ഡൽഹി മദ്യനയ അഴിമതി കേസിൽ ജയിലിലായിരുന്ന കേജരിവാൾ ജാമ്യം ലഭിച്ചു പുറത്തിറങ്ങി രണ്ടു ദിവസത്തിനുശേഷമാണ് ആം ആദ്മി പാർട്ടി പ്രവർത്തകരെയും ദേശീയ രാഷ്‌ട്രീയത്തെയും ഞെട്ടിച്ചുകൊണ്ട് രാജി പ്രഖ്യാപിച്ചത്.
“അഗ്നിപരീക്ഷ വിജയിച്ചു. ജനങ്ങൾ നീതിയുടെ സർട്ടിഫിക്കറ്റ് നൽകിയതിനുശേഷം മാത്രമേ ഇനി മുഖ്യമന്ത്രിക്കസേരയിൽ ഇരിക്കാൻ ഞാൻ യോഗ്യനാകൂ’’ എന്നാണ് കേജരിവാൾ രാജി പ്രഖ്യാപിച്ചുകൊണ്ടു പറഞ്ഞത്.
ഡൽഹി സർക്കാരിന്‍റെ കാലാവധി അടുത്ത വർഷം ഫെബ്രുവരി വരെ ഉണ്ടെന്നിരിക്കേ തെരഞ്ഞെടുപ്പ് ഈ വർഷം നടത്താനുള്ള കേജരിവാളിന്‍റെ ആവശ്യം കേന്ദ്രസർക്കാർ തള്ളിയിരുന്നു.