ADVERTISEMENT

ADVERTISEMENT

പി.വി സാമി മെമ്മോറിയല്‍ അവാര്‍ഡ് സമര്‍പ്പണം 21ന്

കോഴിക്കോട്: പി.വി സാമി മെമ്മോറിയല്‍ ഇന്‍ഡസ്ട്രിയല്‍ ആന്‍ഡ് സോഷ്യോ കള്‍ച്ചറല്‍ അവാര്‍ഡ് ഡിസ്നി ഇന്ത്യയുടെ സ്ട്രാറ്റജിക് ഉപദേശകനും ഇന്ത്യന്‍ ദൃശ്യമാധ്യമ രംഗത്തെ പ്രമുഖനുമായ കെ. മാധവന് 21ന് സമ്മാനിക്കും. ശ്രീനാരായാണ സെന്‍റിനറി ഹാളില്‍ രാവിലെ 10 ന് മുഖ്യമന്ത്രി പിണറായി വിജയന്‍ പുരസ്‌കാരം സമര്‍പ്പിക്കുമെന്ന് മാനേജിംഗ് ട്രസ്റ്റി പി.വി ചന്ദ്രന്‍ അറിയിച്ചു.

മേയര്‍ ഡോ. ബീനാ ഫിലിപ്പ് പ്രശസ്തി പത്രം സമര്‍പ്പിക്കും. എം.കെ രാഘവന്‍ എംപി പൊന്നാട അണിയിക്കും.ജോണ്‍ ബ്രിട്ടാസ് എംപി, ഇ.ടി മുഹമ്മദ് ബഷീര്‍ എംപി, തോട്ടത്തില്‍ രവീന്ദ്രന്‍ എംഎല്‍എ, ഇ.കെ വിജയന്‍ എംഎല്‍എ, ബിജെപി സംസ്ഥാന ജനറല്‍ സെക്രട്ടറി എം.ടി രമേശ് എന്നിവര്‍ സംബന്ധിക്കും.

പി.വി നിധീഷ്, അഡ്വ.എം.രാജന്‍, പുത്തൂര്‍ മഠം ചന്ദ്രന്‍, കെ.ആര്‍ പ്രമോദ് എന്നിവരും വാര്‍ത്താസമ്മേളനത്തില്‍ സംബന്ധിച്ചു.

ADVERTISEMENT

ചാത്തമംഗലം പഞ്ചായത്ത് വികസന സദസ് സംഘടിപ്പിച്ചു

ചാത്തമംഗലം: സംസ്ഥാന സര്‍ക്കാരിന്‍റെയും പഞ്ചായത്തിന്‍റെയും അഞ്ച് വര്‍ഷത്തെ വികസന നേട്ടങ്ങള്‍ അവതരിപ്പിച്ചും വിലയിരുത്തിയും ചാത്തമംഗലം പഞ്ചായത്ത് വികസന സദസ് ശ്രദ്ധേയമായി. പരിപാടി പി.ടി.എ. റഹീം എംഎല്‍എ ഉദ്ഘാടനം ചെയ്തു. പ്രസിഡന്‍റ് അബ്ദുൾ ഗഫൂര്‍ ഓളിക്കല്‍ അധ്യക്ഷത വഹിച്ചു. ഹരിത കര്‍മസേനയെയും വിവിധ മേഖലകളില്‍ നേട്ടം കൈവരിച്ചവരെയും ചടങ്ങില്‍ ആദരിച്ചു. മോയോട്ട് കടവ്പാലം വഴി ബസ്റൂട്ട് അനുവദിക്കുക, മോയോട്ട് കടവില്‍ കുളിക്കടവ് അനുവദിക്കുക, മുഴുവന്‍ സ്‌കൂളുകളിലും സ്മാര്‍ട്ട് ക്ലാസ് റൂം നിര്‍മിക്കുക, രക്ഷാകര്‍തൃ വിദ്യാഭ്യാസ പദ്ധതികള്‍ ആവിഷ്‌കരിക്കുക തുടങ്ങിയ നിര്‍ദേശങ്ങള്‍ ചര്‍ച്ചയില്‍ ഉയര്‍ന്നു. പഞ്ചായത്ത് സെക്രട്ടറി മിനി ജയ പ്രോഗ്രസ് റിപ്പോര്‍ട്ട് അവതരിപ്പിച്ചു.

സർക്കാരിന്‍റെ വാഗ്ദാന ലംഘനം തുടർക്കഥ: കെപിഎസ്ടിഎ

കോഴിക്കോട്: പൊതുവിദ്യാഭ്യാസ രംഗത്തെ കാതലായ പ്രശ്നങ്ങളിൽ നിന്ന് എൽഡിഎഫ് സർക്കാർ ഒഴിഞ്ഞ് മാറുകയാണെന്നും വാഗ്ദാനലംഘനം തുടർക്കഥയാക്കുകയാണെന്നും കെപിഎസ്ടിഎ സംസ്ഥാന ജനറൽ സെക്രട്ടറി പി.കെ. അരവിന്ദൻ പറഞ്ഞു. കെപിഎസ്ടിഎ കോഴിക്കോട് ജില്ലാ കമ്മിറ്റി സംഘടിപ്പിച്ച ഡിഡിഇ ഓഫീസ് മാർച്ച് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. എൻപിഎസ് പിൻവലിച്ച് സ്റ്റാറ്റ്യൂട്ടറി പെൻഷൻ പദ്ധതി പുനഃസ്ഥാപിക്കുമെന്ന് ഒന്നും രണ്ടും പിണറായി സർക്കാരിന്‍റെ പ്രകടന പത്രികയിൽ വാഗ്ദാനം ചെയ്തിരുന്നു. എന്നാൽ ഇത് നടപ്പാക്കിയില്ല. ഭിന്നശേഷി വിഷയത്തിൽ കോടതി വിധി എല്ലാ സ്കൂളുകൾക്കും ബാധകമാക്കാൻ സർക്കാർ തയാറാകുന്നില്ലെന്നും അദ്ദേഹം പറഞ്ഞു. ജില്ലാ പ്രസിഡന്‍റ് ടി.ടി. ബിനു അധ്യക്ഷത വഹിച്ചു.

കളഞ്ഞുകിട്ടിയ സ്വർണമാല തിരിച്ചുനൽകി

കൂടരഞ്ഞി: കളഞ്ഞു കിട്ടിയ സ്വർണാഭരണം ഉടമസ്ഥയ്ക്കു തിരിച്ചുനൽകി മാതൃകയായി യുവതി. കൂടരഞ്ഞി അങ്ങാടിയിൽ സൽക്കല സ്റ്റുഡിയോയ്ക്ക് സമീപത്തുനിന്നും യാത്രികയായ മരഞ്ചാട്ടി സ്വദേശി ഹസീബ റസാക്കിനാണ് ഒരു പവനോളം തൂക്കം വരുന്ന സ്വർണമാല കളഞ്ഞു കിട്ടിയത്. തുടർന്ന് സൽക്കല സ്റ്റുഡിയോ ഉടമയായ ബെന്നിക്ക് കൈമാറി. പിന്നീട് കൂടരഞ്ഞിയിലെ ജനകീയ കൂട്ടായ്മയായ മൗണ്ട് ഹീറോസിലൂടെ സ്വർണാഭരണം കളഞ്ഞു കിട്ടിയ വിവരം ഉടമ അറിയുകയും ഇവരെ ബന്ധപ്പെടുകയുമായിരുന്നു. മാതൃകാപരമായ പ്രവൃത്തിക്ക് ഹസീബയെ കൂടരഞ്ഞി പഞ്ചായത്ത് കമ്മിറ്റിയുടെ നേതൃത്വത്തിൽ ആദരിച്ചു. പ്രസിഡന്‍റ് ആദർശ് ജോസഫ്, സെക്രട്ടറി സുരേഷ്, വാർഡ് മെമ്പർമാർ, സ്റ്റാഫ് അംഗങ്ങൾ എന്നിവർ ചേർന്ന് ഉപഹാരം നൽകി.

സംരംഭകത്വ പരിശീലനവും വായ്പമേളയും നടത്തി

കൂരാച്ചുണ്ട്: പിന്നോക്ക മതന്യൂനപക്ഷ വിഭാഗങ്ങളുടെ സമഗ്ര ഉന്നമനം ലക്ഷ്യംവച്ച് കേരള സംസ്ഥാന പിന്നോക്ക വിഭാഗം വികസന കോർപറേഷന്‍റെ ആഭിമുഖ്യത്തിൽ കൂരാച്ചുണ്ട് പഞ്ചായത്തിൽ സംരംഭകത്വ പരിശീലനവും വായ്പമേളയും സംഘ‌ിപ്പിച്ചു. പഞ്ചായത്ത് ഹാളിൽവച്ച് നടന്ന പരിപാടി ബ്ലോക്ക് പഞ്ചായത്ത് പ്രസിഡന്‍റ് വി.കെ. അനിത ഉദ്ഘാടനം ചെയ്തു. കൂരാച്ചുണ്ട് പഞ്ചായത്ത് പ്രസിഡന്‍റ് ഒ.കെ. അമ്മദ് അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്‍റ് വിൻസി തോമസ്, സ്ഥിരംസമിതി അംഗങ്ങളായ ഡാർളി ഏബ്രഹാം, സിമിലി ബിജു, ബ്ലോക്ക് പഞ്ചായത്ത് അംഗം വി.കെ. ഹസീന, പഞ്ചായത്ത് അംഗം എൻ.ജെ ആന്‍സമ്മ, സിഡിഎസ് ചെയർപേഴ്സൺ കാർത്തിക വിജയൻ, പഞ്ചായത്ത് സെക്രട്ടറി ഫാത്തിമ നിഷാന, അസിസ്റ്റന്‍റ് സെക്രട്ടറി മനിൽ കുമാർ എന്നിവർ പ്രസംഗിച്ചു. വ്യവസായ വികസന ഓഫീസർ പി. വിപിൻദാസ്, കെഎസ്ബിസിഡിസി ഉദ്യോഗസ്ഥൻ കെ.പി ഗോകുൽദാസ്, കെ. ഷബീബ് എന്നിവർ ക്ലാസുകൾ നയിച്ചു.

കട്ടിപ്പാറ പഞ്ചായത്ത് വികസന സദസ് സംഘടിപ്പിച്ചു‌

താമരശേരി: സർക്കാരിന്‍റെയും ഗ്രാമപഞ്ചായത്തിന്‍റെയും വികസനക്ഷേമ പ്രവർത്തനങ്ങൾ ജനങ്ങൾക്ക് മുന്നിൽ അവതരിപ്പിച്ചും ഭാവി വികസന പ്രവർത്തനങ്ങൾക്കുള്ള അഭിപ്രായങ്ങൾ സ്വരൂപിച്ചും കട്ടിപ്പാറ പഞ്ചായത്ത് വികസന സദസ്. പഞ്ചായത്ത് കോൺഫറൻസ് ഹാളിൽ നടന്ന പരിപാടി ജില്ലാ പഞ്ചായത്ത് പ്രസിഡന്‍റ് ഷീജ ശശി ഉദ്ഘാടനം ചെയ്തു. വന്യമൃഗ ശല്യത്തിന് പരിഹാരം കാണുക, പഞ്ചായത്തിനെ വയോജന സൗഹൃദമാക്കുക, കാൻസർ കെയർ പദ്ധതി നടപ്പാക്കുക തുടങ്ങിയ നിർദേശങ്ങൾ സദസിൽ ഉയർന്നു. ചടങ്ങിൽ സ്ഥിരം സമിതി ചെയർപേഴ്സൺ ബേബി രവീന്ദ്രൻ അധ്യക്ഷത വഹിച്ചു. ബ്ലോക്ക്‌ പഞ്ചായത്ത് അംഗം നിധീഷ് കല്ലുള്ളതോട്, പഞ്ചായത്ത് അംഗങ്ങളായ സൈനബ നാസർ, വിഷ്ണു സി. വത്സൻ, അനിത രവീന്ദ്രൻ, സീന സുരേഷ്, വി.പി. സുരജ, പഞ്ചായത്ത് സെക്രട്ടറി എം.പി. നൗഷാദ് അലി, അസി. സെക്രട്ടറി ടി.വി. ശ്രീകുമാർ, റിസോഴ്സ് പേഴ്സൺ രൻജീഷ്, രാഷ്ട്രീയ പാർട്ടി പ്രതിനിധികൾ എന്നിവർ പങ്കെടുത്തു.

രാഷ്ട്രീയ ശാക്തീകരണത്തിലൂടെ മാത്രമേ ദളിതരുടെ പ്രശ്നങ്ങൾക്ക് പരിഹാരമുള്ളൂ: പി. രാമഭദ്രൻ

പേരാമ്പ്ര: രാഷ്ട്രീയ ശാക്തീകരണത്തിലൂടെ മാത്രമേ ദളിതരുടെയും പിന്നോക്ക വിഭാഗങ്ങളുടെയും മറ്റ് പാർശ്വവൽകൃത ജനവിഭാഗങ്ങളുടെയും അടിസ്ഥാന പ്രശ്നങ്ങൾക്ക് പരിഹാരം കാണാൻ കഴിയുകയുള്ളൂവെന്ന് കേരള ദളിത് ഫെഡറേഷൻ (കെഡിഎഫ്) സംസ്ഥാന പ്രസിഡന്‍റ് പി. രാമഭദ്രൻ പറഞ്ഞു. കെഡിഎഫ് ജില്ലാ കൺവൻഷൻ പേരാമ്പ്രയിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സമൂഹത്തിന്‍റെ അടിത്തട്ടിലുള്ള ജനങ്ങളുടെ ഒട്ടേറെ ജീവിത പ്രശ്നങ്ങൾക്ക് ഇനിയും പരിഹാരം തേടേണ്ടതായിട്ടുണ്ട്. ഇതിന് സാമൂഹ്യ മുന്നേറ്റത്തിലൂടെയുള്ള പ്രവർത്തനങ്ങളാണ് അനിവാര്യമായിട്ടുള്ളത്. സാമൂഹ്യ മുന്നേറ്റത്തിലൂടെ രാഷ്ട്രീയ ശാക്തീകരണം എന്ന ആശയം ശക്തിപ്പെട്ടുവരികയാണ്. എല്ലാ തലങ്ങളിൽ നിന്നും വമ്പിച്ച പിന്തുണയാണിതിന് ലഭിക്കുന്നതെന്ന് അദ്ദേഹം കൂട്ടിച്ചേർത്തു. കെ‌ഡി‌എഫ് സംസ്ഥാന വൈസ് പ്രസിഡന്‍റ് കെ.കെ. ബാലകൃഷ്ണൻ നമ്പ്യാർ അധ്യക്ഷത വഹിച്ചു. എൻ.എസ്. കുമാർ, അഡ്വ. സി. ഭാസ്കരൻ, കെ.പി. റൂഫാസ്, ശ്രീധരൻ മൂടാടി, ദാമോദരൻ കോഴഞ്ചേരി, എം.പി. ബാബു, പി.സി. തങ്കമ്മ, സി.കെ. മണി എന്നിവർ പ്രസംഗിച്ചു.

അനധികൃത മണല്‍ കടത്ത്; വാഹനങ്ങൾ പിടികൂടി

കോഴിക്കോട്: മാവൂർ പോലീസ് സ്റ്റേഷന്‍ പരിധിയിലെ കല്പള്ളി (വാലുമ്മല്‍) കടവില്‍ നിന്നും കായലം പള്ളിത്താഴം കടവില്‍നിന്നും അനധികൃതമായി കടത്തുകയായിരുന്ന മണല്‍ പിടികൂടി. രണ്ട് ടിപ്പര്‍ ലോറികള്‍ പിടിച്ചെടുത്തു. വാഴക്കാട് സ്വദേശിയായ മുഹമ്മദ് ഫായിസിന്‍റെ ഉടമസ്ഥതയിലുള്ള ടിപ്പര്‍ ലോറിയും മാവൂര്‍ സ്വദേശിയായ ജംഷീറലിയുടെ ഉടമസ്ഥതയിലുള്ള ടിപ്പര്‍ ലോറിയുമാണ് പിടികൂടിയത്. പോലീസിനെ കണ്ട് ലോറിയില്‍ ഉണ്ടായിരുന്നവര്‍ ഓടി രക്ഷപ്പെട്ടു.

