെത്തിയ മകൻ അമ്മയോട് വീട്ടിൽ നിന്ന് ഇറങ്ങിപ്പോകണമെന്ന് ആവശ്യപ്പെട്ട് തർക്കമുണ്ടാക്കി. മദ്യപാനം ചോദ്യം ചെയ്തതിലുള്ള ദേഷ്യമാണ് ഇതിനുള്ള കാരണം. തുടർന്ന് കൈയിൽ കരുതിയിരുന്ന വാക്കത്തി ഉപയോഗിച്ച് കൊന്നു കളയുമെന്ന് ആക്രോശിച്ചുകൊണ്ട് കഴുത്തിന് വെട്ടുകയായിരുന്നു. ഒഴിഞ്ഞുമാറിയതു കൊണ്ടാണ് ഗുരുതരമായ പരുക്കുകൾ ഇല്ലാതെ പൊന്നമ്മ രക്ഷപ്പെട്ടത്. വിവരമറിഞ്ഞെത്തിയ ശൂരനാട് എസ്എച്ച്ഒ ജോസഫ് ലിയോൺ, എസ്ഐ മാരായ ദീപു പിള്ള, ബിൻസ് രാജ്, ഗോപൻ, സതീശൻ എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ കോടതിയിൽ ഹാജരാക്കി റിമാന്‍ഡ് ചെയ്തു.

തൊഴിൽ ലഭ്യമാക്കൽ: 1500 മെട്രിക് ‌ടൺ തോട്ടണ്ടി സംഭരിച്ചു

കൊല്ലം: അടുത്തഓണം വരെ തൊഴിൽ ലാഭ്യമാക്കാൻ കഴിയുന്നവിധത്തിൽ 15,000 മെട്രിക് ടൺ തോട്ടണ്ടി കശുവണ്ടി വികസന കോർപറേഷൻ സംഭരിച്ചുവെന്നു ചെയർമാൻ ജയമോഹൻ പത്രസമ്മേളനത്തിൽ അറിയിച്ചു. തൊഴിലാളികളുടെ മിനിമം വേതനം 23 ശതമാനം വരെ വർധിപ്പിച്ചു. ഇത്തവണ 11000 രൂപയാണ് ബോണസ് അഡ്വാൻസായി നൽകുന്നത്. കഴിഞ്ഞ വർഷത്തെക്കാൾ 500 രൂപയുടെ വർധനയുണ്ട്. തുടർച്ചയായി 500രൂപ വർധിപ്പിച്ചാണ് 2023 മുതൽ നൽകി വരുന്നത്. സംസ്ഥാനത്തെ പൂട്ടിക്കിടക്കുന്ന കശുവണ്ടി ഫാക്ടറികളിലെ തൊഴിലാളികൾക്കു 2250 രൂപ വീതം എക്സ്ഗ്രേഷ്യേ ലഭിക്കും. ഇത്തവണ 250 രൂപയാണ് വർധിപ്പിച്ചത്. 425 ഫാക്ടറികളിലെ 13,835 തൊഴിലാളികൾക്കാണ് ആനുകൂല്യം ലഭിക്കുന്നതെന്ന് അദ്ദേഹം പറഞ്ഞു.

ചവറ ബസ്് സ്റ്റാന്‍ഡ് റോഡ് സഞ്ചാരയോഗ്യമാക്കി

ചവറ : സഞ്ചാരയോഗ്യമല്ലാതെ തകര്‍ന്ന പഞ്ചായത്തിലെ ചവറ ബസ് സ്റ്റാന്‍ഡില്‍ നിന്നും കിഴക്കോട്ട് പോകുന്ന തണ്ടളത്ത് മുക്ക് റോഡ് ഗതാഗതയോഗ്യമാക്കി തുറന്നു നൽകി. സുജിത് വിജയന്‍പിളള എംഎല്‍എയുടെ ആസ്തിവികസന ഫണ്ടില്‍ നിന്നും അനുവദിച്ച 65 ലക്ഷം രൂപ വിനിയോഗിച്ചാണ് പുനരുദ്ധാരണപ്രവര്‍ത്തികള്‍ പൂര്‍ത്തിയാക്കിയത്. ചവറ ബസ് സ്റ്റാന്‍ഡിന് കിഴക്കോട്ടുളള റോഡില്‍ വെളളം ഒഴുകി പോകാനാകാതെ സമീപവീടുകളിലെല്ലാം വെളളം കയറി വീടുകള്‍ക്ക് നാശവും ഗതാഗത തടസവും നിരന്തരം സംഭവിച്ചുകൊണ്ടിരുന്നു. വെളളക്കെട്ട് ഒഴിവാക്കാനായി വീതിയേറിയ ഓടനിര്‍മിച്ച് ദേശീയപാതയുടെ അടിയിലേക്കുളള ഓടയുമായി ബന്ധിപ്പിച്ച് വെളളം ഒഴുക്ക് സുഗമമാക്കി. ജനങ്ങളുടെ ശക്തമായ ആവശ്യം പരിഗണിച്ചാണ് എംഎല്‍എ ഫണ്ടില്‍നിന്നും 65ലക്ഷം രൂപ അനുവദിച്ചത്. ഓട, സ്ലാബ്, റോഡ് ഉയര്‍ത്തി കോണ്‍ക്രീറ്റ്, ഇന്‍റര്‍ലോക്ക് തുടങ്ങി എല്ലാ ജോലികളും പൂര്‍ത്തീകരിച്ച് ഗതാഗതം സുഗമമാക്കിയ റോഡ് സുജിത് വിജയന്‍പിളള എംഎല്‍എ തുറന്നുനല്‍കി. ചവറ പഞ്ചായത്ത് പ്രസിഡന്‍റ് ജെ. ആര്‍. സുരേഷ് കുമാര്‍, പഞ്ചായത്ത് അംഗങ്ങളായ അംബികാദേവി, കെ. സുരേഷ് ബാബു, റാഹിലാബീവി എന്നിവരും ജോയി, ചവറ ഷാ, രാധാകൃഷ്ണപിളള, ലാലു, അനീസ്, എ.കെ. സജീവ്, രഘു, ചേമ്പയ്യത്ത് നിസാര്‍ തുടങ്ങിയവർ ചടങ്ങില്‍ പങ്കെടുത്തു.

ഡിമോസ് ഫര്‍ണിച്ചറിലെ രാപകല്‍ സെയിലില്‍ വന്‍തിരക്ക്

കൊല്ലം: ഓണം പ്രമാണിച്ച് ഡിമോസ് ഫര്‍ണിച്ചറിലെ രാപകല്‍ സെയില്‍സില്‍ വന്‍തിരക്ക്. എല്ലാ ഷോറൂമുകളിലും നാലുവരെ മാത്രമാണ് രാപ്പകല്‍ സെയില്‍ നീട്ടിയിട്ടുള്ളൂ. രാവിലെ 10 മുതല്‍ രാത്രി 12 വരെയാണ് സെയില്‍. 65ശതമാനം വരെ ഡിസ്‌കൗണ്ടാണ് നല്‍കിയിരിക്കുന്നതോടെ വന്‍തിരക്കാണ് അനുഭവപ്പെടുന്നത്. സോഫകള്‍, ഡൈനിംഗ് ടേബിളുകള്‍, ബെഡ്‌റൂം സെറ്റുകള്‍ തുടങ്ങിയവയ്‌ക്കെല്ലാം ഫ്‌ളാറ്റ് 25ശതമാനം, 35ശതമാനം , 45ശതമാനം, 65ശതമാനം ഡിസ്‌കൗണ്ടാണ് നല്‍കിയിക്കുന്നത്. ബൈ വണ്‍ ഗെറ്റ് വണ്‍ ഓഫറില്‍ തേക്കിന്‍റെ കട്ടില്‍ വാങ്ങുമ്പോള്‍ ഒരു മാട്രസ് സൗജന്യം. പ്രീമിയം ബെഡ്‌റൂം സെറ്റ് വാങ്ങിയാല്‍ ദിവാന്‍ കോട്ട് സൗജന്യം, 29900 രൂപയുടെ ബെഡ്‌റൂം സെറ്റ് വാങ്ങിയാല്‍ മൂന്നു സീറ്റര്‍ ബെഞ്ച് സൗജന്യം, മൂന്നു ഡോര്‍ അലമാര വാങ്ങുമ്പോള്‍ രണ്ടു ഡോര്‍ അലമാര സൗജന്യം, ഒരു മാട്രസ് വാങ്ങുമ്പോള്‍ ഒരു മാട്രസ്് തികച്ചും സൗജന്യം. കൂടാതെ പെപ്‌സ്, സെഞ്ച്വറി മാട്രസുകള്‍ക്ക് 20ശതമാനം ഡിസ്‌കൗണ്ട്. രണ്ടു ലക്ഷം രൂപയ്ക്ക് മുകളില്‍ പര്‍ച്ചേസ് ചെയ്യുന്നവര്‍ക്ക് ഗോള്‍ഡ് കോയിന്‍ സമ്മാനം. 1.5 ലക്ഷം രൂപയ്ക്ക് മുകളില്‍ പര്‍ച്ചേസ് ചെയ്യുന്നവര്‍ക്ക് 17900 രൂപ വില വരുന്ന ഒരു റിക്ലയിനര്‍ സോഫ 6500 രൂപയ്ക്ക് ലഭിക്കും. ഒരു ലക്ഷം രൂപയ്ക്ക് മുകളില്‍ പര്‍ച്ചേസ് ചെയ്യുന്നവര്‍ക്ക് 5000 രൂപ ക്യാഷ് ബാക്ക് ലഭിക്കും. തേക്ക് ദിവാന്‍ കോട്ട് 7900 രൂപ മുതല്‍. ബെഡ്‌റൂം സെറ്റുകള്‍ 19,900 രൂപ മുതല്‍, പ്രീമിയം ബെഡ്‌റൂം സെറ്റുകള്‍ (ബോര്‍ഡിക്) 48,900 രൂപ മുതല്‍, കോര്‍ണര്‍ സോഫകള്‍ 9,900 രൂപ മുതല്‍, റിക്ലയിനര്‍ സോഫകള്‍ 17,900 രൂപ മുതല്‍, ഡൈനിംഗ് ടേബിള്‍ മാര്‍ബിള്‍ ടോപ്പ് 32,900 രൂപ മുതല്‍, തേക്ക് ഡൈനിംഗ് ടേബിള്‍ മാര്‍ബിള്‍ ടോപ്പ് 49,900 രൂപ മുതല്‍ ലഭിക്കും കൂടാതെ മറ്റ് കോമ്പോ ഓഫറുകളും ലഭ്യമാണ്. എല്ലാത്തരം ഫര്‍ണിച്ചറുകള്‍ക്കും 20 വര്‍ഷം വാറണ്ടിയോടുകൂടി ബജാജ് ഫിനാന്‍സിന്‍റെ ഏറ്റവും കുറഞ്ഞ തവണ വ്യവസ്ഥയില്‍ സ്വന്തമാക്കാം. ഈ ഓഫറുകള്‍ ഡിമോസിന്‍റെ എല്ലാ ബ്രാഞ്ചുകളിലും ലഭ്യമാണ്. കൂടുതല്‍ വിവരങ്ങള്‍ക്ക് കരുനാഗപ്പള്ളി, ചന്ദനത്തോപ്പ്, കല്ലമ്പലം, പഴയാറ്റിന്‍കുഴി, കൊട്ടാരക്കര, ഭരണിക്കാവ് ഷോറൂമുകള്‍ സന്ദര്‍ശിക്കുക. ഫോണ്‍ +91 9288098981 എല്ലാ ഞായറാഴ്ചകളിലും ഷോറൂമുകള്‍ തുറന്നു പ്രവര്‍ത്തിക്കുന്നു.

