പ​ത്ത​നം​തി​ട്ട: നീ​റ്റ് പ​രീ​ക്ഷ​യ്ക്ക് പ​ത്ത​നം​തി​ട്ട ന​ഗ​ര​ത്തി​ലെ സെ​ന്‍റ​റി​ല്‍ എ​ത്തി​യ വി​ദ്യാ​ര്‍ഥി​ക്കു​വേ​ണ്ടി വ്യാ​ജ അ​ഡ്മി​റ്റ് കാ​ർ​ഡ് നി​ർ​മി​ച്ച​തി​നു നെ​യ്യാ​റ്റി​ന്‍ക​ര​യി​ലെ അ​ക്ഷ​യ സെ​ന്‍റ​റി​ലെ ജീ​വ​ന​ക്കാ​രി അ​റ​സ്റ്റി​ൽ.

പ​രീ​ക്ഷാ കോ-ഓ​ര്‍ഡി​നേ​റ്റ​റു​ടെ പ​രാ​തി പ്ര​കാ​രം പ​രീ​ക്ഷാ​ര്‍ഥി​യെ പോ​ലീ​സ് ക​സ്റ്റ​ഡി​യി​ല്‍ എ​ടു​ത്തു ചോ​ദ്യം ചെ​യ്ത​തി​ന്‍റെ അ​ടി​സ്ഥാ​ന​ത്തി​ലാ​ണ് അ​ക്ഷ​യ സെ​ന്‍റ​റി​ലെ ജീ​വ​ന​ക്കാ​രി ഗ്രീ​ഷ്മ​യെ ഇ​ന്ന​ലെ രാ​വി​ലെ പോ​ലീ​സ് ക​സ്റ്റ​ഡി​യി​ലെ​ടു​ത്തത്. ചോ​ദ്യം ചെ​യ്യ​ലി​നു​ശേ​ഷം വൈ​കു​ന്നേ​രം പ​ത്ത​നം​തി​ട്ട​യി​ലെ​ത്തി​ച്ച് അ​റ​സ്റ്റ് രേ​ഖ​പ്പെ​ടു​ത്തി.

നെ​യ്യാ​റ്റി​ന്‍ക​ര​യി​ല്‍ സ​ത്യ​ദാ​സ് എ​ന്ന​യാ​ളി​ന്‍റെ ഉ​ട​മ​സ്ഥ​ത​യി​ലു​ള്ള അ​ക്ഷ​യ സെ​ന്‍റ​റി​ലെ ജീ​വ​ന​ക്കാ​രി​യാ​ണ് ഗ്രീ​ഷ്മ. ക​ഴി​ഞ്ഞ​മൂ​ന്നു​മാ​സ​മാ​യി ഇ​വ​ര്‍ ഇ​വി​ടെ ജോ​ലി ക്കാരിയണ്. ഉ​ച്ച​ക​ഴി​ഞ്ഞ് പ​ത്ത​നം​തി​ട്ട​യി​ലെ​ത്തി​ച്ച ഗ്രീ​ഷ്മ​യെ പോ​ലീ​സ് ചോ​ദ്യം ചെ​യ്തു​വ​രി​ക​യാ​ണ്.

ഞാ​യ​റാ​ഴ്ച പ​ത്ത​നം​തി​ട്ട​യി​ല്‍ പ​രീ​ക്ഷ എ​ഴു​താ​നെ​ത്തി​യ തി​രു​വ​ന​ന്ത​പു​രം പാ​റ​ശാ​ല സ്വ​ദേ​ശി​യാ​യ വി​ദ്യാ​ർ​ഥി​യു​ടെ കൈ​വ​ശ​മു​ണ്ടാ​യി​രു​ന്ന അ​ഡ്മി​റ്റ് കാ​ര്‍ഡി​ലാ​ണ് കൃ​ത്രി​മ​ത്വം ക​ണ്ടെ​ത്തി​യ​ത്.

പ​ത്ത​നം​തി​ട്ട മാ​ര്‍ത്തോ​മ്മ എ​ച്ച്എ​സ്എ​സ് എ​ന്നാ​ണ് അ​ഡ്മി​റ്റ് കാ​ര്‍ഡി​ല്‍ പ​രീ​ക്ഷാ കേ​ന്ദ്രം രേ​ഖ​പ്പെ​ടു​ത്തി​യി​രു​ന്ന​ത്. തൈ​ക്കാ​വ് ഗ​വ.​ വി​എ​ച്ച്എ​സ്എ​സ് ആ​ന്‍ഡ് എ​ച്ച്എ​സ്എ​സ് മാ​ത്ര​മാ​ണ് പ​ത്ത​നം​തി​ട്ട ന​ഗ​ര​ത്തി​ല്‍ നീ​റ്റ് പ​രീ​ക്ഷാകേ​ന്ദ്ര​മാ​യു​ണ്ടാ​യി​രു​ന്ന​ത്.