കൂരാച്ചുണ്ടിലെ പൊതുശ്മശാനം; ടെൻഡർ നടപടികൾ വൈകുന്നു

ജനകീയ സമിതി വീണ്ടും സമരത്തിലേക്ക് കൂരാച്ചുണ്ട്: പൊന്നുണ്ടമലയിലെ നിർദിഷ്ട പൊതുശ്മശാന ഭൂമിയിൽ ആധുനിക വാതക ശ്മശാനം നിർമിക്കുന്നതിന് കിഫ്ബി മുഖേന രണ്ടരക്കോടിയോളം രൂപ സർക്കാർ ഭരണാനുമതി നൽകി ഉത്തരവ് പുറപ്പെടുവിച്ചിട്ടും പദ്ധതിയുടെ ടെൻഡറിന് ആവശ്യമായ നടപടികൾ വൈകിപ്പിക്കുന്ന പഞ്ചായത്ത് ഭരണസമിതിക്കെതിരേ വീണ്ടും പൊതുശ്മശാനം ജനകീയ സമരസമിതി രംഗത്തിറങ്ങുന്നു. 25ന് പഞ്ചായത്ത് ഓഫീസ് ഉപരോധിക്കാൻ തീരുമാനിച്ചതായി ഭാരവാഹികളായ അശോകൻ കുറുങ്ങോട്ട്, ഒ.ഡി തോമസ്, കെ.കെ.ബാലകൃഷ്ണൻ, ഗോപാലകൃഷ്ണൻ തോട്ടാത്ത്, എൻ.പി. ദാമോദരൻ എന്നിവർ വാർത്താ സമ്മേളനത്തിൽ അറിയിച്ചു. 2018-ൽ ശുചിത്വമിഷൻ രൂപകൽപ്പന ചെയ്ത വാതക ശ്മശാനം നിർമിക്കുന്നതിന് 60 ലക്ഷം രൂപയുടെ പ്രൊപ്പോസൽ സർക്കാരിന് പഞ്ചായത്ത് സമർപ്പിച്ചിരുന്നു. എന്നാൽ പ്രവൃത്തി തുടങ്ങിയെന്ന ഒരു ബോർഡ് നിർദിഷ്ട ഭൂമിയിൽ സ്ഥാപിച്ചതല്ലാതെ ഒരു പ്രവർത്തനവും നടത്തിയില്ല. തുടർന്ന് ജനകീയ സമരസമിതി എംഎൽഎ മുഖേന വകുപ്പ് മന്ത്രി, മുഖ്യമന്ത്രി എന്നിവരുമായി ബന്ധപ്പെട്ടതിനെ തുടർന്ന് ആധുനിക രീതിയിയുള്ള വാതക ശ്മശാനം നിർമിക്കാൻ രണ്ടരക്കോടിയോളം രൂപ അനുവദിച്ച് സർക്കാർ ഭരണാനുമതി നൽകുകയായിരുന്നു. ഇതിനായി ഊരാളുങ്കൽ ലേബർ കോൺട്രാക്ട് സൊസൈറ്റിക്ക് രണ്ട് ലക്ഷം രൂപ നൽകിയാണ് പദ്ധതിയുടെ ഡിപിആർ തയാറാക്കിയത്. പിന്നീട് പദ്ധതിക്ക് ആവശ്യമായ എല്ലാ രേഖകളും പഞ്ചായത്ത് കഴിഞ്ഞ മാർച്ചിൽ പ്രവൃത്തിയുടെ മേൽനോട്ടം വഹിക്കുന്ന ഇംപാക്ട് കേരളയ്ക്ക് സമർപ്പിച്ചിട്ടുണ്ടെന്ന് പഞ്ചായത്ത് സെക്രട്ടറി സമരസമിതിയെ അറിയിക്കുകയും ചെയ്തു. എന്നാൽ മാസങ്ങൾ പിന്നിട്ടിട്ടും ടെൻഡർ നടപടിയോ പ്രവൃത്തി ഉദ്ഘാടനമോ ചെയ്തിട്ടില്ല. പൊതുശ്മശാനം യാഥാർഥ്യമാകാൻ പഞ്ചായത്ത് അധികൃതർ മുന്നിട്ടിറങ്ങണമെന്നാണ് ജനകീയ സമര സമിതി ആവശ്യപ്പെടുന്നത്.

റബറിന് 250 രൂപ തറവില നിശ്ചയിക്കണം: കേരള കോണ്‍ഗ്രസ്-എം

കോഴിക്കോട്: കൃഷിച്ചെലവും കൂലിയും വര്‍ധിക്കുകയും ഉത്പാദനം കുറയുകയും ചെയ്ത സാഹചര്യത്തില്‍ ദുരിതത്തിലായ കര്‍ഷകരെ രക്ഷിക്കാന്‍ റബറിന് കിലോഗ്രാമിന് 250 രൂപ തറവില നിശ്ചയിക്കണമെന്ന് കേരള കോണ്‍ഗ്രസ്-എം കോഴിക്കോട് ജില്ലാ കമ്മിറ്റി യോഗം ആവശ്യപ്പെട്ടു. പ്രസിഡന്‍റ് ടി.എം. ജോസഫ് അധ്യക്ഷത വഹിച്ചു. കെ.എം. പോള്‍സണ്‍, വിനോദ് കിഴക്കയില്‍, ജോസഫ് വെട്ടുകല്ലേല്‍, സുരേന്ദ്രന്‍ പാലേരി, റുഖിയ ബീവി, ബേബി പൂവത്തിങ്കല്‍, ഷാജു ജോര്‍ജ്, നിഷാന്ത് ജോസ്, വില്യം കെ. തോമസ്, ബാസിദ് ചേലക്കോട്, എ. ഭക്തോത്തമന്‍, സിജോ വടക്കേന്‍തോട്ടം, നൗഷാദ് ചെമ്പ്ര, സാബു എടാട്ട്കുന്നേല്‍, സെബാസ്റ്റ്യന്‍ അന്തിനാട്ട്, ഷിനോജ് പുളിയോളി, അബ്ദുള്‍ റസാക് മായനാട്, രതീഷ് വടക്കേടത്ത്, സിറിയക് മാത്യു, കെ. എം. അനുഷ എന്നിവര്‍ പ്രസംഗിച്ചു.

"നടപ്പാതകളിലെ കൈയേറ്റം ഉടൻ ഒഴിപ്പിക്കണം'

കോഴിക്കോട്: നഗരത്തിലെ നടപ്പാതകളിലുള്ള എല്ലാ കൈയേറ്റങ്ങളും ഉടൻ ഒഴിപ്പിക്കണമെന്ന് മനുഷ്യാവകാശ കമ്മീഷൻ. ജില്ലാ പോലീസ് മേധാവിക്കും നഗരസഭാ സെക്രട്ടറിക്കുമാണ് ജുഡീഷൽ അംഗം കെ. ബൈജുനാഥ് നിർദേശം നൽകിയത്. ഉത്തരവ് നടപ്പിലാക്കാതിരുന്നാൽ മനുഷ്യാവകാശ സംരക്ഷണ നിയമത്തിലെ സെക്‌ഷൻ 18 പ്രകാരം ബന്ധപ്പെട്ട ഉദ്യോഗസ്ഥർക്കെതിരേ നടപടി സ്വീകരിക്കും. കാൽനടയാത്രക്കാരുടെ സഞ്ചാര സ്വാതന്ത്ര്യം ഇല്ലാതാക്കുന്ന തരത്തിൽ നടപ്പാതാ കൈയേറ്റം ഉണ്ടായിട്ടും നഗരസഭയും പോലീസും ഫലപ്രദവും കർശനവുമായ നടപടി സ്വീകരിക്കാത്തത് തങ്ങളിൽ നിക്ഷിപ്തമായ ഉത്തരവാദിത്വം നിർവഹിക്കുന്നതിലുള്ള വീഴ്ചയാണെന്ന് ഉത്തരവിൽ പറഞ്ഞു. കാൽനടയാത്രക്കാർക്കുള്ള ഭരണഘടനാപരമായ അവകാശം സംരക്ഷിക്കാൻ നിയമപാലകർക്ക് ഉത്തരവാദിത്വമുണ്ടെന്നും ഉത്തരവിൽ പറഞ്ഞു. തടസ രഹിതമായ നടപ്പാതകൾ യാത്രക്കാരുടെ ഭരണഘടനാപരമായ അവകാശമാണെന്ന സുപ്രീം കോടതിയുടെ ഉത്തരവ് കമ്മീഷൻ എടുത്തു പറഞ്ഞു. ജില്ലാ പോലീസ് മേധാവിയും നഗരസഭാ സെക്രട്ടറിയും കമ്മീഷൻ ഉത്തരവ് നടപ്പിലാക്കി മൂന്നാഴ്ചക്കുള്ളിൽ നടപടി റിപ്പോർട്ട് സമർപ്പിക്കണമെന്ന് കമ്മീഷൻ ആവശ്യപ്പെട്ടു. നവംബർ 25 ന് കോഴിക്കോട് പൊതുമരാമത്ത് റസ്റ്റ് ഹൗസിൽ നടക്കുന്ന സിറ്റിംഗിൽ കേസ് പരിഗണിക്കും.

കോട്ടപ്പറമ്പ് ആശുപത്രിയിലേക്ക് ഉപകരണങ്ങള്‍ നല്‍കി

കോഴിക്കോട്: ഐഡിബിഐ ബാങ്കിന്‍റെ സിഎസ്ആര്‍ ഫണ്ട് ഉപയോഗിച്ച് കോട്ടപ്പറമ്പ് സ്ത്രീകളുടെയും കുട്ടികളുടെയും സര്‍ക്കാര്‍ ആശുപത്രിയില്‍ മൂന്നുലക്ഷം രൂപയുടെ ആശുപത്രി ഉപകരണങ്ങള്‍ വിതരണം ചെയ്തു. ഹോട്ട് എയര്‍ ഓവന്‍ , സെന്‍ട്രിഫ്യൂജ് 24 വെല്‍, ഇലക്ട്രോലൈറ്റ് അനലൈസര്‍, ഇഎസ്ആര്‍ അനലൈസര്‍ എന്നിവ ഐഡിബിഐ ബാങ്ക് സീനിയര്‍ റീജണല്‍ ഹെഡ് എം.സി. സുനില്‍ കുമാറില്‍ നിന്ന് ആശുപത്രി ഡെപ്യൂട്ടി സൂപ്രണ്ട് ഡോ. പി.പി. പ്രമോദ് കുമാര്‍ ഏറ്റുവാങ്ങി. ലേ സെക്രട്ടറി ആര്‍. ഹേമ, സ്റ്റോര്‍ സൂപ്രണ്ട് ഒ.അനില്‍, പിആര്‍ഒ ഇ. സിതാര തുടങ്ങിയവര്‍ പ്രസംഗിച്ചു.

കലാ സാഹിത്യ മേഖലയിലുള്ളവർക്ക് പ്രത്യേക പദ്ധതിയുമായി കൊടിയത്തൂർ

പന്നിക്കോട്: കല, സാഹിത്യം, സംഗീത രംഗത്തുള്ളവരെ പരിപോഷിപ്പിക്കുന്നതിനും ഈ മേഖലയിലുള്ളവർക്ക് ക്ഷേമ പദ്ധതികളും അവശത നേരിടുന്നവർക്ക് സാമ്പത്തിക സഹായവും നൽകുന്നതിനുമുള്ള നവീന പദ്ധതി ആവിഷ്കരിച്ച് കൊടിയത്തൂർ പഞ്ചായത്ത്. ഈ മേഖലയിലുള്ളവർ പലപ്പോഴും സാമ്പത്തിക പ്രയാസമനുഭവിക്കുന്നതും ഇതിന്‍റെ പേരിൽ കഴിവുകൾ പ്രകടിപ്പിക്കുന്നതിന് അവസരങ്ങൾ നഷ്ടമാവുകയും ചെയ്യുന്നത് ശ്രദ്ധയിൽ പെട്ടസാഹചര്യത്തിലാണ് പ്രാദേശിക കലാകാരൻമാർക്ക് പഞ്ചായത്ത് സഹായവുമായെത്തുന്നത്. ഇതിന്‍റെ ഭാഗമായി പന്നിക്കോട് എയുപി സ്കൂളിൽ അപേക്ഷ ഫോം വിതരണവും രജിസ്ട്രേഷനും നടന്നു. നൂറോളം പേർ രജിസ്ട്രേഷൻ പൂർത്തിയാക്കി. പരിപാടി പഞ്ചായത്ത് പ്രസിഡന്‍റ് ദിവ്യ ഷിബു ഉദ്ഘാടനം ചെയ്തു. ഗാനഭൂഷണം ശിവൻ ഉച്ചക്കാവിൽ മുഖ്യാതിഥിയായി. രജിസ്ട്രേഷൻ ഫോം വിതരണ ഉദ്ഘാടനം കലാഭവൻ ബാലുവിന് നൽകി അദ്ദേഹം നിർവഹിച്ചു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ബാബു പൊലുകുന്നത്ത് അധ്യക്ഷത വഹിച്ചു. വൈസ് പ്രസിഡന്‍റ് ഫസൽ കൊടിയത്തൂർ ശിവനെ ആദരിച്ചു. മുക്കം പ്രസ്ക്ലബ് പ്രസിഡന്‍റ് സി. ഫസൽ ബാബു, ബഷീർ പാലാട്ട്, രാകേഷ് ചെറുവാടി, അശോകൻ ഇരുപ്പയിൽ, ഹരിദാസ് കുനുർ, സുധി ചെറുവാടി, സുജിത് ഉച്ചക്കാവിൽ എന്നിവർ പ്രസംഗിച്ചു.

കേരളത്തെ പശ്ചാത്തല വികസന ഹബ്ബാക്കി മാറ്റും: മന്ത്രി റിയാസ്

വിഷന്‍ 2031; പൊതുമരാമത്ത് വകുപ്പ് നയരേഖ മന്ത്രി അവതരിപ്പിച്ചു കോഴിക്കോട്: സംസ്ഥാനം 75-ാം വര്‍ഷത്തിലേക്ക് കടക്കുന്ന 2031-ല്‍ രാജ്യത്തെ ഏറ്റവും മികച്ച പശ്ചാത്തല സൗകര്യമുള്ള സംസ്ഥാനമായി കേരളത്തെ മാറ്റുക എന്നതാണ് സര്‍ക്കാര്‍ ലക്ഷ്യമെന്ന് മന്ത്രി പി.എ. മുഹമ്മദ് റിയാസ്. വിഷന്‍ 2031-ന്‍റെ ഭാഗമായി കോഴിക്കോട് ബീച്ചിലെ ആസ്പിന്‍ കോര്‍ട്ട് യാര്‍ഡില്‍ സംഘടിപ്പിച്ച പൊതുമരാമത്ത് വകുപ്പ് സെമിനാറില്‍ വകുപ്പിന്‍റെ വികസന നയരേഖ അവതരിപ്പിച്ച് സംസാരിക്കുകയായിരുന്നു മന്ത്രി. 2031 ല്‍ പശ്ചാത്തല വികസനത്തിന്‍റെ ഹബാക്കി കേരളത്തെ ഉയര്‍ത്തുക എന്ന ലക്ഷ്യത്തിലെത്താനാണ് സര്‍ക്കാര്‍ പ്രവര്‍ത്തിക്കുന്നതെന്നും മന്ത്രി പറഞ്ഞു. രാജ്യത്ത് മികച്ച റോഡ് ശൃംഖലയുള്ള സംസ്ഥാനമാണ് കേരളം. അതേസമയം വാഹനസാന്ദ്രതയും ഏറ്റവും കൂടുതലാണെന്ന് മന്ത്രി ചൂണ്ടിക്കാട്ടി. ഗ്രാമീണ മേഖലയിലടക്കം ബിഎം- ബിസി റോഡുകള്‍ പണിത് പശ്ചാത്തല വികസനത്തിലൂടെ ജനജീവിതം വികസനത്തിലേക്ക് എത്തിക്കാന്‍ കേരളത്തിനായി. കുതിരാന്‍ ടണല്‍, മൂന്നാര്‍-ബോഡിമെട്ട്, നാട്ടുകാല്‍-താണാവ് എന്നീ ദേശീയപാത വികസന പ്രവൃത്തികളും പൂര്‍ത്തീകരിച്ചു. ദേശീയപാത 85ല്‍ കൊച്ചി-മൂന്നാര്‍ 125 കിലോ മീറ്റര്‍ പാതാനവീകരണം പുരോഗമിക്കുകയാണെന്ന് മന്ത്രി പറഞ്ഞു. കേരളത്തിന്‍റെ സമഗ്രമായ വികസനം ലക്ഷ്യമാക്കി തിരുവനന്തപുരം ഔട്ടര്‍ റിംഗ് റോഡ്, എറണാകുളം ബൈപാസ്, കൊല്ലം ചെങ്കോട്ട ഗ്രീന്‍ ഫീല്‍ഡ്, കോഴിക്കോട്-പാലക്കാട് ഗ്രീന്‍ഫീല്‍ഡ് പാതാ എന്നീ പ്രവൃത്തികള്‍ ആരംഭിക്കുന്നതിനാണ് വകുപ്പ് അടിയന്തര പ്രാധാന്യം നല്‍കുന്നത്. ഈ പദ്ധതികളില്‍ ജിഎസ്ടി വിഹിതവും റോയല്‍റ്റിയും ഒഴിവാക്കി സംസ്ഥാന പങ്കാളിത്തം ഉറപ്പാക്കിയിട്ടുണ്ട്. അതോടൊപ്പം തൃശൂര്‍ - ഇടപ്പള്ളി ദേശീയപാതാ ആറുവരി വികസനം, എന്‍എച്ച് 766 (കോഴിക്കോട് -മുത്തങ്ങ), എന്‍എച്ച് 185ല്‍ അടിമാലി-കുമളി, എന്‍എച്ച് 183ല്‍ മുണ്ടക്കയം -കുമളി എന്നീ പാതകളുടെ നവീകരണം സാധ്യമാക്കുന്നതിനുള്ള ഇടപെടലും നടത്തുന്നതായും മന്ത്രി പറഞ്ഞു. ദേശീയപാതാ അഥോറിറ്റി പദ്ധതിരേഖ തയാറാക്കുന്ന രാമനാട്ടുകര -കോഴിക്കോട് എയര്‍പോര്‍ട്ട് റോഡ്, കണ്ണൂര്‍ വിമാനത്താവള റോഡ് (ചൊവ്വ - മട്ടന്നൂര്‍), കൊടൂങ്ങല്ലൂര്‍-അങ്കമാലി, ഫോര്‍ട്ട് വൈപ്പിന്‍ മത്സ്യഫെഡ് ടൂറിസ്റ്റ് ഓഫീസ് റോഡ്, കോതമംഗലം മൂവാറ്റുപുഴ ബൈപാസ് എന്നിവ യാഥാര്‍ഥ്യമാക്കാൻ ലക്ഷ്യമിടുന്നതായി മന്ത്രി പറഞ്ഞു.

