മരം വീണ് ഗതാഗതവും വൈദ്യുതി വിതരണവും തടസപ്പെട്ടു
1429048
Thursday, June 13, 2024 6:32 AM IST
വെഞ്ഞാറമൂട് : മരം കടപുഴകി വീണ് ഗതാഗതവും വൈദ്യുതി വിതരണവും തടസപ്പെട്ടു. മിതൃമ്മല പ്ലാക്കോട് -കടുവാക്കുഴിക്കരയിൽ- പ്ലാക്കോട് നിറുമൺ കടവ് റോഡിലാണ് സമീപത്ത് നിന്ന കൂറ്റൻ അക്ക്വേഷ്യ മരം വൈദ്യുതി ലൈനിലും റോഡിനു കുറുകെയുമായി വീണത്.
ഇതോടെ കമ്പികൾ പൊട്ടി വൈദ്യുതി വിതരണവും ഗതാഗത തടസമുണ്ടാവുകയുമായിരുന്നു. ഒരു മണിക്കൂറേളം സമയം ഇത് രണ്ടും തടസപ്പെട്ടു. തുടർന്ന് വെഞ്ഞാറമൂട് അഗ്നി രക്ഷാ സേനയെത്തി മരം മുറിച്ചു മാറ്റി ഗതാഗതവും വൈദ്യുതി ജീവനക്കാർ കമ്പികൾ മാറ്റി വൈദ്യുതി വിതരണവും പുനസ്ഥാപിച്ചു.