സെ​ന്‍റ​ര്‍ രേ​ഖ​പ്പെ​ടു​ത്തി​യ​തു തെ​റ്റി​പ്പോ​യ​താ​കാ​മെ​ന്ന പേ​രി​ല്‍ ഗ​വ.​ എ​ച്ച്എ​സ്എ​സി​ല്‍ പ​രീ​ക്ഷ​യ്‌​ക്കെ​ത്തി​യ​പ്പോ​ൾ ത​ന്നെ അ​ഡ്മി​റ്റ് കാ​ര്‍ഡി​ല്‍ തി​രി​മ​റി സം​ശ​യി​ച്ച് പ​രീ​ക്ഷാ കേ​ന്ദ്രം ന​ട​ത്തി​പ്പു​കാ​ര്‍ നീ​റ്റ് പ​രീ​ക്ഷ ഉ​ദ്യോ​ഗ​സ്ഥ​രു​മാ​യി ബ​ന്ധ​പ്പെ​ട്ടു.

അ​ഡ്മി​റ്റ് കാ​ര്‍ഡി​ന്‍റെ മു​ക​ള്‍ ഭാ​ഗ​ത്ത് വി​ദ്യാ​ർ​ഥി​യു​ടെ പേ​ര്, അ​മ്മ​യു​ടെ പേ​ര്, ജ​ന​ന​ത്തീ​യ​തി തു​ട​ങ്ങി​യ​വ​യു​ണ്ടാ​യി​രു​ന്നു. സാ​ങ്കേ​തി​ക പി​ഴ​വാ​കാ​മെ​ന്നു ക​രു​തി ഈ ​വി​ദ്യാ​ർ​ഥി​യെ പ​രീ​ക്ഷ എ​ഴു​താ​ൻ അ​നു​വ​ദി​ച്ചു.

ഹാ​ജ​രാ​കാ​ത്ത മ​റ്റൊ​രു വി​ദ്യാ​ർ​ഥി​യു​ടെ സീ​റ്റാ​ണ് അ​നു​വ​ദി​ച്ച​ത്. ഇ​തേ സ​മ​യം കാ​ർ​ഡി​ന്‍റെ വി​ശ​ദ​മാ​യ പ​രി​ശോ​ധ​ന നീ​റ്റ് ഉ​ദ്യോ​ഗ​സ്ഥ​ർ ന​ട​ത്തി. താ​ഴെ​യു​ള്ള സെ​ല്‍ഫ് ഡി​ക്ള​റേ​ഷ​ന്‍ ഭാ​ഗ​ത്ത് തി​രു​വ​ന​ന്ത​പു​രം മു​ള്ളു​വി​ള സ്വ​ദേ​ശി​യാ​യ വി​ദ്യാ​ര്‍ഥി​യു​ടെ പേ​രും വി​ലാ​സ​വു​മാ​ണു​ണ്ടാ​യി​രു​ന്ന​ത്.


ഉ​ച്ച​ക​ഴി​ഞ്ഞ് മൂ​ന്നോ​ടെ സം​സ്ഥാ​ന കോ ​ഓ​ര്‍ഡി​നേ​റ്റ​ര്‍ നി​ര്‍ദേ​ശി​ച്ച​തു​ പ്ര​കാ​രം വി​ദ്യാ​ർ​ഥി​യെ പ​രീ​ക്ഷ എ​ഴു​തു​ന്ന​ത് വി​ല​ക്കി. തു​ട​ര്‍ന്ന് പോ​ലീ​സി​നു പ​രാ​തി കൈ​മാ​റി. പ​റ​ശാ​ല സ്വ​ദേ​ശി ഉ​പ​യോ​ഗി​ച്ച അ​ഡ്മി​റ്റ് കാ​ര്‍ഡ് വ്യാ​ജ​മെ​ന്നു പ്രാ​ഥ​മി​കാ​ന്വേ​ഷ​ണ​ത്തി​ല്‍ ത​ന്നെ പോ​ലീ​സ് ക​ണ്ടെ​ത്തി​യ​തോ​ടെ അ​ന്വേ​ഷ​ണം വി​പു​ല​പ്പെ​ടു​ത്തി.