സയന്‍സിന്‍റെ വിസ്മയലോകം തുറന്ന് സയന്‍സ് ഫെസ്റ്റ്

കോഴിക്കോട്: സയന്‍സിന്‍റെ വിസ്മയ ലോകം ആഘോഷമാക്കി ഹൈലൈറ്റ് മാള്‍ സംഘടിപ്പിക്കുന്ന സയന്‍സ് ഫെസ്റ്റില്‍ കുട്ടികളുടെ നിറഞ്ഞ പങ്കാളിത്തം. ഇന്നലെ മാളില്‍ ആരംഭിച്ച സയന്‍സ്ഫെസ്റ്റില്‍ അറിവിന്‍റെ അദ്ഭുത ലോകം തുറക്കാന്‍ നിരവധി കുട്ടികളെത്തി. ലേസര്‍ സെന്‍സര്‍, അള്‍ട്രാ സോണിക് ഡിസ്റ്റന്‍സ് സെന്‍സര്‍, സൗണ്ട് ഡിസ്ട്രാക്ഷന്‍ സെന്‍സര്‍, ടച്ച് ആന്‍ഡ് സൗണ്ട് സെന്‍സര്‍, ഇന്‍ട്രാ റെഡ് സെന്‍സര്‍, വാട്ടര്‍ ഡിറ്റക്ഷന്‍ സെന്‍സര്‍ തുടങ്ങിയ സെന്‍സറുകളും എല്‍ഇഡി ലൈറ്റ്, വിവിധ മോട്ടറുകള്‍, ബ്രഡ് ബോര്‍ഡ്, ബാറ്ററി, ജമ്പറുകള്‍ തുടങ്ങിയവയും കുട്ടികള്‍ക്ക് അടുത്തറിയാനും അവ പ്രവര്‍ത്തിപ്പിച്ച് പരിചയപ്പെടാനും കഴിയും. നൂറോളം കുട്ടികളാണ് ഫെസ്റ്റിന്‍റെ ഭാഗമായ സ്റ്റാളില്‍ പങ്കെടുക്കുകയും വര്‍ക്ക് ഷോപ്പില്‍ പങ്കെടുത്ത് ടെക്ക് ഗ്രീറ്റിംഗ് കാര്‍ഡ് ഉണ്ടാക്കുകയും ചെയ്തത്. ഏറ്റവും നന്നായി പ്രകടനം നടത്തിയ കുട്ടികള്‍ക്ക് ഡൂഡ്‌ലിംഗ് ബുക്ക് സമ്മാനമായി നല്‍കുകയും പങ്കെടുത്ത എല്ലാവര്‍ക്കും സര്‍ട്ടിഫിക്കേറ്റ് നല്‍കുകയും ചെയ്തു. 26 വരെ തുടരും. തിങ്കള്‍ മുതല്‍ വെള്ളിവരെ രാവിലെ 10ന് മുതല്‍ രാത്രി പത്ത് വരെയും ശനി, ഞായര്‍ ദിവസങ്ങളില്‍ ഉച്ചയ്ക്ക് ഒന്നു മുതല്‍ രാത്രി 8 വരെയുമാണ് സയന്‍സ് ഫെസ്റ്റ് നടക്കുക.

ദീപാവലി സീസണ്‍: സുരക്ഷ ശക്തമാക്കി റെയില്‍വേ

കോഴിക്കോട്: ദീപാവലി ദിവസങ്ങളിലെ തിരക്ക് കണക്കിലെടുത്ത് റെയില്‍വേ പാലക്കാട് ഡിവിഷനില്‍ കൂടുതല്‍ സുരക്ഷാ നടപടികള്‍ ഏര്‍പ്പെടുത്തി. യാത്രക്കാരുടെ സുരക്ഷയും സൗകര്യങ്ങളും ഉറപ്പുവരുത്തുന്നതിനാണ് നടപടി. ട്രെയിനുകളിലും റെയില്‍വേ സ്‌റ്റേഷനിലുകളിലും പരിസരത്തും പടക്കങ്ങളും തീപിടിക്കുന്ന വസ്തുക്കളും ഉണ്ടോ എന്നു കണ്ടെത്തുന്നതിനു ആര്‍പിഎഫ് പരിശോധന ഊര്‍ജിതമാക്കും. 24 മണിക്കുറും റെയില്‍വേ സ്‌റ്റേഷനുകള്‍ നിരീക്ഷണത്തിലായിരിക്കും. യാത്രക്കാരുടെ തിരക്ക് നിയന്ത്രിക്കുന്നതിനു സംവിധാനമൊരുക്കും. കൂടുതല്‍ ജീവനക്കാരെ ഇതിനായി നിയോഗിക്കും. യാത്രക്കാര്‍ക്ക് ക്യൂ സിസ്റ്റം കൊണ്ടുവരും. ടിക്കറ്റില്ലാ യാത്രക്കാരെ കണ്ടെത്തുന്നതിനു ടിക്കറ്റ് പരിശോധന ഊര്‍ജിതപ്പെടുത്താന്‍ തീരുമാനിച്ചതായി പാലക്കാട് ഡിവിഷണല്‍ മാനേജര്‍ അറിയിച്ചു. പ്ലാറ്റ്‌ഫോം ടിക്കറ്റ് ഇല്ലാത്തവരെ കണ്ടെത്താന്‍ പ്ലാറ്റ്‌ഫോമുകളിലും പരിശോധന ഉണ്ടാവും. സിസിടിവി നിരന്തരം നിരീക്ഷിച്ചുകൊണ്ടിരിക്കും. ട്രെയിനുകളില്‍ ആര്‍പിഎഫും ടിടിഇമാരും പരിശോധന കര്‍ശനമാക്കും. യാത്രക്കാരെ അടിയന്തരഘട്ടത്തില്‍ സഹായിക്കാന്‍ മെഡിക്കല്‍ ടീമുകളെയും നിയോഗിച്ചിട്ടുണ്ട്.മംഗളുരു സെന്‍ട്രല്‍, മംഗളൂരു ജംഗ്ഷന്‍, കണ്ണൂര്‍, കോഴിക്കോട്, ഷൊര്‍ണൂര്‍ ജംഗ്ഷന്‍, പാലക്കാട് ജംഗ്ഷന്‍, പൊള്ളാച്ചി ജംഗ്ഷന്‍ എന്നീ സ്‌റ്റേഷനുകളില്‍ ജാഗ്രതപുലര്‍ത്താന്‍ നിര്‍ദേശിച്ചിട്ടുണ്ട്. യാത്രക്കാര്‍ സര്‍ക്കാര്‍ നടപടികളുമായി സഹകരിക്കണമെന്ന് ഡിവിഷണല്‍ മാനേജര്‍ മധുകര്‍ റാവോട്ട് അഭ്യര്‍ഥിച്ചു.തിരക്കുള്ള സീസണുകളില്‍ സാമൂഹ്യവിരുദ്ധരുടെയും മോഷ്ടാക്കളുടെയും പ്രവര്‍ത്തനങ്ങള്‍ തടയുകയാണ് ലക്ഷ്യം.

സോഫ്റ്റ് വെയര്‍ ഡെവലപ്‌മെന്‍റ് കമ്പനിയില്‍ മോഷണം നടത്തിയ പ്രതി പിടിയില്‍

കോഴിക്കോട് : സോഫ്റ്റ് വെയര്‍ ഡെവലപ്‌മെന്‍റ് കമ്പനിയില്‍ നിന്നു ലാപ്‌ടോപ്പുകളും മറ്റും മോഷ്ടിച്ച യുവാവ് അറസ്റ്റില്‍. കുന്ദമംഗലം കാരന്തൂര്‍ കാശ്മീരി വീട്ടില്‍ ജാവേദ്ഖാന്‍ (23)നെയാണ് നടക്കാവ് പോലീസ് പിടികൂടിയത്. കഴിഞ്ഞ11ന് രാത്രി കുന്ദമംഗലം സ്വദേശിയുടെ ഉടമസ്ഥതയിലുള്ള എരഞ്ഞിപ്പാലം സെയില്‍സ് ടാക്‌സ് ഓഫീസിന് സമീപമുള്ള കെട്ടിടത്തില്‍ പ്രവര്‍ത്തിക്കുന്ന സോഫ്റ്റ് വെയര്‍ ഡെവലപ്പ്‌മെന്‍റ് കമ്പനിയില്‍ നിന്നു സ്ഥാപനത്തിന്‍റെ വാതിലിന്‍റെ പൂട്ട് പൊളിച്ച് അകത്തു കടന്ന് 4 ലാപ് ടോപുകള്‍, വയര്‍ലെസ് കാമറ, ലാപ് ടോപ് ബാഗ് എന്നിവ പ്രതി മോഷ്ടിച്ചു കൊണ്ടു പോകുകയായിരുന്നു. ഉടമയുടെ പരാതിയില്‍ നടക്കാവ് പോലീസ് കേസ് രജിസ്റ്റര്‍ ചെയ്ത് അന്വേഷണം നടത്തുകയായിരുന്നു. സംഭവ സ്ഥലത്തെയും സമീപ പ്രദേശങ്ങളിലെയും സിസിടിവി ദൃശ്യങ്ങളും മറ്റും പരിശോധിച്ച് സൈബര്‍സെല്ലുമായി ചേര്‍ന്ന് നടത്തിയ ശാസ്ത്രീയ അന്വേഷണത്തില്‍ നിന്നു പ്രതിയെ പറ്റി മനസിലായി. കോഴിക്കോട് വച്ച് പ്രതിയെ കസ്റ്റഡിയില്‍ എടുക്കുകയുമായിരുന്നു. നടക്കാവ് പോലീസ് സ്റ്റേഷന്‍ ഇന്‍സ്‌പെക്ടര്‍ പ്രജീഷിന്‍റെ നേതൃത്വത്തിലാണ് അറസ്റ്റ് നടന്നത്. ഇയാള്‍ക്കെതിരേ കോഴിക്കോട് ടൗണ്‍, മെഡിക്കല്‍ കോളജ് പോലീസ് സ്റ്റേഷന്‍ നുകളിലായി മോഷണ കേസും പോക്‌സോ കേസും നിലവിലുണ്ട്. കഴിഞ്ഞ ജൂലൈ മാസം കോവൂരിലെ സൗപര്‍ണിക എന്ന വീട്ടില്‍ നിന്നും രണ്ട് ലാപ്‌ടോപ്പുകളും, 18000 രൂപയും മോഷ്ടിച്ച കേസില്‍ നിലവില്‍ ജാമ്യത്തിലാണ്. അറസ്റ്റ് രേഖപ്പെടുത്തിയ ശേഷം പ്രതിയെ കോടതിയില്‍ ഹാജരാക്കി.

കെ. രാഘവന്‍ പുരസ്‌കാരം പി.കെ. മേദിനിക്ക്

കോഴിക്കോട്: സംഗീതസംവിധായകന്‍ കെ. രാഘവന്‍റെ സ്മരണാര്‍ഥം രൂപം കൊണ്ട കെ. രാഘവന്‍മാസ്റ്റര്‍ ഫൗണ്ടേഷന്‍ ഏര്‍പ്പെടുത്തിയ സംഗീതരംഗത്തെ സമഗ്ര സംഭാവനയ്ക്കുള്ള പുരസ്‌കാരം വിപ്ലവഗായിക പി.കെ. മേദിനിക്ക്. അരലക്ഷം രൂപയും പ്രശസ്തിപത്രവും ശില്‍പവുമടങ്ങുന്നതാണ് പുരസ്‌കാരം. ഡിസംബര്‍ ആദ്യവാരത്തില്‍ ആലപ്പുഴയില്‍ നടക്കുന്ന ചടങ്ങില്‍ പുരസ്‌കാരം സമ്മാനിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. 92 വയസുള്ള മേദിനി ഇപ്പോഴും പാടാറുണ്ട്. വയലാര്‍ സമരകാലത്ത് മേദിനിയുടെ പാട്ടുകള്‍ പാര്‍ട്ടി ആശയങ്ങള്‍ സാധാരണക്കാരില്‍ എത്തിക്കാനും സമരസജ്ജരാക്കാനും സഹായിച്ചിരുന്നുവെന്ന് അവര്‍ പറഞ്ഞു. ചെങ്ങന്നുര്‍ ശ്രീകുമാര്‍, എം.എം സചീന്ദ്രന്‍, സി.എസ് മീനാക്ഷി എന്നിവടങ്ങുന്ന കമ്മിറ്റിയാണ് അവര്‍ഡ് ജേതാവിനെ തെരഞ്ഞെടുത്തത്. പ്രസിഡന്‍റ് വി.ടി മുരളി, ചെങ്ങന്നുര്‍ ശ്രീകുമാര്‍,അനില്‍ മാരാത്ത്, വിനീഷ് വിദ്യാധരന്‍ എന്നിവര്‍ വാര്‍ത്താസമ്മേളനത്തില്‍ സംബന്ധിച്ചു.

യൂത്ത് കോൺഗ്രസ്‌ പ്രവർത്തകരെ കരുതൽ തടങ്കലിലാക്കി

കൂരാച്ചുണ്ട്: കക്കയത്ത് വനം വകുപ്പിന്‍റെ ലേഡീസ് ബാരക്ക് കെട്ടിടം ഉദ്ഘാടനത്തിന് എത്തിയ മന്ത്രി എ.കെ. ശശീന്ദ്രനെ കരിങ്കൊടി കാണിക്കുമെന്ന് സൂചന ലഭിച്ചതിനെ തുടർന്ന് യൂത്ത് കോൺഗ്രസ്‌ പ്രവർത്തകരെ പോലീസ് കരുതൽ തടങ്കലിലാക്കി. യൂത്ത് കോൺഗ്രസ്‌ കൂരാച്ചുണ്ട് മണ്ഡലം പ്രസിഡന്‍റ് നിസാം കക്കയം, മണ്ഡലം സെക്രട്ടറി ജാക്സ് കരിമ്പനക്കുഴി എന്നിവരെ കരിയാത്തുംപാറയിൽ വച്ച് അറസ്റ്റ് ചെയ്ത് കൂരാച്ചുണ്ട് പോലീസ് സ്റ്റേഷനിലേക്ക് മാറ്റി. കക്കയം ഡാം സൈറ്റ് റോഡിൽ സ്ഥാപിക്കുമെന്ന് പറഞ്ഞ സൗരവേലി സ്ഥാപിക്കാത്ത നടപടി, കക്കയം ഇക്കോ ടൂറിസം കേന്ദ്രത്തിലെ വികസനമില്ലായ്മ, ഓട്ടോറിക്ഷ യാത്രയ്ക്കിടെ കാട്ടുപന്നിയിടിച്ചതിനെ തുടർന്ന് മരണപ്പെട്ട റഷീദിന്‍റെ കുടുംബത്തിന് നഷ്ടപരിഹാരം നൽകിയില്ലാ എന്നീ കാര്യങ്ങൾ ഉന്നയിച്ചാണ് യൂത്ത് കോൺഗ്രസ് പ്രതിഷേധിച്ചത്.

എംഡിഎംഎയുമായി മൂന്ന് യുവാക്കൾ അറസ്റ്റിൽ

നാദാപുരം: എംഡിഎംഎയുമായി മൂന്ന് യുവാക്കളെ നാദാപുരം പോലീസ് അറസ്റ്റ് ചെയ്തു. കല്ലാച്ചി വിഷ്ണുമംഗലം സ്വദേശി ചെറുപീടികക്കണ്ടി സി.പി. അൻഷിദ് (30), കോടിയൂറ സ്വദേശി താഴെ വെള്ളിയോട് എം.കെ. മുഹമ്മദ് നിഹാദ് (23), കാർത്തികപ്പള്ളി സ്വദേശി പട്ടർ പറമ്പത്ത് ഷാഹുൽ ഹമീദ് (19) എന്നിവരെയാണ് അറസ്റ്റ് ചെയ്തത്. ബൈക്ക് കച്ചവടത്തിന്‍റെ മറവിൽ എംഡിഎംഎ വിൽപ്പന നടത്തുന്ന ഇവരിൽ നിന്ന് 13.76 ഗ്രാം എംഡിഎംഎയാണ് പോലീസ് കണ്ടെത്തിയത്. വ്യാഴാഴ്ച രാത്രി എട്ടോടെ കല്ലാച്ചി വാണിമേൽ റോഡിൽ നാദാപുരം ഡിവൈഎസ്പി എം. കുട്ടികൃഷ്ണന്‍റെ നേതൃത്വത്തിൽ സ്പെഷൽ സ്ക്വാഡ് അംഗങ്ങളും പോലീസും ചേർന്നാണ് പ്രതികളെ അറസ്റ്റ് ചെയ്തത്. വാണിമേൽ റോഡിലെ സ്വകാര്യ പാർസൽ സർവീസ് സെന്‍ററിന് സമീപത്ത് വിൽപ്പനക്കായി കൈവശംവച്ച നിലയിലാണ് എംഡിഎംഎ കണ്ടെത്തിയത്. യുവാക്കളിൽ നിന്ന് മൂന്ന് സിപ്പ് ലോക് കവർ, മൂന്ന് മൊബൈൽ ഫോൺ,14300 രൂപയും പോലീസ് കണ്ടെത്തി.

ഫേസ്‌ബുക്കിലൂടെ കലാപാഹ്വാനം; പോലീസ് കേസെടുത്തു

താമരശേരി: ഫേസ്‌ബുക്ക് പോസ്റ്റിലൂടെ പോലീസിനെതിരേ കലാപാഹ്വാനം നടത്തിയ ആൾക്കെതിരേ താമരശേരി പോലീസ് കേസെടുത്തു. താമരശേരി ചുങ്കം സ്വദേശി ആബിദ് അടിവാരത്തിനെതിരേയാണ് കേസ്. പേരാമ്പ്രയിലുണ്ടായ യുഡിഎഫ് സംഘർഷത്തിന് പിന്നാലെയായിരുന്നു ഇയാളുടെ ഫേസ്‌ബുക്ക് പോസ്റ്റ്. പോലീസിനെ അടിക്കാൻ ജനങ്ങൾ തീരുമാനിച്ചാൽ പോലീസ് കണ്ടംവഴി ഓടും എന്നായിരുന്നു പോസ്റ്റ്. ഭാരതീയ ന്യായ സംഹിതയിലെ വകുപ്പ് ചുമത്തിയാണ് ഇയാൾക്കെതിരേ കേസ് രജിസ്റ്റർ ചെയ്‌തത്. വി.എസ്. അച്യുതാനന്ദനെതിരേ മതവിദ്വേഷ പോസ്റ്റ് ഇട്ടെന്ന പരാതിയിൽ ഇയാൾക്കെതിരേ കഴിഞ്ഞ ജൂലൈയിലും താമരശേരി പോലീസ് കേസെടുത്തിരുന്നു.

