കൊ​ച്ചി: ന​ഗ​ര​ത്തി​ലെ വ്യാ​പാ​ര സ്ഥാ​പ​ന​ങ്ങ​ളി​ല്‍ നി​ന്നു​ള്ള മാ​ലി​ന്യ നീ​ക്കം കാ​ര്യ​ക്ഷ​മ​മ​ല്ലെ​ന്ന് പ്ര​തി​പ​ക്ഷം. ര​ജി​സ്റ്റ​ര്‍ ചെ​യ്ത ഒ​രു ല​ക്ഷ​ത്തി​ലേ​റെ വ്യാ​പാ​ര സ്ഥാ​പ​ന​ങ്ങ​ളി​ല്‍ ലൈ​സ​ന്‍​സ് എ​ടു​ത്തി​ട്ടു​ള്ള 25,000 ക​ട​ക​ളി​ല്‍ 500 താ​ഴെ സ്ഥാ​പ​ന​ങ്ങ​ള്‍ മാ​ത്ര​മേ ന​ഗ​ര​സ​ഭ​യു​ടെ അം​ഗീ​കൃ​ത ഏ​ജ​ന്‍​സി​ക്ക് മാ​ലി​ന്യം കൈ​മാ​റു​ന്നു​ള്ളൂ എ​ന്ന് പ്ര​തി​പ​ക്ഷ നേ​താ​വ് അ​ഡ്വ. ആ​ന്‍റ​ണി കു​രീ​ത്ത​റ​യും പാ​ര്‍​ല​മെ​ന്‍റ് പാ​ര്‍​ട്ടി സെ​ക്ര​ട്ട​റി എം.​ജി. അ​രി​സ്റ്റോ​റി​ലും പ​റ​ഞ്ഞു.

ശേ​ഷി​ക്കു​ന്ന സ്ഥാ​പ​ന​ങ്ങ​ള്‍ മാ​ലി​ന്യം അ​ല​ക്ഷ്യ​മാ​യി ത​ള്ളു​ന്ന​തി​ന്‍റെ തെ​ളി​വാ​ണ് വ​ഴി​യോ​ര​ങ്ങ​ളി​ലും ഒ​ഴി​ഞ്ഞ പ​റ​മ്പു​ക​ളി​ലും മാ​ലി​ന്യം കു​ന്നു​കൂ​ടി കി​ട​ക്കു​ന്ന​ത്. മാ​ര്‍​ച്ചി​ല്‍ മാ​ലി​ന്യ സം​സ്‌​ക​ര​ണ​ത്തി​നാ​യി ചെ​ല​വ​ഴി​ച്ച​ത് 2.16 കോ​ടി രു​പ​യാ​ണ്.

എ​ന്നാ​ല്‍ ആ ​മാ​സം 64 ല​ക്ഷം രൂ​പ മാ​ത്ര​മാ​ണ് മാ​ലി​ന്യ ശേ​ഖ​ര​ണ​വു​മാ​യി ബ​ന്ധ​പ്പെ​ട്ട് ന​ഗ​ര​സ​ഭ​യ്ക്ക് ല​ഭി​ച്ച​ത്.

കോ​ടി​ക​ള്‍ മാ​ലി​ന്യം സം​സ്‌​ക​ര​ണ​ത്തി​നാ​യി ചെ​ല​വ​ഴി​ക്കേ​ണ്ടി​വ​രു​മ്പോ​ള്‍ പു​ന​രു​പ​യോ​ഗി​ക്കാ​ന്‍ ക​ഴി​യു​ന്ന മാ​ലി​ന്യ​ങ്ങ​ളി​ല്‍ നി​ന്ന് പോ​ലും വ​രു​മാ​നം ക​ണ്ടെ​ത്താ​ന്‍ ന​ഗ​ര​സ​ഭ​യ്ക്ക് ക​ഴി​യു​ന്നി​ല്ലെ​ന്നും പ്രതിപക്ഷം കു​റ്റ​പ്പെ​ടു​ത്തി.