ADVERTISEMENT

ADVERTISEMENT

പെരിക്കല്ലൂർ ജിഎച്ച്എസ്എസ് ഒന്നാമത്

കൽപ്പറ്റ: ഗാന്ധിജയന്തി വാരാഘോഷത്തിന്‍റെ ഭാഗമായി ഇൻഫർമേഷൻ ആൻഡ് പബ്ലിക് റിലേഷൻസ് വകുപ്പും പൊതുവിദ്യാഭ്യാസ വകുപ്പും സംയുക്തമായി ഹൈസ്കൂൾ, ഹയർ സെക്കൻഡറി വിദ്യാർഥികൾക്ക് നടത്തിയ ജില്ലാതല ഗാന്ധി ക്വിസ് മത്സരത്തിൽ പെരിക്കല്ലൂർ ജിഎച്ച്എസ്എസിലെ എ.എസ്. അൻസാഫ് അമൻ-എ.എസ്. അസിം ഇഷാൻ ടീം ഒന്നാം സ്ഥാനം നേടി.

നടവയൽ സെന്‍റ് തോമസ് എച്ച്എസ്എസിലെ നിർമൽ ബെന്നി-അമൻ സി. ഷജു ടീമിനാണ് രണ്ടാം സ്ഥാനം. മാനന്തവാടി എംജിഎം എച്ച്എസ്എസിലെ ആദിത്യൻ മംഗലശേരി-കെ.വി. വേദിക് വിജയ് ടീം മൂന്നാം സ്ഥാനം കരസ്ഥമാക്കി.

36 ടീമുകൾ പങ്കെടുത്ത മത്സരം സിവിൽ സ്റ്റേഷനിലെ എപിജെ ഹാളിൽ ജില്ലാ ഇൻഫർമേഷൻ ഓഫീസർ പി. റഷീദ്ബാബു ഉദ്ഘാടനം ചെയ്തു. അസിസ്റ്റന്‍റ് എഡിറ്റർ എം. അമിയ മത്സരം നിയന്ത്രിച്ചു.

ADVERTISEMENT

തെരുവുനായ ശല്യം: ന്യൂസ് പേപ്പർ ഏജന്‍റുമാർ ധർണ നടത്തി

കൽപ്പറ്റ: തെരുവുനായ ശല്യത്തിനു പരിഹാരം ആവശ്യപ്പെട്ട് ന്യൂസ്പേപ്പർ ഏജൻസീസ് അസോസിയേഷൻ(എൻപിഎഎ) ജില്ലാ കമ്മിറ്റിയുടെ നേതൃത്വത്തിൽ കളക്ടറേറ്റ് പടിക്കൽ ധർണ നടത്തി. സംസ്ഥാന പ്രസിഡന്‍റ് പി.കെ. സത്താർ ഉദ്ഘാടനം ചെയ്തു. തെരുവുനായ ശല്യം ഒഴിവാക്കുന്നതിന് ജില്ലാ ഭരണകൂടത്തിന്‍റെ ഇടപെടൽ അനിവാര്യതയാണെന്ന് അദ്ദേഹം പറഞ്ഞു. ജില്ലാ പ്രസിഡന്‍റ് വിശ്വനാഥൻ ചൂതുപാറ അധ്യക്ഷത വഹിച്ചു. സംസ്ഥാന കമ്മിറ്റി അംഗം അബു കന്പളക്കാട്, പൊതുപ്രവർത്തകൻ ബി. രാധാകൃഷ്ണപിള്ള എന്നിവർ പ്രസംഗിച്ചു. സാബു അതിരാറ്റുകുന്ന് സ്വാഗതവും ബിജു പുൽപ്പള്ളി നന്ദിയും പറഞ്ഞു.

പിന്നാക്ക വിഭാഗക്കാർ മുഖ്യധാരയിലെത്തണമെന്ന്

പനമരം: പിന്നാക്ക വിഭാഗക്കാർ ഉന്നത വിദ്യാഭ്യാസത്തിലൂടെ സമൂഹത്തിന്‍റെ മുഖ്യധാരയിലെത്തണമെന്ന് പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ കേളു. പഞ്ചായത്തിലെ കൂവമൂലക്കുന്ന് ഉന്നതിയിൽ സാംസ്കാരിക നിലയവും സാമൂഹിക പഠനമുറിയും ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. പട്ടികവർഗ വികസന വകുപ്പ് കോർപസ് ഫണ്ടിൽനിന്നു അനുവദിച്ച 25 ലക്ഷം രൂപ ചെലവഴിച്ചാണ് സാംസ്കാരിക നിലയവും പഠനമുറിയും നിർമിച്ചത്. പട്ടികജാതിക്കാരുടെ സാംസ്കാരിക വളർച്ചയ്ക്കും കുട്ടികളുടെ വിദ്യാഭ്യാസ മുന്നേറ്റത്തിനും സാംസ്കാരിക നിലയം സഹായകമാകും. വിദ്യാർഥികൾ പഠനമുറി ഉപയോഗപ്പെടുത്തണം. സർക്കാർ നടപ്പാക്കുന്ന പദ്ധതികൾ വിദ്യാർഥികൾ പ്രയോജനപ്പെടുത്തണമെന്നും മന്ത്രി പറഞ്ഞു. പഞ്ചായത്ത് പ്രസിഡന്‍റ് ലക്ഷ്മി ആലക്കമുറ്റം അധ്യക്ഷത വഹിച്ചു. പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സണ്‍ ഷീമ മാനുവൽ, പഞ്ചായത്ത് അംഗം ആയിഷ ഉമ്മർ, ഉന്നതി മൂപ്പൻ ബാബുരാജ്, എസ്ടി പ്രമോട്ടർ കെ.ആർ. മണികണ്ഠൻ, മാനന്തവാടി ട്രൈബൽ എക്സ്റ്റൻഷൻ ഓഫീസർ എം. മജീദ്, ജില്ലാ നിർമിതി കേന്ദ്രം എക്സിക്യുട്ടീവ് സെക്രട്ടറി ഒ.കെ. സാജിത്, പനമരം ട്രൈബൽ എക്സ്റ്റൻഷൻ ഓഫീസർ ഷില്ലി ജോർജ് എന്നിവർ പ്രസംഗിച്ചു.

സ്ത്രീകളുടെയും കുട്ടികളുടെയും ആശുപത്രി ഉദ്ഘാടനം ഇന്ന്

സുൽത്താൻ ബത്തേരി: നബാർഡ് അനുവദിച്ച 25 കോടി രൂപ ചെലവഴിച്ച് ഗവ.താലൂക്ക് ആശുപത്രി വളപ്പിൽ നിർമാണം പൂർത്തിയാക്കിയ സ്ത്രീകളുടെയും കുട്ടികളുടെയും ആശുപത്രിയുടെ ഉദ്ഘാടനം ഇന്ന് ഉച്ചകഴിഞ്ഞ് രണ്ടിന് ആരോഗ്യ-വനിതാശിശു വികസന മന്ത്രി വീണാ ജോർജ് നിർവഹിക്കും. തിമിര ശസ്ത്രക്രിയ പുതിയ സാങ്കേതികവിദ്യ ഉപയോഗിച്ച് നടത്തുന്നതിനു 20 ലക്ഷം രൂപ ചെലവഴിച്ച് ബ്ലോക്ക് പഞ്ചായത്ത് വാങ്ങിയ ഫെക്കോ എമൽസിഫിക്കേഷൻ മെഷീൻ, വയോജന സൗഹൃദ കേന്ദ്രം, ഭിന്നശേഷി സൗഹൃദ കേന്ദ്രം, ജീവിതശൈലി രോഗങ്ങളുടെ പ്രാരംഭ കണ്ടെത്തലും സമയബന്ധിത ഇടപെടലും ലക്ഷ്യമിട്ട് ആരംഭിച്ച 360ത്ഥ മെറ്റബോളിക് സെന്‍റർ, ദന്ത സംബന്ധമായ പ്രശ്നങ്ങൾക്ക് മികച്ച ചികിത്സ ലഭ്യമാക്കുന്ന ഡെന്‍റൽ പോളിക്ലിനിക്, വയോജനങ്ങൾക്കു പ്രത്യേകം ഫിസിയോതെറാപ്പി യൂണിറ്റ്, 10 ബെഡ് വാർഡ്, റീഹാബിലിറ്റേഷൻ സംവിധാനം എന്നിവയും മന്ത്രി ഉദ്ഘാടനം ചെയ്യും. മന്ത്രി ഒ.ആർ. കേളു അധ്യക്ഷത വഹിക്കും. ബ്ലോക്ക് പഞ്ചായത്ത് പ്രസിഡന്‍റ് സി. അസൈനാർ, ഐ.സി ബാലകൃഷ്ണൻ എംഎൽഎ, നഗരസഭാ ചെയർമാൻ ടി.കെ രമേശ്, വൈസ് ചെയർപേഴ്സണ്‍ എൽസി പൗലോസ്, ബ്ലോക്ക് വൈസ് ചെയർപേഴ്സണ്‍ അന്പിളി സുധി, ജനപ്രതിനിധികളായ അനീഷ് ബി. നായർ, ലത ശശി, എടക്കൽ മോഹനൻ, നഗരസഭാ സൈനിംഗ് കമ്മിറ്റി ചെയർപേഴ്സണ്‍ ഷാമില ജുനൈസ്, ആരോഗ്യകേരളം ജില്ലാ പ്രോഗ്രാം മാനേജർ ഡോ.സമീഹ സെയ്തലവി തുടങ്ങിയവർ പങ്കെടുക്കും. മീനങ്ങാടി: നാഷണൽ ഹെൽത്ത് മിഷൻ അനുവദിച്ച 6.30 കോടി രൂപ ചെലവഴിച്ച് സാമൂഹികാരോഗ്യ കേന്ദ്രത്തിൽ മാതൃശിശു ആരോഗ്യ സമുച്ചയത്തിനു നിർമിച്ച കെട്ടിടം ഇന്ന് ഉച്ചയ്ക്ക് 12.30ന് മന്ത്രി വീണാ ജോർജ് ഉദ്ഘാടനം ചെയ്യും. ആർദ്രം പദ്ധതിയിൽ നവീകരിച്ച ഫാർമസി, ബ്ലോക്ക് പൊതുജനാരോഗ്യ വിഭാഗം എന്നിവയുടെ ഉദ്ഘാടനവും മന്ത്രി നിർവഹിക്കും. മന്ത്രി ഒ.ആർ. കേളു അധ്യക്ഷത വഹിക്കും. ഐ.സി. ബാലകൃഷ്ണൻ എംഎൽഎ, ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ, ബത്തേരി ബ്ലോക്ക് പഞ്ചായത്ത് പ്രസിഡന്‍റ് സി. അസൈനാർ തുടങ്ങിയവർ പങ്കെടുക്കും.

ചുമട്ടുതൊഴിലാളികൾ ക്ഷേമനിധി ബോർഡ് ഓഫീസുകളിലേക്ക് മാർച്ച് നടത്തി

കൽപ്പറ്റ: ചുമട്ടുതൊഴിലാളി ഫെഡറേഷന്‍റെ(ഐഎൻടിയുസി)നേതൃത്വത്തിൽ കൽപ്പറ്റ, ബത്തേരി, മാനന്തവാടി, പനമരം, മീനങ്ങാടി, പുൽപ്പള്ളി ക്ഷേമനിധി ബോർഡ് ഓഫീസുകളിലേക്ക് മാർച്ചും തുടർന്ന് ധർണയും നടത്തി. ചുമട്ടുതൊഴിലുമായി ബന്ധപ്പെട്ട നിയമങ്ങൾ കലോചിതമാക്കുക, ക്ഷേമനിധി ആനുകൂല്യങ്ങൾ വർധിപ്പിക്കുക, തൊഴിൽ സുരക്ഷ ഉറപ്പുവരുത്തുക തുടങ്ങിയ ആവശ്യങ്ങൾ ഉന്നയിച്ചായിരുന്നു സമരം. പുൽപ്പള്ളിയിൽ ഐഎൻടിയുസി ജില്ലാ പ്രസിഡന്‍റ് പി.പി. ആലി ഉദ്ഘാടനം ചെയ്തു. മണി പാന്പനാൽ അധ്യക്ഷത വഹിച്ചു. എൻ.യു. ഉലഹന്നാൻ, പി.എൻ. ശിവൻ, സി.എ. ഗോപി, ജിനി തോമസ്, പി.ഡി. ജോണി, മനോജ് ഉതുപ്പാൻ, റെജു ഇരുളം, സുരേന്ദ്രൻ എന്നിവർ പ്രസംഗിച്ചു. മാനന്തവാടിയിൽ ടി.എ. റെജി ഉദ്ഘാടനം ചെയ്തു. കെ.വി. ഷിനോജ് അധ്യക്ഷത വഹിച്ചു. എം.പി. ശശികുമാർ, പി.ബി. മൊയ്തു, ജോർജ് പടകൂട്ടിൽ, മൊയ്തീൻകുട്ടി എന്നിവർ പ്രസംഗിച്ചു. ബത്തേരിയിൽ ഐഎൻടിയുസി സീനിയർ നേതാവ് സി.പി. വർഗീസ് ഉദ്ഘാടനം ചെയ്തു. പ്രതീഷ് വടക്കനാട് അധ്യക്ഷത വഹിച്ചു. ഐഎൻടിയുസി സംസ്ഥാന എക്സിക്യുട്ടീവ് കമ്മിറ്റിയംഗം ഉമ്മർ കുണ്ടാട്ടിൽ, വി.പി. മൊയ്തീൻ, ജിജി അലക്സ്, കെ. റിയാസ് എന്നിവർ പ്രസംഗിച്ചു. മീനങ്ങാടിയിൽ സലാം മീനങ്ങാടി ഉദ്ഘാടനം ചെയ്തു. ഷൈജു അധ്യക്ഷത വഹിച്ചു. എൽദോ കുന്പളേരി, ഉമ്മർ കാക്കവയൽ, പുരുഷോത്തമൻ എന്നിവർ പ്രസംഗിച്ചു. മീനങ്ങാടിയിൽ ബേബി തുരുത്തിയിൽ ഉദ്ഘാടനം ചെയ്തു. ഷാജി കോരൻകുന്നൻ അധ്യക്ഷത വഹിച്ചു. കൽപ്പറ്റയിൽ കെ. കെ. രാജേന്ദ്രൻ ഉദ്ഘാടനം ചെയ്തു. ലത്തീഫ് മാടായി അധ്യക്ഷത വഹിച്ചു. അഷ്റഫ് ഗൂഡലായി, മഹേഷ് കേളോത്ത്, കെ. നാസർ എന്നിവർ പ്രസംഗിച്ചു.

ജില്ലാ സ്പോർട്സ് കൗണ്‍സിൽ: കെ.എം. ഫ്രാൻസിസ് പ്രസിഡന്‍റ്

കൽപ്പറ്റ: ജില്ലാ സ്പോർട്സ് കൗണ്‍സിൽ പ്രസിഡന്‍റായി കെ.എം. ഫ്രാൻസിസിനെയും വൈസ് പ്രസിഡന്‍റായി കെ.പി. വിജയിയെയും തെരഞ്ഞെടുത്തു. എം. മധുവാണ് സംസ്ഥാന സ്പോർട്സ് കൗണ്‍സിൽ പ്രതിനിധി. ജില്ലാ സ്പോർട്സ് കൗണ്‍സിൽ രൂപീകരണത്തിന് ചേർന്ന പൊതുയോഗത്തിലായിരുന്നു തെരഞ്ഞെടുപ്പ്.അസിസ്റ്റന്‍റ് രജിസ്ട്രാർ ഷിജി വർഗീസ് തെരഞ്ഞെടുപ്പ് നിയന്ത്രിച്ചു.

തരിയോട് പഞ്ചായത്ത് ലൈഫ് പദ്ധതി: 75 വീടുകൾ കൂടി അനുവദിച്ചു

കാവുംമന്ദം: തരിയോട് പഞ്ചായത്തിൽ ജനറൽ വിഭാഗത്തിലെ 63 ഉം പട്ടികവർഗത്തിലെ 13 ഉം കുടുംബങ്ങൾക്കുകൂടി വീട് അനുവദിച്ചു. ഇതിന്‍റെ പ്രഖ്യാപനവും ഗുണഭോക്താക്കളുമായുള്ള കരാർ വയ്ക്കൽ ഉദ്ഘാടനവും പഞ്ചായത്ത് പ്രസിഡന്‍റ് ഷമീം പാറക്കണ്ടി നിർവഹിച്ചു. വൈസ് പ്രസിഡന്‍റ് പുഷ്പ മനോജ് അധ്യക്ഷത വഹിച്ചു. ലൈഫ്മിഷൻ ജില്ലാ കോർഓഡിനേറ്റർ ഒ.വി. മാലതി മുഖ്യാതിഥിയായി. പഞ്ചായത്ത് സ്റ്റാൻഡിംഗ് കമ്മിറ്റി അധ്യക്ഷരായ ഷീജ ആൻറണി, രാധ പുലിക്കോട്, വി.ജി. ഷിബു, അംഗങ്ങളായ കെ.വി. ഉണ്ണിക്കൃഷ്ണൻ, ചന്ദ്രൻ മടത്തുവയൽ, സൂന നവീൻ, ബീന റോബിൻസണ്‍, വിജയൻ തോട്ടുങ്കൽ, വത്സല നളിനാക്ഷൻ, സിബിൽ എഡ്വേർഡ്, കെ.എൻ. ഗോപിനാഥൻ, പഞ്ചായത്ത് സെക്രട്ടറി എം.പി. രാജേന്ദ്രൻ, അസി.സെക്രട്ടറി സി.കെ. റസാഖ് എന്നിവർ പ്രസംഗിച്ചു. വിഇഒമാരായ വി.എം. ശ്രീജിത്ത് സ്വാഗതവും ഫ്രാൻസിസ് ലോറൻസ് നന്ദിയും പറഞ്ഞു.

വൈത്തിരിയിലും നല്ലൂർനാടിലും പുനർജനി ക്യാന്പ് നടത്തി

കൽപ്പറ്റ: മേപ്പാടി ഗവ.പോളിടെക്നിക് കോളജിലെ എൻഎസ്എസ് വൊളന്‍റിയർമാരുടെ നേതൃത്വത്തിൽ വൈത്തിരി ഗവ.താലൂക്ക് ആശുപത്രിയിൽ പുനർജനി ക്യാന്പ് സംഘടിപ്പിച്ചു. 80 വൊളന്‍റിയർമാർ പങ്കെടുത്ത ചതുർദിന ക്യാന്പ് വൈത്തിരി പഞ്ചായത്ത് പ്രസിഡന്‍റ് എം.വി. വിജേഷ് ഉദ്ഘാടനം ചെയ്തു. ഹോസ്പിറ്റൽ സൂപ്രണ്ട് പ്രിയ സേനൻ അധ്യക്ഷത വഹിച്ചു. ഡെപ്യൂട്ടി നഴ്സിംഗ് സൂപ്രണ്ട് ആനിയമ്മ മാത്യു, കോളജ് പ്രിൻസിപ്പൽ ബി.എസ് ജവഹറലി, ഇലക്ട്രോണിക്സ് വിഭാഗം തലവൻ കെ.പി. സുരേഷ്, എൻഎസ്എസ് പ്രോഗ്രാം ഓഫീസർ കെ.ടി. സ്മിനിമോൾ, കെ.എസ്. പ്രകാശ്ബാബു, വൊളന്‍റിയർ സെക്രട്ടറി ലിയ അന്ന ഫ്രാൻസിസ് എന്നിവർ പ്രസംഗിച്ചു. സർക്കാർ സ്ഥാപനങ്ങളിലെ തകരാറിലായ ഉപകരണങ്ങൾ സ്റ്റേറ്റ് ടെക്നിക്കൽ സെല്ലിന്‍റെ നേതൃത്വത്തിൽ എൻഎസ്എസ് ഏറ്റെടുത്ത് ഉപയോഗയോഗ്യമാക്കുന്ന പദ്ധതിയാണ് പുനർജനി ക്യാന്പ്. മാനന്തവാടി: ഗവ.പോളിടെക്നിക്ക് കോളജിലെ എൻഎസ്എസ് വൊളന്‍റിയർമാരുടെ നേതൃത്വത്തിൽ നല്ലൂർനാട് അംബേദ്കർ കാൻസർ സെന്‍ററിൽ നടത്തിയ മൂന്നു ദിവസത്തെ പുനർജനി ക്യാന്പിൽ വീൽ ചെയറുകൾ, സ്ട്രക്ചറുകൾ, കസേരകൾ, ട്രോളികൾ എന്നിവ ഉപയോഗയോഗ്യമാക്കിബ്ലോക്ക് പഞ്ചായത്ത് പ്രസിഡന്‍റ് ജസ്റ്റിൻ ബേബി ഉദ്ഘാടനം ചെയ്തു. എൻഎസ്എസ് പ്രോഗ്രാം ഓഫീസർ ജ്യോതിസ് പോൾ അധ്യക്ഷത വഹിച്ചു. മെഡിക്കൽ ഓഫീസർ ഡോ.പി.എച്ച്. സൂര്യ, ഹെഡ് നഴ്സ് ആലീസ് മാത്യു, അസിസ്റ്റന്‍റ് പ്രോഗ്രാം ഓഫീസർ എം.എ. ധനിത, സ്റ്റാഫ് അംഗങ്ങളായ ജിഷ്ണു ജയാനന്ദൻ, ഒ.ജി. സന്ദീപ്, അബ്ദുൾ റഷീദ്, വി.എസ്. ശ്രീജിത്ത്, പി.ടി. സുബാഷ്, ജിഷ്ണു ജയാനന്ദൻ, ശ്രിയ, കെ.ജെ. അബിൻ എന്നിവർ പ്രസംഗിച്ചു.