അനധികൃതമായി സൂക്ഷിച്ച ഗ്യാസ് സിലിണ്ടറുകൾ പിടികൂടി

കൊല്ലം: സ്വകാര്യ വ്യക്തിയുടെ ഷെഡിൽ സൂക്ഷിച്ചിരുന്ന 39 പാചക വാതക സിലിണ്ടറുകൾ സിവിൽ സപ്ലൈസ് വിഭാഗം അധികൃതർ പിടികൂടി. ഉദ്യോഗസ്ഥരുടെ നേതൃത്വത്തിൽ നടന്ന പരിശോധനയിൽ വെള്ളിമൺ ചെറുമൂട് സെന്‍റ് ആന്‍റണീസ് പള്ളിക്ക് സമീപത്തെ വീടിനോട് ചേർന്ന ഷെഡിൽ സൂക്ഷിച്ചിരുന്ന സിലിണ്ടറുകളാണ് പിടിച്ചെടുത്തത്. വാണിജ്യ ആവശ്യത്തിന് ഉപയോഗിക്കുന്ന ഒമ്പത് നിറച്ച സിലിണ്ടറുകളും ഗാർഹിക ആവശ്യത്തിനുള്ള 30 കാലി സിലിണ്ടറുകളുമാണ് പിടിച്ചെടുത്തത്.ഗ്യാസ് റീഫിൽ ചെയ്യാൻ ഉപയോഗിക്കുന്ന മോട്ടോറും അളവ് തൂക്ക ഉപകരണങ്ങളും പിടിച്ചെടുത്തവയിൽ ഉൾപ്പെടുന്നു. താലൂക്ക് സപ്ലൈ ഓഫീസർ വൈ.സാറാമ്മ, റേഷനിംഗ് ഇൻസ്പെക്ടർമാരായ ജി. ബിജു കുമാര കുറുപ്പ്, എം. അജീഷ്, ശ്രീലത എന്നിവർ അടങ്ങിയ സംഘമാണ് ഇവിടെ റെയ്ഡ് നടത്തിയത്.

പുറ്റിംഗൽ കേസ്: വിടുതൽ ഹർജിയിൽ തുടർവാദം 20ന്

കൊല്ലം: പരവൂർ പുറ്റിംഗൽ ദേവീക്ഷേത്രത്തിലെ വെടിക്കെട്ട് അപകടവുമായി ബന്ധപ്പെട്ട കേസിൽ പ്രതികൾ സമർപ്പിച്ച വിടുതൽ ഹർജിയൽ തുടർവാദം 20ന് നടക്കും. 57-ാം പ്രതി തിരുവനന്തപുരം നേമം കരുമം സ്വദേശി ജിൻജു, 58-ാം പ്രതി ചിറയിൻകീഴ് സ്വദേശി സലിം, 59ാം പ്രതി കൊല്ലം സ്വദേശി സിയാദ് എന്നിവരുടെ വിടുതൽ ഹർജിയിൽ ശനിയാഴ്ച വാദം നടന്നു. പ്രതികൾ മൂന്നുപേരും കരിമരുന്ന് വിൽപനക്കാരാണ്. ഇവരുടെ വിൽപന ശാലകളിൽ കരിമരുന്നു പിടിച്ചെടുത്തിട്ടുണ്ടോ എന്നും അതിൽ സ്ഫോടക വസ്തു നിരോധന നിയമപ്രകാരമുള്ള വസ്തുക്കൾ അടങ്ങിയിട്ടുണ്ടോ എന്നും കോടതി ആരാഞ്ഞു. ജിൻജുവിന്‍റെ മാതാവിന്‍റെ പേരിലാണ് വെടി മരുന്ന് വിൽപ്പനയ്ക്കുള്ള ലൈസൻസ് ഉള്ളത്. ഇതുമായി ബന്ധപ്പെട്ട വിശദീകരണങ്ങളും കോടതി ആരാഞ്ഞു. തുടർന്ന് കേസ് 20ന് അവധിക്ക് വയ്ക്കുകയായിരുന്നു.പ്രോസിക്യൂഷനു വേണ്ടി സ്പെഷൽ പബ്ലിക് പ്രോസിക്യൂട്ടർ അഡ്വ.കെ.പി. ജബാ‍ർ, അഡ്വ. അമ്പിളി ജബാർ, പ്രതികൾക്ക് വേണ്ടി അഭിഭാഷകരായ ജി.മോഹൻ രാജ്, എൽ.ലിന്‍റൺ, ബി.എ‍ൻ.ഹസ്കർ, വിപിൻ മോഹൻ ഉണ്ണിത്താൻ തുടങ്ങിയവർ കോടതിയിൽ ഹാജരായി.

ഏറനാട് എക്സ്പ്രസിന് ശാസ്താംകോട്ടയിൽ സ്റ്റോപ്പ് അനുവദിച്ചു

കൊല്ലം: ശാസ്താംകോട്ടയിലെ റെയിൽവേ യാത്രക്കാർ ഏറെ പ്രതീക്ഷയോടെ കാത്തിരുന്ന ഏറനാട് എക്സ്പ്രസിന് നാളെ മുതൽ ശാസ്താംകോട്ടയിൽ സ്റ്റോപ്പ് അനുവദിച്ച് റെയിൽവേ അധികൃതർ ഔദ്യോഗികമായി അറിയിച്ചതായി കൊടിക്കുന്നിൽ സുരേഷ് എംപി. ആലപ്പുഴ വഴി സർവീസ് നടത്തുന്ന ഏറനാട് എക്സ്പ്രസിന് സ്റ്റോപ്പ് ലഭിച്ചതോടെ ശാസ്താംകോട്ടയും പരിസര പ്രദേശങ്ങളിലെ ആയിരക്കണക്കിനു യാത്രക്കാർക്ക് വലിയൊരു ആശ്വാസം ലഭിക്കുമെന്ന് ഉറപ്പാണ്. ഏറെ താമസിയാതെ തന്നെ മംഗലാപുരം – തിരുവനന്തപുരം എക്സ്പ്രസ്, ആലപ്പുഴ വഴി സർവീസ് നടത്തുന്ന മാവേലി എക്സ്പ്രസ് എന്നിവയ്ക്കും ശാസ്താംകോട്ടയിൽ സ്റ്റോപ്പ് ലഭ്യമാക്കാനുള്ള നടപടി പുരോഗമിക്കുകയാണ്. കൂടാതെ, ഇന്‍റർസിറ്റി എക്സ്പ്രസിന്‍റെ സ്റ്റോപ്പിനായുള്ള പരിശ്രമങ്ങളും തുടർന്നു വരികയാണ്. കഴിഞ്ഞാഴ്ച അനുവദിച്ച ഏഴ് കോടി രൂപയുടെ വികസന പ്രവർത്തനങ്ങൾ പൂർത്തിയാകുന്നതോടെ ശാസ്താംകോട്ട റെയിൽവേ സ്റ്റേഷൻ യാത്രക്കാർക്ക് മികവുറ്റ സൗകര്യങ്ങൾ നൽകുന്ന മാതൃകാ സ്റ്റേഷനായി മാറുമെന്നും അദ്ദേഹം പറഞ്ഞു. നിലവിൽ അനുവദിക്കപ്പെടുന്ന ഭൂരിപക്ഷം സ്പെഷൽ ട്രെയിനുകൾക്കും, യാത്രക്കാരുടെ ആവശ്യം മാനിച്ച് ശാസ്താംകോട്ടയിൽ സ്റ്റോപ്പ് ഉറപ്പാക്കുവാൻ വേണ്ടിയുള്ള ഇടപെടലുകൾ തുടർച്ചയായി നടത്തിവരുന്നുവെന്നും കൊടിക്കുന്നിൽ സുരേഷ് എംപി അറിയിച്ചു.

