മോ​​​സ്കോ/​​​വാ​​​ഷിം​​​ഗ്ട​​​ൺ ഡി​​​സി: ​​​യു​​​ക്രെ​​​യ്ൻ യു​​​ദ്ധം അ​​​വ​​​സാ​​​നി​​​പ്പി​​​ക്കു​​​ന്ന​​​തി​​​നെ​​​ക്കു​​​റി​​​ച്ച് ച​​​ർ​​​ച്ച ചെ​​​യ്യാ​​​നാ​​​യി റ​​​ഷ്യ​​​ൻ പ്ര​​​സി​​​ഡ​​​ന്‍റ് പു​​​ടി​​​നും അ​​​മേ​​​രി​​​ക്ക​​​ൻ പ്ര​​​സി​​​ഡ​​​ന്‍റ് ട്രം​​​പും വ​​​രുംദി​​​വ​​​സ​​​ങ്ങ​​​ളി​​​ൽ കൂ​​​ടി​​​ക്കാ​​​ഴ്ച ന​​​ട​​​ത്തും. ട്രം​​​പാ​​​ണു കു​​​ടി​​​ക്കാ​​​ഴ്ചാ വി​​​ഷ​​​യ​​​ത്തി​​​ൽ ആ​​​ദ്യസൂ​​​ച​​​ന ന​​​ല്കി​​​യ​​​ത്. പി​​​ന്നാ​​​ലെ പു​​​ടി​​​നും ക്രെം​​​ലി​​​ൻ വൃ​​​ത്ത​​​ങ്ങ​​​ളും ഇ​​​ക്കാ​​​ര്യം സ്ഥി​​​രീ​​​ക​​​രി​​​ച്ചു.

യു​​​എ​​​ഇ ആ​​​യി​​​രി​​​ക്കും കൂ​​​ടി​​​ക്കാ​​​ഴ്ചാ വേ​​​ദി​​​യെ​​​ന്നു പു​​​ടി​​​ൻ പ​​​റ​​​ഞ്ഞു. അ​​​ടു​​​ത്ത​​​യാ​​​ഴ്ച കൂ​​​ടി​​​ക്കാ​​​ഴ്ച ന​​​ട​​​ന്നേ​​​ക്കു​​​മെ​​​ന്നു പു​​​ടി​​​ന്‍റെ വി​​​ദേ​​​ശന​​​യ ഉ​​​പ​​​ദേ​​​ഷ്ടാ​​​വ് യൂ​​​റി ഉ​​​ഷ​​​ക്കോ​​​വും പ​​​റ​​​ഞ്ഞു. അ​​​തേ​​​സ​​​മ​​​യം, യു​​​ക്രെ​​​യ്ൻ പ്ര​​​സി​​​ഡ​​​ന്‍റ് വോ​​​ളോ​​​ഡി​​​മി​​​ർ സെ​​​ല​​​ൻ​​​സ്കി ഈ ​​​ഉ​​​ച്ച​​​കോ​​​ടി​​​യി​​​ൽ പ​​​ങ്കെ​​​ടു​​​ക്കാ​​​നു​​​ള്ള സാ​​​ധ്യ​​​ത ഉ​​​ഷ​​​ക്കോ​​​വ് ത​​​ള്ളി​​​ക്ക​​​ള​​​ഞ്ഞു.

ട്രം​​​പി​​​ന്‍റെ പ്ര​​​ത്യേ​​​ക പ്ര​​​തി​​​നി​​​ധി സ്റ്റീ​​​വ് വി​​​റ്റ്കോ​​​ഫ് ബു​​​ധ​​​നാ​​​ഴ്ച മോ​​​സ്കോ​​​യി​​​ലെ​​​ത്തി പു​​​ടി​​​നു​​​മാ​​​യി ച​​​ർ​​​ച്ച ന​​​ട​​​ത്തി​​​യ​​​തി​​​നു പി​​​ന്നാ​​​ലെ​​​യാ​​​ണു കൂ​​​ടി​​​ക്കാ​​​ഴ്ച സം​​​ബ​​​ന്ധി​​​ച്ച ആ​​​ദ്യ അ​​​റി​​​യി​​​പ്പു​​​ണ്ടാ​​​യ​​​ത്. പു​​​ടി​​​നു​​​മാ​​​യി കൂ​​​ടി​​​ക്കാ​​​ഴ്ച ന​​​ട​​​ത്താ​​​ൻ ന​​​ല്ല സാ​​​ധ്യ​​​ത​​​യു​​​ണ്ടെ​​​ന്നു ട്രം​​​പ് പ​​​റ​​​ഞ്ഞു.

യു​​​ക്രെ​​​യ്ൻ പ്ര​​​സി​​​ഡ​​​ന്‍റ് സെ​​​ല​​​ൻ​​​സ്കി​​​യു​​​മാ​​​യും കൂ​​​ടി​​​ക്കാ​​​ഴ്ച ന​​​ട​​​ത്തു​​​മെ​​​ന്നു ട്രം​​​പ് വ്യ​​​ക്ത​​​മാ​​​ക്കി. തു​​​ട​​​ർ​​​ന്ന് മൂ​​​വ​​​രും ചേ​​​ർ​​​ന്നു​​​ള്ള ഉ​​​ച്ച​​​കോ​​​ടി​​​ക്കും സാ​​​ധ്യ​​​ത​​​യു​​​ണ്ടെ​​​ന്ന് ട്രം​​​പ് കൂ​​​ട്ടി​​​ച്ചേ​​​ർ​​​ത്തു.


