ല​ണ്ട​ന്‍: ഇ​ന്ത്യ​ക്കെ​തി​രേ ഇ​ന്നാ​രം​ഭി​ക്കു​ന്ന അ​ഞ്ചാം ടെ​സ്റ്റ് ക്രി​ക്ക​റ്റി​നു​ള്ള ടീ​മി​നെ ഇം​ഗ്ല​ണ്ട് ആ​ന്‍ഡ് വെ​യ്‌ൽസ് ക്രി​ക്ക​റ്റ് ബോ​ര്‍ഡ് (ഇ​സി​ബി) പ്ര​ഖ്യാ​പി​ച്ചു.

ക്യാ​പ്റ്റ​ന്‍ ബെ​ന്‍ സ്റ്റോ​ക്‌​സ്, പേ​സ​ര്‍ ജോ​ഫ്ര ആ​ര്‍ച്ച​ര്‍ എ​ന്നി​വ​രെ ഒ​ഴി​വാ​ക്കി​യ​താ​ണ് ശ്ര​ദ്ധേ​യം. വ​ല​തു തോ​ളി​ലെ പ​രി​ക്കി​നെ​ത്തു​ട​ര്‍ന്നാ​ണ് സ്റ്റോ​ക്‌​സി​നെ അ​ഞ്ചാം ടെ​സ്റ്റി​നു​ള്ള പ്ലേ​യിം​ഗ് ഇ​ല​വ​നി​ല്‍നി​ന്ന് ഒ​ഴി​വാ​ക്കി​യ​തെ​ന്ന് ഇ​സി​ബി അ​റി​യി​ച്ചു.

സ്റ്റോ​ക്‌​സി​നു പ​ക​രം ഒ​ല്ലി പോ​പ്പാ​ണ് ഇം​ഗ്ല​ണ്ടി​നെ ന​യി​ക്കു​ക. നാ​ലു മ​ത്സ​ര​ങ്ങ​ളി​ലാ​യി 140 ഓ​വ​ര്‍ എ​റി​ഞ്ഞ സ്റ്റോ​ക്‌​സ് 17 വി​ക്ക​റ്റ് നേ​ടി​യി​രു​ന്നു. ആ​ന്‍ഡേ​ഴ്‌​സ​ണ്‍ - തെ​ണ്ടു​ല്‍ക്ക​ര്‍ ട്രോ​ഫി പ​ര​മ്പ​ര​യി​ല്‍ നി​ല​വി​ല്‍ ഏ​റ്റ​വും കൂ​ടു​ത​ല്‍ വി​ക്ക​റ്റ് സ്റ്റോ​ക്‌​സി​നാ​ണ്. ര​ണ്ടു മ​ത്സ​രം ക​ളി​ച്ച ആ​ര്‍ച്ച​റി​ന് ഒ​മ്പ​ത് വി​ക്ക​റ്റാ​ണു​ള്ള​ത്. ഒ​രു സെ​ഞ്ചു​റി അ​ട​ക്കം 304 റ​ണ്‍സും സ്റ്റോ​ക്‌​സ് നേ​ടി​യി​രു​ന്നു.

നാ​ലു മാ​റ്റ​ങ്ങ​ള്‍; സ്പി​ന്ന​ര്‍ ഇ​ല്ല

നാ​ലാം ടെ​സ്റ്റി​ല്‍ ക​ളി​ച്ച പ്ലേ​യിം​ഗ് ഇ​ല​വ​നി​ല്‍ നാ​ലു മാ​റ്റ​ങ്ങ​ളു​മാ​യാ​ണ് ഓ​വ​ല്‍ മ​ത്സ​ര​ത്തി​നു​ള്ള 11 അം​ഗ സം​ഘ​ത്തെ ഇം​ഗ്ല​ണ്ട് പ്ര​ഖ്യാ​പി​ച്ച​ത്. ക​ഴി​ഞ്ഞ നാ​ല് ടെ​സ്റ്റി​നെ അ​പേ​ക്ഷി​ച്ച്, സ്‌​പെ​ഷ​ലി​സ്റ്റ് സ്പി​ന്ന​ര്‍ ഇ​ല്ലെ​ന്ന​താ​ണ് ഏ​റ്റ​വും ശ്ര​ദ്ധേ​യം.


ഷൊ​യ്ബ് ബ​ഷീ​ര്‍, ലി​യാം ഡൗ​സ​ണ്‍ എ​ന്നി​വ​രാ​യി​രു​ന്നു ക​ഴി​ഞ്ഞ നാ​ലു മ​ത്സ​ര​ങ്ങ​ളി​ലും ഇം​ഗ്ല​ണ്ടി​ന്‍റെ പ്ലേ​യിം​ഗ് ഇ​ല​വ​നി​ല്‍ സ്‌​പെ​ഷ​ലി​സ്റ്റ് സ്പി​ന്ന​ര്‍മാ​ര്‍. പ്ലേ​യിം​ഗ് ഇ​ല​വ​നി​ല്‍ ഇ​ടം​പി​ടി​ച്ച ബാ​റ്റിം​ഗ് ഓ​ള്‍ റൗ​ണ്ട​റാ​യ ജേ​ക്ക​ബ് ബെ​ഥേ​ല്‍ സ്പി​ന്ന​റാ​ണ്. പേ​സ​ര്‍മാ​രാ​യ ഗ​സ് ആ​റ്റ്കി​ന്‍സ​ണ്‍, ജേ​മി ഓ​വ​ര്‍ട്ട​ന്‍, ജോ​ഷ് ടോ​ങ് എ​ന്നി​വ​രും പ്ലേ​യിം​ഗ് ഇ​ല​വ​നി​ല്‍ ഉ​ള്‍പ്പെ​ട്ടു. ലി​യാം ഡൗ​സ​ണ്‍, ബ്രൈ​ഡ​ന്‍ കാ​ഴ്‌​സ് എ​ന്നി​വ​രാ​ണ് പു​റ​ത്താ​യ മ​റ്റു ര​ണ്ടു​പേ​ര്‍.

ഇം​ഗ്ല​ണ്ടി​ന്‍റെ പ്ലേ​യിം​ഗ് ഇ​ല​വ​ന്‍: സാ​ക് ക്രൗ​ളി, ബെ​ന്‍ ഡ​ക്ക​റ്റ്, ഒ​ല്ലി പോ​പ്പ് (ക്യാ​പ്റ്റ​ന്‍), ജോ ​റൂ​ട്ട്, ഹാ​രി ബ്രൂ​ക്ക്, ജേ​ക്ക​ബ് ബെ​ഥേ​ല്‍, ജേ​മി സ്മി​ത്ത് (വി​ക്ക​റ്റ് കീ​പ്പ​ര്‍), ക്രി​സ് വോ​ക്‌​സ്, ഗ​സ് ആ​റ്റ്കി​ന്‍സ​ണ്‍, ജേ​മി ഓ​വ​ര്‍ട്ട​ണ്‍, ജോ​ഷ് ടോ​ങ്.