പാരിപ്പള്ളി ഗവ. മെഡിക്കൽ കോളജിൽ വിവിധ പദ്ധതികളുടെ ഉദ്ഘാടനം ഇന്ന്

ചാത്തന്നൂർ: പാരിപ്പള്ളി ഗവ. മെഡിക്കൽ കോളജിൽ വിവിധ വികസന പദ്ധതികളുടെ ഉദ്ഘാടനം ഇന്ന് രാവിലെ 10 ന് മന്ത്രി വീണാജോർജ് നിർവഹിക്കും. ലക്ഷ്യ-ലേബർ റൂം ആന്‍റ് ഓപ്പറേഷൻ തിയറ്റർ, എച്ച്ഡിഎസ് പേ വാർഡ്, എച്ച്ഡിഎസ് പെയിംഗ് ഫാർമസി, വയോജനക്ലിനിക്കും മോഡൽ പാലിയേറ്റീവ് കെയർ ഡിവിഷനും, ഫ്ലൂറോസ്കോപ്പി, ഫുള്ളി ഓട്ടോമേറ്റഡ് ക്ലിനിക്കൽ കെമിസ്ട്രി അനലൈസർ, ബോധിക അക്കാദമിക് പാർക്കും പബ്ലിക് ലൈബ്രറിയും, സൈക്കോ സോഷ്യൽ റീഹാബിലിറ്റേഷൻ, ചൈൽഡ് ഡെവലപ്മെന്‍റ്സെന്‍റർ, ഇൻഡോർ ക്രിക്കറ്റ് ആസ്ട്രേ ടർഫ് എന്നീ പദ്ധതികൾക്കാണ് തുടക്കം. എൻഎച്ച്എം മുഖേന 1.39 കോടി വിനിയോഗിച്ച് ഗൈനക്കോളജി വിഭാഗത്തിൽ ലേബർ റൂം, എമർജൻസി ഓപ്പറേഷൻ തിയറ്റർ എന്നിവ ഉൾപ്പെട്ട കോംപ്ലക്സിന്‍റെ നിർമാണം പൂർത്തിയായി. പേവാർഡിൽ 23 മുറി സജ്ജീകരിച്ചു. ജീവനക്കാരെ നിയമിക്കാനുള്ള നടപടി ക്രമങ്ങൾ പൂർത്തിയായി. വിലക്കുറവിൽ ഗുണമേന്മയുള്ള മരുന്നുകൾ ലഭ്യമാക്കുക എന്നതാണ് 24 മണിക്കൂറും പ്രവർത്തിക്കുന്ന എച്ച്‌ഡിഎസ് പേയിംഗ് ഫാർമസി ലക്ഷ്യം വെക്കുന്നത്. ഡയഗ്‌നോസ്റ്റിക് ബ്ലോക്കിൽ ജെറിയാട്രിക്സ്ബ്ലോക്ക് സജ്ജീകരിച്ചിട്ടുണ്ട്. നിലവിൽ മെമ്മറി കെയർ ക്ലിനിക്കും മോഡൽ പാലിയേറ്റീവ് കെയർ ക്ലിനിക്കും ലിവിംഗ് വിൽ ഇൻഫർമേഷൻ കൗണ്ടറും പ്രവർത്തിക്കുന്നു. പരിചരണം ആവശ്യമുള്ള രോഗികൾക്ക് മികച്ച ചികിത്സ, പാലിയേറ്റീവ് പരിചരണം ആവശ്യ പരിചരണം, ഹൗസ് വിസിറ്റ്, ബോധവത്കരണം എന്നിവ നൽകിവരുന്നു. മോഡൽ പാലിയേറ്റീവ് കെയർ വിഭാഗം മുഖേന പാലിയേറ്റിവ് കെയറിൽ എത്താതെ ഒപി ടിക്കറ്റ്, മരുന്നുകൾ, രോഗികൾക്ക് ബുദ്ധിമുട്ട് കൂടാതെ കൗൺസലിംഗ് സേവനങ്ങൾ എന്നിവ രോഗിയായി കണക്കാക്കാതെ നൽകുന്നു. മെമ്മറി കെയർ ക്ലിനിക്കിൽ മറവി രോഗം തിരിച്ചറിയാനായി മെമ്മറി ടെസ്റ്റുകൾ, പരിപാലകർക്ക് പിന്തുണ, കൗൺസലിംഗ്, വ്യക്തിഗത ഡിമെൻഷിയ കെയർ പ്ലാനുകൾ തുടങ്ങിയ സേവനങ്ങൾ ലഭ്യമാണ്. മാനസികാരോഗ്യം മോഡൽ മെമ്മറി കെയർ ക്ലിനിക് ന്യൂറോളജി പാലിയേറ്റീവ് കെയർ വിഭാഗങ്ങളുടെ സംയുക്തമായി നൽകും. ശരീരത്തിനകത്തെ ചലനങ്ങളുടെ പഠനമാണ് ഫ്ലൂറോസ്കോപ്പി. ലൈവ് എക്സ്‌റേ വീഡിയോ ഡോസ് എക്സ്‌റേ ഉപയോഗിച്ച് മികച്ച നിലവാരമുള്ള ചിത്രവും അതിലൂടെ കൃത്യമായ രോഗനിർണയവും വിദഗ്‌ധ ചികിത്സയും ലഭ്യമാക്കും. ഫുള്ളി ഓട്ടോമേറ്റഡ് ക്ലിനിക്കൽ കെമിസ്ട്രി അനലൈസർ ബയോകെമിസ്ട്രി ലാബിൽ ഇതിനായി സ്ഥാപിച്ചിട്ടുണ്ട്. നാഷണൽ സർവീസ് സ്കീമിന്‍റെയും ജീവനക്കാരുടേയും അധ്യാപകരുടെയും സംയുക്ത സംരംഭമാണ് പാർക്ക്. പ്രകൃതിസൗഹൃദ അന്തരീക്ഷത്തിൽ മനോഹര പുൽത്തകിടിയിൽ 120 പേർക്ക് ഒരേ സമയം ഇരിക്കാവുന്ന ആറ് ആർക്കേഡുകൾ. പഠനത്തിനും ഗവേഷണത്തിനും വിനോദത്തിനും ഉതകും. ഇതോടനുബന്ധിച്ച് 24 മണിക്കൂറും പ്രവർത്തിക്കുന്ന ഗ്രന്ഥശാല. മാനസിക വൈകല്യങ്ങളുള്ള വ്യക്തികളുടെ സാമൂഹിക ശാരീരിക മാനസിക പുനരുദ്ധാരണത്തിനായി ഷട്ടിൽ കോർട്ട് അടങ്ങിയ പ്രകൃതി സൗഹൃദ പാർക്ക്, ശാരീരികവും മാനസികവും ബൗദ്ധികപരവുമായ വെല്ലുവിളികൾ നേരിടുന്ന കുട്ടികൾക്ക്‌ ചികിത്സയും കൗൺസലിംഗ് സേവനങ്ങളും നൽകുന്നു. ഇൻഡോർ ക്രിക്കറ്റ് ടർഫും തയാറായി. ഈ പദ്ധതികളുടെ ഉദ്ഘാടന ചടങ്ങിൽ ജി.എസ്.ജയലാൽ എംഎൽഎ അധ്യക്ഷനായിരിക്കും.

സ്നേഹസംഗമം നടത്തി

പുനലൂർ: സ്നേഹ ഭാരത് മിഷൻ കഴിഞ്ഞ 68 മാസമായി സംരക്ഷിക്കുന്ന കിടപ്പു രോഗികളായ കുടുംബങ്ങൾക്ക് ഓണക്കിറ്റുകളും ഓണക്കോടിയും വിതരണം ചെയ്തു. ചെമ്മന്തൂർ കെ.കൃഷ്ണ സ്മാരക ഓഡിറ്റോറിയത്തിൽ നടന്ന സ്നേഹ സംഗമം എൻ.കെ. പ്രേമചന്ദ്രൻ എംപി ഉദ്ഘാടനം ചെയ്തു. സ്നേഹ ഭാരത മിഷൻ ജീവകാരുണ്യ പ്രവർത്തനത്തിന് മികച്ച മാതൃകയാണെന്ന് പ്രേമചന്ദ്രൻ എംപി ഉദ്ഘാടന പ്രസംഗത്തിൽ പറഞ്ഞു. ട്രസ്റ്റ് ചെയർമാൻ അഡ്വ.എസ്. ഇ. സഞ്ജയ് ഖാൻ അധ്യക്ഷത വഹിച്ചു. മുൻ മുൻസിപ്പൽ ചെയർമാൻ എം .എ .രാജഗോപാൽ, കോൺഗ്രസ് ബ്ലോക്ക് പ്രസിഡന്‍റ് സി .വിജയകുമാർ, മിസ്റ്റർ യൂണിവേഴ്സ് അബ്ദുൽ ബുഖാരി, സാംസ്കാരികപ്രവർത്തകൻ സി.വി. വിജയകുമാർ, കവിയും മാധ്യമപ്രവർത്തകനുമായ അനിൽ പന്തപ്ലാവ്, സനോജ് നടയിൽ, വർഗീസ്, എസ് .സുബിരാജ്, സി .എസ് .ബഷീർ, ആർ .രാജശേഖരൻ, വത്സലമ്മ, കുട്ടിയമ്മ കുഞ്ഞപ്പി, നൂജും യൂസഫ്, രഞ്ജിനി സൂര്യകുമാർ, ശ്രീലത, പ്രിയ സുബിരാജ് തുടങ്ങിയവർ പ്രസംഗിച്ചു.