കേന്ദ്ര-വന നിയമങ്ങൾ പരിഷ്കരിക്കാതെ കർഷക സമൂഹത്തെ രക്ഷിക്കാനാവില്ല: ശശീന്ദ്രൻ

കൂരാച്ചുണ്ട്: കാലഹരണപ്പെട്ട കേന്ദ്ര-വന നിയമങ്ങൾ പരിഷ്കരിക്കാതെ കർഷക സമൂഹത്തെ രക്ഷിക്കാനാവില്ലെന്ന് മന്ത്രി എ.കെ. ശശീന്ദ്രൻ പറഞ്ഞു. കക്കയം ഫോറസ്റ്റ് സ്റ്റേഷന് സമീപം പുതിയതായി നിർമിച്ച ലേഡീസ് ബാരക്ക് കെട്ടിടത്തിന്‍റെ ഉദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി. കർഷകരെയും കാടിനെയും ഒരുപോലെ സംരക്ഷിക്കുന്ന സമവായത്തിന്‍റെയും സഹവർത്തിത്വത്തിന്‍റെയും അന്തരീക്ഷമുണ്ടാകണം. അതിന് ഒരു മാറ്റം ആവശ്യമാണെന്നും അതിനുള്ള നടപടികളാണ് ഇപ്പോൾ നടന്നുകൊണ്ടിരിക്കുന്നതെന്നും മന്ത്രി പറഞ്ഞു. ഇന്നത്തെ അവസ്ഥ മാറ്റി വനം-വന്യജീവി സൗഹൃദ, ജനസൗഹൃദ വകുപ്പാക്കി വനംവകുപ്പിനെ മാറ്റാനാണ് ആഗ്രഹിക്കുന്നത്. കേന്ദ്ര-വന നിയമത്തിൽ കാലോചിതമായ ഭേദഗതി വേണമെന്ന് ആവശ്യപ്പെട്ട് കേന്ദ്ര സർക്കാരിന് നിവേദനം നൽകിയിട്ടുണ്ട്. നിബന്ധനകളിൽ ഇളവ് വരുത്തുകയും അത്യാവശ്യ ഘട്ടങ്ങളിൽ സംസ്ഥാന സർക്കാരിന് ഇടപെടാനുള്ള അധികാരം നൽകുകയും ചെയ്യുന്നതാകണം ഭേദഗതി. ഉദ്യോഗസ്ഥരുടെ മുമ്പിൽ പരാതികളുമായി വരുന്ന കർഷകന്‍റെ അപേക്ഷ മടക്കി വയ്ക്കുകയല്ല വേണ്ടത്, എന്തെങ്കിലും വഴിയുണ്ടോയെന്ന് നോക്കി അവരെ സഹായിക്കണമെന്നും മന്ത്രി പറഞ്ഞു. കെ.എം. സച്ചിൻ ദേവ് എംഎൽഎ അധ്യക്ഷത വഹിച്ചു. അഡീഷണൽ പ്രിൻസിപ്പൽ ചീഫ് ഫോറസ്റ്റ് കൺസർവേറ്റർ ഡോ. പി. പുഴകേന്തി നബാർഡ് റിപ്പോർട്ട് അവതരിപ്പിച്ചു. അഡീഷണൽ പ്രിൻസിപ്പൽ ചീഫ് ഫോറസ്റ്റ് കൺസർവേറ്റർ ഡോ. ജയൻ ജസ്റ്റിൻ മോഹൻ കക്കയം ഇക്കോ ടൂറിസം കാരിയിംഗ് കപ്പാസിറ്റി സ്റ്റഡി റിപ്പോർട്ട് പ്രകാശനം ചെയ്തു. പഞ്ചായത്ത് പ്രസിഡന്‍റ് ഒ.കെ.അമ്മദ്, ബ്ലോക്ക് പഞ്ചായത്തംഗം വി.കെ ഹസീന, പഞ്ചായത്തംഗം ഡാർളി ഏബ്രഹാം, എ.സി ഗോപി, ജോസ് വെളിയത്ത്, വി.എസ്. ഹമീദ്, സൂപ്പി തെരുവത്ത്, ഡിവിഷണൽ ഫോറസ്റ്റ് ഓഫീസർ ആഷിക് അലി, കോഴിക്കോട് നോർത്തേൺ റീജിയൺ ഫോറസ്റ്റ് കൺസർവേറ്റർ ആർ. കീർത്തി എന്നിവർ പ്രസംഗിച്ചു.

ദീര്‍ഘദൂരത്തില്‍ അജയ്യയായി ശ്രേയാലക്ഷ്മി

കോഴിക്കോട്: കുളത്തുവയല്‍ സെന്‍റ് ജോര്‍ജ് സ്‌കൂളിലെ ഒന്പതാം ക്ലാസ് വിദ്യാര്‍ഥി ഇ.എസ്. ശ്രേയാലക്ഷ്മിയെ ഓടിത്തോല്‍പ്പിക്കാമെന്നു കരുതിയാല്‍ തെറ്റി. 1500, 3000 മീറ്റര്‍ മത്സരങ്ങളൊക്കെ ശ്രേയാലക്ഷ്മി പുല്ലുപോലെ ഓടിത്തീര്‍ക്കും. നടന്നു തോല്‍പ്പിക്കാമെന്നു വിചാരിച്ചാലും സാധിക്കില്ല. ജില്ലാ സ്‌കൂള്‍ കായികമേളയില്‍ ജൂണിയര്‍ പെണ്‍കുട്ടികളുടെ വിഭാഗം 1500, 3000 ഓട്ടമത്സരങ്ങളിലും മൂന്നു കിലോമീറ്റര്‍ നടത്ത മത്സരത്തിലും ശ്രേയാലക്ഷ്മിക്കാണ് ഒന്നാംസ്ഥാനം. മൂന്നു ഇനങ്ങളില്‍ സ്വര്‍ണം നേടിയ ശ്രേയാലക്ഷ്മി വ്യക്തിഗത ചാമ്പ്യനുമായി. ആദ്യമായി വ്യക്തിഗത ചാമ്പ്യന്‍പട്ടം നേടിയതിന്‍റെ സന്തോഷത്തിലാണ് ശ്രേയാലക്ഷ്മിയും കുടുംബവും. സംസ്ഥാന സ്‌കൂള്‍ കായികമേളയും ഓടിക്കടന്ന് ദേശീയതല മേളയില്‍ സ്വര്‍ണം നേടുകയെന്നതാണ് ഈ കൊച്ചുമിടുക്കിയുടെ ലക്ഷ്യം. വെറ്ററിനറി ജീവനക്കാരനായ കുളത്തുവയല്‍ എടത്തില്‍ ഷിനോദിന്‍റെയും അഞ്ജുവിന്‍റെയും മകളാണ് ശ്രേയാലക്ഷ്മി. സഹോദരന്‍: ശിവറാംശങ്കര്‍.

പിതാവിന്‍റെ ശിക്ഷണത്തില്‍ സ്വര്‍ണക്കൊയ്ത്തുമായി ഡെന ഡോണി

കോഴിക്കോട്: ജില്ലതലത്തില്‍ തുടര്‍ച്ചയായി മൂന്നുവര്‍ഷം ഷോട്ട്പുട്ട്, ഡിസ്‌കസ്‌ത്രോ എന്നിവയില്‍ സ്വര്‍ണം നേടിയ പുല്ലൂരാംപാറ സെന്‍റ് ജോസഫ്‌സ് സ്‌കൂളിലെ ഡെന ഡോണി തന്‍റെ വിജയങ്ങളുടെ ക്രെഡിറ്റ് പിതാവ് ഡോണി പോളിനാണ് സമര്‍പ്പിക്കുന്നത്. പിതാവിന്‍റെ കീഴില്‍ വര്‍ഷങ്ങളായി പരിശീലനം നടത്തുന്ന ഡെന വ്യക്തിഗത ചാമ്പ്യന്‍പട്ടം ലക്ഷ്യമാക്കിയാണ് ഗ്രൗണ്ടിലിറങ്ങിയത്. പക്ഷെ ഇത്തവണ നേരിയ വ്യത്യാസത്തിനാണ് ഹാമര്‍ത്രോയില്‍ ഒന്നാം സ്ഥാനം നഷ്ടമായത്. ഷോട്ട്പുട്ട്, ഡിസ്‌കസ്‌ത്രോയില്‍ വിജയഗാഥ തുടരുകയും ചെയ്തു. ഇത്തവണ ജില്ലാതല ഹാമര്‍ത്രോയില്‍ രണ്ടാംസ്ഥാനം നേടിയ ഡെന കഴിഞ്ഞവര്‍ഷം സംസ്ഥാന സ്‌കൂള്‍ കായികമേളയില്‍ ഡിസ്‌കസ്‌ത്രോയില്‍ ഒന്നാംസ്ഥാനം നേടിയിരുന്നു. ഷോട്ട്പുട്ടിന് രണ്ടാംസ്ഥാനവും കരസ്ഥമാക്കി. 2024ലെ ജില്ലാതല കായികമേളയില്‍ ഷോട്ട്പുട്ട്, ഡിസ്‌കസ്‌ത്രോ എന്നിവയിലും ഒന്നാം സ്ഥാനം ഡെന ഡോണിക്കായിരുന്നു. സ്‌പോര്‍ട്‌സിനോട് ഏറെ താത്പര്യമുള്ള കുടുംബമാണ് ഡെനയുടേത്. മൂത്ത സഹോദരി ഡോണ മരിയ ഷോട്ട്പുട്ടില്‍ ഇത്തവണത്തെ ദേശീയ സ്വര്‍ണ മെഡല്‍ ജേതാവാണ്. ചെന്നൈ എംസിസി കോളജില്‍ ഒന്നാംവര്‍ഷ ബിബിഎ വിദ്യാര്‍ഥിനിയായ ഡോണയുടെയും ഗുരു ഡോണി പോളാണ്. പുല്ലൂരാംപാറ സ്‌കൂളിലെ കായികതാരങ്ങള്‍ക്കെല്ലാം ത്രോ ഇനങ്ങളില്‍ പരിശീലനം നല്‍കുന്നത് ഡോണി പോളാണ്. അടിസ്ഥാനപരമായി ബിസിനസുകാരനായ ഡോണി പോള്‍, ഡോണ മരിയയ്ക്ക് നല്‍കിയ പരിശീലനം ഹിറ്റായതോടെയാണ് ഇളയ മകളെയും മറ്റു വിദ്യാര്‍ഥികളെയും പരിശീലിപ്പിക്കാന്‍ ആരംഭിച്ചത്. പുല്ലൂരാംപാറയിലെ മലബാര്‍ സ്‌പോര്‍ട്‌സ് അക്കാദമിയുടെ പരിശീലകനാണ് അരഞ്ഞാണിപുത്തന്‍പുരയില്‍ ഡോണി പോള്‍. മൂത്തമകള്‍ ഡോണ മരിയ ആദ്യമായി സ്‌കൂള്‍ തലത്തില്‍ ത്രോ ഇനങ്ങളില്‍ മത്സരിച്ചപ്പോഴാണ് എന്തുകൊണ്ട് തനിക്ക് പരിശീലനം നല്‍കിക്കൂടാ എന്ന ചോദ്യം ഡോണി പോളിന്‍റെ ഉള്ളിലുയര്‍ന്നത്. പഠിക്കുന്ന കാലത്ത് ഡോണി പോളിന് സ്‌പോര്‍ട്‌സുമായി വലിയ ബന്ധമൊന്നും ഉണ്ടായിരുന്നില്ല. ആധുനിക സാങ്കേതിക വിദ്യ പ്രയോജനപ്പെടുത്തി അദ്ദേഹം മികച്ച കായികപരിശീലകനാവുകയായിരുന്നു. ഇന്‍റര്‍നെറ്റില്‍ പരതി ത്രോ ഇനങ്ങളെക്കുറിച്ചും പരിശീലനങ്ങളെക്കുറിച്ചും നന്നായി പഠിച്ചു. അത് കുട്ടികള്‍ക്ക് പകര്‍ന്നു നല്‍കിയത് വിജയം കണ്ടു. ഡോണി പോള്‍ പരിശീലനം നല്‍കുന്ന എട്ടുകുട്ടികള്‍ ദേശീയ, സംസ്ഥാന, ജില്ലാതലങ്ങളില്‍ മിന്നുംപ്രകടനം കാഴ്ചവച്ചിട്ടുണ്ട്.ഇതുകൂടാതെ സ്‌കൂളിലെ കായികാധ്യാപകന്‍ എഡ്വേര്‍ഡും കായികതാരങ്ങള്‍ക്ക് കട്ട സപ്പോര്‍ട്ടുമായി കൂടെയുണ്ട്. സിമി ജോര്‍ജാണ് ഡോണിയുടെ ഭാര്യ.

ഹാമറില്‍ രണ്ടാം തവണയും സ്വര്‍ണം തൂക്കി ബി.പി. മയൂഖി

കോഴിക്കോട്: സീനിയര്‍ പെണ്‍കുട്ടികളുടെ വിഭാഗം ഹാമര്‍ത്രോയില്‍ അടുപ്പിച്ച് രണ്ടുതവണ സ്വര്‍ണം നേടിയതിന്‍റെ സന്തോഷത്തിലാണ് പുല്ലൂരാംപാറ സെന്‍റ് ജോസഫ്‌സ് സ്‌കൂളിലെ പ്ലസ്‌വണ്‍ വിദ്യാര്‍ഥിനി ബി.പി. മയൂഖി. കഴിഞ്ഞവര്‍ഷം സംസ്ഥാന സ്‌കൂള്‍ മേളയില്‍ നേരിയ വ്യത്യാസത്തിനാണ് ഹാമര്‍ത്രോയില്‍ മയൂഖിക്ക് സ്വര്‍ണം നഷ്ടമായത്. അന്ന് മൂന്നാംസ്ഥാനവുമായി മടങ്ങിയ മയൂഖി ഇത്തവണ സംസ്ഥാനമേളയില്‍ സ്വര്‍ണം വാരാനുള്ള തയാറെടുപ്പിലാണ്. പെരിന്തല്‍മണ്ണ നന്ദനം വീട്ടില്‍ ബിജേഷ്-പ്രിയ ദമ്പതികളുടെ മകളായ മയൂഖി കായികപരിശീലന സൗകര്യം കണക്കിലെടുത്താണ് മലപ്പുറത്തുനിന്ന് പുല്ലൂരാംപാറയില്‍ എത്തിയത്. മലബാര്‍ സ്‌പോര്‍ട്‌സ് അക്കാദമിയിലെ ഡോണി പോളാണ് മയൂഖിയുടെ പ്രധാന പരിശീലകന്‍.

വ്യക്തിഗത ചാമ്പ്യന്‍പട്ടം പറന്നുപിടിച്ച് അല്‍ക്ക

കോഴിക്കോട്: മൈതാനം കണ്ടാല്‍ പറക്കുന്ന അല്‍ക്ക ഷിനോജ് തന്നെയാണ് ഇത്തവണ സബ്ജൂണിയര്‍ പെണ്‍കുട്ടികളുടെ വിഭാഗം വ്യക്തിഗത ചാമ്പ്യൻ. കുളത്തുവയല്‍ സെന്‍റ് ജോര്‍ജ് സ്‌കൂളിലെ എട്ടാംക്ലാസ് വിദ്യാര്‍ഥിനിയായ അല്‍ക്ക ഏതാനും വര്‍ഷങ്ങളായി 200, 400, 600 മീറ്റര്‍ ഓട്ടങ്ങളില്‍ മറ്റാരെയും മുന്നില്‍ കടത്തിവിട്ടിട്ടില്ല. മൂന്നു വ്യക്തിഗത ഇനങ്ങള്‍ക്കു പുറമെ അല്‍ക്കയും ഉള്‍പ്പെട്ട സ്‌കൂള്‍ ടീമാണ് ഇത്തവണ 4 x100 മീറ്റര്‍ റിലേയിലും സ്വര്‍ണം നേടിയത്. കഴിഞ്ഞവര്‍ഷം സംസ്ഥാനതലത്തിലും ജില്ലാതലത്തിലും 200, 400, 600 മീറ്റര്‍ ഓട്ട മത്സരങ്ങളില്‍ സ്വര്‍ണം കൊയ്ത അല്‍ക്കയായിരുന്നു ജൂണിയര്‍ പെണ്‍കുട്ടികളുടെ വിഭാഗത്തിലെ വ്യക്തിഗത ചാമ്പ്യൻ. ഇരട്ട സഹോദരനായ അഞ്ചല്‍ ഷിനോജും വളര്‍ന്നുവരുന്ന കായികതാരമാണ്. സിആര്‍പിഎഫ് ജവാനായ കുളത്തുവയല്‍ ചേറ്റാനിയില്‍ ഷിനോജിന്‍റെയും ജിതിനയുടെയും മകളാണ് അല്‍ക്ക. സ്‌കൂളിലെ കായികാധ്യാപിക സിനി ജോസഫിനു പുറമെ, കെ.എം. പീറ്റര്‍, വിജയന്‍ എന്നിവരും അല്‍ക്കയുടെ പരിശീലകരാണ്.

നാലാം വര്‍ഷവും സ്വര്‍ണം പോക്കറ്റിലാക്കി ശ്രീരാജ്

കോഴിക്കോട്: ജില്ലാ സ്‌കൂള്‍ കായികമേളയില്‍ ഡിസ്‌കസ്‌ത്രോ, ഷോട്ട്പുട്ട് എന്നിവയില്‍ കഴിഞ്ഞ നാലുവര്‍ഷമായി ഉയര്‍ന്നു കേള്‍ക്കുന്ന പേര് പുല്ലൂരാംപാറ സെന്‍റ് ജോസഫ്‌സ് സ്‌കൂളിലെ വിദ്യാര്‍ഥി പി.എസ്. ശ്രീരാജിന്‍റേതാണ്. ഇത്തവണയും പതിവു തെറ്റിച്ചില്ല. ഈ രണ്ടിനങ്ങളിലും ശ്രീരാജ് സ്വര്‍ണം എറിഞ്ഞിട്ടു. സീനിയര്‍ ആണ്‍കുട്ടികളുടെ വിഭാഗത്തില്‍ ഇത് രണ്ടാംതവണയാണ് ശ്രീരാജ് ഡിസ്‌കസ് ത്രോയിലും ഷോട്ട്പുട്ടിലും സ്വര്‍ണം നേടുന്നത്. ഹൈസ്‌കൂള്‍ കാലത്ത് ജൂണിയര്‍ വിഭാഗത്തിലും രണ്ടുതവണ ശ്രീരാജായിരുന്നു ചാമ്പ്യന്‍. മുന്‍വര്‍ഷങ്ങളില്‍ സംസ്ഥാന സ്‌കൂള്‍ കായികമേളയില്‍ പങ്കെടുത്തപ്പോഴെല്ലാം ശാരീരിക പ്രശ്‌നങ്ങള്‍ കാരണം ശ്രീരാജിന് മികച്ച പ്രകടനം പുറത്തെടുക്കാന്‍ കഴിഞ്ഞില്ല. ഇത്തവണ സംസ്ഥാനമേളയില്‍ അതിനു പകരം വീട്ടാനുള്ള തയാറെടുപ്പിലാണ് പുല്ലൂരാംപാറ പറമ്പനാട്ട് പി.ആര്‍. സജിന്‍രാജ്-വിജയലക്ഷ്മി ദമ്പതികളുടെ മകനായ ശ്രീരാജ്. അഭിനവ്, വിഷ്ണുപ്രിയ എന്നിവരാണ് സഹോദരങ്ങള്‍.