ജില്ലാ സ്കൂൾശാസ്ത്രോത്സവം തുടങ്ങി

കൽപ്പറ്റ: ജില്ലാ സ്കൂൾ ശാസ്ത്രോത്സവം വയനാട് ഓർഫനേജിന് കീഴിൽ മുട്ടിൽ കാന്പസിൽ പ്രവർത്തിക്കുന്ന വൊക്കേഷണൽ ഹയർ സെക്കൻഡറി, ഹയർ സെക്കൻഡറി, ഹൈസ്കൂൾ, സ്പീച്ച് ആൻഡ് ഹിയറിംഗ്, യുപി സ്കൂളുകളിൽ ആരംഭിച്ചു. ക്ഷീരവികസന-മൃഗസംരക്ഷണ മന്ത്രി ജെ. ചിഞ്ചുറാണി ഉദ്ഘാടനം ചെയ്തു. ശാസ്ത്രപ്രതിഭകളുടെ അരങ്ങേറ്റമാണ് ശാസ്ത്രമേളകളിലൂടെ സംഭവിക്കുന്നതെന്ന് അവർ പറഞ്ഞു. കുട്ടികളുടെ കണ്ടെത്തലുകൾ പലപ്പോഴും സർക്കാർ വകുപ്പുകളുടെ തീരുമാനങ്ങളെപോലും സ്വാധീനിക്കുന്നുണ്ട്. വലിയ പ്രാധാന്യമാണ് സ്കൂൾ ശാസ്ത്രമേളകൾക്ക് സർക്കാർ നൽകുന്നത്. മറ്റു മേഖലകളിൽനിന്നു വ്യത്യസ്തമായി പഠനപ്രവർത്തനങ്ങളുടെ ഭാഗമായ കാര്യങ്ങളാണ് ശാസ്ത്രോത്സവങ്ങളിൽ നടക്കുന്നത്. കേരളത്തിനുപുറത്ത് സ്കൂൾ മേളകൾക്ക് ഇത്രയും പ്രാധാന്യം ലഭിക്കുന്നില്ലെന്നും മന്ത്രി പറഞ്ഞു. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ അധ്യക്ഷത വഹിച്ചു. ജില്ലാ വിദ്യാഭ്യാസ ഉപഡയറക്ടർ വി.എ. ശശീന്ദ്രവ്യാസ്, ജില്ലാ പഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ എം. മുഹമ്മദ് ബഷീർ, ശ്രീജിത്ത് വാകേരി, ഡബ്ലിയു ഒവിഎച്ച്എസ്എസ് പ്രിൻസിപ്പൽ എൻ.യു. അൻവർഗൗസ്, പിടിഎ പ്രസിഡന്‍റ് അഷ്റഫ് കൊട്ടാരം, പ്രധാനാധ്യാപിക പി. ശ്രീജ, ബിനു മോൾ ജോസ്, നഫീസത്ത് എന്നിവർ പ്രസംഗിച്ചു. ശാസ്ത്രോത്സവത്തിൽ വിവിധ വിഭാഗങ്ങളിൽ 1,500 ഓളം പ്രതിഭകളാണ് മാറ്റുരയ്ക്കുന്നത്. തത്സമയ മത്സരങ്ങൾക്കാണ് മേളയിൽ കൂടുതൽ പ്രാധാന്യം. ശാസ്ത്രനാടകം, തത്സമയ നിർമാണം, പ്രാദേശിക ചരിത്രരചന, ഡിജിറ്റൽ പെയിന്‍റിംഗ് തുടങ്ങിയ മത്സരങ്ങൾ ഇന്നലെ നടന്നു. ഇന്നു വൈകുന്നേരം മേള സമാപന സമ്മേളനം പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു ഉദ്ഘാടനം ചെയ്യും. ടി. സിദ്ദിഖ് എംഎൽഎ അധ്യക്ഷത വഹിക്കും.

പള്ളിച്ചിറ ചാത്തമംഗലത്ത് കാട്ടാനകൾ കൃഷി നശിപ്പിച്ചു

പുൽപ്പള്ളി: പഞ്ചായത്തിലെ പള്ളിച്ചിറ ചാത്തമംഗലത്ത് കാട്ടാനകൾ വൻതോതിൽ കൃഷി നശിപ്പിച്ചു. മാളപ്പുര സരോജിനി, കൈനികുടി ബേബി, സതീശൻ ചാത്തമംഗലം എന്നിവരുടെ കൃഷിയാണ് നശിച്ചത്. സതീശന്‍റെ കതിരിടാറായ അരയേക്കറോളം നെൽക്കകൃഷി നശിച്ചു. തെങ്ങ്, കമുങ്ങ് ഉൾപ്പെടെയുള്ള കൃഷികളും നശിച്ചതിൽ ഉൾപ്പെടും. വീട്ടിമൂല വനാതിർത്തിയിലെ തകരാറിലായ കിടങ്ങും വൈദ്യുത വേലിയും മറികടന്നാണ് ആനകൾ കൃഷിയിടങ്ങളിൽ ഇറങ്ങിയത്. ചാത്തമംഗലത്തും സമീപങ്ങളിലും ആനശല്യം കലശലാണ്. എന്നിട്ടും വേലിയും കിടങ്ങും നന്നാക്കുന്നതിന് നടപടിയില്ല. രാത്രി കാടിറങ്ങുന്ന ആനകൾ പലപ്പോഴും നേരം പുലർന്നശേഷമാണ് മടങ്ങുന്നത്. ആളുകൾ രാത്രിയിൽ മാത്രമല്ല, പുലർച്ചെയും വീടിനു പുറത്തിറങ്ങാൻ ഭയക്കുകയാണ്. ആനകളെ ഉൾവനത്തിലേക്ക് തുരത്തണമെന്നാണ് നാട്ടുകാരുടെ ആവശ്യം.

ആരോഗ്യമേഖലയിൽ ജില്ലയിൽ കുതിച്ചുചാട്ടം: മന്ത്രി ഒ.ആർ. കേളു

കൽപ്പറ്റ: ആരോഗ്യ മേഖലയിൽ ജില്ല പുരോഗതിയുടെ വഴിയിൽ കുതിച്ചുപായുകയാണെന്ന് പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു പ്രസ്താവനയിൽ പറഞ്ഞു. ജില്ലയിൽ മെഡിക്കൽ കോളജ് സ്ഥാപിക്കണമെന്ന ഒന്നാം പിണറായി വിജയൻ സർക്കാരിന്‍റെ നിശ്ചയദാർഢ്യത്തിന്‍റെ ഫലമായാണ് മാനന്തവാടി ജില്ലാ ആശുപത്രി മെഡിക്കൽ കോളജാക്കിയത്. ഇവിടേക്ക് 125 അധ്യാപക തസ്തികകളും 15 അനധ്യാപക തസ്തികകളും ഉൾപ്പെടെ 140 തസ്തികകൾ സർക്കാർ അനുവദിച്ചു. ന്യൂറോളജി, ന്യൂറോ സർജറി, കാർഡിയോളജി, കാർഡിയോ തൊറാസിക് സർജറി, നെഫ്രോളജി സൂപ്പർ സ്പെഷാലിറ്റി വകുപ്പുകളിലായി അസോസിയറ്റ് പ്രഫസർ, അസിസ്റ്റന്‍റ് പ്രഫസർ, സീനിയർ റസിഡന്‍റ് ഉൾപ്പെടെ 15 തസ്തികകളും അനുവദിച്ചു. മാനന്തവാടിയിൽ നഴ്സിംഗ് കോളജ് അനുവദിച്ചത് ഉന്നത വിദ്യാഭ്യാസ മേഖലയിൽ നേട്ടമായി. മെഡിക്കൽ കോളജ് ആശുപത്രിയിൽ കാർഡിയോളജി വിഭാഗവും കാത്ത് ലാബും പ്രവർത്തനമാരംഭിച്ചതും സൂപ്പർ സ്പെഷാലിറ്റി തസ്തികകൾ അനുവദിച്ചതും എടുത്തുപറയേണ്ടതാണ്. മെഡിക്കൽ കോളജിൽ 50 എംബിബിഎസ് സീറ്റിന് നാഷണൽ മെഡിക്കൽ കമ്മീഷന്‍റെ അംഗീകാരം ലഭിച്ചത് വികസന നേട്ടമാണ്. മെഡിക്കൽ കോളജിൽ അടിസ്ഥാന സൗകര്യ വികസനത്തിന് എംഎൽഎഫണ്ടിൽനിന്നു ഒന്പത് വർഷത്തിനകം പത്ത് കോടി രൂപ ചെലവഴിച്ചു. നവകേരള സദസിന്‍റെ ഭാഗമായി അനുവദിച്ച ഏഴ് കോടി വിനിയോഗിച്ച് സിടി സ്കാനർ ഉൾപ്പെടെ ഉപകരണങ്ങൾ അടുത്തദിവസങ്ങളിൽ ആശുപത്രിയിൽ എത്തിക്കും. പോസ്റ്റ് ഓഫീസ് ജംഗ്ഷൻ മുതൽ പഴശികുടീരം വരെ റോഡുകളും ആശുപത്രി ഇന്േ‍റണൽ റോഡുകളും ആധുനിക രീതിയിൽ നവീകരിക്കുന്നതിന് രണ്ട് കോടി രൂപ അനുവദിച്ച് ടെൻഡർ നടപടികൾ പൂർത്തിയാക്കിയതായും മന്ത്രി പറഞ്ഞു.

ചുണ്ടേൽ പള്ളിയിൽ വിശുദ്ധ യൂദാ തദ്ദേവൂസിന്‍റെ തിരുനാൾ 19 മുതൽ

കൽപ്പറ്റ: ചൂണ്ടേൽ സെന്‍റ് ജൂഡ്സ് തീർഥാടനകേന്ദ്രത്തിൽ വിശുദ്ധ യൂദാ തദ്ദേവൂസിന്‍റെ രക്തസാക്ഷിത്വ തിരുനാൾ 19 മുതൽ 28 വരെ ആഘോഷിക്കും. 19ന് വൈകുന്നേരം നാലിന് ആരംഭിക്കുന്ന ജപമാലയ്ക്കുശേഷം വികാരി ഫാ.ഏബ്രഹാം ആകശാലയിൽ കൊടിയേറ്റും. 4.30ന് കോഴിക്കോട് രൂപത പ്രൊക്യുറേറ്റർ ഫാ.പോൾ പേഴ്സി ഡിസിൽവയുടെ മുഖ്യകാർമികത്വത്തിൽ ദിവ്യബലി, നൊവേന, തിരുശേഷിപ്പുവണക്കം. 20ന് രാവിലെ ഏഴിനും 10.30നും 4.30നും ദിവ്യബലി, നൊവേന, തിരുശേഷിപ്പുവണക്കം. യഥാക്രമം ഫാ.സനൽ ലോറൻസ്, കണ്ണൂർ രൂപത പ്രൊക്യുറേറ്റർ ഫാ.ജോർജ് പൈനാടത്ത് എന്നിവർ കാർമികരാകും. 21 മുതൽ 26 വരെ രാവിലെ 11നും വൈകുന്നേരം അഞ്ചിനും ദിവ്യബലി, നൊവേന, തിരുശേഷിപ്പുവണക്കം. യഥാക്രമം ഫാ.ഷാജൻ ജോസഫ്, ഫാ.ജോണ്‍സണ്‍ കൊച്ചുപറന്പിൽ, ഫാ.ജോസഫ് ഫെർണാണ്ടസ്, ഫാ.അജിത്ത് ആന്‍റണി ഫെർണാണ്ടസ്, ഫാ.സജീഷ് പുതിയവീട്ടിൽ, ഫാ.ജൂബി ചാക്കോ, ഫാ.ജോഷി പെരിഞ്ചേരി, ഫാ.തോമസ് കപ്പലുമാക്കൽ, ഫാ.ഷിജോയ് ഫ്രാൻസിസ്, ഫാ.വിൻസന്‍റ് പുളിക്കൽ, ഫാ. ഏബ്രഹാം ആകശാലയിൽ, ഫാ.റിജോയ് പാത്തിവയൽ എന്നിവർ കാർമികരാകും. 27ന് രാവിലെ ഏഴിനും 10.30നും വൈകുന്നേരം 4.30നും ദിവ്യബലി, നൊവേന, തിരുശേഷിപ്പുവണക്കം. യഥാക്രമം ഫാ.റോയ്സണ്‍ ആന്‍റണി, ഫാ.സാൻജോസ് അനിൽ എന്നിവർ മുഖ്യകാർമികരാകും. 28ന് രാവിലെ 11ന് ഫാ.ഡാനി ജോസഫ് പടിപറന്പിലിന്‍റെ കാർമികത്വത്തിൽ ദിവ്യബലി, നൊവേന, തിരുശേഷിപ്പുവണക്കം. വൈകുന്നേരം നാലിന് കോഴിക്കോട് അതിരൂപത ആർച്ച് ബിഷപ് ഡോ.വർഗീസ് ചക്കാലക്കലിനു സ്വീകരണം. 4.30ന് അതിരൂപതാധ്യക്ഷന്‍റെ മുഖ്യകാർമികത്വത്തിൽ സാഘോഷമായ തിരുനാൾ ദിവ്യബലി, നൊവേന, തിരുശേഷിപ്പുവണക്കം. 6.30ന് സ്നേഹവിരുന്ന്.

മൃഗസംരക്ഷണ മേഖലയിൽ പുൽപ്പള്ളി പഞ്ചായത്തിന്‍റെ ഇടപെടൽ മാതൃക: മന്ത്രി

പുൽപ്പള്ളി: മൃഗസംരക്ഷണ മേഖലയിൽ പഞ്ചായത്ത് നടത്തുന്ന ഇടപെടലുകൾ മാതൃകയാണെന്ന് ക്ഷീരവികസന-മൃഗസംരക്ഷണ മന്ത്രി ജെ.ചിഞ്ചുറാണി. പഞ്ചായത്തും മൃഗസംരക്ഷണ വകുപ്പും സംയുക്തമായി പഞ്ചായത്ത് ഓഫീസ് അങ്കണത്തിൽ സംഘടിപ്പിച്ച കർഷക സംഗമം ഉദ്ഘാടനം ചെയ്യുകയായിരുന്നു അവർ. കേരളത്തിലെ എല്ലാ പശുക്കൾക്കും ഇൻഷ്വറൻസ് പരിരക്ഷ ഉറപ്പാക്കുന്നതിനു പദ്ധതി ഉടൻ നടപ്പാക്കുമെന്ന് മന്ത്രി പറഞ്ഞു. വേനൽക്കാല കാലിത്തീറ്റ വിതരണ പദ്ധതിയുടെയും പന്നിപ്പനിമൂലം ജീവനോപാധികൾ നഷ്ടപ്പെട്ടവർക്കുള്ള സഹായധന വിതരണത്തിന്‍റെയും ഉദ്ഘാടനം മന്ത്രി നിർവഹിച്ചു. ഐ.സി. ബാലകൃഷ്ണൻ എംഎൽഎ അധ്യക്ഷത വഹിച്ചു. പഞ്ചായത്ത് പ്രസിഡന്‍റ് ടി.എസ്. ദിലീപ്കുമാർ, ബ്ലോക്ക് പഞ്ചായത്ത് പ്രസിഡന്‍റ് ഗിരിജ കൃഷ്ണൻ, ജില്ലാ മൃഗസംരക്ഷണ ഓഫീസർ ഡോ.ടി.യു. ഷാഹിന, പഞ്ചായത്ത് വൈസ് പ്രസിഡന്‍റ് ശോഭന സുകു, ജില്ലാ പഞ്ചായത്തംഗം ബീന ജോസ്, ബ്ലോക്ക് പഞ്ചായത്തംഗം മേഴ്സി ബെന്നി, എം.ടി. കരുണാകരൻ, ശ്രീദേവി മുല്ലയ്ക്കൽ, ജോളി നരിതൂക്കിൽ, ഡോ.കെ.എസ്. പ്രേമൻ എന്നിവർ പ്രസംഗിച്ചു. ക്ഷീരസംഘത്തിനു കീഴിലുള്ള കിടാരി പാർക്കിലെ ആയിരാമത്തെ കിടാരിയുടെ വിൽപ്പനയും കൃത്രിമ ബീജാധാന കേന്ദ്രത്തിന്‍റെ ആയിരം കുത്തിവെപ്പ് പൂർത്തീകരണവും മന്ത്രി ഉദ്ഘാടനം ചെയ്തു. സംസ്ഥാനത്ത് കിടാരി പാർക്കുകളുടെ എണ്ണം വർധിപ്പിച്ചുവരികയാണെന്ന് മന്ത്രി പറഞ്ഞു. സംഘം വളപ്പിൽ നടന്ന ചടങ്ങിൽ പ്രസിഡന്‍റ് ബൈജു നന്പിക്കൊല്ലി അധ്യക്ഷത വഹിച്ചു. യു.എൻ. കുശൻ, വി.എൻ. ജയചന്ദ്രൻ, സെക്രട്ടറി എം.ആർ. ലതിക, ടി.ജെ. ചാക്കോച്ചൻ, ഇ.ജെ. ബാബു, ടി.വി. ബിനോയ്, സജീവ് വെട്ടുവേലിൽ, ജോളി റെജി എന്നിവർ പ്രസംഗിച്ചു.