ശ്രീനാരായണ ഗുരുജയന്തി ഘോഷയാത്ര ഏഴിന്

കൊല്ലം: ശ്രീനാരായണ ഗുരുവിന്‍റെ 171-ാമത് ജയന്തി ശ്രീനാരായണ ധർമപരിപാലനയോഗം കൊല്ലം യൂണിയന്‍റെയും ശ്രീനാരായണ ട്രസ്റ്റിന്‍റെയും സംയുക്താഭിമുഖ്യത്തിൽ ഏഴിനു ഘോഷയാത്രയോടെ കൊല്ലത്ത് ആഘോഷിക്കും. കൊല്ലം ശ്രീനാരായണ കോളജിൽ രാവിലെ എട്ടിനു ആഘോഷക്കമ്മിറ്റി ചെയർമാനും കൊല്ലം യൂണിയൻ പ്രസിഡന്‍റുമായ മോഹൻ ശങ്കർ പതാക ഉയർത്തും. ജയന്തി ഘോഷയാത്ര വൈകുന്നേരം അഞ്ചിനു സിംസ് ആശുപത്രി അങ്കണത്തിലെ ആർ.ശങ്കർ സ്‌മൃതി മണ്ഡ‌പത്തിൽ നിന്നും ആരംഭിക്കും. യൂണിയൻ പ്രസിഡന്‍റ് മോഹൻശങ്കർ, സെക്രട്ടറി എൻ.രാജേന്ദ്രൻ, യോഗം കൗൺസിലർമാർ തുടങ്ങിയവർ ഘോഷയാത്രയ്ക്ക് നേതൃത്വം നൽകും. 6.30ന് ജയന്തി ആഘോഷമഹാസമ്മേളനയോഗത്തിൽ മോഹൻ ശങ്കർ അധ്യക്ഷത വഹിക്കും. മന്ത്രി കെ.എൻ.ബാലഗോപാൽ സമ്മേളനം ഉദ്ഘാടനം ചെയ്യും.എം. നൗഷാദ് മുഖ്യപ്രഭാഷണം ചെയ്യും. യൂണിയൻ സെക്രട്ടറി എൻ.രാജേന്ദ്രൻ സ്വാഗതവും അനൂപ്.എം.ശങ്കർ നന്ദിയും പറയും. പത്രസമ്മേളനത്തിൽ മോഹൻ ശങ്കർ, എൻ.രാജേന്ദ്രൻ,യോഗം കൗൺസിലർപി.സുന്ദരൻ, യോഗം ബോർഡ് മെമ്പർ ആനേപ്പില്‍ എ. ഡി .രമേഷ്,കൗൺസിലർമാരായ ബി.പ്രതാപൻ, നേതാജി ബി.രാജേന്ദ്രൻ, പഞ്ചായത്ത്‌ അംഗം ജി.രാജ്മോഹൻ, എസ്എൻ ട്രസ്റ്റ്‌ ബോർഡ്‌ മെമ്പർ പ്രമോദ് കണ്ണൻ തുടങ്ങിയവർ പങ്കെടുത്തു.

ഇരുചക്ര വാഹനങ്ങൾ കൂട്ടിയിടിച്ച് യുവാവ് മരിച്ചു

ചാത്തന്നൂർ: പരവൂർ-പാരിപ്പള്ളി റോഡിൽ ഒല്ലാലിൽ ബൈക്കും സ്കൂട്ടറും കൂട്ടിയിടിച്ച് യുവാവ് മരിച്ചു. പൂതക്കുളം കലയ്ക്കോട് വിപിൻ നിവാസിൽ വിജയൻ പിള്ളയുടെ മകൻ വിബിൻ വിജയ(32)നാണ് മരിച്ചത്. കൂട്ടിയിടിച്ച ബൈക്ക് യാത്രികനായ കലയ്ക്കോട് സ്വദേശി റോണി (24)നെ ഗുരുതര പരിക്കുകളോടെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഞായറാഴ്ച രാത്രി എട്ടരയോടെയാണ് അപകടം. പരവൂരിൽ നിന്നും സ്കൂട്ടറിൽ വീട്ടിലേയ്ക്ക് പോവുകയായിരുന്നു വിബിൻ . എതിരെ വരികയായിരുന്ന റോണിയുടെ ബൈക്കുമായി സ്കൂട്ടർ കൂട്ടിയിടിക്കുകയായിരുന്നു. ഉടൻ തന്നെ ഇരുവരെയും നാട്ടുകാർ പാരിപ്പള്ളി ഗവ. കോളജ് ആശുപത്രിയിൽ എത്തിച്ചെങ്കിലും വിബിനെ രക്ഷിക്കാനായില്ല. അമ്മ: ബേബി. ഭാര്യ: ശ്രീലക്ഷ്മി .മക്കൾ: വേദ, ദേവ .പരവൂർ പോലീസ് കേസെടുത്തു.

സ്കൂട്ടർ അപകടത്തിൽ പരിക്കേറ്റ്‌ ചികിത്സയിലായിരുന്ന വീട്ടമ്മ മരിച്ചു

കൊട്ടാരക്കര: സ്കൂട്ടർ അപകടത്തിൽ പരിക്കേറ്റ്‌ ചികിത്സയിലായിരുന്ന വീട്ടമ്മ മരിച്ചു . ഉമ്മന്നൂർ പഴിഞ്ഞം മണ്ണത്താമര കുരീക്കുന്നിൽ വീട്ടിൽ ലിസി (52)ആണ് തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിൽ കഴിയവേ മരിച്ചത്. ഭർത്താവ് ഷാജു. സി. എബ്രഹാമിനൊപ്പം സ്കൂട്ടറിൽ യാത്ര ചെയ്യവെ എതിരെ വന്ന സ്വകാര്യ ബസ് ഇരുവരെയും ഇടിച്ചിടുകയായിരുന്നു. ഉടൻ തന്നെ കൊട്ടാരക്കര താലൂക്ക് ആശുപത്രിയിലും തുടർന്ന് തിരുവനന്തപുരം മെഡിക്കൽ കോളജ് ആശുപത്രിയിലും പ്രവേശിപ്പിച്ചു. ഷാജു സാരമായ പരിക്കുകളോടെ തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലാണ്. മക്കൾ ലിജിൻ ഷാജു, ലിജുഷാജു. സംസ്ക്കാരം പിന്നീട്.

എലിപ്പനി ബാധിച്ച് മരിച്ചു

ചാത്തന്നൂർ: യുവാവ് എലിപ്പനി ബാധിച്ച് മരിച്ചു. ചാത്തന്നൂർ കളിയാക്കുളം വളവിൽ വീട്ടിൽ അജി (40) യാണ് മരിച്ചത്. ഓട്ടോ ഡ്രൈവറായിരുന്നു. കനിവ് ജീവകാരുണ്യ സംഘടനയുമായി സഹകരിച്ച് പ്രവർത്തിച്ചിരുന്നു. ജോലിയുമായി ബന്ധപ്പെട്ട് കണ്ണൂരിലായിരുന്നു. മഞ്ഞപ്പിത്തം ബാധിച്ചു എന്ന സംശയത്തെ തുടർന്ന് അഞ്ചു ദിവസം മുമ്പാണ് നാട്ടിലെത്തിയത്. പാരിപ്പള്ളി ഗവ.മെഡിക്കൽ കോളജിൽ ചികിത്സ തേടി. എലിപ്പനിയാണെന്ന് ആശുപത്രിയിലെ പരിശോധനകളിൽ സ്ഥിരീകരിച്ചു.

ഇടവക തിരുനാളിന് കൊടിയേറി

കുളത്തൂപ്പുഴ: സെന്‍റ് മേരീസ് മലങ്കര സുറിയാനി കത്തോലിക്ക പള്ളിയിൽ പരിശുദ്ധ ദൈവമാതാവിന്‍റെ ജനന പെരുന്നാളിനും ഇടവക തിരുനാളിനും കൊടിയേറി. ഇടവക വികാരി ഫാ. ജോസഫ് തോട്ടത്തിൻ കടയിൽ കൊടിയേറ്റ് കർമം നിർവഹിച്ചു. ഇന്ന് മുതൽ എട്ടുവരെ നീളുന്ന തിരുനാൾ ആഘോഷ പരിപാടിയിൽ വൈകുന്നേരം 4.30 മുതൽ ഫാ. വർഗീസ് കുന്നത്തേത്ത് നയിക്കുന്ന ജീവിത നവീകരണ ധ്യാനം ഉണ്ടായിരിക്കും. ആറിന് വൈകുന്നേരം ഏഴിന് ആഘോഷമായ തിരുനാൾ റാസ, ഏഴിന് രാവിലെ എട്ടിന് ഡോ. ഗീവർഗീസ് മാർ അപ്രേമിന്‍റെ മുഖ്യ കാർമികത്വത്തിൽ തിരുനാൾ കുർബാനയും പ്രഥമ ദിവ്യകാരുണ്യ സ്വീകരണവും ഉണ്ടാവും. എട്ടിന് രാവിലെ ഏഴിന് മുൻ വികാരി ഫാ. ഏബ്രഹാം മുരുപേലിന്‍റെ കാർമികത്വത്തിൽ വിശുദ്ധ കുർബാനയും തുടർന്ന് കൊടിയിറക്കോടെ പെരുന്നാൾ സമാപിക്കും.

