പൂച്ചാ​ക്ക​ൽ: ജീ​വി​തം പ​ച്ച പി​ടി​പ്പി​ക്കാ​ൻ ര​മേ​ശ​ൻ ലോ​ട്ട​റി വി​ൽ​ക്കു​ക​യാ​ണ്. റോ​ഡ​രി​കി​ൽ ഇ​രു​ന്നും കി​ട​ന്നും മു​ട്ടു​കാ​ലിൽനി​ന്നു​മാ​ണ് ടി​ക്ക​റ്റ് വി​ൽ​പ്പന.​ കാ​ലു​ക​ൾ​ക്ക് സ്വാ​ധീ​ന​മി​ല്ലാ​ത്ത ര​മേ​ശ​ന് ടി​ക്ക​റ്റ് വി​ൽ​പ്പ​ന മാ​ത്ര​മാ​ണ് ഉ​പ​ജീ​വ​ന മാ​ർ​ഗം.

അ​ഞ്ചു വ​ർ​ഷം മു​മ്പ് പാ​ണാ​വ​ള്ളി പ​ഞ്ചാ​യ​ത്ത് ഭി​ന്ന​ശേ​ഷി​ക്കാ​ർ​ക്ക് മു​ച്ച​ക്ര സൈ​ക്കി​ൾ ന​ൽ​കു​ന്ന പ​ദ്ധ​തി​യി​ൽ​പ്പെ​ടു​ത്തി ര​മേ​ശ​നും സൗ​രോ​ർ​ജത്തി​ൽ പ്ര​വ​ർ​ത്തി​ക്കു​ന്ന സൈ​ക്കി​ൾ ന​ൽ​കി​യി​രു​ന്നു.

അ​തി​ലാ​യി​രു​ന്ന ലോ​ട്ട​റി വി​ൽ​പ്പ​ന. ഒ​രാ​ഴ്ച​യ്ക്ക് മു​മ്പ് സൈ​ക്കി​ൾ ത​ക​രാ​റി​ലാ​യ​തി​നാ​ൽ വീ​ട്ടി​ൽനി​ന്നും രാ​വി​ലെ​യും വൈ​കു​ന്നേ​രവും ഓ​ട്ടോ​യി​ലാ​ണ് ലോ​ട്ട​റി വി​ൽ​ക്കാ​ൻ എ​ത്തു​ന്ന​ത്.​ പൂച്ചാ​ക്ക​ൽ പ​ഴ​യ​പാ​ലം റോ​ഡ​രി​കി​ൽ പ്ലാ​സ്റ്റി​ക് പായ വി​രി​ച്ച് അ​തി​ലി​രു​ന്നാ​ണ് കച്ചവടം.

കു​റെ നേ​രം മു​ട്ടി​ൽ കു​ത്തി​നി​ന്ന് വി​ൽ​പ്പ​ന ന​ട​ത്തും.​ കാ​ൽ വേ​ദനി​ക്കു​മ്പോ​ൾ ഇ​രു​ന്നും കി​ട​ന്നു​മാ​ണ് വി​ൽ​പ്പ​ന. ഉ​ച്ച​യ്ക്ക് ചോ​റ് കൈയിൽ പി​ടി​ച്ച് കഴിക്കാൻ ര​മേ​ശ​ന് ബു​ദ്ധി​മു​ട്ടാ​ണ്.​ സൈ​ക്കി​ൾ ഉ​ണ്ടാ​യി​രു​ന്ന​പ്പോ​ൾ അ​തി​ലി​രു​ന്ന് ചോ​റു കഴിക്കാൻ സാ​ധി​ക്കു​മാ​യി​രു​ന്നു.​

ഇ​പ്പോ​ൾ പ​ല​പ്പോ​ഴും ചോ​റ് കഴിക്കാ​റി​ല്ല. വ​ഴി​യാ​ത്ര​ക്കാ​ർ വാ​ങ്ങി ന​ൽ​കു​ന്ന പ​ഴം പോ​ലു​ള്ള ഭ​ക്ഷ​ണ​മാ​ണ് ക​ഴി​ക്കു​ന്ന​ത്. ജ​ന്മ​നാ കാ​ലു​ക​ൾ​ക്ക് സ്വാ​ധീ​ന​മി​ല്ലാ​തി​രു​ന്ന ര​മേ​ശ​ൻ പാ​ണാ​വ​ള്ളി പ​ഞ്ചാ​യ​ത്ത് പ​ത്താം വാ​ർ​ഡ് കൊ​ച്ചുപെ​ണ്ണു​വെ​ളി​വീ​ട്ടി​ൽ സ​ഹോ​ദ​ര​ൻ ച​ന്ദ്ര​നോ​ടൊ​പ്പ​മാ​ണ് താ​മ​സി​ക്കു​ന്ന​ത്.​

മ​ഴ വ​ന്നാ​ലും വെ​യി​ൽ കൂ​ടി​യാ​ലും മ​റ്റൊ​രു സ്ഥ​ല​ത്തേക്ക് ഇ​ഴ​ഞ്ഞുനീ​ങ്ങാൻ മാ​ത്ര​മേ പ​റ്റു​ക​യു​ള്ളൂ. ​റോ​ഡി​ലൂ​ടെ ഇ​ഴ​ഞ്ഞ് സ​ഞ്ച​രി​ക്കു​മ്പോ​ൾ മു​ട്ടു​കാ​ലു​ക​ൾ ഉ​ര​ഞ്ഞ് പൊ​ട്ടി ചോ​ര വ​രാ​റു​ണ്ടെ​ങ്കിലും ആ​രോ​ടും യാ​ചി​ക്കാ​തെ സ്വ​ന്ത​മാ​യി അ​ധ്വാനി​ച്ച് ജീ​വി​ക്കാൻ കഴിയുന്നതിൽ രമേശൻ അ​ഭി​മാ​നിക്കുകയാണ്.

ജീവിതക്ലേശത്തിൽ താങ്ങാകാൻ ആരെങ്കിലും സഹായഹസ്തം നീട്ടുമെന്ന പ്രതീക്ഷയിലാണ് രമേശൻ.