ക്രൈസ്റ്റ് നഗർ പള്ളിയിൽ തിരുനാൾ ഇന്നു മുതൽ 26 വരെ

പുൽപ്പള്ളി: ക്രൈസ്റ്റ് നഗർ(60 കവല) സെന്‍റ് ജൂഡ്സ് ദേവാലയത്തിൽ വിശുദ്ധ യൂദാ തദ്ദേവൂസിന്‍റെ തിരുനാൾ ഇന്നു മുതൽ 26 വരെ ആഘോഷിക്കും. 18ന് വൈകുന്നേരം അഞ്ചിന് വികാരി ഫാ. ബിബിൻ കുന്നേൽ കൊടിയേറ്റും. 24വരെ ദിവസവും വൈകുന്നേരം 4.30ന് ജപമാല, അഞ്ചിന് വിശുദ്ധ കുർബാന, വചനസന്ദേശം, നൊവേന, പാച്ചോർ നേർച്ച. 25ന് വൈകുന്നേരം അഞ്ചിന് ജപമാല, 5.30ന് ഫാ. നോയൽ പുത്തൻപറന്പിലിന്‍റെ കാർമികത്വത്തിൽ വിശുദ്ധ കുർബാന, നൊവേന. വചന സന്ദേശം: ഫാ. ലിജു മുളകുമറ്റത്തിൽ, രാത്രി ഏഴിന് പ്രദക്ഷിണം, 8.45ന് പരിശുദ്ധ കുർബാനയുടെ ആശീർവാദം-ഫാ. സ്റ്റീഫൻ ചിക്കപ്പാറ, വാദ്യമേളങ്ങൾ,പാച്ചോർ നേർച്ച. 26ന് രാവിലെ 9.30ന് ഫാ. അൽബിൻ പുത്തൻപറന്പിലിന്‍റെ മുഖ്യകാർമികത്വത്തിൽ തിരുനാൾ റാസ, നൊവേന. വചനസന്ദേശം: ഫാ. എബിൻ വട്ടക്കോട്ടയിൽ. 12ന് പ്രദക്ഷിണം, 12.50ന് പരിശുദ്ധ കുർബാനയുടെ ആശീർവാദം-ഫാ. ജോർജ് കപ്പുക്കാലായിൽ. ഒന്നിന് ഊട്ടുനേർച്ച. തിരുനാളിനു ഒരുക്കം പൂർത്തിയായതായി വികാരി ഫാ. ബിബിൻ കുന്നേൽ, കമ്മിറ്റി ജനറൽ കണ്‍വീനർ ബിനീഷ് കീരിപ്പേൽ, ബാബു പിണ്ടിക്കാനായിൽ, സിബി പൂക്കുന്പേൽ എന്നിവർ അറിയിച്ചു.

ബ്രഹ്മഗിരിയെ നശിപ്പിച്ചത് സിപിഎം നേതാക്കൾ: കെ. മുരളീധരൻ

കൽപ്പറ്റ: ബ്രഹ്മഗിരി സൊസൈറ്റിയെ നശിപ്പിച്ചത് ജില്ലയിലെ സിപിഎം നേതാക്കളാണെന്ന് കെപിസിസി മുൻ പ്രസിഡന്‍റ് കെ. മുരളീധരൻ. ഡിസിസി ഓഫീസിൽ മാധ്യമപ്രവർത്തകരുടെ ചോദ്യത്തോട് പ്രതികരിക്കുകയായിരുന്നു അദ്ദേഹം. തന്‍റെ സുഹൃത്തും സിപിഎം നേതാവുമായിരുന്ന വർഗീസ് വൈദ്യർ കഷ്ടപ്പെട്ട് ആരംഭിച്ച പ്രസ്ഥാനമാണ് ബ്രഹ്മഗിരി. വർഗീസ് വൈദ്യരുടെ പേരുപോലും മോശമാക്കിയതിന് ഇന്നത്തെ സിപിഎം നേതാക്കൾ മറുപടി പറയണം. എന്നാൽ പേരാന്പ്രയിൽ സിപിഎം ലോക്കൽ നേതാവ് പറഞ്ഞ ഇല്ലാക്കഥയുടെ പേരിൽ കോണ്‍ഗ്രസുകാർക്കെതിരേ കേസെടുത്തു. ബ്രഹ്മഗിരിയിൽ പണം നിക്ഷേപിച്ചവരെ വഞ്ചിച്ചവരുടെ പേരിൽ നിയമനടപടി സ്വീകരിക്കണമെന്നും മുരളീധരൻ ആവശ്യപ്പെട്ടു.

അവകാശ സംരക്ഷണ യാത്ര: എകെസിസി ഭാരവാഹികളെ അഭിനന്ദിച്ച് എൻ.ഡി. അപ്പച്ചൻ

കൽപ്പറ്റ: കത്തോലിക്ക് കോണ്‍ഗ്രസ് സംഘടിപ്പിച്ച അവകാശ സംരക്ഷണ യാത്രയ്ക്ക് പ്രസക്തി ഏറെയാണെന്ന് കോണ്‍ഗ്രസ് നേതാവ് എൻ.ഡി. അപ്പച്ചൻ പ്രസ്താവനയിൽ പറഞ്ഞു. മലയോരമേഖലയിലെ വന്യജീവി ശല്യത്തിന് പരിഹാരം, കാർഷികോത്പന്നങ്ങൾക്ക് ന്യായവില, ന്യൂനപക്ഷങ്ങളുടെ അവകാശ സംരക്ഷണം തുടങ്ങിയ ആവശ്യങ്ങൾ ഉന്നയിച്ച് യാത്ര സംഘടിപ്പിച്ച എകെസിസി നേതൃത്വത്തെ അദ്ദേഹം അഭിനന്ദിച്ചു. ഈ മാസം 24ന് തിരുവനന്തപുരത്ത് സമാപിക്കുന്ന വിധത്തിൽ നടത്തുന്ന യാത്ര അധികാര കേന്ദ്രങ്ങളുടെ കണ്ണ് തുറപ്പിക്കാൻ പര്യാപ്തമാകുമെന്ന് അപ്പച്ചൻ പറഞ്ഞു.

നിർമാണ സാമഗ്രികളുടെ ലഭ്യത ഉറപ്പുവരുത്തണം: ലെൻസ്ഫെഡ്

പുൽപ്പള്ളി: നിർമാണ സാമഗ്രികളുടെ ലഭ്യത ഉറപ്പുവരുത്തുന്നതിന് അധികൃതർ നടപടി സ്വീകരിക്കണമെന്ന് ലൈസൻസ്ഡ് എൻജിനിയേഴ്സ് ആൻഡ് സുപ്പർവൈസേഴ്സ് ഫെഡറേഷൻ(ലെൻസ്ഫെഡ്)പഞ്ചായത്ത് കമ്മിറ്റി ആവശ്യപ്പെട്ടു. നിർമാണസാമഗ്രികൾ ഇതര സംസ്ഥാനങ്ങളിൽനിന്നു എത്തിക്കുന്നതിലെ തടസം നീക്കുക, ജിഎസ്ടി ഇളവ് സിമന്‍റ് ഉപഭോക്താക്കൾക്കു ലഭിക്കുന്നുവെന്ന് ഉറപ്പുവരുത്തുക, പടിഞ്ഞാറത്തറ-പുഴിത്തോട് ബദൽ പാത യാഥാഥ്യമാക്കുക തുടങ്ങിയ ആവശ്യങ്ങളും ഉന്നയിച്ചു. ഏരിയ പ്രസിഡന്‍റ് ജിൻസണ്‍ കെ. ജോസഫ് ഉദ്ഘാടനം ചെയ്തു. താന്നിക്കൽ ആന്‍റണി അധ്യക്ഷത വഹിച്ചു. ജില്ലാ സെക്രട്ടറി എം. രവീന്ദ്രൻ മുഖ്യപ്രഭാഷണം നടത്തി. ജില്ലാ വൈസ് പ്രസിഡന്‍റ് എ.കെ. ഏലിയാസ്, ഏരിയ സെക്രട്ടറി ടി.കെ. മനോജ്, ബബീഷ്, മെംബർഷിപ്പ് കമ്മിറ്റി ചെയർമാൻ കെ.വി. ഏബ്രഹാം, ഷൈൻ ഏബ്രഹാം എന്നിവർ പ്രസംഗിച്ചു. ഭാരവാഹികളായി ആന്‍റണി താന്നിക്കൽ(പ്രസിഡന്‍റ്), വി.സി. സന്തോഷ്(വൈസ് പ്രസിഡന്‍റ്), കെ.കെ. ബാലകൃഷ്ണൻ(സെക്രട്ടറി), ബേസിൽ പോൾ(ജോയിന്‍റ് സെക്രട്ടറി), ഷൈൻ ഏബ്രഹാം(ട്രഷറർ)എന്നിവരെ തെരഞ്ഞെടുത്തു.

ഒഴലക്കൊല്ലി അങ്കണവാടി കെട്ടിടത്തിനു ശിലയിട്ടു

അന്പലവയൽ: പഞ്ചായത്തിലെ 18-ാം വാർഡിൽപ്പെട്ട ഒഴലക്കൊല്ലിയിൽ അങ്കണവാടി കെട്ടിടത്തിന്‍റെ ശിലാസ്ഥാപനം പഞ്ചായത്ത് പ്രസിഡന്‍റ് സി.കെ. ഹഫ്സത്ത് നിർവഹിച്ചു. ബത്തേരി ബ്ലോക്ക് പഞ്ചായത്ത് അംഗം അനീഷ് ബി. നായർ അധ്യക്ഷത വഹിച്ചു. പഞ്ചായത്തംഗം ആമിന, ബത്തേരി അഡീഷണൽ സിഡിപിഒ ഡോ.ആൻ ഡാർലി വർഗീസ്, ഐസിഡിഎസ് സൂപ്പർവൈസർ ഭാഗ്യലക്ഷ്മി, വാർഡ് കണ്‍വീനർ ജോസ് ഉപ്പുവീട്ടിൽ, പഞ്ചായത്ത് മുൻ മെംബർമാരായ എ.ആർ. മോഹനൻ, പി.ആർ. ഉണ്ണിക്കൃഷ്ണൻ, പി.എം. തോമസ്, വാർഡ് അംഗം എൻ.കെ. ജയശ്രീ, അങ്കണവാടി വർക്കർ ഒ.എ. ഷൈനി എന്നിവർ പ്രസംഗിച്ചു. അഹാന സനീഷ്, ആത്മിക സനീഷ് എന്നിവർ ഈശ്വരപ്രാർഥന ചൊല്ലി.

സംസ്ഥാന എക്സൈസ് കലാകായികമേള കൽപ്പറ്റയിൽ

കൽപ്പറ്റ: 21-ാമത് സംസ്ഥാന എക്സൈസ് കലാകായികമേള 17, 18, 19 തീയതികളിൽ മുണ്ടേരി ഗവ.വൊക്കേഷണൽ ഹയർ സെക്കൻഡറി സ്കൂൾ, എം.കെ. ജിനചന്ദ്രൻ സ്മാരക ജില്ലാ സ്റ്റേഡിയം എന്നിവിടങ്ങളിൽ നടക്കും. എക്സൈസ് ഉത്തരമേഖല ജോയിന്‍റ് കമ്മീഷണർ എം. സുഗുണൻ, വയനാട് ഡപ്യൂട്ടി കമ്മീഷണർ എ.ജെ. ഷാജി, എക്സൈസ് സ്റ്റാഫ് അസോസിയേഷൻ പ്രസിഡന്‍റ് ടി. സജുകുമാർ, ഓഫീസേഴ്സ് അസോസിയേഷൻ പ്രസിഡന്‍റ് ആർ. മോഹൻകുമാർ, സ്റ്റേറ്റ് സ്പോർട്സ് ഓഫീസർ കെ.ആർ. അജയ് എന്നിവർ വാർത്താസമ്മേളനത്തിൽ അറിയിച്ചതാണ് വിവരം. മേളയുടെ ഉദ്ഘാടനം 17ന് വൈകുന്നേരം നാലിന് ജില്ലാ സ്റ്റേഡിയത്തിൽ തദ്ദേശ സ്വയം ഭരണ-എക്സൈസ്-പാർലമെന്‍ററി മന്ത്രി എം.ബി. രാജേഷ് നിർവഹിക്കും. പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു അധ്യക്ഷത വഹിക്കും. എംഎൽഎമാരായ ടി. സിദ്ദിഖ്, ഐ.സി. ബാലകൃഷ്ണൻ, ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ, ജില്ലാ കളക്ടർ ഡി.ആർ. മേഘശ്രീ, എക്സൈസ് കമ്മീഷണർ എം.ആർ. അജിത്കുമാർ, ജില്ലാ പോലീസ് മേധാവി തപോഷ് ബസുമതാരി തുടങ്ങിയവർ പങ്കെടുക്കും.വിവിധ വേദികളിലായി 1500ൽപരം കായികതാരങ്ങളും കലാകാരൻമാരും മേളയിൽ മാറ്റുരയ്ക്കും. മലപ്പുറത്ത് ഇന്നു രാവിലെ ആരംഭിക്കുന്ന ദീപശിഖ പ്രയാണത്തിന് ഉച്ചകഴിഞ്ഞ് മൂന്നിന് ലക്കിടിയിൽ സ്വീകരണം നൽകും. നാലരയോടെ പ്രയാണം മുണ്ടേരിയിൽ എത്തും. 19ന് വൈകുന്നേരം സമാപന സമ്മേളനം മന്ത്രി ഒ.ആർ. കേളു ഉദ്ഘാടനം ചെയ്യും. സമ്മാനദാനം അദ്ദേഹം നിർവഹിക്കും. ടി. സിദ്ദിഖ് എംഎൽഎ അധ്യക്ഷത വഹിക്കും.

ജീവിതോത്സവം ജില്ലാതല സമാപനം

മീനങ്ങാടി:ഹയർ സെക്കൻഡറി നാഷണൽ സർവീസ് സ്കീം ജീവിതോത്സവം പരിപാടിയുടെ ജില്ലാതല സമാപനം ഹയർ സെക്കൻഡറി സ്കൂളിൽ നടത്തി. പഞ്ചായത്ത് പ്രസിഡന്‍റ് കെ.ഇ. വിനയൻ ഉദ്ഘാടനം ചെയ്തു. ജില്ലാ പഞ്ചായത്ത് ഡിവിഷൻ അംഗം സിന്ധു ശ്രീധരൻ, വാർഡ് അംഗങ്ങായ ടി.പി. ഷിജു, പി.വി. വേണുഗോപാൽ, ഹയർ സെക്കൻഡറി ജില്ലാ കോ ഓർഡിനേറ്റർ ഷിവി കൃഷ്ണൻ, എൻഎസ്എസ് ജില്ലാ കണ്‍വീനർ കെ.എസ്. ശ്യാൽ, പിടിഎ പ്രസിഡന്‍റ് എസ്. ഹാജിസ്, സ്റ്റാഫ് സെക്രട്ടറി പി.കെ. സരിത, പ്രോഗ്രാം ഓഫീസർ പി.ടി. ജോസ്, വോളന്‍റിയർ ലീഡർ എം.ജെ. ജിബ എന്നിവർ പ്രസംഗിച്ചു. കൗമാരക്കാരായ ഹയർസെക്കൻഡറി വിദ്യാർഥികളുടെ സർഗശേഷിയും ഊർജവും അഭിലഷണീയമായ പുതുവഴികളിലൂടെ ചിട്ടയോടെ പ്രസരിപ്പിച്ച് ആധുനിക ജനാധിപത്യ സമൂഹത്തിനു യോജിച്ച രീതിയിൽ അവരുടെ വ്യക്തിത്വം രൂപപ്പെടുത്തുകയെന്ന് ലക്ഷ്യത്തെടെ നടപ്പാക്കിയതാണ് പദ്ധതി. ജില്ലയിൽ 45 യൂണിറ്റുകളിലാണ് 21 ദിവസം നീണ്ട പരിപാടി സംഘടിപ്പിച്ചത്. ലഹരിക്കെതിരേ ഒപ്പുമരം, ഏകദിന ഡിജിറ്റൽ ഉപവാസം, ലഹരിവിരുദ്ധ ചിത്രമതിൽ, കാർണിവൽ എന്നിവ ജീവിതോത്സവത്തിന്‍റെ ഭാഗമായി നടത്തി.

പോഷകാഹാരപ്രദർശനം നടത്തി

പുൽപ്പള്ളി: പനമരം ബ്ലോക്കിനു കീഴിലുള്ള 103 അങ്കണവാടികളിലെ ഹെൽപ്പർമാരുടെ നേതൃത്വത്തിൽ പോഷകാഹാരപ്രദർശനം നടത്തി. നൂറോളം ഇനം പോഷകാഹാരങ്ങളാണ് പ്രദർശനത്തിനുവച്ചത്. പഞ്ചായത്ത് വൈസ് പ്രസിഡന്‍റ് ശോഭന സുകു ഉദ്ഘാടനം ചെയ്തു. ജോളി നരിതൂക്കിൽ അധ്യക്ഷത വഹിച്ചു. ശ്രീദേവി മുല്ലയ്ക്കൽ, പി.സി. ലീഷ്മ, എം.വി. റജീന, ഡോ.പി.എസ്. വിനീത്, ഡോ.കെ. പ്രഭാകരൻ, എച്ച്ഐ മനോജ്, ഒ.വി. രവീന്ദ്രൻ, ജയസുധ എന്നിവർ പ്രസംഗിച്ചു.

പുൽപ്പള്ളി സർവീസ് സഹകരണ ബാങ്ക്: ബസ്‌സ്റ്റാൻഡിൽ നിരാഹാര സത്യഗ്രഹവുമായി വീട്ടമ്മ

പുൽപ്പള്ളി: സർവീസ് സഹകരണ ബാങ്കിൽ വായ്പ വിതരണത്തിൽ നടന്ന ക്രമക്കേടുകൾ മൂലം കടക്കെണിയിലായ വീട്ടമ്മ പഞ്ചായത്ത് ബസ് സ്റ്റാൻഡിൽ അനിശ്ചിതകാല നിരാഹാര സത്യഗ്രഹം തുടങ്ങി. കേളക്കവല പറന്പേക്കാട്ട് ഡാനിയേലിന്‍റെ ഭാര്യ സാറാക്കുട്ടിയാണ് ഇന്നലെ രാവിലെ സമരം ആരംഭിച്ചത്. ബാങ്കിൽ തന്‍റെയും ഭർത്താവിന്‍റെയും പേരിലുള്ള വായ്പ കുടിശിക എഴുതിത്തള്ളി പണയവസ്തുവിന്‍റെ പ്രമാണങ്ങൾ തിരികെ നൽകുക, എടുക്കാത്ത വായ്പയുടെ പേരിൽ അനുഭവിച്ച ശാരീരിക-മാനസിക പീഡനത്തിന് നഷ്ടപരിഹാരം അനുവദിക്കുക, വായ്പ വിതരണത്തിലെ ക്രമക്കേടുമൂലം കടക്കെണിയിലായ മുഴുവൻ കുടുംബങ്ങൾക്കും നീതി ഉറപ്പുവരുത്തുക തുടങ്ങിയ ആവശ്യങ്ങൾ ഉന്നയിച്ചാണ് സമരം. ഭർത്താവ് ഡാനിയയേൽ, കടക്കെണിയിൽപ്പെട്ട് 2023ൽ ജീവനൊടുക്കിയ ചെന്പകമൂല കഴിക്കേ ഇളയിടത്ത് രാജേന്ദ്രൻ നായരുടെ കുടുംബം, വായ്പ ക്രമക്കേട് ഇര കേളക്കവല കരിന്തരക്കൽ സതി മോഹനൻ, പൊതുപ്രവർത്തകൻ പി.ആർ. അജയകുമാർ എന്നിവർ സമരത്തിനു പിന്തുണയുമായി രംഗത്തുണ്ട്. പണയവസ്തുവിന്‍റെ പ്രമാണങ്ങൾ ആവശ്യപ്പെട്ട് ഡാനിയേൽ ദന്പതികളും രാജേന്ദ്രൻ നായരുടെ കുടുംബവും ഒക്ടോബർ മൂന്നു മുതൽ എട്ടുവരെ ബാങ്കിനു മുന്നിൽ സത്യഗ്രഹം നടത്തിയിരുന്നു. പിന്നീട് സമരം ബാങ്ക് മുൻ പ്രസിഡന്‍റ് കെ.കെ. ഏബ്രഹാമിന്‍റെ വീടിനു മുന്പിലേക്ക് മാറ്റി. എന്നിട്ടും പ്രശ്നപരിഹാരത്തിന് സാധ്യത തെളിയാത്ത സാഹചര്യത്തിലാണ് സാറാക്കുട്ടി അനിശ്ചിതകാല നിരാഹാര സമരം ആരംഭിച്ചത്. ആവശ്യങ്ങൾ ഉത്തരവാദപ്പെട്ടവർ അംഗീകരിച്ചാൽ മാത്രമേ സമരം അവസാനിപ്പിക്കൂവെന്ന് അവർ പറഞ്ഞു.

