ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: രാ​ജ​സ്ഥാ​നി​ലെ ചു​ട്ടു​പൊ​ള്ളു​ന്ന ചൂ​ടി​നി​ട​യി​ൽ അ​ല്പം കു​ളി​ർ​മ​യും ഊ​ർ​ജ​സ്വ​ല​ത​യു​മേ​കാ​ൻ ത​ടാ​കന​ഗ​ര​മാ​യ ഉ​ദ​യ്പുരി​ൽ കോ​ണ്‍ഗ്ര​സി​ന്‍റെ ത്രി​ദി​ന ന​വ സ​ങ്ക​ൽ​പ് ചി​ന്ത​ൻ ശി​ബി​ര​ത്തി​ന് ഇ​ന്നു തു​ട​ക്കം.

എ​ഐ​സി​സി മു​ത​ൽ താഴേത്ത​ട്ടു​വ​രെ എ​ല്ലാ സ​മി​തി​ക​ളും യു​വ പ്രാ​തി​നി​ധ്യം വ​ർ​ധി​പ്പി​ക്കു​ന്ന​ത് അ​ട​ക്കം കോ​ണ്‍ഗ്ര​സി​നെ അ​ടി​മു​ടി ഉ​ട​ച്ചു​വാ​ർ​ക്കാ​നു​ള്ള ക​ർ​മപ​ദ്ധ​തി​ക​ൾ​ക്കാ​യി വി​ശ​ദ ച​ർ​ച്ച ന​ട​ക്കു​ന്ന സ​മ്മേ​ള​നം, പ​ക്ഷേ രാ​ഹു​ൽ ഗാ​ന്ധി വീ​ണ്ടും എ​ഐ​സി​സി അ​ധ്യ​ക്ഷ​ൻ ആ​കു​ന്ന​തി​നു​ള്ള ക​ള​മൊ​രു​ക്ക​ൽ കൂ​ടി​യാ​കും.

ഉ​ദ​യ്പുർ ചി​ന്ത​ൻ ശി​ബ​ിര​ത്തി​ൽ രാ​ഹു​ലി​ന്‍റെ തി​രി​ച്ചു​വ​ര​വി​നാ​യി മു​റ​വി​ളി ഉ​യ​രു​മെ​ങ്കി​ലും കോ​ണ്‍ഗ്ര​സി​ന് ഏ​റ്റ​വും സു​പ്ര​ധാ​ന​മാ​യ നേ​തൃ​പ്ര​ശ്ന​ത്തിൽ ച​ർ​ച്ച ഒ​ഴി​വാ​ക്കാ​നാ​ണ് ഉ​ന്ന​ത നേ​താ​ക്ക​ളു​ടെ തീ​രു​മാ​നം.

ഉ​ദ​യ്പുരി​ൽ അ​ഭാ​വം​കൊ​ണ്ടു ശ്ര​ദ്ധേ​യ​നാ​യ എ.​കെ. ആ​ന്‍റ​ണി മു​ത​ൽ സം​ഘ​ട​നാ കാ​ര്യ​ങ്ങ​ളു​ടെ ചു​മ​ത​ല​യു​ള്ള കെ.​സി. വേ​ണു​ഗോ​പാ​ൽ, മു​ഖ്യ​മ​ന്ത്രി​മാ​രാ​യ അ​ശോ​ക് ഗെ​ഹ്‌​ലോ​ട്ട്, ഭൂ​പേ​ഷ് ബാ​ഗേ​ൽ, മാ​ധ്യ​മവി​ഭാ​ഗം ത​ല​വ​ൻ ര​ണ്‍ദീ​പ് സു​ർ​ജേ​വാ​ല, രാ​ജ‍്യ​സ​ഭാ പ്ര​തി​പ​ക്ഷ നേ​താ​വ് മ​ല്ലി​കാ​ർ​ജു​ൻ ഖാ​ർ​ഗെ, ലോ​ക്സ​ഭ​യി​ലെ നേ​താ​വ് അ​ധീ​ർ ര​ഞ്ജ​ൻ ചൗ​ധ​രി, മു​തി​ർ​ന്ന നേ​താ​ക്ക​ളാ​യ അ​ജ​യ് മാ​ക്ക​ൻ, താ​രീ​ഖ് അ​ൻ​വ​ർ തു​ട​ങ്ങി​യ​വ​രും കേ​ര​ള​ത്തി​ൽനി​ന്നു​ള്ള മി​ക്ക എം​പി​മാ​രും രാ​ഹു​ലി​ന്‍റെ തി​രി​ച്ചു​വ​ര​വി​നാ​യി ശ​ബ്ദമു​യ​ർ​ത്തും.


