മാ​ഞ്ച​സ്റ്റ​ര്‍: തോ​ല്‍വി​യി​ലേ​ക്ക് ത​ള്ളി​വി​ടാ​നു​ള്ള ഇം​ഗ്ലീ​ഷ് ശ്ര​മ​ങ്ങ​ളെ കാ​റ്റി​ല്‍പ്പ​റ​ത്തി, ടീം ​ഇ​ന്ത്യ​യു​ടെ ത്രി​ല്ല​ര്‍ ടൈ. ​ഇം​ഗ്ല​ണ്ടി​ന് എ​തി​രാ​യ നാ​ലാം ടെ​സ്റ്റ് ക്രി​ക്ക​റ്റി​ല്‍ ഒ​ന്നാം ഇ​ന്നിം​ഗ്‌​സി​ല്‍ 311 റ​ണ്‍സ് ലീ​ഡ് വ​ഴ​ങ്ങി​യ​ശേ​ഷ​മാ​ണ് ഇ​ന്ത്യ​യു​ടെ വ​ന്‍മ​തി​ല്‍ ഡി​ഫെ​ന്‍സ്. കെ.​എ​ല്‍. രാ​ഹു​ലും (90) ക്യാ​പ്റ്റ​ന്‍ ശു​ഭ്മാ​ന്‍ ഗി​ല്ലും (103) തു​ട​ങ്ങി​വ​ച്ച പ്ര​തി​രോ​ധം, വാ​ഷിം​ഗ്ട​ണ്‍ സു​ന്ദ​റും (206 പന്തിൽ 101 നോട്ടൗട്ട്) ര​വീ​ന്ദ്ര ജ​ഡേ​യും (185 പന്തിൽ 107 നോട്ടൗട്ട്) ഏ​റ്റെ​ടു​ത്ത് വി​ജ​യി​പ്പി​ച്ചു. സ്കോ​ർ: ഇ​ന്ത്യ 358, 425/4. ഇം​ഗ്ല​ണ്ട് 669.

ഇം​ഗ്ലീ​ഷു​കാ​ർ അ​വ​രു​ടെ ഇ​ടു​ങ്ങി​യ മ​ന​സ് കാ​ണി​ക്കു​ന്ന​തി​നും ഇ​ന്ന​ലെ ഓ​ൾ​ഡ് ട്രാ​ഫോ​ഡ് സാ​ക്ഷ്യം​വ​ഹി​ച്ചു. 138-ാം ഓ​വ​റി​ൽ ഇം​ഗ്ല​ണ്ട് ക്യാ​പ്റ്റ​ൻ ബെ​ൻ സ്റ്റോ​ക്സ്, ര​വീ​ന്ദ്ര ജ​ഡേ​ജ​യോ​ട് സ​മ​നി​ല​യി​ൽ പി​രി​യാ​മെ​ന്ന നി​ർ​ദേ​ശം​വ​ച്ചു. ഇ​ന്ത്യ​ൻ സ്കോ​ർ 400 ക​ട​ക്കു​ക​യോ ജ​ഡേ​ജ​യും വാ​ഷിം​ഗ്ട​ൺ സു​ന്ദ​റും സെ​ഞ്ചു​റി​യി​ൽ എ​ത്തു​ക​യോ അ​പ്പോ​ൾ ചെ​യ്തി​രു​ന്നി​ല്ല. ജ​ഡേ​ജ സെ​ഞ്ചു​റി​യി​ലേ​ക്ക​ടു​ത്ത​പ്പോ​ൾ ഹാ​രി ബ്രൂ​ക്കി​നെ​യാ​ണ് സ്റ്റോ​ക്സ് പ​ന്ത് ഏ​ൽ​പ്പി​ച്ച​തെ​ന്ന​തും ഇം​ഗ്ല​ണ്ടു​കാ​രു​ടെ മ​ന​സ് വ്യ​ക്ത​മാ​ക്കി.

ഇ​തോ​ടെ പ​ര​മ്പ​ര​യി​ലെ അ​ഞ്ചാ​മ​ത്തെ മ​ത്സ​രം നി​ര്‍ണാ​യ​ക​മാ​യി. നാ​ലു ടെ​സ്റ്റ് ക​ഴി​ഞ്ഞ​പ്പോ​ള്‍ 2-1ന് ​ഇം​ഗ്ല​ണ്ട് ലീ​ഡ് ചെ​യ്യു​ന്നു. അ​ഞ്ചാം മ​ത്സ​രം 31ന് ​ഓ​വ​ലി​ല്‍ ന​ട​ക്കും. ഓ​വ​ലി​ല്‍ ജ​യി​ച്ചാ​ല്‍ ഇ​ന്ത്യ​ക്കു പ​ര​മ്പ​ര 2-2 സ​മ​നി​ല​യി​ല്‍ എ​ത്തി​ക്കാം.