കട ഉടമയെ കുത്തി പരിക്കേൽപ്പിച്ച പ്രതി പിടിയിൽ

ഓയൂർ: നല്ലിലയിൽ കട ഉടമയെ കുത്തി പരിക്കേൽപ്പിച്ച പ്രതിയെ പോലീസ് അറസ്റ്റ് ചെയ്തു. നല്ലില പള്ളിവേട്ടക്കാവ് അബി ഭവനിൽ അബി ജോർജ് (44) നെയാണ് കണ്ണനല്ലൂർ പോലീസ് അറസ്റ്റ് ചെയ്തത്. പള്ളിവേട്ടക്കാവിൽ ചായക്കട നടത്തുന്ന ജോയിക്കാണ് കുത്തേറ്റത്. വെള്ളിയാഴ്ച ഉച്ചയോടെയായിരുന്നു സംഭവം. ജോയിയുടെ കടയിൽ എത്തിയ അബി ജോയിയോട് ചോദിക്കാത കടയിലെ ക്യൂ ആർ കോഡ് സ്കാൻ ചെയ്ത്ജോയിയുടെ അക്കൗണ്ടിലേക്ക് 200 രൂപ അയക്കുകയും ഈപണം ആവശ്യപ്പെടുകയും ചെയ്തു. ഇപ്പോൾ കടയിൽ 200 രൂപ ഇല്ല എന്നും പൈസവന്നാൽ ഉടൻ തരാമെന്ന് പറഞ്ഞു. ഇത് അബിക്ക് ഇഷ്ടപ്പെട്ടില്ല. ഇയാൾ ജോയിയെ തെറികൾവിളിച്ച ശേഷം വീട്ടിലേക്ക് പോവുകയും ചെയ്തു. ഉടൻ തന്നെ മടങ്ങിവന്ന ഇയാൾ കൈയിൽ കരുതിയിരുന്ന കത്തി ഉപയോഗിച്ച് ജോയിയുടെ വയറ്റിൽ കുത്തി പരിക്കേൽപ്പിച്ചു. ആളുകൾ കൂടിയതോടെ സ്ഥലത്ത് നിന്നും കടന്നു കളഞ്ഞു. സാരമായി പരിക്കേറ്റ ജോയിയെ നാട്ടുകാർ കൊട്ടിയത്തെ സ്വകാര്യ ആശുപത്രിയിലെത്തിച്ച് പ്രാഥമിക ചികിത്സ നൽകിയ ശേഷം തിരുവനന്തപുരം മെഡിക്കൽ കോളജ് ആശുപത്രിയിൽപ്രവേശിപ്പിച്ചു. സംഭവസ്ഥലത്ത് നിന്ന് കടന്ന് കളഞ്ഞ പ്രതിയെ രാത്രിയിൽ നല്ലില ബദേൽ പള്ളിക്ക് സമീപത്ത് നിന്നും പിടികൂടുകയായിരുന്നു. ചാത്തന്നൂർ എസിപി അലക്സാണ്ടർ തങ്കച്ചന്‍റെ നിർദേശപ്രകാരം കണ്ണനല്ലൂർ എസ് എച്ച് ഒ ആൻഡ്രിക് ഗ്രോമിക്കിന്‍റെ നേതൃത്വത്തിൽ എസ് ഐ സന്തോഷ്, സി പി ഒ മാരായ പ്രതീഷ്, രതീഷ് കുമാർ എന്നിവരടങ്ങുന്ന സംഘമാണ് പ്രതിയെ പിടികൂടിയത്.

ഗ്യാസ്ടാങ്കർ ഡിവൈഡറിൽ ഇടിച്ചു

കൊട്ടിയം: ദേശീയ പാതയിൽ കൊട്ടിയം സിതാര ജംഗ്ഷന് സമീപം പാചക വാതക ബുള്ളറ്റ് ടാങ്കർ ഡിവൈഡറിൽ ഇടിച്ചു. ദേശീയപാത നിർമാണ ഭാഗമായി സ്ഥാപിച്ച ഡിവൈഡറിലാണ് ടാങ്കർ ഇടിച്ചു കയറിയത്. ടാങ്കറിന് ചോർച്ച ഉണ്ടാകാതിരുന്നതിനാൽ വൻ ദുരന്തം ഒഴിവായി. ഇന്നലെ പുലർച്ചെയാണ് അപകടം. തിരുവനന്തപുരം ഭാഗത്തേയ്ക്ക് പോവുകയായിരുന്നു ഭരത് ഗ്യാസിന്‍റെ ടാങ്കർ. ഡ്രൈവർ ഉറങ്ങിയതാവാം അപകടകാരണമെന്ന് കരുതുന്നു. ടാങ്കറിന്‍റെ എൻജിൻ തകർന്നു. ക്രെയിൻ ഉപയോഗിച്ച് കാബിൻ മാറ്റിയ ശേഷം മറ്റൊരു എൻജിൻ സ്ഥാപിച്ചിട്ടാണ് ടാങ്കർ മാറ്റിയത്. കൊട്ടിയം പോലീസ് സുരക്ഷ ഒരുക്കി . ഉച്ചകഴിഞ്ഞാണ് ടാങ്കർ സ്ഥലത്തു നിന്നും മാറ്റിയത്.

എട്ടുനോമ്പ് പെരുന്നാളും കൺവൻഷനും

കുണ്ടറ: ആറുമുറിക്കട സെന്‍റ് മേരീസ് യാക്കോബായ സുറിയാനി കത്തീഡ്രലിൽഎട്ടുനോമ്പ് പെരുന്നാളും സൂനോറോ വണക്കവും കൺവൻഷനും തുടങ്ങി.ഇന്ന് മുതൽ ആറുവരെ വൈകുന്നേരം ആറിന് സന്ധ്യാനമസ്കാരം, ഗാനശുശ്രുഷ, സുവിശേഷ പ്രസംഗം എന്നിവ നടക്കും. ഇന്ന് രാവിലെ വിശുദ്ധ കുർബാനയ്ക്ക് ഡോ. മാത്യൂസ് മാർ അന്തിമോസ് കാർമികത്വം വഹിക്കും. വൈകുന്നേരം മധ്യസ്ഥ പ്രാർഥന. നാളെ രാവിലെ 7.45ന് വി. മൂന്നിന്മേൽ കുർബാന. മൂന്നുമുതൽ ആറുവരെ രാവിലെ 7.45ന് വി. കുർബാന, 10.30ന് ധ്യാ നം, മധ്യസ്ഥ പ്രാർഥന എന്നിവ നടക്കും. ഏഴിന് രാവിലെ 8.15 ന് വി. മൂന്നിന്മേൽ കുർബാന,10ന് ധ്യാനം, വൈകുന്നേരം 6.30ന് റാസ, ആകാശ കാഴ്ച, സ്നേഹ വിരുന്ന്. സമാപന ദിവസമായ എട്ടിന് രാവിലെ 8.15ന് കുര്യാക്കോസ് മാർ ഗ്രിഗോറിയോസ് കാർമികത്വം വഹിക്കുന്ന അഞ്ചി ന്മേൽ കുർബാന. 10.30ന് പ്രദക്ഷിണം, പാച്ചോർ നേർച്ച, ലേലം, സ്നേഹ വിരുന്ന്, കൊടിയിറക്ക് എന്നിവ നടക്കും.

ഹിന്ദി ഭാഷോത്സവം: ബ്രൂക്ക് ഇന്‍റർനാഷണൽ ഓവറോൾ ചാമ്പ്യന്മാർ

ആയൂർ: കൊല്ലം സഹോദയയുടെ നേതൃത്വത്തിൽ കൊട്ടാരക്കര ആയൂർ ചെറുപുഷ്പ സെൻട്രൽ സ്കൂളിൽ നടന്ന ഹിന്ദി ഭാഷോത്സവത്തിൽ ബ്രൂക്ക് ഇന്‍റർനാഷണൽ ഓവറോൾ ചാമ്പ്യന്മാരായി. കൊല്ലം സഹോദയ പ്രസിഡന്‍റ് ഫാ. ഡോ. ജി. എബ്രഹാം തലോത്തിൽ ഹിന്ദി ഭാഷോത്സവം ഉദ്ഘാടനം ചെയ്തു. വൈസ് പ്രസിഡന്‍റ് ഡോ. ഏബ്രഹാം കരിക്കം, സെക്രട്ടറി ഫ്രാൻസിസ് സാലസ്, ട്രഷറർ ഫാ. അരുൺ അരീത്ത് എന്നിവർ പങ്കെടുത്തു. വിവിധ സ്കൂൾ മാനേജർമാർ, പ്രിൻസിപ്പൽമാർ, അധ്യാപകർ, വിദ്യാർഥികൾ, രക്ഷിതാക്കൾ എന്നിവർ ചടങ്ങിൽ പങ്കെടുത്തു. വിവിധ വിഭാഗങ്ങളിലെ ഇരുപത്തഞ്ചോളം ഇനങ്ങളിൽ നടന്ന മത്സരങ്ങളിൽ കാറ്റഗറി ഒന്നിൽ (മൂന്ന്,നാല് ക്ലാസുകൾ ) നാലാഞ്ചിറ സർവോദയ സെൻട്രൽ വിദ്യാലയം ഒന്നാം സ്ഥാനം നേടി. അഞ്ചൽ സെന്‍റ് ജോൺസും കാരംകോട് വിമല സെൻട്രൽ സ്‌കൂളും യഥാക്രമം രണ്ടും മൂന്നും സ്ഥാനങ്ങൾ നേടി. കാറ്റഗറി രണ്ടിൽ (അഞ്ച് -ഏഴു ക്ലാസുകൾ), കാറ്റഗറി മൂന്നിൽ (എട്ടു, ഒൻപത് ക്ലാസുകൾ) എന്നിവയിൽ ബ്രൂക്ക് ഇന്‍റർനാഷണൽ സ്കൂൾ ഒന്നാം സ്ഥാനത്തോടെ ആധിപത്യം സ്ഥാപിച്ചു. കാറ്റഗറി നാലിൽ (പ്ലസ് വൺ, പ്ലസ് ടു ക്ലാസുകൾ) നാലാഞ്ചിറ സർവോദയ സെൻട്രൽ വിദ്യാലയം ഒന്നാം സ്ഥാനം നേടി. അഞ്ചൽ സെന്‍റ് ജോൺസും കാരംകോട് വിമല സെൻട്രൽ സ്‌കൂളും യഥാക്രമം രണ്ടും മൂന്നും സ്ഥാനങ്ങൾ സ്വന്തമാക്കി. കൊല്ലം സഹോദയയിലെ ഇരുപതോളം സ്‌കൂളുകളിൽ നിന്നായി ആയിരത്തോളം വിദ്യാർഥികളാണ് മത്സരരംഗത്ത് ഉണ്ടായിരുന്നത്. അവയിൽ നിന്നും 265 പോയിന്‍റുകളുമായാണ് ബ്രൂക്ക് ഇന്‍റർനാഷണൽ ഓവറോൾ ചാമ്പ്യന്മാരായത്. 247 പോയിന്‍റുമായി സെന്‍റ്് ജോൺസ് സ്കൂളും 219 പോയിന്‍റുമായി വിമല സെൻട്രൽ സ്‌കൂളും യഥാക്രമം രണ്ടും മൂന്നും സ്ഥാനങ്ങൾ നേടി. ചടങ്ങിൽ വിജയികൾക്കുള്ള പുരസ്‌കാര വിതരണം നടത്തി.