അജയ്യരായി പൂല്ലൂരാംപാറ : ജില്ലാ സ്കൂൾ കായിക മേള സമാപിച്ചു

കോഴിക്കോട്: മെഡിക്കൽ കോളജ് ഒളിന്പ്യൻ റഹ്മാൻ സ്റ്റേഡിയത്തിൽ നടന്ന ജില്ലാ സ്കൂൾ കായിക മേള സമാപിച്ചപ്പോൾ വിദ്യാലയ തലത്തിൽ 232 പോയിന്‍റുമായി പൂല്ലൂരാംപാറ സെന്‍റ് ജോസഫ്സ് എച്ച്എസ് കിരീടം നിലനിർത്തി. തുടർച്ചയായ 21-ാം തവണയാണ് പൂല്ലൂരാംപാറ ചാന്പ്യൻഷിപ്പ് സ്വന്തമാക്കുന്നത്. 33 സ്വർണവും 19 വെള്ളിയും 10 വെങ്കലവുമാണ് പുല്ലൂരാംപാറയുടെ താരങ്ങൾ നേടിയത്. കുളത്തുവയൽ സെന്‍റ് ജോർജ്സ് എച്ച്എസ്എസിനാണ് രണ്ടാം സ്ഥാനം. 13 സ്വർണം, 11 വെള്ളി, 11 വെങ്കലമടക്കം 109 പോയിന്‍റാണ് കുളത്തുവയലിനുള്ളത്. 39 പോയിന്‍റുമായി മേപ്പയ്യൂർ ജിവിഎച്ച്എസ്എസാണ് മൂന്നാം സ്ഥാനത്ത്. 5 സ്വർണം, മൂന്ന് വെള്ളി, 5 വെങ്കലം സ്കൂൾ സ്വന്തമാക്കി. തലക്കുളത്തൂർ സിഎംഎംഎച്ച്എസ് (38), പൂവന്പായി എഎംഎച്ച്എസ് (30) ആണ് നാലും അഞ്ചും സ്ഥാനത്ത്. ഉപജില്ലാതലത്തിൽ 309 പോയിന്‍റുമായി മുക്കം ഉപജില്ല ജേതാക്കളായി. 40 സ്വർണം, 22 വെള്ളി, 15 വെങ്കലം നേടിയാണ് മുക്കം ചാന്പ്യൻമാരായത്. 191 പോയിന്‍റുമായി പേരാന്പ്ര ഉപജില്ല രണ്ടാം സ്ഥാനത്തും 54 പോയിന്‍റുമായി ചേവായൂർ ഉപജില്ല മൂന്നാം സ്ഥാനത്തുമാണ്. 19 സ്വർണം, 16 വെള്ളി, 18 വെങ്കലം എന്നിവ പേരാന്പ്ര ഉപജില്ല നേടിയപ്പോൾ ആറ് സ്വർണം, അഞ്ച് വെള്ളി, ആറ് വെങ്കലം എന്നിവ ചേവായൂർ ഉപജില്ലയും കരസ്ഥമാക്കി. പേരാന്പ്ര ഉപജില്ല 62 പോയിന്‍റുമായി ജൂണിയർ ഗേൾസ് ഗ്രൂപ്പ് ചാന്പ്യൻമാരും മുക്കം ഉപജില്ല 62 പോയിന്‍റുമായി ജൂണിയർ ബോയ്സ് ചാന്പ്യൻമാരുമായി. സബ് ജൂണിയർ ഗേൾസ് വിഭാഗത്തിൽ 34 പോയിന്‍റുമായി പേരാന്പ്ര ഉപജില്ല ഗ്രൂപ്പ് ചാന്പ്യൻമാരായപ്പോൾ സബ് ജൂണിയർ ബോയിസ് വിഭാഗത്തിൽ 30 പോയിന്‍റുമായി മുക്കം ഉപജില്ല വിജയികളായി. സീനിയർ ഗേൾസ്, സീനിയർ ബോയ്സ് വിഭാഗങ്ങളിൽ 85, 64 പോയിന്‍റുകളുമായി മുക്കം ഉപജില്ല ഗ്രൂപ്പ് ചാന്പ്യൻമാരായി.. മേളകൾ നടത്താൻ നിർബന്ധിത പിരിവ്; ഡിഡിഇയെ ഉപരോധിച്ച്‌ എംഎസ്എഫ് കോഴിക്കോട്: സ്കൂൾ മേളകൾ നടത്താൻ വേണ്ടി ജില്ലയിലെ സ്കൂളുകളിലെ വിദ്യാർഥികളിൽ നിന്നും നിർബന്ധിതമായി പണം പിരിക്കുന്നതിൽ പ്രതിഷേധിച്ച് എംഎസ്എഫ് കോഴിക്കോട് ജില്ലാ കമ്മിറ്റി ഡിഡിഇയെ ഉപരോധിച്ചു. എട്ടാം ക്ലാസ് വരെയുള്ള വിദ്യാർഥികളിൽ നിന്ന് നിയമപരമായി യാതൊരു പിരിവും പാടില്ലെന്നിരിക്കെ കോഴിക്കോട്‌ ജില്ലയിൽ ലക്ഷക്കണക്കിന് രൂപയാണ് മേളകൾ നടത്താനെന്ന പേരിൽ വിദ്യാർഥികളിൽ നിന്ന് പിരിക്കുന്നത്‌. ഈ പിരിവ് നിർത്തി വയ്ക്കണമെന്നും അനധികൃത പിരിവിന് നേതൃത്വം നല്കിയവർക്കെതിരേ നടപടി വേണമെന്നും ആവശ്യപ്പെട്ടാണ് എംഎസ്എഫ് ഉപരോധിച്ചത്‌. സമരത്തിന് നേതൃത്വം നൽകിയ എംഎസ്എഫ് ജില്ല ജനറൽ സെക്രട്ടറി സ്വാഹിബ് മുഹമ്മദ്, ജില്ല കമ്മിറ്റി അംഗങ്ങളായ സി.വി ജുനൈദ്, അഫ്‌ലു പട്ടോത്ത്, റീമ മറിയം, വജാഹത്ത് സനീൻ, അഫ്നാൻ നന്മണ്ട എന്നിവരെ പോലീസ്‌ അറസ്റ്റ്‌ ചെയ്ത്‌ നീക്കി.

വിഷന്‍ 2031; സെമിനാര്‍ നാളെ

കോഴിക്കോട്: സംസ്ഥാനതല വിഷന്‍ 2031 ന്‍റെ ഭാഗമായി പൊതുമരാമത്ത് വകുപ്പിന്‍റെ ആഭിമുഖ്യത്തില്‍ സംഘടിപ്പിക്കുന്ന സെമിനാര്‍ നാളെ കോഴിക്കോട് ബീച്ചിലെ ആസ്പിന്‍ കോര്‍ട്ട് യാര്‍ഡില്‍ നടക്കും. സെമിനാര്‍ ഉദ്ഘാടനവും നയരേഖ അവതരണവും രാവിലെ 10ന് മന്ത്രി പി.എ.മുഹമ്മദ് റിയാസ് നിര്‍വഹിക്കും. തോട്ടത്തില്‍ രവീന്ദ്രന്‍ എംഎല്‍എ അധ്യക്ഷനാകും. കേരളത്തിലെ പശ്ചാത്തല വികസന മേഖല സുസ്ഥിരവും സ്മാര്‍ട്ടുമായി എങ്ങനെ മെച്ചപ്പെടുത്താം, മാറുന്ന സാങ്കേതികവിദ്യയും നൂതന സംവിധാനങ്ങളും ഉപയോഗപ്പെടുത്തി മേഖല എങ്ങനെ ശക്തിപ്പെടുത്താം എന്നീ വിഷയങ്ങളിലൂന്നി ചര്‍ച്ചയും കരട് നയരേഖ അവതരണവും നടക്കും.

എയിംസ് കിനാലൂരില്‍ സ്ഥാപിക്കണമെന്ന് ആവശ്യം

താമരശേരി: നിര്‍ദ്ദിഷ്ട ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ് (എയിംസ്) താമരശേരി താലൂക്കിലെ കിനാലൂരില്‍ തന്നെ സ്ഥാപിക്കണമെന്ന് കട്ടിപ്പാറയില്‍ ചേര്‍ന്ന സംയുക്ത കര്‍ഷക കൂട്ടായ്മ ആവശ്യപ്പെട്ടു. യോഗം പഞ്ചായത്ത് മെമ്പര്‍ ഷാഹിംഹാജി ഉദ്ഘാടനം ചെയ്തു. കെ.വി.സെബാസ്റ്റ്യന്‍ അധ്യക്ഷത വഹിച്ചു. ഷാന്‍ കട്ടിപ്പാറ, പി.കെ.സദാനന്ദന്‍, രാജു തുരുത്തിപ്പള്ളി, ജോസ് പയ്യപ്പയില്‍, സി.കെ.സി. അസൈനാര്‍, സലിം പുല്ലടി, സെബാസ്റ്റ്യന്‍ ഏറത്ത്, വി.ഒ.ടി.അസീസ്, റോജി, മാത്യു കൊഴുവനാല്‍, സി.എം.അസീസ് എന്നിവര്‍ പ്രസംഗിച്ചു.

തിരുവമ്പാടി പഞ്ചായത്ത് വികസന സദസ്

തിരുവമ്പാടി: തിരുവമ്പാടി പഞ്ചായത്ത് വികസന സദസ് ജനപങ്കാളിത്തം കൊണ്ട് ശ്രദ്ധേയമായി. പഞ്ചായത്ത് വൈസ് പ്രസിഡന്‍റ് കെ.എ അബ്ദു റഹിമാന്‍റെ അധ്യക്ഷതയില്‍ നടന്ന യോഗം തദേശ സ്വയംഭരണ വകുപ്പ് ജില്ലാ ഡപ്യൂട്ടി ഡയറക്ടര്‍ ബൈജു ജോസ് ഉദ്ഘാടനം ചെയ്തു. റംല ചോലക്കല്‍, കെ.എം.മുഹമ്മദലി, ജോസ് കുര്യാക്കോസ്, എസ്. ശരത് ലാല്‍, ബൈജു തോമസ്, പ്രീതി രാജീവ്, ജോസ് മാത്യു, കെ.ഡി. ആന്‍റണി, കെ.എം. ബേബി, അപ്പു കോട്ടയില്‍ തുടങ്ങിയവര്‍ സംസാരിച്ചു.

പാലിയേറ്റീവ് ധനസഹായം നല്‍കി കുളത്തുവയല്‍ എന്‍എസ്എസ് വിംഗ്

ചക്കിട്ടപാറ: കുളത്തുവയല്‍ സെന്‍റ് ജോര്‍ജ് ഹയര്‍ സെക്കന്‍ഡറി സ്‌കൂളിലെ സെന്‍റ് അല്‍ഫോന്‍സാ പാലിയേറ്റീവ് എന്‍എസ്എസ് സ്റ്റുഡന്‍സ് വിംഗിന്‍റെ ആഭിമുഖ്യത്തില്‍ ഫുഡ് ഫെസ്റ്റ് നടത്തി സമാഹരിച്ച തുക പാലിയേറ്റീവ് സഹായങ്ങള്‍ക്ക് സംഭാവനയായി നല്‍കി. പാലിയേറ്റീവ് അസിസ്റ്റന്‍റ് ഡയറക്ടറും ചക്കിട്ടപാറ പള്ളി വികാരിയുമായ ഫാ. പ്രിയേഷ് തേവടിയിലിന് എന്‍എസ്എസ് വളണ്ടിയര്‍ ക്രിസ്റ്റിന്‍ ജോസഫ് തുക കൈമാറി. ജോസ് തോണക്കര, ജോസ് കുറൂര്‍, ബേബി കൂനന്താനം, പ്രസാദ് സിംഗ് ചന്ദ്രന്‍കുന്നേല്‍, പോള്‍ കുംപ്ലാനിക്കല്‍, ഗ്രേസി പുന്നത്തറ, എന്‍എസ്എസ് പ്രോഗ്രാം ഓഫീസര്‍ അഞ്ജു എല്‍സ ജോയ്, വിദ്യാര്‍ത്ഥികളായ അനാമിക, അര്‍ച്ചന, റിഫ ഫാത്തിമ, ലിയോ, ജോമല്‍, നാദ പ്രിയ എന്നിവര്‍ ചടങ്ങില്‍ പങ്കെടുത്തു.

ശാസ്ത്രമേളയില്‍ സെന്‍റ് ജോസഫ്‌സ് എല്‍പിഎസിന് ഇരട്ടക്കിരീടം

കോടഞ്ചേരി: താമരശേരി ഉപജില്ല ശാസ്ത്ര -ഗണിത ശാസ്ത്രമേളകളില്‍ കോടഞ്ചേരി സെന്‍റ് ജോസഫ്‌സ് എല്‍.പി സ്‌കൂള്‍ ഓവറോള്‍ കിരീടം നേടി. വിദ്യാര്‍ഥികളെയും അധ്യാപകരെയും അനുമോദിച്ചു. പഞ്ചായത്ത് പ്രസിഡന്‍റ് അലക്‌സ് തോമസ് ചെമ്പകശേരി അനുമോദന യോഗം ഉദ്ഘാടനം ചെയ്തു. സെന്‍റ് മേരീസ് ചര്‍ച്ച് അസിസ്റ്റന്‍റ് വികാരി ഫാ. ജിയോ കടുകന്‍മാക്കല്‍, പി.ടി.എ പ്രസിഡന്‍റ് ആന്‍റണി ചൂരപൊയ്കയില്‍, പ്രധാനധ്യാപകന്‍ ജിബിന്‍ പോള്‍ എന്നിവര്‍ സംസാരിച്ചു. അധ്യാപകരായ അരുണ്‍ ജോസഫ്, ജോബി ജോസ്, സെബിന്‍ ഫ്രാന്‍സിസ് തുടങ്ങിയവര്‍ നേതൃത്വം നല്‍കി.

