മുഖ്യമന്ത്രിയുടെ 2025ലെ പോലീസ് മെഡൽ ജില്ലയിലെ ആറു പോലീസ് ഉദ്യോഗസ്ഥർക്ക്

കൽപ്പറ്റ: കേരള മുഖ്യമന്ത്രിയുടെ 2025ലെ പോലീസ് മെഡലിന് ജില്ലയിൽ നിന്ന് ആറു പോലീസ് ഉദ്യോഗസ്ഥർ അർഹരായി. കന്പളക്കാട് പോലീസ് സ്റ്റേഷൻ ഇൻസ്പെക്ടർ എസ്എച്ച്ഒ എം.എ. സന്തോഷ്, കൽപ്പറ്റ സ്റ്റേഷൻ ഇൻസ്പെക്ടർ എസ്എച്ച്ഒ എ.യു. ജയപ്രകാശ്,

നാർക്കോട്ടിക് സെൽ എഎസ്ഐ ഹസൻ ബാരിക്കൽ, ജില്ലാ സ്പെഷൽ ബ്രാഞ്ച് എഎസ്ഐ എ.കെ. സുബൈർ, കൽപ്പറ്റ സ്റ്റേഷൻ സീനിയർ സിപിഒ സി.കെ. നൗഫൽ, ജില്ലാ സ്പെഷൽ ബ്രാഞ്ച് സീനിയർ സിപിഒ കെ.എം. അബ്ദു നാസിർ എന്നിവർക്കാണ് പോലീസ് മെഡൽ.

ADVERTISEMENT

ഇഞ്ചിക്കർഷകരെ സർക്കാർ സഹായിക്കണം: കെ.എൽ. പൗലോസ്

സുൽത്താൻ ബത്തേരി: രോഗബാധമൂലം വ്യാപകമായി ഇഞ്ചിക്കൃഷി നശിച്ചതുമൂലം മുന്പെങ്ങുമില്ലാത്തവിധം പ്രതിസന്ധിയിലായ കർഷകരെ സഹായിക്കാൻ കേന്ദ്ര-സംസ്ഥാന സർക്കാരുകൾ തയാറാകണമെന്ന് കെപിസിസി എക്സിക്യുട്ടീവ് കമ്മിറ്റിയംഗം കെ.എൽ. പൗലോസ്. കർഷക കോണ്‍ഗ്രസ് നിയോജകമണ്ഡലം കമ്മിറ്റി സംഘടിപ്പിച്ച കണ്ണീർദിനം പരിപാടിയിൽ മുഖ്യപ്രഭാഷണം നടത്തുകയായിരുന്നു അദ്ദേഹം. ബാങ്കുകളിലേതടക്കം ബാധ്യതകൾക്കു നടുവിൽ നട്ടംതിരിയുകയാണ് കർഷകർ. രോഗബാധമൂലം ഇഞ്ചിക്കൃഷി നശിച്ച കർഷകർക്ക് ഉമ്മൻചാണ്ടി സർക്കാരിന്‍റെ കാലത്ത് സാന്പത്തിക സഹായം ലഭ്യമാക്കിയിരുന്നു. രോഗം മൂലം ഇഞ്ചിക്കൃഷിക്കുണ്ടാകുന്ന നാശം പ്രകൃതിക്ഷോഭത്തിലെ നാശമായി കണക്കാക്കി കർഷകർക്ക് നഷ്ടപരിഹാരം ലഭ്യമാക്കണമെന്ന് പൗലോസ് ആവശ്യപ്പെട്ടു. കർഷക കോണ്‍ഗ്രസ് നിയോജക മണ്ഡലം പ്രസിഡന്‍റ് പരിതോഷ്കുമാർ അധ്യക്ഷത വഹിച്ചു.

ബത്തേരി നഗരസഭയിലെ സ്കൂളുകൾ സൗരോർജത്തിലേക്ക്

സുൽത്താൻ ബത്തേരി: ബത്തേരി നഗരസഭയുടെ വാർഷിക പദ്ധതിയുടെ ഭാഗമായി നഗരസഭയിലെ സ്കൂളുകൾ സൗരോർജത്തിലേക്ക്. സർവജന, ബീനാച്ചി സ്കൂളുകളിലാണ് പുതിയ സൗരോർജ പ്ലാന്‍റുകൾ സ്ഥാപിച്ചത്. 21,63,999 രൂപ ചെലവിൽ 15കിലോവാട്ട് ശേഷിയുള്ള രണ്ട് പ്ലാന്‍റുകളാണ് ഈ സ്കൂളുകളിൽ സ്ഥാപിച്ചത്. ഇതിനു മുൻപ് കുപ്പാടി സ്കൂളിലും സോളാർ പാനലുകൾ സ്ഥാപിച്ചിരുന്നു. നിലവിൽ പ്രതിവർഷം അഞ്ച് ലക്ഷം രൂപയാണ് സ്കൂളുകളിലെ വൈദ്യുതി ചാർജ് ഇനത്തിൽ നഗരസഭ ചെലവഴിക്കുന്നത്. ഘട്ടംഘട്ടമായി ഈ ചെലവ് കുറച്ചുകൊണ്ടുവന്ന് പുനരുപയോഗിക്കാവുന്ന ഊർജസ്രോതസുകളുടെ പ്രാധാന്യത്തെക്കുറിച്ച് അവബോധം സൃഷ്ടിക്കുകയാണ് ഈ പദ്ധതിയിലൂടെ നഗരസഭ ലക്ഷ്യമിടുന്നത്. സർവജന സ്കൂളിലെ സോളാർ പ്ലാന്‍റിന്‍റെ ഉദ്ഘാടനം നഗരസഭാ ചെയർമാൻ ടി.കെ. രമേശ് നിർവഹിച്ചു. ഡെപ്യൂട്ടി ചെയർപേഴ്സണ്‍ എൽസി പൗലോസ്, സ്ഥിരംസമിതി അധ്യക്ഷരായ ടോം ജോസ്, കെ. റഷീദ്, സാലി പൗലോസ്, ഷാമില ജുനൈസ്, കൗണ്‍സിലർമാരായ ജംഷീർ അലി, കെ.സി. യോഹന്നാൻ, അസീസ് മാടാല, പിടിഎ പ്രസിഡന്‍റ് ടി.കെ. ശ്രീജൻ, പ്രിൻസിപ്പൽ പി.എ. അബ്ദുൾ നാസർ, എസ്എംസി ചെയർമാൻ സുഭാഷ് ബാബു, ഹെഡ്മിസ്ട്രസ് ബിജി വർഗീസ്, അന്പിളി നാരായണൻ, വി.എം. സുധി എന്നിവർ പ്രസംഗിച്ചു.

തലപ്പുഴ ഗവ.എൻജിനിയറിംഗ് കോളജിന് പ്രത്യേക പരിഗണന: മന്ത്രി ആർ. ബിന്ദു

തലപ്പുഴ: വയനാടിന്‍റെ ഉന്നത വിദ്യാഭ്യാസ രംഗത്ത് മികച്ച സാധ്യതകൾ ഉറപ്പാക്കി വളരുന്ന ഗവ.എൻജിനിയറിംഗ് കോളജിന് സർക്കാർ പ്രത്യേക പരിഗണന നൽകുമെന്ന് ഉന്നതവിദ്യാഭ്യാസ മന്ത്രി ഡോ.ആർ. ബിന്ദു. കോളജിലെ പ്ലേസ്മെന്‍റ് സെന്‍റർ കം ഗസ്റ്റ് ഹൗസിന്‍റെ ഉദ്ഘാടനവും ലൈബ്രറി ബ്ലോക്കിന്‍റെ ശിലാസ്ഥാപനവും നിർവഹിച്ച് പ്രസംഗിക്കുകയായിരുന്നു അവർ. കോളജിൽ ആർട്ടിഫിഷൽ ഇന്‍റലിജൻസ് ആൻഡ് ഡാറ്റ സയൻസിൽ ബിടെക് കോഴ്സ് ആരംഭിക്കുന്നതിന് അപേക്ഷ ധനവകുപ്പിന്‍റെ പരിഗണനയിലാണ്. അനുമതി ലഭ്യമാക്കുന്നതിന് ഉന്നത വിദ്യാഭ്യാസ വകുപ്പ് സാധ്യമായ ഇടപെടൽ നടത്തും. കിഫ്ബി പ്രകാരമുള്ള ഒരു പദ്ധതിയും നബാർഡ് സ്കീമിൽ ഉൾപ്പെടുത്തിയ മറ്റൊരു പദ്ധതിയും കോളജിൽ നടപ്പാക്കാൻ പരിശ്രമിക്കുമെന്നും മന്ത്രി പറഞ്ഞു. പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു അധ്യക്ഷത വഹിച്ചു. സർക്കാർ സംവിധാനങ്ങളിലൂടെ പഠിച്ചുവരുന്നവർക്ക് നാടിനോട് പ്രതിബദ്ധതയുണ്ടാകണമെന്ന് അദ്ദേഹം പറഞ്ഞു. ബ്ലോക്ക് പഞ്ചായത്ത് പ്രസിഡന്‍റ് ജസ്റ്റിൻ ബേബി, തവിഞ്ഞാൽ പഞ്ചായത്ത് പ്രസിഡന്‍റ് എൽസി ജോയ്, ജില്ലാ പഞ്ചായത്ത് അംഗം മീനാക്ഷി രാമൻ, ബ്ലോക്ക് പഞ്ചായത്ത് അംഗം അസീസ് വാളാട്, പഞ്ചായത്ത് അംഗങ്ങളായ കെ. ഷബിദ, പി.എസ്. മുരുകേശൻ, പ്രിൻസിപ്പൽ ഡോ.എം. രാജേഷ്, പിടിഎ വൈസ് പ്രസിഡന്‍റ് വി.ആർ. വിനോദ്, പൊതുമരാമത്ത് കെട്ടിട വിഭാഗം അസിസ്റ്റന്‍റ് എക്സിക്യുട്ടീവ് എൻജിനിയർ പി. സനില സാങ്കേതിക വിദ്യാഭ്യാസ വകുപ്പ് പ്രതിനിധി ഡോ. സേവ്യർ എന്നിവർ പ്രസംഗിച്ചു.

സൈനികരെ ആദരിച്ചു

പുൽപ്പള്ളി: ഇന്ത്യൻ സ്വാതന്ത്ര്യദിനത്തിന്‍റെയും മാതാവിന്‍റെ സ്വർഗാരോപണ തിരുനാളിന്‍റെയും ഭാഗമായി പുൽപ്പള്ളി തിരുഹൃദയ ദേവാലയത്തിൽ സണ്‍ഡേ സ്കൂളിന്‍റെ നേതൃത്വത്തിൽ ഇടവകയിൽ നിന്നുള്ള വിരമിച്ചവരും ജോലിയിൽ തുടരുന്നവരുമായ സൈനികരെ ആദരിച്ചു. വിവിധ കലാപരിപാടികളിൽ സമ്മാനം നേടിയ സണ്‍ഡേസ്കൂൾ വിദ്യാർഥികൾക്ക് സമ്മാനം വിതരണം ചെയ്തു. റിട്ട. സൈനികൻ ജയ്സണ്‍ പുലികുത്തിയിൽ ഉദ്ഘാടനം ചെയ്തു. വികാരി ഫാ. ജോഷി പുൽപ്പയിൽ അധ്യക്ഷത വഹിച്ചു. ഇടവകയിൽ നിന്നുള്ള സൈനികരായ ലഫ് കേണൽ ജയിംസ് മടിയ്ക്കാങ്കൽ, ലഫ്. കേണൽ ജോർജ് കോതാട്ടുകാലായിൽ, രാജേഷ് പിണക്കാട്ട്, ജെയ്സണ്‍ പുലികുത്തിയിൽ, ബിനോയി കോട്ടവാതുക്കൽ, ജോസ് പ്രകാശ് വട്ടറ, ബിന്ദു മാത്യു വട്ടറ, അഖിൽ ചേറ്റാനിയിൽ, ക്രിസ്റ്റോ ചങ്ങാടക്കരി എന്നിവരെ ആദരിച്ചു. സണ്‍ഡേ സ്കൂൾ ഹെഡ്മാസ്റ്റർ സി.വി. രതീഷ്, ഡെലിന മുരിയൻകാവിൽ, എയ്ഞ്ചൽ മരിയ ജോബി എന്നിവർ പ്രസംഗിച്ചു.

ആദ്യകാല സ്വർണാഭരണ വ്യാപാരികളെ ആദരിച്ചു

കൽപ്പറ്റ: നഗരത്തിലെ ആദ്യകാല സ്വർണാഭരണ വ്യാപാരികളെ ഓൾ കേരള ഗോൾഡ് ആൻഡ് സിൽവർ മാർച്ചന്‍റ്സ് അസോസിയേഷൻ വൈത്തിരി താലൂക്ക് കമ്മിറ്റിയുടെ നേതൃത്വത്തിൽ ആദരിച്ചു. കെ. കുഞ്ഞിരായിൻ ഹാജി, മൊയ്തീൻ രാജാധാനി, കെ.എം.എച്ച്. ഹംസ, അബ്ദുൾ നാസർ രാജധാനി, ഹംസ പാറോൽ, ഹക്കീം, മോയിൻകുട്ടി പൊന്നറ, അസൈനാർ ഫാഷൻ, ഹംസ കനകം എന്നിവരെയാണ് ആദരിച്ചത്. എകെജിഎസ്എംഎ ജില്ലാ പ്രസിഡന്‍റ് മാത്യു മത്തായി ആതിര അധ്യക്ഷത വഹിച്ചു. വ്യാപാരി വ്യവസായി ഏകോപന സമിതി ജില്ലാ പ്രസിഡന്‍റ് ജോജിൻ ടി. ജോയ്, ജനറൽ സെക്രട്ടറി കെ. ഉസ്മാൻ, ഹാരിസ് മലബാർ, ഇ. ഹൈദ്രു,സിദ്ദിഖ് സിന്ദൂർ, ഉസ്മാൻ എന്നിവർ പ്രസംഗിച്ചു.

രാസലഹരി ഉപഭോഗത്തിനും വ്യാപനത്തിനുമെതിരേ കർശന നടപടി വേണം: പി.പി. ആലി

കൽപ്പറ്റ: രാസലഹരി ഉപഭോഗത്തിനും വ്യാപനത്തിനുമെതിരേ കർശന നടപടി സ്വീകരിക്കണമെന്ന് കെപിസിസി അംഗം പി.പി. ആലി. കോണ്‍ഗ്രസ് മണ്ഡലം കമ്മിറ്റി സംഘടിപ്പിച്ച കുടുംബ സംഗമം ഉദ്ഘാടനം ചെയ്യുകയായിരുന്നു അദ്ദേഹം. കോണ്‍ഗ്രസുകാർ പ്രവർത്തന മേഖലയിൽ രാസലഹരി ഉപഭോഗവും വിപണനവും പ്രതിരോധിക്കാൻ തയാറാകണമെന്ന് ആലി ആഹ്വാനം ചെയ്തു. മണ്ഡലം പ്രസിഡന്‍റ് ഗിരീഷ് കൽപ്പറ്റ അധ്യക്ഷത വഹിച്ചു. അഡ്വ.ടി.ജെ. ഐസക്, സി. ജയപ്രസാദ്, പി. വിനോദ്കുമാർ, കരിയാടൻ ആലി, അഡ്വ. സാദിഖ് നീലിക്കണ്ടി, കെ.കെ. രാജേന്ദ്രൻ, ഹർഷൽ കോന്നാടൻ, എസ്. മണി, കെ. അജിത, ആയിഷ പള്ളിയാൽ, പി. രാജാറാണി, കെ. ശശികുമാർ, കെ. രാജൻ, രമേശ് മാണിക്യം, കെ. സതീഷ് കുമാർ, കെ. രവീന്ദ്രൻ, ബിന്ദു ജോസ്, ഗിരിജ സതീഷ്, പി.ആർ. ബിന്ദു എന്നിവർ പ്രസംഗിച്ചു.

ബ്രദർ ജോസഫ് ചാരുപ്ലാക്കലിന് പിഎച്ച്ഡി

പുൽപ്പള്ളി: മരകാവ് ചാരുപ്ലാക്കൽ പരേതനായ ജോർജ്-അന്നക്കുട്ടി ദന്പതികളുടെ മകൻ ബ്രദർ ജോസഫ് ചാരുപ്ലാക്കൽ ബംഗളൂരു ക്രൈസ്റ്റ് യൂണിവേഴ്സിറ്റിയിൽനിന്നു പിഎച്ച്ഡി നേടി. "സോഷ്യൽ വർക്ക് റിസർച്ച്: എക്സ്പ്ലോറിംഗ് നോളജ് പ്രൊഡക്ഷൻ ഇൻ ഇൻഡ്യൻ കോണ്‍ടെസ്റ്റ്’ എന്ന വിഷയത്തിലായിരുന്നു ഗവേഷണം. കപ്പൂച്ചിൻ സഭാംഗമാണ്. നിലവിൽ കപ്പൂച്ചിൻ സോഷ്യൽ ആൻഡ് ഡവലപ്മെന്‍റൽ ആക്ഷൻ സർവീസ് സൊസൈറ്റി മാനേജിംഗ് ട്രസ്റ്റിയാണ്. കുട്ടിക്കാനം മരിയൻ കോളജിൽ സാമൂഹിക പ്രവർത്തന വിഭാഗം മേധാവിയായിരുന്നു. കേരള പ്രഫഷണൽ സോഷ്യൽ വർക്കേഴ്സ് അസോസിയേഷൻ നിർവാഹക സമിതി അംഗമാണ്.

ഹോട്ടൽ, ടൂറിംസം മേഖലകളിലെ പ്രശ്നങ്ങൾ: കളക്ടറേറ്റ് പടിക്കൽ ധർണ നടത്തി

കൽപ്പറ്റ: കേരള ഹോട്ടൽ ആൻഡ് റസ്റ്ററന്‍റ് അസോസിയേഷൻ ജില്ലാ കമ്മിറ്റി, വയനാട് ടൂറിസം അസോസിയേൻ എന്നിവ സംയുക്തമായി കലക്ടറേറ്റ് മാർച്ചും ധർണയും നടത്തി. അവശ്യസാധനങ്ങളുടെ വിലക്കയറ്റം നിയന്ത്രിക്കുക, പൂഴ്ത്തിവയ്പ്പ് തടയുക, പൊലൂഷൻ കണ്‍ട്രോൾ ബോർഡിന്‍റെ അനാവശ്യ നിയമങ്ങൾ പിൻവലിക്കുക, ടൂറിസം മേഖലകളിലെ അനാവശ്യ നിയന്ത്രണങ്ങൾ ഒഴിവാക്കുക, മുന്നറിയിപ്പില്ലാതെ ടൂറിസം കേന്ദ്രങ്ങൾ അടച്ചിടുന്നത് അവസാനിപ്പിക്കുക, ജില്ലയിലെ ഗതാഗത പ്രശ്നങ്ങൾ പരിഹരിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു സമരം. കേരള ഹോട്ടൽ ആൻഡ് റസ്റ്ററന്‍റ് അസോസിയേഷൻ മുൻ സംസ്ഥാന പ്രസിഡന്‍റ് മൊയ്തീൻ കുട്ടി ഹാജി ഉദ്ഘാടനം ചെയ്തു. ജില്ലാ പ്രസിഡന്‍റ് അസ്ലം ബാവ അധ്യക്ഷത വഹിച്ചു. സംസ്ഥാന സെക്രട്ടറിമാരായ അനീഷ് ബി. നായർ, സജീർ അരീക്കോട്, മലപ്പുറം ജില്ലാ പ്രസിഡന്‍റ് സമദ്, യു. സുബൈർ, പോക്കു ന്യൂ ഫോം, ഉമ്മർ പാരഡൈസ്, മുജീബ് ചുണ്ട, അബ്ദുൾ ഗഫൂർ, കെ.പി. സെയ്തലവി, അബ്ദുറഹ്മാൻ മാനന്തവാടി, ബാബു ത്രീ റൂട്ട്, സുഭാഷ് മീനങ്ങാടി എന്നിവർ പ്രസംഗിച്ചു.

പി. കൃഷ്ണപിള്ളദിനം ആചരിച്ചു

തരിയോട്: സിപിഐ കേരള ഘടകം സ്ഥാപക സെക്രട്ടറി പി. കൃഷ്ണപിള്ളയുടെ 77-ാം ചരമവാർഷികദിനം പാർട്ടി ബ്രാഞ്ചുകളിൽ ആചരിച്ചു. കാവുമന്ദത്ത് ലോക്കൽ കമ്മിറ്റിയംഗം സി.ടി. സോമനാഥൻ, തരിയോട് എച്ച്എസിൽ വൈത്തിരി മണ്ഡലം സെക്രട്ടറി അഷ്റഫ് തയ്യിൽ, ചെന്നലോടിൽ ബ്രാഞ്ച് സെക്രട്ടറി ടി.വി. ഹരിദാസൻ, മഞ്ഞുറയിൽ ബ്രാഞ്ച് സെക്രട്ടറി ബാലകൃഷ്ണൻ കോരംകുളം, പത്താംമൈലിൽ ബ്രാഞ്ച് സെക്രട്ടറി സജീഷ് എടയാടി, കാപ്പുവയലിൽ ലോക്കൽ സെക്രട്ടറി മഹേഷ്കുമാർ, കുണ്ടിലങ്ങാടിയിൽ ബ്രാഞ്ച് സെക്രട്ടറി എ. അസീസ്, വാവാടിയിൽ ബ്രാഞ്ച് സെക്രട്ടറി പി. കുമാരൻ, മുണ്ടേരിയിൽ ബ്രാഞ്ച് സെക്രട്ടറി കെ. മുരളീധരൻ, എമിലിയിൽ ബ്രാഞ്ച് സെക്രട്ടറി എസ്. വിക്രമൻ എന്നിവർ പതാക ഉയർത്തി. ജില്ലാ കമ്മിറ്റിയംഗം ഷിബു പോൾ, വൈത്തിരി മണ്ഡലം കമ്മിറ്റിയംഗം സത്യദാസ് മഞ്ഞളംകോട് എന്നിവർ നേതൃത്വം നൽകി. കൽപ്പറ്റ: സിപിഐ(എംഎൽ) റെഡ്സ്റ്റാർ ജില്ലാ കമ്മിറ്റി പി. കൃഷ്ണപിള്ള അനുസ്മരണം നടത്തി. പി.ടി. പ്രേമാനന്ദ് അധ്യക്ഷത വഹിച്ചു. ജില്ലാ സെക്രട്ടറി കെ.വി. പ്രകാശ് അനുസ്മരണ പ്രഭാഷണം നടത്തി. കമ്മ്യൂണിസ്റ്റ് പാർട്ടിയുടെ കേരളത്തിലെ സ്ഥാപക നേതാവ് എന്ന നിലയിൽ ഏവർക്കും മാതൃകയാക്കാവുന്ന പ്രവർത്തനമാണ് അദ്ദേഹം നടത്തിയതെന്നു പ്രകാശ് അനുസ്മരിച്ചു. ടിയുസിഐ ജില്ലാ സെക്രട്ടറി സുനിൽ ജോസഫ്, എഐകെകെഎസ് ജില്ലാ പ്രസിഡന്‍റ് പി.എം. ജോർജ്, ഭൂസമരസമിതി ജില്ലാ കണ്‍വീനർ എം.കെ. ഷിബു, ഓൾ ഇന്ത്യ റവല്യൂഷനറി വിമൻസ് ഓർഗനൈസേഷൻ കേന്ദ്ര സമിതി അംഗം ബിജി ലാലിച്ചൻ, സി.ജെ. ജോണ്‍സണ്‍, കെ.ജി. മനോഹരൻ എന്നിവർ പ്രസംഗിച്ചു.

