ബെന്നി ചിറയിൽ

ചങ്ങനാശേരി: നെ​ല്‍കര്‍ഷ​കരു​ടെ വി​വി​ധ ആ​വ​ശ്യ​ങ്ങ​ള്‍ ഉ​ന്ന​യി​ച്ച് ഇ​ന്ന് വൈ​കു​ന്നേ​രം അ​ഞ്ചി​ന് നെ​ല്‍ക​ര്‍ഷ​ക സം​ര​ക്ഷ​ണ സ​മി​തി​യു​ടെ നേ​തൃ​ത്വ​ത്തി​ല്‍ ച​ങ്ങ​നാ​ശേ​രി അ​ര്‍ക്കാ​ലി​യ ഓ​ഡിറ്റോറി​യ​ത്തി​ല്‍ നെ​ല്‍ക​ര്‍ഷ​ക​രു​ടെ യോ​ഗം ചേ​രു​മെ​ന്നും തു​ട​ര്‍ സ​മ​ര പ​രി​പാ​ടി​ക​ള്‍ക്ക് രൂ​പം ന​ല്‍കു​മ​ന്നും ര​ക്ഷാ​ധി​കാ​രി വി.​ജെ.​ലാ​ലി, പ്ര​സി​ഡ​ന്‍റ് റ​ജീ​ന അ​ഷ​റ​ഫ്, ജ​ന​റ​ല്‍സെ​ക്ര​ട്ട​റി സോ​ണി​ച്ച​ന്‍ പു​ളി​ങ്കു​ന്ന് എ​ന്നി​വ​ര്‍ അ​റി​യി​ച്ചു.

മു​ഖ്യ​മ​ന്ത്രി ഇ​ട​പെ​ട​ണ​മെ​ന്ന് ക​ർ​ഷ​ക​ർ

നെ​ല്‍ക്ക​ര്‍ഷ​ക​രു​ടെ വി​ഷ​യ​ത്തി​ല്‍ മു​ഖ്യ​മ​ന്ത്രി ഇ​ട​പെ​ടാ​ത്ത​തെ​ന്തെ​ന്ന് ചോ​ദ്യ​വു​മാ​യി ക​ര്‍ഷ​ക​ര്‍. കൃ​ഷി, സം​ഭ​ര​ണ രം​ഗ​ങ്ങ​ളി​ല്‍ കൃ​ഷി, ഭ​ക്ഷ്യ​പൊ​തു​വി​ത​ര​ണ, ധ​ന​കാ​ര്യ വ​കു​പ്പു​ക​ള്‍ പ​രാ​ജ​യ​പ്പെ​ട്ട സാ​ഹ​ച​ര്യ​ത്തി​ലാ​ണ് വി​ഷ​യ​ത്തി​ല്‍ മു​ഖ്യ​മ​ന്ത്രി നേ​രി​ട്ട് ഇ​ട​പെ​ട​ണ​മെ​ന്ന ആ​വ​ശ്യ​വു​മാ​യി ക​ര്‍ഷ​ക​ര്‍ രം​ഗ​ത്തു വ​രു​ന്ന​ത്.

കു​ട്ട​നാ​ട്, അ​പ്പ​ര്‍കു​ട്ട​നാ​ട് മേ​ഖ​ല​ക​ളി​ല്‍ നെ​ല്ലു സം​ഭ​ര​ണം നീ​ളു​ക​യാ​ണ്. സം​ഭ​രി​ച്ച നെ​ല്ലി​ന്‍റെ പി​ആ​ര്‍എ​സ് ന​ട​പ​ടി​ക​ളും ത​ട​സ​പ്പെ​ട്ടു​കി​ട​ക്കു​ന്നു. ക​ര്‍ഷ​ക​രി​ല്‍നി​ന്നും പി​ആ​ര്‍എ​സ് സ്വീ​ക​രി​ച്ച് വാ​യ്പ ന​ല്‍കാ​ന്‍ സ​ര്‍ക്കാ​ര്‍ ചു​മ​ത​ല​പ്പെ​ടു​ത്തി​യ എ​സ്ബി​ഐ​യും കാ​ന​റ ബാ​ങ്കും ഇ​ക്കാ​ര്യ​ത്തി​ല്‍ പി​ന്നാ​ക്കം പോ​യി​രി​ക്കു​ക​യാ​ണ്. എ​സ്ബി​ഐ ശാ​ഖ​ക​ളി​ല്‍ പി​ആ​ര്‍എ​സ് വാ​ങ്ങു​ന്നു​ണ്ടെ​ങ്കി​ലും ന​ട​പ​ടി സ്വീ​ക​രി​ക്കു​ന്നി​ല്ല.