തദേശ തെരഞ്ഞെടുപ്പ്: സംവരണ വാര്‍ഡുകള്‍ നിശ്ചയിച്ചു

കോഴിക്കോട്: പന്തലായനി, കുന്ദമംഗലം, കോഴിക്കോട് ബ്ലോക്ക് പഞ്ചായത്തുകള്‍ക്കു കീഴിലുള്ള ഗ്രാമപഞ്ചായത്തുകളിലെ സംവരണ വാര്‍ഡുകള്‍ ജില്ലാ ജില്ലാ കളക്ടര്‍ സ്‌നേഹില്‍ കുമാര്‍ സിംഗ് നറുക്കെടുപ്പിലൂടെ തെരഞ്ഞെടുത്തു. പഞ്ചായത്ത്, സംവരണ വിഭാഗം, വാര്‍ഡ് നമ്പര്‍, വാര്‍ഡിന്‍റെ പേര് എന്നീ ക്രമത്തില്‍ അത്തോളി ഗ്രാമപഞ്ചായത്ത്: പട്ടികജാതി സ്ത്രീ സംവരണം: 4- അടുവാട്ട്, 18-വേളൂര്‍, പട്ടികജാതി സംവരണം: 9-അത്തോളിക്കാവ്. സ്ത്രീ സംവരണം: 1-മൊടക്കല്ലൂര്‍, 2- കൂമുള്ളി, 3-കോതങ്കല്‍, 5-കണ്ണിപ്പൊയില്‍, 7-പൂക്കോട്, 11-കൊങ്ങന്നൂര്‍ ഈസ്റ്റ്, 12പുല്ലില്ലാമല, 15-അത്തോളി. കൊടിയത്തൂര്‍ ഗ്രാമപഞ്ചായത്ത്:പട്ടികജാതി സ്ത്രീ സംവരണം: 1-തെയ്യത്തുംകടവ്. പട്ടികജാതി സംവരണം: 6-പള്ളിതാഴെ. സ്ത്രീ സംവരണം: 3-മാട്ടുമുറി, 4-ഗോതമ്പ് റോഡ്, 7-പുതിയനിടം, 8-എരഞ്ഞിമാവ്, 10-ഉച്ചക്കാവ്, 15-ചെറുവാടി, 17-വെസ്റ്റ് കൊടിയത്തൂര്‍, 18-സൗത്ത് കൊടിയത്തൂര്‍, 19-കൊടിയത്തൂര്‍. കാരശ്ശേരി ഗ്രാമപഞ്ചായത്ത്:പട്ടികജാതി സ്ത്രീ സംവരണം: 9-കളരിക്കണ്ടി, പട്ടികജാതി സംവരണം: 13-നെല്ലിക്കാപറമ്പ്. സ്ത്രീ സംവരണം: 2-കാരമൂല വെസ്റ്റ്, 4-വല്ലത്തായ്പാറ, 6-തോട്ടക്കാട്, 7-തേക്കുംകുറ്റി, 8-അള്ളി, 10-മൈസൂര്‍മല, 15-വലിയപറമ്പ്, 19-മുരിങ്ങംപുറായ്, 20-ആനയാംകുന്ന് വെസ്റ്റ്. കുന്ദമംഗലം ഗ്രാമപഞ്ചായത്ത്:പട്ടികജാതി സ്ത്രീ സംവരണം: 16-പൈങ്ങോട്ടുപുറം ഈസ്റ്റ്. പട്ടികജാതി സംവരണം: 1-പതിമംഗലം. സ്ത്രീ സംവരണം: 3-പിലാശ്ശേരി, 4-പൊയ്യ, 7-മുറിയനാല്‍, 8-കുന്നമംഗലം ഈസ്റ്റ്, 9-ചെത്തുകടവ് നോര്‍ത്ത്, 12-ചാത്തന്‍കാവ് സൗത്ത്, 13-ചാത്തന്‍കാവ് നോര്‍ത്ത്, 18-പൈങ്ങോട്ടുപുറം, 19-കൊളായ് താഴം, 21-കാരന്തൂര്‍ ഈസ്റ്റ്, 22-കാരന്തൂര്‍ നോര്‍ത്ത്. മുനിസിപ്പാലിറ്റികളിലെ സംവരണ സീറ്റുകള്‍ കൊയിലാണ്ടി മുനിസിപ്പാലിറ്റി: പട്ടികജാതി സ്ത്രീ സംവരണം: 10-പാവുവയല്‍, 27-കണയങ്കോട്. പട്ടികജാതി സംവരണം: 35-ചാലില്‍ പറമ്പ്. സ്ത്രീ സംവരണം: 2-മരളൂര്‍, 4-കൊടക്കാട്ടുമുറി ഈസ്റ്റ്, 6-അട്ടവയല്‍, 15-പന്തലായനി സൗത്ത്, 17-പെരുവട്ടൂര്‍ സൗത്ത്, 19-കുറുവങ്ങാട് സെന്‍ട്രല്‍, 21-മുത്താമ്പി, 22-തെറ്റിക്കുന്ന്, 23-കാവുംവട്ടം, 24-മൂഴിക്ക് മീത്തല്‍, 25-മരുതൂര്‍, 28-വരകുന്ന്, 30-മണമല്‍, 34-കൊരയങ്ങാട്, 36-ചെറിയമങ്ങാട്, 37-വിരുന്നുകണ്ടി, 38-കൊയിലാണ്ടി സൗത്ത്, 40-കൊയിലാണ്ടി ടൗണ്‍, 41-കൊയിലാണ്ടി നോര്‍ത്ത്, 44-ഊരാംകുന്ന്, 45-കൊല്ലം വെസ്റ്റ്. കൊടുവള്ളി മുനിസിപ്പാലിറ്റി:പട്ടികജാതി സ്ത്രീ സംവരണം: 5-പോര്‍ങ്ങോട്ടൂര്‍. പട്ടികജാതി സംവരണം: 22-വെണ്ണക്കാട്. സ്ത്രീ സംവരണം: 1-പനക്കോട്, 2-വാവാട് വെസ്റ്റ്, 3-വാവാട് ഈസ്റ്റ്, 4-പൊയിലങ്ങാടി, 6-കളരാന്തിരി നോര്‍ത്ത്, 10-മാനിപുരം, 12-കരീറ്റിപറമ്പ് വെസ്റ്റ്, 14-വാരിക്കുഴിത്താഴം, 15-ചുണ്ടപ്പുറം, 18-കരുവന്‍പോയില്‍ ഈസ്റ്റ്, 19-തലപ്പെരുമണ്ണ, 21-കരൂഞ്ഞി, 23-മദ്രസ ബസാര്‍, 25-കൊടുവള്ളി ടൗണ്‍, 28-നരൂക്ക്, 33-ആനപ്പാറ, 34-നെല്ലാങ്കണ്ടി, 37-എരഞ്ഞോണ. മുക്കം മുനിസിപ്പാലിറ്റി:പട്ടികജാതി സ്ത്രീ സംവരണം: 8-നീലേശ്വരം, 15-മാമ്പറ്റ, 25-മണാശ്ശേരി വെസ്റ്റ്. പട്ടികജാതി സംവരണം: 7-നെല്ലിക്കാപൊയില്‍, 12-അഗസ്ത്യന്‍മുഴി. സ്ത്രീ സംവരണം: 1-നടുകില്‍, 3-കല്ലുരുട്ടി സൌത്ത്, 4-കല്ലുരുട്ടി നോര്‍ത്ത്, 5-തോട്ടത്തിന്‍കടവ്, 6-തോട്ടത്തിന്‍കടവ് സൗത്ത്, 10-തടപ്പറമ്പ്, 14-കുറ്റിപ്പാല, 20-ചേന്ദമംഗല്ലൂര്‍, 21-പുല്‍പറമ്പ്, 22-പൊറ്റശ്ശേരി, 26-കരിയാക്കുളങ്ങര, 27-കയ്യേരിക്കല്‍, 33-മുണ്ടുപാറ, 34-പൂളപ്പൊയില്‍.

‘യുഡിഎഫിലെ വല്യേട്ടന്‍ കളി അവസാനിപ്പിക്കണം'

പേരാമ്പ്ര: പൊതു പരിപാടി വേദികളില്‍ ഘടക കക്ഷികളെ അംഗീകരിക്കാതെയുള്ള യുഡിഎഫിലെ വല്യേട്ടന്‍ കളി അവസാനിപ്പിക്കണമെന്ന് കേരളാ കോണ്‍ഗ്രസ് (ജേക്കബ്) കോഴിക്കോട് ജില്ലാ ജനറല്‍ സെക്രട്ടറി രാജന്‍ വര്‍ക്കി, കേരളാ യൂത്ത് ഫ്രണ്ട് ജില്ലാ പ്രസിഡന്‍റ് ഷെഫീഖ് തറോപ്പൊയില്‍ എന്നിവര്‍ ആവശ്യപ്പെട്ടു. വലിപ്പ ചെറുപ്പ വ്യത്യാസമില്ലാതെ പൊതു വേദികളില്‍ ഘടക കക്ഷികളെ എല്‍ഡിഎഫ് നേതൃത്വം പരിഗണിക്കുന്നത് എങ്ങനെയെന്ന് കോണ്‍ഗ്രസും ലീഗും കണ്ടു പഠിക്കണം. പേരാമ്പ്ര ഡിവൈഎസ്പി ഓഫീസിനു മുമ്പില്‍ യുഡിഎഫ് ജില്ലാ കമ്മറ്റി സംഘടിപ്പിച്ച സത്യഗ്രഹ പരിപാടിയില്‍ കേരളാ കോണ്‍ഗ്രസ് (ജേക്കബ്) പാര്‍ട്ടി ഉള്‍പ്പടെ പല ഘടക കക്ഷികളുടെയും പേരുകള്‍ ഉച്ചരിക്കാന്‍ പോലും വല്യേട്ടന്‍മാര്‍ തയാറായില്ലെന്നും നേതാക്കള്‍ ആരോപിച്ചു.

എസ്തര്‍ ലിസ്ബത്തിനെ ആദരിച്ചു

തിരുവമ്പാടി: കാലിക്കട്ട് യൂണിവേഴ്‌സിറ്റി എംഎ പൊളിറ്റിക്കല്‍ സയന്‍സ് പരീക്ഷയില്‍ ഒന്നാം റാങ്ക് ലഭിച്ച തിരുവമ്പാടി ഇടവകയിലെ മണ്ഡപത്തില്‍ എസ്തര്‍ ലിസ്ബത്ത് മാത്യുവിനെ താമരശേരി രൂപത മരിയന്‍ പ്രോലൈഫ് മൂവ്‌മെന്‍റിന്‍റെ കീഴിലെ സെന്‍റ് ജിയന്ന പ്രോലൈഫ് ചാരിറ്റബിള്‍ ട്രസ്റ്റ് ആദരിച്ചു. താമരശേരി ബിഷപ് മാര്‍ റെമീജിയോസ് ഇഞ്ചനാനിയില്‍ ഉപഹാരം നല്‍കി. മാത്യു- ജെയിന്‍ ദമ്പതികളുടെ മകളാണ് എസ്തര്‍ ലിസ്ബത്ത് മാത്യു. ചടങ്ങില്‍ മരിയന്‍ പ്രോലൈഫ് മൂവ്‌മെന്‍റ് ഡയറക്ടര്‍ ഫ. ജോസ് പെണ്ണാപറമ്പില്‍, പ്രസിഡന്‍റ് സജീവ് പുരയിടത്തില്‍, സെക്രട്ടറി ജോണ്‍സണ്‍ തെങ്ങുംതോട്ടത്തില്‍, ട്രഷറര്‍ ടോമി പ്ലാത്തോട്ടം, ഇമ്മാനുവല്‍ മരുതോങ്കര, നൈജില്‍ പുരയിടത്തില്‍, സെമിലി അറക്കപറമ്പില്‍, വിനോദ് വെട്ടത്ത്, തോമസ് പുത്തന്‍പുരയില്‍ എന്നിവര്‍ സന്നിഹിതരായിരുന്നു.

സ്നേഹത്തണലിൽ അനുദേവിന്‍റെ പൊന്‍ തിളക്കം

കോഴിക്കോട്: ഒരുപാട് പേരുടെ സ്നേഹത്തിന്‍റെയും കരുതലിന്‍റെയും ഫലമായിരുന്നു പുല്ലൂരാംപാറ സെന്‍റ് ജോസഫ്സ് എച്ച്എസിലെ അനുദേവിന്‍റെ വിജയം. 100 മീറ്റർ ജൂനിയർ ഓട്ടത്തിലിയിരുന്നു ഇന്നലെ അനുദേവ് കളത്തിലിറങ്ങിയത്. സാന്പത്തികമായി വളരെയധികം ബുദ്ധിമുട്ട് നേരിടുന്ന അനുദേവിന് മലബാർ സ്പോർട്സ് അക്കാഡമിയിലെ കോച്ച് എം.എസ് അനന്തുവും മറ്റ് സീനിയർ അത്‌ലറ്റ്സും ചേർന്ന് വാങ്ങിയ സ്പൈക്കുമായാണ് കളത്തിലിറങ്ങിയത്. എല്ലാവരുടെ സ്നേഹത്തിന്‍റെ കരുത്തിൽ കുതിച്ച അനുദേവ് മികച്ച പ്രകടനം കാഴ്ച വച്ച എല്ലാവരുടെ പ്രതീക്ഷ നിറവേറ്റി. വിദ്യാർഥിയുടെ കഴിവ് മനസിലാക്കിയതുകൊണ്ടാണ് 20000 രൂപ ചെലവ് വരുന്ന സ്പൈക്ക് വാങ്ങാൻ ഏവരും തയാറായതെന്ന് കോച്ച് അനന്തു പറഞ്ഞു. വളയം നെരുവമ്മൽ സ്വദേശികളായ ചന്ദ്രന്‍റെയും -ബേബിയുടെയും മകനാണ് അനുദേവ്. കൂലിപണിക്കാരനായ ചന്ദ്രന്‍റെ വരുമാണ് ഈ കുടുംബത്തിന്‍റെ ഏക ആശ്രയം. ബുദ്ധിമുട്ടുണ്ടെങ്കിലും മകന്‍റെ സ്വപ്നങ്ങൾക്ക് പൂർണ പിന്തുണയാണ് ഇവർ നൽകുന്നത്. ഇന്ന് 200 മീറ്റർ ഓട്ടത്തിൽ മത്സരിക്കുന്ന അനുദേവ് സ്വർണം നേടുമെന്ന പ്രതീക്ഷയിലാണ് ഏവരും.

ഈ വെള്ളി മുക്കിക്കളയല്ലേ .. ഇതിന് പിന്നിലുണ്ട് വലിയ പോരാട്ടത്തിന്‍റെ കഥ

കോഴിക്കോട്: കായിക മേളയിലെ തന്‍റെ സ്വപ്നങ്ങൾക്ക് മുന്നിൽ നിന്ന പ്രതിസന്ധികളെ അതിജീവിച്ച് പ്രശാന്ത് നേടിയ വെള്ളി മെഡലിന് സ്വർണത്തേക്കാൾ തിളക്കം. എല്ലാ താരങ്ങളും സ്വർണം ലക്ഷ്യം വച്ച് പരിശീലിക്കുന്പോൾ പ്രശാന്ത് തന്‍റെ ആരോഗ്യം വീണ്ടെടുക്കാനുള്ള പോരാട്ടത്തിലായിരുന്നു. തന്‍റെ സ്കൂളിനായി സ്വർണ മെഡൽ നേടാനുള്ള കഠിന പ്രയത്നത്തിനിടെയാണ് രണ്ട് മാസം മുന്പ് പ്രശാന്തിന് വെരിക്കോസ് വെയിനിന്‍റെ പ്രശ്നം രൂക്ഷമായത്. ഇനിയും നീട്ടി വയ്ക്കാൻ സാധിക്കില്ലെന്ന് മനസിലാക്കിയ ഡോക്ടർമാർ ശസ്ത്രക്രിയ നടത്തി. ഡോക്ടർമാർ നിർദേശിച്ച ചികിത്സ കഴിഞ്ഞ് പരിശീലനത്തിന് ഇറങ്ങാൻ ഇരിക്കെയാണ് ചിക്കൻ ബോക്സിന്‍റെ വന്നത്. കായിക പരിശീലനം ആരംഭിക്കേണ്ട പ്രശാന്ത് വീണ്ടും ആശുപത്രിയിലേക്ക് മടങ്ങി. ശരീരവും മനസും തളർന്നു. ഇനി കായികമേളയിൽ പങ്കെടുക്കാൻ കഴിയില്ലെന്ന് പ്രശാന്തിന്‍റെ കുടുംബം ഉറപ്പിച്ചു. എന്നാൽ സ്വപ്നങ്ങളിൽ നിന്ന് പിന്തിരിയാൻ പ്രശാന്ത് തയാറായിരുന്നില്ല. രോഗ ലക്ഷണങ്ങൾ അവസാനിച്ച ഉടനെ പരിശീലനം ആരംഭിച്ചു. ഒരു ദിവസം രണ്ടു നേരമായി മണിക്കൂറുകളോളം വിയർപ്പൊഴുക്കി. കളിക്കളത്തിൽ ഇറങ്ങാൻ കഴിയില്ലെന്ന് പറഞ്ഞവർ‌ക്ക് മുന്നിൽ സീനിയർ 800 മീറ്ററിൽ വെള്ളി മെഡലുമായാണ് പ്രശാന്ത് മടങ്ങിയത്. കൂടാതെ 4 x400 മീറ്റർ റിലെയിലും സ്വർണം സ്വന്തമാക്കി. പൂല്ലൂരാംപാറ സെന്‍റ് ജോസഫ്സ് എച്ച്എസിലെ പ്ലസ് വൺ വിദ്യാർഥിയാണ് പ്രശാന്ത്.

പുല്ലൂരാംപാറ കുലുങ്ങില്ല : കായിക മേളയ്ക്ക് ഇന്ന് സമാപനം

കോഴിക്കോട്: കായിക മേളയുടെ രണ്ടാം ദിനം അവസാനിച്ചപ്പോൾ പുല്ലൂരാംപാറ സെന്‍റ് ജോസഫ്സ് എച്ച്എസ് ബഹുദൂരം മുന്നിൽ. 158 പോയിന്‍റാണ് പുല്ലൂരാംപാറയ്ക്കുള്ളത്. 79 പോയിന്‍റുമായി കുളത്തുവയൽ സെന്‍റ് ജോർജ് എച്ച്എസ്എസ് രണ്ടാമതും 32 പോയിന്‍റുമായി മേപ്പയ്യൂർ ജിവിഎച്ച്എസ്എസ് മൂന്നാം സ്ഥാനത്തുമാണ്. 22 സ്വർ‌ണം 14 വെള്ളി ആറ് വെങ്കലം എന്നിങ്ങനെ നേടിയാണ് പുല്ലൂരാംപാറ സെന്‍റ് ജോസഫ്സ് എച്ച്എസ് ഒന്നാം സ്ഥാനം ഉറപ്പിച്ചത്. കുളത്തുവയൽ സെന്‍റ് ജോർജ് എച്ച്എസ്എസ് 10 സ്വർണം എട്ട് വെള്ളി അഞ്ച് വെങ്കലം നേടിയപ്പോൾ നാല് സ്വർണം മൂന്ന് വെള്ളി മൂന്ന് വെങ്കലം എന്നിങ്ങനെ മേപ്പയ്യൂർ ജിവിഎച്ച്എസ്എസും സ്വന്തമാക്കി. സബ് ജില്ലാ തലത്തിൽ മുക്കം ഉപജില്ല 229 പോയിന്‍റുമായി മുന്നേറ്റം തുടരുകയാണ്. തൊട്ടുപിന്നിലായി 147 പോയിന്‍റുമായി പേരാന്പ്ര ഉപജില്ല രണ്ടാം സ്ഥാനത്തും 43 പോയിന്‍റുമായി ചേവായൂർ ഉപജില്ല മൂന്നാം സ്ഥാനത്തുമാണ്. 29 സ്വർണം 16 വെള്ളി എട്ട് വെങ്കലവുമാണ് മുക്കം ഉപജില്ലയുടെ ശേഖരത്തിലുള്ളത്. 15 സ്വർണം 12 വെള്ളി 11 വെങ്കലം പേരാന്പ്ര ഉപജില്ല കരസ്ഥമാക്കിയപ്പോൾ നാല് സ്വർണം അഞ്ച് വെള്ളി അഞ്ച് വെങ്കലം ചേവായൂർ ഉപജില്ലയും സ്വന്തമാക്കി. 200 മീറ്റർ ഓട്ട മത്സരവും 400 മീറ്റർ ഹർഡിൽസ് മത്സരങ്ങളുമാണ് ഇന്നത്തെ പ്രധാന ഇനങ്ങൾ. മത്സരങ്ങൾ ഇന്ന് സമാപിക്കുന്നതിനാൽ പുല്ലൂരാംപാറ സെന്‍റ് ജോസഫ്സ് എച്ച്എസും മുക്കം ഉപജില്ലയും ചാന്പ്യൻഷിപ്പ് ഉറപ്പിച്ചു. ‘അമർജിത്ത്’ അമ്മയുടെ ഹീറോ, ജില്ലയുടെയും സീനിയർ 100 മീറ്റർ ഓട്ടം ആവേശകരമായി സമാപിച്ചപ്പോൾ സ്വർണം സ്വന്തമാക്കിയ അമർജിത്ത് നേരെ ഓടിയത് തന്‍റെ അമ്മ ഷൈജക്ക് അടുത്തേക്കായിരുന്നു. അച്ഛൻ നാല് വർഷം മുൻപ് മരിച്ചതിന് ശേഷം അമ്മയാണ് അമർജിത്തിന്‍റെ എല്ലാ കാര്യങ്ങളും നോക്കിയത്. അച്ഛനിലാത്തതിന്‍റെ വിഷമം അറിയിക്കാതെയാണ് ആ അമ്മ മക്കളെ വളർത്തിയത്. സാന്പത്തികമായി പ്രതിസന്ധി നേരിടുന്ന ഈ കുടുംബത്തിന്‍റെ ഏക സന്തോഷമാണ് മകന്‍റെ ട്രാക്കിലെ വിജയങ്ങൾ. 100 മീറ്റർ സീനിയർ ഓട്ടം കൂടാതെ 110 മീറ്റർ സീനിയർ ഹർഡിൽസിലും അമർജിത്തിനാണ് സ്വർണം. തുടർച്ചയായി മൂന്ന് വർഷമായി അമർജിത്ത് തന്നെയാണ് ഈ ഇനങ്ങളിൽ സ്വർണം സ്വന്തമാക്കിയത്. പ്രൈവറ്റ് ലാബിലെ ജീവനക്കാരിയായ അമ്മയുടെ ഏക വരുമാനത്തിലാണ് അമർജിത്ത് കായിക മേഖലയിലെ പ്രകടനമികവ് മുന്നോട്ടുകൊണ്ടു പോകുന്നത്. പ്രതിസന്ധിഘടങ്ങളിൽ മെഡിക്കൽ കോളജ് അക്കാഡമിയിലെ കോച്ച് അവിനാഷിന്‍റെയും സുഹൃത്തുക്കളുടെയും പിന്തുണയാണ് സഹായകമാകുന്നത്. സാവിയോ എച്ചഎസിലെ പ്ളസ് ടു വിദ്യാർഥിയാണ് അമർജിത്ത്.