ജനാധിപത്യം അട്ടിമറിക്കാനുള്ള ശ്രമങ്ങളെ പ്രതിരോധിക്കണം: ടി. സിദ്ദിഖ് എംഎൽഎ

കൽപ്പറ്റ: ജനാധിപത്യവും മതേതരത്വവും അട്ടിമറിക്കാനുള്ള ശ്രമങ്ങളെ പ്രതിരോധിക്കണമെന്ന് ടി. സിദ്ദിഖ് എംഎൽഎ. എസ് വെെഎസ് ജില്ലാ കമ്മിറ്റി സ്വാതന്ത്ര്യദിനാഘോഷത്തിന്‍റെ ഭാഗമായി സംഘടിപ്പിച്ച രാഷ്ട്ര രക്ഷാസംഗമം ഉദ്ഘാടനം ചെയ്യുകയായിരുന്നു അദ്ദേഹം. രാജ്യത്ത് ജനാധിപത്യവും മതേതരത്വവും അട്ടിമറിക്കുന്നതിന് അധികാരതലത്തിലാണ് ശ്രമം. ഇതിനെ ചെറുത്തുതോൽപ്പിക്കാൻ കഴിഞ്ഞാലേ അടുത്ത സ്വാതന്ത്ര്യദിനം ആഘോഷിക്കാൻ ഇന്ത്യക്കും ഇന്ത്യക്കാർക്കും സാധിക്കൂവെന്ന് എംഎൽഎ പറഞ്ഞു. എസ് വെെഎസ് ജില്ലാ പ്രസിഡന്‍റ് ഇബ്രാഹിം ഫൈസി പേരാൽ അധ്യക്ഷത വഹിച്ചു. ജനറൽ സെക്രട്ടറി കെ.എ. നാസർ മൗലവി മടക്കിമല, കെ. മുഹമ്മദുകുട്ടി ഹസനി, മുനീർ ഹുദവി വിളയിൽ, എസ്. മുഹമ്മദ് ദാരിമി, സി. മൊയ്തീൻകുട്ടി എന്നിവർ പ്രസംഗിച്ചു.

ദേവർഷോലയെ ഭീതിയിലാക്കിയ കടുവ കാണാമറയത്ത്

ഗൂഡല്ലൂർ: ദേവർഷോല മേഖലയിൽ പരിഭ്രാന്തി പരത്തുന്ന കടുവ കാണാമറയത്ത്. ഒന്നര മാസമായി പ്രദേശം കടുവ ഭീതിയിലാണ്. ദേവർഷോല, സർക്കാർമൂല മേഖലകളിൽ കടുവയെ പിടികൂടാൻ വനംവകുപ്പ് അഞ്ച് കൂടുകൾ സ്ഥാപിച്ചിരുന്നെങ്കിലും ഇതുവരെ കടുവ കൂട്ടിലായില്ല. 30 ഇടങ്ങളിൽ കാമറകൾ സ്ഥാപിച്ചും ഡ്രോണ്‍ കാമറ വഴിയും നിരീക്ഷണം നടത്തിയിട്ടും പ്രയോജനം ലഭിച്ചില്ല. അതേസമയം കടുവയുടെ കാൽപാടുകൾ ജനവാസ മേഖലയിൽ കണ്ടതായി നാട്ടുകാർ പരാതിപ്പെടുന്നുണ്ട്. വനംവകുപ്പിന്‍റെ അനാസ്ഥ കാരണമാണ് ഇനിയും കടുവയെ പിടികൂടാൻ പറ്റാത്തതെന്നാണ് നാട്ടുകാർ ആരോപിക്കുന്നത്. വനംവകുപ്പിനെതിരേജനരോഷം ഉയർന്നിട്ടുണ്ട്. കെണിയംവയൽ സ്വദേശി അസൈനാർ, കാവതിവയൽ സ്വദേശി നാരായണൻ, ത്രീഡിവിഷൻ മുറംപിലാവ് സ്വദേശി ബില്ലണ്‍ ഉൾപ്പെടെ 12 വളർത്തുജീവികളെയാണ് ഇതിനകം കടുവ വകവരുത്തിയത്.

റൂസ മോഡൽ കോളജ് കെട്ടിട നിർമാണം വൈകാതെ തുടങ്ങും

കൽപ്പറ്റ: ഉന്നത വിദ്യാഭ്യാസ മേഖലയിൽ വയനാടിന്‍റെ കുതിപ്പിന് വഴിയൊരുക്കുമെന്ന് കരുതുന്ന റൂസ ഗവ.മോഡൽ ഡിഗ്രി കോളജിനുള്ള കെട്ടിട നിർമാണം തൃശിലേരിയിലെ അഞ്ച് ഏക്കർ വളപ്പിൽ വൈകാതെ തുടങ്ങും. പൊതു വിദ്യാഭ്യാസ വകുപ്പ് ഉന്നത വിദ്യാഭ്യാസ വകുപ്പിന് കൈമാറിയ ഭൂമിയാണ് കെട്ടിട നിർമാണത്തിന് ഉപയോഗപ്പെടുത്തുന്നത്. പ്രവൃത്തി തുടങ്ങുന്നതിനു മുന്നോടിയായി വിശദ പദ്ധതി രേഖ തയറാക്കൽ, കോണ്ടൂർ സർവേ, മണ്ണ് പരിശോധന എന്നിവ നടത്തിവരികായാണ്. ഈ മാസം 30നകം ഡിപിആർ സമർപ്പിക്കാനാണ് നിർദേശമുണ്ട്. സർക്കാർ അക്രഡിറ്റഡ് ഏജൻസിയായ എച്ച്എൽഎൽ ലൈഫ് കെയറിനെയാണ് നിർമാണത്തിനു ചുമതലപ്പെടുത്തിയിരിക്കുന്നത്. 12 കോടി രൂപയാണ് കെട്ടിട നിർമാണത്തിനും പശ്ചാത്തല സൗകര്യ വികസനത്തിനും കണക്കാക്കുന്ന ചെലവ്. ഇതിന്‍റെ 60 ശതമാനം കേന്ദ്ര സർക്കാർ ലഭ്യമാക്കും. ബാക്കി തുകയും ജീവനക്കാരുടെ ശന്പളം ഉൾപ്പെടെ മറ്റു ചെലവുകളും സംസ്ഥാന സർക്കാർ വഹിക്കണം. നിലവിൽ കേന്ദ്ര വിഹിതത്തിന്‍റെയും സംസ്ഥാന വിഹിതത്തിന്‍റെയും 50 ശതമാനം റൂസ ഫണ്ടിലേക്ക് കൈമാറിയിട്ടുണ്ട്. കെട്ടിട നിർമാണം പൂർത്തിയാവുംവരെ കാത്തിരിക്കാതെ റൂസ കോളജിൽ ക്ലാസുകൾ ആരംഭിക്കാൻ ഉന്നത വിദ്യാഭ്യാസ വകുപ്പ് തീരുമാനിച്ചതനുസരിച്ചാണ് മാനന്തവാടി ഗവ.കോളജിലെ അടിസ്ഥാന സൗകര്യങ്ങൾ ഉപയോഗപ്പെടുത്തുന്നത്. 30 സീറ്റുകൾ വീതമുള്ള ബിഎ ഇംഗീഷ്, മലയാളം കോഴ്സുകൾക്ക് പുറമെ 25 സീറ്റുകൾ വീതമുള്ള ബിഎസ്‌സി സൈക്കോളജി ആൻഡ് ന്യൂറോ സയൻസ്, ബിഎസ്‌സി ജിയോ ഇൻഫർമാറ്റിക്സ് ആൻഡ് റിമോട്ട് സെൻസിംഗ് എന്നിവയും 40 സീറ്റുകളുള്ള ബികോം ഫിനാൻസ് വിത്ത് ഫോറൻസിക് അക്കൗണ്ടിംഗ് കോഴ്സുമാണ് റൂസ കോളജിൽ അനുവദിച്ചത്. എല്ലാ കോഴ്സുകൾക്കും കണ്ണൂർ സർവകലാശാലയുടെ അഫിലിയേഷൻ ലഭിച്ചു. സർവകലാശാലയുടെ ഏകജാലക സംവിധാനത്തിലൂടെ പ്രവേശന നടപടികൾ പുരോഗമിക്കുകയാണ്. ഇതിനകം 102 വിദ്യാർഥികൾ പ്രവേശനം നേടി. ക്ലാസുകൾ താത്കാലികമായി ആരംഭിക്കുന്ന മാനന്തവാടി ഗവ.കോളജ് കെട്ടിടത്തിന്‍റെ അറ്റകുറ്റപ്പണി, ഫർണിച്ചർ, കംപ്യൂട്ടറും അനുബന്ധ ഉപകരണങ്ങളും എന്നിവയ്ക്ക് അഞ്ച് ലക്ഷം രൂപ വീതം അനുവദിച്ചിരുന്നു. കൽപ്പറ്റ ഗവ.കോളജിലെ ഹിസ്റ്ററി വിഭാഗം അധ്യാപകൻ പി. സുധീർകുമാറിനാണ് റൂസ കോളജ് സ്പെഷൽ ഓഫീസറുടെ ചുമതല. ഏഴ് സ്ഥിരം അധ്യാപക തസ്തികകൾ റൂസ കോളജിൽ അനുവദിച്ചിട്ടുണ്ട്. അധ്യാപകർ അടുത്ത ദിവസങ്ങളിൽ ചുമതലയേൽക്കും. ജൂണിയർ സൂപ്രണ്ട്, സീനിയർ ക്ലർക്ക് നിയമനം നടത്തി. താത്കാലിക ക്ലീനിംഗ് ജീവനക്കാരായി രണ്ട് പേരെ കുടുംബശ്രീ മുഖേന നിയമിച്ചു. നൈറ്റ് വാച്ച്മാൻ, ഓഫീസ് അസിസ്റ്റന്‍റ് നിയമന നടപടികൾ പുരോഗതിയിലാണ്. 2019ലാണ് രാജ്യത്തെ 51 ആസ്പിരേഷനൽ ജില്ലകളിൽ രാഷ്ട്രീയ ഉച്ചതർ ശിക്ഷാ അഭിയാനു(റൂസ)കീഴിൽ ആരംഭിക്കുന്ന മോഡൽ ഡിഗ്രി കോളജുകളുടെ ശിലാസ്ഥാപനം പ്രധാനമന്ത്രി നരേന്ദ്ര മോദി ശ്രീനഗറിൽ നടത്തിയത്. വയനാട്ടിൽ റൂസ കോളജിനു മുന്പ് കണ്ടെത്തിയ ഭൂമി നിയമപ്രശ്നങ്ങൾ ഉള്ളതിനാൽ ഉപയോഗപ്പെടുത്താൻ കഴിഞ്ഞിരുന്നില്ല.

ലോറിയിൽ കടത്തുകയായിരുന്ന 6,675 പാക്കറ്റ് നിരോധിത പുകയില ഉത്പന്നങ്ങൾ പിടികൂടി

സുൽത്താൻ ബത്തേരി: ലോറിയിൽ കടത്തുകയായിരുന്ന 6,675 പാക്കറ്റ് നിരോധിത പുകയില ഉത്പന്നങ്ങൾ മുത്തങ്ങയിൽ എക്സൈസ് ഉദ്യോഗസ്ഥർ പിടികൂടി. ഇതുമായി ബന്ധപ്പെട്ട് കോഴിക്കോട് ചെലവൂർ അടുക്കത്തുപറന്പിൽ അഷറഫിനെ(52)അറസ്റ്റുചെയ്തു. എക്സൈസ് ഇന്‍റലിജൻസ് നൽകിയ രഹസ്യവിവരത്തിന്‍റെ അടിസ്ഥാനത്തിൽ എക്സൈസ് സർക്കിൾ ഇൻസ്പെക്ടർ എസ്. ബാലഗോപാലൻ, പ്രിവന്‍റീവ് ഓഫീസർ എ. ദീപു, സിവിൽ എക്സൈസ് ഓഫീസർമാരായ സജി പോൾ, എം.വി. പ്രജീഷ് എന്നിവടങ്ങുന്ന സംഘം കഴിഞ്ഞ ദിവസം മുത്തങ്ങയിൽ നടത്തിയ വാഹന പരിശോധനയിലാണ് നിരോധിത പുകയില ഉത്പന്നങ്ങൾ കണ്ടെത്തിയത്. തുടർനടപടികൾക്ക് പ്രതിയെ തൊണ്ടി സഹിതം പോലീസിന് കൈമാറി.

ഓണക്കാലത്ത് ലഹരി ഉപയോഗവും വില്പനയും തടയാൻ പരിശോധന ശക്തമാക്കും

കൽപ്പറ്റ: ഓണക്കാലത്ത് വ്യാജമദ്യം ഉൾപ്പെടെ നിരോധിത ഉത്പന്നങ്ങളുടെ ഉത്പാദനവും വിതരണവും ഉപയോഗവും തടയാൻ ജനകീയ പങ്കാളിത്തത്തോടെ ശക്തമായ നടപടികൾ സ്വീകരിക്കാൻ എക്സൈസ് ജില്ലാതല ജനകീയ കമ്മിറ്റിയിൽ തീരുമാനം. ജില്ലാ കളക്ടർ ഡി.ആർ. മേഘശ്രീയുടെ അധ്യക്ഷതയിൽ കളക്ടറേറ്റ് മിനി കോണ്‍ഫറൻസ് ഹാളിൽ ചേർന്ന യോഗത്തിലാണ് തീരുമാനം. പോലീസ്, വനം, പട്ടികജാതി-വർഗ വികസനം, വിദ്യാഭ്യാസം, ആരോഗ്യം ഉൾപ്പെടെയുള്ള വകുപ്പുകളുടെ സഹകരണത്തോടെ ഓണക്കാലം വ്യാജലഹരി മുക്തവും സുരക്ഷിതവുമാക്കാനുള്ള നടപടികൾ സ്വീകരിക്കാനും തീരുമാനമായി.സ്കൂളുകളിലെയും കോളജുകളിലെയും ഓണാഘോഷങ്ങളിൽ ബന്ധപ്പെട്ട വകുപ്പുകളും പോലീസും ശക്തമായ നിരീക്ഷണം നടത്തും. അതിർത്തി പ്രദേശങ്ങളിലും ഉന്നതികളിലും വനസമീപ പ്രദേശങ്ങളിലും ചെക്പോസ്റ്റുകളിലും പരിശോധന ശക്തിപ്പെടുത്തും. ലഹരി സംബന്ധമായ വിവരങ്ങൾ പൊതുജനങ്ങൾ അപ്പപ്പോൾ തന്നെ അധികൃതർക്ക് കൈമാറണമെന്ന് ജില്ലാ കളക്ടർ അഭ്യർഥിച്ചു. ജില്ലാ തലത്തിലും താലൂക്ക് തലങ്ങളിലും എക്സൈസ് കണ്‍ട്രോൾ റൂമുകൾ തുറന്നിട്ടുണ്ട്. താലൂക്ക് തലത്തിലും ശേഷം ഗ്രാമപ്പഞ്ചായത്ത് തലത്തിലും ജനകീയ കമ്മിറ്റികൾ ശക്തിപ്പെടുത്താനും യോഗത്തിൽ തീരുമാനമായി.കഴിഞ്ഞ ആറ് മാസം എക്സൈസ് വകുപ്പ് ജില്ലയിൽ 3229 റെയ്ഡുകളും ഫോറസ്റ്റ്, റവന്യു, വനം വകുപ്പുകൾ സംയുക്തമായി 129 പരിശോധനകളും നടത്തി. ഓരോ മാസവും 11,500 വാഹനങ്ങൾ പരിശോധിക്കുന്നുണ്ട്. 340 അബ്കാരി കേസുകളും 289 മയക്കുമരുന്നുമായി ബന്ധപ്പെട്ട എൻഡിപിഎസ് കേസുകളും പുകയിലയുമായി ബന്ധപ്പെട്ട 1722 കോട്പ കേസുകളുമെടുത്തു. കോട്പ കേസുകളിൽ പിഴയായി 3,43,600 രൂപ ഈടാക്കി. അബ്കാരി കേസിൽ 301 പ്രതികളെയും എൻഡിപിഎസ് കേസുകളിൽ 293 പ്രതികളെയും അറസ്റ്റ് ചെയ്തു. തൊണ്ടി മുതലായി 1347 ലിറ്റർ ഇന്ത്യൻ നിർമിത വിദേശ മദ്യം, 311 ലിറ്റർ ഇതര സംസ്ഥാന മദ്യം, 955 ലിറ്റർ വാഷ്, രണ്ട് ലിറ്റർ കള്ള്, 59 ലിറ്റർ ചാരായം, 42 ലിറ്റർ അരിഷ്ടം, ഒന്പത് ലിറ്റർ വ്യാജമദ്യം, 16.093 കിലോഗ്രാം കഞ്ചാവ്, 13 കഞ്ചാവ് ചെടികൾ, ഒരു കഞ്ചാവ് ബീഡി, ഹെറോയിൻ ഒരു ഗ്രാം, മൂന്ന് ഗ്രാം ചരസ്, 22.512 ഗ്രാം ഹാഷിഷ് ഓയിൽ, 17.462 ഗ്രാം എംഡിഎംഎ, 6371 ഗ്രാം പുകയില ഉത്പന്നങ്ങൾ, രേഖകളില്ലാതെ സൂക്ഷിച്ച 17,50,000 രൂപ, ആകെ 24 വാഹനങ്ങൾ എന്നിവയും പിടിച്ചെടുത്തു. ഓണാഘോഷവുമായി ബന്ധപ്പെട്ട് മദ്യ, മയക്കുമരുന്നുകളുടെ വിപണനം തടയുന്നതിന് ജില്ലയിൽ എക്സൈസ് കണ്‍ട്രോൾ റൂമുകൾ ആരംഭിച്ചിട്ടുണ്ട്. വിവരങ്ങൾ കൈമാറുന്നവരുടെ വിശദാംശങ്ങൾ വെളിപ്പെടുത്തേണ്ടതില്ലെന്ന് ഉദ്യോഗസ്ഥർ അറിയിച്ചു. കണ്‍ട്രോൾ റൂമുകൾ ജില്ലാതല കണ്‍ട്രോൾ റൂം 04936228215, 248850, ടോൾ ഫ്രീ നന്പർ 18004252848, താലൂക്ക്തല കണ്‍ട്രോൾ റൂമുകൾ, സുൽത്താൻ ബത്തേരി: 0493-6227227, 248190, 246180, വൈത്തിരി: 0493-6202219, 208230, മാനന്തവാടി: 0493-5240012, 244923. എഡിഎം കെ. ദേവകി, ഡെപ്യൂട്ടി എക്സൈസ് കമ്മീഷണർ എ.ജെ. ഷാജി, ജില്ലാ വിമുക്തി കോഓർഡിനേറ്റർ സജിത് ചന്ദ്രൻ, എക്സൈസ് അസിസ്റ്റന്‍റ് ഇൻസ്പെക്ടർ കെ.കെ. ബാബു, വിവിധ വകുപ്പ് ഉദ്യോഗസ്ഥർ, രാഷ്ട്രീയ പാർട്ടി പ്രതിനിധികൾ തുടങ്ങിയവർ യോഗത്തിൽ പങ്കെടുത്തു.

ഭവന നിർമാണം: വയനാട് സോഷ്യൽ സർവീസ് സൊസൈറ്റി 37 കുടുംബങ്ങൾക്ക് രണ്ട് ലക്ഷം വീതം നൽകി

മാനന്തവാടി: സാന്പത്തികമായി പിന്നാക്കം നിൽക്കുന്നതും സ്വന്തമായി വീട് ഇല്ലാത്തതുമായ 37 കുടുംബങ്ങൾക്ക് ഭവന നിർമാണത്തിന് വയനാട് സോഷ്യൽ സർവീസ് സൊസൈറ്റി രണ്ട് ലക്ഷം രൂപ വീതം നൽകി. നാല് പതിറ്റാണ്ടായി സൊസൈറ്റിയുടെ കുടുംബ ശക്തീകരണ പരിപാടികൾക്ക് സാങ്കേതിക-സാന്പത്തിക സഹായം ലഭ്യമാക്കുന്ന ‘സേവ് എ ഫാമിലി പ്ലാൻ ഇന്ത്യ’യുമായി സഹകരിച്ചാണ് ഭവന നിർമാണത്തിന് സഹായം നൽകിയത്. വിധവകൾ, മാരകരോഗികൾ, അംഗപരിമിതർഎന്നിവർക്ക് മുൻഗണന നൽകിയാണ് ഗുണഭോക്താക്കളെ തെരഞ്ഞെടുത്തത്. നിർമാണം പൂർത്തിയായ ഭവനങ്ങളുടെ താക്കോൽദാനം സൊസൈറ്റി ഓഡിറ്റോറിയത്തിൽ നടത്തി. ‘സേവ് എ ഫാമിലി പ്ലാൻ ഇന്ത്യ’ എക്സിക്യുട്ടീവ് ഡയറക്ടർ ഫാ.ആന്‍റണി വട്ടപറന്പിൽ ഉദ്ഘാടനം ചെയ്തു. സൊസൈറ്റി എക്സിക്യുട്ടീവ് ഡയറക്ടർ ഫാ. ജിനോജ് പാലത്തടത്തിൽ അധ്യക്ഷത വഹിച്ചു. പ്രോഗ്രാം ഓഫീസർ പി.എ. ജോസ്, പ്രോഗ്രാം കോ ഓർഡിനേറ്റർ ദീപു ജോസഫ്, സ്റ്റാഫ് സെക്രട്ടറി ചിഞ്ചു മരിയ പീറ്റർ, ഗുണഭോക്താക്കളായ റിനി മുരളി, പുഷ്പ തവിഞ്ഞാൽ എന്നിവർ പ്രസംഗിച്ചു.