ഓണം വൺവേ സ്പെഷൽ: രണ്ട് ട്രെയിനുകൾ കൂടി

കൊല്ലം: ഓണക്കാല തിരക്ക് പ്രമാണിച്ച് തിരുവനന്തപുരം നോർത്ത് (കൊച്ചുവേളി ) - ഉദ്ന റൂട്ടിൽ ഇന്ന് വൺവേ എക്സ്പ്രസ് സ്പെഷൽ ട്രെയിൻ സർവീസ് നടത്തുമെന്ന് റെയിൽവേ അറിയിച്ചു.കൊച്ചുവേളിയിൽ നിന്ന് ഇന്ന് രാവിലെ 9.30ന് പുറപ്പെടുന്ന ട്രെയിൻ (06137) നാളെ രാത്രി 11.45ന് ഉദ്ന ജംഗ്ഷനിൽ എത്തും. കൊല്ലം, ശാസ്താംകോട്ട, കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, എറണാകുളം ടൗൺ, ആലുവ, തൃശൂർ, ഷൊർണൂർ, തിരൂർ, കോഴിക്കോട്, വടകര, കണ്ണൂർ, കാസർഗോഡ് എന്നിവയാണ് കേരളത്തിലെ സ്റ്റോപ്പുകൾ. ഇത് കൂടാതെ മംഗളുരു സെൻട്രലിൽ നിന്ന് കൊച്ചുവേളിയിലേക്ക് മറ്റൊരു ഓണം സ്പെഷൽ വൺ വേ ട്രെയിൻ നാളെ സർവീസ് നടത്തും.മംഗളുരുവിൽ നിന്ന് രാത്രി 7.30 ന് പുറപ്പെടുന്ന ഈ ട്രെയിൻ അടുത്ത ദിവസം രാവിലെ എട്ടിന് കൊച്ചുവേളിയിൽ എത്തും. മഞ്ചേശ്വരം, കാസർഗോഡ്, കാഞ്ഞങ്ങാട്, ചെറുവത്തൂർ, പയ്യന്നൂർ, കണ്ണൂർ, തലശേരി, വടകര, കോഴിക്കോട്, തിരൂർ, ഷൊർണൂർ, തൃശൂർ, ആലുവ, എറണാകുളം, ചേർത്തല, ആലപ്പുഴ, അമ്പലപ്പുഴ, ഹരിപ്പാട്, കായംകുളം, കരുനാഗപ്പള്ളി, ശാസ്താംകോട്ട, കൊല്ലം എന്നീ സ്റ്റേഷനുകളിൽ സ്റ്റോപ്പ് അനുവദിച്ചിട്ടുണ്ട്.

അതുല്യയെ ഭർത്താവ് ഉപദ്രവിക്കുന്ന കൂടുതൽ ദൃശ്യങ്ങൾ പുറത്ത്

കൊല്ലം: ഷാര്‍ജയില്‍ ജീവനൊടുക്കിയ നിലയില്‍ കണ്ടെത്തിയ ചവറ കോയിവിള സ്വദേശിനി അതുല്യയെ ഭര്‍ത്താവ് സതീഷ് ശങ്കര്‍ ഉപദ്രവിക്കുന്നതിന്‍റെയും കൊല്ലുമെന്ന് ഭീഷണിപ്പെടുത്തുന്നതിന്‍റെയും കൂടുതല്‍ ദൃശ്യങ്ങള്‍ പുറത്ത്. മരണത്തിനു ദിവസങ്ങള്‍ക്ക് മുന്‍പ് അതുല്യ തന്‍റെ ഫോണില്‍ ചിത്രീകരിച്ച ദൃശ്യങ്ങളാണിപ്പോള്‍ പുറത്തു വന്നത്. അതുല്യയുടെ കുടുംബം ദൃശ്യങ്ങള്‍ ജില്ലാ പ്രിന്‍സിപ്പല്‍ സെഷന്‍സ് കോടതയില്‍ സമര്‍പ്പിച്ചു. 10 വര്‍ഷമായി പീഡനം സഹിക്കുകയാണെന്ന് അതുല്യ പറയുമ്പോള്‍, സതീഷ് ക്രൂരമായി ഉപദ്രവിക്കുകയും മേശയ്ക്കു ചുറ്റും അതുല്യയെ ഓടിക്കുന്നതും വേദനകൊണ്ട് കരയുന്നതും വീഡിയോയിലുണ്ട്. ശരീരത്തില്‍ മര്‍ദനമേറ്റതിന്‍റെ പാടുകളും വീഡിയോയില്‍ വ്യക്തമാണ്. “നീയെങ്ങോട്ട് പോകാനാടീ, നിന്നെ ഞാന്‍ കുത്തിമലര്‍ത്തി ജയിലില്‍ പോകും, നിന്നെ ഞാന്‍ എവിടെയും വിടില്ല. കുത്തി മലര്‍ത്തി സതീഷ് ജയിലില്‍ പോയി കിടക്കും. ഞാനില്ലാതെ നിനക്ക് ജീവിക്കാനാകില്ല. ജീവിക്കാന്‍ സമ്മതിക്കില്ല. ക്വട്ടേഷന്‍ നല്‍കിയാണെങ്കിലും നിന്നെ കൊല്ലും. അതിന് എന്‍റെ ഒരു മാസത്തെ ശമ്പളം പോലും വേണ്ട'' എന്നിങ്ങനെയാണ് വീഡിയോയില്‍ സതീഷ് പറയുന്നത്. അതേസമയം, ഹാജരാക്കിയ ദൃശ്യങ്ങള്‍ പഴയതാണെന്നാണ് പ്രതിഭാഗത്തിന്‍റെ വാദം. ദൃശ്യങ്ങളുടെ ഫോറന്‍സിക് പരിശോധന നടത്താന്‍ കോടതി നിര്‍ദേശിച്ചു. ജൂലൈ 19നാണ് അതുല്യ(30)യെ ഷാര്‍ജയിലെ ഫ്‌ളാറ്റില്‍ മരിച്ചനിലയില്‍ കണ്ടെത്തിയത്. അതുല്യയുടെ കുടുംബത്തിന്‍റെ പരാതിയില്‍ ഭര്‍ത്താവ് സതീഷിനെതിരേ പോലീസ് കേസെടുത്തിരുന്നു. ക്രൈംബ്രാഞ്ചാണ് നിലവില്‍ കേസ് അന്വേഷിക്കുന്നത്. ഭര്‍ത്താവ് സതീഷ് ഇപ്പോൾ ജാമ്യത്തിലാണ്. ഷാര്‍ജയിലെ സ്വകാര്യ കമ്പനിയില്‍ സൈറ്റ് എന്‍ജിനീയറായിരുന്ന സതീഷിനെ സംഭവത്തിന് പിന്നാലെ ജോലിയില്‍ നിന്ന് പിരിച്ചുവിട്ടിരുന്നു.

തീരാരവം പദ്ധതികളുടെ ഉദ്ഘാടനം

കൊല്ലം: തീരദേശ സമൂഹത്തിന്‍റെ വികസനത്തിനും വനിതാ ശാക്തീകരണത്തിനുമായി പ്രവർത്തിക്കുന്ന എഫ് സി ഡി പിയും (ഫിഷർമൻ കമ്യൂണിറ്റി ഡെവലപ്മെന്‍റ് പ്രോഗ്രാമും) തെരേസ മഹിളാ സൊസൈറ്റിയും സംയുക്തമായി നടപ്പാക്കുന്ന പുതിയ പദ്ധതികളുടെ ഉദ്ഘാടനം തോപ്പിലെ കൊടിമരം മൈതാനത്ത് നടന്നു. വിങ്സ്, വി സേവാ കേന്ദ്രം, വി ഓട്ടോസ് സീസൺ രണ്ട് എന്നീ പ്രധാന പദ്ധതികളാണ് ഉദ്ഘാടനം ചെയ്തത്.‘വീ കെയർ’ കൂപ്പൺ നറുക്കെടുപ്പ്, ആദരിക്കൽ എന്നിവയും നടന്നു. പരിപാടിയുടെ ഭാഗമായി ‘തീരാരവം’ ഓണാഘോഷം, മെഗാ തിരുവാതിര ഉൾപ്പെടെയുള്ള സാംസ്കാരിക പരിപാടികളും സംഘടിപ്പിച്ചു. കൊല്ലം രൂപത മുൻ ബിഷപ് ഡോ.സ്റ്റാൻലി റോമൻ, എ.എ. റഹിം എംപി, എം.നൗഷാദ് എംഎൽഎ, കടയ്ക്കൽ അബ്്ദുൾ അസീസ് മൗലവി, ബോധേന്ദ്ര തീർത്ത സ്വാമി, ഡോ.ജി. മോഹനൻ , ബിന്ദു കൃഷ്ണ, ആഗ്നസ് ജോൺ, ലക്ടീഷ്യ മാർട്ടിൻ, ഫാ. സജി എളമ്പാശേരിയിൽ, കൗൺസിലർമാർ, വൈദികർ, സന്യസ്ഥർ എന്നിവർ ചടങ്ങിൽ പങ്കെടുത്തു.