വ്യാജ സിഗരറ്റ് വിതരണം നടത്തി മുങ്ങിയ യുവാവ് പിടിയിൽ

മാനന്തവാടി: വ്യാജ സിഗരറ്റ് വിൽപ്പനക്കേസിൽ ഉൾപ്പെട്ടശേഷം വിദേശത്തേക്ക് മുങ്ങിയ യുവാവ് പിടിയിൽ. ബത്തേരി പള്ളിക്കണ്ടി കായാടൻ വീട്ടിൽ മുഹമ്മദ് യാസിനെയാണ്(23) തലപ്പുഴ പോലീസ് അറസ്റ്റുചെയ്തത്. 2024 സെപ്റ്റംബറിൽ ഐടിസി കന്പനിയുടെ ബ്രാൻഡ് ആയ ഗോൾഡ് ഫ്ളേക്കിന്‍റെ സിഗരറ്റ് പാക്കറ്റുകൾ വ്യാജമായി നിർമിച്ച് തലപ്പുഴ ടൗണിലെ കച്ചവടക്കാർക്ക് വിൽപ്പന നടത്തുകയായിരുന്നു. വിവരമറിഞ്ഞ ഐടിസി കന്പനിയുടെ അംഗീകൃത വിതരണക്കാർ സ്ഥലത്ത് എത്തിയപ്പോൾ സിഗരറ്റ് പാക്കറ്റുകൾ ഉപേക്ഷിച്ച് മുങ്ങിയ ഇയാൾ കേസിൽപ്പെട്ടതറിഞ്ഞ് ഖത്തറിലേക്ക് കടക്കുകയായിരുന്നു. പോലീസ് ഇയാൾക്കെതിരേ ലുക്കൗട്ട് സർക്കുലർ പുറപ്പെടുവിച്ചിരുന്നു. കഴിഞ്ഞ ദിവസം കരിപ്പൂർ എയർപോർട്ടിൽനിന്നാണ് കസ്റ്റഡിയിലെടുത്തത്.

ജില്ലാ സ്കൂൾ ശാസ്ത്രോത്സവം മുട്ടിൽ ഓർഫനേജ് കാന്പസിൽ ഇന്ന് തുടങ്ങും

കൽപ്പറ്റ: ജില്ലാ സ്കൂൾ ശാസ്ത്രോത്സവം വയനാട് ഓർഫനേജിന് കീഴിൽ മുട്ടിൽ കാന്പസിൽ പ്രവർത്തിക്കുന്ന വൊക്കേഷണൽ ഹയർ സെക്കൻഡറി, ഹയർ സെക്കൻഡറി, ഹൈസ്കൂൾ, സ്പീച്ച് ആൻഡ് ഹിയറിംഗ്, യുപി സ്കൂളുകളിൽ ഇന്നും നാളെയും നടത്തും. ജില്ലാ പഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ എം. മുഹമ്മദ് ബഷീർ, ജില്ലാ വിദ്യാഭ്യാസ ഉപഡയറക്ടർ വി.എ. ശശീന്ദ്രവ്യാസ്, പ്രചാരണ വിഭാഗം ചെയർപേഴ്സൻ ഉഷ തന്പി, കണ്‍വീനർ സേതു, വൈസ് ചെയർമാൻ ഉസ്മാൻ കോയ, ജോയിന്‍റ് കണ്‍വീനർമാരായ പി. ശ്രീജ, പി. ജൗഹർ, എൻ. അബ്ദുൾ നിസാർ, കെ. സൈഫുദ്ദീൻ എന്നിവർ വാർത്താസമ്മേളനത്തിൽ അറിയിച്ചതാണ് വിവരം. മേള വിളംബരം ചെയ്ത് ഇന്നലെ രാവിലെ 10ന് മുട്ടിൽ ടൗണിൽനിന്നു കാന്പസിലേക്ക് ഘോഷയാത്ര നടത്തി. ശാസ്ത്രോത്സവത്തിൽ ശാസ്ത്രഗണിത, സാമൂഹികശാസ്ത്ര, പ്രവൃത്തി പരിചയ, വിവര സാങ്കേതിക വിഭാഗങ്ങളിൽ 1,500 ഓളം പ്രതിഭകൾ മാറ്റുരയ്ക്കും. സബ് ജില്ലകളിൽ ഒന്ന്, രണ്ട് സ്ഥാനം നേടിയ ഹൈസ്കൂൾ, ഹയർ സെക്കൻഡറി വിദ്യാർഥികളാണ് ജില്ലാതലത്തിൽ മത്സരിക്കുക. വിജയികൾക്ക് എവർ റോളിംഗ് ട്രോഫികൾക്ക് പുറമേ വ്യക്തിഗത മെമന്‍റൊയും നൽകും. ഒരേസമയം മൂന്നൂറ് പേർക്ക് ഭക്ഷണം കഴിക്കുന്നതിന് ഊട്ടുപുര സജ്ജമാക്കിയിട്ടുണ്ട്. രണ്ടു ദിവസവും വൈകുന്നേരം 4.30 വരെ മേള കാണുന്നതിന് പൊതുജനങ്ങൾക്കു സൗകര്യം ഉണ്ടാകും. ഇന്നു രാവിലെ 10ന് ക്ഷീരവികസന-മൃഗസംരക്ഷണ മന്ത്രി ജെ. ചിഞ്ചുറാണി മേള ഉദ്ഘാടനം ചെയ്യും. ടി. സിദ്ദിഖ് എംഎൽഎ അധ്യക്ഷത വഹിക്കും. നാളെ ഉച്ചകഴിഞ്ഞ് സമാപന സമ്മേളനം പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു ഉദ്ഘാടനം ചെയ്യും. ടി. സിദ്ദിഖ് എംഎൽഎ അധ്യക്ഷത വഹിക്കും. ഐ.സി. ബാലകൃഷ്ണൻ എംഎൽഎ, ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ എന്നിവർ വിശിഷ്ടാതിഥികളാകും. ഉദ്ഘാടന, സമാപന ചടങ്ങുകളിൽ ബ്ലോക്ക് പഞ്ചായത്ത് പ്രസിഡന്‍റ് ചന്ദ്രിക കൃഷ്ണൻ, മുട്ടിൽ പഞ്ചായത്ത് പ്രസിഡന്‍റ് ശ്രീദേവി ബാബു, ജില്ല പഞ്ചായത്ത് വൈസ് പ്രസിഡന്‍റ് എസ്. ബിന്ദു, ജില്ലാ പഞ്ചായത്ത് സ്റ്റാൻഡിംഗ് കമ്മിറ്റി അധ്യക്ഷരായ എം. മുഹമ്മദ് ബഷീർ, ഉഷ തന്പി, ജുനൈദ് കൈപ്പാണി, സീത വിജയൻ, മുട്ടിൽ പഞ്ചായത്ത് വൈസ് പ്രസിഡന്‍റ് അഷ്റഫ് ചിറക്കൽ, ബ്ലോക്ക് പഞ്ചായത്ത് വൈസ് പ്രസിഡന്‍റ് ഫൗസിയ ബഷീർ, സ്റ്റാൻഡിംഗ് കമ്മിറ്റി അധ്യക്ഷരായ ജഷീർ പള്ളിയാൽ, അയിഷാബി, ലക്ഷ്മി കേളു, ഡബ്ല്യുഎംഒ സ്കൂൾ മാനേജർ കെ.കെ. അഹമദ് ഹാജി, ഡബ്ല്യുഎംഒ പ്രസിഡന്‍റ് പി.പി. അബ്ദുൾ ഖാദർ, സെക്രട്ടറി മുഹമ്മദ് ഷാ തുടങ്ങിയവർ പങ്കെടുക്കും.

നടവയൽ സിഎം കോളജിൽ കെഐഐഐ സെൽ യൂണിറ്റ് പ്രവർത്തനം തുടങ്ങി

നടവയൽ: കെൽട്രോണ്‍ ഇൻഡസ്ട്രി ഇൻസ്റ്റിറ്റ്യൂഷൻ ഇന്‍ററാക്ഷൻ സെല്ലിന്‍റെ യൂണിറ്റ് സിഎം കോളജിൽ പ്രവർത്തനം തുടങ്ങി. വിജ്ഞാനകേരളം സ്ട്രാറ്റജിക് അഡ്വൈസർ ഡോ.പി. സരിൻ ഉദ്ഘാടനം ചെയ്തു. പ്രിൻസിപ്പൽ ഷാഫി പുൽപ്പാറ അധ്യക്ഷത വഹിച്ചു. ജില്ലാ പഞ്ചായത്ത് അംഗം അമൽ ജോയ്, കെൽട്രോണ്‍ എൻഎസ്ഡിസി ഒബ്സർവർ രാമകൃഷ്ണൻ, കെൽട്രോണ്‍ മലബാർ റീജിയണ്‍ കോഴ്സ് കോഓർഡിനേറ്റർ എം.വി. സ്മിത, റീജിയണൽ സബ് കോഓർഡിനേറ്റർ ദിനേഷ്, സിഎം കോളജ് ഡയറക്ടർ ടി.കെ. സൈനുദ്ദീൻ, വൈസ് പ്രിൻസിപ്പൽ ജാബിർ അലി, അഡ്മിനിസ്ട്രേറ്റർ ടി.കെ. ഉവൈസ്, പിടിഎ വൈസ് പ്രസിഡന്‍റ് പ്രമോദ്, പി. റിജില നാഥ്, കോളജ് യൂണിയൻ ചെയർമാൻ എം. അൻസിഫ് എന്നിവർ പ്രസംഗിച്ചു.

വിശ്വാസസംരക്ഷണ യാത്രയ്ക്ക് കൽപ്പറ്റയിൽ ഉജ്വല സ്വീകരണം

കേരളം ഭരിക്കുന്നത് പെരുങ്കള്ളൻമാർ : കെ. മുരളീധരൻ കൽപ്പറ്റ: ശബരിമലയിലെ സ്വർണക്കൊള്ളയ്ക്കും വിശ്വാസവഞ്ചനയ്ക്കുമെതിരേ കെപിസിസി ആഹ്വാനം ചെയ്തതനുസരിച്ച് മുൻ പ്രസിഡന്‍റ് കെ. മുരളീധരന്‍റെ നേതൃത്വത്തിൽ നടത്തുന്ന വടക്കൻ മേഖല വിശ്വാസസംരക്ഷണ യാത്രയ്ക്ക് കൽപ്പറ്റയിൽ ഉജ്വല സ്വീകരണം. രാവിലെ 11.30 ഓടെ പുതിയ ബസ്‌സ്റ്റാൻഡ് പരിസരത്ത് എത്തിയ ജാഥയെ ഡിസിസി പ്രസിഡന്‍റ് ടി.ജെ. ഐസകിന്‍റെ നേതൃത്വത്തിൽ സ്വീകരിച്ചു. നേതാക്കളും നൂറുകണക്കിന് പ്രവർത്തകരും ജാഥയിലും സ്വീകരണ സമ്മേളനത്തിലും പങ്കാളികളായി. കേരളം ഭരിക്കുന്നത് പെരുങ്കള്ളൻമാരാണെന്നും അവരെ തുറുങ്കിലടയ്ക്കുംവരെ കോണ്‍ഗ്രസ് പ്രതിഷേധത്തിനു അവസാനിമില്ലെന്നും സ്വീകരണ സമ്മേളനത്തിൽ മുരളീധരൻ പറഞ്ഞു. അയ്യപ്പസംഗമമെന്ന പേരിൽ പത്തു വോട്ടിന് വേണ്ടി ഭക്തരുടെ വിശ്വാസത്തെപോലും സർക്കാർ കച്ചവടമാക്കി. എട്ടുനിലയിൽ പൊട്ടിയ അയ്യപ്പസംഗമത്തിൽ പങ്കെടുക്കാത്തതിൽ കോണ്‍ഗ്രസിനും യുഡിഎഫിനും അഭിമാനമുണ്ട്. അയ്യപ്പസംഗമത്തിനു മൂന്നു കോടി രൂപയാണ് ദേവസ്വം ബോർഡ് ചെലവാക്കിയത്. സ്പോണ്‍സർമാർ വരുന്പോൾ പണം തിരികെ നൽകുമെന്നാണ് പറയുന്നത്. ആചാരലംഘനം ഒരു ഭാഗത്തും മോഷണം മറ്റൊരു ഭാഗത്തും ഉണ്ണിക്കൃഷ്ണൻ പോറ്റി വേറൊരു ഭാഗത്തുമെന്ന നിലയിലാണ് കേരളത്തിലെ കാര്യങ്ങൾ. പിണറായി ഭരണത്തിൽ ദൈവങ്ങൾക്കുപോലും രക്ഷയില്ലെന്നും മുരളീധരൻ പറഞ്ഞു. സമ്മേളനം കെപിസിസി വർക്കിംഗ് പ്രസിഡന്‍റ് എ.പി. അനിൽകുമാർ എംഎൽഎ ഉദ്ഘാടനം ചെയ്തു. ഡിസിസി പ്രസിഡന്‍റ് ടി.ജെ. ഐസക് അധ്യക്ഷത വഹിച്ചു. യാത്ര വൈസ് ക്യാപ്റ്റൻ ടി. സിദ്ദിഖ് എംഎൽഎ, നേതാക്കളായ പി.എം. നിയാസ്, ഐ.സി. ബാലകൃഷ്ണൻ എംഎൽഎ, എൻ.ഡി. അപ്പച്ചൻ, പി.കെ. ജയലക്ഷ്മി, കെ.എൽ. പൗലോസ്, ബാലകൃഷ്ണൻ പെരിയ, പി.ടി. ഗോപാലക്കുറുപ്പ്, പി.പി. ആലി, കെ.കെ. അഹമ്മദ് ഹാജി, എം.സി. സെബാസ്റ്റ്യൻ, എൻ.കെ. വർഗീസ്, കെ.ഇ. വിനയൻ, കെ.കെ. വിശ്വനാഥൻ എന്നിവർ പ്രസംഗിച്ചു.

ജില്ലാ സ്കൂൾ കായികമേള: കിരീടം നിലനിർത്തി കാട്ടിക്കുളം

കൽപ്പറ്റ: മരവയൽ ജില്ലാ സ്റ്റേഡിയത്തിൽ നടന്ന 15-ാമത് ജില്ലാ സ്കൂൾ കായികമേളയിൽ വിദ്യാലയതലത്തിൽ 112 പോയിന്‍റുമായി കാട്ടിക്കുളം ജിവിഎച്ച്എസ്എസ് കിരീടം നിലനിർത്തി. 14 സ്വർണവും 11 വെള്ളിയും ഒന്പത് വെങ്കലവും കാട്ടിക്കുളത്തിന്‍റെ താരങ്ങൾ നേടി. മീനങ്ങാടി ജിഎച്ച്എസ്എസിനാണ് രണ്ടാം സ്ഥാനം. 14 സ്വർണവും ആറ് വെള്ളിയും 10 വെങ്കലവുമായി 98 പോയിന്‍റാണ് മീനങ്ങാടി കരസ്ഥമാക്കിയത്. 96 ഇനങ്ങളിൽ 540 പേർ മത്സരിച്ച മേളയിൽ 70 പോയിന്‍റോടെ ആനപ്പാറ ജിവിഎച്ച്എസ്എസാണ് മൂന്നാം സ്ഥാനത്ത്. ഏഴ് സ്വർണവും 10 വെള്ളിയും അഞ്ച് വെങ്കലവും ആനപ്പാറ സ്വന്തമാക്കി. 43 പോയിന്‍റുമായി നടവയൽ സെന്‍റ് തോമസാണ് നാലാം സ്ഥാനത്ത്. കാക്കവയൽ ജിഎച്ച്എസ്എസ്(39 പോയിന്‍റ്), കൽപ്പറ്റ ജിഎംആർഎസ്(39), മാനന്തവാടി ജിവിഎച്ച്എസ്എസ്(35), വാരന്പറ്റ ജിഎച്ച്എസ് (27), തൃശിലേരി ജിഎച്ച്എസ്എസ്(22), തരിയോട് ജിഎച്ച്എസ്എസ്(15)എന്നിവയ്ക്കാണ് അഞ്ച് മുതൽ 10 വരെ സ്ഥാനം. ഉപജില്ലാതലത്തിൽ 96 ഇനങ്ങളിൽ 356 പോയിന്‍റ് നേടി ബത്തേരി ജേതാക്കളായി. 37 സ്വർണവും 32 വെള്ളിയും 33 വെങ്കലവും ഉപജില്ല സ്വന്തമാക്കി. 309 പോയിന്‍റ് നേടിയ മാനന്തവാടി ഉപജില്ലയ്ക്കാണ് രണ്ടാം സ്ഥാനം. 33 സ്വർണവും 28 വെള്ളിയും 32 വെങ്കവും ഉപജില്ല കരസ്ഥമാക്കി. 14 സ്വർണവും 27 വെള്ളിയും 21 വെങ്കലവും നേടിയ വൈത്തിരി ഉപജില്ലയ്ക്ക് 188 പോയിന്‍റ് ലഭിച്ചു. മീനങ്ങാടി ജിഎച്ച്എസ്എസ് (98 പോയിന്‍റ്), ആനപ്പാറ ജിഎച്ച്എസ്എസ്(70), കാക്കവയൽ ജിഎച്ച്എസ്എസ്(39), മുള്ളൻകൊല്ലി സെന്‍റ് മേരീസ് എച്ച്എസ്എസ്(11),കല്ലുവയൽ ജയശ്രി എച്ച്എസ്എസ്(10) തുടങ്ങിയ സ്കൂളുകളാണ് ബത്തേരി ഉപജില്ലയെ കിരീടനേട്ടത്തിലേക്ക് നയിച്ചത്.

