പുതുതായി തെരഞ്ഞെടുക്കപ്പെട്ട അംഗങ്ങളെ സത്യപ്രതിജ്ഞ ചെയ്യിക്കുക, സ്പീക്കർ തെരഞ്ഞെടുപ്പിനു നേതൃത്വം വഹിക്കുക എന്നിവയാണ് പ്രോട്ടെം സ്പീക്കറുടെ ചുമതല. പുതിയ സ്പീക്കറെ തെരഞ്ഞെടുക്കുന്നതോടെ പ്രോട്ടെം സ്പീക്കറുടെ പദവി ഇല്ലാതാകും.
കൊടിക്കുന്നിൽ സുരേഷ് എട്ടു തവണ ലോക്സഭാംഗം. 1989ൽ, ഇരുപത്തിയേഴാം വയസിൽ അടൂരിൽനിന്നാണ് കൊടിക്കുന്നിൽ സുരേഷ്(62) ആദ്യമായി ലോക്സഭാംഗമായത്. 1989, 1991, 1996, 1999 തെരഞ്ഞെടുപ്പുകളിൽ അടൂരിൽ വിജയിച്ചു. 2009, 2014, 2019, 2024 തെരഞ്ഞെടുപ്പുകളിൽ മാവേലിക്കരയിൽനിന്നു ലോക്സഭാംഗമായി. 1998ലും 2004ലും അടൂരിൽ പരാജയപ്പെട്ടു. 1989ൽ ലോക്സഭാംഗമായ ആരും ഇത്തവണ ലോക്സഭയിലേക്കു തെരഞ്ഞെടുക്കപ്പെട്ടിട്ടില്ല.
ഭർതൃഹരി മഹ്താബ് ഏഴു തവണ ലോക്സഭാംഗം. 1998ൽ കട്ടക്കിൽനിന്നാണ് ഭർതൃഹരി മഹ്താബ്(66) ആദ്യമായി ലോക്സഭയിലേക്കു തെരഞ്ഞെടുക്കപ്പെട്ടത്. 1999, 2004, 2009, 2014, 2019, 2024 തെരഞ്ഞെടുപ്പുകളിൽ കട്ടക്കിൽ വിജയം ആവർത്തിച്ചു.
ആറു തവണ ബിജെഡി ടിക്കറ്റിൽ വിജയിച്ച ഭർതൃഹരി ഇത്തവണ ബിജെപി സ്ഥാനാർഥിയായിരുന്നു. തുടർച്ചയായി ഏഴു തവണയും വിജയിച്ചുവെന്നതാണ് ഭർതൃഹരിയുടെ നേട്ടം.
വീരേന്ദ്രകുമാർ എട്ടു തവണ തുടർച്ചയായി ലോക്സഭാംഗമായ നേതാവാണ് കേന്ദ്രമന്ത്രി വീരേന്ദ്രകുമാർ(70). 1996, 1998, 1999, 2004 തെരഞ്ഞെടുപ്പുകളിൽ മധ്യപ്രദേശിലെ സാഗറിൽനിന്നു വിജയിച്ചു.
സാഗർ ജനറൽ മണ്ഡലമായതിനെത്തുടർന്ന് വീരേന്ദ്രകുമാർ 2009, 2014, 2019, 2024 തെരഞ്ഞെടുപ്പുകളിൽ ടിക്കംഗഡ് മണ്ഡലത്തിൽനിന്നു ലോക്സഭയിലേക്കു തെരഞ്ഞെടുക്കപ്പെട്ടു.