ഓണം മൂഡൊരുക്കി ആശ്രാമത്ത് വണ്ടര്‍ ഫാള്‍സ്

കൊല്ലം : വെള്ളച്ചാട്ടം കാണാം ആകാശത്തിരുന്ന് അത്താഴവും കഴിക്കാം. അപ്രത്യക്ഷമാകുന്ന വെള്ളച്ചാട്ടവുമായി കൊല്ലത്തിന്‍റെ ഓണം മൂഡിന് ആശ്രാമത്ത് തുടക്കമായി. സര്‍റിയല്‍ വെള്ളച്ചാട്ടത്തിനൊപ്പം കടല്‍ക്കാഴ്ചകളുടെ സൗന്ദര്യവും ആമസോണ്‍ കാടിന്‍റെ വന്യതയും ശലഭോദ്യാനവും ഉള്‍പ്പെടെ അതിശയിപ്പിക്കുന്ന കാഴ്ചകള്‍ കോര്‍ത്തിണക്കിയാണ് വണ്ടര്‍ ഫാള്‍സ് മേള സംഘടിപ്പിച്ചിരിക്കുന്നത്. ലോകത്തിലെ ഏറ്റവും ചെറിയ പോക്കറ്റ് കുരങ്ങനെയും പ്രദര്‍ശന നഗരിയില്‍ കാണാം. ചിത്രശലഭത്തിനൊപ്പം ഊഞ്ഞാലാടുകയും ചെയ്യാം. 60 അടി ഉയരത്തില്‍ നിന്ന് താഴേക്ക് പതിക്കുന്ന അപ്രതൃക്ഷമാകുന്ന വെള്ളച്ചാട്ടത്തിന് 170 അടി നീളവുമുണ്ട്. ഇത്തരത്തില്‍ രണ്ട് വെള്ളച്ചാട്ടങ്ങളാണ് ആശ്രാമത്ത് തയ്യാറാക്കിയിട്ടുള്ളത്. ഈ ഉയരത്തില്‍ നിന്നു കടല്‍ പോലെ ഇരമ്പി വരുന്ന വെള്ളം കാലുകളിലേക്ക് ഒഴുകി എത്തി മാഞ്ഞു പോകുന്ന അവിസ്മരണീയമായ കാഴ്ച അനുഭവിച്ചറിയാം. മ്യൂസിക് തീമിനനുസരിച്ച് വെള്ളത്തിന്റെ നിറവും രൂപവും മാറും. പാട്ടിനൊത്ത് ഡാന്‍സ് കളിക്കാം. സാധാരണ വെള്ളച്ചാട്ടത്തിലെന്ന പോലെ ഇവിടെയും കുളിക്കാനാകും. ഡ്രസ് മാറാനുള്ള സൗകര്യവും ഇവിടെ ഒരുക്കിയിട്ടുണ്ട്. മത്സ്യകന്യക, സ്‌കൂബ ഡൈവര്‍ എന്നിവയുമുണ്ട്. എല്ലാ ദിവസവും ഡിജെയും ഒരുക്കിയിട്ടുണ്ട്. 30 രൂപ മുതല്‍ വീട്ടു സാധനങ്ങളും, 4990 മുതല്‍ സോഫ സെറ്റുകളും ഇവിടെ നിന്ന് വാങ്ങാം. ഓണത്തിനാവശ്യമായ സെറ്റ് മുണ്ടുകള്‍, സാരികള്‍, ബെഡ് ഷീറ്റുകള്‍ എന്നിവ 100 രൂപ മുതല്‍ ലഭ്യമാണ്. വൈവിധ്യമാര്‍ന്ന രുചികള്‍ സമ്മാനിക്കുന്ന ഫുഡ് കോര്‍ട്ടും ഒരുക്കിയിട്ടുണ്ട്. കുട്ടികള്‍ക്കായി അമ്യൂസ്‌മെന്‍റ് പാര്‍ക്കും തയാറാക്കിയിട്ടുണ്ട്. എല്ലാ ദിവസവും ഡി ജെ സംഗീതവിരുന്നും നടന്നു വരുന്നു. പ്രവൃത്തി ദിനങ്ങളില്‍ ഉച്ചയ്ക്ക് ശേഷം രണ്ട് മുതല്‍ രാത്രി 10 വരെയും അവധി ദിനങ്ങളില്‍ രാവിലെ 11 മുതല്‍ രാത്രി 10 വരെയുമാണ് പ്രദര്‍ശനം.

നിയന്ത്രണംവിട്ട പിക്കപ്പ് ലോറി റോഡിന് കുറുകെ മറിഞ്ഞു

കുളത്തൂപ്പുഴ: അഞ്ചൽ - കുളത്തൂപ്പുഴ മലയോര ഹൈവേയിൽ വലിയേല ശാലേം മാർത്തോമ പള്ളിക്ക് സമീപം നിയന്ത്രണം വിട്ട പിക്കപ്പ് ലോറി റോഡിന് കുറുകെ മറിഞ്ഞു. തൊട്ടടുത്ത ചായക്കടയിലെ മുൻവശത്തെ തൂണ് ഇടിച്ചു തെറിപ്പിച്ച് വാഹനം റോഡിനെ കുറുകെ മറിയുകയാണ് ഉണ്ടായത് . ചായക്കടയിൽ ഉണ്ടായിരുന്നവർ കടയ്ക്ക് അകത്തായതിനാൽ അപകടം ഒഴിവായി. വാഹനം അമിത വേഗത്തിൽ ആയിരുന്നെന്ന് നാട്ടുകാർ പറയുന്നു. അപകടത്തിൽപെട്ട വാഹന ത്തിലുണ്ടായിരുന്ന കൊല്ലം സ്വദേശികളായ മൂന്ന്പേരെ പരിക്കു കളോടെ കുളത്തൂപ്പുഴ സ്വകാര്യ ആശുപത്രിയിലെത്തിച്ച് പ്രാഥമി കശുശ്രൂഷ നൽകിയ ശേഷം പുനലൂർ താലൂക്ക് ആശുപത്രിയിലേക്ക് മാറ്റി. കുളത്തൂപ്പുഴ പോലീ സ് സ്ഥലത്തെത്തി വാഹനം പാ തയോരത്തേക്ക്മാറ്റിയശേഷമാണ്ഗതാഗതംപൂർവസ്ഥിതി ആക്കാൻ കഴിഞ്ഞത്. മലയോര ഹൈവേയിൽ കോഴികളെ കയറ്റാൻ പോകുന്ന വാഹനങ്ങൾ , മലക്കറി കയറ്റിവരുന്ന വാഹനങ്ങൾ, തമിഴ്നാട്ടിൽ നിന്നും കൊല്ലത്തേക്ക് പൂവുമായി എത്തുന്ന വാഹനങ്ങൾ ഇവയെല്ലാം അമിത വേഗതയിലൂടെയാണ് കടന്നുപോകുന്നത്. മോട്ടർ വാഹന വകുപ്പ്, പോലീസ് വകുപ്പ് ഇവരാരും ഒരു നടപടിയും കൈക്കൊള്ളാത്തതാണ് അമിത വേഗതയ്ക്കും അപകടങ്ങൾക്കും കാരണമെന്ന് നാട്ടുകാർ ആരോപിക്കുന്നു. റോഡിന്‍റെ അശാസ്ത്രീയ നിർമാണംമൂലം ഈ പ്രദേശത്ത് മഴ ആയാൽ വാഹനം റോഡിൽ നിന്നും തെന്നിമാറുന്ന അവസ്ഥയാണ് ഉണ്ടായിക്കൊണ്ടിരിക്കുന്നത് . ഓരോ അപകടങ്ങൾ സംഭവിക്കുമ്പോഴും ഉദ്യോഗസ്ഥർ എത്തി മഴമാറിയാൽ ഉടനെ റോഡിന്‍റെ അപകടാവസ്ഥ പരിഹരിക്കാം എന്ന് പറയുന്നത് അല്ലാതെ ഒരു പരിഹാരമാർഗവും ഉണ്ടാക്കുന്നില്ലെന്ന് പ്രദേശവാസികൾ പറയുന്നു.