ലോക മാനസികാരോഗ്യദിനം ആഘോഷിച്ചു

സുൽത്താൻ ബത്തേരി: അസംപ്ഷൻ ഹോസ്പിറ്റൽ മാനസികാരോഗ്യവിഭാഗം, വാലുമ്മൽ ജ്വല്ലറി, അൽ ഇത്തിഹാദ് സ്പോർട്സ് അക്കാദമി എന്നിവ സംയുക്തമായി ലോക മാനസികാരോഗ്യദിനം ആഘോഷിച്ചു. ബോധവത്കരണ ക്ലാസുകൾ, സെമിനാറുകൾ, മെഡിക്കൽ ക്യാന്പുകൾ, 15 വയസിൽ താഴെയുള്ള കുട്ടികൾക്ക് ഫുട്ബോൾ ടൂർണമെന്‍റ് എന്നിവ ഒരാഴ്ച നീണ്ട ആഘോഷത്തിന്‍റെ ഭാഗമായിരുന്നു. എക്സൈസ് ഡെപ്യൂട്ടി കമ്മീഷണർ എ.ജെ. ഷാജി ഉദ്ഘാടനം ചെയ്തു. ഹോസ്പിറ്റൽ അഡ്മിനിസ്ട്രേറ്റർ സിസ്റ്റർ ആൻസി മരിയ അധ്യക്ഷത വഹിച്ചു. അസംപ്ഷൻ ഫൊറോന പള്ളി വികാരി ഫാ. തോമസ് മണക്കുന്നേൽ, ഡോ. ജോ ടുട്ടു ജോർജ്, ഡോ. സിസ്റ്റർ ലിസ് മാത്യു എസ്എച്ച് എന്നിവർ പ്രസംഗിച്ചു. വാലുമ്മൽ ജ്വല്ലറി മനേജർ അശ്വന്ദ് സമ്മാനദാനം നടത്തി. ഫുട്ബോൾ ടൂർണമെന്‍റിൽ ബിപിഎസ്എ മുക്കം ഒന്നാം സ്ഥാനം നേടി. ചുള്ളിയോട് ഗാന്ധി സ്മാരക ആർട്സ് ആൻഡ് സ്പോർട്സ് ക്ലബിനാണ് രണ്ടാം സ്ഥാനം. photo: ലോക മാനസികാരോഗ്യദിനാഘോഷത്തിന്‍റെ ഭാഗമായി ബത്തേരിയിൽ അസംപ്ഷൻ ഹോസ്പിറ്റലിന്‍റെ നേതൃത്വത്തിൽ നടത്തിയ ഫുട്ബോൾ ടൂർണമെന്‍റിൽ ഒന്നാം സ്ഥാനം നേടിയ ബിപിഎസ്എ മുക്കം, രണ്ടാം സ്ഥാനം നേടിയ ചുള്ളിയോട് ഗാന്ധി സ്മാരക ആർട്സ് ആൻഡ് സ്പോർട്സ് ക്ലബ് ടീം അംഗങ്ങൾ സംഘാടകർക്കൊപ്പം

കൽപ്പറ്റ കേന്ദ്രീയ വിദ്യാലയത്തിൽ ആർട്സ് വിഭാഗം അനുവദിക്കണം: പ്രിയങ്ക ഗാന്ധി എംപി

കൽപ്പറ്റ: കൽപ്പറ്റ കേന്ദ്രീയ വിദ്യാലയത്തിലെ പ്ലസ് വണ്‍, പ്ലസ് ടു കോഴ്സുകളിൽ ഹ്യുമാനിറ്റീസും കോമേഴ്സും ഉൾപ്പെടുന്ന ആർട്സ് വിഭാഗം കോഴ്സുകൾ ആരംഭിക്കണമെന്ന് ആവശ്യപ്പെട്ട് പ്രിയങ്ക ഗാന്ധി എംപി കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രാധാന് കത്ത് നൽകി. കൽപ്പറ്റയിൽ ആകെയുള്ള കേന്ദ്രീയ വിദ്യാലയമെന്ന നിലയ്ക്ക് ഈ കോഴ്സുകൾ ആരംഭിക്കുന്നത് കുട്ടികൾക്ക് ഗുണം ചെയ്യുമെന്നും ഇക്കാലത്ത് അത് അത്യന്താപേക്ഷിതമാണെന്നും പ്രിയങ്ക ഗാന്ധി എംപി കത്തിൽ പറഞ്ഞു. പ്രിയങ്ക ഗാന്ധി എംപിയുടെ സന്ദർശന വേളയിൽ കേന്ദ്രീയ വിദ്യാലയത്തിലെ രക്ഷിതാക്കളും അധ്യാപകരും നൽകിയ മെമ്മോറാണ്ടത്തിന്‍റെ അടിസ്ഥാനത്തിലാണ് ഈ ആവശ്യം ഉന്നയിച്ചത്.

റോഡിലേക്ക് തള്ളിനിൽക്കുന്ന കാട് യാത്രക്കാർക്ക് ഭീഷണിയായി

മക്കിയാട്: മാനന്തവാടി-കുറ്റ്യാടി സംസ്ഥാന പാതയിൽ കോറോത്തിനും മക്കിയാടിനും ഇടയിൽ മരച്ചോട് പാലത്തിന് സമീപം കൊടുംവളവിൽ കാട് വളർന്ന് റോഡിലേക്ക് തള്ളിനിൽക്കുന്നത് യാത്രക്കാർക്ക് ഭീഷണിയായി. മരച്ചോട് ഭാഗത്തുനിന്ന് കോറോം ഭാഗത്തേക്ക് റോഡിന് വലതുവശം ചേർന്ന് നടന്നുപോകാൻ ആളുകൾക്കു ഭയമാണ്. റോഡിന് മധ്യഭാഗം വരെയാണ് ഉയരത്തിൽ വളർന്ന കാട് തള്ളി നിൽക്കുന്നത്. തൊണ്ടർ നാട് എംടിഡിഎം ഹൈസ്കൂൾ, കോറോം ഗവ.എൽപി സ്കൂൾ, നിരവിൽപ്പുഴ എയുപി സ്കൂൾ, മരച്ചോട് മദ്രസ എന്നിവിടങ്ങളിൽ പഠിക്കുന്ന നിരവധി കുട്ടികൾ ഇതുവഴി നടന്നാണ് പോകുന്നത്. കൊടും വളവായതിനാൽ എതിരേ വരുന്ന വാഹനങ്ങൾ ദൂരേനിന്ന് കാണാൻ കഴിയില്ല. റോഡിനു ഒരു ഭാഗം പുഴയാണ്. പുഴയ്ക്ക് സംരക്ഷണ ഭിത്തി നിർമിച്ചിട്ടില്ല. കാട് എത്രയും വേഗം നീക്കണമെന്നും പാലത്തിന് സമീപം സംരക്ഷണ ഭിത്തി നിർമിക്കണമെന്നും നാട്ടുകാർ ആവശ്യപ്പെട്ടു.

വൈദ്യുതി ബോർഡ് ജീവനക്കാർ കരിദിനം ആചരിച്ചു

കൽപ്പറ്റ: കേരള ഇലക്ട്രിസിറ്റി എംപ്ലോയീസ് കോണ്‍ഫെഡറേഷൻ (ഐഎൻടിയുസി) യുടെ നേതൃത്വത്തിൽ വൈദ്യുതി ബോർഡ് ജീവനക്കാർ കരിദിനം ആചരിച്ചു. ജീവനക്കാരുടെ ഡിഎ, നൽകാത്തതിലും പ്രമോഷൻ നൽകാത്തതിലും പ്രതിഷേധിച്ചായിരുന്നു ഇന്നലെ കരിദിനമായി ആചരിച്ചത്. പങ്കാളിത്ത പെൻഷൻ പിൻവലിക്കുക, മുൻകാലങ്ങളിലെ ശന്പള പരിഷ്കരണ കരാറിന് അംഗീകാരം നൽകുക തുടങ്ങിയ ആവശ്യങ്ങളും ഉന്നയിച്ചു. സംസ്ഥാന വൈസ് പ്രസിഡന്‍റ് കെ.എം. ജംഹർ ഉദ്ഘാടനം ചെയ്തു. അബ്ദുൾ അസീസ് അധ്യഷത വഹിച്ചു. കെ.എം. വാസുദേവൻ, ആർ. മോഹൻദാസ്, എ.കെ. സുനിൽ, പി.കെ. അഹമ്മദ് തുടങ്ങിയവർ പ്രസംഗിച്ചു.

വയനാട്ടിലെ പഞ്ചായത്തുകളിലെ സംവരണ വാർഡുകളുടെ നറുക്കെടുപ്പ് പൂർത്തിയായി

കൽപ്പറ്റ: ജില്ലയിലെ തദ്ദേശസ്വയംഭരണ സ്ഥാപനങ്ങളിലെ സംവരണസീറ്റുകളിലേക്കുള്ള നറുക്കെടുപ്പ് പൂർത്തിയായി. കളക്ടറേറ്റ് കോണ്‍ഫറൻസ് ഹാളിൽ എഡിഎം കെ. ദേവകിയുടെ നേതൃത്വത്തിലായിരുന്നു നറുക്കെടുപ്പ്. വിവിധ പഞ്ചായത്തുകളിലെ സംവരണ വാർഡ് വിവരം: പുൽപ്പള്ളി പഞ്ചായത്ത് 13-കളനാടിക്കൊല്ലി, 19-ആലൂർക്കുന്ന്-പട്ടികവർഗ സ്ത്രീ, ഒന്പത്-ആച്ചനള്ളി-പട്ടികജാതി, ആറ്-താന്നിത്തെരുവ്, 20-പാക്കം, പട്ടികവർഗം, നാല്-മീനംകൊല്ലി, അഞ്ച്-അത്തിക്കുനി, ഏഴ്-പാലമൂല, എട്ട്-ആടിക്കൊല്ലി, 10-കാപ്പിസെറ്റ്, 12-കേളക്കവല, 16-കോളറാട്ടുകുന്ന്, 18-മരകാവ്, 21-കുറുവ-സ്ത്രീ. മുള്ളൻകൊല്ലി പഞ്ചായത്ത് 13-ആലത്തൂർ-പട്ടികവർഗ സ്ത്രീ, 18-പട്ടാണിക്കൂപ്പ്-പട്ടികജാതി, 12-കാപ്പിസെറ്റ്-പട്ടികവർഗം, ഒന്ന്-പെരിക്കല്ലൂർകടവ്, രണ്ട്-പെരിക്കല്ലൂർ ടൗണ്‍, ആറ്-പാടിച്ചിറ, ഏഴ്-പാറക്കവല, 18-സീതാമൗണ്ട്, 10-ശശിമല, 11-പാറക്കടവ്, 14-സുരഭിക്കവല, 16-സ്ത്രീ. മുട്ടിൽ പഞ്ചായത്ത് മൂന്ന്-കുന്പളാട്-പട്ടികവർഗ സ്ത്രീ, 12 പാക്കം-പട്ടികവർഗ സ്ത്രീ, 18 മുട്ടിൽ-പട്ടികജാതി, 17-കുട്ടമംഗലം-പട്ടികവർഗം, ഒന്ന്-മടക്കിമല, 14-പരിയാരം, അഞ്ച്-കൊളവയൽ, എട്ട്-വാര്യാട്, 10-തെനേരി,14-കരിങ്കണിക്കുന്ന്, 15-മാണ്ടാട്,19-ചെറുമൂലവയൽ, 22-പാറക്കൽ-സ്ത്രീ. കോട്ടത്തറ പഞ്ചായത്ത് എഴ്-കോട്ടത്തറ, എട്ട്-ജൂബിലി-പട്ടികവർഗ സ്ത്രീ, 12-മൈലാടി, 13-കുഴിവയൽ-പട്ടികവർഗം, ഒന്ന്-വെണ്ണിയോട്, മുന്ന്-ചീരകത്ത്, ഒന്പത് കുന്നത്തായിക്കുന്ന്, 10-സ്കൂൾകുന്ന്, 11-മാടക്കുന്ന്- സ്ത്രീ. മൂപ്പൈനാട് പഞ്ചായത്ത് നാല്-നല്ലന്നൂർ-പട്ടികജാതി, എട്ട്-കല്ലിക്കെണി-പട്ടികവർഗം, മൂന്ന്-മേലേ അരപ്പറ്റ, അഞ്ച്-നെടുങ്കരണ, ഏഴ്-വടുവൻചാൽ, ഒന്പത്-ചെല്ലങ്കോട്, 11-സണ്‍റൈസ് വാലി, 12-പുതുക്കാട്, 14-റിപ്പണ്‍, 16-മാൻകുന്ന്, 17-താഴെ അരപ്പറ്റ-സ്ത്രീ. മേപ്പാടി പഞ്ചായത്ത് അഞ്ച്-പൂത്തക്കൊല്ലി-പട്ടികജാതി സ്ത്രീ, 14-കുന്നമംഗലംവയൽ-പട്ടികവർഗ സ്ത്രീ, ആറ്-മേപ്പാടി ടൗണ്‍-പട്ടികജാതി, 16-ആനപ്പാറ-പട്ടികവർഗം, നാല്-നെടുന്പാല, എഴ്-പഞ്ചായത്ത് ഓഫീസ്, ഒന്പത്-പുത്തുമല, 10-അട്ടമല, 13-കടൂർ, 18-കുന്നന്പറ്റ, 20-കാപ്പംകൊല്ലി, 21-ചെന്പോത്തറ, 22-മാനിവയൽ, 23-കോട്ടവയൽ-സ്ത്രീ. തരിയോട് പഞ്ചായത്ത് രണ്ട്-കർലാട്, 11-ചെക്കണ്ണിക്കുന്ന്-പട്ടികവർഗ സ്ത്രീ, മൂന്ന്-ചിങ്ങന്നൂർ-പട്ടികവർഗം, അഞ്ച്-ചെന്നലോട്, എട്ട്-കോട്ടക്കുന്ന്, 12-തരിയോട് എച്ച്എസ് ജംഗ്ഷൻ, 13-പാന്പുംകുനി, 14-തരിയോട് പത്താംമൈൽ-സ്ത്രീ. വെങ്ങപ്പള്ളി പഞ്ചായത്ത് ഒന്ന്-ഒരുവുമ്മൽ,10-മഞ്ഞിലേരി-പട്ടികവർഗ സ്ത്രീ, അഞ്ച്-മൂരിക്കാപ്പ്, ഒന്പത് കോടഞ്ചേരിക്കുന്ന്-പട്ടികവർഗം,നാല്-പുതുക്കുടി, 6ാംനന്പർ, 11-പിണങ്ങോട്, 12-എംഎച്ച് നഗർ,13-ഹൈസ്കൂൾകുന്ന്-സ്ത്രീ. വൈത്തിരി പഞ്ചായത്ത് 15-വട്ടവയൽ-പട്ടികജാതി സ്ത്രീ, 14-പന്ത്രണ്ടാംപാലം-പട്ടികജാതി, 12-പഴയ വൈത്തിരി-പട്ടികവർഗം, രണ്ട്-കാപ്പംകുന്ന്, നാല്-ചുണ്ടേൽ, അഞ്ച്-വൈത്തിരി, 17-നാരങ്ങാക്കുന്ന്, 10-മുള്ളന്പാറ, 11-ലക്കിടി, 13-കോളിച്ചാൽ-സ്ത്രീ. പൊഴുതന പഞ്ചായത്ത് അഞ്ച്-വയനാംകുന്ന്, 15-സുഗന്ധഗിരി-പട്ടികവർഗ സ്ത്രീ, രണ്ട് ഇടിയംവയൽ-പട്ടികജാതി, 14-കല്ലൂർ-പട്ടികവർഗം, 13-വലിയപാറ, ആറ്-കളരിവീട്, ഏഴ്-മരവയൽ, എട്ട്-ചാത്തോത്ത്, ഒന്പത്-അത്തിമൂല, 11-പൊഴുതന-സ്ത്രീ. പടിഞ്ഞാറത്തറ പഞ്ചായത്ത് 13-പേരാൽ-പട്ടികവർഗ സ്ത്രീ, ഒന്പത്-കുറുന്പാല-പട്ടികജാതി, എട്ട് കുന്നളം-പട്ടികവർഗം, രണ്ട്-തെങ്ങുംമുണ്ട, നാല്-പുതുശേരിക്കടവ്, അഞ്ച്-മുണ്ടക്കുറ്റി, ഏഴ്-കുറുമണി, 10-മാന്തോട്ടം, 11-അരന്പറ്റക്കുന്ന്, 16-മാടത്തുംപാറ,17-കാപ്പിക്കളം-സ്ത്രീ. പൂതാടി പഞ്ചായത്ത് ആറ്-ചീയന്പം, 13-ഗാന്ധിനഗർ, 20-കോട്ടവയൽ- പട്ടികവർഗസ്ത്രീ, 14-വാളവയൽ-പട്ടികജാതി, അഞ്ച്-കോട്ടക്കൊല്ലി, 21-പൂതാടി-പട്ടികവർഗം, 13-മണൽവയൽ, ഏഴ്-ചുണ്ടക്കൊല്ലി, എട്ട്-ഇരുളം, ഒന്പത്-മരിയനാട്, 10-പാപ്ലശേരി, 16-അതിരാറ്റുകുന്ന്, 18-കേണിച്ചിറ വെസ്റ്റ്, 19-താഴമുണ്ട, 22-ചീങ്ങോട്- സ്ത്രീ. പനമരം പഞ്ചായത്ത് നാല്-ചെറുകാട്ടൂർ, 11-പനമരം ഈസ്റ്റ്, 24-കെല്ലൂർ-പട്ടികവർഗ സ്ത്രീ, 18-വിളന്പുകണ്ടം-പട്ടികജാതി, മൂന്ന്-കൊയിലേരി, 17-കൈപ്പാട്ടുകുന്ന്, 19-മലങ്കര-പട്ടികവർഗം, അഞ്ച്-കൈതക്കൽ, ഏഴ്-അമ്മാനി, 19-പരിയാരം, 10-പരക്കുനി, 12-കരിമംകുന്ന്, 15-അരിഞ്ചേർമല, 16-പള്ളിക്കുന്ന്, 20-പാലുകുന്ന്, 23-വെള്ളരിവയൽ-സ്ത്രീ. കണിയാന്പറ്റ പഞ്ചായത്ത് ഒന്ന്-നെല്ലിയന്പം, അഞ്ച്-ചീങ്ങാടി-പട്ടികവർഗ സ്ത്രീ, മൂന്ന്-നടവയൽ, 20-മില്ലമുക്ക്-പട്ടികവർഗം, രണ്ട്-കാവടം, ആറ് ചിത്രംമൂല, എട്ട്-പടാരിക്കുന്ന്, ഒന്പത്-അരിമുള, 10-കരണി, 12-കന്പളക്കാട്, 15-പള്ളിമുക്ക്, 18-കണിയാന്പറ്റ, 21-ചീക്കല്ലൂർ-സ്ത്രീ. വെള്ളമുണ്ട, തിരുനെല്ലി, തൊണ്ടർനാട്, തവിഞ്ഞാൽ, എടവക, നൂൽപ്പുഴ, നെൻമേനി, അന്പലവയൽ, മീനങ്ങാടി പ്രഞ്ചായത്തുകളിലെ സംവരണ വാർഡുകളുടെ നറുക്കെടുപ്പ് കഴിഞ്ഞ ദിവസം നടത്തിയിരുന്നു.