ബാലുശേരി, ചേളന്നൂര്‍, കൊടുവള്ളി ബ്ലോക്കുകളിലെ പഞ്ചായത്ത് സംവരണ വാര്‍ഡുകള്‍ നിശ്ചയിച്ചു

കോഴിക്കോട്: ബാലുശേരി, ചേളന്നൂര്‍, കൊടുവള്ളി ബ്ലോക്കുകള്‍ക്കു കീഴിലുള്ള പഞ്ചായത്തുകളിലെ സംവരണ വാര്‍ഡുകള്‍ ജില്ലാ ജില്ലാ കളക്ടര്‍ സ്നേഹില്‍ കുമാര്‍ സിംഗ് നറുക്കെടുപ്പിലൂടെ തെരഞ്ഞെടുത്തു. പഞ്ചായത്ത്, സംവരണ വിഭാഗം, വാര്‍ഡ് നമ്പര്‍, വാര്‍ഡിന്‍റെ പേര് എന്നീ ക്രമത്തില്‍ ബാലുശ്ശേരി ഗ്രാമപഞ്ചായത്ത് : പട്ടികജാതി സ്ത്രീ സംവരണം: 15-എരമംഗലം സൗത്ത്.പട്ടികജാതി സംവരണം: 12-കോക്കല്ലൂര്‍ ഈസ്റ്റ്.സ്ത്രീ സംവരണം: 2-തുരുത്യാട്, 3-മുല്ലോളിത്തറ, 5-പുത്തൂര്‍വട്ടം, 6-ബാലുശ്ശേരി വെസ്റ്റ്, 8-ബാലുശ്ശേരി സൗത്ത്, 9-പനായി, 13-കോക്കല്ലൂര്‍, 16-കുന്നക്കൊടി. പനങ്ങാട് ഗ്രാമപഞ്ചായത്ത് : പട്ടികജാതി സ്ത്രീ സംവരണം: 17-കരയത്തൊടി, 19-നിര്‍മ്മല്ലൂര്‍പട്ടികജാതി സംവരണം: 3-വയലടസ്ത്രീ സംവരണം: 1-കണ്ണാടിപ്പൊയില്‍, 4-താഴെതലയാട്, 7-മങ്കയം, 12-ചിന്ത്രമംഗലം, 14-അറപ്പീടിക, 15-മുണ്ടക്കര, 16-തിരുവാഞ്ചേരിപൊയില്‍, 18-കാട്ടംവള്ളി, 21-കറ്റോട്. കൂരാച്ചുണ്ട് ഗ്രാമപഞ്ചായത്ത്: പട്ടികജാതി സംവരണം: 10-ചാലിടം.സ്ത്രീ സംവരണം: 1-ഓഞ്ഞില്‍, 2-ശങ്കരവയല്‍, 4-കാളങ്ങാലി, 6-കക്കയം, 8-തോണിക്കടവ്, 11-പൂവത്തുംചോല, 14-കാറ്റുള്ളമല. തിരുവമ്പാടി ഗ്രാമപഞ്ചായത്ത്: പട്ടികജാതി സംവരണം: 9-തിരുവമ്പാടി ടൗണ്‍. സ്ത്രീ സംവരണം: 2-കാവുങ്കല്ലേല്‍, 3- ആനക്കാംപൊയില്‍, 4-കൊടക്കാട്ടുപാറ, 11-മരക്കാട്ടുപുറം, 13-താഴെതിരുവമ്പാടി, 14-അമ്പലപ്പാറ, 15-കറ്റിയാട്, 16-പാമ്പിഴഞ്ഞപാറ, 17-പാലക്കടവ്, 18-തമ്പലമണ്ണ. കൂടരഞ്ഞി ഗ്രാമപഞ്ചായത്ത്: പട്ടികജാതി സംവരണം: 12-കൂടരഞ്ഞി ടൗണ്‍പട്ടിക വര്‍ഗ സംവരണം: 15-താഴെ കൂടരഞ്ഞിസ്ത്രീ സംവരണം: 1-കരിങ്കുറ്റി, 2-കുളിരാമുട്ടി, 7-കൂമ്പാറ, 9-ആനയോട്, 10-വീട്ടിപ്പാറ, 11-പനക്കച്ചാല്‍, 13-കൊമ്മ, 14-പട്ടോത്ത്. പുതുപ്പാടി ഗ്രാമപഞ്ചായത്ത്: പട്ടികജാതി സ്ത്രീ സംവരണം: 15-കൊട്ടാരക്കോത്ത്പട്ടികജാതി സംവരണം: 6-അടിവാരംസ്ത്രീ സംവരണം: 1-കണ്ണപ്പന്‍കുണ്ട്, 3-വള്ളിയാട്, 4-മുപ്പതേക്ര, 9-മണല്‍വയല്‍, 14-കുപ്പായക്കോട്, 17-പെരുമ്പള്ളി, 20-ഈങ്ങാപ്പുഴ, 21-പുതുപ്പാടി സെന്‍ട്രല്‍, 22-വാനിക്കര, 23-കാക്കവയല്‍, 24-കരികുളം. താമരശ്ശേരി ഗ്രാമപഞ്ചായത്ത്: പട്ടികജാതി സ്ത്രീ സംവരണം: 17-കെടവൂര്‍ ഈസ്റ്റ്പട്ടികജാതി സംവരണം: 10-കുടുക്കിലുമ്മാരംസ്ത്രീ സംവരണം: 5-ചുങ്കം സൗത്ത്, 6-വെഴുപ്പൂര്‍, 7-താമരശ്ശേരി, 9-രാരോത്ത്, 12-അണ്ടോണ, 13-പരപ്പന്‍പൊയില്‍ ഈസ്റ്റ്, 14-പരപ്പന്‍പൊയില്‍ വെസ്റ്റ്, 15-ചെമ്പ്ര, 16-ഓടക്കുന്ന്, 19-കെടവൂര്‍ വെസ്റ്റ്. ഓമശ്ശേരി ഗ്രാമപഞ്ചായത്ത്: പട്ടികജാതി സ്ത്രീ സംവരണം: 5-കാട്ടുമുണ്ടപട്ടികജാതി സംവരണം: 3-ചെമ്മരുതായ്സ്ത്രീ സംവരണം: 2-ചാമോറ, 7-ഓമശ്ശേരി ഈസ്റ്റ്, 9-അമ്പലക്കണ്ടി, 10-വെണ്ണക്കോട്, 11-കൈവേലിമുക്ക്, 14-കൊളത്തക്കര, 16-പാലക്കുന്ന്, 17-പുത്തൂര്‍, 18-മുടൂര്‍, 22-കൂടത്തായ് സൗത്ത്. കട്ടിപ്പാറ ഗ്രാമപഞ്ചായത്ത്: പട്ടികജാതി സ്ത്രീ സംവരണം: 8-ചമല്‍ സൗത്ത്പട്ടികജാതി സംവരണം: 10-പൂല്ലാഞ്ഞിമേട്സ്ത്രീ സംവരണം: 2-അമരാട്, 4-ചമല്‍ നോര്‍ത്ത്, 6- പൂലോട്, 9-കന്നൂട്ടിപ്പാറ, 12-വെട്ടിയൊഴിഞ്ഞതോട്ടം, 13-അര്യംക്കുളം, 14-കോളിക്കല്‍, 17-കട്ടിപ്പാറ. കോടഞ്ചേരി ഗ്രാമപഞ്ചായത്ത്: പട്ടികജാതി സംവരണം: 7-കൂരോട്ടുപാറപട്ടികവര്‍ഗ്ഗ സംവരണം: 2-നൂറാംതോട്സ്ത്രീ സംവരണം: 5-മീമ്മുട്ടി, 9-വലിയകൊല്ലി, 11-മുറംപാത്തി, 12-വേളംകോട്, 13-മൈക്കാവ്, 14-കരിമ്പാലക്കുന്ന്, 15-കാഞ്ഞിരാട്, 16-നിരന്നപാറ, 18-തെയ്യപ്പാറ, 19-കണ്ണോത്ത് സൗത്ത്, 21-കളപ്പുറം.

'കേരള കോണ്‍ഗ്രസ് എമ്മിനെ കണ്ട് യുഡിഎഫ് പനിക്കേണ്ട'

കോഴിക്കോട്: നാഴികയ്ക്ക് നാല്‍പത് വട്ടം കേരള കോണ്‍ഗ്രസ് എമ്മിനെ യുഡിഎഫിലേക്ക് ക്ഷണിക്കുന്നവര്‍ ഈ കട്ടില് കണ്ട് പനിക്കേണ്ടെന്ന് കേരള കോണ്‍ഗ്രസ് എം സംസ്ഥാന ജനറല്‍ സെക്രട്ടറി സജി കുറ്റിയാനിമറ്റം അഭിപ്രായപ്പെട്ടു. കേരള കോണ്‍ഗ്രസ് എം കോഴിക്കോട് ജില്ലാ പ്രസിഡന്‍റ് ടി.എം. ജോസഫ് നയിക്കുന്ന കോര്‍പറേഷന്‍ തല വികസന സന്ദേശ യാത്ര ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കെ.എം. പോള്‍സണ്‍ അധ്യക്ഷത വഹിച്ചു. കൗണ്‍സിലര്‍ ഇ.എം. സോമന്‍, വിനോദ് കിഴക്കയില്‍, റുക്കിയ ബിവി, രതീഷ് വടക്കേടം, ഷിനോജ് പുളിയോളി, വില്യം കെ. തോമസ്, അബ്ദുള്‍ റസാക് മായനാട്, അരുണ്‍ തോമസ്, പ്രഥിരാജ് നാറാത്ത്, പ്രഫ. ചാര്‍ളി കട്ടക്കയം, സിറിയക് മാത്യു, പി.പി. ഫിറോസ്, ആഷിക് വിശ്വനാഥന്‍, റീത്ത ജസ്റ്റ്യന്‍, റിനീഷ ആനശേരി എന്നിവര്‍ പ്രസംഗിക്കുന്നു.

പൊറോട്ട കച്ചവടത്തിന്‍റെ മറവില്‍ എംഡിഎംഎ വില്‍പന; യുവാവ് അറസ്റ്റില്‍

കോഴിക്കോട് : പൊറോട്ട കച്ചവടത്തിന്‍റെ മറവില്‍ എംഡിഎംഎ വില്‍പ്പന നടത്തിയ യുവാവ് കോഴിക്കോട്ട് അറസ്റ്റില്‍. ഫ്രാന്‍സിസ് റോഡിനടുത്ത് പി.പി ഹൗസിലെ കെ. ടി അഫാം(24) ആണ് അറസ്റ്റിലായത്. ഇയാളില്‍നിന്ന് വില്‍പനയ്ക്കായി സൂക്ഷിച്ച 30 ഗ്രാം എംഡിഎംഎ കണ്ടെടുത്തു. വീട്ടില്‍ വച്ച് പൊറോട്ട നിര്‍മിച്ചു സമീപത്തുള്ള ഹോട്ടലുകളില്‍ വിതരണം ചെയ്യലാണ് ഇയാളുടെ ജോലി. പൊറോട്ട വാങ്ങിക്കാന്‍ എന്ന വ്യാജേന പല ആളുകളും വീട്ടില്‍വന്ന് മയക്കുമരുന്ന് വാങ്ങിപ്പോകുന്നുണ്ട് എന്നുള്ള വിവരം പോലീസിന് ലഭിച്ചതിനെ തുടര്‍ന്ന് പ്രതിയും പ്രതിയുടെ വീടും പരിസരവും പോലീസിന്‍റെ നിരീക്ഷണത്തിലായിരുന്നു. തുടര്‍ന്ന് സിറ്റി ഡാന്‍സഫും ടൗണ്‍ പോലീസും ചേര്‍ന്ന് വീട് റെയ്ഡ് ചെയ്തതിനെ തുടര്‍ന്നാണ് ഇയാള്‍ പിടിയിലായത്. മയക്കുമരുന്നു കൂടാതെ ഇലക്ട്രോണിക് ത്രാസും പാക്ക്‌ചെയ്യാന്‍ ഉപയോഗിക്കുന്ന സിപ് ലോക്ക് കവറുകളും മയക്കുമരുന്ന് ഉപയോഗിക്കുന്നതിനു വേണ്ടിയുള്ള പൈപ്പും ഇയാളുടെ റൂമിലെ അലമാരയില്‍ നിന്ന് കണ്ടെടുത്തു. പ്രതി ആരില്‍ നിന്നെല്ലാമാണ് മയക്കുമരുന്ന് വാങ്ങുന്നതെന്നും ആര്‍ക്കെല്ലാം ആണ് ഇത് കച്ചവടം ചെയ്യുന്നത് എന്നും ഉള്ള വിവരങ്ങള്‍ ഇയാളില്‍ നിന്ന് പോലീസ് ശേഖരിച്ചുവരുന്നതായി പോലീസ് അറിയിച്ചു.സിറ്റിയുടെ പല ഭാഗങ്ങളിലുള്ള ചെറുപ്പക്കാര്‍ക്കും കോളജ് വിദ്യാര്‍ഥികള്‍ക്കുമാണ് മയക്കുമരുന്ന് കച്ചവടം നടത്തി വന്നിരുന്നത്.

ക്ഷേത്രകവര്‍ച്ച: പ്രതി അറസ്റ്റില്‍

താമരശേരി: കൊടുവള്ളി വാവാട് തെയ്യത്തിന്‍ കാവ് ഭഗവതി ക്ഷേത്രത്തില്‍ കവര്‍ച്ച നടത്തിയ പ്രതി പിടിയില്‍. വയനാട് പടിഞ്ഞാറത്തറ കുപ്പാടിത്തറ കുന്നത്ത് ഇജ്‌ലാല്‍ (33) ആണ് പോലീസ് പിടിയിലായത്. പ്രതിയെ സ്ഥലത്ത് എത്തിച്ച് പോലീസ് തെളിവെടുപ്പ് നടത്തി. ഇക്കഴിഞ്ഞ നാലാം തിയതി രാത്രിയാണ് വാവാട് തെയ്യത്തിന്‍കാവ് ഭഗവതി ക്ഷേത്രത്തിലെ ഓഫീസിന്‍റെ പൂട്ട് തകര്‍ത്ത് അകത്തു കടന്ന പ്രതി ക്ഷേത്ര ഓഫീസിലെ ഷെല്‍ഫില്‍ സൂക്ഷിച്ച 20,000 രൂപയും 10 ഗ്രാം സ്വര്‍ണവും കവര്‍ന്നത്. ഓഫീസിനകത്ത് സ്ഥാപിച്ചിരുന്ന സിസി ടിവിയുടെ ഡിവിആര്‍ മോഷ്ടിച്ച് സമീപത്തെ വീട്ടുമുറ്റത്തെ കിണറ്റില്‍ എറിയുകയും ചെയ്തു, തെളിവെടുപ്പില്‍ കിണറ്റില്‍ നിന്നും ഡിവിആര്‍ കണ്ടെത്തി. വിവിധ ജില്ലകളിലെ നിരവധി കവര്‍ച്ച കേസിലെ പ്രതിയാണ് ഇജ്‌ലാല്‍. വയനാട്ടില്‍ നടന്ന ഒരു മോഷണക്കേസില്‍ മീനങ്ങാടി പോലീസിന്‍റെ പിടിയിലായ പ്രതി ചോദ്യം ചെയ്യലിനിടെയാണ് വാവാട് അമ്പലത്തില്‍ മോഷണം നടത്തിയ വിവരം വെളിപ്പെടുത്തിയത്. 2022 ലും പ്രതി ഇതേ അമ്പലത്തില്‍ കവര്‍ച്ച നടത്തിയിരുന്നു. മീനങ്ങാടി പോലീസ് പിടികൂടിയ പ്രതിയെ കൊടുവള്ളി പോലീസ് കസ്റ്റഡിയില്‍ വാങ്ങിയാണ് തെളിവെടുപ്പിന് എത്തിച്ചത്.

ഭണ്ഡാര മോഷണം: പ്രതി പിടിയില്‍

കൊയിലാണ്ടി: ക്ഷേത്രത്തിലെ ഭണ്ഡാരം കുത്തിത്തുറന്ന് മോഷണം. മണിക്കുറുകള്‍ക്കകം പ്രതി പിടിയിലായി. നമ്പ്രത്തുകര വലിയെടുത്ത് മീത്തല്‍ അനീഷ് (42) ആണ് പിടിയിലായത്. നമ്പ്രത്ത്കര വെളിയണ്ണൂര്‍ തെരു ഗണപതി ക്ഷേത്രത്തിലെ ഭണ്ഡാരമാണ് കഴിഞ്ഞദിവസം പുലര്‍ച്ചെ മോഷ്ടിച്ചത്. മൂന്നു ഭണ്ഡാരങ്ങളാണ് കുത്തിത്തുറന്നത്. നവരാത്രികാലം മുതലുള്ള പണം ഭണ്ഡാരത്തില്‍ ഉണ്ടായിരുന്നു. ഒരു ഭണ്ഡാരം കുത്തിത്തുറന്നശേഷം സമീപത്തെ പറമ്പിലേക്ക് വലിച്ചെറിയുകയായിരുന്നു. രണ്ടെണ്ണം തകര്‍ത്തനിലയിലാണ്. പ്രതിയുടെ പേരില്‍ സമാനമായ കേസുള്ളതായി കൊയിലാണ്ടി പോലീസ് പറഞ്ഞു.