ഇ​ന്ന​ലെ രാ​വി​ലെ ത​ന്നെ അ​ക്ഷ​യ കേ​ന്ദ്രം സീ​ൽ ചെ​യ്തു. തു​ട​ർ​ന്ന് ഗ്രീ​ഷ്മ​യെ പോ​ലീ​സ് ക​സ്റ്റ​ഡി​യി​ലെ​ടു​ത്തു. ഉ​ച്ച​യോ​ടെ അ​വ​രു​മാ​യി അ​ക്ഷ​യ കേ​ന്ദ്ര​ത്തി​ലെ​ത്തി തെ​ളി​വെ​ടു​ത്തു. കം​പ്യൂ​ട്ട​ർ ഹാ​ർ​ഡ് ഡി​സ്ക് അ​ട​ക്കം ക​സ്റ്റ​ഡി​യി​ലെ​ടു​ത്തു. പ​രീ​ക്ഷ​യ്‌​ക്കെ​ത്തി​യ പാ​റ​ശാ​ല സ്വ​ദേ​ശി അ​പേ​ക്ഷ ന​ല്‍കാ​ന്‍ സ​മീ​പി​ച്ച​ത് നെ​യ്യാ​റ്റി​ന്‍ക​ര​യി​ലെ അ​ക്ഷ​യ കേ​ന്ദ്ര​ത്തെ​യാ​ണ്. വി​വ​ര​ങ്ങ​ള‌ും പ​ണ​വും ഗ്രീ​ഷ്മ​യെ ഏ​ല്പി​ച്ചി​രു​ന്നു.

എ​ന്നാ​ല്‍ അ​പേ​ക്ഷ സ​മ​ർ​പ്പി​ക്കാ​ൻ മ​റ​ന്നു​പോ​യെ​ന്ന് ഗ്രീ​ഷ്മ പ​റ​ഞ്ഞു. ഹാ​ൾ ടി​ക്ക​റ്റ് ഡൗ​ൺ​ലോ​ഡ് ചെ​യ്യു​ന്ന സ​മ​യ​മാ​യ​പ്പോ​ഴേ​ക്കും വി​ദ്യാ​ർ​ഥി​യു​ടെ മാ​താ​വ് ഇ​തി​നാ​യി ഗ്രീ​ഷ്മ​യെ സ​മീ​പി​ച്ചു. ത​നി​ക്കു പ​റ്റി​യ പി​ഴ​വ് മ​റ​ച്ചു​പി​ടി​ച്ച് മ​റ്റൊ​രു അ​ഡ്മി​റ്റ് കാ​ർ​ഡ് ഡൗ​ൺ​ലോ​ഡ് ചെ​യ്ത് അ​തി​ൽ തി​രു​ത്ത​ലു​ക​ൾ വ​രു​ത്തി ഫോ​ട്ടോ​യും പ​തി​ച്ച് ന​ൽ​കു​ക​യാ​യി​രു​ന്നു. വാ​ട്സ്ആ​പ്പി​ലൂ​ടെ ല​ഭി​ച്ച അ​ഡ്മി​റ്റ് കാ​ർ​ഡി​ന്‍റെ പ്രി​ന്‍റ് എ​ടു​ത്ത് കു​ട്ടി പ​രീ​ക്ഷ​യ്ക്ക് ഹാ​ജ​രാ​കു​ക​യാ​യി​രു​ന്നു.

പ​ത്ത​നം​തി​ട്ട വി​ദൂ​ര​ത്താ​യ​തി​നാ​ൽ കു​ട്ടി പ​രീ​ക്ഷ​യ്ക്കു പോ​കി​ല്ലെ​ന്നാ​ണ് ധ​രി​ച്ചി​രു​ന്ന​തെ​ന്നാ​ണ് ഗ്രീ​ഷ്മ പോ​ലീ​സി​നോ​ടു പ​റ​ഞ്ഞു. ഉ​പ​യോ​ഗി​ച്ച അ​ഡ്മി​റ്റ് കാ​ര്‍ഡി​ലെ ക്യൂ ​ആ​ര്‍ കോ​ഡ് സ്‌​കാ​ന്‍ ചെ​യ്ത​പ്പോ​ള്‍ മ​റ്റൊ​രു പേ​രാ​ണ് തെ​ളി​ഞ്ഞു​വ​ന്ന​ത്. ഈ ​വി​ദ്യാ​ര്‍ഥി​യാ​ക​ട്ടെ തി​രു​വ​ന​ന​ന്ത​പു​ര​ത്തു പ​രീ​ക്ഷ എ​ഴു​തു​ക​യും ചെ​യ്തു. പ​രീ​ക്ഷാ​ഹാ​ളി​ൽ നി​ന്നും ക​സ്റ്റ​ഡി​യി​ലെ​ടു​ത്ത ​വിദ്യാ​ര്‍ഥി​യെ നി​ര​പ​രാ​ധി​യെ​ന്നു ക​ണ്ട് പോ​ലീ​സ് വി​ട്ട​യ​ച്ചു.

കേ​സി​ൽ വി​ശ​ദ​മാ​യ അ​ന്വേ​ഷ​ണം തു​ട​രു​മെ​ന്ന് ജി​ല്ലാ പോ​ലീ​സ് മേ​ധാ​വി വി.​ജി. വി​നോ​ദ് കു​മാ​ർ അ​റി​യി​ച്ചു.