മും​​ബൈ: മ​​ഹാ​​രാ​​ഷ്‌​​ട്ര​​യി​​ൽ ക​​ന​​ത്ത മ​​ഴ​​യെ​​ത്തു​​ട​​ർ​​ന്നു​​ണ്ടാ​​യ അ​​പ​​ക​​ട​​ങ്ങ​​ളി​​ൽ പ​​ത്തു പേ​​ർ മ​​രി​​ച്ചു. ആ​​യി​​ര​​ക്ക​​ണ​​ക്കി​​നു പേ​​രെ സു​​ര​​ക്ഷി​​ത​​സ്ഥാ​​ന​​ങ്ങ​​ളി​​ലേ​​ക്കു മാ​​റ്റി. സം​​സ്ഥാ​​ന​​ത്ത് 14 ല​​ക്ഷം ഏ​​ക്ക​​ർ​​സ്ഥ​​ല​​ത്തെ കൃ​​ഷി ന​​ശി​​ച്ചു.

മും​​ബൈ​​യി​​ലും വി​​ദ​​ർ​​ഭ മേ​​ഖ​​ല​​യി​​ലെ ഗ​​ഡ്ചി​​രോ​​ളി​​യി​​ലും മ​​റാ​​ഠ്‌​​വാ​​ഡ മേ​​ഖ​​ല​​യി​​ലെ നാ​​ന്ദെ​​ഡി​​ലു​​മാ​​ണ് മ​​ഴ​​ക്കെ​​ടു​​തി ഏ​​റ്റ​​വും രൂ​​ക്ഷം. നാ​​ന്ദെ​​ഡി​​ൽ മാ​​ത്രം എ​​ട്ടു പേ​​ർ മ​​രി​​ച്ചു. ഏ​​ഴു പേ​​ർ സ​​ഞ്ച​​രി​​ച്ച ഓ​​ട്ടോ​​റി​​ക്ഷ​​യും ഒ​​രു കാ​​റും ഒ​​ഴു​​കി​​പ്പോ​​യി. പ്ര​​ദേ​​ശ​​വാ​​സി​​ക​​ൾ മൂ​​ന്നു പേ​​രെ ര​​ക്ഷ​​പ്പെ​​ടു​​ത്തി. നാ​​ലു പേ​​ർ​​ക്കാ​​യി തെ​​ര​​ച്ചി​​ൽ ന​​ട​​ന്നു​​വ​​രി​​ക​​യാ​​ണ്.

​ര​​​ണ്ടു ദി​​​വ​​​സ​​​മാ​​​യി പെ​​​യ്യു​​​ന്ന ക​​​ന​​​ത്ത​​​മ​​​ഴ​​​യി​​​ൽ മും​​​ബൈ​​​യി​​​ലെ താ​​​ഴ്ന്ന പ്ര​​​ദേ​​​ശ​​​ങ്ങ​​​ൾ വെ​​​ള്ള​​​ത്തി​​​ന​​​ടി​​​യി​​​ലാ​​​യി. മും​​​ബൈ ന​​​ഗ​​​ര​​​ത്തി​​​ൽ വെ​​​ള്ള​​​ക്കെ​​​ട്ട് രൂ​​​പ​​​പ്പെ​​​ട്ട​​​തോ​​​ടെ മ​​​ണി​​​ക്കൂ​​​റു​​​ക​​​ളോ​​​ളം ഗ​​​താ​​​ഗ​​​തം ത​​​ട​​​സ​​​പ്പെ​​​ട്ടു. ന​​​ഗ​​​ര​​​മ​​​ധ്യ​​​ത്തി​​​ലൂ​​​ടെ ഒ​​​ഴു​​​കു​​​ന്ന മി​​​ഥി ന​​​ദി ക​​​ര​​​ക​​​വി​​​ഞ്ഞ​​​തോ​​​ടെ കു​​​ർ​​​ള​​​യി​​​ൽ​​​നി​​​ന്ന് 350 പേ​​​രെ മാ​​​റ്റി​​​പാ​​​ർ​​​പ്പി​​​ച്ചു.


സ്കൂ​​​ളു​​​ക​​​ൾ, സ​​​ർ​​​ക്കാ​​​ർ സ്ഥാ​​​പ​​​ന​​​ങ്ങ​​​ൾ എ​​​ന്നി​​​വ അ​​​ട​​​ഞ്ഞു​​​കി​​​ട​​​ന്നു. മ​​​ഴ ക​​​ന​​​ത്ത​​​തോ​​​ടെ ബോം​​​ബെ ഹൈ​​​ക്കോ​​​ട​​​തി ഇ​​​ന്ന​​​ലെ ഉ​​​ച്ച​​​ക​​​ഴി​​​ഞ്ഞ് 12.30 വ​​​രെ മാ​​​ത്ര​​​മാ​​​ണ് പ്ര​​​വ​​​ർ​​​ത്തി​​​ച്ച​​​ത്. ലോ​​ക്ക​​ൽ ട്രെ​​യി​​ൻ സ​​ർ​​വീ​​സു​​ക​​ൾ വൈ​​കി. മും​​ബൈ​​യി​​ലെ വി​​വി​​ധ പ്ര​​ദേ​​ശ​​ങ്ങ​​ളി​​ൽ 24 മ​​ണി​​ക്കൂ​​റി​​നി​​ടെ 200 മി​​ല്ലി​​മീ​​റ്റ​​റി​​ലേ​​റെ മ​​ഴ​​യാ​​ണു ല​​ഭി​​ച്ച​​ത്.