കാലാവസ്ഥാ മാറ്റത്തെ നേരിടാൻ ഉതകുന്ന ദീർഘകാല പദ്ധതികൾ രൂപപ്പെടുത്തണം: മാർ ജോസ് പൊരുന്നേടം

മാനന്തവാടി: കാലാവസ്ഥാ മാറ്റം നമ്മുടെ ജീവിതത്തെയും ജീവിനോപാധികളെയും ഗൗരവമായി ബാധിക്കുന്ന സാഹചര്യത്തിൽ വയനാട് സോഷ്യൽ സർവീസ് സൊസൈറ്റി കാലാവസ്ഥാ മാറ്റത്തെ നേരിടാൻ ഉതകുന്ന ദീർഘകാല പദ്ധതികൾ രൂപപ്പെടുത്തണമെന്ന് മാനന്തവാടി ബിഷപ് മാർ ജോസ് പൊരുന്നേടം അഭിപ്രായപ്പെട്ടു. വയനാട് സോഷ്യൽ സർവീസ് സൊസൈറ്റിയുടെ 2024 2025 വർഷത്തെ വാർഷിക പൊതുയോഗം ഉദ്ഘാടനം ചെയ്ത് പ്രസംഗിക്കുകയായിരിന്നു അദ്ദേഹം. ജലസംരക്ഷണം, മണ്ണിന്‍റെ ആരോഗ്യവർധന, കാർബണ്‍ ഉത്പാദനം കുറയ്ക്കുന്ന കാർഷിക രീതികൾ, ജൈവകൃഷി വ്യാപനം, സോളാർ, ബയോഗ്യാസ്, എൽഇഡി ലൈറ്റുകൾ പ്രോത്സാഹിപ്പിക്കൽ, ജൈവവൈവിധ്യ സംരക്ഷണം, കാലാവസ്ഥാ സൗഹൃദ ജീവിതരീതികളെക്കുറിച്ചുള്ള പരിശീലനങ്ങളും പ്രചാരണ പരിപാടികളും മരങ്ങൾ വച്ചുപിടിപ്പിക്കൽ തുടങ്ങിയവ ദീർഘകാല പദ്ധതികൾ വയനാട് സോഷ്യൽ സർവീസ് സൊസൈറ്റി ഏറ്റെടുത്ത് നടപ്പാക്കണമെന്ന് പിതാവ് ഓർമിപ്പിച്ചു. വയനാട് സോഷ്യൽ സർവീസ് സൊസൈറ്റി എക്സിക്യൂട്ടീവ് ഡയറക്ടർ ഫാ. ജിനോജ് പാലത്തടത്തിൽ വാർഷിക റിപ്പോർട്ട്, കണക്കുകൾ എന്നിവ അവതരിപ്പിച്ചു. പ്രോഗ്രാം ഓഫീസർ പി.എ. ജോസ് ബജറ്റ്, ഭാവി പ്രവർത്തങ്ങൾ എന്നിവയും അവതരിപ്പിച്ചു. ബയോവിൻ പ്രവർത്തനങ്ങളെ കുറിച്ച് മാനേജിംഗ് ഡയറക്ടർ ഫാ. ജോണ്‍ ചൂരപ്പുഴയിൽ, റേഡിയോ മാറ്റൊലിയെക്കുറിച്ച് ഡയറക്ടർ ഫാ. ബിജോ കറുകപ്പള്ളിൽ, ജീവസ് കേരള ലേബർ മൂവ്മെന്‍റ് പ്രവർത്തനങ്ങളെക്കുറിച്ച് ഡയറക്ടർ സെബാസ്റ്റ്യൻ പാലംപറന്പിൽ എന്നിവർ റിപ്പോർട്ട് അവതരിപ്പിച്ചു. ഭരണസമിതി അംഗങ്ങളായ, ഫാ. ജോസഫ് പരുവമ്മേൽ, ഫാ. അനൂപ് കളിയാനിയിൽ, ഫാ. ജോണി മലയിൽ, ഫാ. ജോമേഷ് തേക്കിലക്കാട്ടിൽ, ഫാ. ബിനു പൈനുങ്കൽ, സിസ്റ്റർ നവ്യ റോസ്, പ്രദീപ്, ബാലൻ പുതൂർ, വത്സ ബിജു ചുങ്കക്കുന്ന്, മുനിസിപ്പൽ കൗണ്‍സിലർ സ്മിത, സിസിലി മാത്യു എന്നിവർ പ്രസംഗിച്ചു.

മഴയിൽ വീണ മരം നീക്കംചെയ്യാൻ കുംകി ആനയും

സുൽത്താൻ ബത്തേരി: കനത്ത മഴയിൽ റോഡിനു കുറുകെ വീണ മരം നീക്കംചെയ്യാൻ അഗ്നിരക്ഷാ സേനയ്ക്ക് സഹായമായി മുത്തങ്ങയിലെ കുംകി ആനയും. മുത്തങ്ങ ആനപ്പന്തി ഉന്നതിയിലേക്കുള്ള റോഡിന് കുറുകെ വീണ മരമാണ് അഗ്നിരക്ഷാ സേനയ്ക്കൊപ്പം മുത്തങ്ങ പന്തിയിലെ സൂര്യൻ എന്ന കൊന്പൻ എത്തി എടുത്തുമാറ്റിയത്. ഇന്നലെ പുലർച്ചയാണ് ഉന്നതി റോഡിന് സമീപത്തു നിന്നിരുന്ന കുന്നിമരം റോഡിന് പുറകെ വീണത്. സ്റ്റേഷൻ ഓഫീസർ ശരത്ത്, സുരേഷ് എന്നിവരുടെ നേതൃത്വത്തിലെത്തിയ അഗ്നിരക്ഷാ സേനാംഗങ്ങൾ മുറിച്ചിട്ട മരത്തിന്‍റെ കഷ്ണങ്ങളാണ് സൂര്യൻ എടുത്തുമാറ്റി സഹായിച്ചത്.

പൗരോഹിത്യം മറ്റുള്ളവർക്ക് വേണ്ടിയാകണം: ഡോ. ഗീവർഗീസ് മാർ സ്തേഫാനോസ്

സുൽത്താൻ ബത്തേരി: യേശു ജീവിച്ചത് മറ്റുള്ളവർക്ക് വേണ്ടിയായതിനാൽ പൗരോഹിത്യവും മറ്റുള്ളവർക്ക് വേണ്ടിയാകണമെന്ന് യാക്കോബയാ സഭ മലബാർ ഭദ്രാസനാധിപൻ ഡോ. ഗീവർഗീസ് മാർ സ്തേഫാനോസ് പറഞ്ഞു. കേരളത്തിലെ സഭകളുടെ ഔദ്യോഗിക ഐക്യവേദിയായ കേരള കൗണ്‍സിൽ ഓഫ് ചർച്ചസ് (കെസിസി) വയനാട് ജില്ലാ വൈദിക സമ്മേളനം ബത്തേരി സെന്‍റ് തോമസ് സിഎസ്ഐ പള്ളിയിൽ ഉദ്ഘാടനം ചെയ്യുകയായിരുന്നു അദ്ദേഹം. വൈദികർ ജീവിതത്തിലും പ്രവർത്തിയിലും മഹത്വത്തിന്‍റെ ചെറിയ മുദ്ര പതിപ്പിക്കാൻ ശ്രമിക്കണമെന്നും അദ്ദേഹം കൂട്ടി ചേർത്തു. ക്ലർജി കമ്മീഷൻ ചെയർമാൻ എ.ആർ. നോബിൾ അധ്യക്ഷത വഹിച്ചു. കെസിസി ജനറൽ സെക്രട്ടറി പ്രകാശ് പി. തോമസ് മുഖ്യ പ്രഭാഷണം നടത്തി. ശുശ്രൂഷ വെല്ലുവിളികൾ മതം, വിശ്വാസം എന്ന വിഷയത്തിൽ കെസിസി ട്രഷറർ ഡോ.ടി.ഐ. ജയിംസ് ക്ലാസ് നയിച്ചു. ഓർത്തഡോക്സ് സഭ ബത്തേരി ഭദ്രാസന സെക്രട്ടറി ബേബി ജോണ്‍, ട്രവർ ജ്യോതിഷ്, സാംപ്രകാശ്, ക്ലർജി കമ്മീഷൻ സംസ്ഥാന പ്രോഗ്രാം കോഓർഡിനേറ്റർ മേജർ ടി.ഇ. സ്റ്റീഫൻസണ്‍, ക്ലർജി കമ്മീഷൻ അംഗം സിനോജ് മാഞ്ഞൂരാൻ എന്നിവർ പ്രസംഗിച്ചു. ജില്ലാ ചെയർമാനായി സാംപ്രകാശ്, കണ്‍വീനറായി ഫാ. ഷിബു ജോണ്‍ എന്നിവരെ തെരഞ്ഞെടുത്തു.

റൂസ ഗവ. മോഡൽ ഡിഗ്രി കോളജ് ഈ അക്കാദമിക വർഷം തുടങ്ങിയത് സർക്കാരിന്‍റെ ഇച്ഛാശക്തി: മന്ത്രി ആർ. ബിന്ദു

മാനന്തവാടി: തൃശിലേരിയിൽ വരാൻ പോകുന്ന റൂസ ഗവ. മോഡൽ ഡിഗ്രി കോളജ് താത്കാലിക അടിസ്ഥാനത്തിൽ മാനന്തവാടി ഗവ. കോളജിൽ ഈ അക്കാദമിക വർഷംതന്നെ തുടങ്ങിയത് സർക്കാരിന്‍റെ ഇച്ഛാശക്തിയെന്ന് ഉന്നതവിദ്യാഭ്യാസ മന്ത്രി ഡോ.ആർ. ബിന്ദു. റൂസ ഗവ. മോഡൽ ഡിഗ്രി കോളജിന്‍റെ അധ്യയന പ്രവർത്തനങ്ങളുടെയും മാനന്തവാടി ഗവ. കോളജിലെ ഇംഗ്ലീഷ്, കൊമേഴ്സ്, ഡെവലപ്പ്മെന്‍റ് ഇക്കണോമിക്സ് വകുപ്പുകളിൽ ആരംഭിക്കുന്ന ഗവേഷണ കേന്ദ്രങ്ങളുടെയും ഉദ്ഘാടനം മാനന്തവാടി ഗവ. കോളജിൽ നിർവഹിച്ചു പ്രസംഗിക്കുകയായിരുന്നു മന്ത്രി. മോഡൽ കോളജ് കെട്ടിട നിർമാണ തുകയുടെ 60 ശതമാനം റൂസ പദ്ധതി പ്രകാരം കേന്ദ്ര സർക്കാർ അനുവദിക്കുന്പോൾ കോളജിന്‍റെ ഭാവി വികസനത്തിനും അധ്യാപക, അനധ്യാപക ജീവനക്കാരുടെ ശന്പളം ഉൾപ്പെടെ നടത്തിപ്പിന്‍റെ എല്ലാ ചെലവും വഹിക്കുന്നത് സംസ്ഥാന സർക്കാരാണെന്ന് മന്ത്രി വ്യക്തമാക്കി. 2019ൽ തവിഞ്ഞാൽ ഗ്രാമപ്പഞ്ചായത്തിൽ കോളജ് കെട്ടിടത്തിന്‍റെ തറക്കല്ലിടൽ പ്രധാനമന്ത്രി ഓണ്‍ലൈൻ വഴി നിർവഹിച്ചെങ്കിലും ഭൂമി സംബന്ധിച്ച് കേസ് വന്നതിനാൽ കെട്ടിടം പണി തുടങ്ങാനായില്ല. തുടർന്ന് തിരുനെല്ലി ഗ്രാമപഞ്ചായത്തിലെ തൃശിലേരിയിൽ പൊതുവിദ്യാഭ്യാസ വകുപ്പ് വിട്ടുനൽകിയ അഞ്ച് ഏക്കർ ഭൂമിയിലാണ് കോളജ് സ്ഥാപിക്കാൻ തീരുമാനിച്ചത്. കോളജിൽ അനുവദിച്ച അഞ്ചു കോഴ്സുകളിൽ മൂന്നെണ്ണം പുത്തൻ തലമുറ കോഴ്സുകളാണെന്ന് മന്ത്രി പറഞ്ഞു. ബിഎസ്‌സി സൈക്കോളജി ആൻഡ് ന്യൂറോസയൻസ്, ബിഎസ്‌സി ജിയോ ഇൻഫർമാറ്റിക്സ് ആൻഡ് റിമോട്ട് സെൻസിംഗ്, ബി കോം ഫിനാൻസ് വിത്ത് ഫോറൻസിക് അക്കൗണ്ടിംഗ് എന്നിവയാണിവ. ബിഎ മലയാളം, ബിഎ ഇംഗ്ലീഷ് എന്നിവയാണ് മറ്റ് രണ്ട് കോഴ്സുകൾ. കോളജിൽ ഏഴ് സ്ഥിരം അധ്യാപകരുടേത് ഉൾപ്പെടെ പുതിയ തസ്തികകൾ അനുവദിച്ചെന്നും കോളജ് കെട്ടിടത്തിന്‍റെ രൂപരേഖ എച്ച്എംഎൽ ലൈഫ്കെയർ തയാറാക്കിയതായും മന്ത്രി അറിയിച്ചു. 102 വിദ്യാർഥികൾ കോളജിൽ പ്രവേശനം നേടി. ജില്ലയെ സാമൂഹ്യപരമായി ശക്തീകരിക്കുന്നതിന്‍റെ ഭാഗമായി ആദിവാസി വിഭാഗം ഉൾപ്പെടെ ഒട്ടേറെ കുടുംബങ്ങളിൽ നിന്നുള്ള വിദ്യാർഥികൾ ഉന്നത വിദ്യാഭ്യാസ രംഗത്ത് ഇനിയും എത്തണം. ഈ ലക്ഷ്യം മുൻനിർത്തിയുള്ള പ്രവർത്തനങ്ങളാണ് സർക്കാർ നടപ്പാക്കുന്നത്. ഇതിന്‍റെ ഭാഗമായി ജില്ലയിൽ എട്ട് ഉന്നത വിദ്യാഭ്യാസ സ്ഥാപനങ്ങൾ സ്ഥാപിച്ചെന്ന് മന്ത്രി ഡോ. ബിന്ദു ചൂണ്ടിക്കാട്ടി. പട്ടികജാതി-വർഗ പിന്നാക്ക ക്ഷേമ മന്ത്രി ഒ.ആർ. കേളു അധ്യക്ഷത വഹിച്ചു. പി. സുധീർ കുമാർ റിപ്പോർട്ട് അവതരിപ്പിച്ചു.ജസ്റ്റിൻ ബേബി, പി.വി. ബാലകൃഷ്ണൻ, സുധി രാധാകൃഷ്ണൻ, ബ്രാൻ അഹമ്മദ് കുട്ടി, ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി, ജില്ലാ പഞ്ചായത്ത് അംഗം കെ. വിജയൻ, വാർഡ് അംഗം ലിസി ജോണി, കണ്ണൂർ സർവകലാശാല സിൻഡിക്കേറ്റ് അംഗം കെ.ടി. ചന്ദ്രമോഹൻ, പിടിഎ വൈസ് പ്രസിഡന്‍റ് കെ.ടി. വിനു, കോളജ് വിദ്യാഭ്യാസ വകുപ്പ് അഡീഷണൽ ഡയറക്ടർ ഡോ.കെ. സുനിൽ ജോണ്‍, മാനന്തവാടി ഗവ. കോളജ് പ്രിൻസിപ്പൽ ഡോ.കെ. അബ്ദുൾ സലാം, രാഷ്ട്രീയ പാർട്ടി പ്രതിനിധികൾ എന്നിവർ പങ്കെടുത്തു. പ്രതിഷേധവുമായി ബിജെപി മാനന്തവാടി: റൂസ കോളജ് ഉദ്ഘാടനത്തിൽ കേന്ദ്രസർക്കാരിന്‍റെ പേര് പരാമർശിക്കാത്തിൽ പ്രതിഷേധിച്ച് ബിജെപിയുടെ നേതൃത്വത്തിൽ പ്രതിഷേധിച്ചു. മാനന്തവാടി ഗവ. കോളജിന് സമീപത്താണ് ബിജെപി പ്രവർത്തകർ പ്രതിഷേധവുമായി എത്തിയത്. റൂസ കോളജിന്‍റെ പദ്ധതി വിഹിതത്തിന്‍റെ അറുപത് ശതമാനവും വഹിക്കുന്നത് കേന്ദ്ര സർക്കാരാണ്. എന്നാൽ ഉദ്ഘാടന പരിപാടിയുടെ പോസ്റ്ററിൽ കേന്ദ്ര സർക്കാരിന്‍റെ ചിഹ്നങ്ങളോ പ്രധാനമന്ത്രിയുടെ ചിത്രമോ ഇല്ല. ഇതാണ് ബിജെപിയുടെ പ്രതിഷേധത്തിന് ഇടയാക്കിയത്. പ്രതിഷേധവുമായി എത്തിയ പ്രവർത്തകരെ കോളജിന് സമീപം പോലീസ് തടഞ്ഞു. ബിജെപി ജില്ലാ പ്രസിഡന്‍റ് പ്രശാന്ത് മലവയൽ പ്രതിഷേധ സമരം ഉദ്ഘാടനം ചെയ്തു. യുവമോർച്ച സംസ്ഥാന വൈസ് പ്രസിഡന്‍റ് അഖിൽ പ്രേം, ജിതിൻ ഭാനു എന്നിവർ പ്രസംഗിച്ചു.

ചീരാലിൽ വീണ്ടും പുലി: വളർത്തുനായയെ കടിച്ചുകൊണ്ടുപോയി

സുൽത്താൻ ബത്തേരി: ചീരാലിലെ പുലി ഭീതിക്ക് അറുതിയില്ല. ഇന്നലെ പുലർച്ചെ ചീരാൽ നോർത്ത് വെള്ളച്ചാലിലാണ് പുലിയുടെ ആക്രമണം ഏറ്റവുമൊടുവിലായുണ്ടായത്. പ്രദേശവാസിയായ എടപ്പരത്തിപാലക്കൽ അരവിന്ദന്‍റെ വളർത്തുനായയെ പുലി കടിച്ചുകൊണ്ടുപോയി. ഇന്നലെ പുലർച്ചെ മൂന്നോടെ നായയുടെ കരച്ചിൽകേട്ട് അരവിന്ദൻ ജനലിലൂടെ നോക്കുന്പോൾ പുലി നായയെ കടിച്ചെടുത്തുകൊണ്ടുപോകുന്നതാണ് കണ്ടത്. മേപ്പാടിയിൽ നിന്ന് വനംവകുപ്പ് ജീവനക്കാർ സ്ഥലത്തെത്തി. പുലിയെ പിടികൂടാനുള്ള നടപടികൾ സ്വകീരിക്കുമെന്ന് അധികൃതർ അറിയിച്ചു. രണ്ട് ദിവസംമുന്പ് വെള്ളച്ചാലിൽ കുറ്റിക്കാംപാളി വിജയകുമാറിന്‍റെ അഞ്ച് കോഴികളെയും പുലി കൊന്നു. ചീരാലിൽ തുടർച്ചയായി പുലിയുടെയും കടുവയുടെയും സാനിധ്യമുണ്ടാകുന്നത് പ്രദേശവാസികളെ ഭയത്തിലാക്കിയിട്ടുണ്ട്. കഴിഞ്ഞ അഞ്ച് മാസമായി ചീരാൽ, നന്പ്യാർകുന്ന് മേഖലകളിൽ പുലിശല്യം തുടങ്ങിയിട്ട്. ഇതിനിടെ ഒരു പുലിയെ നന്പ്യാർകുന്നിലും മറ്റൊന്നിനെ തമിഴ്നാട് വനംവകുപ്പ് അതിർത്തിപ്രദേശമായ നരിക്കൊല്ലിയിലും പിടികൂടിയിരുന്നു. ഇപ്പോഴും പുലിയുടെ സാനിധ്യം സ്ഥിരീകരിക്കുന്നത് പ്രദേശവാസികളെ ഭയത്തിലാക്കിയിരിക്കുകയാണ്. കൃഷിയിടങ്ങളിലടക്കം കടുവയുടെയും പുലിയുടെയും സാനിധ്യം സ്ഥിരീകരിച്ചതോടെ കൃഷിപ്പണിക്കുപോലും ആളെകിട്ടാത്ത അവസ്ഥയാണ്. കരിങ്കാളികുന്നിൽ കൂട് സ്ഥാപിച്ചിട്ടുണ്ടെങ്കിലും ഇതുവരെ പുലി കൂട്ടിൽകുടുങ്ങിയിട്ടില്ലെന്നതും ജനങ്ങളെ ആശങ്കയിലാക്കുകയാണ്.

മികച്ച കർഷകരെ ആദരിച്ചു

പുൽപ്പള്ളി: പുൽപ്പള്ളി ഗ്രാമപ്പഞ്ചായത്തിന്‍റെയും കൃഷി ഭവന്‍റെയും കാർഷിക വികസന സമിതികളുടേയും പാടശേഖര, കുരുമുളക് സമിതികളുടെയും നേതൃത്വത്തിൽ നടത്തിയ കർഷക ദിനാചരണവും മികച്ച കർഷകരെ ആദരിക്കലും ഗ്രാമപ്പഞ്ചായത്ത് പ്രസിഡന്‍റ് ടി.എസ്. ദിലീപ്കുമാർ ഉദ്ഘാടനം ചെയ്തു. പഞ്ചായത്തിലെ മികച്ച മുതിർന്ന കർഷകനായി കാളപ്പൻ ചെട്ടിയാർ പെരുമുണ്ടയേയും മികച്ച കർഷകനായി മോഹനൻ തെക്കേക്കരയും മികച്ച വനിതാ കർഷകയായി ഏലിയാമ്മ പുതുശേരിയേയും മികച്ച എസ്ടി കർഷകനായി അപ്പു കാര്യന്പാതി, മികച്ച ജൈവകർഷകനായി അപ്പച്ചൻ താന്നിക്കലിനേയും മികച്ച വിദ്യാർഥി കർഷകനായി ടി.ആർ. അജയ് പാക്കത്തേയും തെരഞ്ഞെടുത്തു. വാർഡുകളിൽ നിന്നും തെരഞ്ഞെടുക്കപ്പെട്ട 20 മികച്ച കർഷകരെയും ചടങ്ങിൽ ആദരിച്ചു. ഗ്രാമപ്പഞ്ചായത്ത് വൈസ് പ്രസിഡന്‍റ് ശോഭന സുകു അധ്യക്ഷത വഹിച്ചു. പനമരം കൃഷി അസി. ഡയറക്ടർ ടി.എസ്. സുമിന പദ്ധതി വിശദ്ധീകരണം നടത്തി. കൃഷി ഓഫീസർ സാന്ദ്ര മരിയ, ഗ്രാമപ്പഞ്ചായത്തംഗങ്ങളായ എം.ടി. കരുണാകരൻ, ശ്രീദേവി മുല്ലയ്ക്കൽ, ജോളി നരിതൂക്കിൽ, അനിൽ സി. കുമാർ, മണി പാന്പനാൽ, സിന്ധി ബാബു, എം. രാജു, സുമ ബിനീഷ്, ഉഷ സത്യൻ, സുശീല സുബ്രഹ്മണ്യൻ, എം. രഞ്ജിനി എന്നിവർ പ്രസംഗിച്ചു. പുൽപ്പള്ളി: മുള്ളൻകൊല്ലി ഗ്രാമപ്പഞ്ചായത്തിന്‍റേയും കൃഷി ഭവന്‍റേയും വിവിധ കർഷക സംഘടനകളുടേയും നേതൃത്വത്തിൽ നടത്തിയ കർഷക ദിനാചരണവും മികച്ച കർഷകരെ ആദരിക്കലും പനമരം ബ്ലോക്ക് പഞ്ചായത്ത് പ്രസിഡന്‍റ് ഗിരിജ കൃഷ്ണൻ ഉദ്ഘാടനം ചെയ്തു. ഗ്രാമപ്പഞ്ചായത്ത് പ്രസിഡന്‍റ് പി.കെ. വിജയൻ അധ്യക്ഷത വഹിച്ചു. കർഷകദിന സന്ദേശം ഗ്രാമപ്പഞ്ചായത്ത് വൈസ് പ്രസിഡന്‍റ് മോളി ആക്കാന്തിരി, പദ്ധതി വിശദ്ധീകരണം കൃഷി വകുപ്പ് ഡെപ്യൂട്ടി ഡയറക്ടർ ഈശ്വര പ്രസാദ്, ടി.എസ്. സുമിന, ബ്ലോക്ക് പഞ്ചായത്തംഗങ്ങളായ മേഴ്സി ബെന്നി, പി.ഡി. സജി, ഗ്രാമപ്പഞ്ചായത്ത് സ്ഥിരംസമിതി അധ്യക്ഷരായ ഷിനു കച്ചിറയിൽ, ജിസ്റ മുനീർ, ജില്ലാ പഞ്ചായത്തംഗം ബീന ജോസ്, പി. സുശീല, ഗ്രാമപ്പഞ്ചായത്തംഗങ്ങളായ പി.എസ്. കലേഷ്, ജോസ് നെല്ലേടം, ശ്യാമിലി പ്രകാശൻ, പി.കെ. ജോസ്, ഇ.കെ. രഘു, ജെസി സെബാസ്റ്റ്യൻ എന്നിവർ പ്രസംഗിച്ചു.