സൈബര്‍ ആക്രമണം: പോലീസുകാരന്‍റെ പരാതിയില്‍ കേസെടുത്തു

കോഴിക്കോട്: പേരാമ്പ്രയിലെ സംഘര്‍ഷത്തിനു പിന്നാലെ സൈബര്‍ ആക്രമണവുമായി ബന്ധപ്പെട്ട് പോലിസുകാരന്‍റെ പരാതിയില്‍ പോലീസ് കേസെടുത്തു. കോഴിക്കോട് സിറ്റി ഡിഎച്ച്ക്യുവിലെ പോലിസുകാരനായ പയ്യോളി സ്വദേശിയായ എം. വിഷ്ണു വല്‍സനാണ് ചേവായൂര്‍ പോലിസില്‍ പരാതി നല്‍കിയത്. സാമൂഹ്യ മാധ്യമങ്ങളില്‍ ക്രിമിനല്‍ എന്ന മുദ്രകുത്തി ഫോട്ടോ പ്രചരിപ്പിച്ച് ഭീഷണിപ്പെടുത്തുകയും അപമാനിക്കുകയും ചെയ്തതിനും സമൂഹത്തില്‍ സ്പര്‍ധ ഉണ്ടാക്കണമെന്ന ഉദേശത്തോടു കൂടി സമൂഹമാധ്യമത്തില്‍ ഫോട്ടോ പോസ്റ്റ് ചെയ്തതിനുമാണ് കേസ്. പേരാമ്പ്രയില്‍ ഡ്യൂട്ടിയിലുണ്ടായിരുന്ന പോലിസുകാരനാണെന്ന് തെറ്റിദ്ധരിച്ചാണ് പരാതിക്കാരനെതിരെ സൈബര്‍ ആക്രമണം നടത്തുന്നത്. സംഭവത്തില്‍ ചേവായൂര്‍ പോലിസ് അന്വേഷണം ആരംഭിച്ചു.

75.45 ലക്ഷത്തിന്‍റെ ഓണ്‍ലൈന്‍ തട്ടിപ്പ്: യുവാവിനെ സൈബര്‍ ക്രൈം പോലീസ് പിടികൂടി

കോഴിക്കോട്: ഷെയര്‍ മാര്‍ക്കറ്റില്‍ പണം നിക്ഷേപിച്ച് വന്‍ ലാഭമുണ്ടാക്കാമെന്ന് പറഞ്ഞുവിശ്വസിപ്പിച്ച് 75.45 ലക്ഷം രൂപ തട്ടിയ കേസിലെ പ്രതിയെ കോഴിക്കോട് സൈബര്‍ ക്രൈം പോലീസ് അറസ്റ്റു ചെയ്തു. ഫയേഴ്‌സ് എന്ന സ്റ്റോക്ക് ബ്രോക്കര്‍ ഗ്രൂപ്പിന്‍റെ പേരില്‍ വാട്‌സാപ് വഴി മെസേജുകള്‍ അയച്ചു ട്രേഡ് ചെയ്യുന്നതിനായി നിക്ഷേപമെന്ന രീതിയില്‍ കോഴിക്കോട് ചേവായൂര്‍ സ്വദേശിയുടെ 75,45,000 രൂപ തട്ടിയെടുത്ത തിരുവനന്തപുരം നെടുമങ്ങാട് സ്വദേശിയായ കെ. രാജ്കമലി (38)നെയാണ് അറസ്റ്റ് ചെയ്തത്. ഓണ്‍ലൈന്‍ ട്രേഡിംഗിന്‍റെ പേരില്‍ തട്ടിപ്പുകാര്‍ക്ക് വേണ്ടി രാജ്കമല്‍ ബാങ്ക് അക്കൗണ്ട് നല്‍കുകയും അക്കൗണ്ടിലേക്ക് അയച്ചു കിട്ടിയ 5,00,000 രൂപ ചെക്ക് ഉപയോഗിച്ച് പിന്‍വലിച്ച് തട്ടിപ്പുകാര്‍ക്ക് നല്‍കുകയുമായിരുന്നു. പണം നഷ്ടപ്പെട്ട വിവരം സൈബര്‍ ക്രൈം ഹെല്‍പ്‌ലൈന്‍ നമ്പറായ 1930 ല്‍ വിളിച്ച് പരാതിക്കാരന്‍ റിപ്പോര്‍ട്ട് ചെയ്തതിനെ തുടര്‍ന്ന് കോഴിക്കോട് സൈബര്‍ ക്രൈം പോലീസ് സ്റ്റേഷനില്‍ കേസ് രജിസ്റ്റര്‍ ചെയ്ത അന്വേഷണം നടത്തുകയായിരുന്നു. ഓണ്‍ലൈന്‍ തട്ടിപ്പുകാര്‍ക്ക് വേണ്ടി ബാങ്ക് അക്കൗണ്ട് എടുത്ത് ഉപയോഗിക്കുന്നവരെപ്പറ്റിയും പണം സ്വീകരിച്ച് ലാഭമെടുക്കുന്നവരെപ്പറ്റിയും കൂടുതല്‍ അന്വേഷണം നടത്തിവരുകയാണ്. പ്രതിയെ കോടതി 14 ദിവസത്തേക്ക് റിമാന്‍ഡ് ചെയ്തു. കോഴിക്കോട് സിറ്റി സൈബര്‍ ക്രൈം പോലീസ് സ്റ്റേഷന്‍ അസിസ്റ്റന്‍റ് കമ്മീഷണര്‍ ജി. ബാലചന്ദ്രന്‍റെ മേല്‍നോട്ടത്തില്‍ ഇന്‍സ്‌പെക്ടര്‍ കെ.കെ.ആഗേഷ്, സബ് ഇന്‍സ്‌പെക്ടര്‍ ടി.എം. വിനോദ് കുമാര്‍, എസ്‌സിപിഒ രാജേഷ് ജോര്‍ജ്, ജാനേഷ് കുമാര്‍, സിപിഒ ലിയോ ജോര്‍ജ് എന്നിവരടങ്ങുന്ന സംഘമാണ് കൊട്ടാരക്കര വാളകത്ത് വച്ച് പ്രതിയെ കസ്റ്റഡിയില്‍ എടുത്തത്.

കഠിന പ്രയത്നത്തിന്‍റെ വിജയം

കോഴിക്കോട്: 3000 മീറ്റർ ജൂനിയർ ഗേൾസ് ഓട്ട മത്സരം അവസാനിച്ചപ്പോൾ അത് കഠിന പ്രയത്നത്തിന്‍റെ വിജയമായി. കുളത്തുവയൽ സെന്‍റ് ജോർജ് എച്ച്എസ്എസിലെ ഒന്പതാം ക്ലാസ് വിദ്യാർഥി ശ്രേയ ലക്ഷ്മിയാണ് ചിട്ടയായ പരിശീലനത്തിലൂടെ വിജയം സ്വന്തമാക്കിയത്. മൂന്ന് വർഷമായി ശ്രേയ കായിക മേഖലയിൽ ശ്രദ്ധ കേന്ദ്രീകരിച്ചിട്ട്. രാവിലെയും വൈകുന്നരേവുമായി രണ്ടു നേരം പരിശീലനം. രാവിലെ ആറിന് തുടങ്ങുന്ന പരിശീലനം എട്ടിന് അവസാനിക്കും. പിന്നീട് വൈകുന്നേരം നാലിന് വീണ്ടും ആരംഭിക്കും ആറോടെ അവസാനിക്കും. ഒരു ദിവസം നാല് മണിക്കൂറാണ് പരിശീലനത്തിനായി ചെലവഴിക്കുന്നത്. കുളത്തുവയൽ സെന്‍റ് ജോർജിയൻ അക്കാഡമിയിലെ കായികാധ്യാപകൻ കെ.എം. പീറ്റർ, സ്കൂൾ കായികാധ്യാപക സിജി ജോസഫ് എന്നിവർ പൂർണ പിന്തുണയാണ് നൽകുന്നതെന്ന് ശ്രേയ പറഞ്ഞു.

പെൺകരുത്തായി അനന്യ

കോഴിക്കോട്: സബ് ജൂനിയർ ഷോട്ട് പുട്ട്, ഡിസക്കസ് ത്രോ എന്നീ മത്സരങ്ങളിൽ പുല്ലൂരാംപാറയുടെ പെൺ കരുത്തായി അനന്യ. രണ്ടിലും സ്വർണ മെഡലാണ് ഈ കൊച്ചുമിടുക്കി നേടിയത്. പഠനത്തിലും കായികമേഖലയിലും ഒരേ മികവോടെയാണ് അനന്യ മുന്നേറുന്നത്. പുല്ലൂരാംപാറ സെന്‍റ് ജോസഫ്സ് എച്ച്എസിലെ എട്ടാം ക്ലാസ് വിദ്യാർഥിയാണ് അനന്യ.

കൗതുകമായി ഇരട്ട കുട്ടികളുടെ വിജയം

കോഴിക്കോട്:കായികമേളയിലെ കൗതുക കാഴ്ചയായി ഡോണ, ഡെൽന എന്നീ ഇരട്ട സഹേദരികൾ. കാണാനുള്ള കൗതുകം മാത്രമല്ല, ട്രാക്കിലും മികച്ച പ്രകടമാണ് ഇരുവരും കാഴ്ച വച്ചത്. ആദ്യദിനം തന്നെ രണ്ടു പേരും മെഡൽ സ്വന്തമാക്കി. ഡോണ 3000 മീറ്റർ ജൂണിയർ ഓട്ടത്തിലും ഡെൽന 3000 മീറ്റർ സീനിയർ ഓട്ടത്തിലുമാണ് മത്സരിച്ചത്. ഇരുവരും രണ്ടാം സ്ഥാനം സ്വന്തമാക്കി വെള്ളി മെഡലുമായാണ് മടങ്ങിയത്. ജനനത്തിലുള്ള ഒത്തൊരുമ മെഡൽ നേട്ടത്തിലും ഇരുവരും കാണിച്ചു. പരസ്പരമുള്ള പിന്തുണയാണ് വിജയത്തിന് പിന്നിലെന്നും കോച്ചുമാരും ഒരുപാട് സഹായിച്ചുവെന്നും ഇരുവരും പറഞ്ഞു. പുല്ലൂരാംപാറ സെന്‍റ് ജോസഫ്സ് എച്ച്എസ്എസിലെ പ്ലസ് വൺ വിദ്യാർഥിയാണ് ഇരുവരും. നെല്ലിപൊയിൽ കൂരോട്ടുപാറ സ്വദേശികളായ ബൈജു- റെജി ദന്പതികളുടെ മക്കളാണ്.

കോഴിക്കോട് ജില്ലാ സ്‌കൂള്‍ കായിക മേളയ്ക്ക് തുടക്കമായി മുക്കം ഉപജില്ലയും പുല്ലൂരാംപാറ സ്കൂളും മുന്നിൽ

കോഴിക്കോട്: കോഴിക്കോട് ജില്ലാ റവന്യൂ സ്‌കൂള്‍ കായിക മേളയ്ക്ക് മെഡിക്കൽ കോളജ് ഒളിന്പ്യൻ റഹ്മാൻ സ്റ്റേഡിയത്തിൽ തുടക്കമായി. തോട്ടത്തിൽ രവീന്ദ്രൻ എംഎൽഎ കായികമേള ഉദ്ഘാടനം ചെയ്തു. സീനിയർ 3000 മീറ്റർ ആൺകുട്ടികളുടെ ഓട്ടത്തോടെയാണ് മേള ആരംഭിച്ചത്. ആദ്യദിനം മത്സരങ്ങൾ അവസാനിച്ചപ്പോൾ സെന്‍റ് ജോസഫ്സ് എച്ച്എസ് പുല്ലൂരാംപാറയാണ് 69 പോയിന്‍റുമായി മുന്നിൽ. 30 പോയിന്‍റുമായി സെന്‍റ് ജോർജ് എച്ച്എസ്എസ് കുളത്തുവയൽ രണ്ടാം സ്ഥാനവും 19 പോയിന്‍റുമായി മേപ്പയ്യൂർ ജിവിഎച്ച്എസ്എസ് മൂന്നാം സ്ഥാനത്തുമാണ്. 11 സ്വർണവും നാല് വെള്ളിയും രണ്ട് വെങ്കലവുമായാണ് പുല്ലൂരാംപാറ സ്കൂൾ ഒന്നാം സ്ഥാനത്ത് എത്തിയത്. നാല് സ്വർണം, മൂന്ന് വെള്ളി, ഒരു വെങ്കലവുമായി കുളത്തുവയൽ സെന്‍റ് ജോർജ് എച്ച്എസ്എസ് രണ്ടാം സ്ഥാനത്ത് എത്തിയപ്പോൾ മൂന്ന് സ്വർണം ഒരു വെള്ളി ഒരു വെങ്കലവുമായാണ് മേപ്പയ്യൂർ സ്കൂൾ മൂന്നാം സ്ഥാനത്ത് എത്തിയത്. സബ് ജില്ലാ തലത്തിൽ 100 പോയിന്‍റുമായി മുക്കം ഒന്നാം സ്ഥാനത്തും 38 പോയിന്‍റുമായി പേരാന്പ്ര രണ്ടാം സ്ഥാനത്തും 24 പോയിന്‍റുമായി ബാലുശേരി മൂന്നാം സ്ഥാനത്തുമാണ്. 14 സ്വർണം, നാല് വെള്ളി മൂന്ന് വെങ്കലം സ്വന്തമാക്കിയാണ് മുക്കം ഒന്നാം സ്ഥാനത്ത് എത്തിയത്. പേരാന്പ്ര ഉപജില്ല നാല് സ്വർണം നാല് വെള്ളി നാല് വെങ്കലം നേടിയപ്പോൾ ബാലുശേരി ഉപജില്ല രണ്ട് സ്വർണം മൂന്ന് വെള്ളി രണ്ട് വെങ്കലം എന്നിങ്ങനെ സ്വന്തമാക്കി. ഇന്ന് നടത്ത മത്സരത്തോടെ മേള ആരംഭിക്കും. നാളെയാണ് സമാപനം. 110 മീറ്റർ ഹർഡിൽസ് യുപിക്കാരൻ തൂക്കി കോഴിക്കോട്: ഹർഡിൽസിൽ മലയാളി കരുത്തിനെ പിന്നിലാക്കി ഉത്തർ പ്രദേശ് സ്വദേശി യഷ്‌വന്ത് സിംഗ് സ്വർണം സ്വന്തമാക്കി. 110 മീറ്റർ ഹർഡിൽസ് ജൂണിയർ വിഭാഗത്തിലാണ് യഷ്‌വന്ത് സിംഗ് സ്വർണം സ്വന്തമാക്കിയത്. ഉത്തർപ്രദേശിലെ വാരണാസിയിൽ നിന്ന് മൂന്ന് മാസം മുന്പാണ് യശ്വന്ത് കേരളത്തിലെത്തിയത്. കേരളത്തിലെ കാലവസ്ഥയോടെ പൊരുത്തപ്പെടുന്നതടക്കം നിരവധി പ്രതിസന്ധികളെ തരണം ചെയ്താണ് മെഡൽ സ്വന്തമാക്കിയത്. കാലിനേറ്റ പരിക്കും മികച്ച സമയം കുറിക്കുന്നതിൽ വിലങ്ങ് തടിയായി. 14.02 എന്ന തന്‍റെ മികച്ച പ്രകടനം മറികടക്കണമെന്നും ഒളിന്പിക്സിൽ പങ്കെടുത്ത് മെഡൽ സ്വന്തമാക്കണമെന്നാണ് ആഗ്രഹമെന്നും യഷ്‌വന്ത് പറഞ്ഞു. ഉത്തർ പ്രദേശുകാരനായ മനോജ് കുമാർ സിംഗിന്‍റെയും സുമൻ സിംഗിന്‍റെയും മകനാണ് യഷ്‌വന്ത്.

മാതാവിന്‍റെ കണ്‍മുമ്പില്‍ മൂന്നുവയസുകാരന്‍ വാഹനത്തിനടിയില്‍പെട്ട് മരിച്ചു

കൊടുവള്ളി: മാതാവിന്‍റെ കണ്‍മുമ്പില്‍ മൂന്നുവയസുകാരന്‍ വാഹനത്തിനടിയില്‍പെട്ട് മരിച്ചു. മാനിപുരം കളരാന്തിരി മാതാംവീട്ടില്‍ ചാല്‍പ്പോയില്‍ മുനീറിന്‍റെ മകന്‍ ഉവൈസ് ആണ് മരിച്ചത്. കഴിഞ്ഞദിവസം വൈകുന്നേരം സ്വന്തംവീടിന്‍റെ മുന്നില്‍വച്ചാണ് അപകടം നടന്നത്. യുകെജിയില്‍ പഠിക്കുന്ന സഹോദരിയെ കൂട്ടാനായി മാതാവ് ആരിഫയോടൊപ്പം സ്വകാര്യ സ്‌കൂള്‍ വാഹനത്തിന് അടുത്തേക്ക് പോയപ്പോഴാണ് അപകടം. മകളെ സ്‌കൂള്‍ വാഹനത്തില്‍ നിന്നും ഇറക്കി മാതാവ് ഡോര്‍ അടക്കുന്ന അവസരത്തില്‍ കൈവിട്ടു പോയ കുട്ടി വാനിനു മുന്നില്‍പ്പെട്ട് അപകടം സംഭവിക്കുകയായിരുന്നു. പിതാവ് മുനീര്‍ രണ്ടു ദിവസം മുമ്പാണ് വിദേശത്തേക്ക് പോയത്. സഹോദരങ്ങള്‍: അല്‍ഫനുജും, ശിഫ നുജും (ഇരുവരും കൊടുവള്ളി ജിഎച്ച്എസ്എസ് വിദ്യാര്‍ഥികള്‍), മിന്‍ഹനജും (മാനിപുരം ഒലീവ് ഇംഗ്ലീഷ് മീഡിയം സ്‌കൂള്‍).

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]