ന്യൂ​ഡ​ൽ​ഹി: ടോ​ൾ പി​രി​ച്ചി​ട്ടും ഗ​താ​ഗ​ത​ക്കു​രു​ക്ക് ഉ​ണ്ടെ​ങ്കി​ൽ എ​ന്തി​നാ​ണ് ടോ​ൾ പി​രി​വെ​ന്ന് ദേ​ശീ​യ​പാ​ത അ​ഥോ​റി​റ്റി​യോ​ട് (എ​ൻ​എ​ച്ച്എ​ഐ) സു​പ്രീം​കോ​ട​തി.

മ​ണ്ണു​ത്തി - ഇ​ട​പ്പ​ള്ളി ദേ​ശീ​യ​പാ​ത​യി​ലെ പാ​ലി​യേ​ക്ക​ര ടോ​ൾ പി​രി​വു നാ​ലാ​ഴ്ച​ത്തേ​ക്ക് ത​ട​ഞ്ഞ കേ​ര​ള ഹൈ​ക്കോ​ട​തി ഉ​ത്ത​ര​വ് ചോ​ദ്യം ചെ​യ്തു​ള്ള ഹ​ർ​ജി​യി​ൽ വി​ധി​പ​റ​യാ​ൻ മാ​റ്റി​വ​ച്ചു​കൊ​ണ്ടാ​ണ് എ​ൻ​എ​ച്ച്എ​ഐ​ക്ക് സു​പ്രീം​കോ​ട​തിയുടെ രൂ​ക്ഷ​വി​മ​ർ​ശ​നം.

ചീ​ഫ് ജ​സ്റ്റീ​സ് ബി.ആ​ർ. ഗ​വാ​യ്, ജ​സ്റ്റീ​സു​മാ​രാ​യ കെ. ​വി​നോ​ദ് ച​ന്ദ്ര​ൻ, എ​ൻ.​വി. അ​ഞ്ജ​രി​യ തു​ട​ങ്ങി​യ​വ​രു​ടെ ബെ​ഞ്ചാ​ണ് ഹ​ർ​ജി​യി​ൽ വാ​ദം കേ​ട്ട​ത്.
റോ​ഡി​ൽ ഗ​താ​ഗ​ത​ത​ട​സ​മി​ല്ലെ​ന്നു കാ​ണി​ക്കാ​ൻ വാ​ഹ​ന​ങ്ങ​ളി​ല്ലാ​ത്ത ദേ​ശീ​യ​പാ​ത​യു​ടെ വീ​ഡി​യോ എ​ൻ​എ​ച്ച്എ​ഐ ഇ​ന്ന​ലെ കോ​ട​തി​യി​ൽ ഹാ​ജ​രാ​ക്കി.

എ​ന്നാ​ൽ പ​രാ​തി​ക്കാ​ർ 12 മ​ണി​ക്കൂ​ർ ഗ​താ​ഗ​ത ത​ട​സ​മു​ണ്ടാ​യെ​ന്ന പ​ത്ര​വാ​ർ​ത്ത കോ​ട​തി​യു​ടെ ശ്ര​ദ്ധ​യി​ൽ​പ്പെ​ടു​ത്തി. ഇ​ത് ബെ​ഞ്ചി​ലെ മ​ല​യാ​ളി അം​ഗം കൂ​ടി​യാ​യ ജ​സ്റ്റീ​സ് വി​നോ​ദ് ച​ന്ദ്ര​ൻ എ​ൻ​എ​ച്ച്എ​ഐ​ക്ക് വേ​ണ്ടി ഹാ​ജ​രാ​യ സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത​യെ ചൂ​ണ്ടി​ക്കാ​ണി​ച്ചു. ദേ​ശീ​യ​പാ​ത അ​ഥോ​റി​റ്റി ഹാ​ജ​രാ​ക്കി​യ വീ​ഡി​യോ എ​ടു​ക്കാ​ൻ വ​ള​രെ ക്ഷ​മ വേ​ണ​മെ​ന്നും ജ​സ്റ്റീ​സ് അ​ഭി​പ്രാ​യ​പ്പെ​ട്ടു. ഒ​രു ലോ​റി അ​പ​ക​ട​ത്തി​ൽ​പ്പെ​ട്ട​താ​ണ് ഇ​തി​ന് കാ​ര​ണ​മെ​ന്നാ​യി​രു​ന്നു മേ​ത്ത​യു​ടെ വി​ശ​ദീ​ക​ര​ണം.

എ​ന്നാ​ൽ ലോ​റി സ്വ​യം അ​പ​ക​ട​ത്തി​ൽ​പ്പെ​ട്ട​ത​ല്ലെ​ന്നും ദേ​ശീ​യ​പാ​ത​യി​ലെ കു​ഴി​യി​ൽ വീ​ണു​ണ്ടാ​യ അ​പ​ക​ട​മാ​ണെ​ന്നും ജ​സ്റ്റീ​സ് ചൂ​ണ്ടി​ക്കാ​ട്ടി. 65 കി​ലോ​മീ​റ്റ​ർ ദൂ​ര​ത്തി​ന് എ​ത്ര രൂ​പ​യാ​ണ് ടോ​ളാ​യി ഈ​ടാ​ക്കു​ന്ന​തെ​ന്ന് ചീ​ഫ് ജ​സ്റ്റീ​സ് ചോ​ദി​ച്ചു. 150 രൂ​പ​യാ​ണെ​ന്നു മ​റു​പ​ടി ല​ഭി​ച്ച​പ്പോ​ൾ 65 കി​ലോ​മീ​റ്റ​ർ യാ​ത്ര ചെ​യ്യാ​ൻ 12 മ​ണി​ക്കൂ​റെ​ടു​ക്കു​മെ​ങ്കി​ൽ എ​ന്തി​നാ​ണ് സാ​ധാ​ര​ണ​ക്കാ​ർ 150 രൂ​പ ടോ​ളാ​യി ന​ൽ​കു​ന്ന​ത്.