സമൂഹത്തിന്‍റെ പ്രശ്നങ്ങൾ പരിഹരിക്കാൻ ഉന്നത വിദ്യാഭ്യാസ സ്ഥാപനങ്ങൾക്ക് കഴിയണം: മന്ത്രി

മാനന്തവാടി: സമൂഹത്തിൽ ചുറ്റുമുള്ള പിന്നാക്ക ജനവിഭാഗങ്ങളുടെ പ്രശ്നങ്ങൾ ഏറ്റെടുത്ത് പരിഹരിക്കാൻ ഉന്നത വിദ്യാഭ്യാസ സ്ഥാപനങ്ങൾക്ക് സാധിക്കണമെന്നും അത് വിദ്യാഭ്യാസം എന്ന ആശയത്തെ കൂടുതൽ സന്പുഷ്ടമാക്കുമെന്നും ഉന്നത വിദ്യാഭ്യാസ സാമൂഹിക നീതി മന്ത്രി ഡോ. ആർ. ബിന്ദു. മാനന്തവാടിയിൽ പി.കെ. കാളൻ മെമ്മോറിയൽ കോളജ് ഓഫ് അപ്ലൈഡ് സയൻസിലെ അക്കാദമിക് ബ്ലോക്കിന്‍റെ രണ്ടാം ഘട്ടത്തിന്‍റെ ഉദ്ഘാടനവും മൂന്നാം ഘട്ടത്തിന്‍റെ തറക്കല്ലിടൽ ചടങ്ങും ബിരുദദാനവും ഉദ്ഘാടനം ചെയ്യുകയായിരുന്നു മന്ത്രി. വിദ്യാർഥികൾ പുത്തൻ അറിവുകളുടെ ഉത്പാദകരാവണമെന്നും സങ്കേതികവിദ്യ കൈവശമുള്ള യുവതലമുറയുടേതാണ് പുതിയ കാലമെന്നും മന്ത്രി പറഞ്ഞു. സർക്കാരിന്‍റെ മുൻഗണനാ മേഖലയിലൊന്നാണ് ഉന്നത വിദ്യാഭ്യാസം. നാല് വർഷം കൊണ്ട് 6,000 കോടി രൂപയുടെ പദ്ധതികളാണ് ഉന്നത വിദ്യാഭ്യാസ മേഖലയിൽ ആവിഷ്കരിച്ചത്. കേരളത്തെ ഉന്നത വിദ്യാഭ്യാസത്തിന്‍റെ ആഗോള ഹബ്ബാക്കി മാറ്റാനുള്ള പ്രവർത്തനങ്ങളും അതിനനുസരിച്ചുള്ള അടിസ്ഥാന സൗകര്യ വികസനവും നടന്നുവരികയാണെന്നും മന്ത്രി പറഞ്ഞു. അഭ്യസ്ഥവിദ്യരുടെ തൊഴിലില്ലായ്മ പരിഹരിക്കാനുള്ള വലിയ ശ്രമങ്ങൾ സർക്കാർ നടത്തുന്നു. തൊഴിൽ ആഭിമുഖ്യം വളർത്താനും പഠനത്തോടൊപ്പം ജോലിയും ലഭ്യമാക്കാനുള്ള പദ്ധതികളും നടപ്പാക്കി വരുന്നു. വിദ്യാർഥികളുടെ നൂതന ആശയങ്ങൾ പ്രായോഗിക തലത്തിലേക്ക് വികസിപ്പിക്കാൻ സാന്പത്തിക പിന്തുണയും സാങ്കേതിക സഹായവും വിവിധ ഏജൻസികളുടെ സഹായത്തോടെ സർക്കാർ ലഭ്യമാക്കുന്നതായും നിലവിൽ അഞ്ഞൂറിൽപരം കലാലയങ്ങളിൽ ആരംഭിച്ച ഇന്നൊവേഷൻ ഇൻകുബേഷൻ സെന്‍ററുകൾ എല്ലയിടത്തേക്കും വ്യാപിപ്പിക്കുകയാണ് സർക്കാർ ലക്ഷ്യമെന്നും മന്ത്രി പറഞ്ഞു. പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു അധ്യക്ഷത വഹിച്ചു. എല്ലാവർക്കും തൊഴിൽ ലഭ്യമാക്കുകയെന്ന ലക്ഷ്യം മുൻനിർത്തി കൂടുതൽ തൊഴിലധിഷ്ഠിത കോഴ്സുകൾ ഉൾപ്പെടെ ആരംഭിച്ച് മെച്ചപ്പെട്ട അവസരങ്ങൾ ഒരുക്കുകയാണ് സർക്കാറെന്ന് അദ്ദേഹം പറഞ്ഞു. പി.കെ. കാളൻ മെമ്മോറിയൽ കോളജ് ഓഫ് അപ്ലൈഡ് സയൻസസിൽ 2023 ൽ നിർമാണം ആരംഭിച്ച മൂന്ന് നിലകളുള്ള കെട്ടിടമാണ് ഉദ്ഘാടനം ചെയ്തത്. രണ്ടാം ഘട്ടത്തിൽ ഒരു കോടി രൂപ ചെലവിട്ട് 404.964 ചതുരശ്ര മീറ്റർ വിസ്തീർണത്തിൽ നിർമിച്ച കോളജ് കെട്ടിടത്തിന്‍റെ ഒന്നാം നിലയിൽ രണ്ട് ക്ലാസ് മുറികളും ഒരു ടോയ്ലറ്റ് ബ്ലോക്കും രണ്ടാം നിലയിൽ മൂന്ന് ക്ലാസ് മുറികളും ഉൾപ്പെടുന്നു. ഇതിന് പുറമേ മൂന്നാം ഘട്ടത്തിൽ ഇപ്പോൾ തറക്കല്ലിട്ട കെട്ടിടം രണ്ട് നിലകളിലായി 867.766 ചതുരശ്ര മീറ്റർ വിസ്തീർണത്തിലാണ് നിർമിക്കുന്നത്. 3.93 കോടി രൂപ ചെലവിട്ട് നിർമിക്കുന്ന ഈ കെട്ടിടത്തിന്‍റെ സെല്ലാർ ഫ്ലോറിൽ മൂന്ന് ക്ലാസ് മുറികളും ആണ്‍കുട്ടികളുടെ ടോയ്‌ലെറ്റ് ബ്ലോക്കും തറനിലയിൽ പ്രിൻസിപ്പൽ റൂം, റീഡിംഗ് റൂം, ലൈബ്രറി, റസ്റ്റ് റൂം, സ്റ്റാഫ് റൂം എന്നിവയുമാണ് നിർമിക്കുന്നത്.കോളജിൽ പഠനം പൂർത്തീകരിച്ച 34 വിദ്യാർഥികൾക്കുള്ള ബിരുദദാന ചടങ്ങും പരിപാടിയിൽ നടന്നു. മാനന്തവാടി ബ്ലോക്ക് പഞ്ചായത്ത് പ്രസിഡന്‍റ് ജസ്റ്റിൻ ബേബി, എടവക പഞ്ചായത്ത് പ്രസിഡന്‍റ് ബ്രാൻ അഹമ്മദ് കുട്ടി, ജില്ലാ പഞ്ചായത്ത് അംഗം കെ. വിജയൻ, വാർഡ് അംഗം ലിസി ജോണ്‍, ഐഎച്ച്ആർഡി ഡയറക്ടർ ഡോ.വി.എ. അരുണ്‍ കുമാർ, പൊതുമരാമത്ത് വകുപ്പ് അസി. എക്സിക്യുട്ടീവ് എൻജിനിയർ പി. സനില, പികെകെഎംസിഎഎസ് പ്രിൻസിപ്പൽ ഷീബ ജോസഫ്, മാനന്തവാടി ഗവ. കോളജ് പ്രിൻസിപ്പൽ ഡോ.കെ. അബ്ദുൾ സലാം, മാനന്തവാടി ബിഎഡ് കോളജ് കോഴ്സ് ഡയറക്ടർ ഡോ.എം.പി. അനിൽ, പിടിഎ വൈസ് പ്രസിഡന്‍റ് ബാബുരാജ്, രാഷ്ട്രീയ പാർട്ടി പ്രതിനിധികൾ, കോളജ് പൂർവവിദ്യാർഥി പ്രതിനിധി ജ്യോതിലാൽ, കോളജ് യൂണിയൻ ചെയർമാൻ ശ്രീഹരി തുടങ്ങിയവർ പങ്കെടുത്തു.

ജനങ്ങൾക്കായി ജനങ്ങളോടൊപ്പം ജില്ലാ കളക്ടറും ഉദ്യോഗസ്ഥരും നേരിട്ടെത്തുന്നു

കൽപ്പറ്റ: പൊതുജനങ്ങളുടെ പ്രശ്നങ്ങൾക്ക് പരിഹാരം കണ്ടെത്താൻ ജനങ്ങൾക്കായി ജനങ്ങളോടൊപ്പം ജില്ലാ കളക്ടറും ഉദ്യോഗസ്ഥരും നേരിട്ട് സംവദിക്കുന്നു. ജില്ലയിലെ ഗ്രാമപഞ്ചായത്തുകൾ കേന്ദ്രീകരിച്ചാണ് ജില്ലാ കളക്ടറും ഉദ്യോഗസ്ഥരും പൊതുജനങ്ങളെ നേരിൽ കണ്ട് പ്രശ്നങ്ങൾ കേൾക്കുന്നത്. പൊതുജനങ്ങൾക്കിടയിൽ അടിയന്തരമായി തീർപ്പാക്കേണ്ട പരാതികൾക്ക് പരിഹാര നടപടികൾ സ്വീകരിക്കുകയാണ് ലക്ഷ്യം. ജനങ്ങൾക്കായി, ജനങ്ങളോടൊപ്പം പൊതുജന പരാതി പരിഹാരത്തിന്‍റെ ആദ്യഘട്ട പര്യടനം വെങ്ങപ്പള്ളി ഗ്രാമപ്പഞ്ചായത്തിൽ 26ന് രാവിലെ 10 മുതൽ ഉച്ചയ്ക്ക് ഒന്ന് വരെ സംഘടിപ്പിക്കും. പരിഹാര പരിപാടിയിലേക്ക് ഇന്ന് മുതൽ 23 വരെ വെങ്ങപ്പള്ളി പഞ്ചായത്ത് പരിധിയിലെ പിണങ്ങോട് അക്ഷയ കേന്ദ്രത്തിലെത്തി അപേക്ഷ നൽകണം. അക്ഷയ കേന്ദ്രങ്ങളിലൂടെ ലഭിക്കുന്ന അപേക്ഷകൾ പരിശോധിച്ച് ബന്ധപ്പെട്ട വകുപ്പുകൾക്ക് അയച്ചു നൽകി ദ്രുതഗതിയിൽ പരിഹാരം ഉറപ്പാക്കും. പൊതുജനങ്ങൾക്ക് സർട്ടിഫിക്കറ്റുകൾ, ലൈസൻസുകൾ നൽകുന്നതിലെ കാലതാമസം, നിരസിക്കൽ, കെട്ടിട നന്പർ, നികുതി, വയോജന സംരക്ഷണം, പട്ടികജാതി/പട്ടികവർഗ വിഭാഗങ്ങൾക്കുള്ള വിവിധ ആനുകൂല്യങ്ങൾ, ശാരീരിക/ ബുദ്ധി/ മാനസിക വെല്ലുവിളി നേരിടുന്നവരുടെ പുനഃരധിവാസം, ധനസഹായം, പെൻഷൻ, ബന്ധപ്പെട്ട മറ്റ് ആവശ്യങ്ങൾ, പരിസ്ഥിതി മലിനീകരണം/ മാലിന്യ സംസ്ക്കരണം, പൊതുജലസ്രോതസുകളുടെ സംരക്ഷണം, കുടിവെള്ളം, റേഷൻകാർഡ് (എപിഎൽ/ബിപിഎൽ ചികിത്സാ ആവശ്യങ്ങൾക്ക്), കർഷിക വിള ഇൻഷ്വറൻസ്, കാർഷിക മേഖലയുമായി ബന്ധപ്പെട്ട മറ്റ് വിഷയങ്ങൾ, വളർത്തുമൃഗങ്ങൾക്കുള്ള നഷ്ടപരിഹാരം/ സഹായം, ഭക്ഷ്യ സുരക്ഷ, വ്യവസായ സംരംഭങ്ങൾക്കുള്ള അനുമതി, ആരോഗ്യം, വനംവന്യജീവി, വിവിധ സ്കോളർഷിപ്പുകൾ സംബന്ധിച്ച പരാതികൾ/അപേക്ഷകൾ, അപകടകരങ്ങളായ മരങ്ങൾ മുറിച്ചുമാറ്റൽ, പ്രകൃതി ദുരന്തങ്ങൾക്കുള്ള നഷ്ടപരിഹാരം, പെൻഷനുകൾ (വിവാഹ/ പഠനധന സഹായം/ ക്ഷേമം), സാമൂഹ്യ സുരക്ഷാ പെൻഷൻ കുടിശിക ലഭിക്കുക, പെൻഷൻ അനുവദിക്കുക, തെരുവുനായ ശല്യം, തെരുവു വിളക്കുകൾ, കൃഷി നാശത്തിനുള്ള സഹായങ്ങൾ സംബന്ധിച്ച അപേക്ഷകൾ എന്നിവയാണ് സ്വീകരിക്കുന്നത്. നിർദേശങ്ങൾ, അഭിപ്രായങ്ങൾ, പ്രപ്പോസൽസ്, ലൈഫ് മിഷൻ, ജോലി ആവശ്യപ്പെട്ടുള്ള /പിഎസ്‌സി സംബന്ധമായ വിഷങ്ങളിലെ അപേക്ഷകൾ, വായ്പ എഴുതി തള്ളൽ, പോലീസ് കേസുകൾ, ഭൂമി സംബന്ധമായ വിഷയങ്ങൾ (പട്ടയങ്ങൾ, തരംമാറ്റം), മുഖ്യമന്ത്രിയുടെ ദുരിതാശ്വാസ നിധിയിൽ നിന്നും സഹായത്തിനുള്ള അപേക്ഷകൾ, സാന്പത്തിക സഹായ അപേക്ഷകൾ (ചികിത്സയുൾപ്പെടെ), ജീവനക്കാര്യം, റവന്യു റിക്കവറിവായ്പ തിരിച്ചടവിനുള്ള സാവകാശം, ഇളവുകൾ സംബന്ധിച്ച അപേക്ഷകൾ അദാലത്തിൽ സ്വീകരിക്കില്ല. ജനങ്ങൾക്കായി ജനങ്ങളോടൊപ്പം പരിപാടി മറ്റു പഞ്ചായത്തുകളിലേക്ക് പിന്നീട് വ്യാപിപ്പിക്കുമെന്ന് ജില്ലാ കളക്ടർ ഡി.ആർ. മേഘശ്രീ അറിയിച്ചു.

ലഹരിവിരുദ്ധ സന്ദേശം നൽകി

പനമരം: പ്രീമെട്രിക് ഗേൾസ് ഹോസ്റ്റലിലെ കുട്ടികൾക്ക് എക്സൈസ് വിമുക്തി മിഷന്‍റെയും ഗവ.ഹയർ സെക്കൻഡറി സ്കൂളിലെ ലഹരിവിരുദ്ധ ക്ലബ് "കൂട്ടി’ന്‍റെയും വിമുക്തി ക്ലബിന്‍റെയും സംയുക്താഭിമുഖ്യത്തിൽ ലഹരിവിരുദ്ധ സന്ദേശവും മോട്ടിവേഷൻ ക്ലാസും നൽകി. വിമുക്തി മിഷൻ ജില്ലാ കോഓർഡിനേറ്റർ എൻ.സി. സജിത്ത്കുമാർ അച്ചൂരാനം ഉദ്ഘാടനം ചെയ്തു. ലഹരിവിരുദ്ധ സന്ദേശം നൽകിയ അദ്ദേഹം മോട്ടിവേഷൻ ക്ലാസെടുത്തു. പിടിഎ പ്രസിഡന്‍റ് ടി.കെ. മുനീർ അധ്യക്ഷത വഹിച്ചു. ലഹരിവിരുദ്ധ ക്ലബ് കണ്‍വീനർ എ.എസ്. സജിമോൻ, ആർ.ജെ. അനാമിക രാജ്, വിമുക്തി ക്ലബ് ചാർജ് ഓഫീസർ ബേബി ജോസഫ്, സോഫി വർക്കി, ഗിരിജ, കവിത റാണി എന്നിവർ പ്രസംഗിച്ചു.

മെഗാ ക്ലീനിംഗ് കാന്പയിൻ

സുൽത്താൻ ബത്തേരി: മാലിന്യമുക്തം നവകേരളം ജനകീയ കാന്പയിന്‍റെ ഭാഗമായി നഗരസഭ ചെതലയം ആറാം മൈലിൽ സംഘടിപ്പിച്ച മെഗാ ക്ലീനിംഗ് കാന്പയിൻ ചെയർമാൻ ടി.കെ. രമേശ് ഉദ്ഘാടനം ചെയ്തു. ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്സണ്‍ ഷാമില ജുനൈസ് അധ്യക്ഷത വഹിച്ചു. നഗരസഭാ ക്ലീൻ സിറ്റി മാനേജർ സന്തോഷ്കുമാർ, ഡിവിഷൻ കൗണ്‍സിലർ പി.ആർ. നിഷ എന്നിവർ പ്രസംഗിച്ചു. മാലിന്യ ശേഖരണത്തിലും പരിസര ശുചീകരണത്തിലും ഹരിതകർമസേനാംഗങ്ങളും തൊഴിലുറപ്പ് തൊഴിലാളികളും പ്രാദേശവാസികളും പങ്കെടുത്തു.

വോട്ടർ പ്രതിജ്ഞയുമായി ഇലക്ടറൽ ലിറ്ററസി ക്ലബുകൾ

കൽപ്പറ്റ: ജില്ലാ തെരഞ്ഞെടുപ്പ് വിഭാഗം ഇലക്ട്റൽ ക്ലബുകളുടെ ആഭിമുഖ്യത്തിൽ ജില്ലയിലെ കോളജുകൾ, പൊതുവിദ്യാലയങ്ങൾ, മിനി സിവിൽ സ്റ്റേഷനുകൾ, സർക്കാർ സ്ഥാപനങ്ങൾ എന്നിവിടങ്ങളിൽ നിർഭയമായും ഉത്തരവാദിത്വത്തോടും വോട്ട് രേഖപ്പെടുത്താൻ ജനാധിപത്യ പ്രക്രിയയിൽ പങ്കാളികളാവുമെന്ന് പ്രതിജ്ഞയെടുത്തു. സ്ഥാപന മേധാവികളും ജനപ്രതിനിധികളുമുൾപ്പെടെ പങ്കെടുത്ത പരിപാടികൾ 300 ഓളം ഇടങ്ങളിലായി സംഘടിപ്പിച്ചു. ഒരുലക്ഷത്തോളം സമ്മതിദായകർ 30 സെക്കൻഡ് ദൈർഘ്യമുള്ള വോട്ടർപ്രതിജ്ഞ ചൊല്ലി ജനാധിപത്യത്തോടുള്ള കൂറും പ്രതിബന്ധതയും ഉറപ്പാക്കി. പരിപാടിയുടെ ഭാഗമായി ക്വിസ് മത്സരങ്ങൾ, പ്രഭാഷണങ്ങൾ, സംഗമങ്ങൾ എന്നിവയും സംഘടിപ്പിച്ചു. വരുംദിവസങ്ങളിൽ വിവിധ കലാലയങ്ങളിൽ പ്രതിജ്ഞയെടുക്കുമെന്ന് അധികൃതർ അറിയിച്ചു.

സാൻഡൽവുഡ് കേവ് ഫോറസ്റ്റ് പ്രീമിയം റിസോർട്ട്: ആദ്യ കോട്ടേജ് ഉദ്ഘാടനം ചെയ്തു

പുൽപ്പള്ളി: ജസ്പെയ്ഡ് റിയൽ എസ്റ്റേറ്റ് കന്പനിയുടെ വയനാട് ജില്ലയിലെ പുൽപ്പള്ളിയിൽ പ്രവർത്തനങ്ങൾ പുരോഗമിക്കുന്ന 90 ഇക്കോ ഫ്രണ്ട്‌ലി കേവ് മോഡൽ കോട്ടേജുകൾ അടങ്ങിയ സാൻഡൽവുഡ് കേവ് ഫോറസ്റ്റ് പ്രീമിയം റിസോർട്ടിന്‍റെ ആദ്യ കോട്ടേജ് ഉദ്ഘാടനം ചെയ്തു. ഉദ്ഘാടനം പ്രശസ്ത സിനിമാ താരം സരയു നിർവഹിച്ചു. ജസ്പെയ്ഡ് മാനേജിംഗ് ഡയറക്ടർ നിഷാദ് അബൂബക്കർ, ചെയർമാൻ നിസാർ അബൂബക്കർ, തുടങ്ങിയവർ സമ്മിഹിതരായിരുന്നു.

കുടുംബസംഗമം നടത്തി

മുട്ടിൽ: മണ്ഡലം കോണ്‍ഗ്രസ് കമ്മിറ്റി കുടുംബസംഗമം നടത്തി. മണ്ഡലത്തിലെ മുതിർന്ന പൗരൻമാരെയും മുൻ ജനപ്രതിനിധികളെയും ആദരിച്ചു.ഡിസിസി പ്രസിഡന്‍റ് എൻ.ഡി. അപ്പച്ചൻ ഉദ്ഘാടനം ചെയ്തു. ജനങ്ങൾ അഭിമുഖീകരിക്കുന്ന പ്രശ്നങ്ങളിൽ ഒന്നിനും പരിഹാരം കാണാൻ സംസ്ഥാനം ഭരിക്കുന്നവർക്ക് കഴിയുന്നില്ലെന്ന് അദ്ദേഹം പറഞ്ഞു. മണ്ഡലം പ്രസിഡന്‍റ് ജോയി തൊട്ടിത്തറ അധ്യക്ഷത വഹിച്ചു. യുഡിഎഫ് ജില്ലാ കണ്‍വീനർ പി.ടി. ഗോപാലക്കുറുപ്പ് , പി.പി. ആലി, ബി. സുരേഷ്ബാബു, ബിനു തോമസ്, എം. ഒ. ദേവസ്യ, ഉഷ തന്പി, സുന്ദർരാജ് എടപ്പെട്ടി, ചന്ദ്രിക കൃഷ്ണൻ, ബഷീർ മടക്കി, ഷാജു ഗോപാൽ, വി.കെ. മോഹൻദാസ്, കെ. പദ്മനാഭൻ, നിഷീദ് രവീന്ദ്രൻ, പി.കെ. കുഞ്ഞമ്മത്, ശാന്തമ്മ തോമസ്, കെ.ഐ. തോമസ് എന്നിവർ പ്രസംഗിച്ചു.