കെഎൽസിഎ സമുദായ സമ്പർക്ക പരിപാടി 12ന്

കൊല്ലം: കെഎൽസിഎ കൊല്ലം രൂപത സമിതിയുടെ നേതൃത്വത്തിൽ ഒക്ടോബർ 12ന് സമുദായ സമ്പർക്ക പരിപാടി സംഘടിപ്പിക്കും. റവന്യൂ വകുപ്പ്, തദ്ദേശസ്വയംഭരണ വകുപ്പ്, തുടങ്ങിയവയുമായി ബന്ധപ്പെട്ട് സമുദായ അംഗങ്ങൾ നേരിടുന്ന പ്രശ്നങ്ങൾ, തീരദേശ ഭവന നിർമാണം, തീരദേശ ഹൈവേ, ജാതി - വരുമാന സർട്ടിഫിക്കറ്റുകൾ, പട്ടയങ്ങൾ എന്നിവയുമായി ബന്ധപ്പെട്ട പ്രശ്നങ്ങൾ സമുദായ സമ്പർക്ക പരിപാടിയിൽ ചർച്ച ചെയ്യും. സമുദായ അംഗങ്ങൾ നേരിടുന്ന പ്രശ്നങ്ങൾ പഠിക്കുക, പരിഹാരമാർഗങ്ങൾ നിർദേശിക്കുക, പ്രശ്നങ്ങൾക്ക് ശാശ്വത പരിഹാരം ഉണ്ടാക്കുക,എന്നീ ലക്ഷ്യങ്ങളോടെയാണ് സമുദായ സമ്പർക്ക പരിപാടി സംഘടിപ്പിക്കുന്നത്. റവന്യൂ - തദ്ദേശ - സ്വയംഭരണ വകുപ്പ്, അഭിഭാഷകർ,വിദ്യാഭ്യാസം, പോലീസ്, തുടങ്ങിയ വിഭാഗങ്ങളിൽ നിന്നുള്ള വിദഗ്ധരുടെ ടീമിനെ പരിപാടിക്ക് വേണ്ടി സജ്ജമാക്കിയിട്ടുണ്ട്. കൊല്ലം രൂപത വികാരി ജനറാൾ മോൺ. ബൈജു ജൂലിയൻ ഉദ്ഘാടനം ചെയ്തു. കെഎൽസിഎ കൊല്ലം രൂപത പ്രസിഡന്‍റ് ലെസ്റ്റർ കാർഡോസ് അധ്യക്ഷത വഹിച്ചു. സംസ്ഥാന പ്രസിഡന്‍റ്അഡ്വ. ഷെറി ജെ. തോമസ് മുഖ്യപ്രഭാഷണം നടത്തി. സംസ്ഥാന ജനറൽ സെക്രട്ടറി ബിജു ജോസി കരുമാഞ്ചേരി, ജാക്സൺ നീണ്ടകര, അനിൽ ജോൺ ഫ്രാൻസിസ്, ജോസഫ് കുട്ടി കടവിൽ, വിൻസി ബൈജു. ലക്ടീഷ്യ മാർട്ടിൻ, ഫ്രാൻസിസ് ജെ. നെറ്റോ,ഡോമിനിക് ജോസഫ്, എഡിസൺ അലക്, സാലിസക്കറിയ, ജോസ് കല്ലശേരി, സോളമൻ റൊസാരിയോ,അജിത ഷാജി, റൊണാ റിബൈറോ, ഡൽസി ആന്‍റണി എന്നിവർ പ്രസംഗിച്ചു.

ഓണാഘോഷം...

പാരിപ്പള്ളി:സംസ്ഥാന സർക്കാരിന്‍റെ ഓണം വാരാഘോഷ ഭാഗമായി കൊല്ലം ജില്ല ടൂറിസം പ്രമോഷൻ കൗൺസിൽ (ഡിറ്റി പിസി) ആറിന് വൈകുന്നേരം നാലിന് വേളമാനൂർ ഗാന്ധിഭവൻ സ്നേഹാശ്രമത്തിൽ ഓണാഘോഷം നടത്തും. കാഥികൻ കല്ലട വി.വി.ജോസ് കഥ പറയും. കുവൈറ്റ് കേരള കൾച്ചറൽ അസോസിയേഷന്‍റെ പരിപാടികളോടെയാണു സ്നേഹാശ്രമത്തിൽ ഓണാഘോഷപരിപാടികൾ ആരംഭിച്ചത്. ഇന്ന് ഉച്ചക്ക് രണ്ടു മുതൽ തിരുവനന്തപുരം താരോദയം ന്യൂ ഫെയ്സ് ആന്‍റ് ജൂനിയർ ആർട്ടിസ്റ്റ് അസോസിയേഷൻ അവതരിപ്പിക്കുന്ന കരാക്കേഗാനമേളയും സിനിമാറ്റിക്ക് ഡാൻസും ചലച്ചിത്ര - സീരിയൽ ആർട്ടിസ്റ്റ് പത്തനംതിട്ട താജ് ഉദ്ഘാടനം ചെയ്യും.വിദ്യാർഥികളും അധ്യാപകരും സ്നേഹാശ്രമം സന്ദർശിച്ച് ഓണവിരുന്നിൽ പങ്കെടുക്കും. കുളത്തുപ്പുഴ : ഭാരതീപുരം കാർമൽഗിരി സെൻട്രൽ സ്കൂളിൽ ഓണാഘോഷം"ഓണം പൊന്നോണം" എന്ന പേരിൽ സംഘടിപ്പിച്ചു. സ്കൂളിന്‍റെ സിൽവർ ജൂബിലി വർഷമായതിനാൽ കുട്ടികൾ, തങ്ങളുടെ സഹപാഠികളിലും സ്കൂളിന്‍റെ പരിസരത്തും സാമ്പത്തികമായി ബുദ്ധിമുട്ടനുഭവിക്കുന്ന25കുടുംബങ്ങൾക്ക് ഓണംആഘോഷിക്കുന്നതിനാവശ്യമായ സാധനങ്ങൾ കുട്ടികളിൽ നിന്ന് ശേഖരിച്ചു വീടുകളിൽ എത്തിച്ചു നൽകി. "കാർമൽ കരുതലോണം " എന്ന ഈ പദ്ധതി സഹപാഠികളിലും മറ്റുള്ളവരിലും സഹാനുഭൂതി വളർത്തുന്നതിനും കരുണയുള്ളവരായിരിക്കുന്നതിനും തനിക്കുള്ളത് ഇല്ലാത്തവനുമായി പങ്കുവയ്ക്കുന്ന മനോഭാവം വളർത്തുന്നതിനും ഇടയാക്കുമെന്ന് സ്കൂൾ മാനേജർ ഫാ .ജോഷ്വാ കൊച്ചുവിളയിൽ ഉ ത്ബോധിപ്പിച്ചു. പുലികളി, വള്ളം കളി, തിരുവാതിരകളി, അത്ത പ്പൂവിടീൽ, വടംവലി എന്നിവ കുട്ടികൾ സംഘടിപ്പിച്ചു.ഓണസദ്യയും ഓണപ്പാട്ടുമൊക്കെയായി കുട്ടികൾക്ക് ചടങ്ങ് വേറിട്ട അനുഭവമായിമാറി.

ഓണത്തിന് കുട്ടികൾക്ക് കമ്മീഷണറുടെ സ്്നേഹസമ്മാനം

കൊല്ലം: കിങ്ങിണിയുടെയും അനുമോളുടെയും ദുൽഖറിന്‍റെയുമൊക്കെ നേതൃത്വത്തിൽ പുള്ളിക്കട നഗറിലെ ഒരു പിടി കുട്ടികളുടെ അതിരുകളില്ലാത്ത സന്തോഷം ആർപ്പോ വിളികൾക്കും ആരവങ്ങൾക്കും വഴിമാറിയ സായാഹ്നത്തിൽ അവർ ആഗ്രഹിച്ച പോലെ കൊല്ലം സിറ്റി പോലീസ് കമ്മീഷണർ കിരൺ നാരായണൻ കൈമാറിയ സൈക്കിളുകൾ അവർക്ക് ഏറ്റവും പ്രിയപ്പെട്ട ഓണസമ്മാനമായി. കൊല്ലം സിറ്റി പോലീസിന്‍റെ നേതൃത്വത്തിൽ നടത്തിവരുന്ന ലഹരി വിരുദ്ധ കർമ പദ്ധതിയായ മുക്ത്യോദയ ഭാഗമായി കഴിഞ്ഞ നാലു മാസത്തോളമായി പുള്ളിക്കട നഗറിൽ കൗൺസിലിംഗ് ഹെൽപ്പ് ഡെസ്ക്ക് പ്രവർത്തിച്ച് വരികയായിരുന്നു. ഈ കൗൺസിലിംഗ് ഹെൽപ്പ് ഡെസ്ക്കിലെത്തിയ കുട്ടികളുടെ പ്രധാന പരിഭവവും ആവശ്യവുമായിരുന്നു അവർക്ക് ഒരു സൈക്കിൾ. ഒടുവിൽ ഹെൽപ്പ് ഡെസ്കിന്‍റെ ചുമതലയുള്ള ഡി സി ആർ സി ഫാമിലി കൗൺസിലർ ക്ലോഡറ്റ് ലംബർട്ട് മുൻകൈയെടുത്ത് സഹപാഠികളുടെയും സുഹൃത്തുക്കളുടെയും സഹായത്തോടെ പെൺകുട്ടികൾക്കും ആൺകുട്ടികൾക്കുമായി വാങ്ങിയ രണ്ട് സൈക്കിളുകളാണ് കഴിഞ്ഞദിവസം പുള്ളിക്കട നഗറിലെത്തിയ കൊല്ലം സിറ്റി പോലീസ് കമ്മീഷണർ കൈമാറിയത്. ക്ലോഡറ്റ് ലംബർട്ടിന്‍റെ അധ്യക്ഷതയിൽ പുള്ളിക്കട നഗറിൽ ചേർന്ന കൂട്ടായ്മയിൽ മുക്ത്യോദയം ജില്ലാ കോർഡിനേറ്റർ സബ് ഇൻസ്പെക്ടർ ഡി. രാജു, ഈസ്റ്റ് പോലീസ് സബ് ഇൻസ്പെക്ടർ സരിത, സന്ദീപ് പൈ എന്നിവർ പ്രസംഗിച്ചു. കൂട്ടായ്മയിൽ പങ്കെടുത്ത എല്ലാ കുട്ടികൾക്കും കമ്മീഷണർ കിരൺ നാരായണൻ വിവിധ സമ്മാനങ്ങൾ കൈമാറി. സബ് ഇൻസ്പെക്ടർ അജിത, ഈസ്റ്റ് പോലീസ് സ്റ്റേഷൻ സീനിയർ സിവിൽ പോലീസ് ഓഫീസർ ആർ. രാജീവ്, സുനിൽ തുടങ്ങിയവർ ചടങ്ങിന് നേതൃത്വം നൽകി.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]