ഓ​ഗ​സ്റ്റി​ൽ തു​ട​ങ്ങു​ന്ന സം​ഘ​ട​നാ തെ​ര​ഞ്ഞെ​ടു​പ്പി​ലൂ​ടെ​യേ രാ​ഹു​ൽ വീ​ണ്ടും മു​ഴു​സ​മ​യ പ്ര​സി​ഡ​ന്‍റ് സ്ഥാ​നം ഏ​റ്റെ​ടു​ക്കു​ക​യു​ള്ളു. ആ​രോ​ഗ്യ പ്ര​ശ്ന​ങ്ങ​ളു​ള്ള ഇ​ട​ക്കാ​ല അ​ധ്യ​ക്ഷ സോ​ണി​യ ഗാ​ന്ധി​യും എ​ഐ​സി​സി ജ​ന​റ​ൽ സെ​ക്ര​ട്ട​റി പ്രി​യ​ങ്ക വ​ദ്ര​യും രാ​ഹു​ലി​നെ പി​ന്തു​ണ​യ് ക്കും.

പ്രി​യ​ങ്ക വ​ര​ണ​മെ​ന്ന് മു​തി​ർ​ന്ന നേ​താ​വ് അം​ബി​ക സോ​ണി അ​ട​ക്കം പ​ല​രും ആ​ഗ്ര​ഹി​ക്കു​ന്നു​ണ്ടെ​ങ്കി​ലും വ​യ​നാ​ട് എം​പി ആ​യ രാ​ഹു​ൽത​ന്നെ മ​തി​യെ​ന്നാ​ണ് പ്ര​ബ​ല നേ​താ​ക്ക​ളു​ടെ തീ​രു​മാ​നം. ചിന്തൻ ശിബിരത്തിൽ മ​ഹാ​ഭൂ​രി​പ​ക്ഷ​വും രാ​ഹു​ലി​നെ പ​ര​സ്യ​മാ​യി എ​തി​ർ​ക്കി​ല്ലെന്നതു തീ​ർ​ച്ച​യാ​ണ്.

കോ​ണ്‍ഗ്ര​സി​ന് സ​ജീ​വ നേ​തൃ​ത്വ​വും എ​ഐ​സി​സി​യി​ൽ അ​ഴി​ച്ചു​പ​ണി​യും വേ​ണ​മെ​ന്നാവ​ശ്യ​പ്പെ​ട്ട് സോ​ണി​യ​യ്ക്കു ക​ത്തെ​ഴു​തി​യ ഗു​ലാം ന​ബി ആ​സാ​ദ്, ആ​ന​ന്ദ് ശ​ർ​മ, മു​കു​ൾ വാ​സ്നി​ക്, മ​നീ​ഷ് തി​വാ​രി, ശ​ശി ത​രൂ​ർ അ​ട​ക്ക​മു​ള്ള ജി-23 ​നേ​താ​ക്ക​ൾ ഉ​ദ​യ്പുരി​ൽ ഇ​ക്കാ​ര്യ​ത്തി​ൽ ത​ർ​ക്കം ഒ​ഴി​വാ​ക്കി​യേ​ക്കും.

ആ​ത്മ​വി​മ​ർ​ശ​നം ആ​വ​ശ്യ​മാ​ണെ​ങ്കി​ലും പാ​ർ​ട്ടി​യി​ലെ ഐ​ക്യ​വും യോ​ജി​പ്പു​മാ​ണ് പ്ര​ധാ​ന​മെ​ന്നും പ്ര​വ​ർ​ത്ത​ക​രു​ടെ ആ​ത്മ​വീ​ര്യം ചോ​ർ​ത്തു​ന്ന വി​മ​ർ​ശ​നം പാ​ടി​ല്ലെ​ന്നും ചി​ന്ത​ൻ ശി​ബി​രം ച​ർ​ച്ച ചെ​യ്ത ക​ഴി​ഞ്ഞ പ്ര​വ​ർ​ത്ത​കസ​മി​തി യോ​ഗ​ത്തി​ൽ സോ​ണി​യ ന​ട​ത്തി​യ പ്ര​സം​ഗം ജി-23 ​നേ​താ​ക്ക​ൾ​ക്കു​ള്ള കൃ​ത്യ​മാ​യ സ​ന്ദേ​ശ​മാ​യി​രു​ന്നു.