അമേരിക്കയുടെ ഇന്ത്യ വിരുദ്ധ നടപടിയിൽ പ്രതിഷേധിച്ചു

കൽപ്പറ്റ: ഇന്ത്യയിൽനിന്നു ഇറക്കുമതി ചെയ്യുന്ന ഉത്പന്നങ്ങളുടെ തീരുവ 50 ശതമാനമായി വർധിപ്പിച്ച അമേരിക്കൻ നടപടിയിൽ പ്രതിഷേധിച്ച് എഐടിയുസി ജില്ലാ കൗണ്‍സിൽ അംഗങ്ങൾ ടൗണിൽ സമരം സംഘടിപ്പിച്ചു. പ്രസിഡന്‍റ് വിജയൻ ചെറുകര, ജനറൽ സെക്രട്ടറി സി.എസ്. സ്റ്റാൻലിൻ, വർക്കിംഗ് കമ്മിറ്റി അംഗം എസ്.ജി. സുകുമാരൻ, ടി. മണി എന്നിവർ പ്രസംഗിച്ചു. എം.വി. ബാബു, വി. യുസുഫ്, എ. കൃഷ്ണകുമാർ, പി.എസ്. ബിജു, ബിൻസി എബി ചെറിയാൻ, എ.ഒ. ഗോപാലൻ, ഷിബു പോൾ, ഇബ്രാഹിം പടയൻ, ജയചന്ദ്രൻ, സി.പി. റിയാസ്, സി.എസ്. സെബാസ്റ്റ്യൻ, കെ. സജീവൻ, ടി.എ. ബാബുരാജ്, സക്കീന, പി.ആർ. മോഹനൻ, ജിഷ ബോസ്, അരുണ്‍ ജോസ്, ലൂർദ് മരിയ, പ്രകാശ് പുൽപ്പള്ളി എന്നിവർ നേതൃത്വം നൽകി.

എംജെഎസ്എസ്എ സുവർണ ജൂബിലി ലോഗോ പ്രകാശനം ചെയ്തു

മീനങ്ങാടി: മലങ്കര യാക്കോബായ സുറിയാനി സണ്‍ഡേ സ്കൂൾ അസോസിയേഷൻ മലബാർ ഭദ്രാസനത്തിന്‍റെ സുവർണ ജൂബിലി ലോഗോ സെന്‍റ് പീറ്റേഴ്സ് ആൻഡ് സെന്‍റ് പോൾസ് കത്തീഡ്രലിൽ ഡോ.ഗീവർഗീസ് മോർ സ്തേഫാനോസ് മെത്രാപ്പോലീത്ത പ്രകാശനം ചെയ്തു. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ, പി.വി. ഏലിയാസ്, ഫാ. ജയിംസ് കുര്യൻ, ഫാ.ബേബി പൗലോസ് ഓലിക്കൽ, ഫാ.ബിജുമോൻ ജേക്കബ്, ടി.വി. സജീഷ്, ഇ.പി. ബേബി, പി.എം. രാജു, അനിൽ ജേക്കബ്, ജോണ്‍ ബേബി തുടങ്ങിയവർ പങ്കെടുത്തു.

ശാപമോക്ഷമില്ലാതെ മീനങ്ങാടിയിലെ ഗ്രാമീണ ആഴ്ചച്ചന്ത

സുൽത്താൻ ബത്തേരി: മീനങ്ങാടി പഞ്ചായത്ത് ബസ് സ്റ്റാൻഡിനോട് ചേർന്നുള്ള ഗ്രാമീണ ആഴ്ചച്ചന്ത ശാപമോക്ഷം തേടുന്നു. വർഷങ്ങൾ മുന്പ് ലക്ഷക്കണക്കിനു രൂപ ചെലവഴിച്ച് സ്ഥാപിച്ച ചന്ത കാടുപിടിച്ചുകിടക്കുകയാണ്. പഞ്ചായത്തിലെ കർഷകർക്ക് ഉത്പന്നങ്ങൾ ആഴ്ചയിൽ ഒരിക്കൽ വിപണനം ചെയ്യുന്നതിന് സൗകര്യം ഒരുക്കുന്നതിന് ആരംഭിച്ചതാണ് ചന്ത. 2018-19ൽ തൊഴിലുറപ്പ് പദ്ധതിയിൽ ഉൾപ്പെടുത്തി 3.5 ലക്ഷം രൂപ ചെലവിലാണ് ചന്ത തുടങ്ങിയത്. രണ്ട് വർഷത്തോളം നല്ലനിലയിലായിരുന്നു പ്രവർത്തനം. പിന്നീട് ഉത്തരവാദപ്പെട്ടവർ തിരിഞ്ഞുനോക്കാതായി. ഭിക്ഷക്കാർക്കും ടൗണിൽ അലഞ്ഞുതിരിയുന്നതിൽ ചിലർക്കുമാണ് നിലവിൽ ചന്തകൊണ്ട് പ്രയാജനം. ആഴ്ചച്ചന്ത പ്രവർത്തനക്ഷമമാക്കുന്നതിന് പഞ്ചായത്ത് നടപടി സ്വീകരിക്കണമെന്നാണ് പ്രദേശത്തെ കർഷകർ ആവശ്യപ്പെടുന്നത്.

കർഷക കോണ്‍ഗ്രസ് പ്രതിഷേധ ജാഥ നടത്തി

മാനന്തവാടി: ചിങ്ങം ഒന്ന് കണ്ണീർദിനമായി ആചരിച്ച കർഷക കോണ്‍ഗ്രസ് നിയോജകമണ്ഡലം കമ്മിറ്റിയുടെ നേതൃത്വത്തിൽ പ്രതിഷേധ ജാഥ നടത്തി. കേന്ദ്ര, സംസ്ഥാന സർക്കാരുകൾ തുടരുന്ന കർഷക ദ്രോഹ നടപടികൾക്കെതിരേയായിരുന്നു കണ്ണീർ ദിനാചരണം. കർഷക കോണ്‍ഗ്രസ് ജില്ലാ പ്രസിഡന്‍റ് പി.എം. ബെന്നി ഉദ്ഘാടനം ചെയ്തു. നിയോജകമണ്ഡലം പ്രസിഡന്‍റ് ഇ.ജെ. ഷാജി അധ്യക്ഷത വഹിച്ചു. ബ്ലോക്ക് കോണ്‍ഗ്രസ് പ്രസിഡന്‍റ് എ.എം. നിഷാന്ത് മുഖ്യപ്രഭാഷണം നടത്തി. എം.പി. വിൻസന്‍റ്, എം.എ. പൗലോസ്, ബാലൻ വെള്ളമുണ്ട, ടി.വി. മനോജ്, പി.വി. ജോണി, മൊയ്തു എടവക, ശ്രീധരൻ കരിങ്ങാരി, മത്തച്ചൻ കുന്നത്ത്, അബൂബക്കർ പിലാക്കാവ്, ജോസ് ഉള്ളോപ്പിള്ളി, സി.ജെ. അലക്സ്, വിൻസണ്‍ കൊയിലേരി, റോയി മുണ്ടാടാൻ, രഞ്ജിത്ത് മാനന്തവാടി എന്നിവർ പ്രസംഗിച്ചു. കൽപ്പറ്റ: കണ്ണീർദിനാചരണത്തിന്‍റെ ഭാഗമായി കർഷക കോണ്‍ഗ്രസ് നിയോജകമണ്ഡലം കമ്മിറ്റി പ്രതിഷേധ സദസ് സംഘടിപ്പിച്ചു. ഡിസിസി പ്രസിഡന്‍റ് എൻ.ഡി. അപ്പച്ചൻ ഉദ്ഘാടനം ചെയ്തു. നിയോജകമണ്ഡലം പ്രസിഡന്‍റ് കെ.ജെ. ജോണ്‍ അധ്യക്ഷത വഹിച്ചു. ബ്ലോക്ക് കമ്മിറ്റി പ്രസിഡന്‍റ് ജോണ്‍സണ്‍ കൂവക്കൽ, ജോസ് ജേക്കബ്, എ. ശിവദാസ്, ജോണ്‍ മാതാ, ജോസഫ് മറ്റത്തിൽ, സിബി ചാക്കോ, ജോയി ജേക്കബ്, ജിൻസണ്‍ കൽപ്പറ്റ, ബിജു തരിയോട്, കുഞ്ഞാലി പാലശേരി, ശിഹാബ് മലായി, കെ. സലിം, ഒ.പി. ഷൗക്കത്ത്. കെ. മുസ്തഫ എന്നിവർ പ്രസംഗിച്ചു.

’കിസാൻ രത്ന’ പദ്ധതിയുമായി എൻഎഫ്പിഒ

പുൽപ്പള്ളി: കർഷക കുടുംബങ്ങളുടെ സുരക്ഷ ഉറപ്പാക്കുന്ന ’കിസാൻ രത്ന’ പദ്ധതിക്കു നാഷണൽ ഫാർമേഴ്സ് പ്രൊഡ്യൂസർ ഓർഗനൈസേഷൻ(എൻഎഫ്പിഒ)രൂപം നൽകിയതായി ചെയർമാൻ ഫിലിപ്പ് ജോർജ്, ചീഫ് കോ ഓർഡിനേറ്റർ തോമസ് മിറർ, പ്രോഗ്രാം കമ്മിറ്റി കണ്‍വീനർ എൻ.യു. വിത്സണ്‍, ചാരിറ്റി കണ്‍വീനർ കെ.പി. ജോസ് എന്നിവർ വാർത്തസമ്മേളനത്തിൽ അറിയിച്ചു. സംഘടനയിലെ അംഗങ്ങൾ മരണപ്പെട്ടാൽ കുടുംബത്തിന് അഞ്ച് ലക്ഷം രൂപ അടിയന്തര സഹായം നൽകുന്നതാണ് പദ്ധതി. പദ്ധതി പ്രാബല്യ പ്രഖ്യാപനം 21ന് രാവിലെ 8.45ന് ടൗണിലെ എൻഎഫ്പിഒ ഓഫീസിൽ നടത്തും. സംഘടനയിൽ കുടിശികയില്ലാത്ത മുഴുവൻ അംഗങ്ങൾക്കും പദ്ധതിയിൽ ചേരാം. ഓരോ അംഗവും കരുതൽ ധനമായി 2,000 രൂപ നൽകണം. അംഗങ്ങൾ മരണപ്പെടുന്പോൾ 1,000 രൂപ വീതം അടയ്ക്കണം. ഓർഗനൈസേഷൻ ഭരണസമിതിക്കാണ് പദ്ധതി നടത്തിപ്പ് ചുമതല.

സ്വാതന്ത്ര്യദിനാഘോഷം നടത്തി

കൽപ്പറ്റ: കേരള വെറ്ററിനറി ആൻഡ് ആനിമൽ സയൻസ് യൂണിവേഴ്സിറ്റി ’ഒപ്പം’ആദിവാസി ഉപജീവന സഹായ പദ്ധതിയുടെയും ചെന്പട്ടി ട്രൈബൽ വായനശാലയുടെയും ആഭിമുഖ്യത്തിൽ ചെന്പട്ടിയിൽ സ്വാതന്ത്ര്യദിനം ആഘോഷിച്ചു. പതാകഉയർത്തൽ, സ്വാതന്ത്ര്യദിന ക്വിസ്മത്സരം, പത്താംക്ലാസ് ജയിച്ചവർക്ക് അനുമോദനം, ഫുട്ബോൾ ഷൂട്ട്ഒൗട്ട് എന്നിവ നടത്തി. വൈത്തിരി പഞ്ചായത്ത് പ്രസിഡന്‍റ് എം.വി. വിജേഷ് ഉദ്ഘാടനം ചെയ്തു. ചെന്പട്ടി ലൈബ്രറി പ്രസിഡന്‍റ് കെ.സി. രമേശ് അധ്യക്ഷത വഹിച്ചു. വാർഡ് മെംബർ വി.എസ്. സുജിന, യൂണിവേഴ്സിറ്റി അസോസിയേറ്റ് ഡയറക്ടർ ഓഫ് എന്‍റർപ്രണർഷിപ്പ് ഡോ.കെ.എസ്. അജിത്, റിസർച്ച് അസിസ്റ്റന്‍റ് ജിപ്സ ജഗദീഷ്, ശ്രുതി പവിത്രൻ എന്നിവർ പ്രസംഗിച്ചു. ചെന്പട്ടി വായനശാല ബാലവേദി പ്രസിഡന്‍റ് അർച്ചന ചന്ദ്രൻ സ്വാഗതവും എം. മണി നന്ദിയും പറഞ്ഞു. മാനന്തവാടി: ജവഹർ ബാൽ മഞ്ച് ജില്ലാ കമ്മിറ്റി പായോട് യൂണിറ്റിൽ സംഘടിപ്പിച്ച സ്വാതന്ത്ര്യദിനാഘോഷം ജില്ലാ ചെയർമാൻ ഡിന്‍റോ ജോസ് ഉദ്ഘാടനം ചെയ്തു. ജില്ലാ കോഓർഡിനേറ്റർ ജിജി വർഗീസ് അധ്യക്ഷത വഹിച്ചു. കോണ്‍ഗ്രസ് മണ്ഡലം പ്രസിഡന്‍റ് വിനോദ് തോട്ടത്തിൽ സ്വാതന്ത്ര്യദിനസന്ദേശം നൽകി. കുട്ടികളുടെ കലാപരിപാടികൾ, മുതിർന്നവരെ ആദരിക്കൽ, മധുര വിതരണം എന്നിവ നടന്നു. ഷിനു പായോട്, സി. ഷഫീഖ്, ജോയ്സി ഷാജു, ശശികുമാർ, ബേസിൽ വർഗീസ്, എയ്ഞ്ചൽ ബെന്നി, അൽന മരിയ, അമ്ന ഫാത്തിമ, അന്ന വർഗീസ് തുടങ്ങിയവർ നേതൃത്വം നൽകി. കന്പളക്കാട്: യോഗക്ഷേമസഭ ഏച്ചോം ഉപസഭ സ്വാതന്ത്യദിനം ആഘോഷിച്ചു. ഉപസഭ പ്രസിണ്ടന്‍റ് പി. വിഷ്ണു നന്പൂതിരി പതാക ഉയർത്തി. പൊതുസമ്മേളനം സംസ്ഥാന സമിതി അംഗം ഈശ്വരൻ മാടമന ഉദ്ഘാടനം ചെയ്തു. പുതില്ലം വിഷ്ണു നന്പൂതിരി അധ്യക്ഷം വഹിച്ചു. കല്ലന്പളളി നാരായണൻ നന്പൂതിരി, മാടമന ശങ്കരനാരായണൻ നന്പൂതിരി എന്നിവർ പ്രസംഗിച്ചു. കൽപ്പറ്റ: സ്വാതന്ത്ര്യദിനാഘോഷത്തിന്‍റെ ഭാഗമായി അഗ്നി-രക്ഷാനിലയത്തിന്‍റെ നേതൃത്വത്തിൽ സിവിൽ ഡിഫൻസ് ആപ്താമിത്ര അംഗങ്ങൾ ചൂരൽമലയിലെ ബെയ്ലി പാലം ശുചീകരിച്ചു. അയഞ്ഞ നട്ടുകൾ മുറുക്കി. അഗ്നി-രക്ഷാനിലയത്തിൽ ദേശീയപതാക വന്ദനത്തിനുശേഷം സ്റ്റേഷൻ ഓഫീസർ അർജുൻ കെ. കൃഷ്ണയുടെ നേതൃത്വത്തിലാണ് സിവിൽ ഡിഫൻസ് ആപ്തമിത്ര അംഗങ്ങൾ ചൂരൽമലയിൽ എത്തിയത്. സിവിൽ ഡിഫെൻസ് കോ ഓർഡിനേറ്റർ ശറഫുദ്ദീൻ, ജില്ലാ വാർഡൻ ഉണ്ണിക്കൃഷ്ണൻ, പോസ്റ്റ് വാർഡൻ സർനാസ്, ഡെപ്യൂട്ടി പോസ്റ്റ് വാർഡൻ ബബിത മുട്ടിൽ എന്നിവർ നേതൃത്വം നൽകി. പുഞ്ചിരിമട്ടം ഉരുൾപൊട്ടലിനെത്തുടർന്ന് കരസേന നിർമിച്ചതാണ് ബെയ്ലി പാലം. എടപ്പെട്ടി: ഗവ.എൽ.പി സ്കൂളിൽ സ്വാതന്ത്ര്യദിനം ആഘോഷിച്ചു. പ്രധാനാധ്യാപകൻ പി.എസ്. ഗിരീഷ്കുമാർ പതാക ഉയർത്തി. എടപ്പെട്ടി സെന്‍റ് സെബാസ്റ്റ്യൻസ് പള്ളി അങ്കണത്തിലേക്ക് റാലി നടത്തി. പൊതുസമ്മേളനം മുട്ടിൽ പഞ്ചായത്ത് അംഗം ഷീബ വേണുഗോപാൽ ഉദ്ഘാടനം ചെയ്തു. പിടിഎ പ്രസിഡന്‍റ് ബി. ഖദീജ അധ്യക്ഷത വഹിച്ചു. എസ്എംസി ചെയർമാൻ എൻ. സന്തോഷ്, എൻ.പി. ജിനേഷ്കുമാർ, എം. റുബീന, കെ.ജി. ദാക്ഷായണി, എം.എച്ച്. ഹഫീസ് റഹ്മാൻ, അമൃത വിജയൻ, ആർ. കീർത്തി, അമൃത മോഹൻ, വിജി ജിജിത്ത്, ജിൻസി അനു, വിനീത സുജിത്ത്, കെ.കെ. റഷീദ്, സി.വി. ശശികുമാർ, ജ്യോതികുമാർ, ജെയിൻ ആന്‍റണി, കെ.പി. പ്രദീശൻ എന്നിവർ നേതൃത്വം നൽകി. ദേശഭക്തിഗാനാലാപനം, ദൃശ്യാവിഷ്കാരം, പായസ വിതരണം എന്നിവ നടന്നു. ചെന്നലോട്: ജിയുപി സ്കൂളിൽ സ്വാതന്ത്ര്യദിനം ആഘോഷിച്ചു. പിടിഎ പ്രസിഡന്‍റ് ബിനു ഉദ്ഘാടനം ചെയ്തു. പ്രധാനാധ്യാപിക കെ. ജയരത്നം അധ്യക്ഷത വഹിച്ചു. സ്റ്റാഫ് സെക്രട്ടറി പി. നസീറ, പിടിഎ, എസ്എംസി, എംപിടിഎ പ്രതിനിധികൾ എന്നിവർ പ്രസംഗിച്ചു. കലാപരിപാടികൾ നടന്നു.

കല്ലൂർപുഴ കടക്കാൻ കാളിച്ചിറക്കാർക്ക് ഒറ്റത്തടിപ്പാലത്തിലൂടെ അഭ്യാസം നടത്തണം

സുൽത്താൻ ബത്തേരി: അത്യാവശ്യം ബാലൻസും അഭ്യാസവും അറിയാവുന്നവർക്ക് ഒറ്റത്തടി പാലത്തിലൂടെ പുഴയ്ക്ക് അക്കരയിക്കര കടക്കാം. ബാലൻസ് ഇല്ലാത്തവർക്ക് പുഴയിൽ കിടക്കാം. കാളിച്ചിറ വനഗ്രാമത്തിലേക്ക് എത്തുന്നതിനായി കല്ലൂർ പുഴയ്ക്ക് കുറുകെ സ്ഥാപിച്ച മരത്തടി പാലത്തിലൂടെ കടക്കുന്നവർക്കാണ് ഇത്തരത്തിലുള്ള അവസ്ഥ. കാളിച്ചിറ ഗ്രാമത്തിലെ കുടുംബങ്ങൾക്ക് കല്ലൂർപുഴ കടക്കാനുള്ള ഏക ആശ്രയമാണ് ഒറ്റത്തടി പാലം. നൂൽപ്പുഴ കോളൂർ കാളിച്ചിറ വനഗ്രാമങ്ങളിലെ കുടുംബങ്ങളാണ് കല്ലൂർ പുഴയ്ക്ക് കുറുകെ സ്ഥാപിച്ച സുരക്ഷിതമല്ലാത്ത ഒറ്റത്തടി പാലങ്ങളിലൂടെ അക്കരെയിക്കര കടക്കുന്നത്. മഴക്കാലങ്ങളിൽ കുത്തിയൊലിക്കുന്ന പുഴയ്ക്ക് കുറുകെ ജീവൻ പണയംവച്ചാണ് ഇവരുടെ യാത്ര. നൂൽപ്പുഴ പഞ്ചായത്തിലെ വനഗ്രാമങ്ങളായ കോളൂർ, കാളിച്ചിറ പ്രദേശവാസികളാണ് പുഴയ്ക്ക് കുറുകെ കടക്കാൻ സുരക്ഷിതമായ പാലമില്ലാത്തതിനാൽ ദുരിതത്തിൽ ആയിരിക്കുന്നത്. കോളൂർ ഗ്രാമത്തിൽ നിന്നും സമീപത്തുകൂടി ഒഴുകുന്ന കല്ലൂർപുഴ കടന്ന് അടുത്തുള്ള കാളിച്ചിറ ഗ്രാമത്തിൽ എത്തണമെങ്കിൽ രണ്ടിടത്തായുള്ള ഒറ്റത്തടി പാലങ്ങൾ മാത്രമാണ് ആശ്രയം. പതിറ്റാണ്ടുകളായി ഇവർ ഈ പാലത്തെയാണ് ആശ്രയിക്കുന്നത്. അടുത്തിടെയുണ്ടായ ശക്തമായ മഴയിലും കാറ്റിലും പുഴയ്ക്ക് കുറുകെ മരം കടപുഴകി വീണു. ഇതാണ് ആളുകൾ അക്കരെ ഇക്കരെ കടക്കാൻ ഇപ്പോൾ പാലമായി ഉപയോഗിക്കുന്നത്. മുൻപ് ഈ പാലത്തിൽ നിന്ന് പുഴയിൽ വീണ് രണ്ടുപേർക്ക് ജീവൻ നഷ്ടപ്പെട്ട സംഭവമുണ്ടായിട്ടുണ്ട്. എന്നിട്ടും അധികൃതർ ഇതുവരെ കണ്ണു തുറന്നിട്ടില്ലെന്ന നാട്ടുകാർ ആരോപിച്ചു. പാലമില്ലാത്തതിനാൽ അടുത്തുള്ള കല്ലൂരിൽ കോളൂർ പ്രദേശവാസികൾ എത്തുന്നത് നാല് കിലോമീറ്റർ ചുറ്റിയാണ്. ഈ ഭാഗത്ത് പുഴയ്ക്ക് കുറുകെ ഒരു ഇരുന്പുപാലം എങ്കിലും വന്നാൽ യാത്രാദുരിതത്തിന് പരിഹാരമാകുമെന്നാണ് പ്രദേശവാസികൾ പറയുന്നത്.

