കു​റ്റ്യാ​ടി പീ​ഡ​നം: പോ​ലീ​സ് ഉ​ദാ​സീ​ന​ത​ക്കെ​തി​രേ കേ​സ്
Sunday, September 24, 2023 12:56 AM IST
കോ​ഴി​ക്കോ​ട്: കു​റ്റ്യാ​ടി ക​ക്ക​ട്ടി​ലി​ൽ വി​വാ​ഹം ക​ഴി​ച്ചു കൊ​ണ്ടു​വ​ന്ന ഹൈ​ദ​രാ​ബാ​ദ് സ്വ​ദേ​ശി​നി​ക്ക് ഭ​ർ​തൃ​വീ​ട്ടി​ൽ പീ​ഡ​നം സം​ഭ​വി​ച്ചി​ട്ടും പോ​ലീ​സ് കേ​സെ​ടു​ക്കാ​തെ ഉ​ദാ​സീ​ന​ത കാ​ണി​ച്ചെ​ന്ന പ​രാ​തി​യി​ൽ മ​നു​ഷ്യാ​വ​കാ​ശ ക​മ്മീ​ഷ​ൻ സ്വ​മേ​ധ​യാ കേ​സെ​ടു​ത്തു. കോ​ഴി​ക്കോ​ട് റൂ​റ​ൽ ജി​ല്ലാ പോ​ലീ​സ് മേ​ധാ​വി അ​ന്വേ​ഷ​ണം ന​ട​ത്തി 15 ദി​വ​സ​ത്തി​ന​കം റി​പ്പോ​ർ​ട്ട് സ​മ​ർ​പ്പി​ക്ക​ണ​മെ​ന്ന് ക​മ്മീ​ഷ​ൻ ആ​ക്റ്റിം​ഗ് ചെ​യ​ർ​പേ​ഴ്സ​ണും ജു​ഡീ​ഷ്യ​ൽ അം​ഗ​വു​മാ​യ കെ. ​ബൈ​ജു​നാ​ഥ് ആ​വ​ശ്യ​പ്പെ​ട്ടു.

വീ​ടി​ന്‍റെ മു​ക​ൾ​നി​ല​യി​ൽ ഉ​റ​ങ്ങു​ന്ന​തി​നി​ട​യി​ലാ​ണ് മു​ഖം മൂ​ടി ധ​രി​ച്ച അ​ജ്ഞാ​ത​ൻ യു​വ​തി​യെ ആ​ക്ര​മി​ച്ച​ത്. ഭ​ർ​തൃ​മാ​താ​വും കു​ഞ്ഞു​മാ​ണ് വീ​ട്ടി​ൽ ഉ​ണ്ടാ​യി​രു​ന്ന​ത്. ഞാ​യ​റാ​ഴ്ച പു​ല​ർ​ച്ചെ​യു​ണ്ടാ​യ സം​ഭ​വ​ത്തി​ൽ പോ​ലീ​സ് തെ​ളി​വു​ശേ​ഖ​ര​ണ​ത്തി​ന് എ​ത്തി​യ​ത് ഞാ​യ​റാ​ഴ്ച വൈ​കീ​ട്ടാ​ണെ​ന്നും മൊ​ഴി​യെ​ടു​ക്കാ​ൻ വി​ളി​പ്പി​ച്ച പോ​ലീ​സ് വ​ഴി​യി​ൽ ഇ​റ​ക്കി​വി​ട്ടെ​ന്നും എ​ഫ്ഐ​ആ​റി​ന്‍റെ പ​ക​ർ​പ്പ് ന​ൽ​കി​യി​ല്ലാ​യെ​ന്നും പ​രാ​തി​യി​ൽ പ​റ​യു​ന്നു​ണ്ട്. എ​ന്നാ​ൽ എ​ഫ്ഐ​ആ​ർ ര​ജി​സ്റ്റ​ർ ചെ​യ്തി​ട്ടു​ണ്ടെ​ന്നാ​ണ് പോ​ലീ​സ് പ​റ​യു​ന്ന​ത്. പ്ര​തി​യെ ക​ണ്ടെ​ത്താ​ൻ ക​ഴി​ഞ്ഞി​ട്ടി​ല്ലെ​ന്നും പോ​ലീ​സ് പ​റ​ഞ്ഞു. മാ​ധ്യ​മ വാ​ർ​ത്ത​ക​ളു​ടെ അ​ടി​സ്ഥാ​ന​ത്തി​ലാ​ണ് ന​ട​പ​ടി.

Copyright @ 2022 , Rashtra Deepika Ltd.