ഒ​രു മ​ണി​ക്കൂ​ർ എ​ടു​ക്കേ​ണ്ട യാ​ത്ര​യ്ക്ക് പ​ക​രം 11 മ​ണി​ക്കൂ​ർ അ​ധി​കം എ​ടു​ക്കു​ക​യും അ​തി​ന് ടോ​ൾ ന​ൽ​കു​ക​യും വേ​ണോ എ​ന്ന് രൂ​ക്ഷ​മാ​യ ഭാ​ഷ​യി​ൽ ചീ​ഫ് ജ​സ്റ്റീ​സ് ദേ​ശീ​യ​പാ​ത അ​ഥോ​റി​റ്റി​യോ​ട് ചോ​ദി​ച്ചു. വൈ​കു​ന്ന​തി​ന​നു​സ​രി​ച്ച് ടോ​ൾ നി​ര​ക്ക് ആ​നു​പാ​തി​ക​മാ​യി കു​റ​യ്ക്ക​ണ​മെ​ന്ന് ബെ​ഞ്ച് അ​ഭി​പ്രാ​യ​പ്പെ​ട്ടു.

ടോ​ൾ നി​ർ​ത്ത​ലാ​ക്കി​യ​തു​മൂ​ല​മു​ണ്ടാ​യ ന​ഷ്‌​ടം ദേ​ശീ​യ​പാ​ത അ​ഥോ​റി​റ്റി​യി​ൽ​നി​ന്ന് ഈ​ടാ​ക്കാ​ൻ ക​രാ​റു​കാ​രാ​യ ഗു​രു​വാ​യൂ​ർ ഇ​ൻ​ഫ്രാ​സ്ട്ര​ക്ച​ർ ലി​മി​റ്റ​ഡി​ന് ഹൈ​ക്കോ​ട​തി അ​നു​മ​തി ന​ൽ​കി​യ​തി​ൽ ആ​ശ​ങ്ക​യു​ണ്ടെ​ന്ന് എ​ൻ​എ​ച്ച്എ​ഐ​ക്കുവേ​ണ്ടി മേ​ത്ത കോ​ട​തി​യി​ൽ പ​റ​ഞ്ഞു.

ദേ​ശീ​യ​പാ​ത ക​ട​ന്നു​പോ​കു​ന്ന ക​വ​ല​ക​ളു​ടെ​യും അ​ണ്ട​ർ​പാ​സു​ക​ളു​ടെ​യും അ​റ്റ​കു​റ്റ​പ്പ​ണി​ക​ൾ​ക്കു​ള്ള ക​രാ​ർ മൂ​ന്നാം ക​ക്ഷി​ക​ൾ​ക്കാ​ണു ന​ൽ​കി​യി​രി​ക്കു​ന്ന​ത്. ഇ​വി​ടെ ഉ​ണ്ടാ​കു​ന്ന ഗ​താ​ഗ​ത ത​ട​സ​ത്തി​ന് പ്ര​ധാ​ന ക​രാ​റു​കാ​രെ കു​റ്റ​പ്പെ​ടു​ത്താ​ൻ സാ​ധി​ക്കി​ല്ലെ​ന്ന് ഗു​രു​വാ​യൂ​ർ ഇ​ൻ​ഫ്രാ​സ്ട്ര​ക്ച​റി​നു വേ​ണ്ടി ഹാ​ജ​രാ​യ മു​തി​ർ​ന്ന അ​ഭി​ഭാ​ഷ​ക​ൻ ശ്യാം ​ദി​വാ​ൻ കോ​ട​തി​യി​ൽ വ്യ​ക്ത​മാ​ക്കി.

റോ​ഡ് ഗ​താ​ഗ​ത​യോ​ഗ്യ​മാ​ണോ എ​ന്ന് ഉ​റ​പ്പാ​ക്കേ​ണ്ട​ത് എ​ല്ലാ ക​ക്ഷി​ക​ളു​ടെ​യും ഉ​ത്ത​ര​വാ​ദി​ത്വ​മാ​ണെ​ന്നാ​ണ് പ​രാ​തി​ക്കാ​ർ കോ​ട​തി​യി​ൽ പ​റ​ഞ്ഞ​ത്. ക​ഴി​ഞ്ഞ​ദി​വ​സം കേ​സ് പ​രി​ഗ​ണി​ച്ച​പ്പോ​ഴും ദേ​ശീ​യ​പാ​ത അ​ഥോ​റി​റ്റി സു​പ്രീം​കോ​ട​തി​യി​ൽ​നി​ന്ന് രൂ​ക്ഷ​വി​മ​ർ​ശ​നം നേ​രി​ട്ടി​രു​ന്നു.