പ്രതിസന്ധികൾക്ക് നടുവിലും ചാരുത ചോരാതെ കർഷക ദിനാഘോഷം

തരിയോട്: പഞ്ചായത്ത് കൃഷി വകുപ്പിന്‍റെ സഹകരണത്തോടെ കർഷകദിനം ആഘോഷിച്ചു. പഞ്ചായത്ത് പ്രസിഡന്‍റ് ഷമീം പാറക്കണ്ടി ഉദ്ഘാടനം ചെയ്തു. വൈസ് പ്രസിഡന്‍റ് പുഷ്പ മനോജ് അധ്യക്ഷത വഹിച്ചു. കൃഷി ഡെപ്യൂട്ടി ഡയറക്ടർ കെ. ബിന്ദു മുഖ്യാതിഥിയായി. പഞ്ചായത്ത് സ്റ്റാൻഡിംഗ് കമ്മിറ്റി അധ്യക്ഷരായ ഷീജ ആൻറണി, രാധ പുലിക്കോട്, വി.ജി. ഷിബു, ബ്ലോക്ക് പഞ്ചായത്ത് അംഗം ഷിബു പോൾ, പഞ്ചായത്ത് അംഗങ്ങളായ കെ.വി. ഉണ്ണിക്കൃഷ്ണൻ, ചന്ദ്രൻ മടത്തുവയൽ, സൂന നവീൻ, ബീന റോബിൻസണ്‍, വിജയൻ തോട്ടുങ്കൽ, സിബിൽ എഡ്വേർഡ്, സെക്രട്ടറി എം.പി. രാജേന്ദ്രൻ, എം.ടി. ജോണ്‍, ഷാജി വട്ടത്തറ, കെ. ബാലകൃഷ്ണൻ, എ.ഡി. ജോണ്‍, രാധ മണിയൻ, കെ. അനീഷ് കുമാർ, ബെന്നി തെക്കുംപുറത്ത് എന്നിവർ പ്രസംഗിച്ചു. കർഷകരായ കെ.ജെ. മനോജ്, വർഗീസ് ഓലപ്പുരക്കൽ, ജോബിൻ ജോർജ്, വി.ജെ. മാത്യു, സി.വി. കുഞ്ഞിരാമൻ, പൗലോസ് കൊച്ചുകുളത്തിങ്കൽ, ഷാജു മണിയൻമാക്കിൽ, വിനോദ്കുമാർ, എ.വി. ആന്‍റണി, ഉമൈമത്ത് പുനത്തിക്കണ്ടി, എൻ.സി. ചെറിയാൻ, ബേബി സെബാസ്റ്റ്യൻ, എം.സി. ബാലൻ, വിദ്യാർഥി കർഷക ജെ.എൻ. ഇസ, ക്ഷീരകർഷകൻ സിബി ഏബ്രഹാം എന്നിവരെ ആദരിച്ചു. മധുരവിതരണവും കലാപരിപാടികളും നടത്തി. കൃഷി ഓഫീസർ അനു ജോർജ് സ്വാഗതവും അഗ്രോ ക്ലിനിക് കണ്‍വീനർ ബേബി മൂത്തേടത്ത് നന്ദിയും പറഞ്ഞു. നൂൽപ്പുഴ: പഞ്ചായത്തും കൃഷിഭവനും സംയുക്തമായി കർഷകദിനം ആഘോഷിച്ചു. ഐ.സി. ബാലകൃഷ്ണൻ എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് ഷീജ സതീഷ് അധ്യക്ഷത വഹിച്ചു. തെരഞ്ഞെടുത്ത് കർഷകരെയും വിദ്യാർഥി കർഷകനെയും ആദരിച്ചു. കൃഷി അസി.ഡയറക്ടർ എ.ആർ. ചിത്ര, പഞ്ചായത്ത് വൈസ് പ്രസിഡന്‍റ് എൻ.എ. ഉസ്മാൻ, ജില്ലാ പഞ്ചായത്തംഗം അമൽ ജോയി, മിനി സതീശൻ, പുഷ്പ അനൂപ്, എം.ബി. അഖില, ജയചന്ദ്രൻ, ദിനേശൻ, ജയ, പൗലോസ് കല്ലുമുക്ക്, ഷാരിസ്, എം.ആർ. ശശിധരൻ, അവറാൻ, ശിവദാസൻ അന്പലക്കുണ്ട് എന്നിവർ പ്രസംഗിച്ചു. കൃഷി ഓഫീസർ വി.കെ. ആരണ്യ സ്വാഗതവും അസി.കൃഷി ഓഫീസർ പി.എച്ച്. അഷ്റഫ് നന്ദിയും പറഞ്ഞു. സുൽത്താൻ ബത്തേരി: ബത്തേരി നഗരസഭ കൃഷിഭവൻ കർഷക ദിനാഘോഷം ബത്തേരി വ്യാപാരി ഭവൻ ഹാളിൽ നടത്തി. നഗരസഭ ഡെപ്യൂട്ടി ചെയർപേഴ്സണ്‍ എൽസി പൗലോസ് ഉദ്ഘാടനം ചെയ്തു. മികച്ച കർഷകരെ ചടങ്ങിൽ ആദരിച്ചു. വികസനകാര്യ ചെയർപേഴ്സണ്‍ ലിഷ അധ്യക്ഷത വഹിച്ചു. കൃഷി ഓഫീസർ എം.എസ്. അജിൽ, സ്റ്റാൻഡിംഗ് കമ്മിറ്റി ചെയർപേഴ്സണ്‍മാരായ സാലി പൗലോസ്, ടോം ജോസ്, സുൽത്താൻ ബത്തേരി നഗരസഭയിലെ കൗണ്‍സിലർമാർ, കാർഷിക വികസന സമിതി അംഗങ്ങൾ, പാടശേഖര കുരുമുളക് സമിതി ഭാരവാഹികൾ, കൃഷി ഓഫീസർ അസിസ്റ്റന്‍റ് പി.കെ. ശ്രീജിത്ത് എന്നിവർ പ്രസംഗിച്ചു. കർഷകർ, വിദ്യാർഥികൾ, പാടശേഖരം സമിതി, കുരുമുളക് സമിതി അംഗങ്ങൾ, കൃഷി ഉദ്യോഗസ്ഥർ തുടങ്ങിയവർ പങ്കെടുത്തു. പുൽപ്പള്ളി: പനമരം കിസാൻ സൊസൈറ്റിയുടെ നേതൃത്വത്തിൽ ചേകാടിയിൽ കാർഷികോത്സവം നടത്തി. പഞ്ചായത്ത് പ്രസിഡന്‍റ് ടി.എസ്. ദിലീപ്കുമാർ ഉദ്ഘാടനം ചെയ്തു. അന്പലവയൽ കെവികെ പ്രോഗ്രാം കോഓർഡിനേറ്റർ ഡോ.വി.വി. രാജൻ കർഷകദിന സന്ദേശം നൽകി. ഘോഷയാത്ര, സെമിനാർ, ഫാം വിസിറ്റ്, കന്പളനാട്ടി, മികച്ച കർഷകരെ ആദരിക്കൽ, ഫ്ളാഷ് മോബ് തുടങ്ങിയവ നടന്നു. കെ.വി. ജോണി, എ.എസ്. ബാബു, എം.ഡി. തങ്കച്ചൻ തുടങ്ങിയവർ നേതൃത്വം നൽകി. കാട്ടിക്കുളം: തിരുനെല്ലിയിൽ പഞ്ചായത്തിന്‍റെ നേതൃത്വത്തിൽ കർഷക ദിനം ആഘോഷിച്ചു. കർഷകരെ ആദരിക്കൽ, സെമിനാർ എന്നിവ നടത്തി. പഞ്ചായത്ത് പ്രസിഡന്‍റ് പി.വി. ബാലകൃഷ്ണൻ ഉദ്ഘാടനം ചെയ്തു. ജില്ലാ പഞ്ചായത്ത് അംഗം എ.എൻ. സുശീല, മാനന്തവാടി ബ്ലോക്ക് പഞ്ചായത്ത് വൈസ് പ്രസിഡന്‍റ് എ.കെ. ജയഭാരതി എന്നിവർ കർഷകരെ ആദരിച്ചു. ബാബു ജോസ് പുള്ളോലിൽ സെമിനാറിന് നേതൃത്വം നൽകി. മാനന്തവാടി: എടവക കൃഷിഭവന്‍റെ നേതൃത്വത്തിൽ കല്ലോടിയിൽ കർഷദിനം ആഘോഷിച്ചു. സെന്‍റ് ജോർജ് ഫൊറോന പാരിഷ് ഹാളിൽ ഉരലിൽ നെല്ല് കുത്തി ബ്ലോക്ക് പഞ്ചായത്ത് പ്രസിഡന്‍റ് ജസ്റ്റിൻ ബേബി ഉദ്ഘാടനം ചെയ്തു. എടവക പഞ്ചായത്ത് പ്രസിഡന്‍റ് ബ്രാൻ അഹമ്മദുകുട്ടി അധ്യക്ഷത വഹിച്ചു. കൃഷി ഓഫീസർ കെ.ജി. സുനിൽ, പഞ്ചായത്ത് വൈസ് പ്രസിഡന്‍റ് ഗിരിജ സുധാകരൻ, വിനോദ് തോട്ടത്തിൽ, കെ. വിജയൻ, കെ.വി. വിജോൾ, എച്ച്.ബി. പ്രദീപ്, കെ.പി. സിറാജ്, എസ്. സുബ്രഹ്മണ്യൻ എന്നിവർ പ്രസംഗിച്ചു. മികച്ച കർഷകരെ ആദരിച്ചു. കാർഷിക സെമിനാറും കർഷക സൗഹൃദ സദസും നടത്തി. കൽപ്പറ്റ: ഒയിസ്ക ചാപ്റ്ററിന്‍റെ നേതൃത്വത്തിൽ കർഷകദിനം ആഘോഷിച്ചു. ജില്ലാ ചാപ്റ്റർ സെക്രട്ടറി അഡ്വ.അബ്ദുറഹ്മാൻ കാതിരി ഉദ്ഘാടനം ചെയ്തു. ചാപ്റ്റർ പ്രസിഡന്‍റ് ഡോ.എ.ടി. സുരേഷ് അധ്യക്ഷത വഹിച്ചു. കൃഷി റിട്ട.ഡപ്യൂട്ടി ഡയറക്ടർ ലൗലി അഗസ്റ്റിൻ സന്ദേശം നൽകി. കർഷകൻ ബേബി മാത്യു കൊട്ടാരക്കുന്നേലിനെ ആദരിച്ചു. അഡ്വ.എസ്.എ. നസീർ, സി.കെ. സിറാജുദ്ദീൻ, എം. ഉമ്മർ, ലിലിയ തോമസ്, എൽദോ ഫിലിപ്പ്, ഡോ.ടി.സി. അനിത, ഷംന നസീർ, നിഷ ദേവസ്യ എന്നിവർ പ്രസംഗിച്ചു. മാനന്തവാടി: നഗരസഭയുടെ നേതൃത്വത്തിൽ കർഷകദിനം ആഘോഷിച്ചു. ചെയർപേഴ്സണ്‍ സി.കെ. രത്നവല്ലി ഉദ്ഘാടനം ചെയ്തു. വൈസ് ചെയർമാൻ ജേക്കബ് സെബാസ്റ്റ്യൻ അധ്യക്ഷത വഹിച്ചു. വികസന സ്റ്റാൻഡിംഗ് കമ്മിറ്റി ചെയർപേഴ്സണ്‍ ലേഖ രാജീവൻ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ പി.വി. എസ്. മൂസ, പി.വി. ജോർജ്, പാത്തുമ്മ, കൃഷി ഓഫീസർ ആര്യ, വിപിൻ വേണുഗോപാൽ, വി.ആർ. പ്രവീജ്, അബ്ദുൾ ആസിഫ്, കർഷക കോണ്‍ഗ്രസ് ജില്ലാ പ്രസിഡന്‍റ് പി.എം. ബെന്നി എന്നിവർ പ്രസംഗിച്ചു. വിവിധ വാർഡുകളിൽനിന്നുള്ള കർഷകരെ ആദരിച്ചു. വിദ്യാർഥി കർഷകനെ ആദരിച്ചു സുൽത്താൻ ബത്തേരി: വിദ്യാർഥി കർഷക അവാർഡ് നേടിയ അസംപ്ഷൻ എയുപി സ്കൂൾ വിദ്യാർഥി ജോയൽ ലിജോയെ കർഷകദിനത്തിൽ കൃഷിഭവന്‍റെ നേതൃത്വത്തിൽ വ്യാപാര ഭവനിൽ സംഘടിപ്പിച്ച ചടങ്ങിൽ ആദരിച്ചു. മുനിസിപ്പൽ വൈസ് ചെയർപേഴ്സണ്‍ എൽസി പൗലോസ് ഉദ്ഘാടനം ചെയ്തു. വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ടോം ജോസ് അധ്യക്ഷത വഹിച്ചു. മുൻസിപ്പൽ കൗണ്‍സിലർ കെ.സി. യോഹന്നാൻ മെമന്‍റോ കൈമാറി. മുൻസിപ്പൽ കൗണ്‍സിലർ പ്രജിത രവി, ജിഷ എം. പോൾ, അയന ആൻ മേരി, ലിജോ, പി. ജാസ്മിൻ, വിദ്യാർഥികളായ ആദിലക്ഷ്മി, ആരുഷ്, ആദിദേവ്, അബിധാരണി, ലിയ ഷെറിൻ തുടങ്ങിയവർ പങ്കെടുത്തു. കൃഷി ഓഫീസർ എം.എസ്. അജിൽ സ്വാഗതം പറഞ്ഞു.

മാർച്ചും ധർണയും

കൽപ്പറ്റ: കേരള സ്റ്റേറ്റ് സർവീസ് പെൻഷനേഴ്സ് യൂണിയൻ ജില്ലാ കമ്മിറ്റിയുടെ നേതൃത്വത്തിൽ കളക്ടറേറ്റ് മാർച്ചും ധർണയും നടത്തി. പെൻഷൻ പരിഷ്കരണ നടപടികൾ ആരംഭിക്കുക, ക്ഷാമാശ്വാസ ഗഡുക്കളും കുടിശികയും അനുവദിക്കുക, പിഎഫ്ആർഡിഎ നിയമം റദ്ദാക്കുക, പെൻഷൻ നിഷേധിക്കുന്ന ധനകാര്യ ഭേദഗതി നിയമം പിൻവലിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു സമരം. സംസ്ഥാന വൈസ് പ്രസിഡന്‍റ് കെ.കെ. വിശ്വനാഥൻ ഉദ്ഘാടനം ചെയ്തു. ബ്ലോക്ക് പ്രസിഡന്‍റ് കെ. മുഹമ്മദുകുട്ടി അധ്യക്ഷത വഹിച്ചു. ജില്ലാ കൗണ്‍സിൽ അംഗം ഇ.കെ. ബിജുജൻ പ്രസംഗിച്ചു. കെ. ശിവദാസൻ സ്വാഗതവും എൻ.പി. സൗമിനി നന്ദിയും പറഞ്ഞു.

ബത്തേരി നഗരസഭയ്ക്ക് ജനപക്ഷം അവാർഡ്

സുൽത്താൻ ബത്തേരി: സെന്‍റർ ഫോർ പൊളിറ്റിക്കൽ സയൻസ് കേരളയുടെ ഏഴാമത് ജനപക്ഷം അവാർഡിന് ബത്തേരി നഗരസഭയെ തെരഞ്ഞെടുത്തതായി എക്സിക്യുട്ടീവ് ഡയറക്ടർ കെ.ജെ. ദേവസ്യ അറിയിച്ചു. മുൻ വിവരാവകാശ കമ്മീഷണർ ഡോ.കുര്യാസ് കുന്പളക്കുഴി, പൊതുപ്രവർത്തകൻ ജയചന്ദ്രൻ തിരുവനന്തപുരം, പത്രപ്രവർത്തകൻനസീർ സലാം ആലപ്പുഴ എന്നിവരടങ്ങുന്ന സമിതിയാണ് അവാർഡ് നിർണയം നടത്തിയത്. ക്ലീൻസിറ്റി, ഫ്ളവർസിറ്റി, ഹാപ്പി ഹാപ്പി ബത്തേരി തുടങ്ങിയ പദ്ധതികളാണ് നഗരസഭയെ പുരസ്കാരത്തിന് അർഹമാക്കിയത്. സ്വരാജ് പുരസ്കാരം രണ്ടുതവണ നഗരസഭ നേടിയിട്ടുണ്ട്. ചെയർമാനും ഭരണസമിതിയംഗങ്ങളും ജീവനക്കാരും ചുമതലകൾ നിറവേറ്റുന്നതിൽ കാട്ടിയ ഉത്തരവാദിത്വവും അവാർഡ് നിർണയ സമിതിയുടെ പരിഗണനാവിഷയമായി. അവാർഡ് സമർപ്പണ തീയതി പിന്നീട് തീരുമാനിക്കും.

പുൽപ്പള്ളിയിൽ പ്രത്യേക ഗ്രാമസഭ ചേർന്നു

പുൽപ്പള്ളി: പഞ്ചായത്തിന്‍റെ നേതൃത്വത്തിൽ പ്രത്യേക ഗ്രാമസഭ ചേർന്നു. വിവിധ വകുപ്പ് ഉദ്യോഗസ്ഥർ ഉൾപ്പെടെ പങ്കെടുത്തു. പ്രസിഡന്‍റ് ടി.എസ്. ദിലീപ്കുമാർ ഉദ്ഘാടനം ചെയ്തു. വൈസ് പ്രസിഡന്‍റ് ശോഭന സുകു അധ്യക്ഷത വഹിച്ചു. സ്റ്റാൻഡിംഗ് കമ്മിറ്റി അധ്യക്ഷരായ ജോളി നരിതൂക്കിൽ, ശ്രീദേവി മുല്ലയ്ക്കൽ, എം.ടി. കരുണാകരൻ, പഞ്ചായത്തംഗങ്ങളായ അനിൽ സി. കുമാർ, മണി പാന്പനാൽ, ഉഷ ബേബി എന്നിവർ പ്രസംഗിച്ചു.