കാ​ന​റാ ബാ​ങ്കു​ക​ളു​ടെ ശാ​ഖ​ക​ളി​ല്‍ പി​ആ​ര്‍എ​സ് സ്വീ​ക​രി​ക്കു​ന്നു​പോ​ലു​മി​ല്ല. മു​ന്‍കാ​ല​ങ്ങ​ളി​ല്‍ ക​ര്‍ഷ​ക​ര്‍ക്ക് ന​ല്‍കി​യ വാ​യ്പ തു​ക​യു​ടെ കു​ടി​ശി​ക സ​ര്‍ക്കാ​രി​ല്‍നി​ന്നും ല​ഭി​ച്ചി​ല്ലെ​ന്നു പ​റ​യു​ന്ന​തി​നൊ​പ്പം ഈ ​ബാ​ങ്കു​ക​ള്‍ പ​ലി​ശ നി​ര​ക്ക് കൂ​ടു​ത​ല്‍ ആ​വ​ശ്യ​പ്പെ​ടു​ന്നു​മു​ണ്ട്.


കൈ​കാ​ര്യച്ചെല​വ് വ​ര്‍ധി​പ്പി​ച്ചി​ട്ട് 12വ​ര്‍ഷം

ക​ഴി​ഞ്ഞ 21വ​ര്‍ഷ​മാ​യി കൈ​കാ​ര്യച്ചെ​ല​വ് വ​ര്‍ധി​പ്പി​ച്ചി​ട്ടി​ല്ല. സാ​ധാ​ര​ണ​ഗ​തി​യി​ല്‍ ഒ​രു ക്വി​ന്‍റലി​ന് ഇ​രു​നൂ​റി​നും ഇ​രു​നൂ​റ്റി അ​മ്പ​തി​നും ഇ​ട​യി​ല്‍ രൂ​പ ക​ര്‍ഷ​ക​ര്‍ക്ക് കൈ​കാ​ര്യ​ച്ചെ​ല​വു​ണ്ടാ​കു​മ്പോ​ള്‍ ഇ​പ്പോ​ഴും ക്വി​ന്‍റ​ലി​ന് 12രൂ​പ​മാ​ത്ര​മാ​ണ് സ​ര്‍ക്കാ​ര്‍ ന​ല്‍കു​ന്ന​ത്.

നെ​ല്‍കൃ​ഷി​ക്കും സം​ഭ​ര​ണ​ത്തി​നും സ​ര്‍ക്കാ​ര്‍ ന​യം പ്ര​ഖ്യാ​പി​ക്ക​ണം

നെ​ല്‍കൃ​ഷി ആ​രം​ഭി​ക്കു​ന്ന​തു​മാ​യി ബ​ന്ധ​പ്പെ​ട്ട് കൃ​ഷി ഓ​ഫീ​സു​ക​ളി​ല്‍ ക​ര്‍ഷ​ക​ര്‍ ര​ജി​സ്‌​ട്രേ​ഷ​ന്‍ ന​ട​ത്തു​ന്ന​തോ​ടൊ​പ്പം​ത​ന്നെ നെ​ല്‍കൃ​ഷി ന​ട​ത്തി​പ്പ് സം​ബ​ന്ധി​ച്ചും സം​ഭ​ര​ണം​സം​ബ​ന്ധി​ച്ചും പ്ര​ത്യേ​ക​ന​യം ആ​വി​ഷ്‌​ക​രി​ക്ക​ണ​മെ​ന്നാ​ണ് ക​ര്‍ഷ​ക​ര്‍ ആ​വ​ശ്യ​പ്പെ​ടു​ന്ന​ത്. നെ​ല്‍വി​ത്ത്, വ​ളം സ​ബ്‌​സി​ഡി​ക​ള്‍, ഇ​ന്‍ഷ്വറന്‍സ്, നെ​ല്ല് സം​ഭ​ര​ണം, സം​ഭ​രി​ച്ച നെ​ല്ലി​ന്‍റെ പ​ണം ക​ര്‍ഷ​ര്‍ക്ക് ല​ഭി​ക്ക​ല്‍ തു​ട​ങ്ങി​യ കാ​ര്യ​ങ്ങ​ള്‍ കൃ​ത്യ​മാ​യി ഈ ​ന​യ​ത്തി​ലൂ​ടെ സ​ര്‍ക്കാ​ര്‍ പ്ര​ഖ്യാ​പി​ക്ക​ണം.

നെ​ല്‍കൃ​ഷി​ക്കും സം​ഭ​ര​ണ​ത്തി​നും ആ​വ​ശ്യ​മാ​യ റി​വോ​ള്‍വിം​ഗ് ഫ​ണ്ട് സം​സ്ഥാ​ന ബ​ജ​റ്റി​ല്‍ ഉ​ള്‍പ്പെ​ടു​ത്തു​ക​യും വേ​ണ​മെ​ന്ന് ക​ർ​ഷ​ക​ർ ആ​വ​ശ്യ​പ്പെ​ട്ടു.