കായികമേളയിൽ കാട്ടിക്കുളം കുതിപ്പ് തുടരുന്നു

സുൽത്താൻ ബത്തേരി ഉപജില്ല മുന്നിൽ കൽപ്പറ്റ: ജില്ലാ സ്കൂൾ കായികമേളയിൽ രണ്ടാംദിനവും കാട്ടിക്കുളത്തിന്‍റെ കുതിപ്പ് തുടരുന്നു. 75 പോയിന്‍റുമായാണ് കാട്ടിക്കുളം ഗവ. ഹയർ സെക്കൻഡറി സ്കൂൾ ഒന്നാം സ്ഥാനത്ത് തുടരുന്നത്. 67 പോയന്‍റുമായി മീനങ്ങാടി ഗവ. ഹയർ സെക്കൻഡറി സ്കൂൾ രണ്ടാംസ്ഥാനത്താണ്. ഉപജില്ലാതലത്തിൽ സുൽത്താൻ ബത്തേരിയാണ് മാനന്തവാടിയെ പിന്തള്ളി മുന്നേറുന്നത്. 24 സ്വർണം, 21 വെള്ളി, 20 വെങ്കലവുമായി 229 പോയിന്‍റ് നേടിയാണ് സുൽത്താൻ ബത്തേരി ഉപജില്ല കുതിക്കുന്നത്. 20 സ്വർണം, 17 വെള്ളി, 18 വെങ്കലം എന്നിങ്ങനെ 187 പോയിന്‍റുമായി മാനന്തവാടി ഉപജില്ല രണ്ടാം സ്ഥാനത്തുമുണ്ട്. മൂന്നാം സ്ഥാനത്തുള്ള വൈത്തിരി ഉപജില്ല ഒന്പത് സ്വർണവും 16 വെള്ളിയും 17 വെങ്കലവുമായി 119 പോയിന്‍റാണ് നേടിയത്. മേളയുടെ അവസാന ദിനമായ ഇന്നുകൂടി മുന്നേറ്റം തുടർന്നാൽ സുൽത്താൻ ബത്തേരിക്ക് കിരീടം നിലനിർത്താനാകും. നാലു സ്വർണവും ഏഴ് വെള്ളിയും രണ്ടു വെങ്കലവുമായി 43 പോയിന്‍റുള്ള ആനപ്പാറ ജിഎച്ച്എസ്എസ് ആണ് മൂന്നാം സ്ഥാനത്ത്. കൽപ്പറ്റ ജിഎംആർഎസ് (32), കാക്കവയൽ ജിഎച്ച്എസ്എസ് (29), നടവയൽ സെന്‍റ് തോമസ് എച്ച്എസ് (25), മാനന്തവാടി ജിവിഎച്ച്എസ്എസ് (19), തൃശിലേരി ജിഎച്ച്എസ്എസ് (11), വാരാന്പറ്റ ജിഎച്ച്എസ്എസ് (10), തരിയോട് ജിഎച്ച്എസ്എസ് (10) തുടങ്ങിയ സ്കൂളുകളാണ് ആദ്യ പത്ത് സ്ഥാനങ്ങളിലുള്ളത്. 200, 800 മീറ്റർ, 400 മീറ്റർ ഹർഡിൽസ്, റിലേ മത്സരങ്ങളും ഇന്നു നടക്കും. മേള ഇന്ന് വൈകുന്നേരം സമാപിക്കും. ടി. സിദ്ധിഖ് എംഎൽഎ ട്രോഫി വിതരണം ചെയ്യും. പ്രതിഷേധവുമായി കായികാധ്യാപകർ കൽപ്പറ്റ: ജില്ലാ സ്കൂൾ കായികമേളയ്ക്കിടെ കായികാധ്യാപകരുടെ പ്രതിഷേധം. സംസ്ഥാന സംയുക്ത കായിക അധ്യാപക സംഘടനയുടെ നേതൃത്വത്തിലാണ് സ്റ്റേഡിയത്തിൽ പ്രതിഷേധിച്ചത്. വർഷങ്ങളായി തുടരുന്ന അവഗണനയ്ക്കെതിരേയാണ് കായികമേളയുടെ ഉദ്ഘാടന ചടങ്ങിന് ശേഷം അധ്യാപകർ പ്രതിഷേധവുമായെത്തിയത്. അധ്യാപക തസ്തിക നിർണയമാനദണ്ഡം പരിഷ്കരിക്കാൻ നടപടി വേണമെന്നതായിരുന്നു പ്രധാനആവശ്യം. 65 വർഷങ്ങൾക്ക് മുൻപുള്ള കായികാധ്യാപക തസ്തിക നിർണയമാനദണ്ഡമാണ് നിലവിലുള്ളത്. യുപി സ്കൂളിൽ 500 വിദ്യാർഥികൾക്ക് ഒരു കായിക അധ്യാപകൻ എന്ന നിലയ്ക്കാണ് തസ്തിക. 499 കുട്ടികളാണെങ്കിൽ പോലും തസ്തിക ഇല്ലാതാകും. ഇതോടെ ആ സ്കൂളിലെ കായിക അധ്യാപകനെ ഒഴിവാക്കും. കുട്ടികളുടെ കഴിവുകൾ പുറത്തെടുക്കാനുള്ള സാഹചര്യം കൂടി ഇതോടെ ഇല്ലാതാകും. ഇത്തരം വിവിധ വിഷയങ്ങൾ ഉന്നയിച്ചായിരുന്നു സംയുക്ത കായികാധ്യാപക സംഘടനയുടെ നേതൃത്വത്തിലുള്ള പ്രതിഷേധം. ജില്ലാ പ്രസിഡന്‍റ് വി. റഫീഖ്, ട്രഷറർ അതുൽ ഹരിദാസ്, സംസ്ഥാന നോമിനി പ്രശോഭ് തുടങ്ങിയവർ നേതൃത്വം നൽകി. മത്സരം മഴ തടസപ്പെടുത്തി കൽപ്പറ്റ: കായിക മേളയുടെ രണ്ടാംദിനം ഉച്ചയ്ക്ക് ശേഷം പെയ്ത മഴ മത്സരങ്ങൾ തടസപ്പെടുത്തി. മഴ കാരണം അര മണിക്കൂർ മത്സരം നിർത്തിവച്ചു. പിന്നീട് പുനഃരാരംഭിച്ചെങ്കിലും ഇടവിട്ട് മഴ പെയ്തതോടെ വീണ്ടും മത്സങ്ങൾ നിർത്തിവയ്ക്കേണ്ടി വന്നു. മഴയ്ക്ക് ശമനം കണ്ടതോടെ വീണ്ടും മത്സരം തുടരുകയായിരുന്നു. മഴ കാരണം മുടങ്ങിയ സീനിയർ ബോയ്സ് ജൂണിയർ ബോയ്സ്, ഡിസ്ക്കസ് ത്രോ മൽസരങ്ങൾ രാവിലെ 10.15ന് നടക്കും. പോൾ വോൾട്ട് ജൂണിയർ ബോയ്സ് ആൻഡ് സീനിയർ ബോയ്സ്, സീനിയർ ഗേൾസ് ഷോട്ട്പുട്ട് മത്സരവും രാവിലെ 10ന് നടക്കും. കിടപ്പിലായ അച്ഛന് വേണ്ടി ഓടിയ ഹരിശ്രീയയ്ക്ക് 1500 മീറ്റർ ഓട്ടത്തിൽ സ്വർണവും 3000 മീറ്ററിൽ വെങ്കലവും കൽപ്പറ്റ: 1500 മീറ്റർ ഓട്ടത്തിൽ സ്വർണം നേട്ടം കൊയ്ത ഹരിശ്രീയയ്ക്ക് 3000 മീറ്റർ ഓട്ടത്തിൽ പരിക്ക് വില്ലനായി. നട്ടെല്ല് തകർന്ന് കിടക്കുന്ന അച്ഛന് വേണ്ടിയാണ് ഓടുന്നതെന്നാണ് ഹരിശ്രീയ പറഞ്ഞത്. 3000 മീറ്റർ സീനിയർ പെണ്‍കുട്ടികളുടെ വിഭാഗം ഓട്ടത്തിൽ കാലിന് പരിക്ക് പറ്റിയതോടെയാണ് ഹരിശ്രീയ മൂന്നാം സ്ഥാനത്തേയ്ക്ക് പിൻതള്ളപ്പെട്ടത്. ആദ്യ ലാപ്പിൽ ഏറെ മുന്നിലായിരുന്ന ഹരിശ്രിയയ്ക്ക് കൂടെ ഓടിയ അത്‌ലെറ്റിന്‍റെ കാല് തട്ടിയാണ് പരിക്ക് പറ്റിയത്. കാലിന്‍റെ ലിഗമെന്‍റിന് ഏറ്റ പരിക്കുമായി ഓടുന്നതിനിടെയാണ് വീണ്ടും പരിക്ക് പറ്റിയത്. വേദന കടിച്ചമർത്തി ഓടി തന്‍റെ പിതാവിനുവേണ്ടി മൂന്നാം സ്ഥാനത്ത് ഫിനിഷ് ചെയ്യുകയായിരുന്നു കാട്ടിക്കുളം ഗവ. ഹയർ സെക്കൻഡറി സ്കൂളിലെ ഈ മിടുക്കി. ജാവലിൻ ത്രോയിൽ ഈ വർഷവും സ്വർണം ആൽവിൻ സജിക്ക് കൽപ്പറ്റ: ജാവലിൻ ത്രോയിൽ ആൽവിൻ സജി ഇത്തവണയും സ്വർണവുമായാണ് മടങ്ങുന്നത്. കഴിഞ്ഞ വർഷത്തെ സംസ്ഥാന സ്കൂൾ കായികമേളയിൽ സീനിയർ വിഭാഗം ആണ്‍കുട്ടികളുടെ ജാവലിൻ ത്രോയിൽ സ്വർണം എറിഞ്ഞുവീഴ്ത്തിയ ആൽവിൻ ഇത്തവണയും സ്വർണ നേട്ടം ആവർത്തിച്ച് സംസ്ഥാനതലത്തിൽ മത്സരിക്കും. മാനന്തവാടി ഗവ. വൊക്കേഷണൽ ഹയർ സെക്കൻഡറി സ്കൂളിലെ പ്ലസ്ടു വിദ്യാർഥിയാണ്. കഴിഞ്ഞ സംസ്ഥാന കായികമേളയിൽ ജാവലിൻ 53 മീറ്റർ എറിഞ്ഞാണ് ആൽബിൻ സ്വർണം നേടിയത്. ഇത്തവണ ജില്ലാ മീറ്റിൽ 46 മീറ്റർ മാത്രമാണ് ആൽവിൻ ജാവലിൻ എറിഞ്ഞത്. ആൽപിൻ 110 മീറ്റർ ഹഡിൽസിലും ഒന്നാം സ്ഥാനം നേടി. കെ.വി. സജിയാണ് പരിശീലകൻ.

വിശ്വാസ സംരക്ഷണത്തിനു ജനം തെരുവിൽ ഇറങ്ങേണ്ട സാഹചര്യം: എൻ.ഡി. അപ്പച്ചൻ

കൽപ്പറ്റ: സംസ്ഥാനത്ത് വിശ്വാസ സംരക്ഷണത്തിന് ജനം തെരുവിൽ ഇറങ്ങേണ്ട സാഹചര്യമാണെന്ന് എഐസിസി അംഗം എൻ.ഡി. അപ്പച്ചൻ പ്രസ്താവനയിൽ പറഞ്ഞു. വിശ്വാസത്തിന്‍റെ ഭാഗമായി ഭക്തർ നൽകിയ സ്വർണം പോലും മോഷ്ടിക്കുന്ന സ്ഥിതിയാണ്. ശബരിമല വിഷയത്തിൽ ദേവസ്വം ബോർഡും മന്ത്രിയും ഒരുപോലെ ഉത്തരവാദികളാണ്. ശബരിമലയ്ക്കു പുറമേ ക്ഷേത്രങ്ങളിലും സമാനരീതിയിലുള്ള സംഭവങ്ങളാണ് ദിവസവും പുറത്തുവരുന്നത്. അന്പലക്കൊള്ളക്ക് ഒത്താശ ചെയ്യുന്ന സർക്കാർ വിശ്വാസികളെ വെല്ലുവിളിക്കുകയാണ്. ഈ സാഹചര്യത്തിൽ കോണ്‍ഗ്രസിന്‍റെ നേതൃത്വത്തിൽ നടക്കുന്ന വിശ്വാസ സംരക്ഷണ യാത്രയ്ക്ക് വർധിച്ച പ്രസക്തിയാണുള്ളത്. കെ. മുരളീധരന്‍റെ നേതൃത്വത്തിൽ ഇന്ന് ജില്ലയിലെത്തുന്ന യാത്രയ്ക്ക് ഉജ്വല സ്വീകരണം നൽകണമെന്ന് അപ്പച്ചൻ കോണ്‍ഗ്രസ് പ്രവർത്തകരോട് അഭ്യർഥിച്ചു.

വിശ്വാസ സംരക്ഷണ യാത്ര ഇന്ന് വയനാട്ടിൽ

കൽപ്പറ്റ: ശബരിമലയിലെ സ്വർണ കൊള്ളയ്ക്കും വിശ്വാസ വഞ്ചനയ്ക്കുമെതിരേ കെപിസിസിയുടെ നേതൃത്വത്തിൽ മുൻ കെപിസിസി പ്രസിഡന്‍റ് കെ. മുരളീധരൻ നയിക്കുന്ന വിശ്വാസ സംരക്ഷണ യാത്ര ഇന്ന് വയനാട്ടിൽ എത്തും. രാവിലെ 10.30ന് കൽപ്പറ്റ പുതിയ ബസ്റ്റാൻഡ് പരിസരത്ത് സ്വീകരണ സമ്മേളനം ആരംഭിക്കും. ടി. സിദ്ദിഖ് എംഎൽഎ, ഷാനിമോൾ ഉസ്മാൻ തുടങ്ങിയവർ പങ്കെടുക്കും. യാത്രയുടെ വിജയത്തിന് വിപുലമായ ഒരുക്കങ്ങൾ നടത്തുന്നതായും വിശ്വാസ സംരക്ഷണ യാത്രയിൽ പങ്കെടുക്കുന്ന പ്രവർത്തകർ രാവിലെ 10ന് കൽപ്പറ്റ പുതിയ ബസ് സ്റ്റാൻഡ് പരിസരത്ത് എത്തിച്ചേരണമെന്നും ഡിസിസി പ്രസിഡന്‍റ് ടി.ജെ. ഐസക് അറിയിച്ചു.

സംരംഭകത്വ, നൈപുണ്യ വികസന പരിശീലനത്തിന് തുടക്കമായി

കൽപ്പറ്റ: കേന്ദ്ര ഗവണ്‍മെന്‍റ് സ്ഥാപനമായ സൂക്ഷ്മ, ചെറുകിട, ഇടത്തര വ്യവസായ മന്ത്രാലയത്തിന്‍റെ കീഴിൽ പ്രവർത്തിക്കുന്ന എംഎസ്എംഇ ഡെവലപ്മെന്‍റ് ആൻഡ് ഫെസിലിറ്റേഷൻ ഓഫീസ് പീപ്പിൾസ് ഫൗണ്ടേഷനുമായി സഹകരിച്ച് സുഗന്ധ വ്യഞ്ജനങ്ങളുടെ മൂല്യവർധിത പ്രക്രിയയും വിപണനവുമായും ബന്ധപ്പെട്ട് സംരംഭകത്വനൈപുണ്യ വികസന പരിശീലന പരിപാടിക്ക് തുടക്കമായി. ജില്ലയിലെ എസ്‌സി/പിന്നാക്ക മേഖലയിലും പുഞ്ചിരിമട്ടം ഉരുൾ ദുരന്ത മേഖലയിലുള്ളവർക്കാണ് പരിശീലനം നൽകുന്നത്. മേപ്പാടി പീപ്പിൾസ് റീജണൽ സെന്‍ററിൽ നടക്കുന്ന 30 ദിവസത്തെ പരിശീലന പരിപാടി ജില്ലാ പഞ്ചായത്ത് വൈസ് പ്രസിഡന്‍റ് കെ. ബിന്ദു ഉദ്ഘാടനം നിർവഹിച്ചു. എംഎസ്എംഇ വികസന ഓഫീസ് അസിസ്റ്റന്‍റ് ഡയറക്ടർ സി. ലജിത മോൾ ക്ലാസിന് നേതൃത്വം നൽകി. ജില്ലാ കോഓർഡിനേറ്റർ സി.കെ. ഷമീർ അധ്യക്ഷത വഹിച്ചു. എറൈസ് മേപ്പാടി ചെയർമാൻ ടി.പി. യൂനുസ് മുഖ്യാതിഥിയായിരുന്നു. പീപ്പിൾസ് ഫൗണ്ടേഷൻ പ്രോജക്ട് ഡയറക്ടർ ഡോ.വി.എം. നിഷാദ്, പ്രോജക്ട് കോഓർഡിനേറ്റേഴ്സ് ഷെഹീൻ ബസ്മല, മുഹ്സിൻ മുഷ്ത്താക്, കെ. അൻഷദ് അഹസൻ എന്നിവർ സംബന്ധിച്ചു.

പുൽപ്പള്ളി സർവീസ് സഹകരണ ബാങ്ക് : കടക്കെണിയിലായ വീട്ടമ്മ അനിശ്ചിതകാല നിരാഹാര സമരം തുടങ്ങുന്നു