ശുഭ്മാൻ ഗി​ല്‍, കെ.എൽ. രാ​ഹു​ല്‍

ര​ണ്ടു വി​ക്ക​റ്റ് ന​ഷ്ട​ത്തി​ല്‍ 174 റ​ണ്‍സ് എ​ന്ന നി​ല​യി​ലാ​ണ് ഇ​ന്ത്യ അ​ഞ്ചാം​ദി​ന​മാ​യ ഇ​ന്ന​ലെ ര​ണ്ടാം ഇ​ന്നിം​ഗ്‌​സ് പു​ന​രാ​രം​ഭി​ച്ച​ത്. നാ​ലാം​ദി​നം അ​വ​സാ​നി​ച്ച​പ്പോ​ള്‍ 87 റ​ണ്‍സു​മാ​യി കെ.​എ​ല്‍. രാ​ഹു​ലും 78 റ​ണ്‍സു​മാ​യി ശു​ഭ്മാ​ന്‍ ഗി​ല്ലു​മാ​യി​രു​ന്നു ക്രീ​സി​ല്‍. സ്‌​കോ​ര്‍ബോ​ര്‍ഡ് തു​റ​ക്കു​ന്ന​തി​നു മു​മ്പു​ത​ന്നെ യ​ശ​സ്വി ജ​യ്‌​സ്വാ​ള്‍, സാ​യ് സു​ദ​ര്‍ശ​ന്‍ എ​ന്നി​വ​രെ ന​ഷ്ട​പ്പെ​ട്ട​ശേ​ഷ​മാ​യി​രു​ന്നു ഗി​ല്ലും രാ​ഹു​ലും ചേ​ര്‍ന്ന് ഇ​ന്ത്യ​യെ ക​ര​ക​യ​റ്റി​യ​ത്.


അ​ഞ്ചാം​ദി​നം പി​ടി​ച്ചു​നി​ന്നാ​ല്‍ സ​മ​നി​ല നേ​ടാ​മെ​ന്ന​തി​നാ​ല്‍ രാ​ഹു​ലും ഗി​ല്ലും ത​ലേ​ദി​വ​സ​ത്തെ തീ​വ്ര​പ​രി​ച​ര​ണം തു​ട​ര്‍ന്നു. സ്‌​കോ​ര്‍ 188ല്‍ ​എ​ത്തി​യ​പ്പോ​ള്‍ രാ​ഹു​ല്‍ പു​റ​ത്ത്. 230 പ​ന്തി​ല്‍ 90 റ​ണ്‍സു​മാ​യാ​ണ് രാ​ഹു​ല്‍ മ​ട​ങ്ങി​യ​ത്. അ​തോ​ടെ 421 പ​ന്തു​ക​ള്‍ നേ​രി​ട്ട് 188 റ​ണ്‍സ് നേ​ടി​യ രാ​ഹു​ല്‍-​ഗി​ല്‍ കൂ​ട്ടു​കെ​ട്ട് അ​വ​സാ​നി​ച്ചു. നേ​രി​ട്ട 228-ാം പ​ന്തി​ല്‍ ശു​ഭ്മാ​ന്‍ ഗി​ല്‍ സെ​ഞ്ചു​റി തി​ക​ച്ചു. ഈ ​പ​ര​മ്പ​ര​യി​ല്‍ ഗി​ല്ലി​ന്‍റെ നാ​ലാം ശ​ത​കം. ടെ​സ്റ്റ് ക​രി​യ​റി​ല്‍ ഒ​മ്പ​താ​മ​ത്തെ​യും. ഗി​ല്ലി​ന്‍റെ പ്ര​തി​രോ​ധം ജോ​ഫ്ര ആ​ര്‍ച്ച​ര്‍ ഭേ​ദി​ച്ചു. 238 പ​ന്തി​ല്‍ 103 റ​ണ്‍സ് നേ​ടി​യ ഗി​ല്ലി​നെ ആ​ര്‍ച്ച​ര്‍ വി​ക്ക​റ്റി​നു പി​ന്നി​ല്‍ സ്മി​ത്തി​ന്‍റെ കൈ​ക​ളി​ല്‍ എ​ത്തി​ച്ചു.

വാഷിംഗ്ടൺ സു​ന്ദ​ര്‍, ജ​ഡേ​ജ

കാ​ല്‍പ​ത്തി​ക്കു​ള്ള പൊ​ട്ട​ല്‍ വ​ക​വ​യ്ക്കാ​തെ ഒ​ന്നാം ഇ​ന്നിം​ഗ്‌​സി​ല്‍ ക്രീ​സി​ലെ​ത്തി​യ ഋ​ഷ​ഭ് പ​ന്ത്, ര​ണ്ടാം ഇ​ന്നിം​ഗ്‌​സി​ലും ക​ളി​ക്കു​മെ​ന്ന് ഇ​ന്ത്യ​ന്‍ ടീം ​വൃ​ത്ത​ങ്ങ​ള്‍ അ​റി​യി​ച്ചി​രു​ന്നു. എന്നാല്‍ പ​രി​ക്കേ​റ്റ പ​ന്തി​ന്‍റെ സ്ഥാ​ന​മാ​യ അ​ഞ്ചാം ന​മ്പ​റി​ല്‍ ക്രീ​സി​ലെ​ത്തി​യ​ത് വാ​ഷിം​ഗ്ട​ണ്‍ സു​ന്ദ​ര്‍. വാ​ഷിം​ഗ്ട​ണ്‍ സു​ന്ദ​റും രവീന്ദ്ര ജഡേജയും 334 പ​ന്ത് നേ​രി​ട്ട് അ​ഭേ​ദ്യ​മാ​യ 203 റ​ൺ​സ് കൂ​ട്ടു​കെ​ട്ടു​ണ്ടാ​ക്കി. നേ​രി​ട്ട 206-ാം പ​ന്തി​ൽ വാ​ഷിം​ഗ്ട​ൺ സു​ന്ദ​ർ ക​ന്നി ടെ​സ്റ്റ് സെ​ഞ്ചു​റി നേ​ടി. 182-ാം പ​ന്തി​ലാ​യി​രു​ന്നു ജ​ഡേ​ജ​യു​ടെ സെ​ഞ്ചു​റി.