നാടെങ്ങും സ്വാതന്ത്ര്യദിനം ആഘോഷിച്ചു

മൂലങ്കാവ്: ഗവ.ഹയർ സെക്കൻഡറി സ്കൂളിൽ ലയണ്‍സ് ക്ലബിന്‍റെ നേതൃത്വത്തിൽ സ്വാതന്ത്ര്യദിനം ആഘോഷിച്ചു. ക്ലബ് പ്രസിഡന്‍റ് സി. രാമകൃഷ്ണൻപതാക ഉയർത്തി. ഇതോടനുബന്ധിച്ചു നടന്ന യോഗത്തിൽ അദ്ദേഹം അധ്യക്ഷത വഹിച്ചു. മുൻ പ്രിൻസിപ്പൽ പി.കെ. വർഗീസ് സ്വാതന്ത്ര്യദിന സന്ദേശം നൽകി. ക്ലബ് സെക്രട്ടറി എം.പി. സുധീഷ്, സി.ആർ. മനോജ്, വി.ജി. സോമൻ, ശ്യാം സുന്ദർ, പി.കെ. ജോഷി, ജോയി ജോസഫ്, അനൂപ്, രാജൻ എന്നിവർ പ്രസംഗിച്ചു. സ്കൂളിന് ലയയണ്‍സ് ക്ലബ് നൽകിയ ഷുഗർ ബോർഡ് പ്രിൻസിപ്പൽ ടി.കെ. പ്രഷിബ, ഹെഡ്മാസ്റ്റർ അശോകൻ എന്നിവർ ചേർന്ന് ഏറ്റുവാങ്ങി. കൽപ്പറ്റ: ജില്ലാ കോണ്‍ഗ്രസ് കമ്മിറ്റി ഓഫീസിൽ സ്വാതന്ത്ര്യദിനാഘോഷത്തിൽ പ്രസിഡന്‍റ് എൻ.ഡി. അപ്പച്ചൻ ദേശീയപതാക ഉയർത്തി. പി.പി. ആലി, ടി.ജെ. ഐസക്, ഒ.വി. അപ്പച്ചൻ, എം.എ. ജോസഫ്, ബിനു തോമസ്, ആയിഷ പള്ളിയാൽ, ഡിന്േ‍റാ ജോസ്, പ്രഭാകരൻ, സതീഷ് കുമാർ, സെബാസ്റ്റ്യൻ തുടങ്ങിയവർ പങ്കെടുത്തു. പാപ്ലശേരി: മഹല്ല് കമ്മറ്റിയുടെ നേതൃത്വത്തിൽ സ്വാതന്ത്ര്യദിനം ആഘോഷിച്ചു. മഹല്ല് പ്രസിഡന്‍റ് വി.എം. സെയ്തലവി പതാക ഉയർത്തി. റിയാസ് ഫൈസി പാപ്ലശേരിസന്ദേശം നൽകി. കെ.സി മൂസ, ഹുസൈൻ ഫൈസി, നൗഷാദ് അലി, ഹുസൈൻ പുള്ളിയിൽ തുടങ്ങിയവർ നേതൃത്വം നൽകി. പുൽപ്പള്ളി: വ്യാപാരി വ്യവസായി ഏകോപന സമിതി യൂണിറ്റിന്‍റെ നേതൃത്വത്തിൽ സ്വാതന്ത്ര്യദിനം ആഘോഷിച്ചു. പ്രസിഡന്‍റ് മാത്യു മത്തായി ആതിര പതാക ഉയർത്തി സന്ദേശം നൽകി. ജനറൽ സെക്രട്ടറി കെ.എസ്. അജിമോൻ, ട്രഷറർ പി.എ. ഷാജിമോൻ, യൂത്ത് വിംഗ് യൂണിറ്റ് പ്രസിഡന്‍റ് ഷിബിൻ, വനിതാവിംഗ് യൂണിറ്റ് പ്രസിഡന്‍റ് ഷാരി ജോണി എന്നിവർ പ്രസംഗിച്ചു. ജോസ് കുന്നത്ത്, കെ. ജോസഫ്, ബാബു രാജേഷ്, സലീൽ പൗലോസ്, പി.എം. പൈലി, കെ.വി. ജോണ്‍, ബിജു പൗലോസ്, ഹാരിസ്, സജി വർഗീസ്, ശിവദാസ്, പ്രഭാകരൻ, സുജിത്ത്, പ്രസന്നകുമാർ, വേണുഗോപാൽ, കെ.വി. റഫീഖ് എന്നിവർ നേതൃത്വം നൽകി. പായസ വിതരണം നടത്തി. സുൽത്താൻബത്തേരി: മണ്ഡലം കോണ്‍ഗ്രസ് കമ്മിറ്റി സ്വാതന്ത്ര്യദിനാഘോഷത്തിന്‍റെ ഭാഗമായി കുടുംബസംഗമം നടത്തി. ഡിസിസി ജനറൽ സെക്രട്ടറി ഡി.പി. രാജശേഖരൻ ഉദ്ഘാടനം ചെയ്തു. മണ്ഡലം പ്രസിഡൻ് ബാബു പഴുപ്പത്തൂർ അധ്യക്ഷത വഹിച്ചു. ഉമ്മർ കുണ്ടാട്ടിൽ, സക്കരിയ മണ്ണിൽ, നൗഫൽ കൈപ്പഞ്ചേരി, കുന്നത്ത് അഷറഫ്, സഫീർ പഴേരി, ടി. എൽ. സാബു, ഇന്ദ്രജിത്ത്, ശാലിനി രാജേഷ്, മധു സെബാസ്റ്റ്യൻ, ടി.ടി. ലൂക്കോസ്, അസീസ് മാടാല, ഷമീർ മാണിക്യം, ഷിജു എളങ്ങമറ്റം, രാധ രവീന്ദ്രൻ, സി.എ. ഗോപി, സണ്ണി ചൂരിമല, വൈ. രഞ്ജിത്ത്, സാജു പൂമല, ജോർജ് നൂറനാൽ, കെ.പി. സാമുവൽ, ശാലി ജോസഫ്, ജിജി അലക്സ്, ഷംസുദ്ദീൻ എന്നിവർ പ്രസംഗിച്ചു. ഡിസിസി ജനറൽ സെക്രട്ടറി നിസി അഹമ്മദ് ക്ലാസെടുത്തു. കൽപ്പറ്റ: സിപിഐ(എംഎൽ) ജില്ലാ കമ്മിറ്റി സ്വാതന്ത്ര്യദിനത്തിൽ പുതിയ സ്റ്റാൻഡ് പരിസരത്ത് ധർണ നടത്തി. രാജ്യത്ത് വർഗീയതയും ജനാധിപത്യ ധ്വംസനവും വർധിക്കുന്നതിൽ പ്രതിഷേധം അറിയിക്കുന്നതിനായിരുന്നു ധർണ. സെക്രട്ടറി സാം പി. മാത്യു ഉദ്ഘാടനം ചെയ്തു. പി.വി. തോമസ് അധ്യക്ഷത വഹിച്ചു. കെ .ബാലസുബ്രഹ്മണ്യൻ, എം. ചുരളി, എസ്.എ. അറുമുഖൻ എന്നിവർ പ്രസംഗിച്ചു. ഒ.പി. ചന്ദ്രമോഹൻ സ്വാഗതവും കെ. വാസുദേവൻ നന്ദിയും പറഞ്ഞു. തരുവണ: ഗവ.ഹയർ സെക്കൻഡറി സ്കൂളിൽ സ്വാതന്ത്ര്യദിനാഘോഷം ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. പിടിഎ പ്രസിഡന്‍റ് കെ.സി.കെ. നജുമുദ്ദീൻ അധ്യക്ഷത വഹിച്ചു. പ്രിൻസിപ്പൽ എം.ജെ. ജെസി, ഹെഡ്മാസ്റ്റർ എം. മുസ്തഫ, നാസർ സാവാൻ, കെ. അശോകൻ എന്നിവർ പ്രസംഗിച്ചു. വെള്ളമുണ്ട: എയുപി സ്കൂളിൽ സ്വാതന്ത്ര്യദിനാഘോഷം ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. പിടിഎ പ്രസിഡന്‍റ് കെ.കെ. മുഹമ്മദലി അഹ്സനി അധ്യക്ഷത വഹിച്ചു. ഹെഡ്മിസ്ട്രസ് ഷൈല പുത്തൻപുരയ്ക്കൽ, മുൻ എച്ച്എം സി. ജ്യോതി, പി. അഷ്റഫ്, വി.എം റോഷ്നി, പി. അബ്ബാസ് എന്നിവർ പ്രസംഗിച്ചു. സുൽത്താൻ ബത്തേരി: ടയർ വർക്കേഴ്സ് അസോസിയേഷൻ കേരള മേഖല കമ്മിറ്റി സ്വാതന്ത്ര്യ ദിനത്തിൽ വിമുക്തഭടൻ കേണിച്ചിറ പുതുപ്പറന്പിൽ ജോസിനെ ആദരിച്ചു. ജോസ് ദേശീയപതാക ഉയർത്തി. അസോസിയേഷൻ ജില്ലാ പ്രസിഡന്‍റ് ടി.പി. ബാലകൃഷ്ണൻ നായർ സ്വാതന്ത്ര്യദിന സന്ദേശം നൽകി. ജില്ലാ സെക്രട്ടറി രമേഷ് കൃഷ്ണൻ, മേഖല സെക്രട്ടറി പി.പി. അബ്ബാസ് എന്നിവർ പ്രസംഗിച്ചു. കോട്ടത്തറ: മണ്ഡലം കോണ്‍ഗ്രസ് കമ്മിറ്റി സ്വാതന്ത്ര്യദിനം ആഘോഷിച്ചു. പ്രസിഡന്‍റ് സി.സി. തങ്കച്ചൻ പാർട്ടി ഓഫീസിന് മുന്പിൽ ദേശീയപതാക ഉയർത്തി. സുരേഷ്ബാബു വാളൽ, പി.എസ്. മധു, വി.കെ. ശങ്കരൻകുട്ടി, പി.ഇ. വിനോജ്, ദാസൻ വലിയകുന്ന്, പ്രകാശൻ കരിഞ്ഞകുന്ന് എന്നിവർ പ്രസംഗിച്ചു. പിണങ്ങോട്: പീസ് വില്ലേജിൽ സ്വാതന്ത്ര്യദിനത്തിൽ ജനറൽ മാനേജർ ഹാരിസ് അരിക്കുളം പതാക ഉയർത്തി സന്ദേശം നൽകി. ഓപ്പറേഷൻസ് മാനേജർ വിപിൻ മാത്യു, പിആർഒ കെസിയ മരിയ, എച്ച്ആർ അനീഷ, കെയർഹോം ഇൻ ചാർജ് അബ്ദുള്ള പച്ചൂരാൻ, ഫിസിയോതെറാപ്പി ഇൻ ചാർജ് ജോഷിൻ ജോയി, പീസ് വില്ലേജ് കുടുംബാംഗങ്ങളായ കെ.സി ഹംസ, സുൽഫത്ത് എന്നിവർ പ്രസംഗിച്ചു. കല്ലോടി: സെന്‍റ് ജോസഫ്സ് യുപി സ്കൂളിൽ സ്വാതന്ത്ര്യദിനാഘോഷത്തിൽ ഹെഡ്മാസ്റ്റർ ജോസ് പള്ളത്ത് പതാക ഉയർത്തി. എടവക പഞ്ചായത്ത് അംഗം ജംഷീറ ഷിഹാബ് പൊതുസമ്മേളനം ഉദ്ഘാടനം ചെയ്തു. പിടിഎ പ്രസിഡന്‍റ് ജിനീഷ് തോമസ് അധ്യക്ഷത വഹിച്ചു. ദേശീയ അധ്യാപക അവാർഡ് ജേതാവും മുൻ ഹെഡ്മാസ്റ്ററുമായ എൻ.വി. ജോർജ് മുഖ്യപ്രഭാഷണം നടത്തി. എംപിടിഎ പ്രസിഡന്‍റ് സീനത്ത് ബീരാളി, അധ്യാപിക എം.ജെ. ബിന്ദു, പ്രോഗ്രാം കമ്മിറ്റി കണ്‍വീനർ അനീഷ് ജോർജ്, സ്കൂൾ ഡെപ്യൂട്ടി ലീഡർ അലോന ബിനോയി എന്നിവർ പ്രസംഗിച്ചു. സ്വാതന്ത്ര്യസമരചരിത്രത്തിലെ വിവിധ ഏടുകൾ കോർത്തിണക്കി ദൃശ്യാവിഷ്കാരം നടത്തി. ദേശഭക്തിഗാന പശ്ചാത്തലത്തിൽ ഫ്ളാഷ് മോബ് അവതരിപ്പിച്ചു. പായസ വിതരണം നടന്നു. അധ്യാപകർ, പിടിഎ എക്സിക്യുട്ടീവ് കമ്മിറ്റി അംഗങ്ങൾ,സ്കൂൾ പാർലമെൻറ് അംഗങ്ങൾ എന്നിവർ നേതൃത്വം നൽകി. പുൽപ്പള്ളി: ഓഫ് റോഡ് ക്ലബ് സ്വാതന്ത്ര്യദിനാഘോഷത്തിന്‍റെ ഭാഗമായി ദേശീയ പതാക ഉയർത്തി. ടൗണിൽനിന്നു ഇരുളത്തേക്ക് സന്ദേശ വാഹന റാലി നടത്തി. പഞ്ചായത്ത് പ്രസിഡന്‍റ് ടി.എസ്. ദിലീപ്കുമാർ ഫ്ളാഗ് ഓഫ് ചെയ്തു. വൈസ് പ്രസിഡന്‍റ് ശോഭന സുകു, വാർഡ് അംഗങ്ങളായ മണി പാന്പനാൽ, അനിൽ സി. കുമാർ, ക്ലബ് ഭാരവാഹി ഗെയ്റ്റർ പുൽപ്പള്ളി എന്നിവർ പ്രസംഗിച്ചു. പുൽപ്പള്ളി: സ്വാതന്ത്ര്യദിനാഘോഷത്തിന്‍റെ ഭാഗമായി പഴശിരാജാ കോളജിൽ ചരിത്ര വിഭാഗത്തിന്‍റെ ആഭിമുഖ്യത്തിൽ ഇന്ത്യൻ ദേശീയ പ്രസ്ഥാനം എന്ന വിഷയത്തിൽ നടത്തിയ ക്വിസ് മത്സരത്തിൽ എൻ.കെ. റിഷിൻലാൽ, ഫാത്തിമ സന, വി.ജി. കൃഷ്ണനന്ദ എന്നിവർ വിജയികളായി. ചരിത്ര വിഭാഗം അധ്യാപകൻ ഡോ.പി. രാജേഷ് മത്സരം നിയന്ത്രിച്ചു. സമാപനച്ചടങ്ങിൽ ഫാ.ജോർജ് കാലായിൽ സർട്ടിഫിക്കറ്റ് വിതരണം നിർവഹിച്ചു.ഫാ.ചാക്കോ ചേലംപറന്പത്ത്, ഡോ.ജോഷി മാത്യു, ഡോ.റാണി എസ്. പിള്ള എന്നിവർ പ്രസംഗിച്ചു. സുൽത്താൻ ബത്തേരി: സ്വാതന്ത്ര്യ ദിനാഘോഷത്തിന്‍റെ ഭാഗമായി കുന്താണി ഗവ.എൽപി സ്കൂളിൽ സ്വാതന്ത്ര്യസമരചരിത്രത്തിലൂടെ ഒരു യാത്രപരിപാടി സംഘടിപ്പിച്ചു. കുട്ടികൾ സ്വാതന്ത്ര്യസമര സേനാനികളുടെ വേഷത്തിൽ എത്തുകയും പരിചയപ്പെടുത്തുകയും ചെയ്തു. ദണ്ഡിയാത്രയും ഉപ്പുസത്യഗ്രഹവും മറ്റും കുട്ടികളുടെ മനസിൽ പതിയുന്ന വിധത്തിലാണ് അവതരണം നടന്നത്. ഹരിത കർമസേനാംഗങ്ങളായ സുമയ്യ, ലാലി എന്നിവരെ വിദ്യാർഥി പ്രതിനിധികൾ ആദരിച്ചു. പഞ്ചായത്ത് അംഗം ജയ മുരളി, പ്രധാനാധ്യാപകൻ എം.ടി. ബിജു, പിടിഎ പ്രസിഡന്‍റ് അനു എസ്. കുമാർ, സ്കൂൾ ലീഡർ ഡാൻ തോമസ് തുടങ്ങിയവർ നേതൃത്വം നൽകി. മാനന്തവാടി: ലിറ്റിൽ ഫ്ളവർ സ്കൂളിൽ സ്വാതന്ത്ര്യദിനത്തിൽ പ്രധാനാധ്യാപിക ഷീന യോഹന്നാൻ പതാക ഉയർത്തി. പിടിഎ പ്രസിഡന്‍റ് അജി കോളോണിയ അധ്യക്ഷത വഹിച്ചു. കാട്ടിക്കുളം ഗവ.ഹയർ സെക്കൻഡറി സ്കൂളിൽ പ്രധാനാധ്യാപിക പി. സബ്രീയ ബീഗം പതാകയുയർത്തി. ഹയർ സെക്കഡറി സീനിയർ അധ്യാപകൻ പി.എ. ഷാജു അധ്യക്ഷത വഹിച്ചു. തൃശിലേരി ഗവ.ഹയർ സെക്കൻഡറി സ്കൂളിൽ പ്രിൻസിപ്പൽ എ.പി. ഷിജ പതാക ഉയർത്തി. പിടിഎ പ്രസിഡന്‍റ് കെ. സക്കീർ അധ്യക്ഷത വഹിച്ചു. കല്ലോടി സെന്‍റ് ജോസഫ്സ് ഹയർ സെക്കൻഡറി സ്കൂളിൽ പി.എ. ഷാജു പതാക ഉയർത്തി. ഹയർ സെക്കണ്ടറി പ്രിൻസിപ്പാൾ ബ്രീജേഷ് ബാബു അധ്യക്ഷത വഹിച്ചു. ഗൂഡല്ലൂർ: നീലഗിരി ജില്ലാ ഭരണകൂടത്തിന്‍റെ നേതൃത്വത്തിൽ ഉൗട്ടി ഗവ.കോളജ് മൈതാനിയിൽ നടന്ന സ്വാതന്ത്ര്യദിനാഘോഷത്തിൽ കളക്ടർ ലക്ഷ്മി ഭവ്യതന്നീറു ദേശീയ പതാക ഉയർത്തി. പരേഡിൽ അവർ സല്യൂട്ട് സ്വീകരിച്ചു. ജില്ലാ പോലീസ് മേധാവി എം.എസ്. നിഷ, സബ് കളക്ടർ അഭിലാഷ കൗർ, ഡിഎഫ്ഒ ഗൗതം തുടങ്ങിയവർ പങ്കെടുത്തു. ഗൂഡല്ലൂർ ആർഡിഒ ഓഫീസിൽ ആർഡിഒ ഗുണശേഖരൻ പതാക ഉയർത്തി. പഞ്ചായത്ത് യൂണിയൻ ഓഫീസിൽ ബിഡിഒ സുബ്രഹ്മണി, തഹസിൽദാർ ഓഫീസിൽ തഹസിൽദാർ മുത്തുമാരി, നഗരസഭാ ഓഫീസിൽ ചെയർപേഴ്സൻ പരിമള, ഉൗട്ടി നഗരസഭാ ഓഫീസിൽ ചെയർപേഴ്സൻ വാണീശ്വരി, പന്തല്ലൂർ താലൂക്ക് ഓഫീസിൽ തഹസിൽദാർ സിറാജുന്നീസ, ഓവാലി പഞ്ചായത്ത് ഓഫീസിൽ പ്രസിഡന്‍റ് ചിത്രാദേവി, ദേവർഷോല പഞ്ചായത്ത് ഓഫീസിൽ പ്രസിഡന്‍റ് വള്ളി, ഗൂഡല്ലൂർ ഗവ.കോളജിൽ പ്രിൻസിപ്പൽ സുഭാഷിണി, തെപ്പക്കാട് ആന ക്യാന്പിൽ മുതുമല കടുവ സങ്കേതം ഡെപ്യൂട്ടി ഡയറക്ടർ വിദ്യ എന്നിവർ പതാക ഉയർത്തി. നടവയൽ: സെന്‍റ് തോമസ് എൽപി സ്കൂളിൽ സ്വാതന്ത്ര്യ ദിനത്തിൽ ഹെഡ്മാസ്റ്റർ പി.ജെ. ബെന്നി പതാക ഉയർത്തി സന്ദേശം നൽകി. പിടിഎ പ്രസിഡന്‍റ് ബിജേഷ് കോയിക്കാട്ടിൽ, എംപിടിഎ പ്രസിഡന്‍റ് സോണിയ പതിക്കൽ, സീനിയർ അസിസ്റ്റന്‍റ് പി.ഡി. മോളി, മേഴ്സി ജോസഫ് എന്നിവർ പ്രസംഗിച്ചു. പി.വി. മാത്യു, ഡെന്നി സണ്ണി, സിസ്റ്റർ മഞ്ജു ജോണ്‍, അനിഷ, എം.സി. ഷെല്ലിമോൾ, ലിൻഷ, നീതു എന്നിവർ നേതൃത്വം നൽകി.

ടൗണിൽ ശുചിമുറിയില്ല; കേണിച്ചിറയിൽ യാത്രക്കാർ വലയുന്നു

സുൽത്താൻ ബത്തേരി: പൂതാടി പഞ്ചായത്ത് ആസ്ഥാനമായ കേണിച്ചിറ ടൗണിൽ ശുചിമുറി ഇല്ലാത്തത് യാത്രക്കാർക്ക് വിനയായി. ടൗണിൽ എത്തുന്നവർക്ക് പ്രാഥമികാവശ്യങ്ങൾ നിറവേറ്റുന്നതിന് സൗകര്യം ഒരുക്കണമെന്ന് യാത്രക്കാർ അടക്കമുള്ളവർ ആവശ്യപ്പെടുന്നുണ്ടെങ്കിലും ഉത്തരവാദപ്പെട്ടവർ ഗൗനിക്കുന്നില്ല. ടൗണിൽ പഞ്ചായത്ത് ഓഫീസിന് മുന്പിൽ പത്ത് വർഷം മുന്പ് ഏഴ് ലക്ഷം രൂപ ചെലവിൽ ഇ ടോയ്ലറ്റ് നിർമിച്ചിരുന്നു. എന്നാൽ മൂന്നു മാസത്തിൽ താഴെയാണ് അത് പ്രവർത്തിച്ചത്. ഉപയോഗശൂന്യമായ ഇ ടോയ്ലറ്റ് ഇപ്പോഴും ഉണ്ട്. പഞ്ചായത്ത് ബസ്‌സ്റ്റാൻഡ് ടൗണിൽനിന്നു കുറച്ചുമാറിയാണ്. അതിനാൽ ഇവിടത്തെ ടോയ്ലറ്റ് യാത്രക്കാർക്ക് കാര്യമായി പ്രയോജനപ്പെടുന്നില്ല.

കന്യാസ്ത്രീകൾക്കെതിരായ കേസ് റദ്ദാക്കണമെന്ന്

കൽപ്പറ്റ: ദുർഗിൽ ബജ്റംഗ്ദൾ നേതാക്കളുടെ സമ്മർദത്തിനുവഴങ്ങി മലയാളികളായ രണ്ട് കന്യാസ്ത്രീകൾക്കെതിരേ പോലീസ് രജിസ്റ്റർ ചെയ്ത കേസ് പിൻവലിക്കാൻ ഛത്തീസ്ഗഡ് സർക്കാർ തയാറാകണമെന്ന് ജനതാദൾ-എസ് നിയോജകമണ്ഡലം പ്രവർത്തക കണ്‍വൻഷൻ ആവശ്യപ്പെട്ടു. സംസ്ഥാന സെക്രട്ടറി വി.പി. വർക്കി ഉദ്ഘാടനം ചെയ്തു. മണ്ഡലം പ്രസിഡന്‍റ് കെ.കെ. ദാസൻ അധ്യക്ഷത വഹിച്ചു. കെ. വിശ്വനാഥൻ, ബി. രാധാകൃഷ്ണപിള്ള, അനൂപ് മാത്യു, കെ.എസ്. മോഹനൻ, സൈഫുള്ള വൈത്തിരി, സി. അയ്യപ്പൻ എന്നിവർ പ്രസംഗിച്ചു.

എട്ടുനോന്പ്: സ്വാഗതസംഘം രൂപീകരിച്ചു

സുൽത്താൻ ബത്തേരി: സെന്‍റ് മേരീസ് യാക്കോബായ സുറിയാനി സൂനോറോ പള്ളിയിൽ എട്ടുനോന്പ് ആചരണത്തിന്‍റെയും വിശുദ്ധ ദൈവമാതാവിന്‍റെ ജനനപ്പെരുന്നാൾ ആഘോഷത്തിന്‍റെയും നടത്തിപ്പിന് സ്വാഗതസംഘം രൂപീകരിച്ചു. ഇതിനുചേർന്ന യോഗത്തിൽ വികാരി ഫാ.ബേബി ഏലിയാസ് കാരകുന്നേൽ, സഹവികാരി ഫാ.എൽദോ അന്പഴത്തിനാംകുടി, ട്രസ്റ്റി ഷാജു താമരച്ചാലിൽ, സെക്രട്ടറി സോബി ഏബ്രഹാം ഓലപ്പുരക്കൽ, ജോയിന്‍റ് സെക്രട്ടറി മേരി ഓണശേരി തുടങ്ങിയവർ പങ്കെടുത്തു. ഭാരവാഹികളായി ഇടവക മെത്രാപ്പോലീത്ത ഡോ.ഗീവർഗീസ് മോർ സ്തേഫാനോസ്(രക്ഷാധികാരി), ഫാ.ഗീവർഗീസ് മേലേത്ത്(ചെയർമാൻ), ഷെവ.കെ.പി. തോമസ്, ഷെവ.ഒ.എം. ജോർജ് ഓലപ്പുരയ്ക്കൽ, ഷെവ.വർഗീസ് ദാനിയേൽ കാരാവള്ളി(വൈസ് ചെയർമാൻമാർ), പൗലോസ് പാണംപടിക്കൽ(ജനറൽ കണ്‍വീനർ), ഷാജു താമരച്ചാലിൽ, സോബി ഏബ്രഹാം ഓലപ്പുരയ്ക്കൽ, മേരി ഓണശേരി, സോജൻ കെ. അവറാച്ചൻ കൈതാരത്ത്, മത്തായി കക്കാട്ടുപുത്തൻപുരയിൽ, സ്വപ്ന കല്ലാപ്പാറ, റെജി പൂത്തേത്തുകുടി, ഐസി മേലേത്ത്(കണ്‍വീനർമാർ), ഫാ.ജോസഫ് പള്ളിപ്പാട്ട്, ഫാ.ലിജോ തന്പി ആനികാട്ടിൽ(സബ് കമ്മിറ്റി ചെയർമാൻമാർ)എന്നിവരെ തെരഞ്ഞെടുത്തു.

ഗോകുലിന്‍റെ മരണം: അഭിഭാഷകന്‍റെ പരാതി വിഷയങ്ങളും സിബിഐ അന്വേഷണ പരിധിയിൽ

കൽപ്പറ്റ: കൽപ്പറ്റ പോലീസ് സ്റ്റേഷനിനിലെ ശുചിമുറിയിൽ പട്ടികവർഗത്തിൽപ്പെട്ട ഗോകുലിനെ (18) ഏപ്രിൽ ഒന്നിന് തൂങ്ങിമരിച്ച നിലയിൽ കണ്ടെത്തിയ സംഭവത്തിൽ ഹൈക്കോടതി അഭിഭാഷകനും പൊതുപ്രവർത്തകനുമായ അഡ്വ.കുളത്തൂർ ജയ്സിംഗ് ചീഫ് സെക്രട്ടറിക്ക് നൽകിയ പരാതിയിൽ പറയുന്ന എല്ലാ കാര്യങ്ങളും സിബിഐ അന്വേഷണ പരിധിയിൽ വരുമെന്ന് ആഭ്യന്തര വകുപ്പ് വ്യക്തത വരുത്തി. ഗോകുലിന്‍റെ മരണവുമായി ബന്ധപ്പെട്ട കേസ് അന്വേഷണം സിബിഐയ്ക്കു കൈമാറി സംസ്ഥാന സർക്കാർ വിജ്ഞാപനം ജൂണ്‍ ആറിനാണ് വിജ്ഞാപനം പുറപ്പെടുവിച്ചത്. കേസുമായി ബന്ധപ്പെട്ട എല്ലാ രേഖകളും കേന്ദ്ര മന്ത്രാലയത്തിന് കൈമാറിയെന്നും പരാതിയിലെ എല്ലാ വിഷയങ്ങളും സിബിഐ അന്വേഷണ പരിധിയിൽ ഉൾപ്പെടുന്നതാണെന്നും അഡ്വ.കുളത്തൂർ ജയ്സിംഗിന് ആഭ്യന്തര വകുപ്പിൽനിന്നു ലഭിച്ച മറുപടിക്കത്തിൽ പറയുന്നു. ഗോകുലിന്‍റെ മരണത്തിൽ എഎസ്ഐ ഉൾപ്പെടെ രണ്ട് പോലീസ് ഉദ്യോഗസ്ഥരെ സസ്പെൻഡ് ചെയ്തിരുന്നു.