കൽപ്പറ്റ: പുൽപ്പള്ളി സർവീസ് സഹകരണ ബാങ്ക് മുൻ ഭരണസമിതി അംഗങ്ങളിൽ ചിലരും ഉദ്യോഗസ്ഥരിൽ ഒരു വിഭാഗവും വായ്പ വിതരണത്തിൽ നടത്തിയ ക്രമേക്കടുമൂലം കടക്കെണിയിലായെന്നു അവകാശപ്പെടുന്ന വീട്ടമ്മ പുൽപ്പള്ളി പഞ്ചായത്ത് ബസ്‌സ്റ്റാൻഡിൽ ഇന്നു മുതൽ അനിശ്ചിതകാല രാപകൽ നിരാഹാര സത്യഗ്രഹം തുടങ്ങുന്നു. കേളക്കവല പറന്പേക്കാട്ടിൽ ഡാനിയേലിന്‍റെ ഭാര്യ സാറാക്കുട്ടിയാണ് സമരം ആരംഭിക്കുന്നത്. തന്‍റെയും ഭർത്താവ് ഡാനിയേലിന്‍റെയും പേരിൽ കുടിശികയുണ്ടെന്നു ബാങ്ക് പറയുന്ന 75 ലക്ഷം രൂപ എഴുതിത്തള്ളി ഭൂമിയുടെ പ്രമാണങ്ങൾ തിരികെ നൽകുക, എടുക്കാത്ത വായ്പയുടെ പേരിൽ അനുഭവിച്ച ശാരീരിക, മാനസിക പ്രയാസങ്ങൾക്ക് നഷ്ടപരിഹാരം അനുവദിക്കുക, വായ്പ വിതരണത്തിലെ ക്രമക്കേട് മൂലം കടത്തിൽ മുങ്ങിയ മുഴുവൻ ആളുകൾക്കും നീതി ലഭ്യമാക്കുക എന്നീ ആവശ്യങ്ങൾ ഉന്നയിച്ചാണ് സമരമെന്ന് സാറാക്കുട്ടി വാർത്താസമ്മേളനത്തിൽ പറഞ്ഞു. ഇതേ ആവശ്യങ്ങൾ ഉന്നയിച്ച് ബാങ്ക് മുൻ പ്രസിഡന്‍റ് കെ.കെ. ഏബ്രഹാമിന്‍റെ പുൽപ്പള്ളി ചുണ്ടക്കൊല്ലിയിലെ വസതിക്കുമുന്പിൽ താനും ഭർത്താവും കടക്കെണിയിൽ അകപ്പെട്ട് 2023ൽ ജീവനൊടുക്കിയ ചെന്പകമൂല കിഴക്കേ ഇളയിടത്ത് രാജേന്ദ്രൻ നായരുടെ കുടുംബവും 13ന് ആരംഭിച്ച അനിശ്ചിതകാല സത്യഗ്രഹം ഇന്നലെ അവസാനിപ്പിച്ചതായി അവർ അറിയിച്ചു. രാജേന്ദ്രൻ നായരുടെ ഭാര്യ ജലജ, കടക്കെണിയിലുള്ള കേളക്കവല കരിന്തരക്കൽ സതി മോഹനൻ, മകൻ അക്ഷയ്, കഴിഞ്ഞദിവസം പിരിച്ചുവിട്ട ജനകീയ സമരസമിതി കണ്‍വീനർ പി.ആർ. അജയകുമാർ എന്നിവർക്കൊപ്പമായിരുന്നു സാറാക്കുട്ടിയുടെ വാർത്താസമ്മേളനം. സഹകരണ വകുപ്പ് പുറപ്പെടുവിച്ച സർചാർജ് ഉത്തരവ് നടപ്പാക്കി വായ്പ ക്രമക്കേട് ഇരകൾക്ക് നീതി ലഭ്യമാക്കണമെന്ന ആവശ്യവുമായി ജനകീയസമിതിയുടെ നേതൃത്വത്തിൽ 2022 മേയ് 13 മുതൽ 2023 മേയ് 10 വരെ സമരം നടത്തിയിരുന്നു. മാസങ്ങൾ പിന്നിട്ടിട്ടും നീതി ലഭിക്കാത്ത സാഹചര്യത്തിലാണ് കഴിഞ്ഞ ഒക്ടോബർ മൂന്നു മുതൽ എട്ട് വരെ ബാങ്കിനു മുന്നിൽ സത്യഗ്രഹം സംഘടിപ്പിച്ചത്. ബാങ്കിന്‍റെ സുഗമമായ നടത്തിപ്പിനു തടസമാകുന്ന സാഹചര്യത്തിലാണ് സമരം മുൻ പ്രസിഡന്‍റിന്‍റെ വീടിനു മുന്പിലേക്ക് മാറ്റിയത്. താൻ ഇന്ന് രാപകൽ അനിശ്ചിതകാല നിരാഹാര സത്യഗ്രഹം ആരംഭിക്കുന്നതിനാലാണ് മുൻ പ്രസിഡന്‍റിന്‍റെ വസതിക്കുമുന്പിലെ സമരം നിർത്തിയത്. വീട് വാസയോഗ്യമാക്കുന്നതിന് രണ്ട് ലക്ഷം രൂപ വായ്പയ്ക്ക് 2018ലാണ് താനും ഭർത്താവും ബാങ്കിനെ സമീപിച്ചത്. വായ്പ അനുവദിക്കാമെന്നും പരിചയത്തിലുള്ള കരാറുകാരൻ മുഖേന വീടുപണി നടത്താമെന്നും ബാങ്ക് പ്രസിഡന്‍റ് അറിയിച്ചു. തന്‍റെ പേരിലുള്ള 28.4 ഉം ഭർത്താവിന്‍റെ പേരിലുള്ള 33 ഉം സെന്‍റ് ഭൂമിയാണ് വായ്പയ്ക്ക് പണയപ്പെടുത്തിയത്. ബാങ്ക് അനുവദിച്ച വായ്പയിൽ ഒരു രൂപപോലും പണമായി ലഭിച്ചില്ല. എന്നാൽ തനിക്ക് 20 ഉം ഭർത്താവിന് 16 ഉം ലക്ഷം രൂപ വായ്പ അനുവദിച്ചതായാണ് ബാങ്ക് രേഖകളിലുള്ളത്. ഇത്തരത്തിൽ തട്ടിപ്പ് നടന്നത് വളരെ വൈകിയാണ് അറിഞ്ഞത്. ബാങ്ക് രേഖകൾ പ്രകാരം 75 ലക്ഷത്തിൽപരം രൂപയാണ് തന്‍റെയും ഭർത്താവിന്‍റെയും നിലവിലെ ബാധ്യതയെന്ന് സാറാക്കുട്ടി പറഞ്ഞു. നീതി ലഭിക്കുന്നതുവരെ, അല്ലെങ്കിൽ മരണം വരെ സമരം തുടരാനാണ് തീരുമാനമെന്ന് അവർ വ്യക്തമാക്കി. രാജേന്ദ്രൻ നായരുടെ പേരിൽ 55.6 ലക്ഷം രൂപയാണ് ബാങ്കിൽ കുടിശികയെന്ന് ഭാര്യ ജലജ പറഞ്ഞു. 71 സെന്‍റ് ഭൂമി പണയം നൽകി 2017ൽ 70,000 രൂപയാണ് വായ്പയെടുത്തത്. എന്നാൽ 25 ലക്ഷം രൂപ വായ്പ അനുവദിച്ചെന്നാണ് ബാങ്ക് രേഖകളിൽ. ബാങ്ക് ഭരണസമിതിയും ഉദ്യോഗസ്ഥരും നടത്തിയ വഞ്ചനമൂലം രണ്ട് മരണമാണ് കുടുംബത്തിൽ ഉണ്ടായത്. രാജേന്ദ്രൻ നായർക്ക് ബാങ്കിൽ ലക്ഷക്കണക്കിനു രൂപ കുടിശികയുണ്ടെന്നു ഉദ്യോഗസ്ഥർ വീട്ടിലെത്തി അറിയിച്ചപ്പോൾ കുഴഞ്ഞുവീണ ഭർതൃമാതാവ് ദിവസങ്ങൾക്കുള്ളിൽ മരിച്ചു. ഭാരിച്ച കടത്തെച്ചൊല്ലിയുള്ള വ്യാകുലതയാണ് ഭർത്താവിനെ ആത്മഹത്യയിലേക്ക് നയിച്ചത്. താനും കുടുംബവും പറഞ്ഞറിയിക്കാൻ കഴിയാത്ത പ്രതിസന്ധിയിലൂടെയാണ് കടന്നുപോകുന്നതെന്നും ജലജ പറഞ്ഞു. ബാങ്ക് ഭരണസമിതിയിൽ ഉണ്ടായിരുന്നവരും ഉദ്യോഗസ്ഥരും നടത്തിയ ക്രമക്കേടാണ് തന്നെയും കുടുംബത്തെയും കടക്കെണിയിലാക്കിയതെന്നു സതി മോഹനൻ പറഞ്ഞു. 2017ൽ 15 സെന്‍റ് സ്ഥലം പണയപ്പെടുത്തി ഒരു ലക്ഷം രൂപയാണ് വായ്പയെടുത്തത്. എന്നാൽ അഞ്ച് ലക്ഷം രൂപ വായ്പ അനുവദിച്ചതാണ് ബാങ്ക് രേഖകളിലെന്നു സതി പറഞ്ഞു. ഇരകളുടേത് സ്പോണ്‍സേർഡ് സമരമെന്നു ബാങ്ക് മുൻ ഭരണസമിതിയിൽ ഉണ്ടായിരുന്ന ചിലരുടെ പിണിയാളുകൾ ആക്ഷേപിക്കുന്നത് പരിഹാസ്യമാണെന്ന് പി.ആർ. അജയകുമാർ പറഞ്ഞു. വായ്പ വിതരണത്തിൽ 38 കേസുകളിലാണ് സഹകരണ വകുപ്പും വിജിലൻസും ക്രമക്കേട് കണ്ടെത്തിയത്. തട്ടിപ്പ് ഇരകളെന്ന് രേഖകളിൽ പറയുന്നതിൽ ഏഴോ എട്ടോ പേർ മാത്രമാണ് യഥാർഥ ഇരകൾ. ക്രമക്കേടിൽ പങ്കുള്ളവരാണ് മറ്റുള്ളവർ. ബാങ്കിൽ 2015 മുതൽ വായ്പ വിതരണത്തിൽ ക്രമക്കേട് നടന്നിട്ടുണ്ട്. ഇത് സമഗ്രാന്വേഷണത്തിനു വിധേയമാക്കിയാൽ 20 കോടി രൂപയിൽ കുറയാത്ത അഴിമതി മറനീക്കും. ഇരകൾക്ക് നീതി വൈകുന്നത് നീതി നിഷേധമാണെന്നും അജയകുമാർ പറഞ്ഞു.

മാനന്തവാടി ഉപജില്ലയും കാട്ടിക്കുളം ഗവ.ഹയർ സെക്കൻഡറിയും മുന്നേറ്റം തുടരുന്നു

കൽപ്പറ്റ: പുതിയകുതിപ്പുമായി വയനാട് റവന്യു ജില്ലാ സ്കൂൾ കായികമേളയ്ക്ക് കൽപ്പറ്റ എം.കെ. ജിനചന്ദ്രൻ മെമ്മോറിയൽ ജില്ലാ സ്റ്റേഡിയത്തിൽ തുടക്കം. ആദ്യ ദിനത്തിൽ കാട്ടിക്കുളം ഗവ. ഹയർ സെക്കൻഡറി സ്കൂളാണ് 33 പോയിന്‍റുമായി ഒന്നാം സ്ഥാനത്ത്. രണ്ടും മൂന്നും സ്ഥാനത്ത് 22 പോയിന്‍റുള്ള മീനങ്ങാടി ഗവ.ഹയർ സെക്കൻഡറി സ്കൂളും 15 പോയിന്‍റുള്ള കൽപ്പറ്റ ജിഎംആർഎസുമാണ്. കാട്ടിക്കുളം ഗവ.ഹയർ സെക്കൻഡറി സ്കൂൾ അഞ്ച് സ്വർണവും രണ്ട് വീതം വെള്ളിയും വെങ്കലവും നേടിയാണ് ഒന്നാം സ്ഥാനത്തേയ്ക്ക് മുന്നേറിയത്. മൂന്ന് സ്വർണവും രണ്ട് വെള്ളിയും ഒരു വെങ്കവുമായി മീനങ്ങാടി ഗവ. ഹയർ സെക്കൻഡറി സ്കൂൾ രണ്ടാം സ്ഥാനത്തെത്തിയപ്പോൾ ഒരു സ്വർണവും രണ്ട് വെള്ളിയും നാല് വെങ്കലവുമായാണ് കൽപ്പറ്റ ജിഎംആർഎസ് മൂന്നാം സ്ഥാനത്തുള്ളത്. സബ്ജില്ലാ തലത്തിൽ മാനന്തവാടി ഉപജില്ലയാണ് 64 പോയിന്‍റുമായി മുന്നേറുന്നത്. 52 പോയിന്‍റുള്ള ബത്തേരി സബ്ജില്ല രണ്ടാം സ്ഥാനത്തും 31 പോയിന്‍റുമായി വൈത്തിരി മൂന്നാം സ്ഥാനത്തുമാണ്. അത്‌ലെറ്റിക്സിൽ സബ്ജില്ലാതലത്തിൽ എട്ട് സ്വർണവും ആറ് വെള്ളിയും ആറ് വെങ്കലവും നേടിയാണ് മാനന്തവാടി മുന്നിലെത്തിയത്. ബത്തേരി ആറ് സ്വർണവും ആറ് വെള്ളിയും നാല് വെങ്കലവും നേടിയപ്പോൾ മൂന്നാംസ്ഥാനത്തുള്ള വൈത്തിരിക്ക് രണ്ട് സ്വർണവും അഞ്ച് വെള്ളിയും ആറ് വെങ്കലവുമാണ് നേടിയത്. ജില്ലയിലെ മൂന്ന് ഉപജില്ലകളിൽ നിന്നായി ആയിരത്തോളം കായികതാരങ്ങളാണ് 98 ഇനങ്ങളിലായി മൂന്ന് ദിവസങ്ങളിൽ മത്സരിക്കുന്നത്. മേളയ്ക്ക് തുടക്കം കുറിച്ച് കൽപ്പറ്റ മുനിസിപ്പൽ ഓഫീസ് പരിസരത്ത് നിന്ന് പുതിയ ബസ് സ്റ്റാൻഡ് വരെ വിളംബര ജാഥ നടത്തി. ഉച്ചയ്ക്ക് 1.30 ഓടെയാണ് കായിക മത്സരങ്ങൾ ആരംഭിച്ചത്. തരിയോട് ഗവ.എച്ച്എസ്എസിന്‍റെ നേതൃത്വത്തിലാണ് മേള നടക്കുന്നത്. ഇന്ന് 10ന് മേളയുടെ ഉദ്ഘാടനം മന്ത്രി ഒ.ആർ. കേളു നിർവഹിക്കും. ജാവലിൻ ത്രോ, 3000, 5000 മീറ്റർ നടത്തം, ഹൈജംപ്, ലോംഗ് ജംപ്, ഹാമർ ത്രോ, 3000, 400 മീറ്റർ ഓട്ടം, 110, 100, 80 മീറ്റർ ഹർഡിൽസ് എന്നിവയാണ് രണ്ടാം ദിവസായ ഇന്ന് നടക്കുക.

വിൽപ്പനയിൽ ചരിത്രം സൃഷ്ടിച്ച് പുൽപ്പള്ളി ക്ഷീരസംഘം കിടാരി പാർക്ക്

പുൽപ്പള്ളി: ക്ഷീരവികസന വകുപ്പിന്‍റെ മേൽനോട്ടത്തിൽ പുൽപ്പള്ളി ക്ഷീരസംഘം നടത്തുന്ന കിടാരി പാർക്കിൽ വിൽപ്പന ചരിത്രം സൃഷ്ടിച്ചു. 2022 ഏപ്രിലിൽ ആരംഭിച്ച കിടാരി പാർക്ക് വയനാട്ടിലെ തന്നെ ആദ്യത്തെ കിടാരി പാർക്കാണ്. സംസ്ഥാനത്തിന്‍റെ വിവിധ ജില്ലകളിൽ നിന്ന് ക്ഷീരകർഷകർ കിടാരി പാർക്കിനെ തേടിയെത്തുന്നു. ഇതിന്‍റെ ഭാഗമായാണ് മലബാർ മിൽമയുടെ "ഫാം ടൂറിസം' പദ്ധതിയിൽ കിടാരി പാർക്കും പുൽപ്പള്ളി ക്ഷീര സംഘവും ഇടം നേടിയത്. സംഘത്തിന് സ്വന്തമായുള്ള വെറ്റിനറി മെഡിക്കൽ ഷോപ്പും പുൽകൃഷിയും ഡോക്ടറുടെ സേവനവും കിടാരി പാർക്കിന്‍റെ പ്രവർത്തനത്തിന് സഹായകമാണ്. കിടാരി പാർക്ക് പ്രവർത്തനം തുടങ്ങി ഇതുവരെ 2,34,000 ലിറ്റർ പാൽ മിൽമയ്ക്ക് അയക്കുകയും ഇതിലൂടെ ും സെക്രട്ടറി എം.ആർ. ലതികയും പറഞ്ഞു.

വെെഎംസിഎ സബ് റീജണൽ സമാധാന സംഗമം സംഘടിപ്പിച്ചു

സുൽത്താൻ ബത്തേരി: പശ്ചിമേഷ്യയിൽ സംഘർഷം അവസാനിപ്പിക്കാൻ ലോകനേതാക്കൾ മുൻകൈ എടുത്ത് സമാധാന ഉടന്പടി ഉണ്ടാകുന്നതിലുള്ള സന്തോഷം പങ്കുവച്ച് വൈഎംസിഎ വയനാട് സബ് റീജണലിന്‍റെ നേതൃത്വത്തിൽ ബത്തേരി ഗാന്ധി സ്ക്വയറിൽ സമാധാന സംഗമം സംഘടിപ്പിച്ചു. കേരള റീജണൽ വൈസ് ചെയർമാൻ കുര്യൻ തൂന്പുങ്കൽ ഉദ്ഘാടനം ചെയ്തു. സബ് റീജിയൻ ചെയർമാൻ സി.ജെ. ടോമി അധ്യക്ഷത വഹിച്ചു. ജനറൽ കണ്‍വീനർ ജയിംസ് ജോസഫ്, പ്രോജക്ട് ചെയർമാൻ ബിജു തിണ്ടിയത്ത്, റീജണൽ ജനറൽ പ്രോഗ്രാം കമ്മിറ്റി ചെയർമാൻ രാജൻ തോമസ്, നാഷണൽ ബോർഡ് അംഗം പ്രഫ. തോമസ് പോൾ എന്നിവർ പ്രസംഗിച്ചു. എം.കെ. പാപ്പച്ചൻ, വിനു തോമസ്, കെ.ഐ. വർഗീസ്, ജിനേഷ് ചീനിക്കുഴി എന്നിവർ പരിപാടികൾക്ക് നേതൃത്വം നൽകി. സമാധാന സംഗമത്തിന്‍റെ ഭാഗമായി ബത്തേരി ടൗണിൽ മധുരം വിതരണം ചെയ്തു.

സർക്കാർ പദ്ധതികളെക്കുറിച്ച് ബോധവത്കരണം അനിവാര്യം: ഐ.സി. ബാലകൃഷ്ണൻ എംഎൽഎ

സുൽത്താൻ ബത്തേരി: സർക്കാരുകൾ നടപ്പാക്കുന്ന പദ്ധതികളെക്കുറിച്ച് നിരന്തര ബോധവത്കരണം അനിവാര്യമാണെന്ന് ഐ.സി. ബാലകൃഷ്ണൻ എംഎൽഎ അഭിപ്രായപ്പെട്ടു. പദ്ധതികളെക്കുറിച്ച് ആളുകളിലേക്ക് വിവരങ്ങൾ എത്തിക്കാൻ വിവിധ വകുപ്പുകൾ ശ്രമങ്ങൾ നടത്തണമെന്നും അദ്ദേഹം കൂട്ടിച്ചേർത്തു. ബത്തേരിയിൽ സെൻട്രൽ ബ്യൂറോ ഓഫ് കമ്മ്യൂണിക്കേഷൻ നടത്തുന്ന പ്രത്യേക ബോധവത്കരണ പരിപാടി ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ബത്തേരിയിൽ നടക്കുന്ന പരിപാടിയിൽ വിവിധ സർക്കാർ വകുപ്പുകൾ ഒരുമിച്ച് ചേർന്ന് പദ്ധതികളെക്കുറിച്ചുള്ള വിവരങ്ങളും സേവനങ്ങളും നൽകുന്നത് നല്ല മാതൃകയാണെന്നും ഇത്തരത്തിൽ കൂടുതൽ പരിപാടികൾ നടക്കണമെന്നും അദ്ദേഹം നിർദേശിച്ചു. കേന്ദ്ര സർക്കാരിന് കീഴിലുള്ള സെൻട്രൽ ബ്യൂറോ ഓഫ് കമ്മ്യൂണിക്കേഷൻ വിവിധ സർക്കാർ വകുപ്പുകളുടെ സഹകരണത്തോടെയാണ് അഞ്ച് ദിവസം നീണ്ടുനിൽക്കുന്ന പ്രദർശന ബോധവൽക്കരണ പരിപാടി നടത്തുന്നത്. സർക്കാർ പദ്ധതികളെക്കുറിച്ച് ക്ലാസുകൾ, സർക്കാർ വകുപ്പുകളുടെ സ്റ്റാളുകൾ, ദേശീയ ആരോഗ്യദൗത്യത്തിന്‍റെ നേതൃത്വത്തിൽ ജീവിത ശൈലി രോഗ നിർണയ ക്യാന്പ്, ആധാർ സേവനങ്ങൾ, കലാപരിപാടികൾ, ക്വസ് മത്സരങ്ങൾ തുടങ്ങിയവ ബോധവത്കരണ പരിപാടിയുടെ ഭാഗമായി ഒരുക്കിയിട്ടുണ്ട്. ഉദ്ഘാടന സമ്മേളനത്തിൽ ബത്തേരി മുനിസിപ്പാലിറ്റി ക്ഷേമകാര്യ സ്റ്റാന്‍റിംഗ് കമ്മിറ്റി ചെയർപേഴ്സണ്‍ സാലി പൗലോസ് അധ്യക്ഷത വഹിച്ചു. സിബിസി കേരള ലക്ഷദ്വീപ് മേഖലാ അഡീഷണൽ ഡയറക്ടർ ജനറൽ വി. പളനിച്ചാമി മുഖ്യ പ്രഭാഷണം നടത്തി. സുൽത്താൻ ബത്തേരി ആഡീഷണൽ ഐസിഡിഎസ് പ്രോജക്ട് സിഡിപിഒ ഡോ.ആൻ. ഡാർളി വർഗീസ്, ജില്ലാ വനിതാ സംരക്ഷണ ഓഫീസർ വി.പി. ഗീത, വയനാട് ഫീൽഡ് പബ്ലിസിറ്റി ഓഫീസർ എം.വി. പ്രജിത്ത് കുമാർ, ടെക്നിക്കൽ അസിസ്റ്റന്‍റ് കെ.എസ്. ബാബുരാജൻ, ഫീൽഡ് പബ്ലിസിറ്റി അസിസ്റ്റന്‍റ് സുരേഷ് കുമാർ എം. തുടങ്ങിയവർ സംസാരിച്ചു. തുടർന്ന് പ്രതിരോധ സേനകളിലേക്ക് നടക്കുന്ന റിക്രൂട്ട്മെന്‍റിനെക്കുറിച്ച് കോഴിക്കോട് ആർമി റിക്രൂട്ട്മെന്‍റ് ഓഫീസിൽ നിന്നുള്ള ആർമി റിക്രൂട്ടിംഗ് മെഡിക്കൽ ഓഫീസർ മേജർ അൻമോൽ പരഷാർ ക്ലാസെടുത്തു. 17 വരെ പ്രദർശനം നടക്കും. പ്രവേശനം സൗജന്യമാണ്.

