മും​ബൈ: ദീ​പാ​വ​ലി ആ​ഘോ​ഷ​ങ്ങ​ളു​ടെ ഭാ​ഗ​മാ​യു​ള്ള മു​ഹൂ​ര്‍​ത്ത വ്യാ​പാ​ര‍ പ്ര​തീ​ക്ഷ​യി​ൽ നി​ക്ഷേ​പ​ക​ര്‍. ഓ​ഹ​രി വി​പ​ണി​യി​ൽ എ​ല്ലാ വ​ർ​ഷ​വും ദീ​പാ​വ​ലി ദി​ന​ത്തി​ൽ നടക്കുന്ന മു​ഹൂ​ർ​ത്ത വ്യാ​പാ​രം ഇത്തവണ ദീപാവലി ക്കു ശേഷമാണ്.

ഹി​ന്ദു ക​ല​ണ്ട​ർ​പ്ര​കാ​ര​മു​ള്ള പു​തി​യ സാ​മ്പ​ത്തി​ക വ​ര്‍​ഷ​മാ​യ സം​വ​ത് 2082 ന്‍റെ തു​ട​ക്ക​മാ​യ ദീ​പാ​വ​ലി ദി​ന​ത്തി​ൽ നി​ക്ഷേ​പം ന​ട​ത്തു​ന്ന​ത് വ​ര്‍​ഷം മു​ഴു​വ​ന്‍ ഐ​ശ്വ​ര്യ​വും ഭാ​ഗ്യ​വും കൊ​ണ്ടു​വ​രു​മെ​ന്ന വി​ശ്വാ​സ​ത്തി​ലാ​ണ് നി​ക്ഷേ​പ​ക​ർ. പ​തി​റ്റാ​ണ്ടു​ക​ള്‍​ക്കി​ടെ ആ​ദ്യ​മാ​യി സാ​യാ​ഹ്ന​ത്തി​നു മു​ന്പാ​ണ് ഇ​ന്ന​ത്തെ മു​ഹൂ​ര്‍​ത്ത വ്യാ​പാ​രം.

സാ​ധാ​ര​ണ ദി​വ​സ​ങ്ങ​ളി​ലെ​പ്പോ​ലെ​ത​ന്നെ​യാ​ണ് മു​ഹൂ​ർ​ത്ത വ്യാ​പാ​ര​വും ന​ട​ക്കു​ക. എ​ന്നാ​ൽ, സ​മ​യം ഒ​രു മ​ണി​ക്കൂ​റാ​യി നി​ജ​പ്പെ​ടു​ത്തി​യി​രി​ക്കു​ന്നു എ​ന്ന​താ​ണ് വ്യ​ത്യാ​സം.

ദീ​പാ​വ​ലി ദി​ന​ത്തി​ല്‍ ന​ട​ക്കു​ന്ന ഈ ​ഒ​രു മ​ണി​ക്കൂ​ര്‍ പ്ര​ത്യേ​ക വ്യാ​പാ​രം പു​തി​യ നി​ക്ഷേ​പ​ങ്ങ​ളു​ടെ ശു​ഭാ​രം​ഭ​മാ​യാ​ണ് ക​ണ​ക്കാ​ക്ക​പ്പെ​ടു​ന്ന​ത്. ഇ​ത് ഹ്ര​സ്വ​കാ​ല വ്യാ​പാ​ര​ത്തേ​ക്കാ​ള്‍ ദീ​ര്‍​ഘ​കാ​ല നി​ക്ഷേ​പ ല​ക്ഷ്യ​ങ്ങ​ളോ​ടെ സ​മീ​പി​ക്കാ​നാ​ണ് സാ​ന്പ​ത്തി​ക വി​ദ​ഗ്ധ​രു​ടെ ഉ​പ​ദേ​ശം.


മു​ഹൂ​ര്‍​ത്ത വ്യാ​പാ​ര​ത്തി​ന്‍റെ സ​മ​യ​ക്ര​മം: മു​ന്‍​കൂ​ട്ടി​യു​ള്ള വ്യാ​പാ​രം ഉ​ച്ച​യ്ക്ക് 1.30 മു​ത​ല്‍ 1.45 വ​രെ​യും, പ്ര​ധാ​ന വ്യാ​പാ​ര സ​മ​യം 1.45 മു​ത​ല്‍ 2.45 വ​രെ​യും ആ​യി​രി​ക്കും. തു​ട​ര്‍​ന്ന് 3.05 വ​രെ ക്ലോ​സിം​ഗ് സെ​ഷ​നാ​ണ്. നാ​ളെ ബ​ലി​പ്ര​തി​പാ​ദ പ്ര​മാ​ണി​ച്ച് ഓ​ഹ​രി വി​പ​ണി​ക്ക് അ​വ​ധി​യാ​യി​രി​ക്കും.

മു​ഹൂ​ർ​ത്ത വ്യാ​പാ​ര​ത്തി​ൽ സ്വ​ർ​ണ​ത്തി​നും വെ​ള്ളി​ക്കു​മൊ​പ്പം ബാ​ങ്കിം​ഗ് ഫി​നാ​ൻ​സ് ഓ​ഹ​രി​ക​ളി​ലും നി​ക്ഷേ​പ​ക​ർ നോ​ട്ട​മി​ടു​മെ​ന്നാ​ണ് പ്ര​തീ​ക്ഷ.

ഇ​ന്ത്യ​ൻ ഓ​ഹ​രി വി​പ​ണി​ക്ക് കു​തി​പ്പേ​കി​യ ദി​ന​മാ​യി​രു​ന്നു ദീ​പാ​വ​ലി. നി​ഫ്റ്റി 133.30 പോ​യി​ന്‍റ് ഉ​യ​ർ​ന്ന് 25843.15 പോ​യി​ന്‍റി​ലും സെ​ൻ​സെ​ക്സ് 411.18 പോ​യി​ന്‍റ് ക​യ​റി 84363.37ലു​മാ​ണ് വ്യാ​പാ​രം അ​വ​സാ​നി​ച്ച​ത്.