ദു​ബാ​യ്: ഐ​സി​സി പു​രു​ഷ ട്വ​ന്‍റി-20 ക്രി​ക്ക​റ്റ് ലോ​ക റാ​ങ്കിം​ഗി​ല്‍ ഇ​ന്ത്യ​യു​ടെ യു​വ​താ​രം അ​ഭി​ഷേ​ക് ശ​ര്‍മ ഒ​ന്നാം സ്ഥാ​ന​ത്ത്. ഓ​സ്‌​ട്രേ​ലി​യ​യു​ടെ ട്രാ​വി​സ് ഹെ​ഡി​നെ പി​ന്ത​ള്ളി​യാ​ണ് ര​ണ്ടി​ല്‍നി​ന്ന് അ​ഭി​ഷേ​ക് ശ​ര്‍മ ഒ​ന്നി​ല്‍ എ​ത്തി​യ​ത്.

829 ആ​ണ് ഇ​ന്ത്യ​ന്‍ താ​ര​ത്തി​ന്‍റെ റേ​റ്റിം​ഗ് പോ​യി​ന്‍റ്. ഒ​ന്നാം സ്ഥാ​ന​ത്താ​യി​രു​ന്ന ട്രാ​വി​സ് ഹെ​ഡ് (814 റേ​റ്റിം​ഗ്) ര​ണ്ടാം സ്ഥാ​ന​ത്തേ​ക്ക് ഇ​റ​ങ്ങി. തി​ല​ക് വ​ര്‍മ (3) സൂ​ര്യ​കു​മാ​ര്‍ യാ​ദ​വ് (6) എ​ന്നി​വ​രാ​ണ് ആ​ദ്യ 10 റാ​ങ്കി​നു​ള്ളി​ലു​ള്ള മ​റ്റ് ഇ​ന്ത്യ​ന്‍ ബാ​റ്റ​ര്‍മാ​ര്‍.

ടെ​സ്റ്റ് ക്രി​ക്ക​റ്റി​ല്‍ ഇം​ഗ്ല​ണ്ടി​ന്‍റെ ജോ ​റൂ​ട്ട് ഒ​ന്നാം സ്ഥാ​ന​ത്തു തു​ട​രു​ന്നു. ഋ​ഷ​ഭ് പ​ന്ത് ഒ​രു സ്ഥാ​നം മു​ന്നേ​റി ഏ​ഴി​ല്‍ എ​ത്തി. യ​ശ​സ്വി ജ​യ്‌​സ്വാ​ള്‍ മൂ​ന്നു സ്ഥാ​നം ഇ​റ​ങ്ങി എ​ട്ടി​ലാ​ണ്. ശു​ഭ്മാ​ന്‍ ഗി​ല്‍ ഒ​മ്പ​തി​ല്‍ തു​ട​രു​ന്നു. ബൗ​ള​ര്‍മാ​രി​ല്‍ ജ​സ്പ്രീ​ത് ബും​റ ഒ​ന്നാം സ്ഥാ​നം നി​ല​നി​ര്‍ത്തി. ഓ​ള്‍റൗ​ണ്ട​ര്‍മാ​രി​ല്‍ ര​വീ​ന്ദ്ര ജ​ഡേ​ജ ഒ​ന്നി​ല്‍ തു​ട​രു​ക​യാ​ണ്.


റി​ക്കാ​ര്‍ഡ് അ​ഭി​ഷേ​ക്

17 ട്വ​ന്‍റി-20 മ​ത്സ​ര​ങ്ങ​ളി​ല്‍നി​ന്ന് 535 റ​ണ്‍സാ​ണ് അ​ഭി​ഷേ​ക് ശ​ര്‍മ ഇ​തു​വ​രെ നേ​ടി​യ​ത്. ഏ​റ്റ​വും വേ​ഗ​ത്തി​ല്‍ ലോ​ക ഒ​ന്നാം റാ​ങ്കി​ലെ​ത്തി​യ ഇ​ന്ത്യ​ന്‍ താ​രം എ​ന്ന നേ​ട്ടം ഇ​തോ​ടെ ഈ 24​കാ​ര​നു സ്വ​ന്തം. ര​ണ്ട് സെ​ഞ്ചു​റി​യും ര​ണ്ട് അ​ര്‍ധ​സെ​ഞ്ചു​റി​യും അ​ഭി​ഷേ​ക് ഇ​തു​വ​രെ സ്വ​ന്ത​മാ​ക്കി​യി​ട്ടു​ണ്ട്. 24 വ​ര്‍ഷ​വും 328 ദി​ന​വും പ്രാ​യ​മു​ള്ള അ​ഭി​ഷേ​ക്, ഐ​സി​സി റാ​ങ്കിം​ഗി​ല്‍ ഒ​ന്നാം സ്ഥാ​ന​ത്ത് എ​ത്തു​ന്ന ഏ​റ്റ​വും പ്രാ​യം കു​റ​ഞ്ഞ ഇ​ന്ത്യ​ക്കാ​ര​നു​മാ​യി.

വി​രാ​ട് കോ​ഹ്‌​ലി, സൂ​ര്യ​കു​മാ​ര്‍ യാ​ദ​വ് എ​ന്നി​വ​രാ​ണ് ഇ​തി​നു​മു​മ്പ് ട്വ​ന്‍റി-20 ബാ​റ്റിം​ഗ് ഒ​ന്നാം റാ​ങ്കി​ലെ​ത്തി​യ ഇ​ന്ത്യ​ന്‍ ബാ​റ്റ​ര്‍മാ​ര്‍.