സെമിനാർ നടത്തി

കേണിച്ചിറ: ലോക മാനസിക ആരോഗ്യ ദിനത്തോടനുബന്ധിച്ച് താഴമുണ്ട റീഫോം ലഹരി വിമോചന ചികിത്സാ കേന്ദ്രത്തിന്‍റെ ആഭിമുഖ്യത്തിൽ നടത്തിയ സെമിനാർ അഡ്മിനിസ്ട്രേറ്റർ ഫാ. ബാബു വർഗീസ് പൂക്കോട്ടിൽ ഉദ്ഘാടനം ചെയ്തു. ഡയറക്ടർ ഡീന ബാബു,ഡോക്ടർ ജിഗിനു, ലിബിയ, വിഷ്ണു, സിനൻ തുടങ്ങിയവർ സംസാരിച്ചു.

സാംസ്കാരിക സദസ് നടത്തി

വെള്ളമുണ്ട: പുരോഗമന കലാസാഹിത്യ സംഘം പനമരം മേഖല കമ്മിറ്റി, ചങ്ങാടം ദീപ്തി വായനശാല, തരുവണ ആർട്സ് ലാൻഡ് ലൈബ്രറി എന്നിവ സംയുക്തമായിന "ഗാന്ധി മുതൽ ഗാസ വരെ’ എന്ന വിഷയത്തിൽ തരുവണയിൽ സാംസ്കാരിക സദസ് നടത്തി. സാമൂഹിക പ്രവർത്തകൻ ശ്രീജിത്ത് ശിവരാമൻ ഉദ്ഘാടനം ചെയ്തു. സംഘം പനമരം മേഖല പ്രസിഡന്‍റ് കേശവൻ അധ്യക്ഷത വഹിച്ചു. സംഘം ജില്ലാ സെക്രട്ടറി എം. ദേവകുമാർ, പ്രസിഡന്‍റ് മുസ്തഫ ദ്വാരക, ഇബ്രാഹിം പള്ളിയാൽ, ഫ്രാൻസിസ് സേവ്യർ എന്നിവർ പ്രസംഗിച്ചു.

കോണ്‍ഗ്രസ് മാർച്ച് നടത്തി

സുൽത്താൻ ബത്തേരി: ബ്രഹ്മഗിരി ഡെവലപ്മെന്‍റ് സൊസൈറ്റിയിൽ പണം നിക്ഷേപിച്ച ബത്തേരി താലൂക്ക് ടീച്ചേഴ്സ് കോപ്പറേറ്റീവ് സൊസൈറ്റിയിലേക്ക് കോണ്‍ഗ്രസ് ബ്ലോക്ക് കമ്മിറ്റിയുടെ നേതൃത്വത്തിൽ മാർച്ച് നടത്തി. ബ്രഹ്മഗിരി സൊസൈറ്റിയിൽ നിക്ഷേപകരുടെ പണം നിക്ഷേപിച്ചത് വഴി തട്ടിപ്പിന് കൂട്ടുനിൽക്കുകയായിരുന്നു സൊസൈറ്റി ചെയ്തതെന്ന് ആരോപിച്ചായിരുന്ന മാർച്ച്. അസംപ്ക്ഷൻ ജംഗ്ഷനിൽ ആരംഭിച്ച മാർച്ച് സൊസൈറ്റിക്ക് മുന്നിൽ പോലീസ് തടഞ്ഞു. തുടർന്ന് നടന്ന പ്രതിഷേധ പരിപാടി ഐ.സി. ബാലകൃഷ്ണൻ എംഎൽഎ ഉദ്ഘാടനം ചെയ്തു. കോണ്‍ഗ്രസ് ബ്ലോക്ക് പ്രസിഡന്‍റ് ഉമ്മർകുണ്ടാട്ടിൽ അധ്യക്ഷത വഹിച്ചു. ഡി.പി. രാജശേഖരൻ, നിസി അഹമ്മദ്, ലയണൽ മാത്യു, അമൽജോയി, ശാലിനി ശിവദാസ്, രാധ രവീന്ദ്രൻ തുടങ്ങിയവർ പ്രസംഗിച്ചു.

സികെആർഎം ബിഎഡ് കോളജിൽ ബിരുദദാനചടങ്ങ്

പുൽപ്പള്ളി: സി.കെ. രാഘവൻ മെമ്മോറിയൽ ബിഎഡ് കോളജിൽ 2023-2025 അധ്യയനവർഷം ബിഎഡ് കോഴ്സ് പൂർത്തീകരിച്ച അധ്യാപക വിദ്യാർഥികളെ ബിരുദദാന ചടങ്ങ് നടത്തി. മടപ്പള്ളി ഗവ. കോളജിലെ പൊളിറ്റിക്കൽ സയൻസ് വിഭാഗം മേധാവി ഡോ.പ്രഫ. അബ്ദുൾ നാസർ ഉദ്ഘാടനം ചെയ്തു. കോളജ് മാനേജർ കെ.ആർ. ജയറാം അധ്യക്ഷത വഹിച്ചു. സികെആർഎം എഡ്യൂക്കേഷണൽ ചാരിറ്റബിൾ ട്രസ്റ്റ് സെക്രട്ടറി കെ.ആർ. ജയരാജ് ബിഎഡ് കോളജ് പ്രിൻസിപ്പൽ അനിൽകുമാർ വൈസ് പ്രിൻസിപ്പൽ പി.ആർ. ഷീനമോൾ പിടിഎ വൈസ് പ്രസിഡന്‍റ് ജെ. അനിൽകുമാർ അധ്യാപകരായ പി.ബി. നീതു. അമന്‍റ സെബാസ്റ്റ്യൻ. അനീഷബീഗം എന്നിവർ പ്രസംഗിച്ചു. വിവിധ യോഗ്യതാപരീക്ഷകളിൽ വിജയം നേടിയ വിദ്യാർഥികളെ ചടങ്ങിൽ മെമന്‍റോ നൽകി അഭിനന്ദിച്ചു.

ഏകദിന ബോധവത്കരണ ശിൽപ്പശാല നടത്തി

പുൽപ്പള്ളി: പുൽപ്പള്ളി ഗ്രാമപ്പഞ്ചായത്ത് 2025-2026 വാർഷിക പദ്ധതിയിലുൾപ്പെടുത്തി പഞ്ചായത്തിന് കീഴിലുള്ള ഹയർസെക്കൻഡറി, ഹൈസ്കൂൾ വിദ്യാർഥികൾക്കായി കരുതാം കൗമാരം ഏകദിന ബോധവത്കരണ ശിൽപ്പശാലയുടെ ഉദ്ഘാടനം വിജയ ഹയർസെക്കൻഡറി സ്കൂൾ മാനേജർ അഡ്വ. പി.സി. ചിത്ര നിർവഹിച്ചു. പഞ്ചായത്ത് പ്രസിഡന്‍റ് ടി.എസ്. ദിലീപ്കുമാർ അധ്യക്ഷത വഹിച്ചു. വൈസ്പ്രസിഡന്‍റ് ശോഭന സുകു, ഗ്രാമപ്പഞ്ചായത്ത് സ്ഥിരംസമിതി അധ്യക്ഷരായ ശ്രീദേവി മുല്ലയ്ക്കൽ, എം.ടി. കരുണാകരൻ, ജോളി നരിതൂക്കിൽ, പഞ്ചായത്ത് സെക്രട്ടറി ജയസുധ, ഐസിഡിഎസ് സൂപ്പർവൈസർ റെജീന ജോർജ്, പി. ലീഷ്മ തുടങ്ങിയവർ പ്രസംഗിച്ചു. കേരള പോലീസ് രംഗീഷ് കടവത്ത് ക്ലാസെടുത്തു.

ഉപജില്ലാ ശാസ്ത്രോത്സവം: അസംപ്ഷൻ എയുപി സ്കൂളിന് വിജയം

സുൽത്താൻ ബത്തേരി: ഉപജില്ലാ ശാസ്ത്രോത്സവത്തിൽ അസംപ്ഷൻ എയുപി സ്കൂളിന് വിജയം. ഗണിതശാസ്ത്രമേള എൽപി, യുപി, ശാസ്ത്രമേള എൽപി, യുപി, സാമൂഹ്യശാസ്ത്രമേള യുപി എന്നീ വിഭാഗങ്ങളിൽ അഞ്ച് ഓവറോൾ ചാന്പ്യൻഷിപ്പുകൾ കരസ്ഥമാക്കിയാണ് ടീം അസംപ്ഷൻ വിജയിച്ചത്. മേളകളിൽ പങ്കെടുത്തവരെയും അവർക്ക് പരിശീലനം നൽകിയ അധ്യാപകരെയും പിടിഎയുടെ നേതൃത്വത്തിൽ അനുമോദിച്ചു. ഹെഡ്മാസ്റ്റർ ഷോജി ജോസഫ്, പിടിഎ പ്രസിഡന്‍റ് ഷിനോജ് പാപ്പച്ചൻ, വൈസ് പ്രസിഡന്‍റ് റ്റിജി ചെറുതോട്ടിൽ, എംപിടിഎ പ്രസിഡന്‍റ് പ്രജിത രവി, വൈസ് പ്രസിഡന്‍റ് ജാസ്മിൻ ഫസൽ, അമീർ അറക്കൽ എന്നിവർ വിജയികളെ അനുമോദിച്ചു.

കടുവയുടെ മുന്നിൽ നിന്നും തലനാരിഴയ്ക്ക് രക്ഷപ്പെട്ട് ബൈക്ക് യാത്രികർ

പുൽപ്പള്ളി: പുൽപ്പള്ളി മാനന്തവാടി റൂട്ടിലെ ജനവാസ മേഖലയോട് ചേർന്ന വനാതിർത്തിലെ കുറിച്ചിപ്പറ്റ കയറ്റത്തിന് സമീപം റോഡിൽ ബൈക്ക് യാത്രക്കാരെ ആക്രമിക്കാനായി പാഞ്ഞടുത്ത് കടുവ. ഇന്നലെ രാവിലെ 8.15ഓടെയാണ് സംഭവം. വീട്ടിമൂലയിൽനിന്നും പയ്യന്പള്ളിയിലെ പണിസ്ഥലത്തേക്ക് ബൈക്കിൽ പോകുന്പോഴായിരുന്നു സംഭവം. കുറിച്ചിപ്പറ്റ കയറ്റത്തിന് സമീപം ബൈക്കിനുപുറകേ കടുവ ചീറിയടുക്കുകയായിരുന്നു. ബൈക്കിന് പുറകിലുണ്ടായിരുന്ന കാർ യാത്രക്കാർ ബഹളമുണ്ടാക്കിയതോടെയാണ് കടുവ പിന്തിരിഞ്ഞത്. വീട്ടിമൂല ഷിജു, പെരുന്പലം രതീഷ് എന്നിവരാണ് കടുവയുടെ മുന്നിൽനിന്നും രക്ഷപെട്ടത്. ഈ റോഡിന് ഇരുവശവും അടിക്കാടുകൾ നിറഞ്ഞുനിൽക്കുന്നതിനാൽ വാഹന യാത്രക്കാർക്കാർക്ക് വന്യമൃഗങ്ങൾ പാതയോരങ്ങളിൽനിൽക്കുന്നത് കാണാൻ സാധിക്കാത്ത സ്ഥിതിയാണ്. കഴിഞ്ഞ ഒരാഴ്ചയ്ക്കിടെ നിരവധിതവണ വാഹനങ്ങൾക്കുനേരേ കടുവ ചീറിയടുത്തിരുന്നു. ജനവാസ മേഖലയോട് ചേർന്ന പ്രദേശമായതിനാൽ ശല്യക്കാരനായ കടുവയെ പിടികൂടി മറ്റുസ്ഥലത്തേക്ക് മാറ്റാനാവശ്യമായ നടപടി വേണമെന്നാണ് നാട്ടുകാരുടെ ആവശ്യം. കഴിഞ്ഞ ദിവസം കുറുവാ ദ്വീപിലേക്ക് പോയ വാഹന യാത്രക്കാരും കടുവയെ കണ്ടിരുന്നു.

കത്തോലിക്ക കോണ്‍ഗ്രസ് അവകാശ സംരക്ഷണയാത്ര 15ന് വയനാട്ടിൽ

കൽപ്പറ്റ: നീതി ഔദാര്യമല്ല അവകാശമാണ് എന്ന മുദ്രാവാക്യവുമായി കത്തോലിക്ക കോണ്‍ഗ്രസ് ഗ്ലോബൽ സമിതി പ്രസിഡന്‍റ് പ്രഫ. രാജീവ് കൊച്ചുപറന്പിൽ നയിക്കുന്ന അവകാശ സംരക്ഷണ യാത്ര 15ന് മാനന്തവാടി രൂപതയിലെ നാല് കേന്ദ്രങ്ങളിൽ സ്വീകരണം നൽകുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. മതേതരത്വം ഭരണഘടന സംരക്ഷണം, ജസ്റ്റീസ് ജെ.ബി. കോശി കമ്മീഷൻ റിപ്പോർട്ട് പ്രസിദ്ധീകരിച്ച് നടപ്പാക്കുക, വന്യമൃഗശല്യത്തിന് ശാശ്വത പരിഹാരം കാണുക, കാർഷിക ഉത്പന്നങ്ങളുടെ ന്യായവില ഉറപ്പാക്കുക, വിദ്യാഭ്യാസ ന്യൂനപക്ഷ അവകാശങ്ങൾ സംരക്ഷിക്കുക എന്നീ വിഷയങ്ങൾ പൊതുസമൂഹവുമായി സംവദിച്ചുകൊണ്ടാണ് യാത്ര നടത്തുന്നത്. 15ന് രാവിലെ 7.30ന് ചുങ്കക്കുന്നിൽ സ്വീകരണം നൽകും. ഫാ. പോൾ കൂട്ടാല ഉദ്ഘാടനം ചെയ്യും. മാത്യു കൊച്ചുതറയിൽ അധ്യക്ഷത വഹിക്കും. ഫാ. ടോമി പുത്തൻപുര പ്രഭാഷണം നടത്തും. രാവിലെ 11ന് കൽപ്പറ്റയിൽ ഫാ. തോമസ് പ്ലാശനാൽ ഉദ്ഘാടനം ചെയ്യും. ഗ്ലോബൽ വൈസ് പ്രസിഡന്‍റ് ഡോ.കെ.പി. സാജു കൊല്ലപ്പള്ളി അധ്യക്ഷത വഹിക്കും. ഫാ. ഷിജു ഐക്കരക്കാനായിൽ പ്രഭാഷണം നടത്തും. ഉച്ചയ്ക്ക് രണ്ടിന് ബത്തേരിയിൽ ഫാ. തോമസ് മണക്കുന്നേൽ ഉദ്ഘാടനം ചെയ്യും. സാജു പുലിക്കോട്ടിൽ അധ്യക്ഷത വഹിക്കും. ഫാ. ജോസഫ് മേച്ചേരിൽ പ്രഭാഷണം നടത്തും. സമാപന സമ്മേളനം വൈകുന്നേരം 4.15ന് ലിറ്റിൽ ഫ്ളവർ സ്കൂൾ ഗ്രൗണ്ടിൽ നിന്ന് റാലിയോട് ആരംഭിക്കും. ഫാ. ജയിംസ് പുത്തൻപറന്പിൽ റാലി ഫ്ളാഗ് ഓഫ് ചെയ്യും. ഗാന്ധി സ്ക്വയറിലെ പൊതു സമ്മേളനം രൂപത വികാരി ജനറാൾ മോണ്‍. പോൾ മുണ്ടോളിക്കൽ ഉദ്ഘാടനം ചെയ്യും. രൂപത പ്രസിഡന്‍റ് ജോണ്‍സണ്‍ തൊഴുത്തുങ്കൽ അധ്യക്ഷത വഹിക്കും. കത്തീഡ്രൽ പള്ളി വികാരി ഫാ. സോണി, ഫാ. ജോബി മുക്കാട്ടുകാവുങ്കൽ, ജനറൽ സെക്രട്ടറി സെബാസ്റ്റ്യൻ പുരക്കൽ, ടി.ജെ. റോബി, റെനിൽ കഴുതാടിയിൽ, അഡ്വ. ഗ്ലാസീസ് ചെറിയാൻ, സേവ്യർ കൊച്ചു കുളത്തിങ്കൽ, ജിജോ മംഗലത്ത്, സുനിൽ പലമറ്റം എന്നിവർ പ്രസംഗിക്കും. ഗ്ലോബൽ നേതാക്കളായ ഫാ. ഫിലിപ്പ് കവിയിൽ, ഡോ. ജോസുകുട്ടി ജെ. ഒഴുകുകയിൽ, അഡ്വ. ടോണി പുഞ്ചിക്കുന്നേൽ, ബെന്നി ആന്‍റണി, ട്രീസ ലിസ് സെബാസ്റ്റ്യൻ എന്നിവർ വിവിധ കേന്ദ്രങ്ങളിൽ വിഷയാവതരണ പ്രഭാഷണം നടത്തും. അവകാശ സംരക്ഷണയാത്ര 24 ന് തിരുവനന്തപുരത്ത് സമാപിക്കും. രൂപതാ പ്രസിഡന്‍റ് ജോണ്‍സണ്‍ തൊഴുത്തുങ്കൽ, ട്രഷറർ സജി ഫിലിപ്പ്, സെക്രട്ടറി ഇ.വി. സജി ഇരട്ടമുണ്ടയ്ക്കൽ എന്നിവർ വാർത്താസമ്മേളനത്തിൽ പങ്കെടുത്തു.

കൽപ്പറ്റ നഗരസഭാ ചെയർമാൻ ടി.ജെ. ഐസക് രാജിവച്ചു

കൽപ്പറ്റ: നഗരസഭാ ചെയർമാൻ ടി.ജെ. ഐസക് രാജിവച്ചു. ജില്ലാ കോണ്‍ഗ്രസ് കമ്മിറ്റി പ്രസിഡന്‍റായി എഐസിസി നിയമിച്ച സാഹചര്യത്തിലാണ് ഐസക് നഗരസഭാ ചെയർമാൻ സ്ഥാനം രാജിവച്ചത്. സംഘടനാപരമായി നിരവധി ഉത്തരവാദിത്വങ്ങളും പാർട്ടിക്കായി പൂർണസമയവും ചെലവഴിക്കേണ്ട സ്ഥാനമാണ് ജില്ലാ കോണ്‍ഗ്രസ് അധ്യക്ഷസ്ഥാനം. നഗരസഭാ ചെയർമാനെന്നത് ഔദ്യോഗികസ്ഥാനവും ഭരണപരമായി നിരവധി ഉത്തരവാദിത്വങ്ങൾ നിറവേറ്റണ്ട സ്ഥാനവുമാണ്. രണ്ട് സ്ഥാനങ്ങളും ഒരുപോലെ കൊണ്ടുപോകുകയെന്നത് പ്രയാസകരമാണ്. ഈ സാഹചര്യത്തിലാണ് നേതൃത്വത്തെ രാജിസന്നദ്ധ അറിയിക്കുകയും അനുമതി ലഭിച്ച സാഹചര്യത്തിൽ രാജിവച്ചതെന്നും ഐസക് പറഞ്ഞു. ഭരണപരമായി യാതൊരുവിധ പ്രയാസങ്ങളും നഗരസഭയിലുണ്ടാവില്ല. താത്കാലിക ചുമതല വൈസ് ചെയർപേഴ്സണ് നൽകിയിട്ടുണ്ടെന്നും അദ്ദേഹം പറഞ്ഞു. 13 കൊല്ലം തുടർച്ചയായി സ്റ്റാൻഡിംഗ് കമ്മിറ്റി ചെയർമാനായും രണ്ട് വർഷം നഗരസഭാ ചെയർമാനായുമിരുന്ന കാലത്ത് ഒട്ടേറെ വികസനപ്രവർത്തനങ്ങൾ നടത്താനായെന്നതിൽ സന്തോഷമുണ്ട്. യാതൊരുവിധ ആരോപണങ്ങളുമില്ലാതെയാണ് ഇക്കാലയളവിലെല്ലാം പ്രവർത്തിച്ചതെന്നും അദ്ദേഹം കൂട്ടിച്ചേർത്തു. നഗരസഭാ സെക്രട്ടറി അലി അസ്ഹറിന് രാജി സമർപ്പിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]