ഇ​​​ന്ന​​​ലെ യു​​​എ​​​ഇ പ്ര​​​സി​​​ഡ​​​ന്‍റ് മു​​​ഹ​​​മ്മ​​​ദ് ബി​​​ൻ സ​​​യ്യ​​​ദ് അ​​​ൽ ന​​​ഹ്യാ​​​നു​​​മാ​​​യി മോ​​​സ്കോ​​​യി​​​ൽ ച​​​ർ​​​ച്ച ന​​​ട​​​ത്തി​​​യ​​തി​​​നു പി​​​ന്നാ​​​ലെ​​​യാ​​​ണു ട്രം​​​പു​​​മാ​​​യി കൂ​​​ടി​​​ക്കാ​​​ഴ്ച​​​യ്ക്കു തീ​​​രു​​​മാ​​​ന​​​മാ​​യ​​തെ​​​ന്നു പു​​​ടി​​​ൻ അ​​​റി​​​യി​​​ച്ച​​​ത്. സെ​​​ല​​​ൻ​​​സ്കി​​​യു​​​മാ​​​യും കൂ​​​ടി​​​ക്കാ​​​ഴ്ച​​​യ്ക്കു ത​​​യാ​​​റാ​​​ണെ​​​ന്നു പു​​​ടി​​​ൻ പ​​​റ​​​ഞ്ഞെ​​​ങ്കി​​​ലും അ​​​തി​​​നു മു​​​ന്പാ​​​യി ചി​​​ല വ്യ​​​വ​​​സ്ഥ​​​ക​​​ൾ പൂ​​​ർ​​​ത്തി​​​യാ​​​ക്കേ​​​ണ്ട​​​തു​​​ണ്ടെ​​​ന്നും കൂ​​​ട്ടി​​​ച്ചേ​​​ർ​​​ത്തു.

ട്രം​​​പ്-​​​പു​​​ടി​​​ൻ കൂ​​​ടി​​​ക്കാ​​​ഴ്ച​​​യെ പി​​​ന്തു​​​ണ​​​യ്ക്കു​​​ന്ന​​​താ​​​യി യു​​​ക്രെ​​​യ​​​ൻ പ്ര​​​സി​​​ഡ​​​ന്‍റ് സെ​​​ല​​​ൻ​​​സ്കി അ​​​റി​​​യി​​​ച്ചു. അ​​​തേ​​​സ​​​മ​​​യം, വ​​​രു​​​മാ​​​ന​​​മാ​​​ർ​​​ഗ​​​ങ്ങ​​​ൾ നി​​​ല​​​ച്ചാ​​​ലേ റ​​​ഷ്യ സ​​​മാ​​​ധാ​​​ന​​​ത്തെ​​​ക്കു​​​റി​​​ച്ച് ആ​​​ലോ​​​ചി​​​ക്കൂ എ​​​ന്നും സെ​​​ല​​​ൻ​​​സ്കി പ​​​റ​​​ഞ്ഞു.

യു​​​ക്രെ​​​യ്ൻ യു​​​ദ്ധം അ​​​വ​​​സാ​​​നി​​​പ്പി​​​ക്കു​​​ന്ന​​​തി​​​നാ​​​യി പു​​​ടി​​​ന് ട്രം​​​പ് അ​​​നു​​​വ​​​ദി​​​ച്ച സ​​​മ​​​യം ഇ​​​ന്ന് അ​​​വ​​​സാ​​​നി​​​ക്കു​​​ക​​​യാ​​​ണ്. റ​​​ഷ്യ​​​ക്കെ​​​തി​​​രേ ക​​​ടു​​​ത്ത സാ​​​ന്പ​​​ത്തി​​​ക ന​​​ട​​​പ​​​ടി​​​ക​​​ളു​​​ണ്ടാ​​​കു​​​മെ​​​ന്നാ​​​ണു ട്രം​​​പ് ഭീ​​​ഷ​​​ണി മു​​​ഴ​​​ക്കി​​​യി​​​രി​​​ക്കു​​​ന്ന​​​ത്.

റ​​​ഷ്യ​​​യി​​​ൽ​​​നി​​​ന്ന് എ​​​ണ്ണ വാ​​​ങ്ങു​​​ന്ന ഇ​​​ന്ത്യ​​​പോ​​​ലു​​​ള്ള രാ​​​ജ്യ​​​ങ്ങ​​​ൾ​​​ക്കെ​​​തി​​​രേ​​​യും ന​​​ട​​​പ​​​ടി​​​ക​​​ളു​​​ണ്ടാ​​​കും.വി​​​റ്റ്കോ​​​ഫും പു​​​ടി​​​നും ത​​​മ്മി​​​ലു​​​ള്ള കൂ​​​ടി​​​ക്കാ​​​ഴ്ച അ​​​വ​​​സാ​​​നി​​​ച്ച​​​തി​​​നു പി​​​ന്നാ​​​ലെ​​​യാ​​​ണ് ട്രം​​​പ് ഇ​​​ന്ത്യ​​​ക്കു​​​ള്ള ഇ​​​റ​​​ക്കു​​​മ​​​തി​ തീ​​രു​​വ 50 ശ​​​ത​​​മാ​​​ന​​​മാ​​​യി ഉ​​​യ​​​ർ​​​ത്തി​​​യ​​​ത്.