ന്യൂഡ​​​​ൽ​​​​ഹി: മു​ഖ്യ​മ​ന്ത്രി​ക്ക് ഗ​വ​ർ​ണ​റു​മാ​യി കൂ​ടി​ക്കാ​ഴ്ച ന​ട​ത്താ​ൻ എ​ന്തെ​ങ്കി​ലും പ്ര​യാ​സ​മു​ണ്ടോ​യെ​ന്ന് സു​പ്രീം​കോ​ട​തി ചീ​ഫ് ജ​സ്റ്റീസ് ഡി.​വൈ. ച​ന്ദ്ര​ചൂ​ഡ്.

മു​ഖം ര​ക്ഷി​ക്കാ​നു​ള്ള ശ്ര​മ​ത്തി​ന്‍റെ ഭാ​ഗ​മാ​യാണ് മു​ഖ്യ​മ​ന്ത്രി​യു​മാ​യി കൂ​ടി​ക്കാ​ഴ്ച ന​ട​ത്താ​ൻ ഗ​വ​ർ​ണ​ർ ആ​വ​ശ്യ​പ്പെ​ടു​ന്ന​തെ​ന്ന് കേ​ര​ള​ത്തി​നു​വേ​ണ്ടി ഹാ​ജ​രാ​യ കെ. കെ. വേ​ണു​ഗോ​പാ​ൽ ചൂ​ണ്ടി​ക്കാ​ട്ടി​യ​തി​നെ തു​ട​ർ​ന്നാ​യി​രു​ന്നു ചീ​ഫ് ജ​സ്റ്റീ​സി​ന്‍റെ ചോ​ദ്യം. മ​ന്ത്രി​സ​ഭ​യു​ടെ ത​ല​വ​ൻ എ​ന്ന നി​ല​യി​ൽ മു​ഖ്യ​മ​ന്ത്രി​ക്ക് ബി​ല്ലു​ക​ളെ​ക്കു​റി​ച്ച് അ​റി​യി​ല്ലെ​ന്ന നി​ല​പാ​ട് സ്വീ​ക​രി​ക്കാ​ൻ ക​ഴി​യി​ല്ലെ​ന്നും ചീ​ഫ് ജ​സ്റ്റീസ് വ്യ​ക്ത​മാ​ക്കി.

നി​യ​മ​സ​ഭ പാ​സാ​ക്കു​ന്ന ബി​ല്ലു​ക​ളു​മാ​യി ബ​ന്ധ​പ്പെ​ട്ട് കേ​ര​ള​ത്തി​ലെ പ്ര​ശ്ന​ങ്ങ​ൾ ഗ​വ​ർ​ണ​റും മു​ഖ്യ​മ​ന്ത്രി​യും ത​മ്മി​ൽ കൂ​ടി​ക്കാ​ഴ്ച ന​ട​ത്തി​യാ​ൽ തീ​രാ​വു​ന്ന​തേ​യു​ള്ളൂ​വെ​ന്ന് അ​റ്റോ​ർ​ണി ജ​ന​റ​ൽ ആ​ർ. വെ​ങ്കി​ട്ടര​മ​ണി വാ​ദി​ച്ചു. യ​ഥാ​ർ​ഥ പ്ര​ശ്നം എ​ന്താ​ണെ​ന് പ​റ​യാ​തി​രി​ക്കാ​ൻ താ​ൻ ശ്ര​മി​ക്കു​ക​യാ​ണെ​ന്നും അ​ദ്ദേ​ഹം കോ​ട​തി​യി​ൽ പ​റ​ഞ്ഞു. എ​ന്നാ​ൽ, പ്ര​ശ്നം എ​ന്താ​ണെ​ന്ന് അ​റ്റോ​ർ​ണി ജ​ന​റ​ൽ തു​റ​ന്നു​പ​റ​യ​ണ​മെ​ന്ന് കെ.​കെ. വേ​ണു​ഗോ​പാ​ൽ ആ​വ​ശ്യ​പ്പെ​ട്ടു.


ബി​ല്ലു​ക​ൾ സം​ബ​ന്ധി​ച്ച് വി​ശ​ദീ​ക​രി​ക്കാ​ൻ മ​ന്ത്രി​മാ​ർ കൂ​ടി​ക്കാ​ഴ്ച​യ്ക്ക് സ​മ​യം തേ​ടി​യെ​ങ്കി​ലും ഗ​വ​ർ​ണ​ർ അ​ത് നി​ഷേ​ധി​ക്കു​ക​യാ​ണെ​ന്നും കെ.​കെ. വേ​ണു​ഗോ​പാ​ൽ ആ​രോ​പി​ച്ചു.

വി​ദ്യാ​ഭ്യാ​സം, ആ​രോ​ഗ്യം, കൃ​ഷി തു​ട​ങ്ങി​യ മേ​ഖ​ല​ക​ളി​ൽ കേ​ര​ളം രാ​ജ്യ​ത്തു​ത​ന്നെ ഒ​ന്നാം​സ്ഥാ​ന​ത്തു​ള്ള സം​സ്ഥാ​ന​മാ​ണ്. സ​ർ​ക്കാ​ർ കൊ​ണ്ടു​വ​രു​ന്ന ജ​ന​പ്രി​യ നി​യ​മ​ങ്ങ​ളി​ൽ ഗ​വ​ർ​ണ​റു​ടെ തീ​രു​മാ​നം അ​ന​ന്ത​മാ​യി വൈ​കി​യാ​ൽ എ​ങ്ങ​നെ സ​ർ​ക്കാ​രി​ന് മു​ന്നോ​ട്ടു​പോ​കാ​ൻ സാ​ധി​ക്കും? ഇ​തി​ന് ഒ​രു അ​വ​സാ​ന​മു​ണ്ടാ​യേ മ​തി​യാ​കൂ എ​ന്നും കെ.​കെ. വേ​ണു​ഗോ​പാ​ൽ ആ​വ​ശ്യ​പ്പെ​ട്ടു.