ല​ണ്ട​ന്‍: ലെ​ജ​ന്‍റ്‌​സ് ലോ​ക ചാ​മ്പ്യ​ന്‍ഷി​പ്പ് ട്വ​ന്‍റി-20 ക്രി​ക്ക​റ്റി​ല്‍ പാ​ക്കി​സ്ഥാ​നെ​തി​രേ വാ​ക്കൗ​ട്ട് തു​ട​ര്‍ന്ന് ഇ​ന്ത്യ. ഇ​ന്നു പാ​ക്കി​സ്ഥാ​നെ​തി​രേ ന​ട​ക്കേ​ണ്ട സെ​മി ഫൈ​ന​ല്‍ ഇ​ന്ത്യ​ന്‍ ലെ​ജ​ൻഡ്സ് ഉ​പേ​ക്ഷി​ച്ചു. അ​തോ​ടെ പാ​ക്കി​സ്ഥാ​ന്‍ ചു​ളു​വി​ല്‍ ഫൈ​ന​ലി​ലേ​ക്കു മു​ന്നേ​റി.

ദ​ക്ഷി​ണാ​ഫ്രി​ക്ക​യും ഓ​സ്‌​ട്രേ​ലി​യ​യും ത​മ്മി​ല്‍ ന​ട​ക്കു​ന്ന ര​ണ്ടാം സെ​മി​യി​ലെ ജേ​താ​ക്ക​ളെ പാ​ക്കി​സ്ഥാ​ന്‍ ഫൈ​ന​ലി​ല്‍ നേ​രി​ടും. ലീ​ഗ് റൗ​ണ്ടി​ല്‍ അ​ഞ്ചി​ല്‍ നാ​ലു മ​ത്സ​ര​ങ്ങ​ള്‍ ജ​യി​ച്ച് പാ​ക്കി​സ്ഥാ​നാ​ണ് ഒ​ന്നാം സ്ഥാ​ന​ത്ത് ഫി​നി​ഷ് ചെ​യ്ത​ത്. ഒ​രു ജ​യ​ത്തോ​ടെ മൂ​ന്നു പോ​യി​ന്‍റു​മാ​യി ഇ​ന്ത്യ നാ​ലാം സ്ഥാ​ന​ക്കാ​രാ​യി സെ​മി​യി​ലെ​ത്തി.

യു​വ​രാ​ജ് സിം​ഗാ​ണ് ഇ​ന്ത്യ​ന്‍ ലെ​ജൻഡ്സ് ടീ​മി​ന്‍റെ ക്യാ​പ്റ്റ​ന്‍. ശി​ഖ​ര്‍ ധ​വാ​ന്‍, സു​രേ​ഷ് റെ​യ്‌​ന, സ്റ്റൂ​വ​ര്‍ട്ട് ബി​ന്നി, ഇ​ര്‍ഫാ​ന്‍ പ​ഠാ​ന്‍, യൂ​സ​ഫ് പ​ഠാ​ന്‍, ഹ​ര്‍ഭ​ജ​ന്‍ സിം​ഗ്, റോ​ബി​ന്‍ ഉ​ത്ത​പ്പ, പീ​യൂ​ഷ് ചൗ​ള തു​ട​ങ്ങി​യ​വ​രാ​ണ് ഇ​ന്ത്യ​ന്‍ ലെ​ജ​ന്‍റ്‌​സ് ടീ​മി​ലു​ള്ള​ത്.


പാ​ക്കി​സ്ഥാ​നെ​തി​രേ ഈ ​മാ​സം 20നു ​ന​ട​ക്കേ​ണ്ടി​യി​രു​ന്ന ലീ​ഗ് മ​ത്സ​ര​ത്തി​ല്‍നി​ന്നും ഇ​ന്ത്യ​ന്‍ ലെ​ജ​ൻഡ്സ് വി​ട്ടു​നി​ന്നി​രു​ന്നു. പ​ഹ​ല്‍ഗാ​മി​ല്‍ ന​ട​ന്ന ഭീ​ക​രാ​ക്ര​മ​ണ​ത്തി​ന്‍റെ പ​ശ്ചാ​ത്ത​ല​ത്തി​ല്‍, പാ​ക്കി​സ്ഥാ​നെ​തി​രേ ലെ​ജ​ൻഡ്സ് ചാ​മ്പ്യ​ന്‍ഷി​പ്പി​ലെ ഒ​രു മ​ത്സ​രം പോ​ലും ക​ളി​ക്കി​ല്ലെ​ന്ന് വ്യ​ക്ത​മാ​ക്കിയിരുന്നു.

അ​തേ​സ​മ​യം, യു​എ​ഇ​യി​ല്‍ ന​ട​ക്കാ​നി​രി​ക്കു​ന്ന പു​രു​ഷ ഏ​ഷ്യ ക​പ്പി​ല്‍ ഇ​ന്ത്യ​യും പാ​ക്കി​സ്ഥാ​നും ത​മ്മി​ല്‍ സെ​പ്റ്റം​ബ​ര്‍ 14ന് ​ഏ​റ്റു​മു​ട്ടും.