അമ്മമാർക്ക് ക്ലാസ് നടത്തി

പുൽപ്പള്ളി: കുടുംബ നവീകരണ വർഷത്തിന്‍റെ ഭാഗമായി ശിശുമല ഉണ്ണീശോ ദേവാലയത്തിൽ മാതൃവേദിയുടെ നേതൃത്വത്തിൽ ഇടവകയിലെ അമ്മമാർക്ക് ക്ലാസ് നൽകി. വികാരി ഫാ.ബിജു മാവറ ഉദ്ഘാടനം ചെയ്തു. മാതൃവേദി യൂണിറ്റ് പ്രസിഡന്‍റ് മെറിൽ അധ്യക്ഷത വഹിച്ചു. കുടുംബജീവിതത്തിന് മാനസിക പൊരുത്തം എന്ന വിഷയത്തിൽ മാനന്തവാടി ബയോവിൻ അസിസ്റ്റന്‍റ് ഡയറക്ടർ ഡോ.ഫാ.റജീഷ് കറുത്തേടത്ത് ക്ലാസെടുത്തു. സിസ്റ്റർ മെർലിൻ എസ്എബി എസ്, സിമി തറയിൽ, ജോളി മണ്ണുംപുറത്ത്, ബീന മുട്ടനോലിൽ എന്നിവർ നേതൃത്വം നൽകി. ബയോവിൻ കറി പൗഡറുകൾ, പയർ ഉത്പന്നങ്ങൾ എന്നിവയുടെ പരിചയപ്പെടുത്തലും വിപണനവും നടന്നു.

മഴയിലും ആവേശം ചോരാതെ സ്വാതന്ത്ര്യദിനാഘോഷം

ഐക്യവും അഖണ്ഡതയും ഉറപ്പാക്കാൻ ഭരണഘടനാമൂല്യം ഉയർത്തിപ്പിടിക്കണം: മന്ത്രി ഒ.ആർ.കേളു കൽപ്പറ്റ: രാജ്യത്തിന്‍റെ ഐക്യവും അഖണ്ഡതയും ഉറപ്പാക്കാൻ ഭരണഘടനയിലെ ജനാധിപത്യ-മതേതര മൂല്യങ്ങൾ ഉയർത്തിപ്പിടിക്കണമെന്നും ഓരോ പൗരനും ഇതിനായി പ്രതിജ്ഞയെടുക്കണമെന്നും പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു. എസ്കെഎംജെ സ്കൂൾ ഗ്രൗണ്ടിൽ സ്വാതന്ത്ര്യദിന പരേഡിൽ സല്യൂട്ട് സ്വീകരിച്ചശേഷം പ്രസംഗിക്കുകയായിരുന്നു മന്ത്രി. ധീര ദേശാഭിമാനികളുടെ പോരാട്ടത്തിന്‍റെയും രക്തസാക്ഷിത്വത്തിന്‍റെയും ഫലമായി ലഭിച്ച സ്വാതന്ത്ര്യത്തിന്‍റെ മഹത്വം ഓരോ ഇന്ത്യക്കാരനും മനസിലാക്കണം. രാജ്യത്തിന്‍റെ മുന്നേറ്റത്തിന് വരുംനാളുകളിലും ഐക്യത്തോടെ പ്രവർത്തിക്കണം. സാമ്രാജ്യത്വ ശക്തികൾക്ക് കീഴടങ്ങാതെ സ്വയം പര്യാപ്ത രാഷ്ട്രമായി മാറണം. ചുങ്കത്തിന്‍റെ മറവിൽ ഇന്ത്യൻ സന്പദ്ഘടനയെ നിയന്ത്രിക്കാൻ ശ്രമിക്കുന്ന ശക്തികളെ തിരിച്ചറിഞ്ഞ് പരമാധികാരം സംരക്ഷിക്കണം. ജനങ്ങളിൽ വിഭജനത്തിന്‍റെയും വിദ്വേഷത്തിന്‍റെയും ചിന്തകൾ പടർത്താനുള്ള ശ്രമങ്ങളെ ചെറുക്കണം. സ്വത്രന്ത്ര്യം, ജനാധിപത്യം, പരമാധികാരം, സോഷ്യലിസം, മതനിരപേക്ഷത തുടങ്ങിയ അടിസ്ഥാന ഭരണഘടനാമൂല്യങ്ങളുടെ സംരക്ഷണത്തിനും പരിപോഷണത്തിനും ജനം നിലകൊള്ളണം. പല മേഖലകളിലും കേരളം രാജ്യത്തിന് മാതൃകയാണ്. രാജ്യംകണ്ട മഹാദുരന്തത്തിൽനിന്നുജില്ലയെ കരകയറ്റാൻ സംസ്ഥാന സർക്കാർ പ്രതിജ്ഞാബദ്ധമായ പ്രവർത്തനങ്ങളാണ് നടപ്പാക്കിയത്. ടൗണ്‍ഷിപ്പ് നിർമാണം ഡിസംബറോടെ പൂർത്തിയാകും. ആസ്പിരേഷണൽ പദ്ധതിയിൽ മികച്ച പ്രകടനമാണ് ജില്ല നടത്തുന്നതെന്നും മന്ത്രി പറഞ്ഞു. പ്രതികൂല കാലാവസ്ഥയിലും പരേഡിൽ അണിനിരന്ന സേനാവിഭാഗങ്ങളെയും വിദ്യാർഥികളെയും അദ്ദേഹം അഭിനന്ദിച്ചു. എം.എൽഎമാരായ ടി. സിദ്ദീഖ്, ഐ.സി. ബാലകൃഷ്ണൻ, ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ, പദ്മശ്രീ ചെറുവയൽ രാമൻ, ജില്ലാ കളക്ടർ ഡി.ആർ. മേഘശ്രീ, ജില്ലാ പോലീസ് മേധാവി തപോഷ് ബസുമതാരി, നഗരസഭാ ചെയർമാൻ ടി.ജെ. ഐസക്, എഡിഎം കെ. ദേവകി, സബ്കളക്ടർ അതുൽ സാഗർ, അസിസ്റ്റന്‍റ് കളക്ടർ പി.പി. അർച്ചന, മാനന്തവാടി ബ്ലോക്ക് പഞ്ചായത്ത് പ്രസിഡന്‍റ് ജസ്റ്റിൻ ബേബി തുടങ്ങിയവർ സന്നിഹിതരായിരുന്നു. പരേഡിൽ അണിനിരന്നത് 29 പ്ലറ്റൂണുകൾ പരേഡിൽ വിവിധ സേനാവിഭാഗങ്ങളുടെ 29 പ്ലറ്റൂണുകൾ പങ്കെടുത്തു. പനമരം പോലീസ് ഇൻസ്പെക്ടർ രാംജിത്ത് പി. ഗോപി കമാൻഡറായ പരേഡിൽ പോലീസ് ജില്ലാ ഹെഡ് ക്വാർട്ടേഴ്സ് വിഭാഗം, ലോക്കൽ പോലീസ്, ലോക്കൽ പോലീസ് വനിതാ വിഭാഗം, എക്സൈസ്, വനം, എൻസിസി, എസ്പിസി, സ്കൗട്സ് ആൻഡ് ഗൈഡ്സ്, ജെആർഎസി വിഭാഗങ്ങളുടെ പ്ലറ്റൂണുകൾ പങ്കെടുത്തു. പരേഡിൽ സേനാ വിഭാഗത്തിൽ ജില്ലാ ഹെഡ് ക്വാർട്ടേഴ്സ് വിഭാഗം ഒന്നാം സ്ഥാനം നേടി. വനം വകുപ്പ് രണ്ടാം സ്ഥാനം കരസ്ഥമാക്കി. കൽപ്പറ്റ എൻഎംഎസ്എം ഗവ.കോളജ്, തരിയോട് നിർമല ഹൈസ്കൂൾ എന്നിവ എൻസിസി വിഭാഗത്തിൽ യഥാക്രമം ഒന്നും രണ്ടും സ്ഥാനം നേടി. എസ്പിസി വിഭാഗത്തിൽ കണിയാന്പറ്റ ഗവ. മോഡൽ റസിഡൻഷൽ സ്കൂൾ ഒന്നാം സ്ഥാനവും തരിയോട് നിർമല ഹൈസ്കൂൾ രണ്ടാം സ്ഥാനവും കരസ്ഥമാക്കി. കൽപ്പറ്റ എസ്കഐംജെ സ്കൂൾ, മുട്ടിൽ ഡബ്ല്യുഒവിഎച്ച്എസ് സ്കൂൾ എന്നിവ സ്കൗട് വിഭാഗത്തിൽ യഥാക്രമം ഒന്നും രണ്ടും സ്ഥാനം നേടി. ഗൈഡ്സിൽ കൽപ്പറ്റ എൻഎസ്എസ് ഹയർ സെക്കൻഡറി സ്കൂളും എസ്കഐംജെ ഹയർ സെക്കൻഡറി സ്കൂളും വിജയികളായി. എസ്കഐംജെ ഹൈസ്കൂൾ ജെആർസി വിഭാഗത്തിൽ ഒന്നാം സ്ഥാനം നേടി. വിജയികൾക്ക് മന്ത്രി ഒ.ആർ. കേളു ട്രോഫി വിതരണം ചെയ്തു. കണ്ണൂർ ഡിഫൻസ് സർവീസ് കോറിന്‍റെ നേതൃത്വത്തിൽ ഒന്പതിന് കണ്ണൂരിൽ ആരംഭിച്ച് വടകര, കോഴിക്കോട്, മലപ്പുറം ജില്ലകൾ പിന്നിട്ട് വയനാട്ടിലെത്തിയ സൈക്കിൾ റാലി പരേഡ് ഗ്രൗണ്ടിൽ സമാപിച്ചു. റാലിയിൽ പങ്കെടുത്ത സൈനികർക്കു പ്രശസ്തി പത്രം ലഫ്റ്റനന്‍റ് കേണൽ ദേവേന്ദ്ര സിംഗിന് മന്ത്രി കൈമാറി. പരേഡിനുശേഷം ഫാ. ടെസ സ്പെഷൽ സ്കൂൾ, കൃപാലയ സ്പെഷൽ സ്കൂൾ, കണിയാന്പറ്റ മോഡൽ റസിഡൻഷ്യൽ സ്കൂൾ, കണിയാന്പറ്റ ചിൽഡ്രൻസ് ഹോം എന്നിവിടങ്ങളിൽനിന്നുള്ള വിദ്യാർഥികൾ കലപരിപാടികൾ അവതരിപ്പിച്ചു.

നൈപുണി വികസനത്തിലൂടെ കേരളത്തെ വിജ്ഞാന സമൂഹമാക്കണം: ഡോ. തോമസ് ഐസക്

കൽപ്പറ്റ: നൈപുണി വികസനത്തിലൂടെ കേരളത്തെ വിജ്ഞാന സമൂഹമാക്കണമെന്ന് മുൻ ധനമന്ത്രിയും സാന്പത്തിക വിദഗ്ധനുമായ ഡോ. തോമസ് ഐസക്ക്. കൽപ്പറ്റ എൻഎംഎസ്എം ഗവ. കോളജിൽ സംഘടിപ്പിച്ച വിജ്ഞാനകേരളം ഏകദിന ശില്പശാലയിൽ മുഖ്യപ്രഭാഷണം നടത്തുകയായിരുന്നു അദ്ദേഹം. കാലഘട്ടത്തിന്‍റെ ആവശ്യങ്ങൾക്കനുസരിച്ച് വിദ്യാർഥികളെ സജ്ജരാക്കുന്ന നൈപുണി വികസന കേന്ദ്രങ്ങൾ ഉന്നതവിദ്യാഭ്യാസ സ്ഥാപനങ്ങളുടെ അവിഭാജ്യ ഘടകമായി മാറണം. അക്കാദമിക പരിജ്ഞാനത്തിനൊപ്പം നൂതന തൊഴിൽ നൈപുണ്യങ്ങൾ കൂടി നൽകി സംസ്ഥാനത്തെ ഒരു വിജ്ഞാന സമൂഹമാക്കി മാറ്റുകയാണ് സർക്കാരിന്‍റെ ലക്ഷ്യം. മാറുന്ന കാലത്തിനനുസരിച്ച് സർവകലാശാലകളും പാഠ്യപദ്ധതികളും നവീകരിക്കേണ്ടത് അനിവാര്യമാണെന്നും അദ്ദേഹം പറഞ്ഞു.വെറ്ററിനറി സർവകലാശാല രജിസ്ട്രാർ ഡോ. സുധീർ ബാബു ശിൽപശാല ഉദ്ഘാടനം ചെയ്തു. കോളജ് പ്രിൻസിപ്പൽ ഡോ. സുബിൻ പി. ജോസഫ് അധ്യക്ഷത വഹിച്ചു. അക്കാദമിക സെഷനിൽ നൈപുണി വികസനത്തിൽ സ്ഥാപനങ്ങളുടെ ചുമതലകൾ എന്ന വിഷയത്തിൽ വിജ്ഞാന കേരളം വയനാട് ഡിഎംസി സി.എസ്. ശ്രീജിത്ത് സംസാരിച്ചു. ഓരോ കോളജിലും നൈപുണി വികസന കേന്ദ്രങ്ങൾ സ്ഥാപിക്കുന്നതിനും നിലവിലുള്ളവയുടെ പ്രവർത്തനം മെച്ചപ്പെടുത്തുന്നതിനും ആവശ്യമായ പ്രായോഗിക നിർദ്ദേശങ്ങളും ആശയങ്ങളും ശില്പശാലയിൽ ചർച്ചയായി. കോളജ് പ്രിൻസിപ്പൽമാർ, എൻഎസ്എസ് പ്രോഗ്രാം ഓഫീസർമാർ, പ്ലേസ്മെന്‍റ് ഓഫീസർമാർ, ഐക്യുഎസി കോർഡിനേറ്റർമാർ, വിജ്ഞാനകേരളം വയനാട് അക്കാദമിക് കോഓർഡിനേറ്റർ ഡോ. ജോബി, കാലിക്കട്ട് യൂണിവേഴ്സിറ്റി സെനറ്റ് അംഗം സോബിൻ വർഗീസ്, വയനാട് അക്കാദമിക് കോഓർഡിനേറ്റർ കെ.എം. സജ്ന എന്നിവർ പങ്കെടുത്തു.

ദുരന്തബാധിതർക്ക് സഹായധനം നൽകി

കൽപ്പറ്റ: പുഞ്ചിരിമട്ടം ഉരുൾ ദുരന്തബാധിതർക്ക് കനറ ബാങ്ക് റിട്ടയറീസ് അസോസിയേഷൻ സഹായധനം വിതരണം ചെയ്തു. ഗ്രീൻഗേറ്റ് ഹോട്ടലിൽ ജില്ലാ പഞ്ചായത്ത് പ്രസിഡന്‍റ് സംഷാദ് മരയ്ക്കാർ ഉദ്ഘാടനം ചെയ്തു. അസോസിയേഷൻ ജനറൽ സെക്രട്ടറി പി.ആർ.ആർ.എസ്. അയ്യർ അധ്യക്ഷത വഹിച്ചു. കനറ ബാങ്ക് സർക്കിൾ ഓഫീസ് ജനറൽ മാനേജർ കെ.എസ്. പ്രദീപ്, ജില്ലാ ലീഡ് ബാങ്ക് മാനേജർ ടി.എം. മുരളീധരൻ, ജില്ലാ ബാങ്ക് റിട്ടയറീസ് അസോസിയേഷൻ ജില്ലാ സെക്രട്ടറി പി. രാമകൃഷ്ണൻ, പി. ബാലകൃഷ്ണൻ, എ.പി. കുഞ്ഞാമു, എ.കെ. ശോഭ, ടി.സി. പ്രഭാകരൻ പി.ജെ. ജോയി എന്നിവർ പ്രസംഗിച്ചു.

ആർമി സൈക്ലിസ്റ്റുകൾക്ക് സ്വീകരണം നൽകി

കൽപ്പറ്റ: സ്വാതന്ത്ര്യ ദിനാഘോഷത്തിന്‍റെ ഭാഗമായി കണ്ണൂർ സിഎസ്ടി ടീമിന്‍റെ നേതൃത്വത്തിൽ സംഘടിപ്പിച്ച സൈക്കിൾ റാലിക്ക് ജില്ലാ സൈക്ലിംഗ് അസോസിയേഷന്‍റെ നേതൃത്വത്തിൽ ചൂരൽമലയിൽ സ്വീകരണം നൽകി. കൽപ്പറ്റയിൽനിന്നു ചൂരൽമലയിലേക്ക് നടന്ന റാലിയെ ജില്ലാ സൈക്ലിംഗ് ടീം അംഗങ്ങൾ അനുഗമിച്ചു. കണ്ണൂർ എസ്ഡിസി കമാൻഡിംഗ് ഓഫീസർ കേണൽ പരംവീർ നഗൽ, ജില്ലാ സ്പോർട്സ് കൗണ്‍സിൽ വൈസ് പ്രസിഡന്‍റ് സലിം കടവൻ, സൈക്ലിംഗ് അസോസിയേഷൻ സെക്രട്ടറി സുബൈർ ഇളംകുളം, അർജുൻ തോമസ്, അയ്ഫ മെഹറിൻ, മാത്യു, മുഹമ്മദ് റോഷൻ എന്നിവർ നേതൃത്വം നൽകി.

വോട്ടുകൊള്ള; കോണ്‍ഗ്രസ് ഫ്രീഡം ലൈറ്റ് നൈറ്റ്മാർച്ച് നടത്തി

കൽപ്പറ്റ: ജനാധിപത്യം സംരക്ഷിക്കാനുള്ള പോരാട്ടത്തിന് കരുത്തുപകരാൻ ജില്ലാകോണ്‍ഗ്രസ് കമ്മിറ്റി കൽപ്പറ്റയിൽ നടത്തിയ ഫ്രീഡം ലൈറ്റ് നൈറ്റ്മാർച്ചിൽ നൂറ്കണക്കിന് ആളുകൾ പങ്കെടുത്തു. വോട്ടുകവർച്ചയിൽ പ്രതിഷേധിച്ച ലോക്സഭാ പ്രതിപക്ഷനേതാവ് രാഹുൽഗാന്ധി, പ്രിയങ്കാഗാന്ധി ഉൾപ്പെടെയുള്ള എംപിമാരെ അറസ്റ്റ് ചെയ്തതിൽ പ്രതിഷേധിച്ചും തെരഞ്ഞെടുപ്പ് കമ്മീഷനുമായി ഒത്തുകളിച്ച് വോട്ടുമോഷണം നടത്തി അധികാരത്തിലെത്തിയ മോദി സർക്കാർ രാജിവയ്ക്കണമെന്നും ആവശ്യപ്പെട്ടായിരുന്നു കോണ്‍ഗ്രസിന്‍റെ നൈറ്റ് മാർച്ച്. ജില്ലയുടെ വിവിധ ഭാഗങ്ങളിൽ നിന്നുള്ള അനേകം പ്രവർത്തകരാണ് മാർച്ചിൽ അണിനിരന്നത്. രാത്രി ഏഴരയോടെ കൽപ്പറ്റ നഗരസഭാ പരിസരത്ത് നിന്നും ആരംഭിച്ച മാർച്ച് പുതിയ ബസ്‌സ്റ്റാൻഡ് പരിസരത്താണ് സമാപിച്ചത്. കെപിസിസി പ്രസിഡന്‍റ് സണ്ണി ജോസഫ് എംഎൽഎ മാർച്ചും പൊതുയോഗവും ഉദ്ഘാടനം ചെയ്തു. രാജ്യത്തെ ജനാധിപത്യം സംരക്ഷിക്കാനുള്ള പോരാട്ടത്തിൽ രാഹുൽഗാന്ധി ഒറ്റക്കല്ലെന്നും ജനകോടികളുടെ പിന്തുണയുണ്ടെന്നും അദ്ദേഹം പറഞ്ഞു. രാജ്യത്തെ ജനാധിപത്യം ലോകരാജ്യങ്ങൾ പ്രശംസിച്ചതാണ്. വെടിയുണ്ടയേക്കാൾ ശക്തിയും അധികാരവും ബാലറ്റുപേപ്പറിനുണ്ട്. ജനാധിപത്യത്തിന്‍റെ പ്രാണവായു നീതിപൂർവമായ തെരഞ്ഞെടുപ്പാണ്. അതിന് കുറ്റമറ്റ വോട്ടർപട്ടിക വേണം. അതിൽ അർഹതയില്ലാത്തവരുടെ പേരുകൾ വരാൻ പാടില്ല. കഴിഞ്ഞ ലോക്സഭാ തെരഞ്ഞെടുപ്പിലും മഹാരാഷ്ട്രയിലും വ്യാപക ക്രമക്കേടാണ് നടന്നത്. രാഹുൽഗാന്ധി ചോദ്യങ്ങൾ ചോദിക്കുന്പോൾ തെരഞ്ഞെടുപ്പ് കമ്മീഷനും കേന്ദ്രസർക്കാരും ഉത്തരംമുട്ടി നിൽക്കുന്നതാണ് കാണാനായത്. ഇലക്ഷൻ കമ്മീഷൻ നിഷ്പക്ഷമായി റഫറിയായി പ്രവർത്തിക്കണം. തെരഞ്ഞെടുപ്പ് ക്രമക്കേടുമായി ബന്ധപ്പെട്ട് രാഹുൽഗാന്ധി ഉന്നയിച്ചത് കേവലമൊരു രാഷ്ട്രീയ വിഷയമല്ല, മറിച്ച് രാജ്യത്തെ ജനങ്ങളുടെയാകെ വിഷയമാണെന്നും അദ്ദേഹം പറഞ്ഞു. ഡിസിസി പ്രസിഡന്‍റ് എൻ.ഡി. അപ്പച്ചൻ അധ്യക്ഷത വഹിച്ചു. ടി. സിദ്ദിഖ് എംഎൽഎ, പി.കെ. ജയലക്ഷ്മി, കെ.എൽ. പൗലോസ്, പി.പി. ആലി, കെ.ഇ. വിനയൻ, ഒ.വി. അപ്പച്ചൻ, എം.എ. ജോസഫ്, ടി.ജെ. ഐസക്, എം.ജി. ബിജു, പി.ഡി. സജി, അഡ്വ.എൻ.കെ. വർഗീസ്, എം. വേണുഗോപാൽ, സംഷാദ് മരക്കാർ, ബിനുതോമസ്, നിസി അഹമ്മദ്, എടക്കൽ മോഹനൻ, അഡ്വ. രാജേഷ്കുമാർ, കമ്മന മോഹൻ, അമൽ ജോയി, ഗൗതം ഗോകുൽദാസ്, ജിനി തോമസ്, പി.വി. ജോർജ്, ജേക്കബ് സെബാസ്റ്റ്യൻ തുടങ്ങിയ നിരവധി നേതാക്കൾ സംബന്ധിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]